જંબુસરમાં ટેકાના ભાવે તુવેર વેચવા લાઇન લાગી

ગ્રાહક તકરાર નિવારણ કમિશનમાં ખાલી જગ્યા ભરવા હાઈકોર્ટમાં અરજી

ગુજરાત હાઈકોર્ટમાં ગ્રાહક તકરાર નિવારણ કમિશનમાં ખાલી જગ્યાઓ ભરવા માટે જાહેર હિતની અરજી કરવામાં આવી છે. આ અરજી પર ઝડપથી કાર્યવાહી હાથ ધરવા માટે હાઈકોર્ટે આદેશ કર્યો છે. આ ઉપરાંત ભરતીને લઈને ચોથી જુલાઈએ પ્રોગ્રેસ રિપોર્ટ રજૂ કરવા પણ કોર્ટે આદેશ આપ્યો છે. અરજદારે અરજીમાં કહ્યું હતું કે, કોર્ટ રાજ્ય સરકારને ભરતી કરવા માટે આદેશ આપે. ગ્રાહક તકરાર નિવારણ કમિશન અને રાજ્ય ગ્રાહક તકરાર નિવારણ કમિશનમાં પ્રેસિડેન્ટ મેમ્બર્સ તેમજ સહાયક સ્ટાફની ખાલી જગ્યા ભરવા માંગ કરાઈ છે. 

એસજી હાઈવે પર કર્ણાવતી ક્લબ સામેની દુકાનો સીલ

અમદાવાદમાં એસજી રોડ પર વધી રહેલા ટ્રાફિકને કારણે મ્યુનિસિપલ તંત્ર એક્શનમાં આવ્યું હતું. રાતના સમયે એસજી રોડ પર પાર્કિંગ અને ટ્રાફિકને કારણે વાહન ચાલકોને હેરાનગતિ થતી હોવાથી તંત્રએ સીલ મારવા સુધીના પગલા લીધા હતાં. એસજી હાઈવે પર કર્ણાવતી ક્લબ સામેની દુકાનો પર કોર્પોરેશનના અધિકારીઓની ટીમે સીલ મારી દીધું હતું.

જંબુસરમાં ટેકાના ભાવે તુવેર વેચવા લાઇન

ભરૂચના જંબુસરમાં ટેકાના ભાવે તુવેરદાળ વેચવા માટે ખેડૂતોની લાઈનો લાગી છે. આજે વહેલી સવારથી રાત સુધી ખેડૂતોની લાઈનો લાગેલી જ છે. ગુજરાત એગ્રો દ્વારા તુવેરદાળની ટેકાના ભાવે ખરીદી કરવામાં આવી રહી છે. સવારથી સાંજ સુધીમાં ત્રણ હજાર બેગ તુવેરદાળની ખરીદી કરવામાં આવી છે. 7,550ના ભાવે ખેડૂતોની તુવેર ખરીદવામાં આવી છે. 

એક ટીપું પાણી પાકિસ્તાન ના જાય તેની વ્યવસ્થા કરાશે

જમ્મુ કાશ્મીરના પહલગામમાં થયેલા આતંકી હુમલામાં 27 લોકોના મૃત્યુ થયા બાદ ભારત દ્વારા પાકિસ્તાન સામે એક બાદ એક કડક નિર્ણયો લેવાઈ રહ્યાં છે. આતંકીઓને શરણ આપનારા પાકિસ્તાનને તેનો અસલી ચહેરો દેખાડી દેતા ભારતે 1960ની સિંધુ જળ સંધીને રદ કરી દેવાની જાહેરાત કરી હતી. ભારત સરકારે હવે પાકિસ્તાન તરફ જતાં સિંધુ નદીના પ્રવાહને રોકવાનો નિર્ણય લીધો હોવાનું સુત્રો જણાવી રહ્યાં છે. આ માટે સિંધુ બેઝ ધરાવતી નદીઓના કિનારે ડેમની ક્ષમતામાં વધારો કરાશે. જેમા વધુમાં વધુ પાણી રોકવાની ક્ષમતા હશે. મોદી સરકાર ત્રણ તબક્કામાં આ નિર્ણયને લાગુ કરવાનો પ્લાન તૈયાર કરી રહી છે. 

આતંકીઓને પકડવા અમેરિકા ભારતની મદદ કરશે

જમ્મુ કાશ્મીરના પહલગામમાં થયેલા આતંકી હુમલા બાદ આંતરરાષ્ટ્રીય સ્તરે ભારતને સમર્થન મળી રહ્યું છે. હવે અમેરિકા દ્વારા મોટી જાહેરાત કરવામાં આવી છે. અમેરિકાએ કહ્યું છે કે, તે પહલગામ હુમલાના આતંકીઓને પકડવામાં ભારતની મદદ કરશે. અમેરિકામાં ડાયરેક્ટર ઓફ નેશનલ ઈન્ટેલિજન્સ તુલસી ગાબાર્ડે આ જાહેરાત કરી છે. તેમણે આ હુમલાની કડક નિંદા કરી છે. ભારતના નાગરિકો પ્રત્યે સંવેદનાઓ પણ વ્ચક્ત કરી છે. 

રશિયાની પોતાના નાગરિકોને પાકિસ્તાન નહીં જવા ચેતવણી

પહેલગામ હુમલા બાદ ભારત અને પાકિસ્તાન વચ્ચે તણાવ ભર્યો માહોલ હોવાના કારણે રશિયાએ પોતાના નાગરિકોને પાકિસ્તાન નહીં જવાની ચેતવણી આપી છે. પાકિસ્તાન સ્થિત રશિયાના દૂતાવાસે પોતાના નાગરિકોને સ્થિતિ સામાન્ય ના થાય ત્યાં સુધી પાકિસ્તાન નહીં જવા સલાહ આપી છે. 

દુબઈ સહિત મીડલ ઈસ્ટની ફ્લાઈટનું ઓવરસ્ટોપ રાજકોટ

જમ્મુ કાશ્મીરના પહલગામમાં થયેલા આતંકી હૂમલા બાદ ભારતે પાકિસ્તાન સામે એક્શન શરૂ કરી દીધી છે. કેબિનેટ સમિતિએ પાકિસ્તાન વિરુદ્ધ કેટલાક મોટા નિર્ણયો લીધા હતા. આમાંના એક નિર્ણયમાં, એવું નક્કી કરવામાં આવ્યું હતું કે ભારતમાં રહેતા તમામ પાકિસ્તાનીઓને પાછા મોકલવામાં આવે. કેન્દ્રીય ગૃહ મંત્રાલય તરફથી પણ બધા વિઝા રદ કરવાના આદેશો આવ્યા છે. બીજી તરફ પાકિસ્તાને પણ ભારતને પાણી રોકવા માટે એક્ટ ઓફ વોરની ધમકી આપી છે અને એર સ્પેસ પણ બંધ કરી દીધી છે. પાકિસ્તાને એર સ્પેસ બંધ કરતા વૈકલ્પિક વ્યવસ્થા રૂપે દિલ્લી-દુબઇ વચ્ચેની ફલાઇટનું સ્ટોપઓવર રાજકોટ કરાયુ છે. 

બોટાદમાં નાણાં ખંખેરતા ભૂવાનો પર્દાફાશ

બોટાદમાં દોરાધાગા, છુટાછેડા, સંતાન પ્રાપ્તિના નામે નાણા ખંખેરતા ભૂવાનો પર્દાફાશ કરવામાં આવ્યો છે. ભુવો દિનેશ પરમાર અંધશ્રદ્ધા ફેલાવી રૂપિયા પડાવતો હતો. વિજ્ઞાન જાથાએ ભુવાના ઘરે જઇ પર્દાફાશ કર્યો  હતો. લીમડીના જયેશ ડાભીએ ભુવા વિરુદ્ધ  ફરીયાદ કરી હતી. ભુવાએ છુટાછેડાના કિસ્સામાં ફરીયાદી પાસે 51 લાખ માંગ્યા હતા. બોટાદ પોલીસે ભૂવાની અટકાયત કરી વધુ કાર્યવાહી હાથ ધરી છે. 

GARCનો બીજો અહેવાલ સરકારને સોંપાયો

વહીવટી સુધારણા પંચનો દ્વિતિય અહેવાલ ગુજરાત સરકારને સોંપવામાં આવ્યો છે. આ અહેવાલમાં સરકારને 10 જેટલી ભલામણો કરવામાં આવી છે. જેમાં સરકારી વેબસાઈટને યુઝર ફ્રેન્ડલી બનાવવાની ભલામણ કરવામાં આવી છે. તે ઉપરાંત શૈક્ષણિક સંસ્થાઓ સિવાયની સરકારી કચેરીઓ માટે કામકાજનો સમય સવારે 9:30 થી સાંજે 5:10 કરવા ભલામણ કરાઈ છે. 

ખંભાતમાં રેપ વિથ મર્ડર કેસમાં આરોપીને ફાંસીની સજા

આણંદ જિલ્લાના કાણિસા ગામમાં સાત વર્ષની બાળકી પર દુષ્કર્મ ગુજારીને મોતને ઘાટ ઉતારનાર આરોપીને કોર્ટે ફાંસીની સજા ફટકારી છે. આ ઘટના બાદ રાજ્યના ગૃહરાજ્ય મંત્રી હર્ષ સંઘવીએ એક્સ પર પોસ્ટ કરીને કહ્યું હતું કે,કોર્ટનો આ નિર્ણય સ્પષ્ટ સંદેશ આપે છે કે ગુજરાતમાં આવા જઘન્ય ગુનાઓ સહન કરવામાં આવશે નહીં.પીડિતાના પરિવારને સાંત્વના આપતો મજબૂત ચૂકાદો કોર્ટ દ્વારા આપવામાં આવ્યો છે. 

મહિસાગરમાં સસ્તા અનાજના વેપારીઓ પર તપાસ

મહિસાગર જિલ્લામાં સસ્તા અનાજના વેપારીઓ પર તપાસ શરૂ કરવામાં આવી છે. બાલાસિનોરમાં સસ્તા અનાજના 54 વેપારીઓ પર તપાસ શરૂ થતાં કાળા બજાર કરતા વેપારીઓમાં ફફડાટ ફેલાયો છે. પુરવઠા વિભાગની 24 જેટલી ટીમો દ્વારા વેપારીઓને ત્યાં સિઝર અને ઘટ મુદ્દે તપાસ હાથ ધરાઈ છે. 

વાંચો 06 વાગ્યા સુધીના મહત્વના સમાચાર

1.  Junagadh: અધિકારી હોવ તો લેવલમાં રહો, હાઈકોર્ટે DEOને ખખડાવ્યા

2. Entertainment: હુમલાની અસર ફિલ્મ જગત પર, રી-રિલીઝ 'અંદાજ અપના અપના'નું પ્રમોશન રદ્દ

3. Jammu kashmir terror Attack: અચાનક ફાયરિંગ થયું, ભાવનગરના વિનુભાઈને 2 ગોળી વાગી

4.  Jammu Kashmir Attack Impact on Cricket: ભારત-પાકિસ્તાનને અલગ જૂથમાં રાખવાની અપીલ

5.  Gujaratના અમદાવાદમાં સૌથી વધારે 77 પાકિસ્તાની નાગરિકો, તમામને હાંકી કાઢવા કવાયત તેજ

6. Ahmedabad: વોટ્સએપ પર ફોટો-વીડિયો મોકલીને AMTS અંગે ફરિયાદ કરી શકાશે

7. jammu kashmir attack: ભારતના એક્શનથી પાકિસ્તાનનું રિએક્શન, અંતે સત્ય સ્વીકારી લીધુ

8.  Porbandar : પહેલગામ આતંકીવાદી ઘટનાને પગલે પોરબંદરના માછીમારોને સર્તક કરાયા

9. Jammu Kashmir terror attack: મરીન પોલીસે સૌરાષ્ટ્રની દરિયાઈ પટ્ટીની સુરક્ષા વધારી

10. jammu kashmir attack સાથે બાબા વેંગાની આ ભવિષ્યવાણીનું છે કોઈ કનેક્શન?

VS હોસ્પિટલમાં જે રૂમમાં ક્લિનિકલ રિસર્ચ થયાં તે રૂમને સીલ કરાયો

અમદાવાદ મહાનગર પાલિકા સંચાલિત વીએસ હોસ્પિટલ ટ્રાયલ કૌભાંડમાં ડો. દેવાંગ રાણા અને મનિષ પટેલ તપાસ કમિટી સમક્ષ હાજર થયા હતાં.બંનેને સાથે બેસાડીને કૌભાંડ મુદ્દે પુછપરછ કરવામાં આવી હતી. બંનેના જવાબ રજૂ થયા બાદ આગળની કાર્યવાહી હાથ ધરાશે. આ બંને જણા હાજર થયા બાદ વીએસ હોસ્પિટલમાં ક્લિનિકલ રિસર્ચ મામલે મોટી હલચલ જોવા મળી છે. 

27 એપ્રિલથી ગાંધીનગર મેટ્રો સેવાનો વિસ્તાર થશે

ગાંધીનગર મેટ્રો સેવાનો 27 એપ્રિલથી વિસ્તાર થશે. મેટ્રો નવા સાત સ્ટેશન શરૂ કરાશે. ગાંધીનગરમાં 27 એપ્રિલથી સચિવાલય, સેક્ટર 10, કોબા સર્કલ, નર્મદા કેનાલ,તપોવન સર્કલ અને વિશ્વકર્મા કોલેજ ખાતે સ્ટેશન શરૂ કરાશે.

કેવડિયા ખાતે નેશનલ લીગલ સર્વિસ ઓથોરિટીની ઉજવણી થશે

આવતીકાલે કેવડિયા ખાતે નેશનલ લીગલ સર્વિસ ઓથોરિટીની ત્રણ દાયકાની ઉજવણી થશે.જેમાં વેસ્ટર્ન રિજનલ કોન્ફરન્સમાં સુપ્રીમ કોર્ટ અને ગુજરાત હાઇકોર્ટના જજીસ તેમજ અન્ય ખ્યાતનામા વ્યક્તિઓ હાજર રહેશે. અહીં NALSAના AI આધારિત ચેટબોટ LESA નું લોન્ચિંગ થશે.સુપ્રીમ કોર્ટના ન્યાયમૂર્તિ તથા નાલસાના કાર્યકારી અધ્યક્ષ ન્યાયમૂર્તિ બી.આર. ગવઈ, સુપ્રીમ કોર્ટના ન્યાયમૂર્તિ તથા સુપ્રીમ કોર્ટ લીગલ સર્વિસ કમિટીના અધ્યક્ષ  ન્યાયમૂર્તિ સુર્યકાંત,ગુજરાત હાઈકોર્ટના મુખ્ય ન્યાયમૂર્તિ સુનિતા અગરવાલ હાજર રહેશે.

જામનગર મરીન પોલીસે દરિયાઈ પટ્ટીની સુરક્ષા વધારી

પહલગામ આતંકી હૂમલા બાદ ગુજરાતના મોટા મંદિરો અને જાહેર જગ્યાઓ પર સુરક્ષા વધારી દેવામાં આવી હતી. સોમનાથ અને અંબાજી સહિતના મંદિરોની સુરક્ષામાં વધારો કરી દેવામાં આવ્યો હતો. હવે જામનગર મરીને પોલીસે દરિયાઈ પટ્ટીની સુરક્ષા વધારી દીધી છે. દ્વારકા અને જામનગરના દરિયાની સુરક્ષામા વધારો કરાયો છે. તમામ ચેક પોસ્ટર પર સઘન ચેકિંગ અને પેટ્રોલિંગ વધારી દેવામાં આવ્યું છે. પોલીસે દરિયાકાંઠાના વિસ્તારો અને ગામોમાં ચાંપતી નજર રાખી છે.

