છોટા ઉદેપુરમાં ઓરસંગ નદીનો આડબંધ ઓવરફ્લો

Hyderabadના શમશાબાદમાં એરપોર્ટ પર ઉડાન પહેલા એર ઈન્ડિયાના વિમાનમાં ખામી દેખાઈ

અમદાવાદમાં થોડા દિવસો પહેલા એરપોર્ટ પરથી ટેક ઓફ થયાની ગણતરીની મીનિટોમાં એર ઈન્ડિયાનું વિમાન ક્રેશ થયું હતું. આ ઘટનામાં 270 જેટલા લોકોના મોત થયા હતાં. જેમના મૃતદેહોની ઓળખ માટે DNA મેચિંગની કામગીરી ચાલી રહી છે. ઘણા લોકોને મૃતકોના મૃતદેહો આપી દેવાયા છે. આ ઘટના હજી શાંત નથી થઈ ત્યાં હૈદરાબાદમાં શમશાબાદમાં રાજીવ ગાંધી ઈન્ટરનેશનલ એરપોર્ટ પર વિમાન દુર્ઘટના થતાં રહી ગઈ છે. એર ઈન્ડિયાના વિમાનમાં ઉડાન પહેલા જ ખામી દેખાતા તેને રન વે પર રોકી દેવાયું હતું. 

વડોદરાના વાઘોડિયામાં ભારે પવન સાથે વરસાદ ખાબક્યો

વડોદરાના વાઘોડિયામાં ભારે પવન સાથે વરસાદ થયો છે. ખંધા, માળોધર, તવરા, વેજલપુર, સાંગાડોલ, લીમડા સહિતના ગામોમાં વરસાદ ખાબક્યો છે. વરસાદ વરસતા વાતાવરણમાં ઠંડક પ્રસરી છે. ખેતી લાયક વરસાદ વરસતા ખેડૂતોમાં પણ ખુશી જોવા મળી છે. 

Ahmedabad: CTMમાં બે ગઠિયાઓએ અકસ્માતના બહાને કાર ચાલકને રોક્યો, 15 લાખ લઈ ફરાર

અમદાવાદમાં ચોરી અને લૂંટની ઘટનાઓ સતત વધી રહી છે. એક તરફ પોલીસ શહેરમાં રથયાત્રા સંદર્ભે ચાંપતી નજર રાખી રહી છે. બીજી બાજુ લૂંટ કરતી ગેંગ પણ પોલીસને ચકમો આપીને ગુનાને અંજામ આપી રહી છે. રથયાત્રા પહેલા જ શહેરમાં 15 લાખની લૂંટની ઘટના સામે આવી છે. શહેરના સીટીએમ વિસ્તારમાં અકસ્માતના બહાને કાર ચાલકને રોકીને બે લૂંટારાઓ 15 લાખ લૂંટીને ફરાર થઈ ગયા હતાં. 

આસારામના પુત્ર નારાયણ સાંઈને હાઈકોર્ટે પાંચ દિવસના હંગામી જામીન આપ્યા

ગુજરાતમાં 2019માં સુરતની સેશન્સ કોર્ટે આસારામના પુત્ર નારાયણ સાંઈને દુષ્કર્મના કેસમાં દોષિત ઠેરવી આજીવન કેદની સજા ફટકારી હતી. તેણે રાજસ્થાનની જેલમાં રહેલા આસારામને મળવા માટે ગુજરાત હાઈકોર્ટમાં હંગામી જામીન માટે અરજી કરી હતી. આ અરજીની સુનાવણીમાં કોર્ટે નારાયણ સાંઈને પાંચ દિવસના હંગામી જામીન આપ્યા હતાં. આ અરજી પર સુનાવણી કરતાં કોર્ટે નારાયણ સાંઈને પોલીસ એસ્કોર્ટ સાથે 05 દિવસના હંગામી જામીન આપ્યા હતાં. હવે કોર્ટનો ઓર્ડર મળ્યા બાદ તેના પાંચ દિવસના જામીન શરૂ થશે. 

