ભારતે સિક્યોરિટી ક્લિયરન્સ રદ કરતાં તુર્કિયેની કંપની કોર્ટમાં પહોંચી

થાનગઢના નળખાંભા ગામે પ્રાંત અધિકારીના દરોડા

થાનગઢના નળખાંભા ગામે પ્રાંત અધિકારએ દરોડા પાડીને 15 ટન કાર્બોસેલનો જથ્થો ઝડપી પાડ્યો છે. આઠ લાખ રૂપિયાનો મુદ્દામાલ જપ્ત કરાયો છે. 

રશિયા યુક્રેન વચ્ચેની શાંતિ મંત્રણાનું પરિણામ ના આવ્યું

રશિયા અને યુક્રેન વચ્ચે લાંબા સમયથી ચાલતા યુદ્ધ અને એકબીજા પર હુમલાના કારણે બંને દેશો અનેક સમસ્યાનો સામનો કરી રહ્યા છે. રશિયા અને યુક્રેન બંને દેશો હવે શાંતિ ઇચ્છે છે તેવી અટકળો વહેતી થઈ છે. અને એટલે જ યુક્રેન સાથે યુદ્ધ વિરામની સંભાવનાને લઈને રશિયન પ્રતિનિધિ મંડળ તુર્કીના ઇસ્તંબુલ શહેરમાં વાટાઘાટો કરવા પહોંચ્યું હતું. રશિયા અને યુક્રેને ત્રણ વર્ષમાં પહેલી વાર તુર્કીમાં સામ-સામે વાતચીત કરી હતી, પરંતુ આ બેઠક કોઈ પરિણામ વિના સમાપ્ત થઈ ગઈ હતી. યુક્રેને આ નિષ્ફળતા માટે સંપૂર્ણપણે રશિયાને દોષી ઠેરવ્યું હતું. 

ભારતે સિક્યોરિટી ક્લિયરન્સ રદ કરતાં તુર્કિયેની એવિએશન કંપનીએ કોર્ટનો દરવાજો ખખડાવ્યો

ભારત અને પાકિસ્તાન વચ્ચે સર્જાયેલી યુદ્ધની સ્થિતિમાં તુર્કિયે દ્વારા પાકિસ્તાનને સમર્થન આપતાં ભારતે તુર્કિયેની એવિએશન કંપની સેલેબી એવિએશનનું સિક્યોરિટી ક્લિયરન્સ રદ કર્યું હતું. ભારતના આ નિર્ણયને તુર્કિયેની આ કંપની દ્વારા દિલ્હી હાઈકોર્ટમાં પડકારવામાં આવ્યો છએ. કંપનીનું કહેવું છે કે આ નિર્ણય કોઈપણ કારણ વગર લેવામાં આવ્યો હતો,જેમાં "અસ્પષ્ટ" રાષ્ટ્રીય સુરક્ષા કારણોનો ઉલ્લેખ કરવામાં આવ્યો હતો.આ માટે કોઈ પૂર્વ ચેતવણી આપવામાં આવી ન હતી.આ નિર્ણયથી 3,791 નોકરીઓ પર અસર જ નહીં થાય પણ  વિદેશી રોકાણકારોનો વિશ્વાસ પણ ડગમગશે.

બનાસ ડેરીના ચેરમેન શંકર ચૌધરીની મહત્વપૂર્ણ જાહેરાત

બનાસડેરી ગાંધીનગરમાં IAS અને IPS જેવી પરીક્ષાની તૈયારી માટે શૈક્ષણિક સંસ્થા શરૂ કરશે.પશુપાલકોના બાળકો માટે શૈક્ષણિક સંસ્થા બનાવાશે.બનાસ ડેરીના ચેરમેન શંકર ચૌધરીએ આ જાહેરાત કરી છે. 

વડોદરામાં દીપેન પટેલ હત્યા કેસના આરોપીને જેલમાં ધકેલાયો

વડોદરા દિપેન પટેલ હત્યા કેસમાં આરોપી હાર્દિક પટેલને ત્રણ દિવસના રિમાન્ડ પૂર્ણ થતાં કોર્ટમાં રજૂ કરાયો હતો. કોર્ટે પોલીસના ફર્ધર રિમાન્ડની માગણી નામંજૂર કરતા આરોપીને જ્યુડિશિયલ કસ્ટડીમાં મોકલાયો હતો. 

જામનગર પાસેના બેડ ટોલનાકા પર બબાલ

જામનગર પાસે બેડ ટોલનાકા પર ટોલ સંચાલક દ્વારા બે વ્યક્તિઓ પર હુમલો કરવાની ઘટના સામે આવી છે. ટોલ સંચાલકે ટ્રક ચાલક અને અન્ય વ્યક્તિ પર હુમલો કર્યો છે. ટોલ ભરવા બાબતે બબાલ થઈ હોવાનો વીડિયો વાયરલ થયો છે. 

GPSSB દ્વારા ભરતી જાહેર કરાઈ

વર્ક આસિસ્ટન્ટ અને ટ્રેઝર વર્ગ 3ની ભરતી જાહેર કરવામાં આવી છે. વર્ક આસિસ્ટન્ટ 984 અને ટ્રેઝર 245 જગ્યાઓ પર ભરતી થશે. 17મે થી 10 જૂન વચ્ચે ઉમેદવારી ફોર્મ ભરાશે

સાવરકુંડલામાં વ્યાજખોરોના ત્રાસથી વેપારીનો આપઘાત

સાવરકુંડલામાં બેફામ બનેલા વ્યાજખોરોના ત્રાસથી વેપારીએ આપઘાત કરી લીધો હોવાનો બનાવ સામે આવ્યો છે. શ્યામ શ્રદ્ધા સ્વીટ નામે દુકાન ધરાવી વેપાર કરનાર વેપારી અશોક ચૌહાણે ગળે ફાંસો ખાઈને આપઘાત કર્યો છે. મૃતકના ખિસ્સામાંથી પોલીસને એક ચીઠ્ઠી મળી આવી છે.આ કેસમાં શહેર ભાજપ પ્રમુખ ભાવેશ વિકમા સહિત 8 સામે ફરિયાદ નોંધાઈ છે. જેમાં ભાવેશ વિકમા સહિત ત્રણ આરોપીઓની ધરપકડ કરાઈ છે.

તમાકુ, વાસણના વેપારીઓ પર SGSTના દરોડા

ગુજરાતમાં SGST વિભાગ એક્શનમાં આવ્યો છે. તમાકુ અને વાસણના 13 વેપારીઓ પર 83 સ્થળો પર દરોડા પાડ્યાં છે. આ દરોડામાં બિલ વિનાના વેચાણના દસ્તાવેજો મળ્યા મળ્યા છે. મોટા પ્રમાણમાં કરચોરી સામે આવે તેવી શક્યતા

અમદાવાદના ચંડોળામાં ફરી શરૂ થશે ડિમોલિશન

અમદાવાદના ચંડોળામાં આગામી 20મી મેથી દબાણો તોડવાની કાર્યવાહી ફરીવાર શરૂ થશે. પોલીસ અને મહાનગર પાલિકાએ તૈયારીઓ શરૂ કરી છે. ઝૂંપડાવાસીઓને EWS હેઠળ મકાન આપવાનું આયોજન કરાયુ છે. અહીં મૂળ ભારતીય નાગરિકોને જ મકાન મળશે. ચંડોળામાં પ્રથમ તબક્કામાં 1.5 લાખ ચો.મી. જગ્યા ખુલ્લી કરાઇ છે. હજુ પણ 2.5 લાખ ચો.મી.જગ્યા પર દબાણ છે.

પાકિસ્તાની ટીવી ચેનલનું કન્ટેન્ટ ચલાવતો આરોપી ઝડપાયો

એપ્લિકેશન દ્વારા ટીવી સ્ટ્રિમિંગ કરતા આરોપીની ધરપકડ કરવામાં આવી છે. જીયો હોટ સ્ટારની ફરિયાદ બાદ સાયબર ક્રાઈમે કાર્યવાહી કરી છે. IP ટીવી એપ્લિકેશન બનાવનાર આરોપીની ધરપકડ કરવામાં આવી છે. મોહમ્મદ મુર્તઝા અલીની પંજાબના જલંધરથી ધરપકડ કરાઈ છે. આરોપી પાકિસ્તાની ચેનલોનું કન્ટેન્ટ દર્શાવતો હતો. 50 લાખ લોકોએ એપ્લિકેશન ડાઉનલોડ કરી હતી. 

વિજય શાહ સામે 48 કલાક બાદ પણ કોઈ કાર્યવાહી નહીં: કોંગ્રેસ

મધ્યપ્રદેશના મંત્રી કુંવર વિજય શાહના કર્નલ સોફિયા કુરેશી પરના નિવેદન પર,મહારાષ્ટ્ર કોંગ્રેસના પ્રમુખ હર્ષવર્ધન સપકલ કહે છે કે,વિજય શાહે પોતાનું નિવેદન આપ્યાને 48 કલાકથી વધુ સમય થઈ ગયો છે.આ રાજદ્રોહનો મામલો છે.પરંતુ ભાજપ અને મધ્યપ્રદેશ સરકારે તેમની સામે કોઈ કાર્યવાહી કરી નથી.અમારા માટે સશસ્ત્ર દળો ખૂબ જ આદરણીય છે.

નેશનલ ફોરેન્સિક સાયન્સ યુનિ.માં પ્રવેશ પ્રક્રિયા 

નેશનલ ફોરેન્સિક સાયન્સ યુનિવર્સિટીમાં પ્રવેશ પ્રક્રિયા અંતર્ગત 54905 વિદ્યાર્થીઓએ નોંધણી કરાવી છે. NFSUમાં 1,268 વિદેશી વિદ્યાર્થીઓની પણ નોંધણી થઈ છે.આગામી 7 અને 8 જૂને પ્રવેશ પ્રક્રિયા યોજાશે. ચાલુ વર્ષે ભારતમાં 5 નવા કેમ્પસની સ્થાપના થશે.

વાંચો 06 વાગ્યા સુધીના મહત્વના સમાચાર

1. Salman Khan Blackbuck Poaching Case: હાઈકોર્ટમાં 26 જુલાઈએ તમામ સ્ટાર્સની સુનાવણી

2. Surat: ડિજિટલ એરેસ્ટ કરતી ગેંગનો સુત્રધાર ઝડપાયો, પાર્થ ગોપાણી લખનઉ એરપોર્ટથી ઝડપાયો

3. MPના ડેપ્યુટી CMની વિવાદીત નિવેદન પર સ્પષ્ટતા, 'મેં સેનાના સન્માનમાં વાત કરી'

4. Ahmedabad: 'હું શેરીનો દાદો છું'- રિક્ષાચાલકે પૈસા માંગતા પેસેન્જરે છરીના ઘા ઝીંક્યા

5. Kedarnathમાં ભારે વરસાદની આગાહી, યાત્રા પર જતા પહેલા આ સમાચાર વાંચી લેજો

6. Dark Side Of Turkey: ગેરકાયદેસર વેપારનું કેન્દ્ર છે પાકિસ્તાનનો મિત્ર દેશ તુર્કીયે

7. Petlad: ઈશિતા હોસ્પિટલમાં આરોગ્ય વિભાગના દરોડા, ગર્ભપાત અને ગર્ભ પરીક્ષણ કરાતું હતું

8. India: ભારત પાકિસ્તાનને આપવા જઈ રહ્યું છે બીજા બે મોટા ઝટકા, જાણો

9. Gujarat Trader Robbed: 20 લાખ ભરેલી બેગ લઇને બસમાં બેઠો પછી....મચી લૂંટ

10. Rajkot: જમીન કૌભાંડમાં રાજકોટના લોધિકા ગામના સરપંચને સસ્પેન્ડ કરાયા

રાજકોટમાં ક્રિકેટ સટ્ટાના કમિશન બાબતે મારામારી 

રાજકોટમાં મારામારી અને ઝઘડાના બનાવો ખૂબ જ વધી ગયા છે. ત્યારે રાજકોટમાં ક્રિકેટ સટ્ટાના કમિશન બાબતે મારામારીની ઘટના સામે આવી હતી. ઘટનાના CCTV સામે આવ્યા હતા. ક્રિકેટના સટ્ટા બાબતે બે શખ્સોએ એક યુવાન પર તલવાર વડે હુમલો કર્યો હતો. તો મારી નાખવાના ઈરાદે યુવાન પર કાર ચડાવી દેવાનો પ્રયાસ પણ કરવામાં આવ્યો હતો.જે મામલે યુવાને પોલીસ સ્ટેશનમાં 3 આરોપીઓ સામે ગુનો નોંધાવ્યો હતો.

નવસારીમાં 6 વર્ષની બાળકીનું ડૂબી જતા મોત

નવસારીમાં કસ્બા નજીક પૂર્ણા નદીમાં 6 વર્ષની બાળકીનું ડૂબી જતાં મોત નિપજ્યું છે. નદીમાં ચારથી પાંચ બાળકો રમતા રમતા ન્હાવા પડ્યા હતાં. જેમાં એક બાળકી ઊંડા પાણીમાં ગરકાવ થઈ ગઈ હતી. સ્થાનિક તરવૈયાઓએ બાળકીના મૃતદેહને બહાર કાઢ્યો હતો. ત્યાર બાદ તેને સિવિલ હોસ્પિટલ ખસેડાયો હતો. 

રાજકોટમાં ક્રિકેટ સટ્ટાના કમિશન બાબતે મારામારી

રાજકોટમાં ક્રિકેટ સટ્ટાના કમિશન બાબતે મારામારીનો બનાવ સામે આવ્યો છે. તલવાર વડે એક યુવાન પર હુમલો કરવામાં આવ્યો છે. સમગ્ર ઘટનાના સીસીટીવી પણ સામે આવ્યાં છે. બે શખ્સોએ તલવારથી યુવાન પર હુમલો કર્યો હોવાના સીસીટીવી સામે આવ્યાં છે. આ ઉપરાંત મારી નાંખવાના ઈરાદે કાર ચડાવી દેવાનો પ્રયાસ પણ કરાયો છે. પોલીસે આ અંગે ત્રણ લોકો સામે ગુનો નોંધ્યો છે. 

ડિજિટલ એરેસ્ટ કરી નાણાં પડાવનાર સૂત્રધાર ઝડપાયો

ગુજરાતમાં ડિજિટલ એરેસ્ટના બનાવો સતત સામે આવી રહ્યાં છે. લોકોને ડર બતાવીને નાણાં ખંખેરનારા તત્વો બેફામ બન્યાં છે. ત્યારે સુરત ક્રાઈમ બ્રાંચે ડિજિટલ એરેસ્ટ કરીને નાણાં પડાવનાર સુત્રધાર પાર્થ ગોપાણીને ઝડપી પાડ્યો છે. પોલીસે પાર્થ ગોપાણીને લખનઉ એરપોર્ટ પરથી પકડી પાડ્યો છે. અગાઉ સાયબર ક્રાઈમે પાંચ આરોપીઓને ઝડપી પાડ્યા હતાં. 