સુરતમાં શાકભાજીના વેપારી પર હુમલો

સુરતમાં પારલે પોઈન્ટ પાસે શાકભાજીના વેપારી પર હૂમલાની ઘટના સામે આવી છે. વેપારીની દુકાનમાં ઘૂસીને હૂમલો કરાયો છે. પારલે પોઈન્ટ વિસ્તારમાં ભગવતી એપાર્ટમેન્ટ પાસે અજાણ્યો નશાખોર વ્યક્તિ નશાની હાલતમાં વેપારીની દુકાનમાં ઘૂસી ગયો હતો અને હૂમલો કર્યો હતો. તેણે વેપારીને જાનથી મારી નાંખવાની ધમકી પણ આપી હતી. લોકો ભેગા થઈ જતા હૂમલા ખોર ગાડી લઈને ફરાર થઈ ગયો હતો. પોલીસે આ ઘટના અંગે તપાસ શરૂ કરી છે. 

હાઈકોર્ટે જૂનાગઢના ડીઈઓને ખખડાવ્યા

જૂનાગઢમાં સ્કૂલની મંજૂરી અંગે હાઈકોર્ટમાં પિટિશન દાખલ કરવામાં આવી હતી. આ મુદ્દે હાઈકોર્ટે જિલ્લા શિક્ષણ અધિકારીને જવાબ રજૂ કરવા આદેશ કર્યો હતો. કોર્ટનો ઓર્ડર હોવા છતાં અધિકારીએ જવાબ ફાઈલ નહીં કરતાં હાઈકોર્ટે  જૂનાગઢના ડીડીઓને ખખડાવ્યા હતાં. ડીઈઓના વલણ સામે કોર્ટે આકરૂ વલણ અપનાવીને તેમની સામે કોર્ટના અનાદર બદલ કન્ટેમ્પ્ટ ઓફ કોર્ટની કાર્યવાહી કરી હતી. 

અમદાવાદમાં હથિયાર સાથે યુવક ઝડપાયો 

અમદાવાદમાં શાસ્ત્રીબ્રીજના છેડા પાસેથી હથિયાર સાથે યુવકને ઝડપી લેવામાં આવ્યો છે. પોલીસને આ યુવક પાસેથી દેશી બનાવટની પિસ્ટલ અને એક ફૂટેલી કારતુસ મળી છે. પોલીસે હથિયાર સાથે મોહમ્મદ અસફાક ઉર્ફે અચ્છી શેખની ધરપકડ કરી છે. શહેરમાં 3 દિવસ પહેલા આરોપીએ હવામા ફાયરિંગ કર્યુ હતુ. એસઓજી ક્રાઈમે ગુનો નોંધીને વધુ તપાસ હાથ ધરી છે. 

Amtsને લગતી ફરિયાદ કરવા વોટ્સએપ સર્વિસ શરૂ

અમદાવાદ મહાનગર પાલિકા દ્વારા સંચાલિત એએમટીએસ બસોની રોજે રોજ તંત્રને ફરિયાદો મળતી હોય છે.પરંતુ તેનું કોઈ નિરાકરણ આવતુ નથી. હવે મુસાફરો દ્વારા કરવામાં આવેલી ફરિયાદોનું તાત્કાલિક નિરાકરણ આવે તે માટે AMC દ્વારા વોટ્સએપ સર્વિસ ચાલુ કરવામાં આવી છે. કોઈપણ મુસાફર વોટ્સએપ પર ફોટો અને વીડિયો મોકલીને એએમટીએસને લગતી ફરિયાદો કરી શકશે. 

જૂનાગઢના DEOને હાઇકોર્ટે ખખડાવ્યા

કોર્ટના અનાદર બદલ કન્ટેમ્પ્ટ ઓફ કોર્ટની કાર્યવાહી, જૂનાગઢની એક સ્કૂલની પરમિશન અંગે હતી સુનાવણી, કોર્ટના ઓર્ડર છતાં DEOએ જવાબ ફાઇલ ના કર્યો, DEOના વલણ સામે કોર્ટનું આકરું વલણ, અધિકારી હોવ તો લેવલમાં રહોઃ હાઇકોર્ટ, DEOને શો કોઝ નોટિસ ફટકારીને ખુલાસો માંગ્યો.

જમ્મૂ-કાશ્મીરના CM, LGને મળ્યા રાહુલ ગાંધી

શ્રીનગર મુલાકાત બાદ રાહુલ ગાંધીનું નિવેદન, મેં પીડિતોની મુલાકાત કરીઃ રાહુલ ગાંધી, સરકાર જે પગલા ભરશે તેનું સમર્થનઃ રાહુલ,મુખ્યમંત્રી પાસેથી સ્થિતિની જાણકારી મેળવી, આતંકવાદ વિરુદ્ધ આખો દેશ એકજૂટઃ રાહુલ.

જમ્મુ કાશ્મીર વિધાનસભાનું સ્પેશિયલ સત્ર બોલાવાયું

LG મનોજસિંહાએ 28 એપ્રિલે 1 દિવસનું સત્ર બોલાવ્યું, જમ્મુ કાશ્મીર વિધાનસભાનું સ્પેશિયલ સત્ર બોલાવવામાં આવ્યું, લેફ્ટનન્ટ ગવર્નર મનોજસિંહા ૨૮ એપ્રિલે એક દિવસનું સત્ર બોલાવ્યું.

ધોળકાના ગાણેસર પાટિયા પાસે હિટ એન્ડ રન

અજાણ્યો વાહનચાલક બાઈકને ટક્કર મારી ફરાર, બાઈકચાલક રોડ પર પટકાતા ગંભીર ઇજા, ઈજાગ્રસ્તને તાત્કાલિક સારવાર અર્થે ખસેડાયો, હાઇવે પર સ્પીડ બ્રેકર મૂકવા ગામલોકોની માગ.

જાણો ભારતમાં કેવું રહેશ હવામાન  

સ્કાયમેટના મતે, ઉત્તરીય પર્વતો પર વેસ્ટર્ન ડિસ્ટર્બન્સ આગળ વધી રહ્યુ છે. આજે છૂટાછવાયા વરસાદ અને ગાજવીજ સાથે વરસાદ પડવાની શક્યતા છે. આવતીકાલથી હવામાન સ્વચ્છ થયા પછી, 26 થી 28 એપ્રિલ દરમિયાન ફક્ત હળવી હવામાન પ્રણાલીઓની અપેક્ષા છે. હાલમાં દિલ્હીમાં કોઈ પણ પૂર્વ-ચોમાસાની ગતિવિધિની શક્યતા નથી. 25થી 30 એપ્રિલ દરમિયાન દિલ્હીની આસપાસ શુષ્ક વાતાવરણ સર્જાવાની શક્યતા છે. પંજાબ, હરિયાણા, દિલ્હી, રાજસ્થાન અને ગુજરાતના કેટલાક ભાગોમાં તાપમાનમાં ધીમે ધીમે 2 થી 3 ડિગ્રીનો વધારો થઈ શકે છે.

ગુજરાતના દરિયા કિનારે પણ ફૂંકાશે ગરમ પવન

હવામાન વિભાગની આગાહી પ્રમાણે વાત કરવામાં આવે તો સૌરાષ્ટ્રના દરિયાકિનારે અને દક્ષિણ ગુજરાતનાં દરિયાકિનારે ગરમ પવનની શક્યતા રહેલી છે, બે દિવસ તાપમાન એક થી બે ડિગ્રી વધતા વધુ ગરમી સહન કરવી પડશે સાથે સાથે ઉત્તરથી પૂર્વના પવન ફૂંકાતા વધશે ગરમી તો રાજ્યમાં 10થી વધુ વિસ્તારમાં ગરમી 40 ડિગ્રીને પાર પહોંચી ગઈ છે,ગઈકાલે સૌથી વધુ મહત્તમ તાપમાન રાજકોટ અને સુરેન્દ્રનગરમાં 43 ડિગ્રી નોંધાયું છે.

Weather : ગુજરાતમાં આગામી 3 દિવસ તાપમાનમાં નહીં થાય ફેરફાર, હવામાન વિભાગે કરી આગાહી 

ગરમી અંગે હવામાન વિભાગની આગાહી સામે આવી છે,જેમાં આગામી 3 દિવસ તાપમાનમાં ફેરફાર નહીં થાય તેવી આગાહી હવામાન વિભાગે કરી છે,28 એપ્રિલ બાદ 2 થી 3 ડીગ્રી તાપમાન વધશે તેવી આગાહી પણ હવામાન વિભાગ દ્વારા કરવામાં આવી છે,દક્ષિણ પશ્ચિમ- પશ્ચિમના પવન ફૂંકાશે અને મહતમ તાપમાન 40 થી 44 ડીગ્રીની આસપાસ રહી શકે છે સાથે સાથે દરિયાકાંઠા વિસ્તારોમાં ગરમ-ભેજવાળા પવન ફૂંકાશે.

ગાંધીનગર જિલ્લામાં 29 પાકિસ્તાનીઓ હોવાનો રિપોર્ટ 

ગાંધીનગર શહેરમાં કલોલ, માણસા, દહેગામમાં પાકિસ્તાનીઓ હોવાની વાત સામે આવી છે જેમાં અલગ-અલગ વિઝા પર પાકિસ્તાની આવ્યા હોવાની વિગતો મળી છે,તો ગૃહ મંત્રાલયના આદેશ બાદ પાકિસ્તાનીઓને તગેડી મૂકાશે અને નિયત સમયમાં રવાના કરવાની કાર્યવાહી હાથ ધરાઈ છે,ગૃહ વિભાગે તમામને ભારત છોડવાનો આપ્યો આદેશ,તો અટારી બોર્ડરથી તમામને તેમના દેશ પાકિસ્તાન મોકલવામાં આવશે તેવી માહિતી સૂત્રો તરફથી મળી રહી છે.

ગુજરાતમાં રહેલા પાકિસ્તાની નાગરિકોને લઈ મોટા સમાચાર

ગુજરાતમાં રહેલા પાકિસ્તાની નાગરિકોને લઈ મોટા સમાચાર સામે આવ્યા છે જેમાં ગુજરાતમાં લોન્ગ ટર્મ વિઝા પર 438 પાકિસ્તાની નાગરિકો છે,અમદાવાદમાં સૌથી વધુ 77 પાકિસ્તાની નાગરિકો,સુરતમાં 44 અને કચ્છમાં 50 પાકિસ્તાની નાગરિકો હોવાની વાત સામે આવી છે,ગુજરાતમાં શોર્ટ ટર્મ વિઝા પર રહેલા 7 નાગરિકો છે,સૌથી વધુ 5 પાકિસ્તાની નાગરિકો અમદાવાદમાં હોવાની વાત સામે આી છે,ભરુચ અને વડોદરામાં એક-એક પાકિસ્તાની નાગરિક છે તો તમામ પાકિસ્તાની નાગરિકોને હાંકી કાઢવા કવાયત તેજ કરવામાં આવી છે,ગૃહ વિભાગે તૈયાર કરી પાકિસ્તાની નાગરિકોની યાદી.

Gujaratના અમદાવાદમાં સૌથી વધારે 77 પાકિસ્તાની નાગરિકો, તમામને હાંકી કાઢવા કવાયત તેજ

જમ્મુ કાશ્મીરમાં થયેલા આતંકી હુમલા બાદ દેશભરમાં તેનો વિરોધ જોવા મળી રહ્યો છે,ત્યારે ભારત સરકારે જાહેરાત કરી હતી કે જે પાકિસ્તાની ભારતમાં છે તે 48 કલાકમાં ભારત દેશ છોડીને તેમના વતન જતા રહે ત્યારે ગુજરાત સરકારે પાકિસ્તાનીઓ સામે કાર્યવાહી શરૂ કરી છે,કેન્દ્ર સરકારના પગલે રાજ્ય સરકાર એક્શનમાં છે જેમાં તમામ જિલ્લાઓમાં રાજ્ય સરકારે કલેકટર અને એસપીને સૂચના આપી છે,જેમાં જે હિંદુ શરણાર્થીઓ છે તેમની સામે કંઈ કાર્યવાહી નહી કરાય.રાજય સરકારે ગુજરાતના કલેકટર અને એસપીને આ અંગે સૂચના પણ આપી દીધી છે.

વાંચો 03 વાગ્યા સુધીના મહત્વના સમાચાર

01 - Amreliમાં વિધર્મી-યુવતીને હિંદુ યુવક સાથે પ્રેમ થતા પિતાએ ગળુ દબાવી હત્યા કરી

02 - ISROના ભૂતપૂર્વ વડા ડૉ. કે. કસ્તુરીરંગનનું નિધન, રોકેટના વિકાસમાં મુખ્ય ભૂમિકા ભજવી

03 - Ahmedabadના બોપલમાં 2 વ્યકિતને કાર પર 10 ફૂટ ઢસેડનાર નબીરો ઝડપાયો

04 - India Pakistan News: ભારત અને પાકિસ્તાન વચ્ચે મિસાઈલ મામલે કોનો હાથ ઉપર?

05 - Jammu Kashmir Attack: 6 પોઈન્ટમાં સમજો ભારતની જીત છે નક્કી

06 - Jammu Kashmir Attack: પાકિસ્તાની નાગરિકો માટે ગૃહમંત્રીનો કડક આદેશ

07 - Jammu Kashmir Attack: પાકિસ્તાને વટાવી બેશરમીની તમામ હદ, આતંકવાદીઓને કહ્યા 'સ્વતંત્રતા સેનાની'

08 - Gold-Silver Rate Today: શું છે સોના-ચાંદીની કિંમત, બજારમાં કેવી છે ગ્રાહકોની ભીડ?

09 - Ambalal Patelએ 11 એપ્રિલે જમ્મુમાં આતંકી હુમલાને લઈ કરી હતી આગાહી 

10 - Khedaમાં આશરો આપવાના બહાને પ્રેમી-પંખીડાની હત્યા કરી મહિલા સાથે આરોપીએ આચર્યુ દુષ્કર્મ

પોલીસની પૂછપરછમાં પિતાએ કહ્યું કે મે છોકરની હત્યા કરી છે

હત્યા પહેલા ઇશિકાબેનએ 181ની અભ્યમ ટીમ પાસે મદદ માંગી હતી. અન્ય વ્યક્તિ સાથે પ્રેમસંબંધ હોય અને પિતા પરિવાર જબરજસ્તીથી અન્ય સાથે લગ્ન કરાવવા માંગતા હતાં. યુવતીને કાના સાથે લગ્ન કરવા હતા. પરિવાર આ કાનો હિંદુ સમાજમાંથી આવતા હોવાને કારણે પિતા, પરિવાર ના પાડતા હતા. યુવતીને કાના સાથે પ્રેમસંબંધ હોવાથી લગ્ન કરવા ઇચ્છતા હતા. રાત્રિના સમયે હત્યા પહેલા અભયમ 181 મહિલા હેલ્પલાઇનને જાણ કરી મદદ માંગવામાં આવી હતી. પરંતુ, અહીં પહોંચી પરિવારજનોને પૂછતાં કહ્યું- સૂતી છે, બોલાવતા,બોલતી નહીં હોવાને કારણે પોલીસને બોલાવતા ફાંડો ફૂટ્યો હતો.