SGST વિભાગે મનરેગા યોજના થકી થયેલી 45 કરોડની કરચોરી ઝડપી પાડી

ગુજરાતમાં દાહોદમાં થયેલા મનરેગા કૌભાંડમાં રાજ્ય સરકારના મંત્રી બચુ ખાબડના બંને પુત્રો અને સંડોવાયેલા અધિકારીઓ સામે કડક કાર્યવાહી કરવામાં આવી છે. ત્યારે મનરેગા કૌભાંડ બાદ હવે મનરેગા યોજનામાં કરચોરીનો મામલો સામે આવ્યો છે. SGST વિભાગે મનરેગા યોજનામાં કરોડોની કરચોરી પકડી છે. દાહોદ અને વેરાવળના 4 કરદાતાઓ સામે તપાસ હાથ ધરાઈ છે. કરપાત્ર સેવાઓને ખોટી રીતે કરમુક્ત તરીકે દર્શાવી હતી અને બેંક ખાતામાં મળેલી રકમ કરતાં ટર્ન ઓવર ઓછુ બતાવતા હતાં. 

Gram panchayat election: ચૂંટણી પ્રચાર શાંત થયો, 22 જૂને મતદાન યોજાશે

ગુજરાતમાં કડી અને વિસાવદર પેટા ચૂંટણીનું મતદાન પૂર્ણ થયું છે. જેમાં ભાજપ અને કોંગ્રેસે જીતના દાવા કર્યા છે. આખરે કોણ જીતશે એતો પરિણામના દિવસે જ ખબર પડશે. બીજી તરફ રાજ્યમાં ગ્રામ પંચાયતોની ચૂંટણીમાં પ્રચાર પડધમ શાંત થયાં છે. આગામી 22 જૂને ગ્રામ પંચાયતોની ચૂંટણીનું મતદાન યોજાશે. રાજ્યમાં સરકાર અને ધારાસભ્યો સહિતના આગેવાનોએ વધુમાં વધુ ગ્રામ પંચાયતો સમરસ થાય તેવા પ્રયાસો હાથ ધર્યા હતાં. ગુજરાતમા ગ્રામ પંચાયતોની ચૂંટણી પહેલા 751 પંચાયતો બિનહરીફ થઈ હતી. હવે આજે ગ્રામ પંચાયતોમાં ચૂંટણી પ્રચાર શાંત થયો છે. 22 જૂને પંચાયતની ચૂંટણીનું મતદાન યોજાશે. સવારે સાત વાગ્યાથી લઈને સાંજે 6 વાગ્યા સુધી મતદાન થશે. રાજ્યમાં 3541 ગ્રામ પંચાયતોમાં સામાન્ય, 353 ગ્રામ પંચાયતોમાં પેટા ચૂંટણી, 3656 સરપંચ અને 16224 સભ્યો માટે સામાન્ય ચૂંટણી યોજાશે. 

આણંદના ખંભાતમાં ઠેર ઠેર વરસાદી પાણી ભરાયા

આણંદના ખંભાતમાં ભારે વરસાદને કારણે ઠેર ઠેર પાણી ભરાઈ ગયાં છે. ખંભાત અને ગ્રામ્ય વિસ્તારોમાં ધોધમાર વરસાદ વરસ્યો છે. મીતલી, પાંદડ, નવી આંખોલ, તરકપુર, કલમસર, ઉંદેલ, કંસારી નગર, ઝીણજમાં વરસાદ ખાબક્યો છે. નવાગામ સહિત આસપાસના ગ્રામ્ય વિસ્તારમાં વરસાદ ખાબક્યો છે. 

