Gujarat Latest News Updated : કચ્છમાં GRD, SRDની ભરતી પ્રક્રિયા મોકૂફ

સલમાન ખાનને ધમકી આપવાનો કેસમાં તપાસ, મુંબઈ ક્રાઈમ બ્રાન્ચના વડોદરામાં ધામા 

સલમાન ખાનને ધમકી આપવાનો કેસમાં તપાસ શરૂ થઈ ચૂકી છે અને મુંબઈ ક્રાઈમ બ્રાન્ચએ વડોદરામાં ધામા નાખ્યા છે. વાઘોડિયાના રવાલ ગામેથી ધમકી ભર્યો મેસેજ કર્યો હતો, રવાલ ગામના મયંક પંડ્યાએ ધમકી ભર્યો મેસેજ કર્યો હતો. મયંક પંડ્યાની પોલીસે કલાકો સુધી પૂછપરછ કરી છે. પૂછપરછમાં યુવક માનસિક રોગી હોવાનો ખુલાસો થયો છે. 

200 દર્દીઓને બહાર કાઢવામાં આવ્યા

હોસ્પિટલમાં આગ લાગ્યા પછી, દર્દીઓના જીવ જોખમમાં મુકાયા હતા. ઘણા દર્દીઓ અટવાઈ ગયા છે. જોકે, ઘટનાસ્થળે પહોંચેલી ફાયર બ્રિગેડની ટીમે આગ ઓલવવાનું તેમજ દર્દીઓને બહાર કાઢવાનું શરૂ કર્યું છે. અત્યાર સુધીમાં 200 દર્દીઓને બહાર કાઢવામાં આવ્યા છે. ઘણા દર્દીઓ ફસાયેલા હોવાનું જાણવા મળી રહ્યું છે. અકસ્માતની માહિતી મળતાં જ ડેપ્યુટી સીએમ બ્રજેશ પાઠક ઘટનાસ્થળે પહોંચી ગયા હતા. આ સાથે ઉચ્ચ પોલીસ અને વહીવટી અધિકારીઓ પણ હાજર છે અને દરેક ક્ષણે પરિસ્થિતિની માહિતી લઈ રહ્યા છે.

ડેપ્યુટી સીએમ બ્રજેશ પાઠક પણ ઘટનાસ્થળે પહોંચી ગયા

હાલમાં ડીસીપી સાઉથ, ડીસીપી પૂર્વ અને ફાયર બ્રિગેડના અનેક વાહનો ઘટનાસ્થળે હાજર છે અને આગ ઓલવવાનો પ્રયાસ કરી રહ્યા છે. ડેપ્યુટી સીએમ બ્રજેશ પાઠક પણ ઘટનાસ્થળે પહોંચી ગયા છે. સીએમ યોગીએ ઘટનાસ્થળે હાજર ઉચ્ચ પોલીસ અને વહીવટી અધિકારીઓ પાસેથી પણ ઘટનાની માહિતી લીધી છે અને શક્ય તેટલી વહેલી તકે આગ પર કાબુ મેળવવાના નિર્દેશો આપ્યા છે. જણાવવામાં આવી રહ્યું છે કે સોમવારે રાત્રે લોકબંધુ હોસ્પિટલના બીજા માળે અચાનક આગ લાગી ગઈ હતી. થોડી જ વારમાં આખી હોસ્પિટલ ધુમાડાથી ભરાઈ ગઈ. હોસ્પિટલમાં હાજર સુરક્ષા કર્મચારીઓએ પોલીસ અને ફાયર બ્રિગેડને ઘટનાની જાણ કરી અને દર્દીઓને બહાર કાઢવાનું શરૂ કર્યું છે. માહિતી મળતા જ ફાયર બ્રિગેડની 6 ગાડીઓ લોકબંધુ હોસ્પિટલમાં પહોંચી ગઈ અને આગ ઓલવવાનું શરૂ કરી દીધું છે. આગ ઓલવવાની સાથે, ફાયર બ્રિગેડની ટીમે દર્દીઓને વોર્ડમાંથી બહાર કાઢવાનું પણ શરૂ કર્યું છે.

લખનૌની લોકબંધુ હોસ્પિટલમાં લાગી ભીષણ આગ, દર્દીઓને બહાર કાઢવાની કામગીરી શરૂ

લખનૌની લોકબંધુ હોસ્પિટલમાં અચાનક ભીષણ આગ લાગી છે, જેના કારણે હોસ્પિટલમાં અફરાતફરીનો માહોલ સર્જાયો છે. ઘણા દર્દીઓને હોસ્પિટલમાં દાખલ કરવામાં આવ્યા હતા, જે ફસાયા હોવાની આશંકા છે. ઘણી ફાયર ફાઈટરની ગાડીઓ ઘટનાસ્થળે પહોંચી ગઈ છે અને આગ ઓલવવાના પ્રયાસો ચાલુ છે. આગ લાગવાનું કારણ હજુ સુધી જાણી શકાયું નથી.

કોડીનાર સુત્રાપાડા રોડ પર અકસ્માત

કોડીનાર સુત્રાપાડા રોડ પર અકસ્માત સર્જાયો છે. રાખેજ ગામ નજીક ટ્રક પલટતા બે કચડાયા છે. કાર અને બાઇક વચ્ચે અકસ્માત થયો હતો. અકસ્માતને જોવા ઉભેલા ટોળા પર ટ્રક પલટી ગઈ છે. ટ્રક નીચે કચડાઇ જવાથી બેના મોત થયા છે.

કચ્છમાં GRD, SRDની ભરતી પ્રક્રિયા મોકૂફ

કચ્છમાં GRD, SRDની ભરતી પ્રક્રિયા મોકૂફ રાખવાનો પશ્ચિમ કચ્છ પોલીસ દ્વારા નિર્ણય લેવાયો છે. જિલ્લા પોલીસવડા દ્વારા મહિલા સભ્યોની ભરતી મોકૂફ રખાઈ છે, હિટવેવને લઈને હાલ પૂરતી શારીરિક કસોટી મોકૂફ રહેશે. ઉમેદવારોની સલામતીને ધ્યાનમાં રાખી SPએ નિર્ણય કર્યો છે. આગામી દિવસોમાં નવી તારીખ નક્કી કરવામાં આવશે. 

AAPએ ગુજરાત સંગઠનના પદાધિકારીઓના નામ જાહેર કર્યા

AAPએ ગુજરાત સંગઠનના પદાધિકારીઓના નામ જાહેર કર્યા છે. રાજ્યમાં 5 ઝોન બનાવી પ્રભારીઓની નિમણૂંક કરી છે. એક ઝોનમાં 5 લોકસભા બેઠકોનો સમાવેશ કરાયો છે. લોકસભા સીટ માટે પ્રભારી અને સહપ્રભારી નીમ્યા છે. વિધાનસભા બેઠકના પ્રભારી અને સહપ્રભારીની નિમણૂંક કરી છે. તમામ પદાધિકારીઓને સંગઠન નિર્માણની જવાબદારી સોંપી છે.

Congressના ડ્રગ્સના આરોપો પર ગૃહરાજ્યમંત્રીનો પલટવાર, કહ્યું કોંગ્રેસ પકડાવા ડ્રગ્સ ગયું હતું?

કોંગ્રેસ દ્વારા ડ્રગ્સના આરોપો લગાવવા મુદ્દે ગૃહ રાજ્યમંત્રી હર્ષ સંઘવએ પલટવાર કર્યો છે. કોંગ્રેસે ગુજરાત ડ્રગ્સનું પ્રવેશદ્વાર છે તેવો આરોપ લગાવ્યો હતો, ત્યારે હર્ષ સંઘવીએ સવાલ કરતા કહ્યું કે કોંગ્રેસ પકડાવા ગયું હતું ડ્રગ્સ? ગુજરાત એટીએસ અને કોસ્ટગાર્ડે 300 કિલો ડ્રગ્સ, જેની કિંમત 1800 કરોડ રૂપિયા થાય છે, આ ડ્રગ્સ ગુજરાતમાં ઘુસાડવાનો પ્લાન નિષ્ફળ બનાવ્યો છે.  વધુમાં હર્ષ સંઘવીએ કહ્યું કે ગુજરાત ATS, કોસ્ટ ગાર્ડએ 1,800 કરોડનું ડ્રગ્સ પકડ્યું છે. ગુજરાતના અધિકારીઓએ સફળતાપૂર્વક ઓપરેશન પાર પાડ્યું છે. અનેક દિવસો સુધી વોચ ગોઠવીને ડ્રગ્સ પકડવામાં આવે છે અને પાકિસ્તાનની નાપાક હરકતને રોકવામાં વધુ એક વખત સફળતા મળી છે. ડ્રગ્સ રાજનીતિનો વિષય નથી, CM ભુપેન્દ્ર પટેલે ડ્રગ્સ સામે જંગ છેડી છે. 

સુરતના કાપોદ્રામાં અકસ્માતમાં યુવકનું મોત

સુરતના કાપોદ્રામાં ટ્રકની અડફેટે આવતા એક બાઈક ચાલક યુવકનું મોત નિપજ્યું હતું. જ્યારે એક યુવકને ગંભીર ઈજાઓ થતાં સારવાર અર્થે હોસ્પિટલ ખસેડવામાં આવ્યો હતો. અકસ્માત બાદ ટ્રક ચાલક ઘટના સ્થળેથી ફરાર થઈ ગયો હતો. ઘટનાની જાણ થતાં જ પોલીસ પણ ઘટના સ્થળે પહોંચી હતી. મૃતક યુવકના મૃતદેહને પોસ્ટમોર્ટમ અર્થે ખસેડવા તજવીજ હાથ ધરી હતી. અકસ્માતની ઘટનાને કારણે ટ્રાફિકજામની સ્થિતિ સર્જાઈ હતી. 

મોરબીમાં પેટકોક કૌભાંડનો મુખ્ય આરોપી ઝડપાયો

મોરબીમાં પેટકોક કૌભાંડનો મુખ્ય આરોપી ઝડપાયો હતો. અમદાવાદ એરપોર્ટથી ફરાર થઈ રહેલા આરોપી ચંદુભાઈ હુંબલને ઝડપી લેવામાં આવ્યો હતો. 2024માં મોરબીમાંથી કોલસા કૌભાંડ ઝડપાયું હતું. ઈમ્પોર્ટ કોલસામાં ભેળસેળ કરીને રાજસ્થાનમાં વેચાણ થતું હતું. એસએમસીએ રેડ પાડીને કોલસા કૌભાંડ ઝડપ્યું હતું. આરોપી ભગીરથ હુંબલ દરોડા બાદ ફરાર થઈ ગયો હતો. આ કૌભાંડમાં અત્યાર સુધીમાં 19 આરોપીઓ ઝડપાયા છે.

બુલેટ ટ્રેન પ્રોજેક્ટની કામગીરી પૂરજોશમાં

અમદાવાદ મુંબઈ વચ્ચેના બુલેટ ટ્રેન પ્રોજેક્ટનું કામ પુરજોશમાં ચાલી રહ્યું છે. બિલિમોરા બુલેટ ટ્રેનના સ્ટેશનની કામગીરી પૂર્ણતાને આરે છે. આ સ્ટેશનનું કન્સ્ટ્રક્શનનું કામ પૂર્ણ થયું છે. હવે સ્ટેશન પર એસ્કલેટર ઈન્સ્ટોલ કરવાની કામગીરી શરૂ કરાઈ છે. નેશનલ હાઈસ્પીડ રેલ કોર્પોરેશન લિમિટેડે કામગીરી અંગેનો એક વીડિયો જાહેર કર્યો છે. રાજ્યમાં 21 નદીઓ પૈકી 15 નદીઓ પર બ્રિજની કામગીરી પણ પૂર્ણ કરવામાં આવી હોવાનું જાણવા મળ્યું છે. 

સાપુતારામાં 22 ગૌવંશ લઈ જતા ચાર આરોપીઓ પકડાયા

ડાંગ જિલ્લા ગિરિમથક સાપુતારા પોલીસ સ્ટેશનની હદ વિસ્તારમાંથી બે ટેમ્પો ભરીને  22 ગૌવંશને લઈ જતા ચાર આરોપીઓ ઝડપાયા હતાં. આ ટેમ્પો દ્વારા એક રાજ્યમાંથી બીજા  રાજ્યમાં આ ગૌવંશ કોઈપણ જાતની સુવિધા વગર ક્રુરતાપૂર્વક લઈ જવામાં આવી રહ્યા હતા.એક ટ્રકમાં  12 જેટલા ગૌવંશોને કોઈપણ જાતની સુવિધા વગર ક્રુરતાપૂર્વક લઈ જવામાં આવી રહ્યા હતા.વઘઈ પોલીસ સ્ટેશન ટીમે બે આરોપીની ધરપકડ કરી છે.બંને પોલીસે સ્ટેશન દ્વારા આ બાબતે આગળ કાર્યવાહી ચાલુ છે.

વડોદરાના સુભાનપુરામાં ફરસાણના ગોડાઉનમાં આગ

વડોદરાના સુભાનપુરમાં આગની ઘટના સામે આવી હતી. ફરસાણના ગોડાઉનમાં આગ લાગી હતી. ગેસના બે સિલિન્ડમાં બ્લાસ્ટ થયા બાદ આગ ફાટી નીકળી હતી. ગેસ પર ગરમ પાણી મુક્યા બાદ બ્લાસ્ટ થયો હતો. ફાયર બ્રિગેડની ટીમને કોલ મળતાની સાથે જ રવાના કરાઈ હતી. ઘટના સ્થળે પહોંચીને ફાયરની ટીમે આગ પર કાબુ મેળવ્યો હતો. આગની ઘટનામાં કોઈ જાનહાનીના અહેવાલ નથી.

મહેસાણા જિલ્લામાં વાહનચોરો બેફામ બન્યાં

મહેસાણા જિલ્લામાં વાહનચોરો બેફામ બન્યાં છે. જિલ્લાના વિજાપુર તાલુકાના કુકરવાડામાં બાઈકની ચોરીની ઘટના સામે આવી છે. ગામમાંથી ગઠિયો બાઈક લઈને ફરાર થઈ ગયો હતો. ગઠિયાએ માત્ર 10 મિનિટના સમયમાં જ બાઈકની ચોરી કરી હતી. આ ચોરીની ઘટના સીસીટીવી કેમેરામાં કેદ થઈ ગઈ હતી. પોલીસે અજાણ્યા બાઈક ચોર સામે ગુનો નોંધી વધુ તપાસ હાથ ધરી છે. 

બનાસકાંઠાના લાખણીના ડેરા ગામમાં લોકોએ કરી દારૂબંધી

બનાસકાંઠામાં સરકારની દારૂબંધી નિષ્ફળ સાબિત થઈ રહી છે. લાખણીના ડેરા ગામમાં લોકોએ જાતે જ દારૂબંધીનો નિર્ણય લીધો છે. ગામમાં લોકોએ દારૂબંધીનો નિર્ણય લીધો છે. ગામમાં દારૂ વેચવા, બનાવવા અને પીવા પર પ્રતિબંધ મુકવામાં આવ્યો છે. ગામમાં દારૂ વેચનારા અને પીનારાનો બહિષ્કાર કરવામાં આવશે. તેના ઘરના કોઈપણ પ્રસંગમાં ગામના લોકો હાજર નહીં રહે. દારૂના દૂષણને ડામવા માટે ગ્રામજનોએ નિર્ણય લીધો છે

મુખ્યમંત્રી સમક્ષ તુરી બારોટ સમાજે વિવિધ માંગણીઓને લઇ ચર્ચા કરી

ગાંધીનગર ટાઉનહોલ ખાતે તુરી બારોટ સમાજ સેવા સંઘ દ્વારા માતૃ પિતૃ વંદના તથા પારિતોષિક વિતરણ કાર્યક્રમનું આયોજન કરવામાં આવ્યું હતું. આ કાર્યક્રમમાં મુખ્યમંત્રી ભૂપેન્દ્ર પટેલ,પ્રદેશ ભાજપ મહામંત્રી રજની પટેલની ઉપસ્થિતિ રહ્યાં હતા.મુખ્યમંત્રી સમક્ષ તુરી બારોટ સમાજ દ્વારા વિવિધ માંગણીઓને લઇ ચર્ચા કરવામાં આવી હતી જેના પ્રત્યુતરમાં મુખ્યમંત્રીએ પોતાના સંબોધનમાં ઉલ્લેખ કર્યો હતો. બે ત્રણ વસ્તુઓ અહીં રજૂ કરી છે ગાંધીનગર આજુબાજુ તમે જમીન શોધી આપો એટલે જમીન સરકાર આપી દેશે તેમ જણાવ્યું હતું. તુરી બારોટ સમાજ ના કલાકારો માટે પણ કંઈક તમે શોધી ને લાવો તો તેના માટે પણ સરકાર વિચારણા કરશે.

અંકલેશ્વરમાં નહેરમાં ડૂબી જતાં યુવકનું મોત

અંકલેશ્વરમાં નહેરમાં ડૂબી જતાં એક યુવકનું મોત થયું હોવાની ઘટના સામે આવી છે.ઉમરવાડામાં આઠ યુવાનો નહેરમાં ન્હાવા પડ્યા હતાં. આ આઠ પૈકી એક યુવાનનું ડૂબી જતાં મોત નિપજ્યું હતું. આ ઘટનાની જાણ થતાં જ ફાયર બ્રિગેડની ટીમ ઘટના સ્થળે પહોંચી હતી અને યુવકના મૃતદેહને બહાર કાઢવા ભારે જહેમત ઉઠાવી હતી. પોલીસ પણ ઘટના સ્થળે પહોચી હતી અને વધુ તપાસ હાથ ધરી છે. 