અમરેલી પોલીસ જાતે ફરિયાદી બની

ઘટનાને લઈ ખાંભા પોલીસ એ.એસ.પી.જયવીર ગઢવી સહિત પોલીસ અધિકારીઓની ટીમ ઘટના સ્થળે પહોંચી ખાંભા પોલીસ ફરિયાદી બની આરોપી પિતા સામે હત્યાનો ગુનો નોંધી ધરપકડ કરી તપાસનો ધમધમાટ શરૂ કર્યો છે,ખાંભા પોલીસ સ્ટેશનના પી.એસ.આઈ.રવિરાજ સિંહ ચૌહાણ જાતે જ ગઈ કાલે ફરીયાદી બન્યા હતા. જેમાં ફરિયાદ નોંધાઈ તે પ્રમાણે વહેલી સવારે મહિલા હેલ્પલાઈન 181 અભયમની ટીમ ડેડાણ ગામમાં મજીદભાઈના ઘરે પહોંચી હતી. જેમાં યુવતી ઇશિકાબેને મદદ માટે બોલાવેલા હોવાથી ટીમ અહીં યુવતી કંઈ બોલી નહીં શકતા હોય. આ ગંભીરતા દાખવી ખાંભા પોલીસને બોલાવવામાં આવી હતી.

અમરેલી અભયમની ટીમે ભાંડો ફોડયો

એટલું જ નહીં તેને ઘરમાં વ્યવસ્થિત સુવાડી દીધી હતી અને ટીમ પહોંચી પણ દીકરી ન ઉઠી એટલે પોલીસ આવતાં બનાવનો ભાંડો ફૂટ્યો હતો. પોલીસ આ બનાવમાં ફરિયાદી બની છે.અહીં ખાંભાના ડેડાણ ગામમાં ઓનરકિલિંગની ઘટના સામે આવી છે. અહીં ઇશિકાબેન ખોખર નામની 22 વર્ષીય યુવતીને ગામના કાના નામના વ્યક્તિ સાથે પ્રેમ સંબંધ હતો. પરિવારજનો અન્ય જગ્યાએ યુવતીની સગાઈ કરી લગ્ન કરવા માંગતો હતો. પંરતુ યુવતી તેના કાના સાથે પ્રેમસંબંધ આગળ વધારવા માંગતી હતી. આ દરમિયાન દીકરીને પ્રેમસંબંધ હોવાથી કારણે સમાજમાં આબરૂ જવાની બીકે યુવતીનો સગો બાપ એવો મજીદભાઇ ગુલાબભાઇ ખોખરે રાત્રીના સમયે ગળું દબાવી હત્યા કરી મોતને ઘાટ ઉતારી દેતા ચકચાર મચી ગઇ છે. 

પિતાએ ગળુ દબાવીને હત્યા કરી

અમરેલી જિલ્લામાં ખાંભાના ડેડાણ ગામમાં એક દુઃખદ ઘટના સામે આવી છે, જ્યાં પિતાએ 22 વર્ષીય પુત્રીની હત્યા કરી દીધી હતી. યુવતીના પ્રેમસંબંધને કારણે પરિવારજનો નારાજ હતા. દરમિયાન દીકરી પણ જીદે ચડી હતી ગામના હિંદુ યુવક કાના સાથે લગ્ન કરવા, પરંતુ અન્ય ધર્મના હોવાથી પિતા રાજી ન હતા. દીકરીએ જીવના જોખમને પગલે 181 અભયમની મદદ માગી હતી. ટીમ પહોંચી પણ હતી. જોકે, સમાજમાં ઈજ્જત બચાવવા પિતાએ વ્હાલી દીકરીની ગળુ દબાવી હત્યા કરી હતી. 

Amreliમાં વિધર્મી યુવતીને હિંદુ યુવક સાથે પ્રેમ થતા પિતાએ ગળુ દબાવીને કરી હત્યા 

અમરેલી જિલ્લામાં ખાંભાના ડેડાણ ગામમા વિધર્મી યુવતીને હિંદુ યુવક સાથે પ્રેમસંબંધ હોવાથી પિતાએ સમાજમાં આબરૂના ડરના કારણે રાત્રીના સમયે ગળું દબાવી હત્યા કરી નાખી છે,તો ખાંભા પોલીસે પુત્રીના સગા પિતાની આરોપી તરીકે ધરપકડ કરીને વધુ તપાસ હાથધરી છે.

અમદાવાદમાં અકસ્માતની સંખ્યામાં વધારો થયો છે

જોકે હાલ પોલીસે સીસીટીવીને આધારે આરોપીની ધરપકડ ગણતરીના કલાકોમાં કરી લીધી છે અને જેલ હવાલે ધકેલી દીધો છે નોંધનીય છે કે અકસ્માત થાય ત્યારે પોલીસ તંત્ર સફાળું જાગે છે અને ઠેર ઠેર ટ્રાફિક નિયમો સમજાવવા માટે પોલીસ તંત્ર મેદાને આવે છે અને કાર્યવાહી કરવાની વાતો કરવામાં આવે છે પરંતુ શહેરમાં અકસ્માતોનો સિલસિલો હજી યથાવત જ રહ્યો છે ત્યારે શહેરમાં જો ઠોસ કાર્યવાહી થતી હોત તો કદાચ અકસ્માતોની સંખ્યા ઘટી હોત.

અકસ્માતમાં ઈજાગ્રસ્તોને સારવાર હેઠળ ખસેડાયા

અમદાવાદના સાઉથ બોપલ વિસ્તારમાં આવેલા vip રોડના  મેરીગોલ્ડ એપાર્ટમેન્ટ પાસેથી  કારે  પગપાળા જઇ રહેલા બે રાહદારી શરદ અને અમોલ ને અડફેટે લઇ 10 ફૂટ ફંગોળ્યા હતા. આ બંને યુવક મહારાષ્ટ્રથી એક કાર્યક્રમમાં હાજરી આપવા આવ્યા હતા. આ દરમિયાન તેઓ ચાલતાં જઇ રહ્યા હતા, ત્યારે અજાણ્યા કાર ચાલકે બેફામ ગતિએ ગફલતભરી કાર હંકારી અકસ્માત સર્જ્યો છે. આ સમગ્ર ઘટના સીસીટીવીમાં કેદ થઈ હતી...જો કે અકસ્માતમાં બન્ને યુવકોને ઇજાઓ થઈ છે મોટી જાનહાની થતા અટકી હતી.

સાઉથ બોપલમાં ગઈકાલે સર્જાયો હતો અકસ્માત

અમદાવાદમાં અકસ્માતની ઘટનાઓમાં સતત વધારો થઈ રહ્યો છે. વાહનચાલકો બેફામ બની રહ્યા છે. ત્યારે અમદાવાદના બોપલમાં બનેલી ઘટનના જોઈ તમે પણ હચમચી જશો. એક કાર પુરપાટે આવી પાછળથી બે લોકોને ઉલાળીને ઢસડ્યા હતા. જેથી તેમને ગંભીર હાલતમાં સારવાર અર્થે ખસેડ્યા છે. અકસ્માત સર્જી કારચાલક ફરાર થઈ ગયો હતો. જે આરોપી હાર્દિકસિંહ વાઘેલાની પોલીસે ધરપકડ કરી છે,આરોપી એક ખાનગી કંપનીમાં કોમ્યુટર ઓપરેટર તરીકે કામ કરતો છે.

Ahmedabadના બોપલમાં 2 વ્યકિતને 10 ફૂટ ઢસેડનાર નબીરો ઝડપાયો, પોલીસ આગળ બિલ્લી બની ગયો

અમદાવાદમાં રફતારના રાક્ષસનો કહેર યથાવત જોવા મળ્યો છે,ત્યારે સાઉથ બોપલમાં ફરી રફતારના રાક્ષસનો કહેર જોવા મળ્યો છે,જેમાં સાઉથ બોપલમાં પગપાળા જતા બે વ્યકિતને નબીરાએ 10 ફૂટ સુધી ઢસેડયા હતા જેના ડરામણા cctv સામે આવ્યા છે.

આતંકી હુમલા બાદ ગૃહમંત્રી અમિત શાહ એક્શનમાં

તમામ રાજ્યોના મુખ્યમંત્રીઓ સાથે વાતચીત કરી, રાજ્યોમાં રહેતા પાકિસ્તાની નાગરિકો અંગે વાત, પાકિસ્તાનીઓને દેશમાંથી હાંકી કાઢવા કહ્યું, પાકિસ્તાનીઓના વિઝા તાત્કાલિક રદ કરવા કહ્યું.

વડોદરામાં ગૃહમંત્રી હર્ષ સંઘવીની સમીક્ષા બેઠક

વડોદરામાં હર્ષ સંઘવીએ અધિકારીઓ, પદાધિકારીઓ,ધારાસભ્યો સાથે બેઠક કરી હતી અને વિશ્વામિત્રી રિવાઇવલ પ્રોજેક્ટ અંતર્ગત સમીક્ષા બેઠક કરાઈ હતી,સમીક્ષા બેઠક બાદ ગૃહમંત્રી હર્ષ સંઘવીનું નિવેદન સામે આવ્યું છે તેમાં તેમનું કહેવુ છે કે,ઝડપથી અને ધાર્યા કરતા વધુ સારી કામગીરી ચાલુ છે,મનપા સિવાય 25 કિમી વિસ્તારમાં પણ કામગીરી કરાઈ છે,ઇરીગેશન ડિપાર્ટમેન્ટે 32 ટકા કામગીરી કરી છે,ટાર્ગેટ પહેલા કામ પૂર્ણ કરવાની તૈયારીઓ છે, પ્રોજેક્ટ પૂર્ણ થતા જ પાણીની કેરિંગ કેપેસીટી વધશે અને આટલી ઝડપી કામગીરી કરનાર વડોદરા રાજ્યમાં પ્રથમ વખત થઈ છે.

Harsh Sanghaviએ વડોદરામાં વિશ્વામિત્રી પ્રોજેક્ટની કામગીરીનું કર્યું નિરીક્ષણ 

ગૃહ રાજ્યમંત્રી હર્ષ સંઘવી વડોદરાની મુલાકાતે છે અને તેમણે વિશ્વામિત્રી પ્રોજેક્ટની કામગીરીનું નિરીક્ષણ કર્યુ છે,હર્ષ સંઘવીનું કહેવું છે કે,ગત ચોમાસામાં પૂરનો સામનો કરવો પડયો હતો અને ભાજપે વચન આપ્યું હતુ તે વિશ્વામિત્રી પ્રોજેકટને લઈ કામગીરી કરાશે ત્યારે ચોમાસા પહેલા વિશ્વામિત્રી પ્રોજેક્ટ પૂર્ણ થશે અને 24 કિલોમીટરની નદીની સફાઈ હાથ ધરાઈ છે,100 દિવસમાં પ્રોજેક્ટ પૂર્ણ કરવાનું વિચાર્યું આ વાત હર્ષ સંઘવીએ કરી છે. 

ગુજરાતની ગરમી અંગે હવામાન વિભાગની આગાહી

આગામી 3 દિવસ તાપમાનમાં ફેરફાર નહીં થાય, 28 એપ્રિલ બાદ 2 થી 3 ડીગ્રી તાપમાન વધશે, દક્ષિણ પશ્ચિમ- પશ્ચિમના પવન ફૂંકાશે, મહતમ તાપમાન 40 થી 44 ડીગ્રી આસપાસ રહેશે,અમદાવાદનું મહતમ તાપમાન 41 ડીગ્રી આસપાસ રહેશે, દરિયાકાંઠા વિસ્તારોમાં ગરમ-ભેજવાળા પવન ફૂંકાશે.

જૂનાગઢ પોલીસે પ્રોહિબિશનના કર્યા કેસ

જૂનાગઢ શહેરમાં 24 કલાકમાં પોલીસે દારૂના 7 કેસ કરી મહિલા સહિત 4 શખ્સની અટક કરી 34,950નો મુદ્દામાલ કબ્જે કર્યો હતો અને 11 નશાખોરને પણ પકડી લઈ ધોરણસરની કાર્યવાહી કરી હતી. મળતી માહિતી અનુસાર જૂનાગઢ શહેરમાં તળાવ દરવાજા પાસે આવેલ પ્રતિક્ષા એપાર્ટમેન્ટમાં રહેતો 42 વર્ષીય શિવમ ઉર્ફે શીવો મથુરાદાસ નિર્મળને બી ડિવિઝન પોલીસે દારૂની અડધી બોટલ સાથે ઝડપી લઇ મોપેડ સહિત 30,400નો મુદ્દામાલ કબજે કર્યો હતો.  

Junagadhમાં ગેરકાયદે હથિયાર સાથે 2 ઝડપાયા

જૂનાગઢમાં ગેરકાયદે હથિયાર સાથે બે શખ્સો ઝડપાયા છે,જેમાં નિવૃત્ત આર્મી જવાને પિસ્તોલ અન્ય શખ્સને આપી હોવાની વાત સામે આવી છે,લાયસન્સ વગરની પિસ્તોલ આપી જાહેરનામાનો ભંગ કર્યો છે,તો જૂનાગઢ SOG પોલીસે બંન્ને ઈસમોને ઝડપી પાડ્યા છે,એક પિસ્તોલ અને ત્રણ જીવતા કારતૂસ સાથે આરોપીઓ ઝડપાયા છે,પોલીસે ગુનો નોંધી વધુ તપાસ હાથ ધરી છે. 

ગઈકાલે નિમુબેને બોટાદ કલેકટર ઓફીસમાં યોજી હતી બેઠક

ગ્રાહક બાબતો, ખાદ્ય અને જાહેર વિતરણ વિભાગના કેન્દ્રીય રાજ્યમંત્રી  નિમુબેન બાંભણિયાના અધ્યક્ષ સ્થાને બોટાદ કલેકટર કચેરી ખાતે "દિશા મોનીટરીંગ સમિતિ"ની રિવ્યુ બેઠક યોજાઈ હતી. જેમાં માર્ચ ૨૦૨૫ અંતિત કરવામાં આવેલી કામગીરીની સમીક્ષા કરવાની સાથોસાથ જનસુખાકારીના કામોને અગ્રતા આપી નિયત સમયાવધિમાં પૂર્ણ કરવા સંબંધિત અમલીકરણ અધિકારીઓને મંત્રીએ તાકીદ કરી હતી.કેન્દ્રીય રાજ્યમંત્રી  નિમુબેન બાંભણિયાએ યોજનાઓની સમીક્ષા કરતા વિવિધ વિભાગોને લગતી જનકલ્યાણકારી યોજનાઓના લાભો તમામ જરૂરીયાતમંદોને સમયસર મળી રહે તે સુનિશ્વિત કરવા જરૂરી સૂચનો સાથે માર્ગદર્શન પુરું પાડ્યું હતું. કેન્દ્રીય રાજ્ય મંત્રીએ અનુરોધ કર્યો હતો કે,મનરેગા યોજના પર ભાર મૂકવામાં આવે  જે અંતર્ગત તેમણે રસ્તાઓ, ગ્રામ પંચાયત ઘર તેમજ આંગણવાડીઓના નિર્માણ પર ભાર મૂક્યો હતો. સાથોસાથ નાગરિકોને સંપૂર્ણ શ્રેષ્ઠ ગુણવત્તા સભર સેવાઓ મળી રહે તે સુનિશ્ચિત કર્યું હતું.