ભાવનગરમાં કોમી વૈમનસ્ય ફેલાવનાર સામે કાર્યવાહી

ભાવનગરમાં કોમી વૈમનસ્ય ફેલાવનાર સામે કાર્યવાહી કરવામાં આવી છે.પોલીસે રિલ્સ બનાવનાર 3 આરોપીઓને ઝડપી લીધા છે. યુવકની હત્યાને લઈ વૈમનસ્ય ફેલાવતા હતા. ખૂન કા બદલા  ખૂન, હજુ બદલો લેવાશે તેવી રિલ્સ  બનાવીને સોશિયલ મીડિયામાં વાયરલ કરી હતી.સમગ્ર મામલે પોલીસે ગુનો નોંધી વધુ તપાસ હાથ ધરી છે.

વિકાસકામો માટે 3394.55 કરોડ રૂપિયા ફાળવવા સૈદ્ધાંતિક મંજૂરી

મુખ્યમંત્રી ભૂપેન્દ્ર પટેલે રાજ્યના નગરો-મહાનગરોના જન સુવિધા વૃદ્ધિ માટેના વિવિધ કામો માટે ત્રણ નવરચિત મહાનગરપાલિકાઓ તથા સુરત મહાનગરપાલિકા અને બે નગરપાલિકાઓને કુલ 3394.55 કરોડ રૂપિયા ફાળવવા સૈદ્ધાંતિક મંજૂરી આપી છે.રાજ્યમાં ઉજવાઈ રહેલા શહેરી વિકાસ વર્ષ-2025માં સ્વર્ણિમ જયંતિ મુખ્યમંત્રી શહેરી વિકાસ યોજના અંતર્ગત જે વિકાસ કામો માટે મુખ્યમંત્રીએ નાણાં ફાળવવાની અનુમતિ આપી છે. તેમાં આઉટગ્રોથ ડેવલપમેન્ટ આગવી ઓળખના કામો તથા આંતર માળખાકીય વિકાસના કામોનો સમાવેશ થાય છે.

આણંદના પેટલાદમાં ઠેર ઠેર વરસાદી પાણી ભરાયા

આણંદના પેટલાદમાં ભારે વરસાદના કારણે ઠેર ઠેર પાણી ભરાઈ ગચા હતાં. સાઈનાથ રોડ અને ચાવડી બજાર સહિત શહેરના વિવિધ માર્ગો પર વરસાદી પાણી ભરાઈ ગયા હતાં. પાણી ભરાઈ જતાં વાહનચાલકોને ભારે હાલાકીનો સામનો કરવો પડ્યો હતો. 

સુરતમાં જાહેરમાં જન્મદિવસની ઉજવણી ભારે પડી

સુરતમાં જાહેરમાં જન્મદિવસની ઉજવણી કરતા બુટલેગર ધવલ રાઠોડ અને તેના સાગરીતોને પોલીસે પકડ્યા હતાં. જાહેરમાં ચપ્પુથી કેક કાપનાર બુટલેગરે માફી માગી હતી. ઉત્રણ પોલીસે આરોપીઓને પકડીને વધુ તપાસ હાથ ધરી હતી.

અત્યાર સુધીમાં 231 DNA મેચ થયા

અમદાવાદમાં થયેલી વિમાન દુર્ઘટનામાં અત્યાર સુધીમાં 231 DNA મેચ થયા છે અને 210 મૃતદેહ પરિવારને સોંપાયા છે. જેમાં 155 ભારત, 36 બ્રિટન, 7 પોર્ટુગીઝ, 1 કેનેડિયન અને 9 સ્થાનિકોના મૃતદેહ સોંપવામાં આવ્યાં છે. 

હળવદના ટીકરમાં વિંછી કરડતાં ખેત શ્રમિકનું મોત

હળવદના ટીકરમાં વિંછી કરડતાં ખેત શ્રમિકનું મોત નિપજ્યું છે. ટીકર ગામની સીમમાં ક્વાંટ તાલુકાના ખડલા ગામના મીનકાભાઈ ભીલ રાત્રે એક વાગ્યાની આસપાસ વાડીએ સુતાં હતાં તે દરમિયાન કાને વિંછીએ ડંખ માર્યો હતો. ઘરે પ્રાથમિક સારવાર લીધા બાદ હળવદ હોસ્પિટલમાં સારવાર મળે તે પહેલા જ તેમનું મોત નિપજ્યું હતું. હળવદની સરકારી હોસ્પિટલમાં તેમના પોસ્ટમોર્ટમ માટે કાર્યવાહી કરવામાં આવી હતી. 