ટ્રાફિકના નિયમો તોડતા હોય તો સાવધાન થઈ જજો

અમદાવાદમાં વ્હીલક ચલાવતા દરમિયાન જો તમે ટ્રાફિકના નિયમો તોડતા હોય તો સાવધાન થઈ જજો, RTO વિભાગ તમારી સામે આકરી કાર્યવાહી કરી શકે છે. શહેરમાં ટ્રાફિકના નિયમોનું ભંગ કરનારા લોકો સામે RTO એક્શન મોડમાં જોવા મળી રહી છે અને છેલ્લા 2 મહિનામાં 50થી વધુ વાહનચાલકોના લાયસન્સ રદ્દ કરવામાં આવ્યા છે. અમદાવાદ આરટીઓએ છેલ્લા બે મહિનામાં 16 લાખ 80 હજારનો મેમો વસુલ કર્યો છે.

ગઢડામાં જુના તાલુકા ભાજપ પ્રમુખને પડતા મુકાયા

ગઢડા(સ્વામીના) ભારતીય જનતા પાર્ટી દ્વારા ગત બે માસ પહેલા તાલુકા ભાજપ પ્રમુખ તરીકે નિમણૂંક કરેલા પ્રકાશભાઈ સાંકળીયાની સોશિયલ મીડિયા પોસ્ટ મુદ્દે શરૂ થયેલા વિવાદ બાદ જૂના પ્રમુખને અધ્ધરતાલ રાખી નવા પ્રમુખની નિમણૂંક જાહેર કરી દેવામાં આવી છે. આ અંગે જાણવા મળતી વિગત અનુસાર ગઢડા તાલુકા ભાજપ પ્રમુખ પ્રકાશભાઈ વશરામભાઇ સાંકળીયાએ ગત અઠવાડિયે સંઘના દિગ્ગજ નેતા સંજયભાઈ જોષીને સોશિયલ મીડિયાના માધ્યમથી જન્મ દિવસની શુભેચ્છા પાઠવી હતી.

વાંચો 6 વાગ્યા સુધીના મહત્વના સમાચાર

1. Ahmedabadના દાણીલીમડામાં પહેલી વાર બનશે ડોગ સ્મશાન, કોર્પોરેશને શરૂ કરી તૈયારી

2. Bharuch : મહેશ વસાવાએ ભાજપને કર્યા "રામ-રામ", કામને ન્યાય નહી મળતા આપ્યું-રાજીનામું

3. Rajkotમાં ડો.બાબાસાહેબ આંબેડકરની રેલીમાં યુવાનો છરા સાથે દેખાયા, પોલીસ મૂક પ્રેક્ષક બની

4. Banaskanthaમાં સિંચાઈના પાણી મુદ્દે ખેડૂતો આવતીકાલે ચાંગા પમ્પીંગ સ્ટેશન ખાતે ધરણાં યોજશે

5. Porbandar: કેવી રીતે કોસ્ટગાર્ડને જોતા જ ડ્રગ્સનો જથ્થો દરિયામાં નાંખી માફિયાઓ ભાગ્યા

6. Rajkot: એટલાન્ટિસ બિલ્ડિંગ અગ્નિકાંડને એક મહિનો પૂર્ણ, જવાબદારી હજી નક્કી નથી કરાઈ

7. Mehul Choksi Extradition: ભારત સરકારે મેહુલ ચોક્સીના પ્રત્યાર્પણની કરી માગ

8. Axar Patelને હાર બાદ ફટકારવામાં આવ્યો દંડ, ગુનો એક દંડ અલગ-અલગ કેમ?

9. Karun Nair સાથે ઝઘડ્યા બુમરાહ-રોહિત! અમ્પાયરે કર્યો બચાવ, ટ્રોલ થયું મુંબઈ ઈન્ડિયન્સ

10. Waqf બોર્ડને લઈને જગદગુરુ-શંકરાચાર્યનું નિવેદન, વક્ફ-બોર્ડ હોવું જ ના જોઇએ : શંકરાચાર્ય

ગુજરાતમાં કોંગ્રેસને બેઠી કરવા રાહુલ ગાંધી સક્રિય

ગુજરાતમાં કોંગ્રેસનું રાષ્ટ્રીય અધિવેશન યોજાયા બાદ ફરીવાર લોકસભાના વિપક્ષના નેતા રાહુલ ગાંધી બે દિવસ માટે ગુજરાત આવી રહ્યાં છે. તેઓ કોંગ્રેસના ટોચના નેતાઓ સાથે બેઠક કરશે. 16 એપ્રિલે મોડાસામાં રાહુલ ગાંધીનું કાર્યકર્તા સંમેલન યોજાશે. જેમાં જિલ્લા પ્રમુખોની નિમણૂંકો પર ભાર અપાશે. હવે ગુજરાત કોંગ્રેસને બેઠી કરવા રાહુલ ગાંધીએ કમાન હાથમાં લીધી છે. 

સાબરકાંઠામાં શ્રમ અધિકારીના આદેશનું ઉલ્લંઘન

સાબરકાંઠામાં શ્રમ અધિકારીના આદેશનું ઉલ્લંઘન થઈ રહ્યું છે. હિંમતનગર શામળાજી હાઈવે પર આકરી ગરમીમાં બપોરના સમયે શ્રમિકો કામ કરી રહ્યાં છે. હિંમતનગરમાં આજે 42 ડિગ્રી તાપમાન નોંધાયું છે. કોન્ટ્રાક્ટરો સરકારના આદેશને પણ ગણકારતા નથી. રાજ્ય સરકારે ત્રણ દિવસ પહેલા જ જાહેરનામું બહાર પાડ્યું છે. જેમાં બપોરે 1થી 4 વાગ્યા સુધી શ્રમિકો પાસે કામ નહીં કરાવવા જણાવાયું છે. પરંતુ આ જાહેરનામાને અવગણીને કોન્ટ્રાક્ટરો શ્રમિકો પાસે કામ કરાવી રહ્યાં છે.

અમદાવાદમાં કંપનીના માલિક સામે દુષ્કર્મની ફરિયાદ

અમદાવાદમાં કંપનીના માલિક સામે દુષ્કર્મની ફરિયાદ નોંધાઈ છે. કંપનીના માલિકે લગ્નની લાલચ આપીને મહિલા કર્મચારી સાથે દુષ્કર્મ આચર્યું હોવાની ફરિયાદ નોંધાઈ છે. મહિલાએ ગર્ભવતી થતા બે વખત ગર્ભપાત કરાવ્યો હોવાનું ફરિયાદમાં જણાવ્યું હતું. કંપનીનો માલિક આરોપી નિકુંજ ભાવસાર પહેલાથી જ પરણેલો હતો. મહિલાને જાણ થતાં જ તેણે પોલીસ ફરિયાદ કરી હતી. પોલીસે આરોપીની ધરપકડ કરીને વધુ કાર્યવાહી હાથ ધરી છે.

વડોદરાના માંજલપુરમાં અકસ્માત

વડોદરાના માંજલપુરમાં એસટી બસ અને પાણીના ટેન્કર વચ્ચે અકસ્માત સર્જાયો હતો. આ અકસ્માતમાં પાણીનું ટેન્કર ઈસ્ત્રીની લારીમાં ઘૂસી ગયું હતું. અકસ્માતમાં કોઈ જાનહાની થઈ નથી. એસટી બસ અને ટેન્કરને નુકસાન પહોંચ્યું હતું. 

જૂનાગઢના ખંભાળિયામાં મહિલા સરપંચના પતિની હત્યા

જૂનાગઢના ખંભાળિયામાં મહિલા સરપંચની હત્યાનો બનાવ પ્રકાશમાં આવ્યો છે. એક મહિના પહેલા સરપંચના પતિ પર હૂમલો થયો હતો. આંગણવાડીના મકાન મુદ્દે ગામના જ શખ્સે હૂમલો કર્યો હતો. સરપંચના પતિ સાથે ગામના શખ્સ સાથે પાનની દુકાન પાસે બોલાચાલી થઈ હતી. ત્યાર બાદ શખ્સે હૂમલો કરતા સરપંચના પતિ અરવિંદ મકવાના ઈજાગ્રસ્ત થયા હતાં. તેમનું સારવાર દરમિયાન મોત નિપજ્યું હતું. વિસાવદર પોલીસે આ હત્યા અંગે ગુનો નોંધી વધુ તપાસ હાથ ધરી હતી.

આણંદમાં કોન્ટ્રાક્ટરની ઘોર બેદરકારી સામે આવી

ઉમરેઠમાં જીવના જોખમે  શ્રમિકો કામ કરી રહ્યાં છે. થામણા ચોકડી પાસે ઓવરહેડ પાણીની ટાંકીનું કામ ચાલી રહ્યું છે. ટાંકીનાં નિર્માણમાં સુરક્ષાનાં નિયમો નેવે મુકાયા હોય તેવી રીતે કામ ચાલી રહ્યું છે. જીવના જોખમે 100 ફૂટ ઉંચાઈએ  શ્રમિકો કામ કરી રહ્યાં છે. શ્રમિકોની સુરક્ષા માટે તમામ સુવિધાઓનો અભાવ જોવા મળ્યો છે. ભરબપોરે ખરા તાપમાં સુરક્ષા નેટ વગર શ્રમિકો કામ કરી રહ્યાં છે. શ્રમિકો માટે સેફટી બેલ્ટ કે હેલ્મેટની પણ સુવિધા રાખવામાં આવી નથી.

સુરતમાં લૂંટની ઘટના બને તે પહેલા જ લૂંટારુઓ ઝડપાયા

સુરતમાં લૂંટની ઘટના બને તે પહેલા જ લૂંટારુઓ ઝડપાયા છે. પોલીસ કોન્સ્ટેબલ સહિત 6 આરોપીઓને ઝડપી લેવામાં આવ્યાં છે. આ લૂંટારુઓ શ્રીરામ ટ્રાવેલ્સની બસને લૂંટવાના હતા. આ ટ્રાવેલ્સમાં ડાયમંડ પેઢીના હીરા વડોદરા લઈ જવાતા હતા.લૂંટારુઓનો ટાર્ગેટ આંગડિયા પેઢીના કર્મચારીઓ હતા.તેમણે કડોદરામાં દોઢ મહિનાથી રૂમ ભાડે રાખી રેકી કરી હતી.આ ગેંગનો મુખ્ય આરોપી જેમ્સ ઉર્ફે સેમ હોવાનું સામે આવ્યું છે.જેમ્સ સામે મહારાષ્ટ્ર, ગુજરાતના 20 પોલીસ મથકમાં ગુના નોંધાયા છે. પિસ્તોલ, તમંચો, રેમ્બો છરો સહિતના હથિયારો ઝડપાયા છે. 

રાજકોટમાં ડો.બાબાસાહેબ આંબેડકરની રેલીમાં યુવાનો છરા સાથે દેખાયા

રાજકોટમાં ડો.બાબા સાહેબ આંબેડકરની  જન્મજયંતિ નિમિતે આજે રેલી યોજાઈ હતી. આ રેલીમાં કાયદો અને વ્યવસ્થાના લીરેલીરા ઉડાવતા શખ્સો નજરે પડ્યાં હતાં. રેલીમાં કેટલાક શખ્સો હાથમાં છરા સાથે દેખાયા હતાં. તો કેટલાક યુવકોએ બાઈક પર સ્ટંટબાજી પણ કરી હતી. સામાન્ય રીતે આ પ્રકારના વીડિયો સોશિયલ મીડિયામાં વાયરલ થતા હોય છે ત્યારે પોલીસ ગણતરીના કલાકોમાં આરોપીને પકડી પાડતી હોય છે. પરંતુ રેલીમાં હાજર પોલીસની નજર સામે જ આ યુવકોએ હાથમાં છરા લીધા હતાં અને બાઈકના સ્ટંટ કર્યા હતાં. પોલીસે આ બધુ જ મૂક પ્રેક્ષક બનીને તમાશો જોતી હતી.

મહેશ વસાવાના રાજીનામા પર મનસુખ વસાવાની પ્રતિક્રિયા

‘રાજીનામાના કારણો જાણવાનો પ્રયાસ કરીશું’,‘ભાજપની વિચારધારા સાથે જોડાયા હતા મહેશ વસાવા’,ભાજપમાં તેઓ પોતાની મરજીથી આવ્યાઃ મનસુખ વસાવા,‘ગુજરાત સરકારની પણ તેઓએ પ્રશંસા કરી હતી’,‘RSS, BJPની વિચારધારાને કોઇ ખતમ ન કરી શકે’.

કાલોલના MLA ફતેસિંહ ચૌહાણના કોંગ્રેસ પર પ્રહાર

‘સૌપ્રથમ વાર કોંગ્રેસે બાબા સાહેબનું અપમાન કર્યું હતું’,‘દલિતના દીકરાને લોકસભાની સમિતિમાં સ્થાન ન આપ્યું’,‘બાબા સાહેબને ચૂંટણીમાં હરાવવાના પ્રયત્નો કર્યા’,‘બાબા સાહેબ આંબેડકરને ભારત રત્નથી વંચિત રાખ્યા’,‘બાબા સાહેબની દિલ્હીમાં અંતિમક્રિયાની મંજૂરી ન આપી’,‘રાષ્ટ્રીય અધિવેશન વખતે કોંગ્રેસને દલિતો યાદ આવ્યા’.

ડ્રગ્સ મામલે કોંગ્રેસ પ્રવક્તા મનીષ દોશીનું નિવેદન

ડ્રગ્સના કારણે ગુજરાતનું યુવાધન બરબાદ થઈ રહ્યું છે,ગુજરાત ડ્રગ્સનું પ્રવેશ દ્વાર બની ગયું છેઃ દોશી,‘ગુજરાતમાં ડ્રગ્સ બનાવવાના કારખાના ચાલી રહ્યા છે’,‘કરોડો રૂપિયાનું ડ્રગ્સ ઠલવાય અને આકાઓ પકડાતા નથી’,ખાનગી બંદર પરથી હજારો કિલો ડ્રગ્સ પકડાય છેઃ દોશી,ડ્રગ્સ સિન્ડિકેટના નેતૃત્વ વિશે તપાસ થવી જોઈએઃ દોશી

મોરબી પેટકોક કૌભાંડનો મુખ્ય આરોપી ઝડપાયો

ચંદુભાઈ હુંબલ અમદાવાદ એરપોર્ટથી ઝડપાયો,2024માં મોરબીમાંથી ઝડપાયું હતું કોલસા કૌભાંડ,ઇમ્પોર્ટડ કોલસામાં ભેળસેળ કરી રાજસ્થાન વેચાતું હતું,ગાળા ગામ પાસે કરોડોનો કોલસો ઝડપાયો હતો,SMCએ રેડ પાડી કોલસા કૌભાંડ ઝડપ્યું હતું,આરોપી ભગીરથ હુંબલ દરોડા બાદ થયો હતો ફરાર,કૌભાંડમાં અત્યાર સુધીમાં 19 આરોપીઓ ઝડપાયા.

હાલમાં ગરમી ચરમસીમાએ પહોંચી રહી છે

દેશના ઘણા ભાગોમાં તાપમાન 40 ડિગ્રી સેલ્સિયસથી ઉપર પહોંચી ગયું છે. અન્ય રાજ્યોની સરખામણીમાં ગુજરાત અને રાજસ્થાનમાં ગરમીની અસર વધુ જોવા મળે છે. દેશના બાકીના ભાગોમાં પણ ગરમી સતત વધી રહી છે. હાલમાં ઘણા રાજ્યોમાં વરસાદ અને ભારે પવનને કારણે ગરમીની અસર ઓછી જોવા મળી રહી છે. હવામાન વિભાગના જણાવ્યા અનુસાર, 16 એપ્રિલથી એક નવું વેસ્ટર્ન ડિસ્ટર્બન્સ સક્રિય થશે, જે હિમાલય ક્ષેત્રમાં પ્રવેશ કરશે. વિભાગના જણાવ્યા અનુસાર, આ ખલેલને કારણે, ઊંચાઈવાળા વિસ્તારોમાં હિમવર્ષા થવાની સંભાવના છે, જ્યારે નીચલા વિસ્તારોમાં વરસાદ અને તોફાન આવી શકે છે.

રાજ્યમાં આવતીકાલથી ફરી હીટવેવની આગાહી 

રાજયમાં આવતીકાલથી ફરી હીટવેવની આગાહી કરવામાં આવી છે,જેમાં 15 થી 17 એપ્રિલ બનાસકાંઠામાં યલો એલર્ટ સાથે હીટવેવની આગાહી કરવામાં આવી છે,સાબરકાંઠા, કચ્છ, રાજકોટમાં યલો એલર્ટ સાથે હીટવેવની આગાહી કરવામાં આવી છે,દરિયા કિનારાના વિસ્તારોમાં ગરમ અને ભેજવાળા પવન ફૂંકાશે તેવી આગાહી કરવામાં આવી છે,17 એપ્રિલ બાદ તાપમાનમાં 2 થી 3 ડિગ્રીનો ઘટાડો થશે. 

Weather : રાજયના તાપમાનમાં 2 થી 3 ડિગ્રીનો થશે વધારો, અમદાવાદમાં આજે યલો એલર્ટ અપાયું

ગરમીને લઈ હવામાન વિભાગની આગાહી સામે આવી છે જેમાં હવામાન વિભાગે આગાહી કરી છે કે,રાજયના તાપમાનમાં 2 થી 3 ડિગ્રી સુધીનો વધારો થશે સાથે સાથે આજે અમદાવાદ શહેરમાં યલો એલર્ટ આપવમાં આવ્યું છે.અમદાવાદમાં 42 ડિગ્રી સુધી તાપમાન જઈ શકે તેવી આગાહી હવામાન વિભાગ દ્વારા કરવામાં આવી છે,કંડલામાં સૌથી વધુ 43.6 ડિગ્રી તાપમાન નોંધાયું છે.