Botad કલેકટર કચેરી ખાતે તૈયાર કરાયેલા “ધન્ય ધરા બોટાદ-સાંસ્કૃતિક પ્રદર્શની”નું લોકાર્પણ કરાયું

બોટાદની સંસ્કૃતિ, ઇતિહાસ, પરંપરા અને સાહિત્યની ઝાંખી કરાવતી“ધન્ય ધરા બોટાદ- સાંસ્કૃતિક પ્રદર્શની”નું ગ્રાહક બાબતો, ખાદ્ય અને જાહેર વિતરણ વિભાગના કેન્દ્રીય રાજ્યમંત્રી નિમુબેન બાંભણિયાના હસ્તે ઉદ્ઘાટન કરાયું હતું.બોટાદ જિલ્લા કલેક્ટર ડો.જીન્સી રોયના  ખાસ માર્ગદર્શન અંતર્ગત બોટાદ કલેકટર કચેરી પરિસરમાં આ સાંસ્કૃતિક પ્રદર્શની તૈયાર કરવામાં આવી છે. જે સેવા સદન ખાતે આવતા મુલાકાતીઓ માટે આકર્ષણનું કેન્દ્ર અને માહિતીનો વિશાળ સ્ત્રોત બની રહેશે.આ સાંસ્કૃતિક પ્રદર્શનીમાં સ્થાનિક લોકજીવન, પરંપરાગત રીતિઓ, ઐતિહાસિક પળો અને સાહિત્યિક વારસાનું જીવંત ચિત્રણ કરવામાં આવ્યું છે. બોટાદની ભવ્યતાને પ્રદર્શિત કરતી સાંસ્કૃતિક પ્રદર્શની જિલ્લાના ભવ્ય વારસાનું જતન કરશે.

યુદ્ધના ભણકારા વાગી રહ્યા છે : અંબાલાલ પટેલ

અંબાલાલ પટેલે વધુમાં કહ્યું કે યુદ્ધના ભણકારા વાગી રહ્યા છે,યુવાનોને યુદ્ધને લઈ તાલિમ આપવાની જરૂર છે,યુદ્ધને ઉકસાવવા માટેના પ્રયત્નો થશે અને ગ્રહદશાના કારણે સરહદો પર ઘટનાઓ બની શકે છે,અનિષ્ટ ગ્રહોથી બોંબ વિસ્ફોટ જેવી ઘટના થઈ શકે છે,આંતકી પ્રવૃતિઓની અસર પણ દેશમાં હજી રહી શકે છે તેવી આગાહી અંબાલાલ પટેલે કરી છે.રાજનેતાઓના ગ્રહોની પણ આ અસર હોઈ શકે છે તેવું અંબાલાલ પટેલનું માનવું છે.

આગાહીકાર અંબાલાલ પટેલની આગાહી સાચી પડી

કાશ્મીરમાં આતંકી ગતિવિધિની અંબાલાલ પટેલે આગીહી કરી હતી,આસુરી શક્તિના કારણે કાશ્મીરમાં હુમલો થયો છે તેવું અંબાલાલ પટેલનું માનવું છે,હજુ પણ આસુરી શક્તિના ગ્રહો ચાલી રહ્યાં છે જેના કારણે દેશ અને દુનિયામાં પણ વધશે વ્યાકુળતા અને હજુ પણ આતંકી ગતિવિધિઓ વધશે,દરિયાકિનારાનો ભાગ સાચવવો પડશે અને સમુદ્રી સેનાને પણ સતર્ક કરવી જરૂરી રહેશે તેવી આગાહી કરી છે.

Ambalal Patelએ આંતકી હુમલાને લઈ કરી હતી આગાહી, દેશ અને દુનિયામાં પણ વધશે વ્યાકુળતા 

અંબાલાલ પટેલની આગાહી આપણે ઠંડી,ગરમી અને ચોમાસાને લઈને સાંભળી છે પરંતુ જમ્મુ કાશ્મીરમાં થયેલા હુમલાને લઈ અંબાલાલ પટેલે 11 એપ્રિલે આગાહી કરી હતી અને તે આગાહી સાચી પડી છે,અંબાલાલ પટેલનું કહેવું છે કે હજી પણ દેશમાં આંતકી ગતિવિધી વધે તેવી આગાહી કરી છે.અનિષ્ટ ગ્રહોથી દેશમાં ખળભળાટ મચશે તેવી આગાહી અંબાલાલ પટેલે કરી છે.

સીસીટીવીમાં આરોપી ભાગતો હતો અને ઝડપાયો 

પ્રકાશ નિનામાના પ્રથમ લગ્ન તૂટી ગયા છે અને બીજા લગ્નમાં પણ પત્ની સાથે અણબનાવ હોવાથી અલગ રહે છે.જે કારણે પ્રકાશે પહેલેથીજ આ યુવતી સાથે શારીરિક સબંધો બાંધવાના હેતુસર આ કૃત્ય આચર્યુ હોવાનું જિલ્લા પોલીસ વડા રાજેશ ગઢીયાએ જણાવ્યું છે. વધુમાં તેમણે જણાવ્યું કે, આરોપી મહીસામા રહ્યો હોય તે મહીસાની તમામ સ્થાનોથી પરિચિત હતો જેથી ઘટનાસ્થળ ખુલ્લા ખેતરમા આ પ્રેમી યુગલને લઈ આવ્યો હતો. આરોપી છૂટક મજૂરી કરે છે. અને પોલીસ તેના રિમાન્ડ મેળવી આગળની કાર્યવાહી હાથ ધરશે,આરોપી પ્રકાશ નીનામા ડાકોરના સીસીટીવી માં બંને પ્રેમી યુગલ સાથે બાઈક પર જતો દેખાયો હતો પરંતુ તે પહેલાથી જ ગુનાહિત ઈતિહાસ કરવાનો ઈરાદો હોય તેણે પોતાનો ચહેરો સીસીટીવીમાં ન દેખાય તે માટે પ્રયાસ પણ કર્યો હતો. પરંતુ ટેકનિકલ સર્વલેન્સ ની મદદથી પોલીસે તેની ઓળખ મેળવી દીધી છે...

યુવતી સાથે દુષ્કર્મ આચર્યુ અને મોતને ઘાટ ઉતારી

બાદમાં પ્રેમીના મોટરસાયકલ પર આ ત્રણેય લોકો મહિસા ગામના એક ખુલ્લા ખેતરમાં આસરો આપી જણાવ્યું કે આજની રાત અહીં વિતાવી લો કાલે સવારે બીજે સારી વ્યવસ્થા કરી આપીશ,ત્યારબાદ રાત્રે પ્રેમી યુગલ ખાટલામા એક સાથે સૂઇ રહ્યા હતા તે દ્રશ્ય જોઈ પ્રકાશના મનમા હવસનો કીડો સળવળ્યો અને પ્રકાશે પહેલા યુવક પર હુમલો કર્યો અને મોતને ઘાટ ઉતાર્યો હતો અને બાદમાં યુવતી પર પણ હુમલો કર્યો હતો અને બાદમાં યુવતી પર અર્ધ બેભાન અવસ્થામાં દુષ્કર્મ આચર્યું હતું ત્યારબાદ પણ વિકૃતની હવસ ન સંતોષાઈ જે બાદ યુવતીના ગુપ્તાંગમાં તમાકુનુ રાડિયું નાખી દઈ ઈજાઓ પહોંચાડી હતી અને તેને પણ મોતને ઘાટ ઉતારી હતી.

આરોપી હડફ જિલ્લાનો રહેવાસી છે

મૂળ મહિસાનો અને પંચમહાલ જિલ્લાના મોરવા હડફના વંદેલીમા રહેતો 40 વર્ષીય પ્રકાશ ઉર્ફે પકો ચંદુ નિનામા (હાલ રહે.ઠાસરાના ખિજલપુર,) ગઈકાલે ડાકોરમાં આ પ્રેમી પંખીડાને મળ્યો હતો. યુવતીના લગ્ન હોય અને તેને ગામના અજય નામના યુવક સાથે પ્રેમ સબંધ હોય, તે લગ્નના આગલા દિવસે જ પ્રેમી સાથે ભાગી નીકળી હતી. બંને આશ્રયની શોધમાં હતા. પરંતુ યુગલ પાસે આઈડી પ્રૂફ ન હોવાથી કોઈપણ હોટલ કે ગેસ્ટ હાઉસમાં પ્રવેશ આપવામાં આવ્યો ન હતો આ દરમિયાન આ ઠાસરાના ખીજલપુરનો નરાધમ વિકૃત હવસખોર પ્રકાશ નિનામા ડાકોરમાં તેમને મળ્યો હતો. જ્યાં આ પ્રેમી યુગલ રહેવા માટે આશ્રય શોધતું હોય, તેનો લાભ ઉઠાવી રહેવા માટે હુ આશ્રયની વ્યવસ્થા કરી આપુ છુ કહી વિશ્વાસમા લઈ લીધા.

પ્રેમી યુગલને બેસાડીને આરોપી બાઈક પર લઈ ગયો હતો

આ સાથે LCB,SOG,પેરોલ ફર્લો તથા મહુધા પોલીસ મળીને અલગ અલગ કુલ 10 ટીમો બનાવી ગ્રાઉન્ડ ઝીરો લેવલની કામગીરી હાથ ધરવામાં આવી હતી,આ દરમિયાન પોલીસ દ્વારા 150 થી વધુ સીસીટીવી બારીકાઈથી તપાસ કરવામાં આવતા ડાકોર ખાતે લગાવવામાં આવેલ નેત્રમ પ્રોજેક્ટ હેઠળના સીસીટીવી કેમેરામાં ડાકોરથી અલીણા તરફ ના રસ્તા પર આરોપી મૃતક યુવક બાઈક ચલાવતો હતો અને તેની પાછળ બંને પ્રેમી યુગલને બેસાડીને અલીણા તરફ જતો દેખાયો હતો.

30 કલાકમાં પોલીસે હત્યાનો ગુનો ઉકેલ્યો

ખેડા જિલ્લામાં ગતરોજ ચકચારી ડબલ મર્ડરની ઘટના બની હતી,મહુધા તાલુકાના મહિસામાં ખેતરમાંથી મળેલા બે મૃતદેહોમાં પોલીસે આ ડબલ મર્ડર મિસ્ટ્રીને 30 કલાકોમાં જ ઉકેલી દીધી છે,પોલીસે ડાકોરના સીસીટીવી તપાસતા તેમાં એક ઈસમ બાઈક પર આ પ્રેમી પંખીડાને બેસાડીને જતો દેખાયો હતો, જેથી પોલીસે આ દિશામાં તપાસ હાથ ધરતા સમગ્ર હત્યાનો પર્દાફાશ થયો છે,સમગ્ર હત્યાનું ભેદ ઉકેલવા માટે પોલીસ દ્વારા તાત્કાલિક એફએસએલ ફિંગર પ્રિન્ટ એક્સપોર્ટ ડોગ સ્કોર્ડ ને સ્થળ પર બોલાવી સાયન્ટિફિક પુરાવા એકત્ર કરવાની કામગીરી હાથ ધરાઈ હતી.

Khedaમાં આશરો આપવાના બહાને પ્રેમી પંખીડાની કરી હત્યા, યુવતી પર દુષ્કર્મ પણ આચર્યુ

પ્રેમી યુગલને અજાણ્યા માણસ પર વિશ્વાસ કરવો જીવલેણ સાબિત થયો,આશરો આપનાર આરોપીએ બન્ને પ્રેમીયુગલને મોતને ઘાટ ઉતાર્યા છે,પંચમહાલ જિલ્લાના પ્રેમીયુગલ ઘરેથી પોતાનુ બાઈક લઈ ભાગ્યા અને સૌપ્રથમ ડાકોર દર્શને આવ્યા અને ડાકોરથી આશ્રય આપવાના બહાને ઈસમ આ યુગલને મહિસા લાવ્યો અને યુવકને મોતને ઘાટ ઉતારી યુવતી પર દુષ્કર્મ આચર્યું અને તેની પણ હત્યા કરી નાખી.

જામનગરમાં થોડા દિવસ અગાઉ ઘાસચારો જપ્ત કરાયો

જામનગરમાં રખડતા ઢોર નિયંત્રણ માટે મનપા દ્વારા કેટલ પોલીસીની કડક અમલવારી અંતર્ગત એસ્ટેટ શાખા દ્વારા રવિવારે વધુ 1000 કીલો ઘાસચારો જપ્ત કરવામાં આવ્યો હતો. શહેરના મીગકોલોની, રાજપાર્ક, સાધનાકોલોની સહિતના માર્ગો પર આ કાર્યવાહી કરાઇ હતી. શહેરમાં રખડતા ઢોરનો ત્રાસ જીવલેણ બનતા મનપા દ્વારા આખરે કેટલ પોલીસીની કડક અમલવારી શરૂ કરવામાં આવી છે.જે પણ વ્યકિત જાહેરમાં ઢોરચારો રાખશે તેની સામે કડકમાં કડક કાર્યવાહી કરવામાં આવશે તેવી ચિમકી પણ ઉચ્ચારવામાં આવી છે.

જામનગરમાં અચાનક રોડ પર આખલો આવી જતા મોત થયું

જામનગરના સમાણા હાઈવે પર રોડ પર આખલો આવી જતા તેનું મોત થયું હોવાની વાત સામે આવી છે,યુવક રોડ પર પટકાતા ગંભીર ઈજાઓ પહોંચી હતી જેના કારણે તેનું મોત થયું છે,યુવકને સારવાર મળે તે પહેલા જ તેનું મોત થયું હતુ,જેમાં યુવાન હાઇવે પરથી પસાર થતા અચાનક રોડ પર આખલો આવી જતા અકસ્માત સર્જાયો હતો આ અકસ્માતમાં 37 વર્ષના આનંદ સંતોકી નામના યુવાનને માથામાં ગંભીર ઇજા પહોંચી હતી અને તે મોતને ભેટયો હતો. 

Jamnagarમાં આંખલાએ લીધો યુવકનો જીવ, અચાનક રોડ પર આંખલો આવી જતા યુવક નીચે પટકાયો

જામનગરમાં આંખલાએ યુવકનો જીવ લીધો છે,યુવક બાઈક લઈને જઈ રહ્યો હતો તે દરમિયા અચાનક આંખલો રોડ પર આવી જાય છે અને યુવક નીચે પટકાતા તેનું મોત થયું છે,સમાણઆ હાઈવે પર આ ઘટના બની છે,ઘટનાની જાણ થતા તંત્ર દોડતું થયું હતુ તો મૃતક યુવકના મૃતદેહને પીએમ માટે ખસેડાયો છે અને પીએમ થયા બાદ મૃતદેહ પરિવારને સોંપવામાં આવશે.

વાંચો 12 વાગ્યા સુધીના મહત્વના સમાચાર

01 - Agriculture : ખેડૂતો માટે 15 મે સુધી નવિન "આઈ ખેડૂત" પોર્ટલ ખુલ્લું-મૂકાયું

02 - Jaat Film: સની દેઓલની ફિલ્મે અનેક ફિલ્મોને પછાડી Box-Office પર મચાવી ધૂમ

03 - Pahalgam Terrorist Attackને કારણે આજે દિલ્હીમાં વેપારીઓનું સજ્જડ બંધનુ એલાન

04 - Gujaratમાં રહેતા પાકિસ્તાનીઓને તેમના દેશમાં પરત મોકલાશે, રાજ્ય સરકાર એકશન મોડમાં

05 - Neeraj chopra: મારા માટે દેશ પહેલા,અરશદ નદીમને ભારત બોલાવવા પર મૌન તોડ્યુ

06 - Jammu Kashmir ફરવા ગયેલા રાજકોટના 17 પ્રવાસીઓ અટવાયા, મદદ માટે લગાવી ગુહાર

07 - Petrol Diesel Price : પેટ્રોલ-ડિઝલના ભાવ વધ્યા કે ઘટ્યાં, જાણો કિંમત 

08 - IPL 2025: ચેન્નાઈ સુપર કિંગ્સ અને સનરાઇઝર્સ હૈદરાબાદનો આજે ચેન્નાઈમાં થશે મુકાબલો

09 - Dahodમાં દારૂ ભરેલી કારના ચાલકે યુવકનો લીધો જીવ, પોલીસથી બચવા કાર ભગાવી

10 - Suratમાં ખોટા રિપોર્ટથી વીમો પાસ કરાવવાનું કૌંભાડ ઝડપાયું, ડોકટરોની મિલીભગત આવી સામે

દ્વારકાના જામખંભાળિયામાં દાનપેટીની ચોરી

દાનપેટીની ચોરી સીસીટીવી કેમેરામાં કેદ, બેહગામે જુંગીવારા વાછરાભા મંદિરમાં ચોરી, મંદિરમાંથી પૈસા ભરેલ દાનપેટી લઈ તસ્કર ફરાર, પોલીસે CCTVના આધારે વધુ તપાસ હાથ ધરી.