ગીર સોમનાથ જિલ્લામાં ખેડૂતોએ વાવણી શરૂ કરી

ગીર સોમનાથ જિલ્લામાં 15 અને 16 જૂનના રોજ વરસેલા ચારથી પાંચ ઇંચ વરસાદને કારણે ધરતીપુત્રોમાં ખુશીનો માહોલ છવાયો છે. લાંબા સમયથી વાવણી માટે મેઘરાજાની રાહ જોઈ રહેલા ખેડૂતોએ આ વરસાદ બાદ વાવણી કાર્યનો શુભારંભ કર્યો છે.

સુરતમાં હિટ એન્ડ રનનો આરોપી ઝડપાયો

સુરતમાં હિટ એન્ડ રનનો આરોપી ઝડપાયો છે. પોલીસે આરોપીને સાથે રાખીને ઘટનાનું રિકન્સ્ટ્રક્શન કર્યું હતું. અકસ્માતમાં રત્નકલાકારનું મોત નિપજ્યું હતું. બાઈક પર ઉભેલા રત્નકલાકારને કારે ટક્કર મારી હતી. સરથાણામાં નિર્મળ નગર પાસે અકસ્માત થયો હતો. પોલીસે અકસ્માત સર્જનાર કારચાલકને ઝડપી પાડ્યો છે.

સુરતના મહિધરપુરામાં વર્ષો જૂનું મકાન ધરાશાયી

સુરતના મહિધરપુરામાં વર્ષો જૂનુ બે માળનું મકાન ધરાશાયી થયું હોવાની ઘટના સામે આવી છે. મકાન પડતા નીચે પાર્ક કરેલી કારને નુકસાન પહોંચ્યું છે. ફાયર વિભાગ દ્વારા કાટમાળ ખસેડવાની કામગીરી હાથ ધરવામાં આવી છે. 

વડોદરાના કરજણ અને શિનોર સહિતના પંથકમાં વરસાદી માહોલ જામ્યો

વડોદરાના કરજણ અને શિનોર સહિતના પંથકમાં વરસાદી માહોલ જામ્યો છે. શિનોરમાં સાધલી,માલપુર અને સેગવા સહિતના ગામોમાં વરસાદ વરસ્યો છે. સવારથી વાદળછાયા વાતાવરણમાં સાંજ પડતાં વરસાદી માહોલ જામ્યો છે. સાધલી મેઈનબજારના રસ્તાઓ ઉપર વરસાદી પાણી વહેતા થયા છે.પંથકમાં ખેતી લાયક વરસાદ થતા ખેડૂતોમાં ખુશીનો માહોલ જોવા મળ્યો છે. શિનોર પંથકમાં સિઝનનો 2 ઈંચ વરસાદ નોંધાયો છે. 