અત્યાર સુધીમાં 5000થી વધુ પેટ ડોગના રજીસ્ટ્રેશન થઈ ચૂક્યા છે

અમદાવાદ મ્યુનિસિપલ કોર્પોરેશન દ્વારા પેટ ડોગના રજીસ્ટ્રેશન ની પ્રક્રિયા શરૂ કરવામાં આવી છે જેમાં અત્યાર સુધીમાં 5000થી વધુ પેટ ડોગના રજીસ્ટ્રેશન થઈ ચૂક્યા છે આ ઉપરાંત મોટી સંખ્યામાં સ્ટ્રીટ ડોગ પણ આવેલા છે. છે મ્યુનિસિપલ કોર્પોરેશનને રોજના અંદાજે 40થી 50 જેટલા મૃત પશુઓના નિકાલ માટેની ફરિયાદો મળે છે. જેમાં અંદાજે 8 થી 10 જેટલા કુતરાઓનો સમાવેશ થાય છે. પ્રાણીઓના સન્માનનીય રીતે અંતિમ સંસ્કાર થાય તેના માટે કોર્પોરેશન દ્વારા પ્રયાસ હાથ ધરવામાં આવ્યા છે જે અંતર્ગત ડોગ સ્મશાન બનાવવામાં આવ્યું છે.

ઘરમાં પરિવારના સભ્ય તરીકે પેટ ડોગને રાખતા હોય છે

CNG ભઠ્ઠી વાળું ડોગ સ્મશાન બનાવવા માટેની પ્રક્રિયા શરૂ કરવામાં આવી છે જે અંતર્ગત ટેન્ડર પણ બહાર પાડવામાં આવ્યું છે. રૂ. 30 લાખના ખર્ચે ડોગસ સ્મશાન બનાવવામાં આવશે જે માટેનું નવું અત્યાધુનિક સીએનજી ભઠ્ઠીવાળું મશીન ઊભું કરવામાં આવશે. 80 કિલોની ક્ષમતા ધરાવતું અંતિમ ક્રિયા માટેનું મશીન બનાવવામાં આવશે એક સાથે બે ડોગની અંતિમ ક્રિયા થઈ શકશે. નાગરિકોને પોતાના પેટ ડોગ માટે ખૂબ જ લાગણી હોય છે. ઘરમાં પરિવારના સભ્ય તરીકે પેટ ડોગને રાખતા હોય છે ત્યારે તેની અંતિમ ક્રિયા હવે ખૂબ જ સન્માન સાથે થાય તેવી આખી વ્યવસ્થા ગોઠવવામાં આવશે. 

ડોગ રિહેબ સેન્ટર બનાવવામાં આવ્યું છે

જેના માટે આગામી સમયમાં મ્યુનિસિપલ કોર્પોરેશન દ્વારા નીતિ પણ નક્કી કરવામાં આવશે,બે વર્ષથી શહેરમાં ડોગ માટેનું સ્મશાન બનાવવા માટેની પ્રક્રિયા અંગે વિચારણા હાથ ધરવામાં આવી રહી હતી. શહેરથી દૂર ગ્યાસપુર નજીક ડોગ સ્મશાન બનાવવા માટેની પ્રક્રિયા હાથ ધરવામાં આવી હતી. જોકે ત્યારબાદ ડોગ સ્મશાન બનાવવા અંગે કોઈ નિર્ણય લેવામાં આવ્યો નહોતો. તાજેતરમાં જ મ્યુનિસિપલ કમિશનર બંછાનિધિ પાની દ્વારા દ્વારા ડોગ સ્મશાન બનાવવાની લઈને સુચના આપવામાં આવી હતી. જેના પગલે દાણીલીમડા ખાતે આવેલા કરુણા મંદિરમાં જ્યાં ડોગ રિહેબ સેન્ટર બનાવવામાં આવ્યું છે ત્યાં જ ડોગ સ્મશાન બનાવવા અંગેનો નિર્ણય લેવામાં આવ્યો હતો.

CNG ડોગ સ્મશાન બનાવવામાં આવશે

સૌ પ્રથમ ડોગ સ્મશાન શહેરના દાણીલીમડા વિસ્તારમાં આવેલા કરુણા મંદિર ખાતે બનવા જઈ રહ્યું છે. મ્યુનિસિપલ કોર્પોરેશન દ્વારા રૂ. 30 લાખના ખર્ચે CNG ડોગ સ્મશાન બનાવવામાં આવશે. શહેરમાં મૃત પામતા કુતરાઓને સ્મશાન ખાતે લાવી તેની અંતિમ ક્રિયા કરવામાં આવશે. આવશે આ સ્મશાનમાં સીએનજી ભટ્ટી હોવાના કારણે એક સાથે બે ડોગની અંતિમ ક્રિયા થઈ શકશે. જે નાગરિકો પોતાના મૃત પેટ ડોગના અંતિમ સંસ્કાર કરવા માંગશે તેઓ પણ અહીંયા અંતિમ સંસ્કાર કરી શકે તેવી વ્યવસ્થા ગોઠવવામાં આવશે. 

Ahmedabadના દાણીલીમડામાં પહેલી વાર બનશે ડોગ સ્મશાન, કોર્પોરેશને શરૂ કરી તૈયારી 

હવે ગુજરાતમાં પહેલી વાર ડોગ સ્મશાન દાણીલીમડા ખાતે બનવા જઈ રહ્યું છે તેની તૈયારીઓ અમદાવાદ મ્યુનિસિપલ કોર્પોરેશન દ્વારા શરૂ કરવામાં આવી છે અંદાજિત રૂપિયા 30 લાખના ખર્ચે સીએનજી ડોગ સ્મશાન બનાવવામાં આવશે જેમાં શહેરમાં મૃત્યુ પામતા શ્વાનોને સ્મશાન ખાતે લાવી તેની અંતિમ ક્રિયા કરવામાં આવશે.

વાંચો 03 વાગ્યા સુધીના મહત્વના સમાચાર

01 - Gujaratમાં અત્યાર સુધી કયાંથી ઝડપાયું વધારે ડ્રગ્સ, વાંચો Detailed Story

02 - Entertainment: મેહુલ ચોક્સી-કેટરિના વચ્ચે શું છે સંબંધ, કેમ થઇ રહી છે ચર્ચા?

03 - ગુજરાતનો દરિયો ડ્રગ્સ વેપારનું માન્ચેસ્ટર બન્યું ? વાંચો Special Story

04 - Porbandar: કેવી રીતે કોસ્ટગાર્ડને જોતા જ ડ્રગ્સનો જથ્થો દરિયામાં નાંખી માફિયાઓ ભાગ્યા

05 - Ahmedabadના નિકોલમાં ભર ઉનાળે ચોમાસા જેવો માહોલ, ગટરના પાણી ઉભરાઈને રોડ પર-આવ્યા

06 - Gold Silver Rate Today: 14 એપ્રિલના રોજ 24-22 કેરેટના શું છે ભાવ?

07 - Waqf બોર્ડને લઈને જગદગુરુ-શંકરાચાર્યનું નિવેદન, વક્ફ-બોર્ડ હોવું જ ના જોઇએ : શંકરાચાર્ય 

08 - Aligarh: પહેલા એક મહિલા સાથે ભાગ્યો હતો જમાઇ, સાસુ સાથે પોત પ્રકાશ્યું

09 - Salman Khan Death Threat: 6 વર્ષમાં 12 વખત જાનથી મારી નાખવાની ધમકી

10 - Ambedkarનું જીવન એ સંઘર્ષ અને સફળતાનું માર્ગદર્શક છે : મુખ્યમંત્રી ભૂપેન્દ્ર પટેલ

11 માર્ચ 2024ના રોજ ભાજપનો ખેસ ધારણ કર્યો હતો

11મી માર્ચ 2024ના રોજ ગાંધીનગરના ભાજપ પ્રદેશ કાર્યાલય કમલમ્ ખાતે ભારતીય ટ્રાઇબલ પાર્ટી (BTP)ના વડા મહેશ વસાવા ભાજપમાં જોડાયા હતા. નર્મદા અને ભરૂચ જિલ્લાના આદિવાસી વિસ્તારમાં બીટીપીનું સારું એવું પ્રભુત્વ છે. મહેશ વસાવાના ભાજપમાં જોડાઈ જવાને કારણે અનેક વિવાદ થયા હતા પરંતુ પાર્ટીમાં તેમના કામ થતા ન હતા તેને લઈ લાંબા સમયથી નારાજગી હોવાની વાત પણ સામે આવી હતી,બીટીપી પાર્ટીના સ્થાપક છોટુ વસાવાના પુત્ર મહેશ વસાવા છે.

મહેશ વસાવા આદિવાસી સંગઠન ઉભું કરે તેવી શક્યતા

મહેશ વસાવા આદિવાસી નેતા છે અને આદિવાસીમાં તેઓ સારૂ પ્રભુત્વ ધરાવે છે,મહેશ વસાવા છેલ્લા ઘણા સમયથી ભાજપ પાર્ટીમાં નિષ્ક્રિય હતા અને મહેશ વસાવા અગાઉ BTP પાર્ટીના રાષ્ટ્રીય અધ્યક્ષ હતા,તેઓએ તેમના સમર્થકોને પૂછીને આ રાજીનામું આપ્યું હોવાની વાત સામે આવી છે.મહેશ વસાવા ડેડીયાપાડાના પૂર્વ  ધારાસભ્ય છે,તો મહેશ વસાવા પાસે ભાજપમાં કોઈ ખાસ હોદ્દો ન હતો. 

મહેશ વસાવાએ ભાજપને કર્યા "રામ-રામ", કામને ન્યાય ના મળતા પાર્ટીમાંથી આપ્યું રાજીનામું

નર્મદાના આદિવાસી નેતા મહેશ વસાવાએ ભાજપમાંથી રાજીનામું આપ્યું છે,મહેશ વસાવા લોકસભા ચૂંટણીમાં ભાજપમાં જોડાયા હતા અને થોડો સમય ભાજપમાં રહીને તેમણે રાજીનામું આપ્યું છે,તેમણે રાજીનામું આપવાનું કારણ દર્શાવ્યું કે,ભાજપ પાર્ટીમાં તેમના કામ થતા નથી જેને લઈ તેઓએ રાજીનામું આપ્યું છે,પ્રદેશ પ્રમુખ સી.આર.પાટીલને તેમણે રાજીનામું મોકલી આપ્યું છે.

છેલ્લા ૩ વર્ષમાં ગુજરાત પોલીસે ₹16,155 કરોડની કિંમતનું ડ્રગ્સ જપ્ત કર્યું

નાર્કો રિવોર્ડ પોલિસી અંગે જાગૃતિનું પરિણામ એ આવ્યું છે કે NDPS ઍક્ટ, 1985 હેઠળ નોંધાયેલા કેસમાં અને ડ્રગ્સની જપ્તીમાં નોંધપાત્ર વધારો થયો છે. 2021માં રિવોર્ડ પોલિસી લૉન્ચ થઈ ત્યારથી ડિસેમ્બર 2024 સુધીમાં ₹16,155 કરોડની કિંમતનું 87,607 કિલો ડ્રગ્સ જપ્ત કરવામાં આવ્યું છે અને 2500 થી વધુ આરોપીઓ સામે આવ્યા છે. આ પોલિસી હેઠળ અત્યારસુધીમાં DGP કમિટીએ 64 લોકો માટે રિવોર્ડ તરીકે ₹51,202 મંજૂર કર્યા છે. તો ACS, ગૃહ સ્તરની કમિટીએ 169 લોકો માટે ₹6,36,86,664 રિવોર્ડની રકમ મંજૂર કરી છે. આ ઉપરાંત, 737 લોકોને કુલ ₹5,13,40,680 રિવોર્ડ આપવાનો પ્રસ્તાવ NCB કમિટીને મોકલવામાં આવ્યો છે.

બાતમીદારને જપ્ત પદાર્થના 20 ટકા સુધીની રોકડ રકમ આપવામાં આવે છે

NDPS ઍક્ટ, 1985ની જોગવાઈઓ હેઠળ જપ્ત કરેલા પદાર્થોની ગેરકાયદેસર કિંમતના 20% સુધીની રકમ રિવોર્ડને પાત્ર હોય છે. સરકારી કર્મચારીઓ માટે તેમની સમગ્ર કારકિર્દી દરમ્યાન આ રિવોર્ડની મહત્તમ મર્યાદા ₹20 લાખ છે, જયારે એક જ કેસમાં કોઈ વ્યક્તિગત કર્મચારી કે અધિકારીને આપવામાં આવતી મહત્તમ રકમ ₹2 લાખ સુધીની છે. કોઈ ખાનગી વ્યક્તિએ ઑફિસ વર્કમાં મદદ કરી હોય તેને દરેક કેસ દીઠ ₹2500નો પુરસ્કાર આપવામાં આવે છે. કોઈ બાતમીદાર કે સરકારી કર્મચારીનું મૃત્યુ થઈ જાય તો તેમનો રિવોર્ડ તેમના કાનૂની વારસદાર કે નોમિનીને આપવામાં આવી શકે છે. આ રિવોર્ડ સંપૂર્ણપણે ઇનામ તરીકે ચૂકવવામાં આવે છે અને સક્ષમ સત્તાતંત્ર આ રિવોર્ડને મંજૂર કરે છે.

રિવોર્ડની રકમ શેના આધારે નક્કી થાય છે?

બાતમીદારે જપ્તીના સંદર્ભમાં આપેલ માહિતીની વિશિષ્ટતા અને ચોકસાઈ, લેવામાં આવેલ જોખમ અને તેનું પ્રમાણ વગેરે બાબતો રિવોર્ડની રકમ નક્કી કરતી વખતે ધ્યાનમાં લેવામાં આવે છે. તો સરકારી કર્મચારીઓ/અધિકારીઓ દ્વારા સફળ જપ્તી થઈ હોય તેવા કિસ્સાઓમાં તેમણે કરેલા વિશેષ પ્રયત્નો, કાર્યવાહીમાં લીધેલું જોખમ, સતર્કતા, પ્રતિબંધિત પદાર્થ સાથે સંકળાયેલા લોકોની ધરપકડ થઈ છે કે કેમ વગેરે બાબતો ધ્યાનમાં લેવામાં આવે છે. જે અધિકારી કે કર્મચારી તેની સામાન્ય ફરજના ભાગરૂપે મેળવેલા પુરાવા રજૂ કરે તેને કોઈ રિવોર્ડ આપવામાં આવતો નથી.

નાર્કો રિવોર્ડ પોલિસી અંતર્ગત કયા કેસમાં રિવોર્ડ આપવામાં આવે છે?

1. બાતમીદારો, જેમણે આપેલી માહિતી નાર્કોટિક્સ ડ્રગ્સ અને સાયકોટ્રોપિક પદાર્થો તેમજ NDPS ઍક્ટ 1985 હેઠળ ગેરકાયદે હસ્તગત કરેલી મિલકતની જપ્તી તરફ દોરી જાય છે.

2. NDPS ઍક્ટ 1985 હેઠળ અધિકૃત અધિકારીઓ, જેઓ ગેરકાયદે પદાર્થોની જપ્તી કરે છે, સફળ ઇન્વેસ્ટિગેશન/પ્રોસિક્યુશન હાથ ધરે છે અને પોસ્ટ ઇન્વેસ્ટિગેશન કાર્ય દ્વારા ગુનો સાબિત કરે છે.

3. અન્ય વિભાગના અધિકારીઓ, જેઓ NDPS ઍક્ટ 1985ની જોગવાઈઓનું ઉલ્લંઘન સામે લાવવામાં મદદ કરે છે.

ફાઈટ અગેઈન્સ્ટ ડ્રગ્સ

ગુજરાત પોલીસે ડ્રગ્સ સામે ઝીરો ટોલરન્સની નીતિ અપનાવી છે અને એટલે જ તે ડ્રગ્સ પકડવામાં દેશભરમાં અગ્રેસર છે. ગુજરાત માદક પદાર્થોના દુરુપયોગને રોકવાના હેતુથી બાતમીદારો માટે રિવોર્ડ પોલિસી શરૂ કરનારું પહેલું રાજ્ય છે. ડ્રગ્સને નેસ્તનાબૂદ કરવાના પ્રયાસોમાં પોલીસ, કર્મચારીઓ/અધિકારીઓ અને બાતમીદારો પણ મહત્વનો ભાગ ભજવે છે. બાતમીદારોના જોખમને ધ્યાનમાં લેતાં અને રાજ્યમાં કેફી પદાર્થોનો વ્યાપાર અટકાવવા માટે ગુજરાત સરકારે પોલીસ અધિકારીઓ, કર્મચારીઓ તેમજ બાતમીદારોને પ્રોત્સાહન આપવા માટે નાર્કોટિક્સ રિવોર્ડ પોલિસી શરૂ કરી હતી. આ રિવોર્ડ પોલિસીનું અમલીકરણ સરકારના ગૃહ વિભાગ હેઠળ થાય છે.

ડ્રગ્સનું દૂષણ સમાજમાંથી કરો દૂર

નાર્કોટિક્સ રિવોર્ડ પોલિસી દ્વારા ગુજરાત યુવાનોને કેફી દ્રવ્યોની ચુંગાલમાંથી છોડાવવાની અને ડ્રગ્સ પેડલરોને સકંજામાં લેવાની દિશામાં આગળ વધ્યું છે.નાર્કો રિવોર્ડ પોલિસી લૉન્ચ કરતી વખતે ગૃહ રાજ્ય મંત્રી હર્ષ સંઘવીએ એવું જણાવ્યું હતું કે, “ડ્રગનું દૂષણ આપણા સમાજને નબળો પાડશે અને યુવાનો તેનાથી દૂર રહે એ જરૂરી છે. ડ્રગ્સ અસ્થાયી રૂપે હાઈ ફીલિંગ આપી શકે છે પરંતુ લાંબા ગાળે તે આપણા શરીરને ભયંકર નુકસાન કરે છે. કોઈ જગ્યાએ ડ્રગ્સ વેચાતું હોય અને એ અંગે યુવાનોને જાણ થાય તો તેમણે પોલીસ અને રાજ્યના ગૃહ વિભાગને માહિતગાર કરવા જોઈએ."