નોંધણી થયા બાદ ઓનલાઈન અરજી કરી શકાશે

અરજી કરતાં પહેલા ખેડૂતોએ પોર્ટલ ઉપર નોંધણી કરવી ફરજિયાત છે, તેમજ નોંધણી કરવા માટે મોબાઈલ નંબર નાખવો ફરજિયાત રહેશે. નોંધણી થયા બાદ લાભ મેળવવા માટે ખેડૂતો ઓનલાઈન અરજી કરી શકશે.પોર્ટલ પર અરજી મેળવવાની સમય મર્યાદા પૂર્ણ થયા બાદ તમામ અરજીઓનો જિલ્લા/તાલુકા કક્ષાએથી ડ્રો કરવામાં આવશે અને અગ્રતા યાદી તૈયાર કરવામાં આવશે. ત્યાર પછી જ લક્ષ્યાંકની મર્યાદામાં પૂર્વ મંજૂરી આપવામાં આવશે.ખેતીવાડી ખાતાની વિવિધ સહાય યોજના હેઠળ લાભ મેળવવા ઈચ્છુક ખેડૂત મિત્રોને ઓનલાઈન અરજી કરવા જિલ્લા ખેતીવાડી અધિકારીની યાદીમાં જણાવાયું છે.

Agriculture : ખેડૂતો માટે 15 મે સુધી નવિન 'આઈ ખેડૂત' પોર્ટલ ખુલ્લું મુકાયું, ઘર આંગણે તમામ સુવિધા મળશે 

વર્ષ ૨૦૨૫-૨૬ માટે ખેતીવાડી ખાતાની વિવિધ સહાય યોજનાઓનો લાભ લેવા માટે નવિન 'આઈ ખેડુત' પોર્ટલ તા. ૧૫/૦૫/૨૦૨૫ સુધી ખેડૂતો દ્વારા ઓનલાઈન અરજીઓ કરવા માટે ખુલ્લું મૂકવામાં આવ્યું છે. 

ભારતીય શેરબજારમાં મોટો કડાકો

સેન્સેક્સમાં 900 પોઈન્ટનો કડાકો, કારોબારી સપ્તાહના અંતિમ દિવસે કડાકો, નિફ્ટીમાં 300થી વધુ પોઈન્ટનો ઘટાડો.

ભારતની કાર્યવાહીથી પાકિસ્તાન ચિંતિત

જમ્મુ અને કાશ્મીરના પહેલગામમાં થયેલા આતંકવાદી હુમલાએ ફરી એકવાર ભારત અને પાકિસ્તાન વચ્ચે લશ્કરી તાકાતની તુલના ચર્ચામાં લાવી દીધી છે. મંગળવાર, 22 એપ્રિલના રોજ, જમ્મુ અને કાશ્મીરના પહેલગામના બૈસરન વિસ્તારમાં થયેલા આતંકવાદી હુમલામાં 26 લોકો માર્યા ગયા હતા અને ઘણા ઘાયલ થયા હતા. આ વખતે હુમલાખોરોએ સામાન્ય પ્રવાસીઓને નિશાન બનાવ્યા હતા. જેના કારણે દેશભરમાં ગુસ્સો ફેલાયો છે. પાકિસ્તાન સમર્થિત આતંકવાદી સંગઠન 'ધ રેઝિસ્ટન્સ ફ્રન્ટ' (TRF) એ આ હુમલાની જવાબદારી સ્વીકારી છે. જોકે પાકિસ્તાને આ હુમલામાં કોઈપણ સંડોવણીનો ઇનકાર કર્યો છે. પરંતુ ભારતમાં સોશિયલ મીડિયા પર પાકિસ્તાન વાયુસેનાની શંકાસ્પદ પ્રવૃત્તિઓ અંગે ઘણા દાવા કરવામાં આવી રહ્યા છે. પાકિસ્તાને તેના કબજા હેઠળના વિસ્તારમાં નિયંત્રણ રેખા (LoC) પર હાઇ એલર્ટ જાહેર કર્યું છે. ભારતીય ગુપ્તચર સૂત્રોના જણાવ્યા અનુસાર, ભારત તરફથી કોઈપણ સંભવિત બદલાની કાર્યવાહીના ડરથી આ પગલું લેવામાં આવ્યું છે. આ બધા વચ્ચે, ફરી એકવાર એક મહત્વપૂર્ણ પ્રશ્ન ઉભો થયો છે. અને તે એ છે કે, પાકિસ્તાનની લશ્કરી શક્તિ કેટલી મજબૂત છે અને તે ભારત સામે ટકી શકે છે?

ભારત માટે એરસ્પેસ પણ બંધ કર્યુ

પાકિસ્તાને સાર્ક વિઝા માફી યોજના હેઠળ ભારતીય નાગરિકોને આપવામાં આવેલા તમામ વિઝા તાત્કાલિક અસરથી રદ કર્યા છે. ફક્ત શીખ યાત્રાળુઓને જ આમાંથી મુક્તિ આપવામાં આવી છે. આ ઉપરાંત, પાકિસ્તાને ભારતીય એરલાઈન્સ માટે પોતાનું એરસ્પેસ સંપૂર્ણપણે બંધ કરી દીધું છે. હવે કોઈ પણ ભારતીય વિમાન પાકિસ્તાનમાં પ્રવેશી શકશે નહીં કે તેના ઉપરથી ઉડી શકશે નહીં.

પાકિસ્તાને વાઘા બોર્ડર પણ બંધ કરી દીધી

બેઠક બાદ પાકિસ્તાને વાઘા બોર્ડર તાત્કાલિક અસરથી બંધ કરવાનો પણ નિર્ણય લીધો છે અને તમામ પ્રકારના વ્યવસાય અને નાગરિકની અવરજવર પર પ્રતિબંધ મૂકી દેવામાં આવ્યો છે. આ ઉપરાંત, ઈસ્લામાબાદમાં ભારતીય હાઈ કમિશનના લશ્કરી, નૌકાદળ અને વાયુસેના સલાહકારોને 'અનિચ્છનીય વ્યક્તિઓ' જાહેર કરવામાં આવ્યા છે અને તેમને 30 એપ્રિલ સુધીમાં દેશ છોડવાનો નિર્દેશ આપવામાં આવ્યો છે. આ ઉપરાંત ભારતીય હાઈ કમિશનના સ્ટાફની સંખ્યા 30 સુધી ઘટાડી દેવાની જાહેરાત કરવામાં આવી છે.

સિંધુ કરાર પર બેઠકમાં શું થયું?

તમને જણાવી દઈએ કે પાકિસ્તાને સિંધુ જળ સંધિ અટકાવવાના ભારતના નિર્ણયને સંપૂર્ણપણે નકારી કાઢ્યો છે. બેઠકમાં કહેવામાં આવ્યું હતું કે આ સંધિ એક આંતરરાષ્ટ્રીય કરાર છે, જે વિશ્વ બેન્કની મધ્યસ્થી હેઠળ કરવામાં આવ્યો હતો અને ભારત તેને એકપક્ષીય રીતે સ્થગિત કરી શકે નહીં. પાકિસ્તાને એવી પણ ચેતવણી આપી કે જો ભારત સિંધુ નદીનું પાણી રોકવાનો કે વાળવાનો પ્રયાસ કરશે તો તેને યુદ્ધ ગણવામાં આવશે અને તેનો જવાબ આપવામાં આવશે.

Gujaratમાં રહેતા પાકિસ્તાનીઓને તેમના દેશમાં પરત મોકલાશે, રાજ્ય સરકાર એકશન મોડમાં

જમ્મુ કાશ્મીરમાં થયેલા આતંકી હુમલા બાદ દેશભરમાં તેનો વિરોધ જોવા મળી રહ્યો છે,ત્યારે ભારત સરકારે જાહેરાત કરી હતી કે જે પાકિસ્તાની ભારતમાં છે તે 48 કલાકમાં ભારત દેશ છોડીને તેમના વતન જતા રહે ત્યારે ગુજરાત સરકારે પાકિસ્તાનીઓ સામે કાર્યવાહી શરૂ કરી છે, કેન્દ્ર સરકારના પગલે રાજ્ય સરકાર એક્શનમાં છે જેમાં તમામ જિલ્લાઓમાં રાજ્ય સરકારે કલેકટર અને એસપીને સૂચના આપી છે,જેમાં જે હિંદુ શરણાર્થીઓ છે તેમની સામે કંઈ કાર્યવાહી નહી કરાય. 

કામધેનુ યુનિવર્સિટીના અધ્યાપકો તથા મોટી સંખ્યામાં વિદ્યાર્થીઓ ઉપસ્થિત રહ્યાં હતા

આ પ્રસંગે રાજ્યપાલ સહિત ઉપસ્થિત સૌએ કશ્મીરના પહેલગામમાં મૃત્યુ પામેલા લોકોના આત્માની શાંતિ તથા તેમના પરિવાર પ્રત્યે સંવેદના વ્યક્ત કરવા માટે બે મિનિટ મૌન પાળી શ્રદ્ધાંજલિ આપી હતી.દીક્ષાંત સમારોહના પ્રારંભે કામધેનુ યુનિવર્સિટીના કુલપતિ ડૉ. એન. એચ. કેલાવાલાએ સૌનું શાબ્દિક સ્વાગત કર્યું હતું. તેમણે કામધેનુ યુનિવર્સિટીમાં ચાલતાં વિવિધ અભ્યાસક્રમો અને સિદ્ધિઓ અંગે વિગતવાર માહિતી આપી હતી. જ્યારે, કાર્યક્રમના અંતે કામધેનુ યુનિવર્સિટીના રજિસ્ટ્રાર ડૉ. કે. કે. હડિયાએ આભારવિધિ કરી હતી.આ સમારોહમાં રાજ્યપાલના હસ્તે શ્રેષ્ઠ અધ્યાપક, શ્રેષ્ઠ સંશોધક અને શ્રેષ્ઠ વિસ્તરણ શિક્ષણશાસ્ત્રીના પારિતોષિક અર્પણ કરવામાં આવ્યા હતા. સાથે જ, રાજ્યપાલે વિવિધ પ્રકાશનોનું વિમોચન પણ કર્યું હતું.આ કાર્યક્રમમાં રાજ્યની અન્ય યુનિવર્સિટીઓના કુલપતિઓ, કુલસચિવો, મહાનુભાવો, કામધેનુ યુનિવર્સિટીના અધ્યાપકો તથા મોટી સંખ્યામાં વિદ્યાર્થીઓ ઉપસ્થિત રહ્યાં હતા. 

સૌ વિદ્યાર્થીઓએ ટેકનોલોજીના સહારે પોતાનું મહત્વપૂર્ણ યોગદાન આપવાનું છે

યુવાનો હવે મરીન એક્વાકલ્ચર, એન્વાયરમેન્ટલ ફિશરીઝ, પોસ્ટ હાર્વેસ્ટ વેલ્યુ એડીશન અને એક્ષ્પોર્ટ ચેઈન જેવા ક્ષેત્રોમાં ઉદ્યોગ સાહસિકતાની અપાર તકો ખુલ્લી પડી છે. દરિયા કિનારાના વિકાસને રાષ્ટ્ર વિકાસ સાથે જોડીને દરિયાઈ વિકાસને દેશના વિકાસનું મુખ્ય પરિબળ બનાવવાની દિશામાં કામ કરવા માટે મંત્રીએ સૌ વિદ્યાર્થીઓને પ્રોત્સાહિત કર્યા હતા.શેર-એ-કશ્મીર એગ્રીકલ્ચરલ સાયન્સ એન્ડ ટેક્નોલોજી યુનિવર્સિટી-જમ્મુના કુલપતિ ડૉ. બી. એન. ત્રિપાઠીએ પદવી પ્રાપ્ત કરનાર વિદ્યાર્થીઓને ઉજ્જવળ ભવિષ્યની શુભકામનાઓ પાઠવીને વેટેનરી, ડેરી અને મત્સ્યોદ્યોગ ક્ષેત્રમાં નવી ટેક્નોલોજીના માધ્યમથી નવી દિશા આપવા માટે પ્રોત્સાહિત કર્યા હતા. તેમણે કહ્યું હતું કે, આજે વિશ્વના કુલ દૂધ ઉત્પાદનમાં ૨૫ ટકાના ફાળા સાથે ભારત મોખરે છે. આગામી સમયમાં મત્સ્યોદ્યોગ જેવા વિવિધ ક્ષેત્રે પણ ભારત મોખરાનું સ્થાન હાંસલ કરે, તે દિશામાં સૌ વિદ્યાર્થીઓએ ટેકનોલોજીના સહારે પોતાનું મહત્વપૂર્ણ યોગદાન આપવાનું છે.

કામધેનુ યુનિવર્સિટીએ શિક્ષણ, સંશોધન અને વિસ્તરણ માટે વિશ્વની ૪૮ પ્રતિષ્ઠિત સંસ્થાઓ સાથે સમજૂતી કરાર કર્યા 

પશુપાલન મંત્રી રાઘવજીભાઈ પટેલે પદવી પ્રાપ્ત કરનાર વિદ્યાર્થીઓને અભિનંદન પાઠવતા કહ્યું હતું કે, પદવી પ્રાપ્ત કરનાર દરેક વિદ્યાર્થી માટે આજનો દીક્ષાંત સમારોહ રાષ્ટ્રસેવાનો નવતર પ્રારંભ છે. તમારું જ્ઞાન, સંશોધન અને પ્રતિબદ્ધતા ગ્રામ્ય જીવનના વિકાસને નવી દિશા આપશે. ભારતની રૂરલ ઈકોનોમીને વૈજ્ઞાનિક દ્રષ્ટિકોણથી વધુ મજબૂત બનાવવામાં તમારા જેવા યુવા ચેન્જમેકર્સની ભૂમિકા મહત્વપૂર્ણ રહેશે. આજથી જ તમારા ભવિષ્યનો રોડમેપ “વિકસિત ભારત@૨૦૪૭” અને “સહકાર સે સમૃદ્ધિ” જેવા દ્રષ્ટિગત સંકલ્પોને સાર્થક કરતો હોવો જોઈએ. તેમણે ઉમેર્યું હતું કે, વડાપ્રધાન  નરેન્દ્ર મોદીના વ્હાઈટ રિવોલ્યુશન 2.0 તેમજ બ્લુ રીવોલ્યુશન જેવા દૂરંદેશી વિઝનના પરિણામે આજે દૂધ ઉત્પાદન અને મત્સ્યોદ્યોગ ક્ષેત્રે ભારત વૈશ્વિક સ્તરે મોખરે પહોંચ્યો છે. ગુજરાત સહિત દેશભરમાં વૃદ્ધિ પામી રહેલા પશુપાલન અને મત્સ્યોદ્યોગ ક્ષેત્રના વિકાસને ગતિવાન બનાવવા માટે કામધેનુ યુનિવર્સિટી હરહંમેશ તત્પર રહી છે.  