વડોદરાના વાઘોડિયામાં સ્માર્ટ મીટર લગાવવાનો વિરોધ

વડોદરાના વાઘોડિયામાં સ્માર્ટ મીટર લગાવવાનો વિરોધ કરવામાં આવ્યો છે. વાઘોડિયામાં ગુગલીયાપુરા અને નાની ભાગોળ વિસ્તારમાં સ્માર્ટ મીટરનો વિરોધ કરવામાં આવ્યો છે. ડિજિટલ મીટર હટાવી સ્માર્ટ મીટર લગાવાતા વિરોધ કરાયો છે. જાણ કર્યા વગર સ્માર્ટ મીટર લગાવ્યા હોવાનો લોકોએ આરોપ લગાવ્યો છે. વીજકર્મીઓએ લોકોનો રોષ જોઇ કામગીરી અટકાવી હતી. 

સાબરમતી નદીમાં જીવના જોખમે લોકો નાહવા પડ્યા

અમદાવાદમાં સાબરમતી નદીમાં બે દિવસ પહેલા ન્હાવા પડેલા એક સગીરનું મોત થયું હતું.ચારથી પાંચ સગીરો નદીમાં ન્હાવા માટે ગયા હતાં. જ્યાં અચાનક એક સગીર નદીમાં ઊંડા ખાડામાં ડૂબી ગયો હતો. આ ઘટનાની જાણ ફાયર બ્રિગેડ તેમજ તરવૈયાઓને થતા તાત્કાલિક સર્ચ ઓપરેશન હાથ ધરાયું હતું. આ ઘટના બાદ ફરીવાર લોકો જીવના જોખમે નદીમાં ન્હાવા પડ્યા હોવાના દ્રશ્યો સામે આવ્યાં છે. 

ખેડામાં કોલેરા વકર્યો

ખેડા જિલ્લા કલેકટર દ્વારા અમદાવાદી બજાર, શાંતિ ફળીયુ અને તેની આસપાસના 2 કિલોમીટર વિસ્તારને કોલેરાગ્રસ્ત જાહેર કર્યો છે.

જમીન કૌભાંડમાં રાજકોટના લોધિકા ગામના સરપંચને સસ્પેન્ડ 

રાજકોટના લોધિકા ગામના સરપંચને જમીન કૌભાંડમાં જિલ્લા વિકાસ અધિકારીએ સસ્પેન્ડ કરવાનો આદેશ કર્યો છે. સરપંચ સુધાબેન વસોયાએ ગામના 14 પ્લોટની બારોબાર હરાજી કરી નાંખી હતી. તેમની સામે ગેરરીતિના આક્ષેપ થયા બાદ તપાસ શરૂ કરાઈ હતી. ત્યાર બાદ ડીડીઓએ તેમને સસ્પેન્ડ કરવાનો આદેશ કર્યો હતો.

ગાંધીનગરમાં અસામાજિક તત્વોનો આતંક

સરગાસણમાં રેતીના ધંધામાં યુવક પર હુમલો, સરગાસણના શ્રીજી કોમ્પ્લેક્ષ પાસે બની ઘટના, રાણીપના ચેતન દીપસિંહ ઠાકોર પર હુમલો, કુડાસણના કાર્તિક ભરવાડ અને તેની ગેંગનો હુમલો, 3 કારમાં આવેલા 10 લોકોએ કર્યો હુમલો, લોખંડના સળિયા અને પાઇપ વડે કર્યો હુમલો, CCTVના આધારે પોલીસ તપાસ શરૂ કરી.

PM નરેન્દ્ર મોદી 27મે દાહોદ આવે તેવી શક્યતા

દાહોદના નવીન રેલવે વર્કશોપનું કરી શકે છે ઉદ્ધાટન, સ્માર્ટ સિટી અંતગર્ત પૂર્ણ થયેલા કામોનું થશે લોકાર્પણ, તૈયારીના ભાગરૂપે કલેક્ટરની અધિકારીઓ સાથે બેઠક.

સાબરમતી નદીમાં જીવના જોખમે લોકો નાહવા પડ્યા

નાના બાળકોથી લઈ યુવકો નદીમાં નાહવા પડ્યા, એક તરફ શુદ્ધિકરણ બીજી તરફ લોકોની બેદરકારી, થોડા દિવસ પહેલા સગીરનું નાહવા પડતા મોત થયું હતું, પોલીસ પેટ્રોલિંગના દાવા વચ્ચે લોકોની ગંભીર બેદરકારી, લોકોએ પાણીમાં લગાવી જીવના જોખમે ડૂબકી.

રાજકોટના હિરાસર એરપોર્ટના ટેક્સી ચાલકોની ફરિયાદ

ટેક્સી ચાલકોએ રાજકોટ પોલીસ કમિશનરને કરી અરજી, એરપોર્ટમાં ખાનગી કંપનીના માણસો પર કર્યા આક્ષેપ, કંપનીના માણસો ધાકધમકી આપતા હોવાની ફરિયાદ, કંપનીના માણસો ધંધો ન કરવા દેતા હોવાની ફરિયાદ.

પેટલાદની ઇશિતા હોસ્પિટલમાં દરોડા

સોનોગ્રાફી સહિતના મશીનો સીલ કરાયા, જિલ્લા આરોગ્ય વિભાગે દરોડા પાડ્યા, ગર્ભ જાતિ પરીક્ષણ, ગેરકાયદેસર ગર્ભપાત કરતા હતા હોસ્પિટલના તબીબ સામે કાર્યવાહીની તજવીજ.

સોફિયા કુરેશી વિરુદ્ધ વિવાદાસ્પદ નિવેદન આપ્યું હતુ

પહેલગામમાં થયેલા આતંકવાદી હુમલા પછી, કર્નલ સોફિયા કુરેશીના નેતૃત્વમાં સેનાએ જે રીતે પાકિસ્તાન વિરુદ્ધ કાર્યવાહી કરી, મંત્રી વિજય શાહે સ્ટેજ પરથી કર્નલ સોફિયા કુરેશીનું નામ લીધા વિના તેમને આતંકવાદીઓની બહેન કહી હતી. મંત્રી વિજય શાહનો આ વીડિયો સોશિયલ મીડિયા પર વાયરલ થતા જ ભાજપ સંગઠને આ સમગ્ર મામલે તેમની સામે કાર્યવાહી કરવાનો નિર્ણય લીધો.

કોંગ્રેસના ધારાસભ્યો રાજભવનની બહાર ધરણા પર બેઠા 

મધ્યપ્રદેશના વિપક્ષી નેતા ઉમંગ સિંઘરના નેતૃત્વમાં કોંગ્રેસના ધારાસભ્યોનું એક પ્રતિનિધિમંડળ આજે રાજ્યપાલને મળ્યું. પ્રતિનિધિમંડળે રાજ્યપાલને એક આવેદનપત્ર સુપરત કરીને મંત્રી વિજય શાહને બરતરફ કરવાની માંગ કરી હતી. આ પછી, કોંગ્રેસના ધારાસભ્યો કાળા કપડાં પહેરીને રાજભવનની બહાર ધરણા પર બેઠા હતા. કર્નલ સોફિયા કુરેશી વિરુદ્ધ વાંધાજનક ટિપ્પણી કરવા બદલ મધ્યપ્રદેશના આદિવાસી બાબતોના મંત્રી વિજય શાહ વિરુદ્ધ બુધવારે રાત્રે 11 વાગ્યે મહૂના માનપુર પોલીસ સ્ટેશનમાં FIR દાખલ કરવામાં આવી હતી. તમને જણાવી દઈએ કે ઇન્દોરથી લગભગ 30 કિમી દૂર મહુમાં એક કાર્યક્રમ દરમિયાન મંત્રી વિજય શાહે કર્નલ સોફિયા કુરેશી વિરુદ્ધ વાંધાજનક ટિપ્પણી કરી હતી.

Rajkotમાં MP ભાજપના મંત્રી વિજય શાહનો વિરોધ 

રાજકોટમાં MP ભાજપના મંત્રી વિજય શાહનો વિરોધ કરવામાં આવ્યો છે, કર્નલ સોફિયા વિરુદ્ધ બફાટને લઈ કોંગ્રેસે વિરોધ કર્યો છે, રાજકોટ ભાજપના કોર્પોરેટર ચેતન સુરેજા સામે પણ વિરોધ કરવામાં આવ્યો છે, યાજ્ઞિક રોડ પર મંત્રીના બેનરો સળગાવીને વિરોધ કરવામાં આવ્યો છે.

ગૃહ વિભાગના હુકમ આધારે આ મિલ્કતોને જપ્ત કરવામાં આવી છે

જપ્ત કરાયેલી મિલ્કતોમાં રિયાબેનના નામે મેઘપર બોરીચીમાં એક પ્લોટ (૨.૫૨ લાખ), મહિન્દ્રા સ્કોર્પિયો ગાડી (૧૪.૭૯ લાખ), અને અંજારમાં દેવનગરમાં પ્લોટ (૧૨.૪૨ લાખ); આરતીબેનના નામે અંજારના દેવનગરમાં પ્લોટ (૬.૪૫ લાખ); તેમજ આરોપીઓની માતાનાં નામે મેઘપર બોરીચીમાં બે પ્લોટ (૦.૬૦ લાખ અને ૧૨.૯૪ લાખ) અને અંજારમાં ગંગોત્રી-૦૨માં પ્લોટ (૧૩.૭૧ લાખ)નો સમાવેશ થાય છે. આ કુલ મિલ્કતોની કિંમત ૬૩.૪૬ લાખ રૂપિયા છે. આ કાર્યવાહી દરમિયાન, પોલીસે આરોપીઓનો ગુનાહિત ઇતિહાસ તપાસ્યો, જેમાં અનેક ગંભીર ગુનાઓનો સમાવેશ થાય છે. આરોપીઓ સામે ભારતીય ન્યાય સંહિતા, ગુજરાત નાણાં ધીરધાર અધિનિયમ અને જી.સી.ટી.ઓ.સી. કાયદા હેઠળ કેસ નોંધવામાં આવ્યા છે. પોલીસે આ મિલ્કતોની ઝડતી અને જપ્તીની પ્રક્રિયા પૂર્ણ કરી, જેની દરખાસ્ત ગૃહ વિભાગ, ગાંધીનગરને મોકલવામાં આવી હતી. ગૃહ વિભાગના હુકમ આધારે આ મિલ્કતોને જપ્ત કરવામાં આવી છે.

આરોપીઓએ વ્યાજખોરીના ગુનાઓ આચર્યા હતા

આ અંતર્ગત, સરહદી રેન્જ ભુજના પોલીસ મહાનિરીક્ષક ચિરાગ કોરડિયા અને પૂર્વ કચ્છ ગાંધીધામના પોલીસ અધિક્ષક સાગર બાગમારના માર્ગદર્શન હેઠળ અંજાર પોલીસે સંગઠિત ગુનાહિત ટોળકીઓ સામે કાયદેસરની કાર્યવાહી હાથ ધરી. તેમની ટીમે વ્યાજખોરીની ગુનાહિત પ્રવૃત્તિમાં સંડોવાયેલા ત્રણ આરોપીઓ—રિયાબેન ઇશ્વરગર ગૌસ્વામી, આરતીબેન ઇશ્વરગર ગૌસ્વામી અને તેજસ ઇશ્વરગર ગૌસ્વામી, રહે. મંકલેશ્વર, અંજાર—સામે કાર્યવાહી કરી. આ આરોપીઓએ “Organized Crime Syndicate” બનાવી, આર્થિક ફાયદા માટે વ્યાજખોરીના ગુનાઓ આચર્યા હતા. 

વ્યાજખોરો સામે કડક કાર્યવાહી જારી

આ કાર્યવાહીમાં આરોપીઓ દ્વારા વ્યાજખોરી દ્વારા મેળવેલી લગભગ ૬૩.૪૬ લાખ રૂપિયાની મિલ્કત એટલે કે ચાર મકાન, બે પ્લોટ અને એક સ્કોર્પિયો ગાડી સહિતની મિલ્કત જપ્ત કરવામાં આવી છે, જે દેશના ઇતિહાસમાં પ્રથમવાર આ પ્રકારની કાર્યવાહી તરીકે નોંધાઈ છે. મંત્રી હર્ષ સંઘવીના દિશાનિર્દેશથી રાજ્યના પોલીસ વડા વિકાસ સહાય દ્વારા રાજ્યભરના પોલીસ સ્ટેશનોને વ્યાજખોરો સામે કડક કાર્યવાહી કરવા અને તેમની ગેરકાયદેસર મિલ્કતો જપ્ત કરવા સૂચના આપવામાં આવી હતી. 

કચ્છ પોલીસે કરી મોટી કામગીરી

આ નોંધપાત્ર કાર્યવાહી બદલ ગૃહ રાજ્ય મંત્રી  હર્ષ સંઘવીએ કચ્છ પૂર્વના એસ.પી. સાગર બાગમાર અને તેમની સમગ્ર ટીમને અભિનંદન પાઠવ્યા છે. આ કાર્યવાહીએ ગુજરાત પોલીસની કાર્યક્ષમતા અને ગુનાહિત પ્રવૃત્તિઓ સામે ઝીરો ટોલરન્સની નીતિને રેખાંકિત કરી છે. ગુજરાતમાં કચ્છ જિલ્લાના અંજાર શહેરમાં વ્યાજખોરીની ગેરકાયદેસર પ્રવૃત્તિઓ પર અંકુશ લાવવા અંજાર પોલીસે ઐતિહાસિક કાર્યવાહી હાથ ધરી છે. ગુજરાત પોલીસના ઉચ્ચ અધિકારીઓના માર્ગદર્શન હેઠળ, ગુજરાત કંટ્રોલ ઓફ ટેરરિઝમ એન્ડ ઓર્ગેનાઈઝ્ડ ક્રાઈમ (જી.સી.ટી.ઓ.સી.) કાયદા અન્વયે વ્યાજખોરીની ગુનાહિત પ્રવૃત્તિમાં સંડોવાયેલા આરોપીઓ સામે કડક પગલાં લેવામાં આવ્યાં છે. 

Gujarat Policeએ દેશના ઇતિહાસમાં પ્રથમવાર વ્યાજખોરોની મિલ્કત જપ્ત કરી દાખલો બેસાડયો

રાજ્યમાં નિર્દોષ નાગરિકોને રંજાડતા વ્યાજખોરો સામે મુખ્યમંત્રી ભૂપેન્દ્ર પટેલના નેતૃત્વમાં અને ગૃહ રાજ્ય મંત્રી હર્ષ સંઘવીની સુચનાથી ગુજરાત પોલીસે ખુબ કડકાઇ સાથે આકરા પગલા ભર્યા છે ત્યારે દેશના ઇતિહાસમાં પ્રથમવાર ગુજરાત પોલીસ દ્વારા આવા વ્યાજખોરોની મિલ્કત પણ જપ્ત કરી લઇ વ્યાજખોરોને આ પ્રકારનો ગુનો આચરવાનો વિચાર પણ ન આવે તે પ્રકારનો દાખલો બેસે તેવી કડક કાર્યવાહી થઇ છે. 

વાંચો 03 વાગ્યા સુધીના મહત્વના સમાચાર

01 - Bharuchના ગોલ્ડન-બ્રિજને આજે 144 વર્ષ પૂર્ણ થતા યુવાનોએ કેક કાપી ઉજવણી કરી

02 - Turkey બાદ ચીનમાં પણ ભૂકંપના આંચકા અનુભવાયા

03 - India Pakistan Ceasefire: "ઓપરેશન સિંદૂર" બાદ પાડોશી દેશે આ શું કર્યુ?