Gujaratમાં ડ્રગ્સને લઈ બાતમીદારને જપ્ત પદાર્થના 20 ટકા સુધીની રોકડ રકમ આપવામાં આવે છે

ડ્રગ્સ જેવા માદક પદાર્થોનું દૂષણ આજે મહાનગરો ઉપરાંત ગામડાઓ સુધી પહોંચી ગયું છે ત્યારે ગુજરાત સરકાર આ દૂષણને ડામવા માટે પ્રતિબદ્ધ છે. મુખ્યમંત્રી ભૂપેન્દ્ર પટેલના નેતૃત્વ હેઠળ રાજ્ય સરકારે 2021માં કેફી દ્રવ્યો પકડાવનારાને ઈનામ આપતી પ્રથમ નાર્કો રિવોર્ડ પોલિસી અમલમાં મૂકી હતી જેના પરિણામે ડ્રગ્સની જપ્તીમાં નોંધપાત્ર વધારો થયો છે. ઑક્ટોબર 2021માં રિવોર્ડ પોલિસી લૉન્ચ થઈ ત્યારથી ડિસેમ્બર 2024 સુધીમાં ₹16,155 કરોડની કિંમતનું 87,607 કિલો ડ્રગ્સ જપ્ત કરવામાં આવ્યું છે.

12 માર્ચ 2024ના દિવસે પણ પોરબંદર ખાતેથી ઝડપાયું ડ્રગ્સ

પોરબંદરના દરિયાકાંઠાથી ફરી એકવાર ડ્રગ્સના મોટું રેકેટનો પર્દાફાશ થયો હતો. પોરબંદરના અરબી સમુદ્રમાંથી ફરી એકવાર કરોડોનું ડ્રગ્સ ઝડપાયુ હતુ, 480 કરોડના ડ્રગ્સ સાથે છ પાકિસ્તાનીની ધરપકડ કરવામાં આવી હતી, પોરબંદરથી 350 કિમી દૂર જળસીમામાંથી આ મોટી માત્રામાં ડ્રગ્સનો જથ્થો ઝડપાયો હતો. ખાસ વાત છે કે, ગુજરાત ATS, કૉસ્ટગાર્ડ અને NCBના સંયુક્ત ઓપરેશનમાં આ ડ્રગ્સના જથ્થો દરિયામાંથી પકડયો હતો. 70થી 80 ડ્રગ્સના પેકેટ સાથે 6 પાકિસ્તાનીઓની પણ ધરપકડ કરાઇ હતી.

28 ફેબ્રુઆરી 2024ના દિવસે વેરાવળમાંથી ઝડપાયું ડ્રગ્સ

ગુજરાતના વેરાવળમાં થોડા દિવસ પહેલા રૂપિયા 350 કરોડનું ડ્રગ્સ જપ્ત કરવામાં આવ્યું હતું. જે બાદ ગુજરાત અને કેન્દ્રની વિવિધ એજન્સીને મોડી સાંજે પોરબંદર પાસેના દરિયામાથી રૂપિયા એક હજાર કરોડથી વધારેની કિંમતના હસીસ સહિત ત્રણ અલગ અલગ ડ્રગ્સને જપ્ત કરવામાં સફળતા મળી હતી. જેમાં ઇરાનથી ડ્રગ્સનું કન્સાઇનમેન્ટ લઇને આવી રહેલા પાંચ ક્રુ મેમ્બર્સને ઝડપી લેવામાં આવ્યા છે. ગુજરાત એટીએસની બાતમીને આધારે સમગ્ર ઓપરેશન હાથ ધરવામાં આવ્યું હતુ.

27 એપ્રિલ 2024 ગાંધીનગરથી ઝડપાઈ ડ્રગ્સની ફેકટરી

ગાંધીનગરના પિપળજ ગામે ગુજરાત ATS અને NCBને મોટી સફળતા મળી હતી.પિપળજ ગામે ડ્રગ્સ બનાવતી ફેકટરી ઝડપાઈ હતી,તો જે ઘરમાં આ કામકાજ કરાતું હતુ.ત્યા આગળથી 10 લોકોની ધરપકડ કરી આગળની કાર્યવાહી હાથધરાઈ હતી.તો બીજી તરફ આ ડ્રગ્સને લઈ રાજસ્થાનમાં પણ ATSએ દરોડા પાડયા હતા.25 કિલો ડ્રગ્સનો જથ્થો જપ્ત કરાયો હતો.

29 એપ્રિલ 2024 પોરબંદરથી ઝડપાયુ ડ્રગ્સ

ગુજરાત એટીએસ,કોસ્ટગાર્ડ અને એનસીબીની ટીમે પોરબંદરમાંથી 90 કિલો ડ્રગ્સ ઝડપી 14 પાકિસ્તાનીઓને ઝડપ્યા હતા.અંદાજિત 600 કરોડનું ડ્રગ્સ જપ્ત કરાયું હતુ,.78 પેકેટમાંથી 86 કિલો ડ્રગ્સનો જથ્થો જપ્ત કરાયો છે.પાકિસ્તાનીઓને તાત્કાલિક ડીટેઈન કરાયા હતા.સમગ્ર ઘટનામાં ફાયરિંગ કરવામાં આવ્યુ છે,પાકિસ્તાની બોટને પોરબંદર લવાઈ છે.ATSએ મુખ્ય શકલેન નામના આરોપીની ધરપકડ કરી હતી.

14-04-2025ના રોજ પોરબંદરથી ઝડપાયું ડ્ર્ગસ

ગુજરાત ATSના ડીઆજી સુનિલ જોશીએ પ્રેસ કોન્ફરન્સમાં કહ્યું હતું કે, એટીએસને પાકિસ્તાની સ્મગ્લરોની માહિતી મળી હતી. પોરબંદરના દરિયાકાંઠે 400 કિલો ડ્રગ્સની હેરાફેરીની બાતમી મળી હતી. એટીએસ દ્વારા આ માહિતી ભારતીય કોસ્ટગાર્ડને શેર કરાઈ હતી. ત્યારબાદ એક સંયુક્ત ઓપરેશન હાથ ધરાયું હતું. પાકિસ્તાનથી આવતુ આ ડ્રગ્સ વાયા ગુજરાત થઈને તામિલનાડુ પહોંચાડવાનું હતું. દરિયામાં સ્મગલરોની બોટનો કોસ્ટગાર્ડે પીછો કર્યો હતો. કોસ્ટગાર્ડને જોઈને આ બોટ ડ્રગ્સને દરિયામાં ફેંકીને પાકિસ્તાની જળસીમામાં પહોંચી ગઈ હતી.આ ડ્રગ્સની કુલ કિંમત અંદાજે 1800 કરોડ છે.

Gujaratમાં અત્યાર સુધી કયાંથી ઝડપાયું વધારે ડ્રગ્સ 

ગુજરાતમાં અલગ-અલગ જિલ્લાઓમાંથી ડ્રગ્સ અને ગાંજો ઝડપાતો હોય છે ત્યારે સૌથી વધારે ડ્રગ્સ દરિયા કિનારેથી ઝડપાઈ આવ્યું છે,તો ગુજરાત પોલીસ,ગુજરાત એટીએસ અને ઈન્ડિયન કોસ્ટગાર્ડ આ મામલે સતર્ક છે અને સતત કામગીરી કરી રહી છે,ત્યારે બીજી તરફ પોલીસ પણ ડ્રગ્સ માફિયાઓ સામે કડકમાં કડક કાર્યવાહી કરી છે.

બનાસકાંઠાના ખેડૂતોએ સિંચાઈના પાણી મુદ્દે આંદોલનની ચીમકી ઉચ્ચારી

બનાસકાંઠામાં ભર ઉનાળે કેનાલો કોરી ધાકોર જોવા મળી રહી છે. ઉનાળુ પાકની તૈયારી કરી રહેલા ખેડૂતોને સિંચાઈ માટેના પાણી માટે વલખા મારવા પડે તેવી સ્થિતિનું સર્જન થઈ રહ્યું છે. ઉનાળામાં જળાશયોમાં પાણીનો જથ્થો ખૂટ્યો હોવાથી ખેડૂતોએ કેનાલમાં પાણી છોડવા માગ કરી હતી. બે દિવસ પહેલા કેનાલમાં પાણી બંધ કરી દેવાતા ખેડૂતો રોષે ભરાયા હતાં.કાંકરેજની ચાંગા કેનાલ પર પહોંચીને ખેડૂતોએ વિરોધ કર્યો હતો.સિંચાઈના પાણીની માગ સાથે ખેડૂતોએ ધરણાં યોજ્યા હતાં.હવે ખેડૂતોએ સિંચાઈના પાણી માટે આંદોલનની ચીમકી ઉચ્ચારી છે.

મહેસાણાના બહુચરાજીમાં કેનાલમાં ગાબડું

મહેસાણા જિલ્લાના બહુચરાજી તાલુકામાં કેનાલમાં ગાબડું પડવાની ઘટના સામે આવી છે. મણિયારી માયનોર કેનાલમાં ગાબડું પડતાં આસપાસના ખેતરોમાં પાણી ફરી વળ્યા હતાં.ખેડૂતોએ વાવણી માટે ખેડેલા ખેતરમાં પાણી ફરી વળતાં આકરી ગરમીમાં કરેલી મહેનત પર પાણી ફરી વળ્યું હતું. સામાન્ય રીતે ઉનાળામાં સિંચાઈના પાણી માટે ખેડૂતોને વલખાં મારવા પડે તેવી સ્થિતિ હોય છે. પરંતુ કેનાલમાં ગાબડુ પડતા વાવણી માટે ખેડેલા ખેતમાં પાણી ફરી વળતાં ખરી ગરમીમાં કરેલી મહેનત પર પાણી ફરી ગયું હતું.

બહારના દેશો ભારતમાં ઘુસાડે છે ડ્રગ્સ

ગુજરાતમાં તાજેતરના સમયમાં જે કોઈ ડ્રગ્સની રિકવરી થઈ છે, તેનાં મૂળ પાકિસ્તાન, અફઘાનિસ્તાન કે ઈરાન સાથે હોવાનો દાવો સુરક્ષા એજન્સીઓ દ્વારા કરવામાં આવ્યો છે.વર્ષ 2021માં મુંદ્રા બંદર ખાતેથી નેશનલ ઇન્વેસ્ટિગેશન એજન્સી (NIA)દ્વારા લગભગ 21 હજાર કરોડ રૂપિયાની કિંમતનુ ત્રણ હજાર કિલોગ્રામ ડ્રગ્સ ઝડપી પડાયુ હતું. વર્ષ 2023માં કચ્છના ગાંધીધામથી 30 કિમીના અંતરે આવેલ મીઠી રોહર ગામના દરિયાકાંઠેથી સ્થાનિક પોલીસને 80 કિલો કોકેઇન મળી આવ્યું હતું.

સત્તાપરિવર્તન ડ્રગ્સનુ મુખ્ય કારણ

સુરક્ષા એજન્સી સાથે સંકળાયેલા લોકો અફઘાનિસ્તાનમાં સત્તાપરિવર્તનને કારણે ડ્રગ્સની હેરફેરમાં વધારો થયો છે કે કેમ તેને નજીકથી જોઈ રહ્યા છે. તાલિબાન માટે અફીણના ખેડૂતો પાસેથી ખંડણી તથા હેરફેર કરનારા પાસેથી રકમની વસૂલાત આવકનો મુખ્ય સ્રોત છે.

250 ગ્રામથી વધુનો જથ્થો હોય તો વેપાર માટેનો મનાય

નાર્કોટિક્સ કંટ્રોલ બ્યૂરો દ્વારા જો કોઈ વ્યક્તિ પાસેથી પાંચ ગ્રામ સુધીનું હેરોઇન પકડાય તો તેને ઓછો જથ્થો માનવામાં આવે છે. જ્યારે 250 ગ્રામ કે તેથી વધુના જથ્થાને મોટો જથ્થો માની તેમાં વેપારનું તત્ત્વ હોવાનું માનવામાં આવે છે.

અફીણમાંથી બને છે નશાકારક પદાર્થ

વિશ્વમાં અફીણના કુલ ઉત્પાદનમાંથી 80 ટકા ઉત્પાદન અફઘાનિસ્તાનમાં થાય છે. જેમાં શુદ્ધિકરણ દ્વારા હેરોઇન સહિતના આદત પડી જાય તેવા નશાકારક પદાર્થ બનાવી શકાય છે.

ગુજરાતમાંથી કોને મોકલાય છે ડ્રગ્સ

ગુજરાતમાંથી પકડાતું ડ્રગ્સ મુખ્યત્વે ઉત્તર ભારત જ પહોંચાડવાનું હોય છે.દરેક વખતે જુદા-જુદા માણસો દ્વારા તેને આગળ પહોંચાડવામાં આવે છે. મુખ્યત્વે આ ડ્રગ્સ પંજાબ અને દિલ્હી જ પહોંચાડવાનું હોય છે,એક વખત ગુજરાતમાં ડ્રગ્સ પહોંચે ત્યાર બાદ તેને ટ્રેન, બસ કે કારમાં ગુજરાતમાંથી બહાર લઈ જવામાં આવે છે.

ગુજરાતનો દરિયો ડ્રગ્સ વેપારનું માન્ચેસ્ટર બન્યું ?  

છેલ્લાં કેટલાંક વર્ષોમાં ગુજરાતમાં રાષ્ટ્રીય અને રાજ્ય સ્તરની વિવિધ એજન્સીઓએ ડ્રગ્સના મોટા મોટા જથ્થા પકડ્યા છે. આ પૈકી મોટા ભાગની કાર્યવાહી ગુજરાતના દરિયાકાંઠાવાળા વિસ્તારોમાં કરાઈ છે. જેમાં, કચ્છ, જામનગર, સૌરાષ્ટ્રનાં અન્ય કેટલાંક સ્થળો અને દક્ષિણ ગુજરાતનાં સ્થળો સામેલ છે.

વરસાદ જેવા પાણી ભરાતા સ્થાનિકો પરેશાન

સ્થાનિકોનું કહેવું છે કે, ગોપાલચોકમાં છેલ્લા 6 મહિનાથી ગટર ઊભરાવાની સમસ્યા છે. ઘણા સયમથી આ સમસ્યા હોવા છતાં તંત્ર દ્વારા કોઈ પ્રકારે કાયમી ઉકેલ લાવવામાં આવતો નથી. રસ્તા પર ગટરના પાણી ભરાયેલા રહેતા હોવાથી ગંદકી થાય છે અને પરિવહન કરતાં લોકોને ગટરના ગંદા પાણીમાંથી પસાર થવું પડે છે.

ધારાસભ્ય કયાં ગયા ?

સમગ્ર ઘટનાની વાત કરીએ તો છેલ્લા પાંચ દિવસથી ગટરના પાણી ઉભરાઈને બહાર આવી રહ્યાં છે,સ્થાનિકોનો આક્ષેપ છે કે,ગટરના પાણીની દુર્ગંધ ઘરમાં આવી રહી છે,તો લોકો બીમારીનો ભોગ બની રહ્યાં છે કેમકે ગટરના પાણીના કારણે મચ્છરોનો ઉપદ્વવ પણ વધી રહ્યો છે.સ્થાનિકોનો આક્ષેપ છે કે ધારાસભ્ય હોય કે કોર્પોરેટર હોય તે કોઈ જોવા આવ્યું નથી અને અમારી સમસ્યા દૂર પણ થઈ નથી,અમદાવાદના મેયર સાહેબ જરા જુઓ આ દ્રશ્યો તો તમને પણ ખબર પડશે કે તમારા કોર્પોરેટરો વિસ્તારમાં શું કામ કરી રહ્યાં છે.

સ્થાનિકો અકળાતા રોડ કર્યો ચક્કાજામ 

અમદાવાદના નિકોલમાં ગટરનાં પાણી ઉભરાવાના યથાવત છે,હજી સુધી કોર્પોરેશન કે કોર્પોરેટરો આ ગટરના પાણીની સમસ્યા દૂર કરી શકયા નથી જેના કારણે સ્થાનિકોમાં આક્રોશ જોવા મળ્યો છે અને ગટરનાં પાણી ભરાતા સ્થાનિકોને પારાવાર મુશ્કેલીનો સામનો કરવાનો વારો આવ્યો છે,વારંવાર રજૂઆત છતાં સ્થિતિમાં સુધારો નથી અને બે દિવસ પહેલાં પણ સ્થાનિકોએ ચક્કાજામ કર્યો હતો,સ્થાનિકોની હાલાકી છતાં તંત્રના પેટનું પાણી નથી હલતું.

Ahmedabadના નિકોલમાં ભર ઉનાળે ચોમાસા જેવો માહોલ, ગટરના પાણી ઉભરાઈને રોડ પર આવ્યા 

અમદાવાદના નિકોલમાં ભર ઉનાળે ચોમાસા જેવો માહોલ સર્જાયો છે,જાણે રોડ પર એમ લાગે કે વરસાદનું પાણી ભરાયું છે,પરંતુ આ વરસાદનું પાણી નથી આ ગટરનું પાણી છે અને સ્થાનિકો આ ગટરના પાણીમાંથી પસાર થઈ રહ્યાં છે,નિકોલના ગોપાલ ચોકમાં આ ગટરના પાણી ઉભરાઈને બહાર આવ્યા છે.