પશુપાલન દ્વારા લોકોનું આરોગ્ય બચાવવું તે ખૂબ જ જવાબદારી ભર્યું કામ છે

રાજ્યપાલે તમામ વિદ્યાર્થીઓને અપીલ કરી કે, આપ જે આજે ડિગ્રીઓ મેળવી છે તો તેને ફક્ત નોકરીનું સાધન ના બનાવતા, પરંતુ તમારું આ જ્ઞાન દેશને કામ આવે. પશુપાલન દ્વારા લોકોનું આરોગ્ય બચાવવું તે ખૂબ જ જવાબદારી ભર્યું કામ છે. તમે લોકો આજે ડિગ્રીઓ મેળવી છે, તો વ્યવહારિક જીવનમાં પણ તેનો ઉપયોગ થવો જોઈએ. મારી પાસે પશુપાલનની કોઈ ડિગ્રી નથી અને પશુ વિજ્ઞાનનો અભ્યાસ કર્યો નથી, માત્ર નિરીક્ષણ કરીને મેં મારી ગાયોની જાતે જ નસલ સુધારણા કરી છે. પ્રધાનમંત્રી નરેન્દ્ર મોદીએ દેશને વર્ષ ૨૦૪૭ સુધીમાં વિકસિત ભારત બનાવવા આહવાન કર્યું છે ત્યારે, દરેક વ્યક્તિ પોતાની ફરજ ઈમાનદારીથી નિભાવે અને જે ક્ષેત્રમાં કામ કરે છે ત્યાં પૂર્ણ સમર્પણથી કામ કરી, દેશની ઉન્નતી અને ભાવિ પેઢીના નિર્માણ માટે કામ કરે તો આપણે નિશ્ચિતપણેથી સફળ થઈશું.

પ્રાકૃતિક કૃષિ અને ઓર્ગેનિક (જૈવિક) ખેતી વચ્ચે જમીન આસમાનનું અંતર છે 

રાજ્યપાલે કહ્યું કે, પૂરતી જાણકારીના અભાવે લોકો પ્રાકૃતિક ખેતીને ઓર્ગેનિક ખેતી સમજી બેસે છે. ઓર્ગેનિક ખેતીમાં ઉત્પાદન વધતું નથી, ખર્ચ ઘટતો નથી અને મહેનત પણ ઘટતી નથી, જ્યારે દેશી ગાય આધારિત પ્રાકૃતિક ખેતી વ્યવસ્થિત રીતે કરવામાં આવે તો નહીવત ખર્ચે પ્રથમ વર્ષથી જ રાસાયણિક ખેતી જેટલું ઉત્પાદન મેળવી શકાય છે. અને ત્યારબાદ દર વર્ષે ઉત્પાદન વધે છે,ગુરુકુળ કુરુક્ષેત્રમાં મારી પાસે 400 ગાય છે અને મારી ગાયો દિવસનું એવરેજ 26 લીટર દૂધ આપે છે. આટલું બધું દૂધ ઉત્પાદન નસલ સુધારણાને પરિણામે શક્ય બન્યું છે. જેના માટે સેક્સ સોર્ટેડ સીમનનો ઉપયોગ કરવામાં આવે છે. વિદેશમાં 2200 રૂપિયામાં મળતું સીમન આપણે ત્યાં સ્વદેશી રીતે ફક્ત રૂપિયા 700 માં તૈયાર થાય છે અને રાજ્ય સરકારે તેને પ્રોત્સાહન આપવા માટે ખેડૂતો અને પશુપાલકોને ફક્ત રૂપિયા 50માં ઉપલબ્ધ કરાવ્યું છે. મારા ગુરુકુલ ફાર્મમાં ગયા વર્ષે 100 ગાયોને સેક્સ સોર્ટેડ સીમન આપ્યું હતું, જેમાંથી 92 વાછડીઓ જન્મી છે. 

સ્વસ્થ આહાર મળી રહે તે માટે પ્રાકૃતિક કૃષિ મિશન શરૂ કરવામાં આવ્યું

આ અવસરે રાજ્યપાલ આચાર્ય દેવવ્રતજીએ કહ્યું કે, આપણે રહેવા માટે મકાનો બનાવીએ છીએ, કેનાલો બનાવીએ છીએ, કારખાનાઓ ઊભા કરીએ છીએ, વિશાળ હૉલ બનાવીએ છીએ, એટલે કે જીવનમાં ઉપયોગી અનેક વસ્તુઓ બનાવીએ છીએ, જેની પાછળનો મુખ્ય હેતુ સુખી રહેવાનો છે. પરંતુ આયુર્વેદ અનુસાર સુખનો આધાર ઉત્તમ સ્વાસ્થ્ય છે. આયુર્વેદમાં કહ્યું છે કે, ધર્મ, અર્થ અને કામ કરતા મોક્ષની પ્રાપ્તિ કરવા માટેનો પહેલો આધાર સ્વસ્થ શરીર છે. એટલે જ કહેવાયું છે કે, પહેલું સુખ નિરોગી કાયા. આથી પ્રધાનમંત્રી શ્રી નરેન્દ્રભાઈ મોદીના માર્ગદર્શન હેઠળ સમગ્ર દેશમાં લોકોને સ્વસ્થ આહાર મળી રહે તે માટે પ્રાકૃતિક કૃષિ મિશન શરૂ કરવામાં આવ્યું છે. 

Gandhinagar કામધેનુ યુનિવર્સિટીના દીક્ષાંત સમારોહમાં 742 વિદ્યાર્થીઓને પદવી એનાયત કરાઈ

રાજ્યપાલ અને કુલાધિપતિ  આચાર્ય દેવવ્રતજીના અધ્યક્ષસ્થાને અને પશુપાલન મંત્રી  રાઘવજી પટેલની પ્રેરક ઉપસ્થિતિમાં ટાઉનહોલ-ગાંધીનગર ખાતે કામધેનુ યુનિવર્સિટીનો ૧૧મો દીક્ષાંત સમારોહ યોજાયો હતો. જેમાં ૭૪૨ વિદ્યાર્થીઓને પશુચિકિત્સા, ડેરી અને મત્સ્યપાલન શાખાઓના વિવિધ અભ્યાસક્રમોની પદવી એનાયત કરવામાં આવી હતી. આ ઉપરાંત રાજ્યપાલશ્રીના હસ્તે તેજસ્વી વિદ્યાર્થીઓને ૧૦૫ મેડલ પણ અર્પણ કરવામાં આવ્યા હતા.

રાજકોટથી જમ્મુ કાશ્મીર ફરવા ગયેલા હજુ પણ 17 પ્રવાસીઓ નથી પરત ફર્યા

1. કુલદીપસિંહ નકુમ

2. રુચિ નકુમ

3. રાજદિપસિંહ વાઘેલા

4. વૈશાલીબા વાઘેલા

5. જગદિપ રસિકલાલ પારેખ

6. નીતાબેન જગદીશ પારેખ

7. મહેન્દ્રભાઈ એમ. મહેતા

8. મયુરીબેન એમ મહેતા

9. નીરવ રમેશભાઈ આચાર્ય

10. કિંજલબેન નીરવભાઈ આચાર્ય

11. જ્ઞાનેશ નિરવભાઈ આચાર્ય

12. તીર્થ નિરવભાઈ આચાર્ય

13. હેત મનોજભાઈ માંકડ

14. હિતેશ કતીરા

15. હિતેશભાઈના માતા

16. મૃદુલા કતીરા (પત્ની)

17. રોનક કતીરા (પુત્ર)

રાજકોટના 17 પ્રવાસીએ કાશ્મીરમાં સલામત છે

સ્થાનિક પ્રશાસ અને વહીવટી તંત્ર પણ પ્રવાસીઓને પરત લાવવા માટે મથી રહી છે અને તમામ પ્રવાસીઓ હોટલમાં સલામત છે તેમને ખાવા પીવાની તમામ વ્યવસ્થા છે,ફલાઈટના વધતા જતા ભાવ અને ફલાઈટની ફિકવન્સી ઓછી હોવાના કારણે ગુજરાત પરત ફરવામાં તકલીફ પડી રહી છે,ત્યારે બે દિવસ પહેલા પણ રાજકોટના એક દંપતીએ વીડિયો વાયરલ કર્યો હતો અને તેમાં પણ તેમણે કહ્યું હતુ કે અમને રાજકોટ પરત લાવો અમારે અહીંયા રહેવુ નથી.

Jammu-Kashmir ફરવા ગયેલા રાજકોટના 17 પ્રવાસીઓ અટવાયા, મદદ માટે લગાવી ગુહાર 

રાજકોટથી જમ્મુ કાશ્મીર ફરવા ગયેલા રાજકોટના 17 પ્રવાસીઓ જમ્મુ કાશ્મીરમાં અટવાઈ ગયા હોવાની વાત સામે આવી છે,પહલગામમાં આતંકી હુમલા બાદ પ્રવાસીઓ અટવાયા ગયા છે,પ્રવાસીઓએ કહ્યું કે અમને મદદ કરો અને રાજકોટ પરત લાવો ત્યારે રાજકોટના વહીવટી તંત્રએ પણ કાશ્મીરના વહીવટી તંત્ર સાથે વાતચીત કરી છે,તો ફ્લાઇટની અનુકૂળતા અને સગવડતાના આધારે પ્રવાસીઓ પરત ફરશે. 

દાહોદમાં બુટલેગર કારચાલકે બાઈકને દૂર સુધી ઢસડી

સમગ્ર ઘટનાની જાણ થતાની સાથે જ પોલીસનો કાફલો ઘટના સ્થળે પહોંચ્યો હતો અને બુટલેગર જે રોડ તરફ આગળ વધ્યો હતો ત્યાના સીસીટીવી પણ તપાસ માટે લીધા હતા જેમાં સામે આવ્યું કે બુટલેગરે અકસ્માત સર્જયો છે અને કારની નંબર પ્લેટના આધારે પોલીસે ગુનાનો ભેદ ઉકેલી બુટલેગરની ધરપકડ કરી છે,યુવકના મૃતદેહને પીએમ માટે ખસેડયો છે અને પીએમ થયા બાદ મૃતદેહ પરિવારને સોંપવામાં આવશે,અવાર-નવાર દારૂ ભરેલી કાર અકસ્માત સર્જતી હોય છે અને તેના કારણે સામાન્ય માણસોના જીવ જતા હોય છે,પોલીસે પરિવારના સભ્યોના નિવેદનના આધારે ફરિયાદ નોંધીને વધુ તપાસ કરી છે. 

દાહોદમાં દારૂ લઈને ભાગવાની ફિરાકમાં યુવકને કચડયો

દાહોદની અભલોડ ચોકડી પર કારચાલકે અકસ્માત સર્જતા એક યુવકનું ઘટના સ્થળે મોત થયું છે,જેમાં કાર ચાલક સ્પીડમાં કાર ચલાવતો હતો અને કારમાં દારૂની પેટીઓ ભરેલી હતી જેના કારણે આ અકસ્માત સર્જાયો હતો,પોલીસને ખબર ના પડે તે રીતે આંતરિયાળ ગામડાઓમાંથી ગાડી ચલાવી શહેર સુધી કાર ચાલક પહોંચ્યો હતો અને પોલીસ ઝડપે નહી તે બીકમાં તેણે ઝડપી ગાડી ચલાવી અને યુવક બાઈક લઈને જઈ રહ્યો હતો અને તેને ટક્કર વાગી હતી.

Dahodમાં દારૂ ભરેલી કારના ચાલકે યુવકનો લીધો જીવ, દારૂ લઈને ભાગવાની ફિરાકમાં બની ઘટના 

દાહોદમાં બેફામ બુટલેગરે યુવકનો જીવ લીધો હોવાની વાત સામે આવી છે જેમાં દારૂ લઈને ભાગવાની ફિરાકમાં કાર ચાલકે યુવકને ટક્કર મારી જેમાં યુવક નીચે પડયો અને માથાના ભાગે ઈજા પહોંચી હતી જેમા તેનું ઘટના સ્થળે મોત થયુ હતુ,ગાડીમાં ફુલ દારૂ ભરેલો હતો અને તેના કારણે બુટલેગર ફુલ સ્પીડમાં કાર ચલાવી રહ્યો હોવાથી આ ઘટના બની હોવાની વાત સામે આવી છે.

ડાયમંડ હોસ્પિટલમાં ક્લેઇમ કરનાર આરોપી, ક્લેઇમની રકમ 

01-નયન ધીરૂ દેસાઇ (નીલકંઠ લક્ઝુરીયા, પાસોદરા) ૫૦.૦૦ લાખ રૂપિયા 

02-જીગદીશ લાલજી કાછડિયા (શ્રીપુજન રેસી., યોગીચોક) ૪૯.૫૦ લાખ રૂપિયા 

03-ઘનશ્યામ ગોવિંદ પેઘડિયા (બ્રહ્મશ રેસિડેન્સ & પ્લાઝા, પાસોદરા) ૪૯.૫૦ લાખ રૂપિયા 

04-અરુણાબેન સાગર ભટ્ટ (વર્ણી હાઇટ્સ, સરથાણા જકાતનાકા) ૧ કરોડ રૂપિયા

પી.પી. સવાણીમાં ક્લેઇમ કરનાર આરોપી, ક્લેઇમની રકમ 

01-કેતન બાબુ ઢોલરીયા (સ્વામિનારાયણ ગ્રીન સિટી પાસોદરા ૪૯.૯૦ લાખ રૂપિયા 

02-જયાબેન ધીરુ ચોડવડિયા (અલંકાર બંગ્લોઝ, વાવ) ૨૯.૦૦ લાખ રૂપિયા 

03- બિપીન દેવરાજ ભંડેરી (વેનેઝીયા સિલ્વર, યોગીયોક) ૧.૧૦ કરોડ રૂપિયા 

04- કમલેશ લાલજી સુહાગીયા (શુભલક્ષ્મી સોસા., નાના વરાછા) ૧૫.૦૦ લાખ રૂપિયા 

05-સતીષ મધુ ધડુક (ધર્મિષ્ઠા પાર્ક, સીમાડા નાકા) ૫૦.૦૦ લાખ રૂપિયા 

06- પ્રતીક અરવિંદ વઘાસિયા (ક્રિસ્ટલ લક્ઝુરીયા, યોગીચોક) ૫૦.૦૦ લાખ રૂપિયા 

આ હોસ્પિટલમાં છ દર્દીઓ દ્વારા રૂપિયા ૩.૦૩ કરોડનો વીમો પકવવાની કોશિશ કરાઈ હતી

પરંતુ આ હોસ્પિટલના ક્રોસ વેરિફિકેશનમાં આખું ભોપાળું બહાર આવ્યું હતું. હોસ્પિટલના બોગસ સારવાર ટેસ્ટ, સારવાર રિપોર્ટ ઊભા કરવાની સાથે તબીબોના ખોટા સહી-સિક્કા બનાવવામાં આવ્યા હોઈ પોલીસ પણ ચોંકી હતી. પોલીસે બંને હોસ્પિટલના સંચાલકોની ફરિયાદને આધારે બે અલગ અલગ ગુના નોંધ્યા હતા.