04 - Covid-19 Wave: એશિયામાં ફરી કોવિડ-19નો કહેર, હોંગકોંગથી લઈને સિંગાપોરમાં વધ્યા કોવિડના કેસ

05 - Jamnagarના લાલપુરના નાંદુરી ગામે આરોપીએ સળિયાથી હુમલો કરી વૃદ્ધની નિપજાવી હત્યા

06 - Entertainment: Diljit Dosanjhએ કેમ પડતી મુકી ફિલ્મ No Entry-2?

07 - Tamil Nadu: આઠ વર્ષના બાળકનો દેશપ્રેમ, પોતાની બચત ભારતીય સેનાને દાનમાં આપી

08 - Surendranagarમાં 20 મે સુધી વરસાદની આગાહી, ખેડૂતો આ બાબતોનું રાખે ખાસ ધ્યાન

09 - Ahemdabad:ગેસ ગળતરથી 3 શ્રમિકોના મોત, MS ક્રિએસન કંપનીમાં બની ઘટના

10 - Operation Sindoor 'લશ્કરના સૈનિકો માટે Case Study બનશે' અમેરિકન યુદ્ધ નિષ્ણાત

આરોપીને ભુજ જેલમાં મોકલાયો છે

વાસણા પોલીસ સ્ટેશનના મારામારીના ગુનાઓમા પકડાયેલ આરોપીને  આર.એન.પટેલ પોલીસ ઇન્સપેક્ટર નોકરી વાસણા પોલીસ સ્ટેશન નાઓએ આરોપી પ્રશાંત ઉર્ફે જાંબુ સ/ઓ શંકરભાઈ કાળીદાસ ગાયકવાડ ઉ.વ.૨૧ ધંધો-છુટક મજુરી રહે. બી/૧૮, ત્રીજો માળ દેવાસ ફલેટ,જીવરાજ મહેતા હોસ્પિટલ પાસે,વાસણા અમદાવાદ શહેરમુળ વતન: વડી ગામ તા.જી. પુના મહારાષ્ટ્ર નાઓની વિરુધ્ધમાં ધી ગુજરાત અસામાજીક પ્રવૃતી પ્રતિબંધ ધારા સને ૧૯૮૫ની કલમ ૩(૧) હેઠળ અટકાયતમાં લેવા કમિશનર સમક્ષ પોલીસ સ્ટેશન ખાતેથી દરખાસ્ત ભરી મોકલતા તેઓના પાસા હુકમ ક્રમાંક/પીસીબી/ડીટીએન/પાસા/૪૧૨/૨૦૨૫ તા.૧૫/૦૫/૨૦૨૫ થી પાસા અટકાયત તરીકે ભુજ મધ્યસ્થ જેલ ખાતે રાખવા હુકમ કર્યો છે. 

Ahmedabad : વાસણા પોલીસે મારામારીના ગુનાઓમાં સંડોવાયલ આરોપીની કરી પાસા હેઠળ કાર્યવાહી

અમદાવાદની વાસણા પોલીસે મારમારીના કેસમાં આરોપીને જેલના સળીયા ગણતો કરી દીધો છે, રીઢો આરોપી વિસ્તારમાં દાદાગીરી કરીને લોકોને હેરાન કરતો હતો અને મારામારી કરતો હતો જેને લઈ પાસા કરી છે, વિસ્તારમાં કાયદો અને વ્યવસ્થા જળવાઈ રહે તે માટે પોલીસે કામગીરી કરી છે. 

૧૮૬૦થી ૧૮૭૧ સુધીમાં આ પુલ પાછળ રૂ. ૪૬,૯૩,૩૦૦નો ખર્ચ થયો 

આ પુલ ૧૮૬૬ સુધી ટક્યો. એ વર્ષમાં સપ્ટેમ્બરમાં વળી પાછી ભારે રેલ આવવાથી પુલના 26 ગાળાને નુકસાન પહોંચ્યું હતું. વહેવાર ચાલુ રાખવા માટે બીજો કમચલાઉ પુલ રૂપિયા એક લાખ પચાસ હજારના ખર્ચે બાંધવામાં આવ્યો. ૧૮૭૭ના ડિસેમ્બરની ૭મી તારીખથી બીજો જબરો પુલ બાંધવાનો પ્રારંભ કરાયો. ૧૮૮૧ના મે માસની ૨૬મી એ બંધાઈ રહ્યો. એની પાછળ આશરે રૂ. ૩ કરોડ ૭ લાખને ૫૦ હજારનો ખર્ચ થયો. જૂનો પુલ સ્થિર કરવા પાછળ એ જમાનામાં જે ખર્ચ થતો રહ્યો તે સોનાનો પુલ બાંધ્યો હોય ને થયો એટલો બધો ખર્ચ આની પાછળ સરકારને - રેલ્વેને થયેલ હોવાથી આ પુલ "સોનાનો પુલ" તરીકે ઓળખાય છે.

ભરૂચની આગવી ઓળખ એવો ગોલ્ડન બ્રિજ

ભરૂચની આગવી ઓળખ એવા ગોલ્ડન બ્રિજનું કામ ૧૬ મે ૧૮૮૧ ના દિવસે પૂર્ણ થયુ હતું અને ખુલ્લો મુકાયો હતો. આ બ્રિજને બનાવતા જે તે સમયે એટલો અધધ ખર્ચ થયો હતો કે તેટલામાં આખે આખો સોનાનો બ્રીજ બની જાત અને તેથી આ બ્રિજને ગોલ્ડન બ્રીજ નામ આપવામાં આવ્યું હતુ. ૭ ડિસેમ્બર ૧૮૭૭ માં બ્રિટિશ દ્વારા બ્રિજના નિર્માણની શરૂઆત કરાયું હતું જે ૧૬ મે ૧૮૮૧ માં તૈયાર થતા ડિસેમ્બર ૧૯૯૫ બાદ બ્રિટિશ સરકાર દ્વારા વાહન પરિવહન રેલ્વે બ્રિજ શરૂ કરાયો હતો. જે બાદ ૨૦ એપ્રિલ ૧૯૭૭ સુધી જુનો નેશનલ હાઈવે નંબર ૮ તરીકે કાર્યરત થયા ભારે વાહનો માટે પ્રતિબંધ મુકાયો હતો.

Bharuchના ગોલ્ડન બ્રિજને આજે 144 વર્ષ પૂર્ણ થતા યુવાનો દ્વારા કેક કટીંગ કરી ઉજવણી કરાઈ

ગોલ્ડન બ્રિજને આજે ૧૪૪ વર્ષ પૂર્ણ થતા યુવાનો દ્વારા કેક કટીંગ કરી ઉજવણી કરવામાં આવી હતી. અનેક તડકા છાંયા જોયા બાદ નર્મદા નદીમાં આવેલ અનેક રેલની થપાટો તેમજ રોજના હજારો વાહનોનું ભારણ છતાં પણ અડીખમ રહેલા ગોલ્ડન બ્રિજને આજે ૧૪૪ વર્ષ પૂર્ણ થતા યુવાનો દ્વારા કેક કટીંગ કરી ઉજવણી કરી હતી. તો છેલ્લા કેટલાક સમયથી આ બ્રિજને સદંતર અવરજવર બંધ કરી દેવામાં આવી છે. જેને હેરિટેજમાં સ્થાન આપવા અને લોકોને વોક માટે ખુલ્લો મૂકવામાં આવે તેવી માંગ કરવામાં આવી રહી છે.

નાનકડા બાળકનો પ્રેરણાદાયક કિસ્સો

ધનવિશે પહેલાથી જ સેવાની ભાવના બતાવી દીધી છે. તેમણે વાયનાડ ભૂસ્ખલન પીડિતોની મદદ માટે પોતાની બચત પણ દાનમાં આપી. તેઓ નિયમિતપણે મંદિરોમાં જરૂરિયાતમંદ વૃદ્ધોને કપડાં અને ખોરાકનું વિતરણ કરે છે. ધનવિશનો નાનો ભાઈ જીતેન્દ્ર 4 વર્ષનો છે. તે એક સામાન્ય પરિવારમાંથી આવે છે. ધનવિશના માતા-પિતા સતીશ કુમાર અને પવિત્રા વેલિયાનાઈ વિસ્તારમાં માછલીની દુકાન ચલાવે છે. આ બાળકની સેવાભાવના આડે ક્યારેય નાણાકીય મર્યાદાઓ આવી નહીં. ધનવિશે જણાવ્યું કે દર વર્ષે જ્યારે મારો જન્મદિવસ 29 જૂને આવે છે, ત્યારે અમે જરૂરિયાતમંદ લોકોને ભોજનનું વિતરણ કરીએ છીએ. લોકો કહે છે કે દેશની સેવામાં પોતાને સમર્પિત કરવાની આ ભાવના આ નાના છોકરાને ખાસ બનાવે છે. તેમના વિચારો અને કાર્ય આવનારી પેઢીઓ માટે પ્રેરણારૂપ છે.

Tamil Nadu: આઠ વર્ષના બાળકનો દેશપ્રેમ, પોતાની બચત ભારતીય સેનાને દાનમાં આપી

તમિલનાડુના કરુર જિલ્લાના 8 વર્ષના છોકરાએ પોતાની આખા વર્ષની બચત દેશના સૈનિકોને દાનમાં આપી દીધી. બીજા ધોરણમાં ભણતા સાઈ ધનવિશ નામના આ બાળકે કલેક્ટર ઓફિસમાં વ્યક્તિગત રીતે પહોંચીને આ દાન આપ્યું. દેશભક્તિ અને સેવા ભાવનાથી ભરેલા આ બાળકનો દૃઢ નિશ્ચય અને વિચાર એક ઉત્તમ ઉદાહરણ છે.

મહિલા સશક્તિકરણ થકી ગુજરાત ઉજ્જવળ

આ ઉપરાંત ગંગા સ્વરૂપા આર્થિક સહાય યોજનાનાં મંજુરી હુકમનું વિતરણ, મહિલા સ્વાવલંબન યોજનાનાં મંજુરી ચેકનું વિતરણ, માતા યશોદા એવોર્ડ વિતરણ, પોષણ ઉત્સવ વાનગી સ્પર્ધામાં વિજેતાઓને ઈનામ વિતરણ કરવામાં આવશે. ગુજરાત સરકારના મહિલા અને બાળ વિકાસ વિભાગના પ્રયાસોથી રાજ્યની મહિલાઓના જીવનમાં એક હકારાત્મક પરિવર્તન આવી રહ્યું છે. મહિલા સશક્તિકરણ થકી ગુજરાત ઉજ્જવળ ભવિષ્ય તરફ મક્કમ ડગ માંડી રહ્યું છે.

આર્થિક સહાય યોજનાનાં મંજુરી હુકમનું વિતરણ કરવામાં આવશે

રાજ્ય સરકારે કન્યા કેળવણી, બેટી બચાવો બેટી પઢાવો અભિયાન, સ્ત્રી ભ્રૂણહત્યા નિવારણ, મહિલાઓના સંરક્ષણ હેતુ વિવિધ કાયદાઓનું અનુપાલન તથા વિવિધ મહિલા કલ્યાણકારી યોજનાઓના યોગ્ય અમલીકરણ થકી નારીઓના ઉત્થાનમાં યોગદાન આપ્યું છે. આવતીકાલે સાંજે ૫ કલાકે ભારત સરકાર પુરસ્કૃત સખી વન સ્ટોપ સેન્ટર-ખેડાના નવ નીર્મિત ભવનનું ઈ-લોકાર્પણ, ગુજરાત મહિલા વિકાસ પુરસ્કાર વિતરણ, વહાલી દીકરી યોજનાના મંજુરી હુકમનું વિતરણ, ગંગા સ્વરૂપા પુનઃલગ્ન આર્થિક સહાય યોજનાનાં મંજુરી હુકમનું વિતરણ કરવામાં આવશે. 

Gandhinagar ખાતે આવતીકાલે મહિલા અને બાળ વિકાસ મંત્રીની અધ્યક્ષતામાં “મહિલા સંમેલન” યોજાશે

રાજ્ય સરકાર દ્વારા નારી ઉત્કર્ષ માટે લોકજાગૃતિ લાવવાના હેતુથી “મહિલા સંમેલન” ઉજવવામાં આવે છે. મહિલા અને બાળ વિકાસ મંત્રી  ભાનુબેન બાબરીયાના અધ્યક્ષસ્થાને આવતીકાલે, તા. ૧૭ મેના રોજ ગાંધીનગર ટાઉનહોલ ખાતે “મહિલા સંમેલન” યોજાશે. 

લાલપુર તાલુકાના નાંદુરી ગામે 70 વર્ષીય વૃદ્ધની હત્યા 

મૃતક અને આરોપી પક્ષ સમાધાન માટે એકઠા થયા હતા જ્યાં વાત બગડતા આરોપીએ વૃદ્ધ પર ધારદાર સળિયા વડે હુમલો કર્યો હતો, અને વૃદ્ધનું મોત થાય છે. આવવા-જવાના સંયુક્ત રસ્તે એક બાવળનું ઝાડ વચ્ચે નડતુ હોય જે કપાવવા બાબતે આજથી બે દિવસ અગાઉ ફરિયાદી પક્ષને આરોપી સાથે ઝગડો થયો હતો અને વાત હત્યામાં પલટાઈ છે, મૃતકના મૃતદેહને પોલીસે પીએમ માટે ખસેડયો છે અને પીએમ થયા બાદ મૃતદેહ પરિવારજનોને સોંપવામાં આવશે.

મૃતક અને આરોપી પક્ષ સમાધાન માટે એકઠા થયા હતા

સમગ્ર ઘટનાને લઈ વાત કરવામાં આવે તો ફરિયાદીને ઝાડ કાપવાને લઈ આરોપી સાથે માથાકૂટ થઈ હતી તે દરમિયાન બન્ને પક્ષના લોકો સમાધાન કરવાને લઈ ભેગા થયા હતા અને તે દરમિયાન ચાલુ વાત કરતા કરતા આરોપી ઉશ્કેરાઈ જાય છે અને વૃદ્ધને માથામાં સળિયો મારે છે જેથી વૃદ્ધને લોહી નીકળતા તેમને સારવાર મળે તે પહેલા તેમનું મોત થયું છે. પોલીસે ખીમા કરંગીયા વિરુદ્ધ ગુનો નોંધ્યો છે અને તેની ધરપકડ કરીને વધુ તપાસ હાથધરી છે.

Jamnagarના લાલપુરના નાંદુરી ગામે આરોપીએ સળિયાથી હુમલો કરી વૃદ્ધની નિપજાવી હત્યા 

જામનગરના લાલપુરના નાંદુરી ગામે વૃદ્ધની હત્યા કરવામાં આવી છે, ગામના જ શખ્સે વૃદ્ધને માથામાં સળિયો મારીને હત્યા કરી હતી સાથે સાથે ઝાડ કાપવાને લઈ માથાકૂટ થઈ હતી અને તેના સમાધાન માટે ભેગા થયા તો આરોપીએ ઉશ્કેરાઈને વૃદ્ધને માથામાં સળિયો માર્યો અને ઘટના સ્થળે વૃદ્ધ મોતને ભેટયા હતા. 