આંબેકડરના  તૈલચિત્ર સમક્ષ શ્રધ્ધા સુમન અર્પણ કર્યા હતા

ડૉ. બાબાસાહેબે જીવવા માટે આપણી પાસે વિચારવાની, વર્તનની અને વિશ્વાસ રાખવાની સ્વતંત્રતા હોવી જોઇએ તેવા વ્યક્ત કરેલા વિચારોનો પણ મુખ્યમંત્રીએ ઉલ્લેખ કર્યો હતો.મુખ્યમંત્રી ભૂપેન્દ્ર પટેલે ડૉ. બાબાસાહેબ આંબેડકરના વિચારોને જીવનમાં ઉતારીને સામાજિક સમાનતા સાથે વડાપ્રધાન નરેન્દ્ર મોદીની સંકલ્પનાના વિકસીત ભારત@2047 માટે સતત પ્રયત્નશીલ રહેવા સૌને પ્રતિબધ્ધ થવાનું આહવાન આ અવસરે કર્યું હતું.મુખ્યમંત્રી અને વિધાનસભા અધ્યક્ષs વિધાનસભાના પોડિયમમાં ડૉ. બાબાસાહેબ આંબેકડરના  તૈલચિત્ર સમક્ષ શ્રધ્ધા સુમન અર્પણ કર્યા હતા.આ પ્રસંગે ગાંધીનગરના મેયર મીરાબહેન પટેલ, ધારાસભ્ય રીટાબેન પટેલ, ગાંધીનગર મહાનગરપાલિકાના સ્ટેન્ડીંગ કમીટીના ચેરમેન ગૌરાંગ વ્યાસ, શહેર પ્રમુખ રૂચિર ભટ્ટ, ગુડાના પૂર્વ અધ્યક્ષ આશિષ દવે અને પદાધિકારીઓ તથા અગ્રણીઓ અને નગરજનો ઉપસ્થિત રહ્યા હતા.

ડૉ. બાબાસાહેબ ભીમરાવ આંબેડકર સન્માન અભિયાન ચલાવવાનું

તેમણે ઉમેર્યું કે, બાબા સાહેબે સમગ્ર સમાજ માટે સમાનતા, ન્યાય અને આધુનિકતાના આધારે ભારતનું બંધારણ ઘડવામાં મહત્વપૂર્ણ ભૂમિકા નિભાવી હતી.મુખ્યમંત્રી ભૂપેન્દ્ર પટેલે તારીખ ૧૪ એપ્રિલથી ૨૪ એપ્રિલ સુધી સમગ્ર રાજ્યમાં ડૉ. બાબાસાહેબ ભીમરાવ આંબેડકર સન્માન અભિયાન ચલાવવાનું છે તેની પણ ભૂમિકા આપી હતી.બાબા સાહેબ હંમેશા માનતા હતા કે સામાજિક ન્યાય વગર માનવતાની કલ્પના અધૂરી છે. શિક્ષણ, સંઘર્ષ અને સંગઠન એ ત્રણેય જરૂરી છે. એવો તેમનો સ્પષ્ટ મત હતો એમ પણ મુખ્યમંત્રી ભૂપેન્દ્ર પટેલે ઉમેર્યુ હતું.

ગાંધીનગરમાં આંબેડકર પ્રતિમાને શ્રધ્ધાસુમન અર્પણ

ભારત રત્ન ડૉ. બાબાસાહેબ ભીમરાવ આંબેડકરની ૧૩૪ મી જન્મજ્યંતિએ ગાંધીનગરમાં આંબેડકર પ્રતિમાને શ્રધ્ધાસુમન અર્પણ કરવાના કાર્યક્રમમાં મુખ્યમંત્રી ભૂપેન્દ્ર પટેલ સાથે વિધાનસભાના અધ્યક્ષ શંકરભાઇ ચૌધરી  અને સામાજિક ન્યાય અને અધિકારીતા મંત્રી ભાનુ બહેન બાબરિયા પણ સહભાગી થયા હતા.મુખ્યમંત્રીએ આ અવસરે ઉપસ્થિત મેદનીને સંબોધન કરતા કહ્યું કે, ડૉ. બાબાસાહેબ ભીમરાવ આંબેડકરના યોગદાન અને પરિશ્રમથી જે બંધારણ ઘડવામાં આવ્યું અને તેનો સ્વીકાર કરવામાં આવ્યો તેનું પણ આ ૭૫મું વર્ષ છે. એટલે આ વર્ષની આંબેડકર જ્યંતિ ખાસ અવસર છે.

Ambedkarનું જીવન એ સંઘર્ષ અને સફળતાનું માર્ગદર્શક છે : મુખ્યમંત્રી ભૂપેન્દ્ર પટેલ

મુખ્યમંત્રી ભૂપેન્દ્ર પટેલે ભારત રત્ન ડૉ. બાબાસાહેબ ભીમરાવ આંબેડકરની ૧૩૪ મી જન્મ જ્યંતિએ ભાવાંજલી આપતાં સ્પષ્ટ પણે જણાવ્યુકે, બાબાસાહેબનું જીવન એ સંઘર્ષ અને સફળતાનું માર્ગદર્શક છે.આ સંદર્ભમાં મુખ્યમંત્રીએ ઉમેર્યુકે પોતાનો અધિકાર મેળવવા માટે સચોટ અભ્યાસ, વિચારશીલતા અને સામાજિક જાગૃતિ કેટલી જરૂરી છે તે ડૉ. બાબાસાહેબના જીવનમાંથી શીખવા મળે છે.

બિલને રાષ્ટ્રપતિ દ્રોપદી મુર્મૂએ આપી મંજૂરી

રાષ્ટ્રપતિની મંજૂરી પહેલા બન્ને ગૃહમાં બિલ પસાર કરવામાં આવ્યું હતુ અને મંત્રી કિરેન રિજિજૂએ વિધેયકને ગૃહમાં રજૂ કર્યું હતું અને આશરે 12-12 કલાક લાંબી ચર્ચા ગૃહમાં ચાલી હતી અને લોકસભામાં 288એ વિધેયકના પક્ષમાં મત આપ્યા હતા,232 સાંસદોએ બિલના વિરોધમાં મત આપ્યા હતા અને રાજ્યસભામાં બિલના પક્ષમાં 128 મત પડ્યા હતા સાથે સાથે રાજ્યસભામાં બિલની વિરુદ્ધ 95 મત પડ્યા હતા અને બિલ રાષ્ટ્રપતિ પાસે મંજૂરી માટે મોકલ્યું હતું તો મંજૂરી મળતા વક્ફ સંશોધન બિલ બન્યું કાયદો.

વક્ફ એક્ટ વિરુદ્ધની અરજીઓ પર 16 એપ્રિલે સુનાવણી

વક્ફ એક્ટ વિરુદ્ધની અરજીઓ પર 16 એપ્રિલે સુનાવણી કરવામાં આવશે જેમાં સુપ્રીમ કોર્ટની 3 જજોની બેન્ચ કરશે સુનાવણી અને ચીફ જસ્ટિસ સંજીવ ખન્નાની બેન્ચ કરશે સુનાવણી સાથે સાથે જસ્ટિસ સંજયકુમાર બેન્ચમાં હશે સામેલ અને જસ્ટિસ કેવી વિશ્વનાથન પણ બેન્ચમાં હશે સામેલ.

ભાજપ વક્ફ મુદ્દે જનજાગૃતિ અભિયાન ચલાવશે

20 એપ્રિલથી ભાજપ વકફ મુદ્દે જનજાગૃતિ અભિયાન ચલાવશે,બિલ મુસ્લિમોના હિતમાં છે તે સમજાવવા પ્રયાસ કરવામાં આવશે અને અભિયાન અંતર્ગત દિલ્હીમાં ભાજપની બેઠક મળશે અને આ બેઠકમાં અધિકારીઓ, પ્રદેશ પ્રમુખ હાજર રહેશે.

Waqf બોર્ડને લઈને જગદગુરુ શંકરાચાર્યનું નિવેદન, વક્ફ બોર્ડ હોવું જ ના જોઇએઃ શંકરાચાર્ય

વકફ બોર્ડને લઈને જગદગુરુ શંકરાચાર્યનું નિવેદન સામે આવ્યું છે,જેમાં તેમનું કહેવું છે કે,વક્ફ બોર્ડ હોવું જ ના જોઇએ,પાકિસ્તાનમાં હિંદુઓની સંપત્તિ હિંદુઓને મળી નથી તેમજ સંવિધાનમાં વક્ફ બોર્ડની કોઇ જોગવાઇ નથી,વિશ્વના કયા મુસ્લિમ દેશમાં વક્ફ બોર્ડ છે ? 70 વર્ષમાં મુસ્લિમોની ભલાઇ માટે વક્ફ બોર્ડે શું કર્યું,શરિયતથી નહીં સંવિધાનથી દેશ ચાલશે,સનાતન બોર્ડ બનાવી સરકાર હસ્તકના મંદિરો પરત લેવાશે.સદાનંદ સરસ્વતીએ ખેડાના માતરમાં આપ્યું નિવેદન.

વાંચો 12 વાગ્યા સુધીના મહત્વના સમાચાર

01 - aryana: હિસારમાં પીએમ મોદીએ કહ્યું-કોંગ્રેસ સંવિધાનની ભક્ષક

02 - Belgiumથી સ્વિટ્ઝર્લેન્ડ ભાગવાનો હતો મેહુલ ચોક્સી, હોસ્પિટલથી ધરપકડ સુધીની કહાની

03 - Petrol Diesel Price Today: ક્રૂડ ઓઇલની હિલચાલથી કિંમતમાં ફેરફાર

04 - Rajkotમાં કથાકાર ચંદ્ર ગોવિંદનો બફાટ, "દીકરીને નોકરી કરાવતા પિતાને લઈ અપમાનજક શબ્દો-ઉચ્ચાર્યા"

05 - Ahmedabd શહેરમાં 3 વિસ્તારમાં બન્યા ચેઈન સ્નેચિંગના બનાવ, પોલીસના પેટ્રોલિંગ પર ઉઠયા-સવાલો

06 - Ankleshwarની પાનોલી GIDCની જલ એક્વા કંપની ભડકે બળી, આગને લઈ મેજર-કોલ જાહેર

07 - Ahmedabad : ખ્યાતિકાંડમાં મુખ્ય આરોપી કાર્તિક પટેલ સામે આવતીકાલે ચાર્જશીટ થશે ફાઈલ

08 - Suratમાં એક સાથે ચાર વાહનો વચ્ચે ભયંકર અકસ્માત, એક વ્યકિતનો હાથ કપાયો

09 - Gujarat ATS અને ભારતીય કોસ્ટ ગાર્ડે પોરબંદરના દરિયામાંથી 1800 કરોડનું ડ્રગ્સ ઝડપ્યું

10 - PNB કૌભાંડના આરોપી ભાગેડુ ઉદ્યોગપતિ મેહુલ ચોક્સીની બેલ્જિયમથી ધરપકડ

સમગ્ર સૌરાષ્ટ્રભર માંથી ખેડૂતો ગોંડલ યાર્ડમાં આવે છે

ગોંડલ યાર્ડના સેક્રેટરી તરુણભાઈ પાંચાણી એ જણાવ્યું હતું કે ગોંડલ યાર્ડમાં વિવિધ જણસીઓની પુષ્કળ આવક થાય છે. જેનું મુખ્ય કારણ એ છે કે ખેડૂતોને અહીં પોતાની જણસીઓનો પૂરતો ભાવ તેમજ યાર્ડમાં જણસી ઉતારવા થી લઈને જણસીઓનો તત્કાલિક નિકાલ કરવામાં આવે છે. યાર્ડના કર્મચારીઓ દિવસરાત ખડેપગે રહી ખેડૂતોને કોઈ હેરાનગતિ અને અગવડતા ન પડે તેની પૂરતી કાળજી રાખવામાં આવે છે. ગોંડલ યાર્ડમાં સૌરાષ્ટ્રભર માંથી જેમ કે રાજકોટ, મોરબી, સુરેન્દ્રનગર, જામનગર, જૂનાગઢ, પોરબંદર, ભાવનગર, અમરેલી સહિતના જિલ્લાઓ માંથી ખેડૂતો પોતાની જણસી વેચવા માટે અહીં આવી પહોંચે છે અને ખેડૂતો પણ પોતાની જણસી વેચવા ગોંડલ યાર્ડને પ્રથમ પસંદગી આપતા હોય છે.

યાર્ડના પાર્કિંગ ગ્રાઉન્ડમાં 3500થી વધુ વાહનો નોંધાયા

ગોંડલ માર્કેટિંગ યાર્ડના સેક્રેટરી તરુણભાઈ પાંચાણી જણાવ્યું હતું કે,ગોંડલ યાર્ડમાં ધાણાની જણસી આવકની જાહેરાત કરવામાં આવતા સૌરાષ્ટ્ર ભરમાંથી ખેડૂતો ગઈકાલ સવારથી યાર્ડની બાજુમાં આવેલ પાર્કિંગમાં 3500થી વધુ વાહનો નોંધણી થવા પામી હતી. આજરોજ ગોંડલ માર્કેટિંગ યાર્ડમાં રેકોર્ડબ્રેક આવક નોંધાતા યાર્ડના તમામ કર્મચારીઓ અધિકારીઓએ આખી રાત ખડેપગે રહી ધાણાની જણસીનો પુરી જેહમતથી સમાવેશ કરી લેવામાં આવ્યો છે. યાર્ડમાં હાલ જગ્યા ન હોવાથી ધાણાની આવક બંધ કરવામાં આવેલ છે. જેની દરેક ખેડૂત ભાઈઓ તેમજ વાહન માલિકોએ ખાસ નોંધ લેવી. તેમજ ગોંડલ યાર્ડમાં ડુંગળી, ઘઉં સહિત અન્ય જણસીની પણ પુષ્કળ આવક હોય અને યાર્ડમાં જગ્યાનો હોવાને કારણે ડુંગળી અને ઘઉંની પણ જણસીની આવક બંધ કરવામાં આવી છે. 

Gondal માર્કેટિંગ યાર્ડમાં ધાણાની 3 લાખ ગુણીની ઐતિહાસિક અને રેકોર્ડબ્રેક આવક નોંધાઈ  

સૌરાષ્ટ્ર તેમજ ગુજરાતમાં મોખરાનું સ્થાન ધરાવતા ગોંડલ માર્કેટિંગ યાર્ડમાં ધાણાની ઐતિહાસિક અને રેકોર્ડબ્રેક 3 લાખથી વધુ ગુણીની આવક થવા પામી હતી. ગોંડલ યાર્ડ ધાણાનું હબ માનવામાં આવે છે. ત્યારે આજરોજ ગોંડલ યાર્ડમાં ધાણાની ગુણીઓ આવક થતા યાર્ડમાં જગ્યા ટૂંકી પડી હતી. યાર્ડમાં આવેલ ગ્રાઉન્ડ તેમજ છાપરાઓ ધાણાની આવકથી ખચોખચ ભરાય જવા પામ્યા હતા.યાર્ડમાં આવેલ વેપારીઓ તેમજ કમીશન એજન્ટની ઓફિસની બહાર ધાણાની ગુણીઓ ઉતારવાની ફરજ પડી હતી. હરાજીમાં ધાણાના 20 કિલોના ભાવ રૂપિયા 800/- થી 1650/- અને ધાણીના 20 કિલોના ભાવ રૂપિયા 800/- થી 2000/- સુધીનો ભાવ બોલાયો હતો.

કાપોદ્રા પોલીસે નોંધ્યો હતો ગુનો

81.99 લાખ રૂપિયાના હીરા ચાઉં કરી જનાર ચીટર અક્ષર લખાણી છેલ્લા 3 મહિનાથી નાસતો ફરતો હતો. જેમાં અક્ષર લખાણી ચોરી-છુપી રીતે મોડીરાતે પોતાના ઘરે આવતો હોવાની ડીસીપી આલોકકુમારની એલસીબી ઝોન-1ની ટીમને માહિતી મળી હતી. આથી સ્ટાફે ગુરુવારે મોડીરાતે આરોપી અક્ષર લખાણીને તેના ઘરેથી દબોચી લીધો હતો.કાપોદ્રા પોલીસે આ મામલે ચીટીંગનો ગુનો દાખલ કર્યો હતો.

Suratમાં 82 લાખના હીરા ચાઉં કરનાર ઝડપાયો 

સુરતમાં 82 લાખના હીરા ચાઉં કરનારને પોલીસે ઝડપી પાડયો છે,જેમાં પોલીસે આરોપી અક્ષર લાખાણીની ધરપકડ કરી છે,82 લાખના હીરા પોલિશ્ડ કરવાના બહાને આરોપી હીરા લઈને ફરાર થઈ ગયો હતો અને 82 લાખના હીરા 21 લાખમાં વેચી માર્યા હતા,તો આરોપી છેલ્લા ચાર મહિનાથી ફરાર હતો અને પોલીસને ઘરે આવવાની બાતમી મળતા પોલીસે દબોચી લીધો હતો.

ખેડાની ડાકોર સબ ડિસ્ટ્રિક્ટ હોસ્પિટલમાં મારામારી

હોસ્પિટલમાં દર્દીના સગાઓએ ડોક્ટરને માર્યો માર,દર્દીના સગાઓએ હોબાળો કરી ડોક્ટરને માર્યો માર,સમગ્ર ઘટનાનો વીડિયો સામે આવ્યો.

આરોપીએ અગાઉ પણ છેતરપિંડી કરી હતી

સુરતના સરથાણા વિસ્તારમાં રહેતા યુવક સાથે વિઝા કરાવી આપવાના બહાને 96 લાખ રૂપિયા ઠગ ટોળકી દ્વારા પડાવી લેવામાં આવ્યા હતા. છેતરપિંડી કરવાના ગુનામાં ફરાર આરોપીને ઝડપી પાડી સંગઠિત ક્રાઈમની બીએનએસની કલમ 111(3)(4)નો ઉમેરો કરી દાખલા રૂપ કાર્યવાહી કરી છે. મહત્ત્વનું છે, કે પોલીસ કમિશનર અનુપમસિંહ ગેહલોતના સીધા માર્ગદર્શન હેઠળ સરથાણા પોલીસ સ્ટેશનના પીઆઇ એમ.બી.ઝાલાએ કોર્ટ મારફત આ કલમોનો ઉમેરો કર્યો છે.આરોપીને ઝડપી પાડ્યા બાદ ખુલાસો પણ થયો હતો કે, આ તમામ આરોપીઓ વિરુદ્ધ સુરત શહેરના અલગ અલગ પોલીસ સ્ટેશનમાં પણ ફરિયાદો દાખલ થઈ હતી અને તેમા પણ ફરાર હતા.  