વીમા કંપનીને શંકા અને ડોકયુમેન્ટ તપાસ્યા તો મામલો સામે આવ્યો

આ દાવાઓમાં ફોર્મમાં હોસ્પિટલના નામથી અલગ અલગ ટેસ્ટના જે રિપોટ્સ જોડવામાં આવ્યા હતા તે તેમની હોસ્પિટલમાં કઢાવવામાં જ આવ્યા ન હતા. એટલું જ નહિ તબીબોના સહી-સિક્કા સુધ્ધાં બોગસ જણાઇ આવ્યા હતા.ડાયમંડ હોસ્પિટલમાં ૨.૪૯ કરોડનું વીમા ફોડ કરવાની કોશિશની તપાસ કાપોદ્રા પોલીસ કરી રહી હતી તે દરમિયાન કાપોદ્રાની જ પી.પી. સવાણી હાર્ટ ઇન્સ્ટિટયૂટ એન્ડ મલ્ટિ-સ્પેશિયાલિટી હોસ્પિટલમાં પણ આ જ મોડસ ઓપરેન્ડીથી વીમા કંપનીઓને ચૂનો લગાવવાનું પ્રકરણ બહાર આવ્યું હતું. 

ચાર મહિના પહેલા સુરત પોલીસ કમિશનરને કરી હતી અરજી

ડાયમંડ હોસ્પિટલના મંત્રી દિનેશ નાવડિયાએ આ મામલે ફેબ્રુઆરી મહિનામાં પોલીસ કમિશનરને લેખિત ફરિયાદ કરી આ કૌભાંડની જાણ કરી હતી. નવેમ્બરથી જાન્યુઆરી મહિના દરમિયાન ડાયમંડ હોસ્પિટલમાં સારવાર લઈ ચૂકેલા ચાર દર્દીઓએ વીમા કંપનીઓમાં વળતર માટે ક્લેઈમ કર્યો હતો. ૧ કરોડ, ૫૦ લાખ અને ૪૯.૫૦ લાખના બે એમ ચાર પોલિસીધારકોએ સંબંધિત વીમા કંપનીઓમાં કરેલો દાવાઓ હોસ્પિટલમાં ક્રોસ વેરિફિકેશન માટે આવ્યા હતા. જંગી રકમના કક્લેઇ મવાળો દાવાઓને ચકાસણી કરવામાં આવતાં મામલો ગંભીર જણાઈ આવ્યો હતો. 

Suratમાં હોસ્પિટલના ખોટા રિપોર્ટથી વીમો પાસ કરાવવાનું કૌંભાડ, વીમા કંપનીએ ડોક્યુમેન્ટ તપાસ કરતા ભાંડો ફૂટ્યો

કાપોદ્રાની પી.પી. સવાણી હાર્ટ ઇન્સ્ટિટ્યૂટ અને ડાયમંડ હોસ્પિટલના ખોટા સારવાર સર્ટિફિકેટ, તબીબોના ખોટી સહી-સિક્કા ઊભા કરી વીમા કંપનીઓમાં પ.પ૨ કરોડની પોલીસ ક્લેઈમ કરવામાં આવી હોવાનું કૌભાંડ બહાર આવ્યું હતું. બંને હોસ્પિટલે વીમા કંપનીઓ મારફત કલેઈમના ક્રોસ વિરેફિકેશનમાં આખું ભોપાળું બહાર આવતાં મામલો પોલીસ મથકે પહોંચ્યો હતો. 

jammu kashmir ત્રાલમાં આતંકવાદી આસિફના ઘર પર બુલડોઝર ફરી વળ્યુ

દક્ષિણ કાશ્મીરના પહેલગામ નજીક બૈસરન મેદાનમાં થયેલા આતંકવાદી હુમલામાં 26 લોકો માર્યા ગયા હતા, જેમાં મોટાભાગના પ્રવાસીઓ હતા. 2019 ના પુલવામા હુમલા પછી, જેમાં 40 CRPF જવાનો શહીદ થયા હતા, આ ખીણમાં થયેલા સૌથી ઘાતક હુમલાઓમાંનો એક છે. પહેલગામ આતંકવાદી હુમલાના પીડિતોના શોકગ્રસ્ત પરિવારો સરકારને આ ક્રૂર કૃત્ય માટે જવાબદાર લોકો સામે નિર્ણાયક પગલાં લેવાની અપીલ કરે છે.

મોરબીના હળવદમાં જૂની અદાવતમાં આધેડની હત્યા 

આધેડના માથામાં પથ્થરના ઘા ઝીંકી કરાઇ હત્યા, અગાઉ મૃતક અને આરોપી વચ્ચે થયો હતો ઝગડો, ઝાલાભાઇ ભરવાડ સામે મૃતકના પુત્રએ નોંધાવી ફરિયાદ, હળવદ પોલીસે ફરિયાદને આધારે વધુ તપાસ હાથ ધરી.

ગામમાં નળ છે પણ પાણી નથી

મોટી સાંકળ ગામમાં સરકારની મહાત્વાકાંક્ષી નલ સે જલ યોજનાનું બલા મારાં થયું છે. ગામમાં ઠેર ઠેર નળ બેસાડી દેવામાં આવ્યા છે,પરંતુ આજદિન સુધી આ નળમાં પાણી જ આવ્યું નથી. કેટલીક જગ્યાએ સ્ટેન્ડપોસ્ટ પણ તૂટી ગયેલી હાલતમાં જોવા મળે છે. તો કેટલીક ઠેકાણે નળ પણ ગાયબ થઈ ગયા છે.હાલ તો મોટી સાંકળના ગ્રામજનો બે બેડા પાણી માટે હાઈવેની સામે બાજુ પાણી ભરવા મજબુર છે, કેટલીક વાર ખાનગી બોરમાંથી પાણી લાવવા મજબૂર છે.ત્યારે ગ્રામજનોને ક્યારે પાણી મળશે તે આવનારો સમય જ બતાવશે.

ગામના હેડપંપ પણ સુકાઈ ગયા

ગામની મહિલાઓ બે બેડા પાણી માટે બે કિલોમીટર દૂર રોડ ઓળંગીને સામે બાજુ જવા મજબુર બની છે. ગામમાં લગભગ 100 કરતા વધુ હેન્ડપંપ બોર આવેલા છે,પણ મોટાભાગના હેન્ડપંપ બોરમાં પાણી સુકાઈ ગયા છે.ગણતરીના હેન્ડપંપ બોરમાં પાણી આવે છે તે પણ મર્યાદિત. ઘણીવાર મહિલાઓ બોર પર પાણી ભરવા ગઈ હોય ત્યારે બોરમાં પાણી ખૂટી જાય ત્યારે ફરીથી પાણી સમગ્ર થાય ત્યારબાદ પાણી ભરવા જાય છે તો કેટલીક વખત લાઈટનો અભાવ હોય એટલે પાણી ભરી નથી શકતી.લાઈટ આવે ત્યારે પાણી ભરવા જવું પડે છે.રોડની સામે બાજુએ પાણી લેવા જતી વખતે મહિલાઓને હાઇવે પરથી પસાર થતા વાહનોનો પણ ડર લાગે છે.અને આવા  ડર સાથે પોતાના અનેનપ્રીવર્જનો તેમજ ઘરના ઢોર ઢાખર માટે પાણી ભરવા જવા મજબૂર બની છે.

મોટી સાંકળના સ્થાનિકોને નથી મળતું પીવાનું પાણી

ઉનાળાની ગરમી પડી રહી છે, એક તરફ આકાશમાંથી અગનગોળા વરસી રહ્યા છે અને બીજી બાજુ કવાંટ તાલુકાના મોટી સાંકળ ગામના લોકો પાણી માટે રઝળપાટ કરી રહ્યા છે, ગામમાં પીવાના પાણીની ભારે મુશ્કેલી ઊભી થઈ છે, જેની પાછળ વહીવટીતંત્રની બેદરકારી હોય તેવું લાગી રહ્યું છે.મોટી સાંકળ ગામમાં કવાંટથી માંડ પાંચ સાત કિલોમીટર દૂર આવેલું ગામ છે, કવાંટ તાલુકાના રામી ડેમ નજીક આવેલું ગામ છે છતાં પાણી માટે હવાતિયાં મારી રહ્યું છે.

Chhota Udepurના કવાંટ તાલુકાના મોટી સાંકળ ખાતે સ્થાનિકોને નથી મળી રહ્યું પીવાનું પાણી !

ઉનાળાની કાળઝાળ ગરમી ચાલી રહી છે, ત્યારે છોટા ઉદેપુર જીલ્લામાં પાણીનો પોકાર ઉઠી રહ્યો છે,જેમાં કવાંટ તાલુકાના મોટી સાંકળ ખાતે વહીવટીતંત્રની બેદરકારીના કારણે લોકોને પીવાના પાણી માટે વલખા મારવાનો વારો આવ્યો છે.

સહકારી વાહનોની ખરીદી માટેની મર્યાદા નક્કી કરવામાં આવી છે

મંત્રીએ કહ્યું હતું કે, આ ઉપરાંત સહકારી મંડળીઓના સભાસદ માટે અગાઉ પણ રાજ્ય સરકારે ડિવિડન્ડની મર્યાદા ૧૫% થી વધારીને ૨૦% સુધી કરી છે જેનો લાભ કરોડો સભાસદોને થયો છે ત્યારે સભાસદ ભેટ મર્યાદામાં પણ વધારો થવાથી કરોડો સભાસદો આનાથી લાભાન્વિત થવાના છે. સહકારી મંડળીઓમાં વાહનોની જરૂરિયાત રહે છે પરંતુ હોદ્દેદારો દ્વારા મંડળીઓમાં જરૂરી ન હોવા છતાં પણ મોંઘા વાહનોની ખરીદી કરવામાં આવતી હતી જે મંડળીના ફંડનો વ્યવસ્થિત વપરાશ નક્કી કરતો ન હતો જેથી રાજ્ય સહકારી કાઉન્સિલમાં સર્વાનુમતે લેવાયેલા નિર્ણય અનુસાર વાહનોની ખરીદી માટેની મર્યાદા નક્કી કરવામાં આવી છે.

રાજ્યમાં ૮૯,૦૦૦થી વધુ સહકારી મંડળીઓ આવેલી છે

જેમાં જિલ્લા દૂધ સંઘોથી લઈને જિલ્લા બેંકો જેવી મોટી મોટી સંસ્થાઓનો પણ સમાવેશ થાય છે. આની સાથે કરોડો સભાસદો  જોડાયેલા છે, ત્યારે સહકાર વિભાગ દ્વારા સહકારી મંડળીઓના વિકાસની સાથે સાથે વહીવટમાં પારદર્શિતા લાવવા માટે મહત્વના નિર્ણયો કરવામાં આવી રહ્યાં છે. સરકાર દ્વારા એકબાજુ ભેટની મર્યાદામાં વધારો કર્યો તો બીજી બાજુ સહકારી મંડળીઓમાં થતી મોંઘા વાહનોની ખરીદી પણ રોક લગાવવામાં આવી છે. મંડળીઓને અલગ અલગ કેટેગરીમાં વિભાજિત કરીને, નિશ્ચિત મોડેલ વાળા વાહનોથી મોંઘા વાહનો ન ખરીદવા જણાવાયું છે તેમ તેમણે ઉમેર્યું હતું.

ગુજરાતની ૮૯,૦૦૦થી વધુ સહકારી મંડળીઓના સભાસદોને લાભ મળશે 

સહકાર મંત્રી જગદીશ વિશ્વકર્માએ જણાવ્યું હતું કે,  કેન્દ્રમાં વડાપ્રધાન નરેન્દ્ર મોદીના માર્ગદર્શનમાં તેમજ સહકાર મંત્રી અમિતભાઇ શાહના નેતૃત્વમાં પ્રથમવાર  સહકાર મંત્રાલયની રચના કરવામાં આવી છે ત્યારે સહકારી ક્ષેત્રમાં અગ્રેસર એવા ગુજરાતમાં પણ સહકારી મંડળીઓ સંબંધીત વહીવટમાં સુધારાઓ માટે સતત નિર્ણયો સહકાર વિભાગ લઈ રહ્યો છે. જેના ભાગરૂપે સહકારી મંડળીઓમાં થતી બિનજરૂરી મોંઘા વાહનોની ખરીદીની મર્યાદા નક્કી કરીને રાજ્ય સરકારે વધુ એક વખત સભાસદોના લાભ માટે સહકારી મંડળીઓનો વહીવટ વધુ પારદર્શક કરવા પ્રતિબદ્ધતા દર્શાવી છે.

ભેટ મર્યાદામાં વધારો થતા સભાસદોને પ્રોત્સાહન મળશે

મંત્રી વિશ્વકર્માએ કહ્યું હતું કે, પ્રાથમિક પ્રકારની સહકારી મંડળીઓ કે જેઓ દર વર્ષે રૂ. ૭૫૦ની મર્યાદામાં સભાસદોને ભેટ આપી શકતા હતા તે હવે રૂ.૧૨૫૦ સુધીની મર્યાદામાં સભાસદોને ભેટ આપી શકશે.તાલુકા કક્ષાની મંડળીઓ રૂા. ૧૦૦૦ને બદલે રૂ.૨૫૦૦, જિલ્લા કક્ષાની મંડળીઓ રૂા. ૩૦૦૦ના બદલે રૂા.૫૦૦૦ અને રાજ્યકક્ષાની મંડળીઓ રૂા. ૬૦૦૦ના બદલે રૂા. ૧૦,૦૦૦ની મર્યાદામાં સભાસદોને ભેટ આપી શકશે. આમ સભાસદોને વધુ સારી ભેટ મળતા તેઓ મંડળી સાથે જોડાવા પ્રોત્સાહિત થશે જેથી સહકારી મંડળીઓનો વધુ સારો વિકાસ થશે. રાજ્ય સરકારે મંડળીઓને આપવામાં આવતી ભેટની ખરીદી પણ ઈટેન્ડરિંગ પદ્ધતિથી ખરીદવા જણાવ્યું છે, આનાથી આવી ભેટની ખરીદી સમયે થતી અનિયમિતતા પણ અટકશે.

Gujarat સરકારે સહકારી સંસ્થાઓના ચેરમેન-હોદેદારોના મોંઘા વાહનની ખરીદી પર રોક લગાવી 

મુખ્યમંત્રી ભૂપેન્દ્ર પટેલના માર્ગદર્શનમાં રાજ્ય સરકાર દ્વારા સહકારી મંડળીઓના કરોડો સભાસદોના હિતમાં અનેકવિધ નિર્ણયો કરવામાં આવી રહ્યાં છે. રાજ્ય સરકાર દ્વારા સહકારી મંડળીઓના સભાસદો મંડળીઓ સાથે જોડાઈ રહે તે માટે સભાસદ ભેટ મર્યાદામાં ૬૬% થી લઈને ૧૫૦ % જેટલો વધારો કરવામાં આવ્યો છે તેમ સહકાર મંત્રી જગદીશ વિશ્વકર્માએ જણાવ્યું હતું. 

ડુમસ સી ફેઝ પ્રોજેક્ટને વધુ આકર્ષક બનાવવા આર્મી કલ્ચર ઊભું કરાશે 

નૌકાદળે પાલિકાને 2 હજાર કિલોના મહાકાય યુદ્ધજહાજનું મૉડલ ફ્રીમાં આપવા તૈયારી દર્શાવી છે, જેને ‘વોરશીપ સુરત’નું નામ આપી સ્થાપિત કરાશે. આ મોડલને મૂકવા 30 લાખના ખર્ચે 5 ટનની ક્ષમતાનું પ્લેટફોર્મ બનાવવાની પણ સૈદ્ધાંતિક મંજૂરી મંગાઈ છે. લોકો યુદ્ધજહાજને નિહાળી શકે તે રીતે ગ્લાસ કમ્પાર્ટમેન્ટમાં મુકી આસપાસમાં નેવી થીમ પર ડેકોરેશન કરાશે.