કિસાન કોલ સેન્ટર ટોલ ફ્રી નંબર પર પણ ખેડૂત જાણ કરી શકે છે

ખાતર અને બિયારણના વિક્રેતાઓએ જથ્થો પલળે નહી તે મુજબ ગોડાઉનમાં સુરક્ષિત રાખવા. એ.પી.એમ.સી. માં વેપારી અને ખેડૂત મિત્રોએ કાળજી રાખી આગોતરા સાવચેતીના પગલા લેવા અનુરોધ કરવામાં આવે છે. એ.પી.એમ.સી.મા અનાજ અને ખેતપેદાશો સુરક્ષિત રાખવા. એ.પી.એમ.સી.મા વેચાણ અર્થે આવતી પેદાશો આ દિવસો દરમિયાન ટાળવી અથવા સુરક્ષિત રાખવા. આ અંગે વધુ જાણકારી આપના વિસ્તારના ગ્રામસેવક / વિસ્તરણ અધિકારી / તાલુકા અમલીકરણ અધિકારી / મદદનીશ ખેતી નિયામક(તા.મુ.), જિલ્લા ખેતીવાડી અધિકારી, નાયબ ખેતી નિયામક(તાલીમ), KVK અથવા કિસાન કોલ સેન્ટર ટોલ ફ્રી નંબર- ૧૮૦૦૧૮૦૧૫૫૧ નો સંપર્ક કરવા વધુ યાદીમાં જણાવાયું છે.

વરસાદના સમયે જંતુનાશક દવાનો છંટકાવ અટકાવો

જે અનુસાર, કમોસમી વરસાદથી થતા પાક નુકશાનીથી બચવા માટે ખેડુતોના ખેત ઉત્પાદિત પાક, ખેતરમાં કાપણી કરેલ પાક ખુલ્લા હોય તો તેને તાત્કાલીક સલામત સ્થળે ખસેડવાની કાર્યવાહી કરવી, અથવા પ્લાસ્ટિક/તાડપત્રી થી યોગ્ય રીતે ઢાકી દેવું અને ઢગલા ની ફરતે માટીનો પાળો બનાવી વરસાદનું પાણી ઢગલાની નીચે જતું અટકાવવું. જંતુનાશક દવા અને ખાતરનો ઉપયોગ આ સમયગાળા પુરતો ટાળવો જોઈએ.

Surendranagarમાં 20 મે સુધી વરસાદની આગાહી, ખેડૂતો આ બાબતોનું રાખે ખાસ ધ્યાન

સુરેન્દ્રનગર જિલ્લામાં તા.૨૦-૦૫-૨૦૨૫ સુધી છુટાછવાયા સ્થળોએ ગાજવીજ સાથે હળવાથી મધ્યમ વરસાદની આગાહી હવામાન ખાતા દ્વારા કરવામાં આવી છે. આવા સમયે વાદળછાયું વાતાવરણ અને વરસાદને અનુલક્ષીને ખેડૂતોને પાકના રક્ષણ માટે ઉચિત પગલાં લેવા જિલ્લા ખેતીવાડી અધિકારી દ્વારા જણાવાયું છે.

દ્વારકાના રૂપેણ બંદરમાં જુના હિસાબની રકમ પરત લેવા અપહરણ કરાયું 

દ્વારકાના વરવાળા ગામે ઉર્ષ પ્રસંગમાં આવેલા માંગરોળના યુવકનું પૈસાની લેતી - દેતી મામલે રૂપણે બંદર વિસ્તારના સાત શખ્સો દ્વારા અપહરણ કરી જઇને મકાનમાં ગોંધી રાખી રૂા. ૨ લાખની ખંડણી માંગવા સાથે ખૂનની ધમકી આપીને બેફામ માર માર્યો હોવાનો કિસ્સો પ્રકાશમાં આવતા ચકચાર મચી જવા પામી છે. આ સમગ્ર મામલે દ્વારકા પોલીસે તમામ સાત આરોપીઓ સામે ભારતીય ન્યાયસંહિતાની જુદી જુદી કલમ હેઠળ ગુનો નોંધી, આગળની તપાસ પી.એસ.આઈ. આર.એલ. ચોપડા દ્વારા હાથ ધરવામાં આવી છે. 

Dwarkaના રૂપેણ બંદરમાં માછીમારનું અપહરણ કરાયું 

દ્વારકાના રુપેણ બંદરમાં માછીમારનું અપહરણ કરવામાં આવ્યું છે, જૂના હિસાબની રકમ પરત લેવા અપહરણ કરાયું હોવાની વાત સામે આવી છે, મકાનમાં ગોંધી રાખી 2 લાખ રુપિયાની ખંડણી માગી હોવાની વાત સામે આવી છે, રહીશ અનવર અલી અને તેના સાગરીતોએ કર્યુ અપહરણ તો સુમાર જુમ્માએ અનવર પાસેથી 1.60 લાખ લીધા હતા અને ફરિયાદી સુમારે 60 હજાર અનવર અલીને પરત કર્યા હતા તો ઉર્ષમાંથી અનવર અલીના માણસોએ કર્યુ સુમારનું અપહરણ અને ફરિયાદીએ મોબાઈલથી વીડિયો બનાવી વાયરલ કર્યો. 

રીબડાના અમિત ખૂંટ આત્મહત્યા કેસમાં વકીલને જામીન મળ્યા

અમિત ખૂંટ આત્મહત્યા કેસમાં એડિશનલ ડિસ્ટ્રિક્ટ એન્ડ સેશન્સ કોર્ટે મહત્વનો નિર્ણય લીધો છે. કોર્ટે એડવોકેટ સંજય પંડિત અને દિનેશ પાતર બંનેના જામીન મંજૂર કર્યા છે. પોલીસે ગત 7 મેના રોજ બંને એડવોકેટની ધરપકડ કરી હતી. ધરપકડ બાદ બંને એડવોકેટોએ કેસમાં પોતાની ખોટી સંડોવણી કરાઈ હોવાનો દાવો કર્યો હતો. એચ.એ.ત્રિવેદી એડિ. ડિસ્ટ્રીક સેસન્સ જજ સમક્ષ 14 મેના રોજ જામીન અરજી પર સુનાવણી હાથ ધરવામાં આવી હતી.

Ribdaના અમિત ખૂંટ આપઘાત કેસ, પત્નીએ CMને લખ્યો પત્ર

રાજકોટના ગોંડલમાં રીબડાના અમિત ખૂંટ આત્મહત્યા કેસમાં મૃતકની પત્નિએ મુખ્યમંત્રીને પત્ર લખ્યો છે અને આરોપીઓને તાત્કાલિક પકડવા માગ કરી છે, અનિરુદ્ધસિંહ અને રાજદિપસિંહને પકડવા માગ કરી છે, અનિરુદ્ધસિંહનો પુત્ર ગામમાં ભય ફેલાવતો હોવાના આક્ષેપ કરવામાં આવ્યો છે, મૃતકની પત્નિએ પોલીસ પ્રોટેક્શન પણ માગ કરી છે.

લઘુ અને મધ્યમ ઉદ્યોગ એમ ત્રણ કેટેગરીમાં વર્ગીકરણ કરવામાં આવે છે

અત્રે ઉલ્લેખનીય છે કે, ભારત સરકારના MSME મંત્રાલય દ્વારા ઉદ્યોગોના મૂડી રોકાણ અને વાર્ષિક ટર્નઓવરના આધારે સૂક્ષ્મ, લઘુ અને મધ્યમ ઉદ્યોગ એમ ત્રણ કેટેગરીમાં વર્ગીકરણ કરવામાં આવે છે. જે એકમોમાં પ્લાન્ટ, મશીનરી અને સાધનોમાં થયેલ મૂડીરોકાણ રૂ. ૨.૫ કરોડથી વધુ ન હોય અને ટર્નઓવર રૂ. ૧૦ કરોડથી વધારે ન હોય તેવા સૂક્ષ્મ એકમો તરીકે વર્ગીકૃત કરવામાં આવ્યા છે, તેવી જ રીતે જે એકમોના પ્લાન્ટ, મશીનરી અને સાધનોમાં થયેલ મૂડીરોકાણ રૂ. ૨૫ કરોડથી વધુ ન હોય અને ટર્નઓવર રૂ. ૧૦૦ કરોડથી વધારે ન હોય તેવા લઘુ એકમો તેમજ મૂડીરોકાણ રૂ. ૧૨૫ કરોડથી વધુ ન હોય અને ટર્નઓવર રૂ. ૫૦૦ કરોડથી વધારે ન હોય તેવા મધ્યમ એકમો તરીકે ઓળખાય છે.

સબસીડી, વ્યાજ સહાય જેવી વિવિધ સહાય આપવામાં આવે છે

રાજ્યમાં MSME હેઠળના ઉદ્યોગ સાહસિકોને કેપિટલ ઇન્વેસ્ટમેન્ટ સબસીડી, વ્યાજ સહાય જેવી વિવિધ સહાય આપવામાં આવે છે, જે અંતર્ગત તા. ૦૧ એપ્રિલ, ૨૦૨૪થી તા.  ૦૮ જાન્યુઆરી, ૨૦૨૫ સુધીમાં ઔદ્યોગિક નીતિ-૨૦૧૫ અન્વયે વ્યાજ સહાય, કેપિટલ સહાય અને CGTMSE સહાયમાં કુલ ૪,૪૦૦થી વધુ ક્લેઈમ અરજીઓને રૂ. ૧૩૭ કરોડથી વધારે સહાય આપવામાં આવી છે. આ ઉપરાંત ઔદ્યોગિક નીતિ-૨૦૨૦ અન્વયે કુલ ૮,૭૦૦થી વધુ ક્લેઈમ અરજીઓને રૂ. ૩૪૫ કરોડથી વધારે સહાય તેમજ આત્મનિર્ભર ગુજરાત સ્કિમ ફોર આસિસ્ટન્સ ટુ એમએસએમઇ-૨૦૨૨ અન્વયે વ્યાજ સહાય, કેપિટલ સહાય અને CGTMSE સહાયમાં કુલ ૨,૪૦૦થી વધુ ક્લેઈમ અરજીઓને રૂ. ૨૪૫ કરોડથી વધારે સહાય આપવામાં આવી છે.

Regional MSEFC કાઉન્સિલની સ્થાપના કરી

ગુજરાતમાં વિલંબિત ચૂકવણી માટે માત્ર એક કાઉન્સિલ હતી, જેથી કેસોના ઝડપી નિકાલ કરવા અને સ્થાનિક સ્તરે વિવાદ નિવારણ કરવા માટે ગુજરાત સરકારે વર્ષ ૨૦૨૩-૨૪માં નવી પાંચ અને તાજેતરમાં છઠ્ઠી કચ્છ એમ કુલ છ Regional MSEFC કાઉન્સિલની સ્થાપના કરી છે. આમ રાજ્યમાં કાર્યરત અમદાવાદ, સુરત, રાજકોટ, ભાવનગર, વડોદરા અને કચ્છ MSEFC કાઉન્સિલ દ્વારા જાન્યુઆરીથી ડિસેમ્બર, ૨૦૨૪ સુધીમાં ૧,૦૮૧ કેસોનો નિકાલ કરવામાં આવ્યો છે.

નવી ઔદ્યોગિક નીતિ ૨૦૨૦ 

નવી ઔદ્યોગિક નીતિ ૨૦૨૦ હેઠળ મેન્યુફેકચરીંગ MSME સેકટરને ઔધોગિક એસોસીએશન-ચેમ્બર્સ-ફેડરેશન દ્વારા યોજાતા એકઝીબીશનમાં ભાગ લેવા માટે વિવિધ સહાય આપવામાં આવે છે, જે અંતર્ગત રાજ્ય સ્તરના એકઝીબીશનમાં ભાગ લેવા માટે ૭૫ ટકાના ધોરણે મહત્તમ રૂ. ૫૦ હજાર, રાષ્ટ્રીય સ્તરે મહત્તમ રૂ. ૧ લાખ અને આંતરરાષ્ટ્રીય સ્તરે-ભારતની અંદર મહત્તમ રૂ. ૨ લાખની સહાય તેમજ આંતરરાષ્ટ્રીય સ્તરે-ભારતની બહાર ૬૦ ટકાના ધોરણે મહત્તમ રૂ. ૫ લાખની સહાય આપવામાં આવે છે. આ યોજના અન્વયે રાજ્ય સરકાર દ્વારા એપ્રિલથી ડિસેમ્બર ૨૦૨૪ સુધીમાં કુલ ૮૫૨ અરજીઓ મંજૂર કરી રૂ. ૫ કરોડની સહાય એકમોને ચૂકવવામાં આવી છે. આ ઉપરાંત માર્કેટ ડેવલોપમેન્ટ આસિસ્ટન્ટ યોજના-૨ હેઠળ ઓર્ગેનાઇઝરને પ્રદર્શનના સમયગાળા દરમિયાન પ્રદર્શનના વીજ વપરાશના ૬૦ ટકા બિલ સહાય પણ આપવામાં આવે છે.

ગુજરાત-વાઇબ્રન્ટ ડિસ્ટ્રિક્ટ'-VGVD ફેસ્ટિવલનું આયોજન કરવામાં આવ્યું હતું

રાજ્યમાં આર્થિક વિકાસને પ્રોત્સાહન આપવા, સ્થાનિક ઉદ્યોગોની ભાગીદારી વધારવા તેમજ સમગ્ર રાજ્યમાં જાગૃતિ ફેલાવવાના હેતુસર ગુજરાતના તમામ જિલ્લાઓમાં ઓકટોબર-૨૦૨૩માં 'વાઇબ્રન્ટ ગુજરાત-વાઇબ્રન્ટ ડિસ્ટ્રિક્ટ'-VGVD ફેસ્ટિવલનું આયોજન કરવામાં આવ્યું હતું. આ ઉપરાંત સ્થાનિક વેચાણ અને નિકાસ માટે જિલ્લાવાર અનન્ય ઉત્પાદનોને ઓળખવા તેમજ મેપીંગ કરવા માટે ODOP સંબંધિત કુલ ૨૬ ઉદ્યોગ ઉત્પાદનોને પસંદ કરવામાં આવ્યા છે. રાજ્યમાં ગુણવત્તાયુક્ત વૃદ્ધિમાં સુધારો કરવા, સ્થાનિક ઉદ્યોગોની ભાગીદારી વધારવા અને જાગૃતિ ફેલાવવા માટે તમામ જિલ્લાઓમાં 'ગુણવત્તા યાત્રા'નું આયોજન તા. ૫ એપ્રિલથી તા. ૨૯ મે, ૨૦૨૫ દરમિયાન કરવામાં આવ્યું છે, જે અત્યાર સુધીમાં રાજ્યના ૧૮ જિલ્લાઓમાં સંપન્ન થઇ ચૂકી છે.