Suratમાં કેનેડાના વિઝા અપાવવાના નામે 96 લાખની છેતરપિંડી 

સુરતમાં કેનેડાના વિઝા અપાવવાના બહાને રૂપિયા 96 લાખની છેતરપિંડી થઈ હોવાની વાત સામે આવી છે,વડોદરાની 2 યુવતી પાસેથી રૂ. 96 લાખ પડાવ્યા હોવાની વાત સામે આવી છે,પોલીસે આરોપી મુકેશ મેંદપરાને અમદાવાદથી ઝડપ્યો છે અને મુકેશ મેંદપરા અગાઉ 3 ગુનામાં ઝડપાઈ ચૂક્યો છે,તો સરથાણા પોલીસે વધુ તપાસ હાથધરી છે. 

ગાંધીનગરમાં આંબેડકર યુનિ.નો 10મો પદવીદાન સમારોહ

18108 વિદ્યાર્થીઓને પદવી એનાયત કરાઈ,16 PHD, 1 એમ ફીલ, 9003 સ્નાતકને ડિગ્રી એનાયત,સમારોહમાં 4075 અનુસ્નાતકને ડિગ્રી એનાયત કરાઈ,39 વિધાર્થીઓને ગોલ્ડ મેડલ પણ એનાયત કરાયા,40 વિધાર્થીઓને સિલ્વર મેડલ એનાયત કરાયા.

અગ્નિવીર તાલીમ યોજના

આ જ રીતે અનુસૂચિત જાતિના યુવાનોને આત્મનિર્ભર બનાવવાના ઉદ્દેશ સાથે હવે વાહન, સ્વરોજગાર તથા ઉચ્ચ શિક્ષણ માટે લેવામાં આવેલી બેંક લોન પર 6% સુધીની વ્યાજ સબસીડી પ્રદાન કરવાનો મહત્વપૂર્ણ નિર્ણય કરવામાં આવ્યો છે. વધુમાં, યુવાનોને સેનામાં ભરતી થવા માટે સક્ષમ બનાવવાના ઉદ્દેશથી ‘અગ્નિવીર તાલીમ યોજના’ અંતર્ગત 150 અનુસૂચિત જાતિના યુવાનોને તાલીમ સહાય આપવાનો પણ મહત્વપૂર્ણ નિર્ણય કરવામાં આવ્યો છે. 

અનુસૂચિત જાતિના લોકોને આવાસ અને આત્મનિર્ભરતા માટે વિશેષ પ્રયાસો

ગુજરાત સરકાર દ્વારા અનુસૂચિત જાતિના લોકો માટે આવાસીય સુવિધા માથા પર ફક્ત એક છત પ્રદાન કરવાની પહેલ નથી, પરંતુ સામાજિક ગરિમા અને આત્મસન્માનની દિશામાં એક મજબૂત પગલું છે. આ જ ક્રમમાં, ડૉ. આંબેડકર આવાસ યોજના હેઠળ અત્યારસુધીમાં 55,329 લાભાર્થીઓને ₹238 કરોડથી વધુની આર્થિક મદદ પ્રદાન કરવામાં આવી છે. તાજેતરમાં જ ગુજરાત સરકારે આ યોજના હેઠળ મળનારી સહાય રકમમાં ₹50,000નો નોંધપાત્ર વધારો કરીને આ રકમ ₹1,20,000 થી વધારીને ₹1,70,000 કરી દીધી છે.

વ્યાવસાયિક શિક્ષણમાં પણ અનુસૂચિત જાતિની યુવા પ્રતિભાઓને મળી રહ્યું છે પ્લેટફોર્મ

ગુજરાત સરકાર સામાજિક ન્યાયની દિશામાં ફક્ત પરંપરાગત શિક્ષણ સુધી જ સીમિત ન રહેતા વ્યાવસાયિક શિક્ષણમાં પણ અનુસૂચિત જાતિના યુવાનોને મુખ્ય પ્રવાહ સાથે જોડવા માટેના પ્રયાસો કરી રહી છે. તાજેતરમાં, ગુજરાત સરકારે કાયદાના સ્નાતકોને નાણાકીય પ્રોત્સાહનોમાં વધારો આપવાનો નિર્ણય લીધો છે, જેમાં પ્રથમ વર્ષ માટે ₹7,000, બીજા વર્ષ માટે ₹6,000, ત્રીજા વર્ષ માટે ₹5,000 અને વરિષ્ઠ વકીલોને તાલીમાર્થી દીઠ ₹3,000 ની નાણાકીય સહાય આપવામાં આવશે. આ જ રીતે મેડિકલ પ્રોફેશનલ્સ માટે પણ ડૉ. પી.જી. સોલંકી યોજના હેઠળ મેડિકલ સ્નાતકોને મળનારી સહાયતાની રકમ ₹50,000થી વધારીને ₹1,00,000 કરી દીધી છે. 

શિષ્યવૃત્તિ અને સહાય યોજનાઓ થકી અનુસૂચિત જાતિના વિદ્યાર્થીઓનું આર્થિક સશક્તિકરણ

ગુજરાત સરકાર અનુસૂચિત જાતિના વિદ્યાર્થીઓને વિવિધ સ્તરોએ વ્યાપક આર્થિક સહાય પ્રદાન કરી રહી છે. જેમકે, પ્રિ-મેટ્રિક શિષ્યવૃત્તિ યોજના હેઠળ 3,57,095 વિદ્યાર્થીઓને ₹47.86 કરોડની સહાય આપવામાં આવી, જ્યારે પોસ્ટ મેટ્રિક શિષ્યવૃત્તિ યોજના હેઠળ 1,54,837 વિદ્યાર્થીઓને ₹297.08 કરોડનો લાભ મળ્યો. વધુમાં, ફૂડબિલ યોજના હેઠળ પણ 11,587 વિદ્યાર્થીઓને ₹17.33 કરોડની સહાય આપવામાં આવી, જેનાથી વિદ્યાર્થીઓ શિક્ષણ પર સંપૂર્ણ ધ્યાન કેન્દ્રિત કરી શકે અને તેમને કોઈપણ પ્રકારની આર્થિક મુશ્કેલીઓનો સામનો ન કરવો પડે. 

સહુને શિક્ષણ, સહુને તકના લક્ષ્ય સાથે અનુસૂચિત જાતિની યુવા પ્રતિભાઓને પ્રોત્સાહન 

ગુજરાત સરકાર અનુસૂચિત જાતિના વિદ્યાર્થીઓ માટે ખાસ કરીને ગુણવત્તાયુક્ત શિક્ષણ પર વિશેષ ભાર મૂકી રહી છે. રાજ્યમાં સંચાલિત 25 આદર્શ નિવાસી શાળાઓમાં 1822 અનુસૂચિત જાતિ (એસસી) વિદ્યાર્થીઓ અભ્યાસ કરી રહ્યા છે, જ્યારે 79 સરકારી છાત્રાલયોમાં 4924 વિદ્યાર્થીઓને આવાસ અને ભોજનની સુવિધાઓ આપવામાં આવી રહી છે. આ ઉપરાંત, સમરસ છાત્રાલય યોજના અંતર્ગત વર્ષ 2024-25માં 13,150 વિદ્યાર્થીઓને પ્રવેશ આપવામાં આવ્યો, જેમાં 2110 વિદ્યાર્થીઓ અનુસૂચિત જાતિના છે. રાજ્ય સરકારના આ તમામ પ્રયાસો વડાપ્રધાન શ્રી નરેન્દ્ર મોદીના એ વિઝનને મૂર્ત સ્વરૂપ આપી રહ્યા છે કે, ‘જ્યારે સમાજના છેવાડાના લોકોને ઉજળી તકો પ્રાપ્ત થાય છે, ત્યારે જ સશક્ત ભારતનું નિર્માણ સંભવ બને છે.’ 

Gujarat : વર્ષ 2024-25માં ડો. આંબેડકર આવાસ યોજના હેઠળ 55,329 લાભાર્થીઓને મળી

વડાપ્રધાન નરેન્દ્ર મોદીએ કહ્યું હતું કે ડૉ. બાબાસાહેબ આંબેડકરે આપણને શીખવાડ્યું છે કે, “જ્યાં સુધી સમાજના સાવ છેવાડે ઉભેલા માનવી સુધી ન્યાય પહોંચતો નથી, ત્યાં સુધી સામાજિક ન્યાય અધૂરો છે.” જ્યારે સામાજિક ન્યાયના સંદર્ભમાં મુખ્યમંત્રી  ભૂપેન્દ્ર પટેલ કહે છે કે, “ડૉ. આંબેડકરે જે સામાજિક ન્યાય અને સમાનતાનો પાયો નાખ્યો છે, તે જ આજે ગુજરાત સરકારના સમરસ અને સર્વસમાવેશી વિકાસ મોડલની પ્રેરણા છે.”સામાજિક સમરસતાના આ જ દૃષ્ટિકોણને સાકાર કરતા ગુજરાત સરકાર રાજ્યમાં સામાજિક ન્યાય અને અનુસૂચિત જનજાતિનું સશક્તિકરણ સુનિશ્ચિત કરીને તેમના સમુદાયના કલ્યાણ અને ઉત્થાન માટે અનેક પ્રયાસો કરી રહી છે. 

કથાકારે બંધારણ બનાવવા વાળાને મુર્ખ કહ્યાં હતાં

કથાકારે એક નિવેદનમાં બંધારણ બનાવવા વાળાને મુર્ખ કહ્યાં હતાં. તેમણે એવું પણ કહ્યું હતું કે, સંવિધાને દેશને વ્યભિચારમાં ધકેલી દીધો છે. આ સંવિધાન ધર્મને આધારે બનવું જોઈએ.વિવાદ વધતાં કથાકારે માફી માંગી હતી.કથાકાર ચંદ્ર ગોવિંદદાસના નિવેદનનો વીડિયો વાયરલ થયા બાદ દલિત સમાજમાં રોષ ફેલાયો હતો.કથાકારે વીડિયો વાયરલ થયા બાદ તેમના નિવેદન અંગે વિરોધ વધતાં માફી માંગી હતી. તેમણે કહ્યું હતું કે, મારા વિશે ગેરસમજ ફેલાવવામાં આવી રહી છે. મેં દીકરીઓ પર થતાં અત્યાચાર અંગે કહ્યું હતું.

અનુસુચિત સમાજની કથાકાર વિરુદ્ધ ફરિયાદ નોંધવા માગ

આ સમગ્ર ઘટનાને લઈ રાજકોટ અનુસુચિત સમાજમાં રોષની લાગણી જોવા મળી છે,અનુસુચુચિત સમાજના અગ્રણીનું કહેવું છે કે,15 એપ્રિલ સુધી કથાકાર વિરુદ્ધ ફરિયાદ નોંધાય તેવી માગ કરાઈ છે, કથાકાર બે સમાજ વચ્ચે ઝઘડા કરાવવાનું કામ કરે છે અને આગેવાનનું કહેવું છે કે,આવા લોકોને કથાકાર કોણે બનાવ્યા તેને લઈ વિવાદ ઉઠયો છે.

Rajkotમાં કથાકાર ચંદ્ર ગોવિંદ બફાટ, દીકરીને નોકરી કરાવતો પિતા સૌથી મોટો હરામખોર

કથાકાર ચંદ્ર ગોવિંદ દાસના વિવાદિત નિવેદનનો વીડિયો સોશિયલ મીડિયામાં વાયરલ થઈ રહ્યો છે. તેમણે એક વિવાદિત નિવેદન આપતાં અનુસુચિત સમાજમાં રોષ ફેલાયો છે. કથાકારે એક નિવેદનમાં કહ્યું કે,દીકરીને નોકરી કરાવતો પિતા સૌથી મોટો હરામખોર છે જેને લઈ રોષ જોવા મળ્યો છે.બે દિવસ અગાઉ પણ ચંદ્ર ગોવિંદે વિવાદિત નિવેદન આપ્યું હતુ અને માફી માંગી હતી.

સરદાર નગરમાં વિલિયમ ઝેવીયર્સ સ્કુલની સામેની સામે જાહેર રોડ ઉપર  પાસે ચેઈન સ્નેચિંગ

ફરિયાદી બજાજ ચેતક ઇલેકટ્રીક ટુ વ્હિલર નં. GJ 01 VB 2660 ની લઈ ઘરે જતા હતા. દરમિયાન પાછળ એક કાળા કલરની બાઈક લઈને અજાણ્યો વ્યકિતમો.સા. ચાલક એકદમ નજીક લાવી ફરી.એ ગળામા પહેરેલ સોનાનો દોરો વજન આશરે ૫ ગ્રામ વજનનો કિ.રૂ.ર૫૦૦૦/- નો તોડી (આંચકી) લઈ નાસી ગયો હતો.

નિકોલ કેનેરા બેંક ચાર રસ્તા સહજાનંદ બંગ્લોઝની સામે પાસે ચેઈન સ્નેચિંગ

નિકોલના સહજાનંદ બંગ્લોઝની સામે જાહેર રોડ પર શાકભાજીની લારી પર શાકભાજીની ખરીદી કરત હતા તે વખતે એક બ્લેક કલરની એકટીવા જેવી ટુ વ્હીલર લઈને એક અજાણ્યો ઈસમ ૨૦ થી ૨૨ વર્ષની ઉપરનો જેણે સફેદ કલરનો શર્ટ પહેરેલ હતો જે શરીરે મધ્યમ બાંધાનો હતો જેને મોઢાના ભાગે માસ્ક બાંધેલ હતુ તે અજાણ્યો ઇસમ પોતાની બ્લેક કલરની એકટીવા ટુ વ્હીલર પાછળ થી લઈ આવી ફરીયાદીની નજર ચુકવી કરીના ગળામાં પહેરેલ સોનાની ચેઈન આશરે ત્રણ તોલાની ઝુંટવીને ફરાર થઈ ગયો હતો.

ઓઢવ નવરંગ ચાર રસ્તા પાસે ચેઈન સ્નેચિંગ

ઓઢવના નવરંગ ચાર રસ્તા પાસે જાહેર રોડ ઉપર જાહેરમાંથી ચેઈન સ્નેચિંગની ઘટના બની છે.જેમાં સાંજના 5 કલાકે ફરિયાદી ઓઢવ નવરંગ સ્કુલની પાસે આવેલ શાક માર્કેટમાં શાકભાજી લેવા ચાલતા ચાલતા જવા નિકળેલા અને તે વખતે સાંજના આશરે સાડા છ વાગ્યે નવરંગ ચાર રસ્તા પાસે પહોંચતા એક એક્ટીવા પર આવેલ એક અજાણ્યો ઈસમ ઉવ-૨પ થી 30 વર્ષના આશરેનો હતો અને આરોપીએ એક્ટીવા એકદમ નજીકમાં રાખી સોનાની ચેઈન આશરે બે તોલા વજનની ઝુંટવીને ફરાર થઈ ગયો હતો. 

Ahmedabd શહેરમાં 3 વિસ્તારમાં બન્યા ચેઈન સ્નેચિંગના બનાવા, પોલીસના પેટ્રોલિંગ પર ઉઠયા સવાલ 

અમદાવાદ શહેરમાં હજી પણ આરોપીઓ બેફામ છે અને પોલીસને ખુલ્લો પડકાર આપી રહ્યાં છે,ત્યારે ગઈકાલે એટલે કે 13 એપ્રિલના રોજ અમદાવાદ શહેરમાં અલગ-અલગ ત્રણ વિસ્તારોમાં ચેઈન સ્નેચિંગના બનાવો બન્યા છે,જેમાં એરપોર્ટ રોડ,નિકોલ અને ઓઢવમાં ચેઈન સ્નેચિંગના બનાવો બન્યા હોવાની વાત સામે આવી છે.

રોડને કોર્ડન કરી દેવાયો છે

પોલીસે સુરક્ષાને લઈ રોડને કોર્ડન કરી દીધો છે, આગ લાગતાની સાથે જ કંપનીના તમામ કર્મચારીઓ સુરક્ષિત રીતે બહાર નીકળી ગયા હતા. આ દુર્ઘટનામાં કોઈ જાનહાનિ થઈ નથી. આગ લાગવાના કારણો અને નુકસાનનો અંદાજ હજુ મેળવવાનો બાકી છે.આસપાસના લોકોમાં પણ ગભરાહટ જોવા મળ્યો છે,તો મહત્વની વાત તો એ છે કે,આસપાસની ફેકટરીમાં આ આગ પ્રસરી નથી અને આસપાસની ફેકટરીમાંથી પણ શ્રમિકોએ માલ-સામાન સુરક્ષિત સ્થળે ખસેડી દીધો છે.

પાનોલીની જલ એક્વા કંપનીમાં ભીષણ આગ 

અંકલેશ્વરની પાનોલીની જલ એકવા કંપનીમાં ભીષણ આગ લાગતા અફરા-તફરીનો માહોલ સર્જાયો છે,આગને લઈ મેજર કોલ જાહેર કરાયો છે,તો આદ હજી પણ બેકાબુ છે અને ફાયર વિભાગની 10થી વધુ ગાડીઓ આગને કાબુમાં લેવાનો પ્રયત્ન કરી રહી છે.સમગ્ર પ્લાન્ટ આગની ઝપેટે આવી ગયો હતો,અને આ ઘટનામાં કોઈ દુર્ઘટના સર્જાઈ નથી અને કોઈ ઈજાગ્રસ્ત પણ થયું નથી,ફાયર વિભાગના ઉચ્ચ અધિકારીઓ પણ ઘટના સ્થળે છે,આગ કેમ લાગી તેનું કારણ અકબંધ છે.