વાંચો 06 વાગ્યા સુધીના મહત્વના સમાચાર

1.  Iran Israel War: ફોર્દો ન્યૂક્લિયર સાઇટ પર હુમલો કરવો અમેરિકા માટે પડકારજનક

2. Rajkot: દુષ્કર્મ પીડિતાની કોર્ટમાં ફરિયાદ, ગણેશ ગોંડલ સહિત 28 લોકો સામે FIR

3. Suratમાં એક ના ડબલ કરનાર ત્રણ આરોપીઓને પોલીસે ગણતરીની કલાકોમાં ઝડપી લીધા

4. Air India ફરી ''ક્રેશ'', કોઈ પણ આ એરલાઈન્સમાં મુસાફરી કરવા તૈયાર નથી

5. Banaskantha News: PIના માતા-પિતાની હત્યા બાદ હત્યારાના પરિવારનો કરાયો બહિષ્કાર

6. Suratમાં પતિએ પત્નીના 96 તોલા સોનાના દાગીના ચોર્યા, પોલીસે આરોપીની ધરપકડ કરી

7. Ahmedabad Plane Crash News: કાનમાં ગૂંજશે ચીસો, જુઓ પ્રત્યક્ષદર્શીએ શું કહ્યુ?

8. Junagadh: યાત્રિકો અને સાધુઓ વચ્ચે ઝપાઝપી, અન્નના બગાડની સૂચના આપતા મામલો બિચક્યો

9. Khedbrahma પોલીસ સ્ટેશનમાં ફરજ બજાવતો કોન્સ્ટેબલ રૂપિયા 1 લાખની લાંચ લેતા ઝડપાયો

10. Bharuchમાં ઘરમાં ઘૂસી લૂંટ કરનાર બે આરોપીની દહેજ પોલીસે ધરપકડ કરી

મારે વિજય રૂપાણી સાથે જૂનો પરિચય છે: રાજસ્થાનના સીએમ ભજનલાલ શર્મા

ગુજરાતના પૂર્વ મુખ્યમંત્રી વિજય રૂપાણીનું અમદાવાદની વિમાન દુર્ઘટનામાં નિધન થયું હતું. આજે કમલમ ખાતે તેમની પ્રાર્થના સભા યોજાઈ છે. જેમાં ભાજપના રાષ્ટ્રીય અધ્યક્ષ જે.પી. નડ્ડા, પૂર્વ કેન્દ્રીય મંત્રી સ્મૃતિ ઈરાની, કેન્દ્રીય મંત્રી સી.આર. પાટીલ, રાજસ્થાનના સીએમ ભજનલાલ શર્મા અને ગુજરાતના મુખ્યમંત્રી ભૂપેન્દ્ર પટેલ સહિતના મંત્રીઓએ શ્રદ્ધાંજલિ અર્પણ કરી હતી. રાજસ્થાનના સીએમ ભજનલાલે કહ્યું હતું કે, RSS અને ABVPમાં વિજયભાઇએ બહુ કામ કર્યું છે. મારે વિજય રૂપાણી સાથે જૂનો પરિચય છે.અમે ABVPમાં સાથે કામ કર્યું છે. આપણે બધાએ તેમની પાસેથી શીખવું જોઈએ. તેમની ગેરહાજરી શબ્દોમાં ના વર્ણવી શકાય.આવા વ્યક્તિત્વને ગુમાવવું એ મોટું નુકસાન છે. 

ગણેશ ગોંડલ સહિત 28 લોકો સામે FIR

રાજકોટના ગોંડલમાં અમિત ખૂંટ આપઘાત કેસમાં દુષ્કર્મની ફરિયાદ કરનાર સગીરાએ કોર્ટમાં ફરિયાદ કરી છે. આ ફરિયાદમાં સગીરાએ પૂર્વ ધારાસભ્ય જયરાજસિંહ જાડેજા અને તેમના પુત્ર ગણેશ ગોંડલ સહિત 28 લોકોના નામ સાથે ફરિયાદ કરતા FIR નોંધાઈ છે. આ ફરિયાદમાં પોલીસ દબાણ કરતી હોવાનો પણ ઉલ્લેખ કરવામાં આવ્યો છે. સગીરાએ એવો પણ આક્ષેપ કર્યો હતો કે, પોલીસ ખોટી રીતે 6 લોકોના નામ આપવા દબાણ કરી રહી છે. આ સમગ્ર મામલે હવે SMCને તપાસ સોંપવામાં આવે તેવી સગીરાએ માગ કરી છે. કોર્ટે પહેલી જુલાઈ સુધીના સીસીટીવી ફૂટેજ રજૂ કરવા પોલીસને આદેશ આપ્યો છે. 