ઝીરો ઇફેક્ટ ઝીરો ડિફેક્ટ

મુખ્યમંત્રી ભૂપેન્દ્ર પટેલના માર્ગદર્શનમાં અને ઉદ્યોગ મંત્રી  બલવંતસિંહ રાજપૂતના નેતૃત્વમાં ઉદ્યોગ ક્ષેત્રમાં ‘ઝીરો ઇફેક્ટ ઝીરો ડિફેક્ટ’-ZED સર્ટિફિકેશનમાં ગુજરાત સમગ્ર દેશમાં મોખરે છે. રાજ્યમાં અંદાજે ૮૯ હજાર કરતાં વધુ ZED-રજિસ્ટર્ડ MSME અને ૫૯ હજાર કરતાં વધુ ZED-પ્રમાણિત MSME નોંધાયા છે, જે સમગ્ર દેશમાં સૌથી વધુ છે. કેન્દ્ર સરકારના સૂક્ષ્મ, લઘુ અને મધ્યમ એન્ટરપ્રાઈઝ મંત્રાલય દ્વારા જે પહેલા ‘ઉદ્યોગ આધાર મેમોરેન્ડમ’ તરીકે ઓળખાતું હતું તેની જગ્યાએ ‘ઉદ્યમ રજિસ્ટ્રેશન સર્ટીફિકેટ'ની પ્રક્રિયા અમલમાં મૂકવામાં આવી છે, જે અંતર્ગત વર્ષ ૨૦૨૦-૨૧થી વર્ષ ૨૦૨૪-૨૫ સુધીમાં રાજ્યમાં ૨૩.૭૯ લાખ કરતાં વધુ એકમોનું રજિસ્ટ્રેશન કરવામાં આવ્યું છે.

Gujaratમાં છેલ્લા પાંચ વર્ષમાં અંદાજે 1.30 લાખ જેટલા MSMEને રૂ. 7864 કરોડ કરતાં વધુની સહાય અપાઈ

રાજ્ય સરકારની ઉદાર ઉદ્યોગ નીતિના અસરકારક અમલીકરણના પરિણામે ગુજરાત ઔદ્યોગિક વિકાસમાં અગ્રેસર રાજ્ય તરીકે પ્રસ્થાપિત થયું છે. ગુજરાત સરકાર સૂક્ષ્મ, લઘુ અને મધ્યમ ઉદ્યોગો - MSME માટે સહાય યોજનાઓ અંતર્ગત વર્ષ ૨૦૨૦-૨૧થી વર્ષ ૨૦૨૪-૨૫ સુધીમાં કુલ ૧.૩૦ લાખ કરતાં વધુ એકમોને રૂ. ૭,૮૬૪ કરોડ કરતાં વધુની સહાય આપી વડાપ્રધાન નરેન્દ્ર મોદીના વિકસિત ભારત@૨૦૪૭ના સ્વપ્નને સાકાર કરવામાં સિંહફાળો આપી રહી છે.     

ભુજ આવીને ગૌરવ અનુભવું છું : રાજનાથસિંહ

1971ના યુદ્ધમાં ભારતનું સાક્ષી રહ્યું ભુજ

સેનાએ દેશનું માથુ ઉંચુ કર્યુ

સેનાએ ઓપરેશન સિંદૂર સફળ બનાવ્યું

તમારા અભિનંદન માટે ભુજ આવ્યો છું

દુનિયાએ જોયું ભારતે પાકિસ્તાનને હરાવ્યું

ઓપરેશન સિંદૂરમાં એરફોર્સનો મહત્વનો રોલ રહ્યો

આપણી એરફોર્સની પહોંચ પાકિસ્તાનના દરેક ખૂણા સુધી

બ્રહ્હોસ મિસાઈલની તાકાત પાકિસ્તાની સ્વીકારી લીધી

રાતના અંધારામાં પાકિસ્તાનને તારા દેખાઈ ગયા, 

આપણી એરફોર્સની પહોંચ પાકિસ્તાનના દરેક ખૂણા સુધી

નવુ ભારત હવે સહન નહી કરે જડબાતોડ જવાબ આપશે

પાકિસ્તાનને આર્થિક ફંડિંગ ના મળું જોઈએ

પાકિસ્તાન નહી સુધરે તો તેને છોડવામાં નહી આવે

આ તો એક માત્ર ટ્રેલર હતું

ઓપરેશન સિંદૂર બાદ શ્રીનગરમાં પ્રથમ મુલાકાત હતી રાજનાથસિંહની

ભારતીય સેના દ્વારા તાજેતરમાં પાકિસ્તાનમાં હાથ ધરવામાં આવેલા આતંકવાદ વિરોધી ઓપરેશન ઓપરેશન સિંદૂર પછી રાજનાથ સિંહની કાશ્મીર ખીણની આ પહેલી મુલાકાત હતી. આ સંદર્ભમાં, તેને ખૂબ જ મહત્વપૂર્ણ માનવામાં આવી રહ્યું છે. શ્રીનગરની મુલાકાત દરમિયાન,સંરક્ષણ પ્રધાન પ્રદેશની સુરક્ષા પરિસ્થિતિની સમીક્ષા કરે અને 15 કોર્પ્સ મુખ્યાલયમાં વરિષ્ઠ લશ્કરી અધિકારીઓ સાથે વાતચીત કરી હતી, શ્રીનગરમાં પોતાનો કાર્યક્રમ પૂર્ણ કર્યા પછી રાજનાથ સિંહ આજે મોડી રાત્રે નવી દિલ્હી જવા રવાના થયા હતા અને આજે તેઓ ગુજરાતની મુલાકાતે છે.

પરમાણુ શસ્ત્રો ખોટા હાથમાં છે- રાજનાથસિંહ 

રાજનાથસિંહે પાકિસ્તાનને આડેહાથ લેતા જણાવ્યું કે  પાકિસ્તાને ભારત પર હુમલો કર્યો અને અમે આતંકવાદીઓની છાતી પર હુમલો કર્યો. પાકિસ્તાને આતંકવાદ માટે પોતાની જમીનનો ઉપયોગ બંધ કરવો જોઈએ. પાકિસ્તાને ભારત સાથે દગો કર્યો છે અને તેને તેની કિંમત ચૂકવવી પડી છે. જો આતંકવાદી પ્રવૃત્તિઓ વધતી રહેશે તો આવી કાર્યવાહી પણ વધશે. પાકિસ્તાનના પરમાણુ શસ્ત્રોને IAEA ની દેખરેખ હેઠળ લેવા જોઈએ.

સૌથી વધારે ડ્રોન ભુજમાં દેખાયા હતા

બંને દેશો વચ્ચે તાજેતરના લશ્કરી તણાવ દરમિયાન, પાકિસ્તાની સેનાએ ડ્રોનની મદદથી ભારતના ભૂજને નિશાન બનાવવાનો પ્રયાસ કર્યો હતો. જોકે, હવાઈ સંરક્ષણ પ્રણાલીની મદદથી, ભારતીય સુરક્ષા દળોએ પાકિસ્તાનના એક પછી એક હુમલાઓને સતત નિષ્ફળ બનાવી દીધા હતા. આખરે, કોઈ સફળતા ન મળતાં અને સતત લશ્કરી નુકસાન જોતાં, પાકિસ્તાને યુદ્ધવિરામની અપીલ કરી હતી.

સ્મૃતિવનની મુલાકાત લેશે સ્મૃતિવનની મુલાકાત લેશે

રાજનાથસિંહ નલિયા એરબેઝની મુલાકાત લઈને સ્મૃતિવન જશે અને ત્યાં આગળ તેઓ ભુજિયા ડુંગરની તળેટીમાં કચ્છને હચમચાવનારા ભૂકંપમાં મૃત્યુ પામેલા દિવંગતોની યાદમાં બનાવવામાં આવેલા સ્મૃતિવન અર્થકવેક મ્યુઝિયમની મુલાકાત દરમિયાન તેઓ ભૂકંપ દિવંગતોને શ્રદ્ધાંજલિ પાઠવશે. સાથે સાથે મહત્વની વાત તો એ છે કે ઓપરેશન સિંદૂર દરમિયાન સૌથી વધારે ડ્રોન કચ્છ-ભુજમાં દેખાયા હતા અને ઓપરેશન સિંદૂર દરમિયાન કચ્છમાં બ્લેકઆઉટ પણ આપવામાં આવ્યું હતુ. 

Kutch : રક્ષામંત્રી રાજનાથસિંહ ભુજ પહોંચ્યા, સેનાના અધિકારીઓ સાથે કરશે વિશેષ ચર્ચા 

ઓપરેશન સિંદૂર બાદ રાજનાથસિંહ ગઈકાલે શ્રીનગરની મુલાકાતે હતા અને ત્યાં તેમણે સેનાના જવાનો અને અધિકારીઓ સાથે મિટીંગ કરી હતી, ત્યારે આજે રાજનાથસિંહ ભુજની મુલાકાતે આવ્યા છે, રાજનાથસિંહ બે દિવસીય ગુજરાતની મુલાકાતે છે, ત્યારે આજે તેઓ નલિયા એરબેઝની પણ મુલાકાત લેવાના છે અને આ મુલાકાત દરમિયાન રક્ષામંત્રી જવાનોને મળશે અને સાથે સરહદ પરની સુરક્ષા અંગે સમીક્ષા પણ કરશે.

વાંચો 12 વાગ્યા સુધીના મહત્વના સમાચાર

01 - Railway News : 17 મેના રોજ પોરબંદર-દાદર સૌરાષ્ટ્ર એક્સપ્રેસ ટ્રેન રદ રહેશે

02 - Bhavnagarના અલંગમાં સૌથી મોટું શિપ ભંગાવવા માટે આવ્યું, વાંચો Special Story

03 - Dipika Kakarને થઇ ગંભીર બીમારી, પતિ શોએબને થઇ પુત્રની ચિંતા

04 - RBI: દિવાળી સુધીમાં મોટી ભેટ આપશે! 0.75% સુધી ઘટી શકે રેપો રેટ..

05 - Suratના બારડોલીમાં ડિજિટલ એરેસ્ટ બનાવી નિવૃત કર્મચારી પાસે ભેજાબાજોએ 63 લાખ પડાવ્યા

06 - Box Office: છાવાને ટક્કર આપશે 'Raid 2', 15 દિવસમાં 136 કરોડનું કલેકશન

07 - Cyclone Alert: ભયંકર ચક્રવાત 'શક્તિ'ની થશે એન્ટ્રી! આ રાજ્યોને ખતરો

08 - Operation Sindoor: સંરક્ષણ ક્ષેત્ર માટે બજેટ બૂસ્ટર, સરકાર ખોલી દેશે ખજાનો 

09 - Vadodaraમાં ગ્રાહકની ફરિયાદ બાદ ફરસાણની દુકાન બંધ, મીઠાઈમાંથી નીકળી હતી ફંગશ

10 - Ahmedabad કોર્પોરેશને કર્યુ બુદ્ધીનું પ્રદર્શન, કહ્યું, 36 સ્થળોએ ચોમાસામાં પાણી તો ભરાશે 

14 આતંકવાદીઓની હિટલિસ્ટ, સુરક્ષા દળો દ્વારા 6 ઠાર કરાયા

જમ્મુ અને કાશ્મીરમાં પહેલગામ આતંકવાદી હુમલાના જવાબમાં શરૂ કરાયેલા 'ઓપરેશન સિંદૂર'એ પાકિસ્તાન પ્રાયોજિત આતંકવાદની કમર તોડી નાખી છે. ભારતીય સેના અને સુરક્ષા એજન્સીઓ દ્વારા તૈયાર કરાયેલ હિટ લિસ્ટમાં રહેલા 14 સ્થાનિક આતંકવાદીઓમાંથી અત્યાર સુધીમાં 6 લોકો માર્યા ગયા છે. આ આતંકવાદીઓની ઓળખ અને સ્થાન સચોટ ગુપ્ત માહિતી અને ટેકનિકલ દેખરેખના આધારે કરવામાં આવ્યું હતું. તેમનું કામ પાકિસ્તાની આતંકવાદીઓને સ્થાનિક લોજિસ્ટિકલ સપોર્ટ, છુપાવાનું સ્થળ અને મદદ પૂરી પાડવાનું હતું. આ કારણોસર તેને મારવો ખૂબ જ જરૂરી હતો.

એક પ્રાર્થના દેશના એક એક સૈનિકો માટે પણ કરજો : હર્ષ સંઘવી

તો હર્ષ સંઘવીએ વધુમાં કહ્યું કે, મંદિરે જાવ અને પોતાના માટે પ્રાર્થના કરો ત્યારે એક પ્રાર્થના દેશના એક એક સૈનિકો માટે પણ કરજો અને દેશની સેનાના પરિવારને વંદન આપવા જોઈએ સાથે સાથે ગોળી સામે ગોળો ચલાવવાની પીએમ મોદીમાં ક્ષમતા છે અને મિનિટોની અંદર આતંકીઓના અડ્ડા ધ્વસ્ત થયા છે, આ ભારતની આ ખૂબ મોટી જીત છે અને આજે દેશના સૌ નાગરિકો ભારતીય સેના પર ગર્વ અનુભવી રહ્યા છે.

દેશના સૌ નાગરિકોને અભિમાન પણ હોવું જોઈએ : હર્ષ સંઘવી

તો હર્ષ સંઘવીએ વધુમાં કહ્યું કે, સેનાી આ કાર્યવાહીને લઈ દેશના સૌ નાગરિકોને અભિમાન પણ હોવું જોઈએ અને આતંકીઓ માનવતાના ખૂની હતા અને આવા દાનવોના ઘરમાં ઘૂસી ઘુસીને જવાબ આપવાનું કામ સેનાએ કર્યું છે, પીએમ મોદીએ કરેલ કાર્યએ  દેશની દુનિયાભરમાં તાકાત બદલી નાખી છે અને સેનાનું મનોબળ મજબૂત કરવાનું કાર્ય કર્યું છે, સેના જોડે મળી પીએમ મોદીએ ડિફેન્સ સિસ્ટમ વસાવી અને પાકિસ્તાનના એક-એક ડ્રોનને દિવાળીના ફટાકડાની જેમ સાફ કરી નાખ્યા છે એ આપણા માટે ગૌરવની વાત છે.

Suratમાં હર્ષ સંઘવી બોલ્યા, પાકિસ્તાનના એક-એક ડ્રોનને દિવાળીના ફટાકડાની જેમ સાફ કરી નાખ્યા

ભારત પાક વચ્ચે તનાવભરી સ્થિતિ હતી તેને લઈ ગૃહરાજય મંત્રી હર્ષ સંઘવીનું નિવેદન સામે આવ્યું છે, તેમનું કહેવું છે કે, ભારતના નિર્દોષ લોકોના જીવ લેનાર એક-એક આતંકીઓ અને તેમના આકાઓને જવાબ અપાયો છે, ભારતીય સેનાએ પાકિસ્તાનમાં રહેલા આતંકીઓના અડ્ડાઓને ધ્વસ્ત કરવાનું કાર્ય કર્યુ છે, દેશની સેના પર આજે ગર્વ છે સૌ કોઈને. 

મોઢેરામાં વેપારીઓ-ગ્રામજનોનો અનોખો વિરોધ

એક જ રાતમાં ચાર દુકાન, એક મકાનના તાળા તૂટ્યા, પોલીસ સ્ટેશનની બાજુમાં જ ચોરીને અંજામ આપ્યો, ઢોલ-નગારા સાથે વેપારીઓ-ગ્રામજનોનું હલ્લાબોલ, ગ્રામજનોએ પોલીસ સ્ટેશન પહોંચી હલ્લાબોલ કર્યુ, પોલીસની કામગીરી પર ગ્રામજનોએ ઉઠાવ્યા સવાલ.