Ankleshwarની પાનોલી GIDCની જલ એક્વા કંપની ભડકે બળી, આગને લઈ મેજર કોલ જાહેર કરાયો

અંકલેશ્વરની પાનોલી જીઆઈડીસીમાં આવેલી જલ એકવા કંપનીમાં અચાનક આગ લાગતા દૂર દૂર સુધી આગના ગોટા જોવા મળ્યા હતા,આગે એટલું વિકરાળ સ્વરૂપ ધારણ કર્યુ કે,ફેકટરી બળીને ખાખ થઈ ગઈ છે,આ આગમાં મેજર કોલ જાહેર કરવામાં આવ્યો છે,તો પોલીસે પણ ઘટના સ્થળે જઈને વધુ તપાસ હાથધરી છે,ફાયર વિભાગની 10થી વધુ ગાડીઓ ઘટના સ્થળે પહોંચી છે.

જાણો કયારથી શરૂ થશે ટ્રેન

01-17, 19, 24, 26 એપ્રિલ અને 1 મે 2025ના રોજ ટ્રેન સંખ્યા 19409 સાબરમતી-ગોરખપુર એક્સપ્રેસ પુનઃસ્થાપિત કરવામાં આવી છે, આ ટ્રેન સાબરમતીથી 4 કલાક રીશેડ્યુલ રહેશે અને 24, 26 એપ્રિલ અને 1 મે 2025 ના રોજ સાબરમતીથી ચાલનારી ટ્રેન સંખ્યા 19409 સાબરમતી-ગોરખપુર એક્સપ્રેસ બસ્તી સ્ટેશન પર શોર્ટ ટર્મિનેટ(સમાપ્ત) થશે અને બસ્તી-ગોરખપુર વચ્ચે આંશિક રીતે રદ રહેશે. 

02-19,21, 26, 28 એપ્રિલ અને 3 મે 2025 ની ટ્રેન સંખ્યા 19410 ગોરખપુર-સાબરમતી એક્સપ્રેસ ને પુનઃસ્થાપિત કરવામાં આવી છે અને 26, 28 એપ્રિલ અને 3 મે 2025 ની ટ્રેન સંખ્યા 19410 ગોરખપુર-સાબરમતી એક્સપ્રેસ બસ્તી સ્ટેશન થી શોર્ટ ઓરીજીનેટ (પ્રારંભ) થશે અને આ ટ્રેન ગોરખપુર-બસ્તી વચ્ચે આંશિક રીતે રદ રહેશે. 

03-યાત્રીઓ ને વિંનંતી છે કે ઉપરોક્ત ફેરફારોને ધ્યાનમાં રાખીને મુસાફરી કરે. ટ્રેનો ના સંચાલન સમય, સ્ટોપેજ અને સંરચના અંગે વિગતવાર માહિતી માટે, મુસાફરો www.enquiry.indianrail.gov.inની મુલાકાત લઈ શકે છે.

Railway : સાબરમતી-ગોરખપુર-સાબરમતી એક્સપ્રેસ ટ્રેન પુનઃસ્થાપિત કરાઈ

પૂર્વોત્તર રેલવેના કુસ્મહી -ગોરખપુર-ગોરખપુર કેન્ટ સ્ટેશનોની વચ્ચે ત્રીજી લાઇનના સંબંધમાં નોન-ઇન્ટરલોકિંગ કાર્યને કારણે, ટ્રેન સંખ્યા 19409/19410 સાબરમતી-ગોરખપુર એક્સપ્રેસ, જે અગાઉ રદ સૂચિત કરવામાં આવી હતી, હવે મુસાફરોની સુવિધા માટે, આ ટ્રેનને રીશેડ્યૂલ સમયની સાથે પુનઃસ્થાપિત કરવામાં આવી છે.

જાણો કોણ છે કાર્તિક પટેલ

કાર્તિક પટેલ ખ્યાતિકાંડનો મુખ્ય આરોપી છે અને તે હોસ્પિટલમાં ડિરેકટર પદે હતો,કાર્તિક પટેલ પહેલેથી કૌંભાડ કરતો હોવાની વાત સૂત્રો તરફથી સામે આવી છે,આ સમગ્ર કેસમાં હવે કોઈ આરોપીઓને ઝડપવાના બાકી નથી તમામ આરોપીઓને ઝડપી લેવામાં આવ્યા છે,જયારે ખ્યાતિ કાંડ સામે આવ્યો ત્યારથી કાર્તિક પટેલ ફરાર હતો અને વિદેશ ભાગી ગયો હતો,મહત્વની વાત તો એ છે કે,કાર્તિક પટેલ માર્કેટીંગની ટીમ સાથે મળીને નક્કી કરતો હતો કે કયાંથી કેટલા દર્દીઓ સારવાર માટે લાવવા અને કયાં કેટલા કેમ્પ કરવા એટલે આખી હોસ્પિટલનું મેનેજમેન્ટ એક જ કાર્તિક પટેલ કરતો હતો.

18 કંપનીના વ્યવહારો અંગે ED તપાસ હોવાની કબૂલાત

ખ્યાતિ કાંડને લઈ મુખ્ય આરોપી કાર્તિક પટેલે કહ્યું કે,કાર્તિક પટેલ વિરુદ્ધ કુલ 7 ફરિયાદ પોલીસ ચોપડે નોંધાઈ છે અને દર્દીઓના મૃત્યુમાં મામલે વસ્ત્રાપુરમાં 3 ફરિયાદ નોંધાઈ છે જેમાં PMJAYના કાર્ડ બનાવવા અંગે ક્રાઈમ બ્રાંચમાં ફરિયાદ નોંધાઈ છે અને કાર્તિકના ઘરમાંથી મળી આવેલા દારૂ અંગે ફરિયાદ નોંધાઈ છે,EDએ કાર્તિક પટેલ વિરુદ્ધ નોંધી હતી ફરિયાદ અને મુંબઈમાં જમીન દલાલ સાથે છેતરપિંડી અંગે ફરિયાદ નોંધાઈ છે,પોલીસ પણ આ મામલે તપાસ કરી રહી છે.

ડેટામાં કરતા હતા છેડછાડ

કાર્તિક પટેલના ઈશારે રાહુલ અને ચિરાગ ડેટા સાથે છેડછાડ કરતા હતા અને હોસ્પિટલના ડાયરેક્ટરની મહિનામાં 2 વાર મિટિંગ થતી હતી તેવી વાત સામે આવી છે જેમાં 3 વર્ષમાં ખ્યાતિ હોસ્પિટલના 112 દર્દીઓના મોત થયા છે અને ક્રાઇમ બ્રાન્ચ ચિરાગ અને રાહુલ જૈનને કોર્ટમાં રજૂ કરશે અને કોર્ટે ચિરાગ અને રાહુલના 1 દિવસના રિમાન્ડ કર્યા હતા મંજૂર,ક્રાઇમ બ્રાન્ચે ચિરાગ અને રાહુલની લીધી છે કસ્ટડી.સાબરમતી જેમાંથી ચિરાગ અને રાહુલની કસ્ટડીની ક્રાઇમ બ્રાન્ચએ લીધી છે.

કેટલા દર્દીઓએ સારવાર લીધી તેનો પણ ખુલાસો થશે

આ સમગ્ર ચાર્જશીટમાં કેટલા દર્દીઓએ સારવાર લીધી તેનો પણ ખુલાસો કરવામાં આવશે સાથે સાથે સરકારે રચેલી કમિટીના રિપોર્ટનો પણ ચાર્જશીટમાં સમાવેશ કરવામાં આવ્યો છે,અગાઉ 8 આરોપીઓ સામે ચાર્જશીટ ફાઈલ થઈ ચૂકી છે. 

Ahmedabad : ખ્યાતિકાંડમાં મુખ્ય આરોપી કાર્તિક પટેલ સામે આવતીકાલે ચાર્જશીટ થશે ફાઈલ 

અમદાવાદના વસ્ત્રાપુરમાં આવેલી ખ્યાતિ હોસ્પિટલના કાંડમાં કાર્તિક પટેલને લઈ મોટા સમાચાર સામે આવ્યા છે જેમાં મુખ્ય આરોપી કાર્તિક પટેલ સામે આવતીકાલે અમદાવાદ ક્રાઈમ બ્રાન્ચ ચાર્જશીટ ફાઈલ કરશે,અમદાવાદ ગ્રામ્ય કોર્ટમાં આ ચાર્જશીટ ફાઈલ કરવામાં આવશે,5 હજારથી વધુ પાનાની ચાર્જશીટ ફાઈલ થશે જેમાં તૈયાર કરાયેલી ચાર્જશીટમાં 105 સાક્ષીઓનો સમાવેશ થાય છે.

એક સાથે ચાર તોતિંગ વાહનો વચ્ચે સર્જાયો અકસ્માત 

ત્રણ સિમેન્ટ ભરેલા ટ્રેલર અને એક મુસાફર ભરેલી લકઝરી બસ એક બીજા પાછળ અથડાઈ હતી જેમાં લકઝરી બસ અને ટ્રેલરને પણ ભારે નુકસાન પહોંચ્યું છે,આસપાસના સ્થાનિકો મદદ માટે આવી પહોંચ્યા હતા અને પોલીસે બસના ડ્રાઈવર અને ટ્રેલરના ડ્રાઈવરનું નિવેદન પણ લીધું છે,કોની બેદરકારીના કારણે આ અકસ્માત સર્જાયો તેની પોલીસ તપાસ કરી છે,પોલીસે આસપાસના સીસીટીવી પણ મદદ માટે લીધા છે.જિલ્લા ટ્રાફિક અને કોસંબા પોલીસ ઘટના સ્થળે પહોંચી ગઈ છે અને વાહનો સાઈડ પર કરી ટ્રાફિક ખુલ્લો કરવામાં લાગી છે.

અકસ્માતમાં એક વ્યક્તિનો હાથ કપાયો

સુરતના કોસંબા હાઈવે પર વહેલી સવારે અકસ્માતની ઘટના બની હતી જેમાં વાહનો એક સાથે અથડાતા મુસાફરો ગભરાઈ ગયા હતા,તો અકસ્માતની જાણ થતા પોલીસ પણ ઘટના સ્થળે પહોંચી હતી અને વધુ તપાસ હાથધરી હતી,અકસ્માતને પગલે હાઈવે પર ટ્રાફિકજામ સર્જાયો હતો,નેશનલ હાઇવે 48 નજીક આ ઘટના બની હોવાની વાત સામે આવી છે.ઈજાગ્રસ્તોને હાથના અને પીઠના ભાગે ઈજા પહોંચી છે જેથી તેમને સરકારી હોસ્પિટલમાં સારવાર હેઠળ ખસેડાયા છે.

Suratમાં એક સાથે ચાર વાહનો વચ્ચે ભયંકર અકસ્માત, એક વ્યકિતનો હાથ કપાતા મચી દોડધામ 

સુરતના કોસંબા નજીક કોસંબા નજીક 3 ટ્રેલર અને લક્ઝરી બસ વચ્ચે અકસ્માત સર્જાયો છે,જેમાં ચાર વાહનો પાછળથી એકબીજા સાથે અથડાયા હતા અને અકસ્માત થયો છે આ અકસ્માતમાં એક વ્યકિતનો હાથ પણ કપાઈ ગયો છે,જયારે અન્ય લોકો ઈજાગ્રસ્ત થતા તેમને સારવાર હેઠળ હોસ્પિટલ ખસેડવામાં આવ્યા છે.

તપાસ માટે ડ્રગ્સ પોરબંદર લવાયું

પીછો બંધ થયો અને ICG જહાજ શંકાસ્પદ બોટને પકડવામાં નિષ્ફળ ગયું. દરમિયાન, દરિયાઈ બોટમાં ICG ટીમે, કઠિન રાત્રિની પરિસ્થિતિમાં સંપૂર્ણ શોધખોળ કર્યા પછી, દરિયામાં ફેંકવામાં આવેલ મોટા પ્રમાણમાં માદક દ્રવ્યોનો જથ્થો જપ્ત કર્યો.જપ્ત કરાયેલા ડ્રગ્સને વધુ તપાસ માટે ICG જહાજ દ્વારા પોરબંદર લાવવામાં આવ્યા છે. ICG અને ATSનું સંયુક્ત કાર્ય, જેના કારણે તાજેતરના વર્ષોમાં આવા 13 સફળ કાયદા અમલીકરણ કામગીરી હાથ ધરવામાં આવી છે, તે રાષ્ટ્રીય ઉદ્દેશ્ય માટે બંને દેશોના તાલમેલને પુષ્ટિ આપે છે.

ગુજરાત એટીએસને મળી હતી બાતમી

ATSના વિશ્વસનીય આંતરરાષ્ટ્રીય ઇનપુટના આધારે, ICG જહાજે રાતના અંધારા છતાં એક શંકાસ્પદ બોટ ઓળખી કાઢી. ICG જહાજ નજીક આવી રહ્યું હોવાનું જાણતાં, શંકાસ્પદ બોટે IMBL તરફ ભાગવાનું શરૂ કરતા પહેલા તેનો માદક દ્રવ્યોનો જથ્થો દરિયામાં ફેંકી દીધો.સતર્ક ICG જહાજે શંકાસ્પદ બોટનો પીછો શરૂ કરતી વખતે જપ્ત કરાયેલા માલને શોધવા માટે તાત્કાલિક તેની દરિયાઈ બોટને તૈનાત કરી.IMBL ની નિકટતા અને ICG જહાજ અને બોટ વચ્ચે પ્રારંભિક અલગતાએ ગુનેગારને થોડા જ સમયમાં IMBL પાર કરતા પહેલા અવરોધ ટાળવામાં મદદ કરી. 

ક્રૂ મેમ્બરો ડ્રગ્સ ફેંકી ફરાર થયા

12-13 એપ્રિલના રોજ રાત્રિના સમયે કરવામાં આવેલા ઓપરેશનમાં, ભારતીય કોસ્ટ ગાર્ડે ગુજરાત ATS સાથે સંયુક્ત રીતે સમુદ્રમાં ગુપ્ત માહિતી આધારિત નાર્કોટિક્સ વિરોધી ઓપરેશન હાથ ધર્યું હતુ જેમાં આશરે 1800 કરોડ રૂપિયાની કિંમતનો 300 કિલોથી વધુ માદક દ્રવ્યો જપ્ત કરવામાં આવ્યો છે.આ ઓપરેશન આંતર-એજન્સી સંકલનનું એક ઉત્તમ ઉદાહરણ હતું જેમાં ગુજરાત ATS તરફથી પુષ્ટિ કરાયેલ ઇનપુટના આધારે, કોસ્ટ ગાર્ડ ક્ષેત્ર (પશ્ચિમ) ના એક ICG જહાજ, જે ઉત્તર મહારાષ્ટ્ર/દક્ષિણ ગુજરાત વિસ્તારમાં બહુ-મિશન તૈનાત પર હતું,કાલ્પનિક આંતરરાષ્ટ્રીય દરિયાઈ સીમા રેખા (IMBL)ની નજીક ટ્રાન્સશિપમેન્ટના પ્રયાસને તે હાથ ધરવામાં આવે તે પહેલાં જ તેને વાળવામાં આવ્યો અને અટકાવ્યો, આમ સફળ કામગીરી થઈ.

Gujarat ATS અને ભારતીય કોસ્ટ ગાર્ડે પોરબંદર  1800 કરોડનું ડ્રગ્સ ઝડપ્યું

ભારતીય કોસ્ટ ગાર્ડ અને ગુજરાત ATSએ મોટું ઓપરેશન પાર પાડયું છે,જેમાં પોરબંદરના દરિયા નજીકથી 1800 કરોડની કિંમતનું ડ્રગ્સ ઝડપી લેવામાં આવ્યું છે,દરિયામાં રાતના સમયે ઓપરેશન પાડયું પાર,તો બીજી તરફ જપ્ત કરાયેલ ડ્રગ્સને તપાસ માટે પોરબંદર લવાયું છે.

પ્રશાસનિક અધિકારીગણ તથા ફિલ્મ કલાકારો ઉપસ્થિત રહ્યા હતા

ફિલિંગ્સ મલ્ટિમિડીયાના સીએમડી અને એડિટર અતુલભાઈ શાહે આ પ્રસંગે સ્વાગત પ્રવચન કરતા જણાવ્યું હતું કે ફિલિંગ્સ મેગેઝિન છેલ્લા ૨૭ વર્ષોથી ૫૫ દેશોમાં લાખો વાચકો ધરાવે છે. ફિલિંગ્સ ફાઉન્ડેશન વર્ષોથી માનવસેવા ક્ષેત્રે અનેકવિધ પ્રવૃત્તિઓ થકી કાર્યરત છે. મનોદિવ્યાંગ બાળકો, વૃદ્ધો માટે વિવિધ કામગીરી સહિત સમાજસેવા ક્ષેત્રે પણ સંસ્થા અનેકવિધ પ્રવૃત્તિઓ કરે છે એમ તેમણે ઉમેર્યું હતું.આ પ્રસંગે રાષ્ટ્રસંત આચાર્ય પદ્મસાગર સૂરિજી મહારાજ સાહેબ, રાષ્ટ્રસંત પરમ ગુરુદેવ નમ્રમુનિ મહારાજ સાહેબ, રાજ્યના પૂર્વ મુખ્યમંત્રી વિજયભાઈ રૂપાણી, ગુજરાત અને ઝારખંડ હાઇકોર્ટના પૂર્વ ન્યાયમૂર્તિ પી. પી. ભટ્ટ, પૂર્વ મુખ્ય સચિવ શ્રી પી. કે. લહેરી,  ગુજરાતી સાહિત્યકાર પદ્મ ડો. કુમારપાળ દેસાઈ, સહિત ધર્મગુરુઓ, યુવાનો, સમાજસેવીઓ,  ઉદ્યોગપતિઓ, પ્રશાસનિક અધિકારીગણ તથા ફિલ્મ કલાકારો ઉપસ્થિત રહ્યા હતા.