વિસાવદર વિધાનસભા ચૂંટણી મામલો, આવતીકાલે બે ગામોમાં થશે રિ વોટિંગ

વિસાવદર વિધાનસભાની ચૂંટણીના મતદાન દરમિયાન આમ આદમી પાર્ટીના ઉમેદવાર દ્વારા બુથ કેપ્ચરિંગ થયું હોવાની ફરિયાદ કરાઈ હતી. આ ફરિયાદના આધારે ચૂંટણી અધિકારી દ્વારા નિર્ણય લેવામાં આવ્યો હતો. આવતીકાલે માલીડા અને નવા વાઘણીયા ગામમાં રિવોટીંગ થશે. 

જૂનાગઢ મનપાના જનરલ બોર્ડમાં હોબાળો

જૂનાગઢ મહાનગર પાલિકાના જનરલ બોર્ડમાં વિવિધ પ્રશ્નો મુદ્દે હોબાળો મચ્યો હતો. પ્રિ મોન્સૂન કામગીરી અંગે વિપક્ષે સવાલો ઉઠાવ્યા હતાં. આ ઉપરાંત ધારાગઢ વિસ્તારમાં ડિમોલિશન મુદ્દે પણ હંગામો થયો હતો. પીડિતો માટે વૈકલ્પિક વ્યવસ્થા કરવા ઠરાવ કરાયો હતો. 

અમદાવાદમાં ઠગબાજ યુવકે કરી છેતરપિંડી

અમદાવાદમાં ઠગબાજે 500 રૂપિયાના છુટા માંગવાના બહાને છેતરપિંડી આચરી હોવાનો બનાવ સામે આવ્યો છે. ઠગબાજે વેપારીને વાતમાં ભોળવી 20ની નોટના બદલામાં રૂપિયા 500 લઈ લીધા હતાં. આ ઘટના સીસીટીવીમાં કેદ થઈ ગઈ હતી. આ ઠગબાજે અમદાવાદમાં ઈન્દિરા સર્કલ અને સરદારનગરમાં વેપારીઓને  ટાર્ગેટ કર્યા હતાં. 

પાટણના સરસ્વતી તાલુકામાં ગમખ્વાર અકસ્માત

પાટણના સરસ્વતી તાલુકામાં ગંભીર અકસ્માત સર્જાયો છે. ઈકોવાનની ટક્કરથી ટ્રેક્ટરના બે ટૂકડા થયા છે. વડુ ગામ નજીક ટ્રેક્ટર અને ઈકો કાર વચ્ચે અકસ્માત સર્જાયો હતો.આ અકસ્માતમાં ઈકોવાનમાં સવાર પાંચ લોકોને ઈજા પહોંચી છે. ઈજાગ્રસ્તોને સારવાર માટે હોસ્પિટલ ખસેડવામાં આવ્યા છે. 

વડોદરાના કરજણ અને ગ્રામ્ય પંથકમાં વરસાદ

વડોદરાના કરજણ અને ગ્રામ્ય પંથકમાં ખેતી લાયક વરસાદ થતાં ખેડૂતોમાં ખુશી જોવા મળી છે. કરજણ નગર તેમજ તાલુકા પંથકમાં 2 દિવસના વિરામ બાદ પુનઃ વરસાદનું આગમન થયું છે. સવારે ઝરમર વરસાદ બાદ ભારે પવન સાથે ધમાકેદાર વરસાદનું આગમન થયું છે.તાલુકામાં કંડારી, વેમારડી, જીથરડી, કુરાઈ, મિયાગામ જેવા ગામોમાં વરસાદ ખાબક્યો છે. 