પોરબંદર-દાદર સૌરાષ્ટ્ર એક્સપ્રેસ ટ્રેન રદ

01-૧૬.૦૫.૨૦૨૫ (શુક્રવાર) ની ટ્રેન નં. ૧૯૦૧૫ દાદર-પોરબંદર સૌરાષ્ટ્ર એક્સપ્રેસ ટેકનિકલ કારણોસર રદ કરવામાં આવી છે.

02-પેરિંગ રેકના અભાવે, ૧૭.૦૫.૨૦૨૫ (શનિવાર) ની ટ્રેન નં. ૧૯૦૧૬ પોરબંદર-દાદર સૌરાષ્ટ્ર એક્સપ્રેસ રદ રહેશે. 

ઉપરોક્ત ટ્રેનોની વિગતવાર માહિતી માટે, મુસાફરો કૃપા કરીને વેબસાઇટ www.enquiry.indianrail.gov.in ની મુલાકાત લઈ શકે છે.

Railway News : 17 મેના રોજ પોરબંદર-દાદર સૌરાષ્ટ્ર એક્સપ્રેસ ટ્રેન રદ રહેશે

પશ્ચિમ રેલવે ભાવનગર ડિવિઝનના પોરબંદર સ્ટેશનથી ૧૭.૦૫.૨૦૨૫ ના રોજ ચાલવા વાળી પોરબંદર-દાદર સૌરાષ્ટ્ર એક્સપ્રેસ ટ્રેન ટેકનિકલ કારણોસર સંપૂર્ણપણે રદ કરવામાં આવી છે. ભાવનગર ડિવિઝનના સિનિયર ડિવિઝનલ કોમર્શિયલ મેનેજર અતુલ કુમાર ત્રિપાઠીએ આ જાણકારી આપી હોવાની વાત સામે આવી છે.

અલંગ છે શું જાણો

આ ગામનો જહાજવાડો વર્તમાન સમયમાં વિશ્વભરમાં જહાજ તોડવાના સ્થળ તરીકે જાણીતો થયેલ છે. અંગ્રેજી ભાષામાં અલંગને શીપીંગ બ્રેક યાર્ડ કહેવામાં આવે છે. એશીયા નું સૌથી મોટુ જહાજ ભાંગવાનુ સ્થળ અહિંયા છે, જ્યાં દરેક જાતનાં નાનાં-મોટાં જહાજો (ટેન્કર, મુસાફરવાહક, માલવાહક વગેરે) ભાંગીને દરેક ભાગ અલગ કરવામાં આવે છે.જહાજને તોડી નાખવાથી મળતા લોખંડ, કાંચ, પ્લાસ્ટિક, એલ્યુમિનિયમ, લાકડાંનું રાચરચીલું તેમ જ અન્ય વસ્તુઓને લગતા વેપારધંધા તેમજ ઉદ્યોગો પણ અહીં વિકાસ પામ્યા છે.

અલંગમાં આવે છે અલગ-અલગ શિપ ભંગાવવા માટે

વર્ષ 2024ના શરૂઆતના 9 મહિના દરમિયાન કુલ 73 જહાજ અલંગનો કાંઠો અડકવામાં સફળ રહ્યા છે, અને તેનું કુલ વજન 537759.49 મે.ટન છે. સપ્ટેમ્બર માસ દરમિયાન અલંગમાં ફક્ત 6 જહાજ બીચ થયા છે, અને તેનું કુલ વજન 38,388 મે.ટન છે. સપ્ટેમ્બર-2023 દરમિયાન અલંગ ખાતે કુલ 12 શિપ બીચ થયા હતા અને તેનું કુલ વજન 65489.78 મેટ્રિક ટન હતુ.

ભાવનગરના અલંગમાં મહામંદીની વચ્ચે આશાનું કિરણ ઊગ્યું

શિપ બ્રેકીંગ વ્યવસાયમાં લાંબા ગાળા બાદ 11780 મેટ્રિક ટનનું ક્રુઝ શિપ ભંગાણ અર્થે આવ્યું છે, જેમાં 476 કેબીન અને 10 માળનું ક્રુઝ શિપ અલંગમાં આવ્યું છે, અલંગના પ્લોટ નંબર 15માં ક્રુઝને બીચ કરવામાં આવ્યું હતુ અને 1980માં બનેલ ક્રુઝ શિપ વાયકિંગ સાગાને બનાવવામાં આપ્યું હતું.

Bhavnagarના અલંગમાં સૌથી મોટું શિપ ભંગાવવા માટે આવ્યું

ભાવનગરના અલંગમાં શિપ ભંગાવવા માટે આવ્યું છે, 11780 મેટ્રિક ટનનું ક્રુઝ શિપ ભંગાણ અર્થે આવ્યું છે જેના કારણે વેપારીઓમાં પણ એક ખુશીનો માહોલ છે કેમકે અલંગમાં આવા મોટા શિપ ભંગાણ માટે આવતા હોય છે, વર્ષ 1980માં બનેલા ક્રુઝ શિપમાં 10 માળ, 476 કેબીન છે, શિપમાં 1400થી વધુ મુસાફર અને 300થી વધુ ક્રૂ મેમ્બરની ક્ષમતા છે.

બારડોલી ટાઉન પોલીસે નોંધી ફરિયાદ 

ગભરાયેલા અજય ભાઈ વાતમાં આવી ગયા હતા. જેથી ભેજાબાજો પૈકી એક ઈસમએ પોતે સીબીઆઈના ઇન્વેસ્ટિગેશન ઓફિસર રાજીવ ગુપ્તા તરીકે ઓળખ આપી હતી. અલગ અલગ રકમ રાજસ્થાન , ગુજરાતના ગોંડલ , એમપીની મંદસોર વિવિફહ બેંકના વિવિધ શાખામાં 61.30 લાખ આર ટી જી એસ કરાવ્યાં હતાં. આખરે વધુ  પૈસા નહિ થતાં પોતે ડિજિટલ એરેસ્ટ ભોગ બન્યા નું જણાયું હતું. અને તાત્કાલિક બારડોલી ટાઉન પોલીસમાં સમગ્ર મામલે ફરિયાદ આપતા પોલીસે વધુ કાર્યવાહી શરૂ કરી છે. અને લોકો ને પણ સાવચેત રહેવા અપીલ કરાઈ છે.

આરટીજીએસથી રકમ ટ્રાન્સફર કરાવી

ફ્રોડ અંગે ભેજાબાજ એ જાણ તો કરી પણ વોટ્સએપના માધ્યમથી અજય ભાઈના નામનો ધરરપકડ વોરંટ અને ખાતું ફ્રીઝ કરવાનો ઓર્ડર પણ મોકલી આપ્યો હતો. જેથી અજય ભાઈ ગભરાયા હતાં. વિડીયો કોલથી ત્રણ જેટલા ઈસમો વાત કરતા હતા. અને પાછળ મુંબઇ કોલાબા પોલીસ મથકનું દ્રશ્ય પણ ઉભું કરાયું હતું. જેથી અજય ભાઈને ફાડ પડી હતી. ભેજાબાજો એ અજય ભાઈને ડિજિટલ એરેસ્ટ બતાવી જામીન માટે સરકારી તિજોરી માં 50 લાખ જમા કરાવવા જણાવ્યું હતું. તમામ રકમ આરટીજીએસથી ચોવીસ કલાકમાં ટ્રાન્સફર કરવાનું જણાવ્યું હતું.

રાજ્ય સરકાર  ડિજિટલ એરેસ્ટ અંગે બચવા સાવધાન કરી રહી છે

એક બાજુ રાજ્ય સરકાર  ડિજિટલ એરેસ્ટ અંગે બચવા સાવધાન કરી રહી છે. ડિજિટલ એરેસ્ટ જેવું કશું ન હોવાનું અનેક વાર જાહેરાતો થકી જણાવ્યું. પણ અશિક્ષિતિ લોકો તો ઠીક પરંતુ શિક્ષિત લોકો જ વધુ ભોગ બની રહ્યા છે. આવો જ એક કિસ્સો સુરત જિલ્લાના સરદાર નગરી કહેવાતા બારડોલી પંથકમાં બનવા પામ્યો છે. ઘટના એ બની કે બારડોલીના તેન ચાણક્યપુરી  સોસાયટીમાં રેહત અને નિવૃત સરકારી કર્મચારી ડિજિટલ એરેસ્ટનો ભોગ બની ગયાં હતાં. અજાણ્યા નંબર ઉપરથી વિડીયો કોલ આવ્યો હતો. અને તેઓ મુંબઇમાં જેટ એર લાઇન્સમાં  600 કરોડનું ફ્રોડ થયું છે. જેમાં આ અજય ભાઈ  ચાવડાનો બેંક એકાઉન્ટનો ઉપયોગ થયાનું જણાવ્યું હતું. 

Suratના બારડોલીમાં ડિજિટલ એરેસ્ટ બનાવી નિવૃત કર્મચારી પાસે ભેજાબાજોએ 63 લાખ પડાવ્યા

સુરત જિલ્લાના બારડોલીના તેન ગામના રેહવાસી અને નિવૃત સરકારી કર્મચારી ડિજિટલ એરેસ્ટનો ભોગ બનતા ચકચાર મચી છે. મુંબઇની બેંકમાં ફ્રોડમાં પોતાનો ખાતા નંબર અને સિમ કાર્ડનો ઉપયોગ થયો હોવાનું  જણાવી ભેજાબાજાએ 63 લાખ ખંખેરી લીધા હતા. નિવૃત સરકારી કર્મચારીને  ડિજિટલ એરેસ્ટ બતાવી સીબીઆઇ ઓફિસરની ઓળખ પણ અપાઈ હતી.

ચોમાસા સાથે ભયંકર ચક્રવાત 'શક્તિ'ની થશે એન્ટ્રી!

16 થી 18 મેના રોજ આંદામાન સમુદ્ર પર ચક્રવાતી પરિભ્રમણ બનશે, 22 મે સુધીમાં ઓછા દબાણવાળા ક્ષેત્રમાં ફેરવાઈ શકે, આ સિસ્ટમ 23 થી 28 મે વચ્ચે ચક્રવાત શક્તિને સક્રિય કરી શકે, ઓડિશા, પશ્ચિમ બંગાળ તેમજ બાંગ્લાદેશમાં ખુલના અને ચિત્તાગોંગના દરિયાકાંઠાને કરશે અસર.

વડોદરામાં ફૂડ સેફ્ટી ઓફિસરોએ તપાસ કરી હતી

જેના આધારે ફૂડ સેફ્ટી ઓફિસરોએ તપાસ કરી હતી. જેમાં ૯ પૈકી ૪ લારીઓનું રજિસ્ટ્રેશન ન હોવાથી બંધ કરાવી હતી. તેમજ ફુટના બેપથારા અને ૩ લારીઓની હાઈજનિક કંડીશન સારી ન હોવાથી પગલાં લીધા હતા. આ સિવાય ૨૨ દુકાનો ચેક કરાઈ હતી. જેમાં ૩ દુકાનો લાયસન્સ કેટેગરીમાં આવતી હતી, પરંતુ વેપારીઓએ રજિસ્ટ્રેશન જ કરાવ્યું ન હતું. તેવી જ રીતે બે દુકાનદારો પાસે લાયસન્સ જ ન હતા. જેથી પાંચ દુકાનો બંધ કરાવી હતી. જે બાદ ફૂડ સેફ્ટી ઓફિસરોએ ૧૪૦ લીટર પાણીપુરીનું પાણી અને ૭ કિલો પાઉભાજીના મસાલાનો નાશ કર્યો હતો.

140 લીટર પાણીપૂરીનું પાણી અને ૭ કિલો પાઉંભાજીના મસાલાનો નાશ કરાયો 

સમતા વિસ્તારમાં કૃણાલ ચાર રસ્તા પાસે VMCના પ્લોટમાં ધમધમતા ખાણી - પીણીના બજારમાં ખોરાક શાખાની ટીમે તપાસ કરી ૧૪૦ લીટર પાણીપુરીનું પાણી અને ૭ કિલો પાઉભાજીના મસાલાનો નાશ કર્યો હતો. તેમજ સાત લારી અને પાંચ દુકાનો બંધ કરાવી હતી. કૃણાલ ચાર રસ્તા પાસે ટીપી કપાતમાં VMCને મળેલા અનામત પ્લોટમાં ખાણી-પીણીનું બજાર ઉભું કરી દેવામાં આવ્યું છે. જેમાં ખાદ્ય પદાર્થોની ગુણવત્તા જળવાતી ન હોવાનું તેમજ લાયસન્સ વગર કેટલીક લારી અને દુકાનો ચાલતી હોવાની ફરિયાદ મ્યુનિ. કોર્પોરેશનની ખોરાક શાખાને મળી હતી. 

Vadodaraમાં ગ્રાહકની ફરિયાદ બાદ ફરસાણની દુકાન બંધ,  મીઠાઈમાં નીકળી હતી ફંગશ  

વડોદરામાં ગ્રાહકની ફરિયાદ બાદ ફરસાણની દુકાન બંધ કરાવી દેવામાં આવી છે, લક્ષ્મી ફરસાણમાંથી ખરીદેલ મીઠાઈમાં ફંગશ નીકળી હતી, અને તંત્રની નોટિસ બાદ પણ દુકાનદાર વસ્તુઓનું વેચાણ કરતો હોવાથી દુકાન બંધ કરી દેવામાં આવી છે, તંત્રએ લીધેલા મીઠાઈના નમૂના પણ અનસેફ આવ્યા હતા અને ગ્રાહકે અધિકારીને સાથે રાખી દુકાન બંધ કરાવી હોવાની વાત સામે આવી છે.

ગોંડલ તાલુકાના ભુણાવા ગામે કમોસમી વરસાદ ખાબક્યો હતો 

જ્યારે મોરબી જિલ્લાના ટંકારા તાલુકામાં સમી સાંજે વરસાદ વરસ્યો હતો. ટંકારાની આજુબાજુના ખીજડીયા, લજાઈ, નેસડા સુરજી સહિતના ગ્રામ્ય વિસ્તારોમાં વરસાદ પડ્યો. લઈજા ચોકડી પાસે ભારે પવન સાથે કમોસમી વરસાદ પડ્યો હતો. રાજકોટમાં એક કલાકમાં જ ધોધમાર વરસાદ વરસતા સદરબજારમાં વોકળાનું કામ ચાલી રહ્યું હોય પાણીનો નિકાલ ન થતા નીચાણવાળા વિસ્તારમાં રહેતા લોકોના ઘરની અંદર પાણી ઘુસી ગયા હતા અને ઘરવખરીને નુકસાન થયું હતું.

રાજકોટના પશ્ચિમી વિસ્તારમાં ભરાયા વરસાદી પાણી  

દિવસભર ઉકળાટ બાદ બપોર પછી રાજકોટ શહેરમાં અચાનક હવામાનનો મિજાજ બદલાયો હતો. શહેરમાં પવન સાથે ૪૫ મિનીટ સુધી કમોસમી વરસાદે તોફાની બેટીંગ કરતા દોઢ ઈંચ વરસાદમાં સદર બજીરમાં આવેલ ગંચશીયાડમાં અનેક ઘરમાં પાણી ઘુસી ગયા હતા, સદર જાવાડ અને બિલવાસના અનેક મકાનોમાં ગંદા પાણી ઘુસ્યા હતા. પોપટપરા નાળુ છલકાઈ ગયુ હતુ.45 મિનિટ સુધી વરસાદ વરસતા પશ્ચિમ વિસ્તારમાં વરસાદી પાણી સૌથી વધારે ભરાયા હોવાની વાત સામે આવી છે.