સુરત શહેર પોલીસની કોન્સ્ટેબલ છે પાયલ બામણીયા 

પાયલ બામણીયા સુરત શહેર પોલીસમાં ફરજ બજાવી રહ્યાં છે,જયારે તરૂણ સભાન અવસ્થામાં આવ્યો ત્યારે તેનુ નામ અને પરિવારનો નંબર પૂછયો હતો અને પરિવારને જાણ કરી હતી તો તરૂણને સારવાર હેઠળ સિવિલ હોસ્પિટલમાં ખસેડયો છે અને તેની તબિયત સારી છે,આ સમગ્ર ઘટનાની જાણ સુરત શહેર પોલીસ કમિશનરને થતા તેમણે મહિલા કોન્સ્ટેબલની કામગીરી બિરદાવી હતી અને તરૂણના પરિવારને રૂબરૂ મળવા માટે બોલાવ્યા હતા.

સુરતમાં ડુમસના દરિયાકિનારેથી મળ્યો હતો તરુણ

ડુમસના દરિયા કિનારે તરૂણ બેભાન હાલતમાં મળી આવ્યો હતો તે દરમિયાન ફરજ પરના મહિલા પોલીસ કોન્સ્ટેબલને આ વાતની જાણ થતા તેઓ દોડી જાય છે અને તરૂણનો જીવ બચાવી લે છે,કોન્સ્ટેબલ પાયલ બામણીયાને ખબર પડી ગઈ કે તરૂણના મોઢામાં પાણી ગયુ છે અને તે તેનો જીવ બચાવવા માટે મથી રહ્યો છે ત્યારે પોલીસકર્મીએ તેને છાતીના ભાગે પંપિગ કર્યુ હતુ અને તેનો જીવ બચાવી લીધો હતો,તરૂણ જયારે બેભાન હાલતમાં મળ્યો ત્યારે તેના મોઢાના ભાગેથી ફીણ નીકળી રહ્યું હતુ.

Suratમાં મહિલા પોલીસકર્મીએ દરિયા ડૂબતા તરૂણને આપ્યું નવજીવન, છાતી દબાવી મોઢેથી પાણી કાઢ્યું

સુરતના ડુમસના દરિયા કિનારે નહાવા ગયેલો તરૂણ અચાનક દરિયામાં ડૂબવા લાગ્યો હતો તો ત્યાં ફરજ પર હાજર રહેલા મહિલા કોન્સ્ટેબલે તેને બચાવ્યો હતો અને મોઢામાં જે પાણી ભરાયું હતુ તે બહાર કાઢયું હતુ,તો મહિલા પોલીસે તરૂણના છાતીના ભાગે પંપિગ કરીને શરીરમાં રહેલું પાણી બહાર કાઢયું હતુ અને માનવતાનું મોટુ કામ કરતા તરૂણના પરિવારની આંખમાં આસું આવ્યા હતા.

ભાવનગરમાં કાર્નિવલ મહોત્સવની ઉજવણી મુલતવી રાખવામાં આવી

ભાવનગરના ધારાસભ્ય જીતુ વાઘાણી દ્વારા પ્રેરિત ભાવનગરના જન્મ દિવસની ઉજવણી એટલે કે કાર્નિવલ મહોત્સવની ભવ્ય ઉજવણી બોરતળાવ ખાતે તા.29 અને 30 એપ્રિલના રોજ યોજાવાની હતી. પરંતુ જમ્મુ કાશ્મીરમાં થયેલા આતંકી હુમલામાં નિર્દોષ લોકોના મોત થયા અને લોકો ઈજાગ્રસ્ત થયા છે. આ ઘટનાને લઈને ધારાસભ્ય જીતુ વાઘાણીએ જણાવ્યું હતું કે ભાવેણાનો જન્મોત્સવ એટલે કાર્નિવલ મહોત્સવની ઉજવણી મુલતવી રાખવામાં આવી છે.મૃતકોના આત્માને ભગવાન શાંતિ અર્પે તેવી પ્રાર્થના કરવામાં આવી છે અને સમગ્ર દેશ તેમની સાથે છે.

ભાવનગરના પિતા- પુત્રની અંતિમવિધિ કરાઈ

પહલગામમાં આતંકી હુમલામાં ભાવનગરના પિતા-પુત્રનું મોત થયું હતુ,જેમાં મોડી રાત્રે મૃતદેહને ભાવનગર ખાતે લવાયો હતો,ભાવનગરમાં પુત્ર સ્મિત અને પિતા યતીશની અંતિમયાત્રામાં હજારો લોકો જોડાયા હતા.તો સ્મિતના મિત્રોનું કહેવું છે કે,વિશ્વાસ નથી થતો કે સ્મિત અમારી સાથે નથી,તો સ્મિતને આર્મી જવાન બનવાનું સ્વપ્ન હતું અને તે સ્વપ્ન અધુરૂ રહી ગયું છે,સ્મિતની અકાળે વિદાય શાળા માટે મોટી ખોટ સર્જાઈ છે.

આતંકવાદી હુમલાને નજરે જોનાર વ્યક્તિનું નિવેદન

આ સમગ્ર ઘટનામાં આંતકવાદી હુમાલાને નજરે જોનાર દંપતીને વર્ણવી પરિસ્થિતિ અને કહ્યું કે,યતીશ અને સ્મિત ઉપર અમારી નજર સામે ફાયરિંગ થયુ હતુ,યતીશ અને સ્મિત સાથે 7 લોકો ગયો હતા,22 એપ્રિલે સ્થળ ઉપર આનંદ કરી રહ્યા હતા ત્યારે ફાયરિંગ થયું હતુ જેમાં આતંકીઓએ બ્લેક જેકેટ અને કુર્તા પહેરીને હાથમાં ગન લઈ આવ્યા હતા,પહેલા 3 આતંકીઓ આવ્યા હતા અને હવામાં ફાયરિંગ કર્યુ હતુ,તો અમે પહાડોમાં કાદવની વચ્ચે લસરતા જીવ બચાવીને ભાગ્યા હતા.

Jammu-Kashmirમાં આતંકવાદી હુમલાને નજરે જોનારે કહ્યું, આંતકીઓએ પહેલા હવામાં ફાયરિંગ કર્યુ

23 એપ્રિલના રોજ જમ્મુ-કાશ્મીરના પહેલગામમાં થયેલા આતંકી હુમલામાં 3 ગુજરાતી સહિત 26 લોકોના મોત નીપજ્યા હતા. ત્રણેય ગુજરાતીઓના મૃતદેહને વિમાન માર્ગે ગુજરાત લવાયા છે. જેમાં સુરતમાં મૃતક શૈલેષભાઈ કળથીયાની અંતિમ વિધી કરાઈ છે સાથે સાથે ભાવનગરમાં રહેતા પિતા-પુત્રની પણ અંતિમવિધી કરવામાં આવી છે,ત્યારે આ અંતિમવિધીમાં રાજકીય આગેવાનો પણ હાજર રહ્યાં હતા.

જાણો કઈ સ્પેશિયલ ટ્રેન દોડશે

01-ટ્રેન નંબર 09013 બાંદ્રા ટર્મિનસ - ભાવનગર ટર્મિનસ સુપરફાસ્ટ સ્પેશિયલ મંગળવાર, 29 એપ્રિલ, 2025ના રોજ 07:25 કલાકે બાંદ્રા ટર્મિનસથી ઉપડશે અને બીજા દિવસે સવારે 09:00 કલાકે ભાવનગર ટર્મિનસ પહોંચશે. 

02-તેવી જ રીતે, ટ્રેન નંબર 09014 ભાવનગર ટર્મિનસ - બાંદ્રા ટર્મિનસ સુપરફાસ્ટ સ્પેશિયલ બુધવાર, 30 એપ્રિલ, 2025 ના રોજ ભાવનગર ટર્મિનસથી 5:45 કલાકે ઉપડશે અને બીજા દિવસે સવારે 07:25 કલાકે બાંદ્રા ટર્મિનસ પહોંચશે.

03-આ ટ્રેન બોરીવલી, પાલઘર, વાપી, વલસાઢ, નવસારી, સુરત, વડોદરા, આણંદ, અમદાવાદ, સુરેન્દ્રનગર ગેટ, બોટાદ, ધોળા, સોનગઢ અને સિહોર (ગુજરાત) સ્ટેશનો પર બંને દિશામાં ઉભી રહેશે.આ ટ્રેનમાં થર્ડ એસી અને એસી ચેયરકાર કોચ હશે.ટ્રેનોના સમય, સ્ટોપેજ અને કમ્પોઝિશન સંબંધિત વિગતવાર માહિતી માટે, મુસાફરો કૃપા કરીને વેબસાઇટ www.enquiry.indianrail.gov.in ની મુલાકાત લઈ શકે છે.

Railway : 30 એપ્રિલે ભાવનગર ટર્મિનસથી બાંદ્રા ટર્મિનસ સુધી "સ્પેશિયલ ટ્રેન" દોડશે

યાત્રિકોની સુવિધા માટે અને વધારાના ધસારાને સમાયોજિત કરવા માટે, “અક્ષય તૃતિયા” ના શુભ અવસરે પશ્ચિમ રેલવે બાંદ્રા ટર્મિનસ અને ભાવનગર ટર્મિનસ સ્ટેશનો વચ્ચે "સ્પેશિયલ ટ્રેન" ચલાવશે.  

હીટવેવ સાથે ગુજરાતમાં આજે યલો એલર્ટની આગાહી

હવામાન વિભાગની આગાહી મુજબ આગામી 24 કલાક દરમિયાન રાજ્યમાં મહત્તમ તાપમાનમાં કોઈ મોટો ફેરફાર થશે નહીં. જોકે ત્યારબાદ તાપમાનમાં 2-3 ડિગ્રી સેલ્સિયસનો ઘટાડો થવાની શક્યતા છે. IMD અનુસાર, આજે 25 એપ્રિલે ગુજરાત અને સૌરાષ્ટ્ર-કચ્છના કેટલાક ભાગોમાં તાપમાન 41-45 ડિગ્રી સેલ્સિયસની વચ્ચે રહેવાની શક્યતા છે.  

રાજ્યમાં ધૂળની ડમરી ઉડે એવો પવન ફૂંકાવાની આગાહી

હવામાન વિભાગની આગાહી પ્રમાણે વાત કરવામાં આવે તો આજે અને આવતીકાલે કચ્છ - સૌરાષ્ટ્રમાં ભારે પવન ફૂંકાશે,મધ્ય અને ઉ.ગુજરાતમાં ધૂળની ડમરી ઉડે તેવો પવન ફૂંકાશે,ગાંધીનગર, અમદાવાદમાં ધૂળની ડમરી સાથે પવન ફૂંકાશે,કચ્છ, બનાસકાંઠા, પાટણમાં ધૂળની ડમરી સાથે પવન ફૂંકાશે,મોરબી, સુરેન્દ્રનગરમાં ધૂળની ડમરી સાથે પવન ફૂંકાશે,જામનગર, દ્વારકા, પોરબંદરમાં ધૂળની ડમરી સાથે પવન ફૂંકાશે,જૂનાગઢ, ગીર સોમનાથમાં ધૂળની ડમરી સાથે પવન ફૂંકાશે.

જાણો ગુજરાતમાં કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો અમદાવાદમાં 42.1 ડિગ્રી, ગાંધીનગરમાં 41.6 ડિગ્રી,ડીસામાં 40.8, વલ્લભ વિદ્યાનગરમાં 39.9 ડિગ્રી,વડોદરામાં 40.4 ડિગ્રી, સુરતમાં 35.6 ડિગ્રી,સુરેન્દ્રનગરમાં 42.1 ડિગ્રી, કંડલામાં 40.6 ડિગ્રી,અમરેલીમાં 41.9 ડિગ્રી, ભાવનગરમાં 39 ડિગ્રી,પોરબંદરમાં 35 ડિગ્રી, રાજકોટમાં 42.2 ડિગ્રી,કેશોદમાં 38.8 ડિગ્રી, મહુવામાં 37.8 ડિગ્રી તાપમાન નોંધાયું છે.

Weather : રાજયમાં વધ્યો ગરમીનો પારો, 9 જિલ્લાઓમાં તાપમાન 40 ડિગ્રીને પાર પહોંચ્યું

રાજ્યમાં અંગ દઝાડતી ગરમીનો પ્રકોપ યથાવત રહ્યો છે,તો બીજી તરફ 9 જિલ્લાઓમાં તાપમાન 40 ડિગ્રીને પાર પહોંચી ગયું છે,ભુજમાં સૌથી વધુ 42.7 ડિગ્રી તાપમાન નોંધાયું છે.રાત્રે પણ ગરમ પવન ફૂંકાતા ગરમીનો કરવો પડશે સામનો તો આજથી બે દિવસ ગરમ અને ભેજવાળા પવન ફૂંકાવવાની શક્યતા રહેલી છે તેવી આગાહી હવામાન વિભાગ દ્વારા કરવામાં આવી છે.

પહલગામ આતંકી હુમલાને લઈ લોકોમાં રોષ

અમદાવાદના વસ્ત્રાપુરમાં ABVPને નોંધાવ્યો વિરોધ, પાકિસ્તાન મુર્દાબાદના નારા સાથે કર્યો વિરોધ, મોટી સંખ્યામાં ABVPના કાર્યકરોએ વિરોધ નોંધાવ્યો, પાકિસ્તાન વિરુદ્ધ સૂત્રોચ્ચાર સાથે નોંધાવ્યો વિરોધ.

સેના પ્રમુખ ઉપેન્દ્ર ત્રિવેદી જમ્મુ કશ્મીરના પ્રવાસે

સુરક્ષા સ્થિતિની સમીક્ષા માટે શ્રીનગરમાં બેઠક કરશે, સેના કમાન્ડર્સ સાથે સેના પ્રમુખ બેઠક કરશે, જનરલ ઉપેન્દ્ર ત્રિવેદી પહલગામની મુલાકાતે જઇ શકે છે, પહલગામમાં હુમલા બાદ સર્ચ ઓપરેશન ચાલી રહ્યું છે, હજુ સુધી આતંકીઓ અંગે કોઇ કડી મળી શકી નથી, જંગલો, રહેણાંક વિસ્તારમાં ચાલી રહ્યું છે સર્ચ ઓપરેશન, સંદિગ્ધ વિસ્તારો ઘેરાબંધી કરી સર્ચ ઓપરેશન.

રાહુલ ગાંધી આજે જમ્મુ-કાશ્મીરની મુલાકાત લેશે

પહલગામ આતંકવાદી હુમલાના પીડિતોને મળશે, અમેરિકાનો પ્રવાસ ટૂંકાવીને રાહુલ ગાંધી પરત ફર્યા હતા, ગઈકાલે દિલ્હીમાં સર્વપક્ષીય બેઠકમાં સરકારને સમર્થન.

સિંધુ નદી જળ સંધિ મુદ્દે ભારત સરકારની આજે મળશે મહત્વની બેઠક 

ગૃહમંત્રી અમિત શાહની અધ્યક્ષતામાં મળશે બેઠક, બેઠક કેન્દ્રીય જળશક્તિ મંત્રી પાટીલ હાજર રહેશે, સિનિયર કેબિનેટ મંત્રીઓ બેઠકમાં રહેશે હાજર, ભારતે સિંધુ નદી સંધિ પર લગાવ્યો છે પ્રતિબંધ, ભારતે સિંધુ નદી સંધિને લઇ પાકિસ્તાનને પત્ર લખ્યો, સંધિની મૂળ વાતોમાં બદલાવથી ફરીથી વિચારનો ઉલ્લેખ, પાકિસ્તાન દ્વારા આતંકવાદ ફેલાવવાનો પણ ઉલ્લેખ.