સુરતમાં એક ના ડબલ કરનાર ત્રણને પોલીસે ઝડપ્યા

સુરતમાં એક ના ડબલ કરનાર ત્રણને પોલીસે ચાલુ ટ્રેનમાંથી ઝડપી પાડ્યા છે. આ ઠગબાજોએ ફરિયાદી પાસેથી 5 લાખ લઈ 10 લાખની લાલચ આપી હતી.ત્રણય આરોપી પાસેથી પોલીસે 5 લાખ કબ્જે કર્યા હતાં. મહિધરપુરા પોલીસે વધુ તપાસ હાથ ધરી છે. 

ભાજપ રાષ્ટ્રીય અધ્યક્ષ જે.પી.નડ્ડાએ વિજય રૂપાણીને શ્રદ્ધાંજલિ અર્પી

ગુજરાતના પૂર્વ મુખ્યમંત્રી વિજય રૂપાણીનું અમદાવાદની પ્લેન દુર્ઘટનામાં અવસાન થયું હતું. આજે કમલમમાં તેમની પ્રાર્થના સભા યોજવામાં આવી હતી. જેમાં ભાજપના રાષ્ટ્રીય અધ્યક્ષ જે.પી. નડ્ડાએ શ્રદ્ધાંજલિ અર્પણ કરી હતી. તે ઉપરાંત ગુજરાતના પ્રદેશ પ્રમુખ સી.આર. પાટીલે પણ વિજય રૂપાણીને શ્રદ્ધાંજલિ અર્પણ કરી હતી. 

વલસાડમાં વાન સાથે તણાયેલ ચાલકનો મૃતદેહ મળ્યો

વાઘલધરાની ખરેરા નદીમાં તણાયો હતો ચાલક, વહેતા પાણીમાંથી પસાર થતાં તણાઈ હતી વાન, 24 કલાકની બાદ વાન ચાલકનો મૃતદેહ મળ્યો, ફાયરબ્રિગેડ, NDRF ટીમે શોધી કાઢ્યો મૃતદેહ.

જામનગર મનપાની સામાન્ય સભામાં હોબાળો 

બોર્ડ કાર્યવાહીનો અધિકારીઓએ કર્યો બહિષ્કાર, વિપક્ષ સભ્ય આનંદ રાઠોડની ટીપ્પણીને લઇ વિરોધ, કમિશ્નર ડી.એન.મોદી વિશે ટીપ્પણી કરતા વિરોધ, ટીપ્પણીને અયોગ્ય ગણાવી અધિકારીઓ કર્યુ વોકાઆઉટ, શાશક પક્ષ આવ્યુ અધિકારીઓના સમર્થનમાં, અધિકારીઓએ વોકઆઉટ કરતા સભા પુરી કરાઇ.

23 જૂનથી યોજાશે બોર્ડની પૂરક પરીક્ષા

23 જૂનથી 3 જુલાઈ સુધી યોજાશે પૂરક પરીક્ષા, પરીક્ષાને લઈ શિક્ષણ વિભાગ દ્વારા તૈયારીઓ પૂર્ણ, અમદાવાદમાં 51 જેટલા બિલ્ડિંગોમાં લેવાશે પરીક્ષા, 18000થી વધુ પરીક્ષાર્થીઓ પરીક્ષા આપશે, ધો.10ના 10445 વિદ્યાર્થીઓ પરીક્ષા આપશે ધો. 12માં 7727 વિદ્યાર્થીઓ પરીક્ષા આપશે, વિ.પ્રવાહમાં 2689 વિદ્યાર્થીઓ પરીક્ષા આપશે, અમદાવાદ ગ્રામ્યના 8500 વિદ્યાર્થીઓ પરીક્ષા આપશે.

ભરૂચના જંબુસરમાં વરસાદનું આગમન

જંબુસર શહેર સહિતના વિસ્તારમાં વરસાદ, ટુંડજ, પાચકડા, કોરા, કાવા, મગણાદમાં વરસાદ, ખેતીલાયક વરસાદથી ખેડૂતોમાં ખુશી.