Rajkotમાં 45 મિનિટમાં દોઢ ઈંચ વરસાદ, લોકોના ઘરમાં ઘુસી ગયા પાણી

રાજકોટમાં કમોસમી વરસાદથી લોકોને હાલાકી પડી રહી છે, કમોસમી વરસાદે મનપાના મોન્સૂન પ્લાનની પોલ ખોલી દીધી છે, પાણી દૂર થતા કાદવ - કીચડ પણ ઘરની અંદર આવી ગયા છે, ગવળીવાડ સહિતના વિસ્તારોમાં વરસાદી પાણી ભરાયા છે જેના કારણે લોકોની સ્થિતિ કફોડી બની ગઈ છે, વોકળો તૂટી જતા પાણી નિકાલની ભયંકર સમસ્યા સર્જાઈ છે.

અમદાવાદમાં ચોમાસા દરમિયાન લોકોને ભારે હાલાકી ભોગવવાની છે એ નક્કી છે

ત્યારે આ વખતે ઘણી જગ્યાએ 1 કલાક જેટલો સમય પાણી ભરાઈ રહેશે પરંતુ આ 36 સ્થળો તો એવા છે કે જેમાં કલાકો સુધી પાણીનો ભરાવો રહેશે, હાલ તંત્ર દ્વારા શહેરની 62 હજારથી વધારે કેચપીટ સફાઈ કરવાની શરૂઆત કરી દીધી છે, સામાન્ય રીતે તંત્ર દાવા કરતુ હોય છે કે ચોમાસા દરમિયાન લોકોને ઓછી હાલાકી પડે તેના માટે કામગીરી કરવામાં આવશે પરંતુ આ વખતે ચોમાસા દરમિયાન લોકોને ભારે હાલાકી ભોગવવાની છે એ નક્કી છે.

તંત્રએ મોટો ખર્ચો કર્યો પણ કામગીરી નિષ્ફળ !

આ તમામ વિસ્તારમાં જે કામગીરી ચાલી રહી છે તેની પાછળ તંત્ર અંદાજે 800 કરોડનો ખર્ચ કરશે, ગત ચોમાસાની વાત કરીએ તો મનપા દ્વારા સર્વે કરવામાં આવ્યો હતો  જેમાં સામે આવ્યું હતું કે 130 જેટલા સ્થળ એવા છે જેમાં પાણી ભરાશે. જેના નિકાલ માટે તંત્ર દ્વારા મહેનત કરવામાં આવી હતી, પરંતુ તેમ છતાં અડધું અમદાવાદ પાણીમાં હોય તેવી સ્થિતિ થઇ હતી. 

ચોમાસામાં અડધા અમદાવાદામાં પાણી ભરાવાનું નક્કી

અમદાવાદ શહેરમાં જ્યાં જુઓ ત્યાં ખાડા જ ખાડા દેખાઈ રહ્યા છે આમ તો ડ્રેનેજ હોય સ્ટ્રોમ વોટર હોય કે પછી વોટર સપ્લાય લાઈનની કામગીરી હોય તે ચોમાસા પહેલા પૂર્ણ કરી લેવાની હોય છે પરંતુ ચાલુ વર્ષ 36 સ્થળ એવા છે જેમાં હજી પણ કામગીરી ચાલી રહી છે અને તંત્ર ખુદ સ્વીકારી રહ્યું છે કે આગામી દોઢ થી બે વર્ષ સુધી આ કામગીરી ચાલશે, આ તમામ વિસ્તારની વાત કરીએ તો તેમાં થલતેજ બોપલ ઘુમા,રોપડા તળાવ મક્તમપુરા તળાવ મકરબા તળાવ બેદાર તળાવ જુહાપુરા અંબર ટાવર ,ફતેવાડી , ફુજીલ પાર્ક ,પાલડી , માણેકબાગ ,ચાણક્ય હોલ સાબરમતી રાણીપ શાહીબાગ નિકોલ રામોલ હાથીજણ, સરસપુર ઇન્ડિયા કોલોની નારણપુરા રખિયાલ નરોડા વસ્ત્રાલ દાણીલીમડા ઈસનપુર સહિતના વિસ્તારનો સમાવેશ થાય છે,એટલે કે જે રીતે તંત્ર વિસ્તાર કહી રહ્યું છે મતલબ કે અડધા અમદાવાદમાં પાણી ભરાશે એ નક્કી છે.

Ahmedabad કોર્પોરેશને કર્યુ બુદ્ધીનું પ્રર્દશન, કહ્યું, 36 સ્થળોએ ચોમાસામાં પાણી તો ભરાશે જ 

અમદાવાદ શહેરમાં ચોમાસુ આવે અને લોકો પરેશાન ના થાય ત એવું શક્ય જ નથી, લોકોને પારાવાર મુશ્કેલીનો સામનો કરવો પડે છે આ વખતે તો તંત્ર જ કહી રહ્યું છે કે 36 સ્થળ એવા છે કે જેમાં પાણી તો ભરાશે જ, હાલમાં આ તમામ જગ્યાઓ પર કામગીરી ચાલી રહી છે અને તે આશરે 2 વર્ષ ચાલશે એટલે કે એ લોકોને તો વેઠવાનો વારો આવશે જ.

તા.પં.ની ચૂંટણીમાં આરોપીના પિતાની હાર થઈ હતી 

રાજેન્દ્રસિંહ અગાઉ ભાજપમાં હતાં. ગત વિધાનસભાની ચૂંટણીમાં પક્ષ વિરુદ્ધ કામ કરતા તેમને જાકારો મળ્યો અને તેઓ કોંગ્રેસમાં જોડાયા હતાં. ત્યારબાદ રાજેન્દ્રસિંહ ગોહીલ વડોદરા તાલુકા પંચાયતની ચૂંટણી નંદેસરી બેઠક પરથી લડયા હતાં. આ ચૂંટણીમાં તેમની હાર થઈ હતી. રાજેન્દ્રસિંહના પિતા મંગળસિંહ ધારાસભ્ય રહી ચુકેલા છે. 

એટ્રોસિટી એકટ હેઠળ નોંધાઈ શકે છે ગુનો

અનિરૂદ્ધ ગોહીલે યુવતી સાથે નંદેસરી સહિત બીજા કેટલાક સ્થળે શારીરિક સંબંધ બાંધ્યો હતો. દરમિયાન ભોગ બનનાર યુવતીને પોલીસે એટ્રોસિટીની કલમ ઉમેરવા માટે કોર્ટમાં રિપોર્ટ કર્યો છે, નંદેસરીમાં નોંધાયેલ દુષ્કર્મની ફરિયાદમાં એટ્રોસિટીની કલમ ઉમેરવા માટે પોલીસ દ્વારા કોર્ટમાં રિપોર્ટ કરાયો હોવાનું જાણવા મળ્યું છે. કોર્ટની મંજૂરી બાદ પોલીસ આ ગુનામાં એટ્રોસિટીનો પણ ઉમેરો કરશે. બીજી તરફ, આ ગુનામાં બીજા કોઇ વ્યક્તિની સંડોવણી છે કે કેમ ? તે દિશામાં પણ પોલીસ તપાસ કરી રહી છે. 

પીડિતા સાથે દોઢેક વર્ષથી સંબંધ હતો આરોપી

નંદેસરીમાં ૨૧ વર્ષની પરપ્રાંતીય વિદ્યાર્થિની સાથે તાલુકા પંચાયતના પૂર્વ ઉપ પ્રમુખ રાજેન્દ્રસિંહ ગોહીલના પુત્ર અનિરૂદ્ધે દુષ્કર્મ કર્યું હોવાની પોલીસ ફરિયાદ ગત રાતે નોંધાઈ હતી. આ મામલે પોલીસસ પીડિતાનું સયાજી હોસ્પિટલમાં મેડિકલ ચેકઅપ કરાવી તપાસ શરૂ કરી છે. શહેર નજીક બાજવા વિસ્તારમાં રહેતી ૨૧ વર્ષની પરપ્રાંતીય યુવતી ધો.૧૨ ભણેલી છે. વડોદરા તાલુકા પંચાયતના પૂર્વ ઉપ પ્રમુખ રાજેન્દ્રસિંહ ગોહીલના પુત્ર અનિરૂદ્ધસિંહ અને યુવતી વચ્ચે લગભગ દોઢેક વર્ષથી પ્રેમ સંબંધ હતો. 

Vadodaraમાં કોંગ્રેસ નેતાના પુત્રએ આચર્યુ દુષ્કર્મ, યુવતીને ગર્ભ રહેતા ભાંડો ફૂટયો

વડોદરામાં કોંગ્રેસ નેતાના પુત્ર સામે દુષ્કર્મની ફરિયાદ નોંધાઈ છે, રાજેન્દ્રસિંહ ગોહિલના પુત્ર અનિરુદ્ધસિંહ સામે ફરિયાદ નોંધાઈ છે જેમાં યુવતીને વારંવાર હોટલમાં લઈ જઈ દુષ્કર્મ આચર્યું હોવાની વાત સામે આવી છે, 21 વર્ષની યુવતીને ગર્ભ રહી જતા ગર્ભપાત પણ કરાવ્યું છે, નંદેસરી પોલીસ મથકમાં યુવતીએ ફરિયાદ નોંધાઈ છે તો  ફરિયાદના આધારે નંદેસરી પોલીસે તપાસ હાથ ધરી છે.

કોર્ટે શિક્ષિકાના ગર્ભપાતની મંજૂરી આપવામાં આવી હતી

ગાયનેક ડોક્ટરના રિપોર્ટ બાદ કોર્ટે શિક્ષિકાના ગર્ભપાતની મંજૂરી આપવામાં આવી હતી. ગુરુવારે લાજપોર જેલમાંથી શિક્ષિકાને પોલીસ દ્વારા સ્મીમેર હોસ્પિટલમાં દાખલ કરવામાં આવી હતી. ત્યારબાદ તેનો માનસિક અને શારીરિક રિપોર્ટ કરવામાં આવ્યો હતો. જેમાં તે ફિટ જણાતા મિની ડિલિવરી થકી ગર્ભપાત કરવામાં આવ્યો હતો. ભ્રૂણને કેમિકલની થેલીમાં પેક કરીને પુણા પોલીસને સોંપવામાં આવ્યું છે. પોલીસ દ્વારા આ ભૂણનું ડીએનએ સગીર સાથે મેચ કરવામાં આવશે. જેથી FSLમાં ભૂણ મોકલી આપવામાં આવ્યું છે. હાલ શિક્ષિકાની સ્થિતિ સામાન્ય હોવાથી અંદાજે બે દિવસમાં તેને હોસ્પિટલમાંથી રજા આપવામાં આવશે.

૧૩ વર્ષના વિદ્યાર્થીને લઈને ૨૩ વર્ષની શિક્ષિકા ભાગી ગઈ હતી

જેને રાજસ્થાન બોર્ડર પરથી પોલીસ દ્વારા પકડી પાડવામાં આવી હતી. ત્યારબાદ વિદ્યાર્થી સાથે શરીર સંબંધ બાંધ્યા હોવાની જાણ થતા પોકસોની કલમ હેઠળ શિક્ષિકાની ધરપકડ કરવામાં આવી હતી. ત્યારબાદ શિક્ષિકાની મેડિકલ તપાસ કરવામાં આવતા તેને ૨૦ અઠવાડિયાનો ગર્ભ હોવાનો ચોંકાવનારો ખુલાસો થયો હતો. શિક્ષિકાના એક દિવસના રિમાન્ડ બાદ જેલમાં જ્યુડિશિયલ કસ્ટડીમાં મોકલી આપવામાં આવી હતી. ત્યારબાદ શિક્ષિકાએ વકીલ દ્વારા ગર્ભપાત કરાવવાની કોર્ટમાં અરજી કરવામાં આવી હતી. 

Suratમાં ગર્ભવતી શિક્ષિકાનો કેસ,  ભ્રૂણને ગર્ભપાત બાદ તપાસ માટે એફએસએલમાં મોકલાયું

પુણામાં ગર્ભવતી બનેલી શિક્ષિકાએ ગર્ભપાત માટે કરેલી અરજીને કોર્ટે મંજૂર કરી હતી. જે અંતર્ગત લાજપોર જેલમાંથી શિક્ષિકાનો કબજો મેળવીને સ્મીમેર હોસ્પિટલમાં દાખલ કરાઈ હતી. જ્યાં શિક્ષિકાનો ગર્ભપાત કરાયો હતો અને સગીરથી શિક્ષિકા ગર્ભવતી થઈ કે નહીં તે જાણવા માટે ભૂણને FSLમાં મોકલવામાં આવ્યું હતું. 

રાજકોટ શહેરમાં ઉનાળો આવતા પહેલા જ પાણીની મોકાણ શરૂ થઈ જતી હોય છે

ચાલુ વર્ષે જળાશયો ભરેલા છેઅને સૌની યોજનાથી ફરી તેમાં પાણી ઠલવાયું છે છતા શહેરીજનોની પ્યાસ બૂઝાવવામાં મહાપાલિકા સફળ થતી નથી. દરરોજ 20 મિનિટ પાણી વિતરણ થાય છે આમ છતા પાણીના પ્રશ્ને શહેરીજનોને કાયમી અસંતોષ રહે છે જેની પાછળનું કારણ પાણી ચોરી અને ભૂતિયા કનેકશન છે. ચાલુ વર્ષે પાણી ચોરી સામે વ્યાપક ફરિયાદો આવતા મહાપાલિકાએ ગત તા.20થી પાણી ચોરી સામે ઝૂંબેશ હાથ ધરીને અત્યાર સુધીમાં 241 સ્થળથી ડાયરેકટ પાણી ચોરી ઝડપી લઈને પાણી ચોરી કરનારના સાધનો જપ્ત કરવા ઉપરાંત રૂ.2.38 લાખનો દંડ પણ વસૂલ્યાની વિગતો પ્રાપ્ત થાય છે.

ગત ચોમાસામાં તમામ જળાશયો છલકાયા છતાં સ્થિતિ વણસી

ગત ચોમાસામાં રાજકોટમાં સૌથી વધારે વરસાદ નોંધાયો હતો અને ડેમ છલકાઈ ગયા હતા તેમ છત્તા પાણીની માગમાં વધારો કરવામાં આવ્યો છે, શહેરનો વ્યાપ વધતા પાણીની માગમાં પણ વધારો થયો છે, રાજકોટ શહેરનાં વોર્ડ નંબર 1,8,9,10,11 સહિતનાં વોર્ડમાં ડીઆઈ પાઈપલાઈનની કામગીરી ચાલી રહી છે. આ પૈકી જ્યાં કામગીરી પૂર્ણ થાય ત્યાં નવી લાઈનમાંથી પાણીના કનેક્શન અપાઈ રહ્યા છે. જેમાં નવા કનેક્શન માટે વેરાની પહોંચ ફરજીયાત માંગવામાં આવી રહી છે.