વિકસિત ભારતના નિર્માણમાં સહભાગી થઈએ

મુખ્યમંત્રીએ ઉમેર્યું હતું કે, વર્ષ ૨૦૨૫ સરદાર સાહેબની ૧૫૦મી જન્મ જયંતિ, ભગવાન બિરસા મુંડાની ૧૫૦મી જન્મ જયંતી, અટલ બિહારી વાજપેયીજીની જન્મ શતાબ્દીનું વર્ષ છે. બંધારણ અંગીકારના ૭૫ વર્ષ પણ પૂર્ણ થવાનો પણ આ વર્ષે અવસર છે. આ બધી જ ઉજવણી આપણી વિરાસતના ગૌરવ સાથે વિકસિત ભારતના નિર્માણમાં ભારત ભાગ્ય વિધાતા બનશે. આ અનોખા અવસરે વડાપ્રધાન દ્વારા આપવામાં આવેલા નવ સંકલ્પો પ્રત્યે પોતાનું યોગદાન આપીને વિકસિત ભારતના નિર્માણમાં સહભાગી થઈએ એમ તેમણે ઉમેર્યું હતું.

ગુજરાત આજે દેશમાં લીડ લઈ રહ્યું છે

નરેન્દ્ર મોદીના નેતૃત્વમાં રાજ્ય અને દેશના વિકાસ વિશે વાત કરતા મુખ્યમંત્રીએ જણાવ્યું હતું કે ગુજરાતને પાછલા બે દાયકાથી તેમના દિશાદર્શનમાં ભારતના ભાગ્ય વિધાતા બનવાનું શ્રેય પ્રાપ્ત થયું છે. રાજ્યમાં ડબલ એન્જિન સરકારે વિકાસના અનેક બેંચમાર્ક પ્રસ્થાપિત કર્યા છે.  નરેન્દ્રભાઈના સુશાસનમાં ગુજરાત દેશનું ગ્રોથ એન્જિન બન્યું છે. તેમના નેતૃત્વમાં રાજ્ય ગેસ ગ્રીડ, ઇલેક્ટ્રિક ગ્રીડ અને વોટર ગ્રીડ ધરાવતું દેશનું પ્રથમ રાજ્ય બન્યું છે. તેમના નેતૃત્વમાં જ સુઆયોજિત કેનાલ નેટવર્ક વડે નર્મદાના નીરને કચ્છના છેવાડાના ગામો સુધી પહોંચાડવામાં આવ્યા હતા.ગુજરાતની નવી ઇન્ડસ્ટ્રીયલ પોલિસી, રિન્યુએબલ એનર્જી પોલિસી, ઇલેક્ટ્રીક વ્હિકલ, સ્ટાર્ટ અપ અને બાયોટેકનોલોજી પોલિસી, સ્પોર્ટ્સ, ડ્રોન, સેમિકન્ડક્ટર સહિતના નવીન ક્ષેત્રે પોલિસી થકી ગુજરાત આજે દેશમાં પોલિસી ડ્રીવન સ્ટેટ તરીકે પ્રસ્થાપિત થયું છે. વડાપ્રધાન શ્રી નરેન્દ્રભાઈ મોદીના વિઝન થી શરૂ થયેલું દેશનું પહેલું અને એકમાત્ર ફાઈનાન્સિયલ ટેક સિટી ગિફ્ટ વિશ્વના ફિનટેક માટેનું દેશનું ગેટ વે બન્યું છે. સેમિકન્ડક્ટર ક્ષેત્રે પણ ગુજરાત આજે દેશમાં લીડ લઈ રહ્યું છે.

સર્વસ્વ બલિદાન કરનારા આવા વીર સપૂતો ભારતના ભાગ્ય વિધાતા

આ પ્રસંગે રાજ્યપાલે ખુશી વ્યક્ત કરતાં જણાવ્યું હતું કે, મીડિયા ક્ષેત્રે કાર્યરત ફીલીંગ્સ મલ્ટીમીડિયા લિમિટેડ છેલ્લા ૨૭ વર્ષથી વિશ્વના ૫૫ દેશોમાં લગભગ ૩૦ થી ૩૫ લાખ લોકોમાં સકારાત્મક વિચાર ફેલાવી રહ્યું છે. આ સંસ્થા માનવતાને ભારતીય જીવન મૂલ્યો સાથે જોડવાનું કામ કરી રહી છે. તેમ ઉમેરીને ફીલીંગ્સ મલ્ટીમીડિયા લિમિટેડના મેનેજિંગ ડાયરેક્ટર શ્રી અતુલભાઈ શાહને અભિનંદન પાઠવ્યા હતા.ભારત ભાગ્યવિધાતા એવોર્ડ સમારંભમાં મુખ્યમંત્રી  ભૂપેન્દ્ર પટેલે જલિયાંવાલા બાગની કરુણાંતિકાના ૧૦૬મા સ્મૃતિ દિવસ પર સૌ શહીદોની દિવ્ય ચેતનાને વંદન કરતા જણાવ્યું હતું કે આપણો દેશ આજે સ્વતંત્રતાની શતાબ્દી તરફ તેજ ગતિથી આગળ વધી રહ્યો છે. અંગ્રેજોની ગુલામીમાંથી મુક્ત થયેલા ભારતનું ભાગ્ય અનેક વીર શહીદોના બલિદાનની ગાથાઓથી લખાયેલું છે. સ્વરાજ અને સ્વતંત્રતાની જંગમાં પોતાનું સર્વસ્વ બલિદાન કરનારા આવા વીર સપૂતો ભારતના ભાગ્ય વિધાતા છે. 

એક માત્ર ઉપાય પ્રાકૃતિક ખેતી છે

ભગવાન મહાવીર સ્વામીએ આપેલા પાંચ સિદ્ધાંતો - અહિંસા, સત્ય, અસ્તેય, બ્રહ્મચર્ય અને અપરિગ્રહનો ઉલ્લેખ કરતાં રાજ્યપાલશ્રીએ ઉમેર્યું કે, આ બધા સાર્વત્રિક સિદ્ધાંતો છે. સત્ય એ પરમ ધર્મ છે. અસત્ય ક્યારેય ટકી શકતું નથી. તેવી જ રીતે અહિંસા, અસ્તેય, બ્રહ્મચર્ય અને અપરિગ્રહને જીવનમાં ઉતારીને શાંતિનો માર્ગ અપનાવવો જોઈએ.દેશના યશસ્વી પ્રધાનમંત્રી નરેન્દ્ર મોદીએ દેશને એક નવી દિશા આપી છે. તેમના નેતૃત્વમાં ભારત પાંચમી સૌથી મોટી અર્થવ્યવસ્થા બની ગયું છે અને ત્રીજી બનવા તરફ આગળ વધી રહ્યું છે. આપણાં ગામો, શહેરો, રસ્તાઓ, રેલ્વે સ્ટેશન, એરપોર્ટ - બધું જ બદલાઈ રહ્યું છે. પરંતુ આ વૃદ્ધિ સાથે એક ચિંતા આવી છે - આરોગ્યની. આજે કેન્સર, હાર્ટ એટેક, ડાયાબિટીસ જેવી બીમારીઓ ઝડપથી ફેલાઈ રહી છે. તેની પાછળનું કારણ રાસાયણિક ખેતીના કારણે દૂધ, શાકભાજી અને અનાજમાં ઝેરરૂપી યુરિયા અને જંતુનાશકો આવ્યા છે. આનાથી બચવાનો એક માત્ર ઉપાય પ્રાકૃતિક ખેતી છે.

વિચારસરણીને વિસ્તૃત કરીને 'વસુધૈવ કુટુંબકમ' ની ભાવના

આ એવોર્ડ વિતરણ પ્રસંગે રાજ્યપાલ આચાર્ય દેવવ્રતજીએ જણાવ્યું હતું કે કોઈ પણ સમાજ માટે સૌભાગ્યની વાત હોય છે, જ્યારે તે સમાજના પ્રતિષ્ઠિત લોકો ભેગા થઈને સમાજના સર્વાંગી વિકાસમાં યોગદાન આપે છે. આજે પુરસ્કાર મેળવનાર તમામ મહાનુભાવો આ દેશને વિવિધ ક્ષેત્રોમાં આગળ લઈ જવા માટે નિષ્ઠાપૂર્વક કાર્ય કરી રહ્યા છે, તેમ જણાવી રાજ્યપાલશ્રીએ એવોર્ડ પ્રાપ્ત કરનાર તમામને શુભકામનાઓ પાઠવી હતી.રાજ્યપાલ આચાર્ય દેવવ્રતજીએ વેદોનો ઉલ્લેખ કરતાં કહ્યું કે, ભગવાન તેમને જ મળે છે જે પોતાના આત્માને અન્ય જીવોમાં જુએ છે અને તમામ જીવોને તેના આત્મામાં જુએ છે. જ્યારે વ્યક્તિ પોતાની વિચારસરણીને વિસ્તૃત કરીને 'વસુધૈવ કુટુંબકમ' ની ભાવના અપનાવે છે, ત્યારે જ તે સાચો આત્મવિકાસ પ્રાપ્ત કરે છે.

Gujarat : CM અને રાજયપાલના અધ્યક્ષ સ્થાને 'ભારત, ભાગ્ય, વિધાતા - રાષ્ટ્ર પ્રથમ' કાર્યક્રમ યોજાયો

રાજ્યપાલ આચાર્ય દેવવ્રતજી અને મુખ્યમંત્રી ભૂપેન્દ્ર પટેલના અધ્યક્ષ સ્થાને અમદાવાદમાં 'ભારત, ભાગ્ય, વિધાતા - રાષ્ટ્ર પ્રથમ' કાર્યક્રમ યોજાયો હતો.દેશની સંસ્કૃતિ અને સમૃદ્ધિના જતન ઉપરાંત સમાજસેવા, કલા, રમતગમત, વૈજ્ઞાનિક અને અધ્યાત્મિક ક્ષેત્રે વિશિષ્ટ યોગદાન દ્વારા રાષ્ટ્રનિર્માણમાં મહત્વનું યોગદાન આપનારા મહાનુભાવોને આ પ્રસંગે 'ફિલિંગ્સ પ્રાઈડ ઓફ ઇન્ડિયા એવોર્ડ ૨૦૨૫' થી સન્માનિત કરવામાં આવ્યા હતા.

PNB કૌભાંડમાં ભાગેડુ મેહુલ ચોક્સીની ધરપકડ

બેલ્જિયમથી ભાગેડુ મેહુલ ચોક્સીની ધરપકડ,મેહુલ ચોક્સીની બેલ્જિયમ પોલીસે કરી ધરપકડ,PNBમાં રૂ.13500 કરોડના લોન કૌભાંડમાં સંડોવણી,ભારતની પ્રત્યાર્પણ વિનંતી પર મેહુલ ચોક્સીની ધરપકડ,મેહુલ ચોક્સીને ભારત લાવવાની તૈયારીઓ તેજ.

આ રાજ્યોમાં ગરમીનું એલર્ટ

13, 14 અને 15 એપ્રિલના રોજ પશ્ચિમ રાજસ્થાનમાં ગરમીનું મોજું આવવાની શક્યતા છે. એટલું જ નહીં, 16-18 એપ્રિલના રોજ પંજાબ, હરિયાણા, પૂર્વી રાજસ્થાન, પશ્ચિમ મધ્યપ્રદેશમાં અલગ અલગ સ્થળોએ તીવ્ર ગરમીનું મોજું આવવાની શક્યતા છે. તે જ સમયે, ઉત્તર પ્રદેશના 47 જિલ્લાઓ માટે આગામી 24 કલાક માટે વરસાદની ચેતવણી જારી કરવામાં આવી છે. આ સાથે, આ જિલ્લાઓમાં ગાજવીજ અને વીજળી પડવાની પણ શક્યતા છે.

વાવાઝોડાની ચેતવણી

હવામાન વિભાગના જણાવ્યા અનુસાર, જે જિલ્લાઓમાં ગાજવીજ અને વીજળી જોવા મળી શકે છે તેમાં બાંદા, ચિત્રકૂટ, કૌશામ્બી, પ્રયાગરાજ, ફતેહપુર, પ્રતાપગઢ, જૌનપુર, ગાઝીપુર, આઝમગઢ, મૌ, બલિયા, દેવરિયા, ગોરખપુર, સંત કબીર નગર, બસ્તી, કુશીનગર, મહારાજાનગર, બલરામનગર, મહારાજાનગર, બસ્તીનો સમાવેશ થાય છે. બહરાઈચ, લખીમપુર ખેરી, હરદોઈ, ફર્રુખાબાદ, કન્નૌજ, કાનપુર દેહાત, કાનપુર નગર, ઉત્તર પ્રદેશ, લખનૌ, બારાબંકી, રાયબરેલી, અમેઠી, સુલતાનપુર, અયોધ્યા, આંબેડકર નગર, સહારનપુર, શામલી, મુઝફ્ફરનગર, મથુરા, ઈરાઝાબાદ, હાથરાજાબાદ, મથુરા. ઇટાવા, ઔરૈયા, બિજનૌર, મુરાદાબાદ, રામપુર, બરેલી, પીલીભીત, જાલૌન, હમીરપુર, મહોબા, ઝાંસી, લલિતપુર. આ ઉપરાંત, ધૂળના તોફાન અને જોરદાર પવન ફૂંકાય તેવી શક્યતા છે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણએ વાત કરવામાં આવે તો અમદાવાદમાં 41.6 ડિગ્રી, ગાંધીનગરમાં 41.5 ડિગ્રી,ડીસામાં 40.2 ડિગ્રી, વલ્લભ વિદ્યાનગરમાં 38.9 ડિગ્રી,વડોદરામાં 39.6 ડિગ્રી, સુરેન્દ્રનગરમાં 42.3 ડિગ્રી,નલિયામાં 36.2 ડિગ્રી, ભુજમાં 40.9 ડિગ્રી,પોરબંદરમાં 35 ડિગ્રી, રાજકોટમાં 42.7 ડિગ્રી,કેશોદમાં 40 ડિગ્રી, મહુવામાં 35.4 ડિગ્રી તાપમાન નોંધાયું છે.

Weather : રાજયમાં કાળઝાળ ગરમીનો પ્રકોપ, 9 જિલ્લાઓમાં તાપમાન 40 ડિગ્રીને પાર 

રાજ્યમાં કાળઝાળ ગરમીનો પ્રકોપ શરૂ થઈ ગયો છે ત્યારે,કંડલામાં સૌથી વધુ તાપમાન 43.6 ડિગ્રી નોંધાયું છે.રાજ્યના 9 જિલ્લાઓમાં તાપમાન 40 ડિગ્રીને પાર પહોંચ્યું છે. રાજ્યમાં 13 થી 17 એપ્રિલ સુધી હીટવેવની આગાહી કરવામાં આવી છે,તો સૌરાષ્ટ્ર અને કચ્છમાં હીટવેવની આગાહી કરવામાં આવી છે.

અંકલેશ્વરમાં લાકડાના ગોડાઉનમાં આગ

સારંગપુર પાટીયા નજીક ગોડાઉનમાં આગ,સ્થાનિકોએ પાણીનો મારો ચલાવી આગ બુઝાવી,આગમાં સદનસીબે કોઇ જાનહાની નહીં.

સુરત ડિસ્ટ્રીક્ટ ક્રિકેટ એસોસિએશન ચૂંટણી 

કનૈયા કોન્ટ્રાક્ટરની સ્ટેડિયમ પેનલે બાજી મારી,સ્ટેડિયમ પેનલના 21 પૈકી 18 ઉમેદવારની જીત,હેમંત કોન્ટ્રાક્ટર પેનલના 21માંથી 3 ઉમેદવારની જીત,યેશા કોન્ટ્રાક્ટર ચૂંટણી જીત્યા,ક્રિકેટ એસો.ની ચૂંટણીમાં 69 ટકા મતદાન થયું હતું,5,250 મતદાતાઓ પૈકી 3,608એ કર્યું હતું મતદાન.

ધાનેરા વાસણ બોર્ડર પર ફટાકડાનો જથ્થો ઝડપાયો

વાહન ચેકિંગ દરમ્યાન ફટાકડાનો જથ્થો ઝડપાયો,ફટાકડા ભરી જતી આઈસર ટ્રક ધાનેરા પોલીસે ઝડપી,ફાયર સેફ્ટી વિના ફટાકડા ટ્રકમાં લઇ જવાતા હતા,8.97 લાખની કિંમતના 315 બોક્સ ફટાકડા ઝડપાયા,આઇસરની સાથે કુલ 18.97 લાખનો મુદ્દામાલ ઝડપાયો,ફટાકડાના માલિક વિશે પોલીસે તપાસ હાથ ધરી.

કચ્છમાં NDPSના ગુનાનો ફરાર આરોપી ઝડપાયો

પાલારા જેલમાંથી વચગાળાના જામીન પર હતો ફરાર,કોઠારા પોલીસે ફરાર કેદી મુસ્તાક સુમરાને ઝડપ્યો,દોઢ વર્ષથી ફરાર આરોપી પર ઇનામ જાહેર કરાયું હતું,પોલીસે આરોપીને ઝડપી પાલારા જેલ મોકલી આપ્યો.

જામ ખંભાળિયામાં મોડી રાત્રે રેસ્ટોરન્ટમાં આગ

મિલન રેસ્ટોરન્ટના ગેટમાં અચાનક આગ લાગી,ફાયર વિભાગ દ્વારા આગ પર કાબુ મેળવાયો,આગને પગલે લોકોના ટોળેટોળા ઉમટ્યા,રેસ્ટોરન્ટમાં આગ લાગવાનું કારણ અકબંધ.