Rajkot કોર્પોરેશન પાસે સરકારે પાણી બિલના 193 કરોડ ઉઘરાવ્યા, પાણીની માગમાં સતત વધારો

RMC પાસે સરકારે પાણી બિલના 193 કરોડ ઉઘરાવ્યા છે, જૂનમાં સૌની યોજના હેઠળ સરકાર પાસે પાણીની માગ કરાઈ હતી તો આજી, ન્યારી ડેમમાં જૂનના અંત સુધીનો પાણીનો જથ્થો રહ્યો હોવાની વાત સામે આવી છે, ચોમાસા પહેલા પાણી માટે ડેમ ભરવા પડે તેવી સ્થિતિનું નિર્માણ થયું છે તો ચાલુ વર્ષે સૌની યોજનામાંથી પાણી ઠાલવવામાં આવ્યું છે. 

ભારતની એર ડિફેન્સ સીસ્ટમે પાકિસ્તાનની યોજનાઓને નિષ્ફળ બનાવી

ભારત અને પાકિસ્તાન વચ્ચેના સૈન્ય તણાવ દરમિયાન પાકિસ્તાની સેનાએ ડ્રોનની મદદથી ભુજના એરબેઝને નિશાન બનાવવાનો પ્રયાસ કર્યો હતો. જોકે, ભારતની એર ડિફેન્સ સિસ્ટમની મદદથી પાકિસ્તાનના ડ્રોન હુમલાઓ સતત નાકામયાબ થયા હતા. તો ભુજના એરબેઝ અને પાસેના નાગોર ગામ તથા નલિયા એરબેઝ પર પણ ડ્રોન વડે હુમલો કરવાનો પ્રયત્ન કર્યો હતો પરંતુ ભારતની એર ડિફેન્સ સીસ્ટમે પાકિસ્તાનની યોજનાઓને નિષ્ફળ બનાવી હતી. ભારતીય વાયુસેનાએ પાકિસ્તાનનાં ડ્રોન-મિસાઇલ અને આતંકી ઠેકાણાઓ પર ઓપરેશન સિંદૂરમાં એર સ્ટ્રાઇક કરીને મુહતોડ જવાબ આપ્યો હતો. આવતીકાલે રક્ષામંત્રી રાજનાથ સિંહ ભુજ આવશે અને ભુજ એરબેઝ ખાતે જવાનો મળી સેનાનું મનોબળ વધારશે..

રાજનાથ સિંહ કચ્છની ભારત-પાકિસ્તાન સરહદની લેશે મુલાકાત

રાજનાથસિંહ 16 અને 17 મેના રોજ ભુજ સ્થિત એરબેઝની મુલાકાત લેશે અને જવાનો સાથે વાતચીત કરશે. રક્ષામંત્રીની મુલાકાત દરમિયાન વેસ્ટર્ન એર કમાન્ડના વડા પણ હાજર રહેશે. રાજનાથસિંહ કચ્છની ભારત-પાકિસ્તાન સરહદની મુલાકાત લેશે તો સાથે જ એરફોર્સ, બીએસએફ અને આર્મીના અધિકારીઓને મળીને પણ ચર્ચા વિચારણા કરી શકે તેવી શક્યતા છે. કચ્છમાં જે આંતરરાષ્ટ્રીય સરહદ છે તેની મુલાકાત તથા ક્રીક વિસ્તારની મુલાકાત લઈને સુરક્ષાની પણ સમીક્ષા તેઓ કરી શકે છે.

Kutch : ઓપરેશન સિંદૂર બાદ  રક્ષામંત્રી રાજનાથસિંહ આજથી બે દિવસ ગુજરાતના પ્રવાસે 

ઓપરેશન સિંદૂર બાદ રક્ષામંત્રી રાજનાથસિંહ આજથી બે દિવસ ગુજરાતના પ્રવાસે છે, ત્યારે સવારે 11.30 કલાકે સવારે રાજનાથસિંહ ભુજ આવશે અને સેનાના જવાનોને મળશે, આજે 16 અને આવતીકાલે 17 તારીખે એમ બે દિવસીય પ્રવાસે રાજનાથસિંહ ગુજરાતમાં આવી રહ્યાં છે, અને રક્ષામંત્રી સેનાના જવાનોનું મનોબળ વધારશે. તેમની સંભવિત મુલાકાત નલિયા એરબેઝ ખાતે પણ હોઈ શકે છે. આ મુલાકાત દરમિયાન રક્ષામંત્રી જવાનોને મળશે અને સાથે સરહદ પરની સુરક્ષા અંગે સમીક્ષા પણ કરશે.

કેન્દ્રીય ગૃહમંત્રી અમિત શાહ ગુજરાત આવશે

17 અને 18 મેના બે દિવસીય ગુજરાત પ્રવાશે, 17મે એ અમિત શાહ ગાંધીનગરના પ્રવાસે જશે, ગાંધીનગરના કોલવડામાં સંબોધશે જાહેર સભા ગાંધીનગર, પેથાપુરમાં વિકાસકાર્યોનું કરશે લોકાર્પણ, વાવોલ, કોલવડામાં વિકાસકાર્યોનું કરશે લોકાર્પણ, 18મે એ અમદાવાદમાં પલ્લવ બ્રિજને ખુલ્લો મુકશે, 117 કરોડના ખર્ચે બનાવાયો છે પલ્લવ બ્રિજ, દોઢ લાખ લોકોને ટ્રાફિકમાંથી મળશે.

ઈડરિયા ગઢના પહાડો પર ફરી દીપડો દેખાયો

રહેણાંક વિસ્તાર નજીક દીપડો દેખાતા લોકોમાં ભય, દીપડાનો વીડિયો સોશિયલ મીડિયામાં વાયરલ, અગાઉ શિકારીઓએ 2 દીપડાનો શિકાર કર્યો હતો, વન વિભાગ શિકારીઓ સામે પગલા લે તેવી માંગ.

બે દિવસ અગાઉ મુળીમાં પણ મામલતદારે રેડ કરી હતી 

મુળી તાલુકાના ઉમરડા ગામની સીમમાં ચોટીલા પ્રાંત અધિકારી તેમજ મળી મામલતદાર સહિતની સંયુક્ત ટીમે દરોડો પાડી ગેરકાયદે કાર્બોસેલનું ખનન ઝડપી પાડયું હતું. તંત્રની ટીમોએ ૧૫ કૂવા, ૭ ચરખી, ૩૦૦ ટન કાર્બોસેલ સહિત રૂા.૧૨ લાખનો મુદ્દામાલ જપ્ત કરી રાતભર કાર્યવાહી કરી અંદાજે ૨૦૦થી વધુુ પરપ્રાંતિય શ્રમિકોને સમજાવી વતન મોકલાયા હતા. જ્યારે ભેટ ગામેની સીમમાંથી અલગ-અલગ જગ્યાએથી દરોડો પાડી ૧૦૦ મેટ્રીક ટન ગેરકાયદે કાર્બોસેલ સહિત રૂા.૭ લાખનો મુદ્દામાલ કબજે કરવામાં આવ્યો હતો.

થાનગઢના ખાખરાવાળી ગામે કરાઈ રેડ

સુરેન્દ્રનગરમાં સૌથી વધારે ખનનો ધંધો થાય છે જેમાં રેતીથી લઈ કાર્બોસેલ સુધીનું ખનન કરવામાં આવે છે, અધિકારીઓ દ્વારા વારંવાર રેડ કરવામાં આવે છે તેમ છત્તા જે લોકો ખનનો ધંધો કરે છે તે લોકો સુધરવાનું નામ લેતા નથી અમુક વેપારીઓ એવા પણ છે કે જેમની પાસે સરકારી લાયસન્સ છે અને ખનન કરે છે, ત્યારે બિનકાયદેસર કાર્બોસેલ ના ખનન પર રેડ કરાતા ત્યાં રહેલા લોકોમાં દોડધામ મચી હતી અને પ્રાંચ અધિકારી દ્રારા કાયદેસરની કાર્યવાહી હાથધરાઈ હતી.

Surendranagarના થાનગઢમાં ગેરકાયદે કાર્બોસેલ ખનન પર દરોડા, 50 લાખનો મુદ્દામાલ જપ્ત 

સુરેન્દ્રનગરના થાનગઢમાં ગેરકાયદે કાર્બોસેલ ખનન પર દરોડા કરવામાં આવ્યા છે જેમાં ખાખરાવાળી ગામે પ્રાંત અધિકારીની મોડી રાત્રે રેડ કરી હતી જેમાં આ જથ્થો જપ્ત કરવામાં આવ્યો છે, રેડ દરમિયાન 35 ટન કાર્બોસેલનો જથ્થો જપ્ત કરવામાં આવ્યો છે, ટ્રેકટર, ચરખી સહિત 50 લાખનો મુદ્દામાલ ઝડપાયો છે. અધિકારીને બાતમી મળી હતી અને તેના આધારે કાર્યવાહી કરાઈ છે.

દિલ્હી-એનસીઆરમાં ફરી એકવાર કાળઝાળ ગરમી શરૂ થઈ ગઈ છે

દિલ્હી-એનસીઆરમાં ફરી એકવાર કાળઝાળ ગરમી શરૂ થઈ ગઈ છે. આજે પણ હવામાન ગરમ રહેશે. હવામાન વિભાગે આગાહી કરી છે કે આજે દિલ્હીમાં મહત્તમ અને લઘુત્તમ તાપમાન અનુક્રમે 39 અને 26 ડિગ્રી સેલ્સિયસ રહી શકે છે. દિવસ દરમિયાન સપાટી પર ભારે પવન ફૂંકાઈ શકે છે. આવતીકાલથી 17 મે સુધી રાજ્યમાં આંશિક વાદળછાયું વાતાવરણ રહી શકે છે. 25 મે સુધી દિલ્હી-એનસીઆરમાં વરસાદની કોઈ શક્યતા નથી. 

દેશના વિવિધ મેદાની વિસ્તારોમાં ભયંકર ગરમી તબાહી મચાવી રહી છે

દેશના વિવિધ મેદાની વિસ્તારોમાં ભયંકર ગરમી તબાહી મચાવી રહી છે. જોકે, વચ્ચે તોફાન અને વરસાદ પડી રહ્યો છે, જેના કારણે લોકોને રાહત મળી રહી છે. પર્વતો પર વરસાદ પડી રહ્યો છે. મે મહિનામાં પણ હિમાચલ પ્રદેશમાં ઠંડીનો અનુભવ થઈ રહ્યો છે. અહીં ઊંચાઈવાળા પર્વતીય વિસ્તારોમાં બરફ પડી રહ્યો છે.

જાણો કયાં પડી શકે છે વરસાદ

હવામાન વિભાગની આગાહી પ્રમાણે વાત કરવામાં આવે તો કચ્છ, જૂનાગઢ, રાજકોટ, પોરબંદર, ગીર સોમનાથ, અમરેલી, ભાવનગર, બોટાદ, મધ્ય અને દક્ષિણ ગુજરાત, વડોદરા, છોટા ઉદેપુર, ભરુચ, સુરત, તાપી, ડાંગ, વલસાડમાં વરસાદની આગાહી કરવામા આવી છે, દરિયા કાંઠાના વિસ્તારમાં ભારે પવન ફૂંકાઇ શકે છે તેમજ 40-50 કિ.મી પ્રતિ કલાકની ઝડપે પવન ફૂંકાઇ શકે તેવી આગાહી કરવામાં આવી છે, કેટલાક વિસ્તારમાં તાપમાનમાં 3-5 ડિગ્રીનો વધારો થશે તેવી પણ આગાહી કરવામાં આવી છે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો રાજકોટમાં સૌથી વધુ 41.4 ડિગ્રી તાપમાન નોંધાયું છે, અમદાવાદમાં 38.8 ડિગ્રી, ગાંધીનગર 38.5 ડિગ્રી, ડીસામાં 38.8 ડિગ્રી, વડોદરામાં 38.3 ડિગ્રી, ભુજમાં 38.9 ડિગ્રી, કંડલામાં 41 ડિગ્રી, અમરેલીમાં 39.3 ડિગ્રી, ભાવનગરમાં 38.4 ડિગ્રી, સુરેન્દ્રનગરમાં 41 ડિગ્રી, કેશોદમાં 36 ડિગ્રી તાપમાન નોંધાયું છે.

Weather : ગુજરાતમાં આજથી ગરમીનું પ્રમાણ વધશે, ત્રણ જિલ્લાનું તાપમાન 40 ડિગ્રીને પાર

આજથી રાજ્યમાં ગરમીનો પ્રકોપ વધશે તેવી આગાહી હવામાન વિભાગ દ્વારા વ્યકત કરવામાં આવી છે, મોટાભાગના જિલ્લાઓમાં તાપમાન ઊંચકાશે તેવી આગાહી કરવામાં આવી છે, વરસાદી સિસ્ટમની અસરો ઘટતા ગરમી વધશે તો બીજી તરફ ત્રણ જિલ્લાનું તાપમાન 40 ડિગ્રીને પાર પહોંચ્યું છે.

અમદાવાદમાં બહારનું ખાતા પહેલા ચેતજો

ગ્વાલિયા સ્વીટ્સના છોલેમાંથી નીકળ્યા વંદા, પ્રહલાદ નગરમાં આવેલી છે ગ્વાલિયા સ્વીટ્સ, છોલેમાંથી એક નહીં પણ બે વંદા નીકળ્યા, ગ્રાહકે ઓનલાઇન એપથી મંગાવ્યું હતું ફૂડ, સરખેજના પરિવારને થયો કડવો અનુભવ.

આણંદના ઓડ પાસે અકસ્માતમાં એકનું મોત

ડમ્પરે ટેમ્પોને ટક્કર મારતા ગમખ્વાર અકસ્માત, કોલેજ રોડ પાસે અકસ્માતમાં એકનું મોત, બે ઘાયલ, બે ઘાયલોને સારવાર અર્થે હોસ્પિટલ ખસેડાયા, બેફામ દોડતા ડમ્પરોને લઈ સ્થાનિકોમાં રોષ, અકસ્માત બાદ ગ્રામજનોને ડમ્પરને આગ ચાંપી, પોલીસની હાજરીમાં જ ગ્રામજનો વિફર્યા, ઉમરેઠ ફાયર ટીમે આગને કાબૂમાં લીધી.

ભાગેડુ નીરવ મોદીને મોટો ઝટકો

નીરવ મોદીની જામીન અરજી ફગાવાઈ, લંડનની કોર્ટે જામીન અરજી ફગાવી, ભારતે નીરવ મોદીને ભાગેડુ જાહેર કર્યો છે.

રાજકોટના વાગુદડ ગામમાં કૂવામાં પડતા મોત

ખુલ્લા કૂવામાં પડવાથી 18 વર્ષીય યુવકનું મોત, ફાયર વિભાગે ખુલ્લા કૂવામાંથી મૃતદેહ બહાર કાઢ્યો, મૃતદેહને પોસ્ટમોર્ટમ માટે હોસ્પિટલ લઈ જવાયો, સમગ્ર મામલે પોલીસે વધુ તપાસ હાથ ધરી.

આજે રક્ષામંત્રી રાજનાથસિંહ ભુજ આવશે

સવારે 11:30 કલાકે રાજનાથસિંહ ભુજ પહોંચશે, ઓપરેશન સિંદૂર બાદ સેનાનાં જવાનોને મળશે, રક્ષામંત્રી સેનાના જવાનોનું મનોબળ વધારશે.