વલસાડના મધુબન ડેમમાં પાણીની આવક 

મધુબન ડેમમાંથી દમણગંગા નદીમાં પાણી છોડ્યું, નીચાણવાળા વિસ્તારને સાવચેત કરાયા, ડેમમાંથી 44837 હજાર ક્યુસેક પાણી છોડ્યું.

વહીવટદારે રૂપિયાની માગ કરી અને ફસાયો

ત્યારબાદ ફરીયાદી પોતાના ત્રણેય એક્ટીવા પરત મેળવવા માટે વિકાસભાઇ (વહીવટદાર) પાસે અવાર-નવાર આજીજી કરતાં આરોપી વિકાસભાઇએ પોતાના અગાઉ નાં હીસાબ પેટે રૂ.1,65,000/- ની માંગણી કરેલ અને તે હીસાબ આપે તો જ ત્રણેય એક્ટીવા પાછા મળશે તેમ જણાવેલ હોઇ, અને તે પૈકી આજ રોજ રૂ.1,00,000/- આપવાનો વાયદો થયેલ હતો.   પરંતુ ફરીયાદી લાંચ આપવા માંગતા ના હોઇ એ.સી.બી નો સંપર્ક કરી ફરીયાદ આપતાં , આજરોજ લાંચ નાં છટકા નું આયોજન કરવા માં આવેલ, આ છટકા દરમ્યાન આરોપી એ ફરીયાદી પાસેથી લાંચની રકમ માંગી, સ્વીકારી રંગેહાથ પકડાઇ ગયેલ છે. 

પો.ઇન્સ. પઢેરીયાએ પણ ફરિયાદીને સાથ આપ્યો નહી

ફરીયાદી અને તેના બે મિત્રોના ત્રણ એક્ટીવા એસ.ઓ.જી સાબરકાંઠા દ્વારા ડીટેઇન કરવામાં આવેલ હતા અને કોર્ટનાં મેમો આપવામાં આવેલ હતા. જેથી ફરીયાદી અને તેના મિત્રો એ તે ત્રણેય મેમા અંગે કોર્ટ માં દંડ ભરી દીધેલ હતો અને એકટીવા છોડાવવા માટે પોલીસ સ્ટેશન જઇ, એક્ટીવા પરત માંગતા ટ્રાફીક જમાદાર તરફ થી જણાવવા માં આવેલ કે, “ત્રણેય એક્ટીવા ની ચાવી અને આર.સી.બુક પો.કો. વિકાસભાઇ પાસે છે, તેઓએ એક્ટીવા આપવા ની ના પાડેલ છે” તેમ કહેતા ફરીયાદી પો.ઇન્સ. પઢેરીયા ને રૂબરૂ માં મળી ને પોતાના ત્રણ એક્ટીવા પરત મેળવવા  રજુઆત કરેલ હતી, પરંતુ પો.ઇન્સ. પઢેરીયા એ પણ ફરીયાદી ને જણાવેલ કે, “ વિકાસભાઇ નો હીસાબ પુરો કરી દેજો પછી એક્ટીવા મળશે “ તેમ વાત કરતાં ફરીયાદી ત્યાંથી રવાના થઇ ગયેલ હતા. 

Khedbrahma પોલીસ સ્ટેશનમાં ફરજ બજાવતો કોન્સ્ટેબલ રૂપિયા 1 લાખની લાંચ લેતા ઝડપાયો 

સાબરકાંઠાના ખેડબ્રહ્મા પોલીસ સ્ટેશન વિસ્તારમાં બુટલેગર દારૂનો ધંધો કરતા હતા, પરંતુ નવેમ્બર-2024 થી ધંધો બંધ કરી દીધેલ હતો પરંતુ છેલ્લા બે-ત્રણ મહીના હપ્તાની રકમ આરોપીને ફરીયાદી પાસેથી લેવાની બાકી હતી જેના કારણે કોન્સ્ટેબલ દબાણ કરતો હતો, તો ફરિયાદીએ એસીબીનો સંપર્ક કરીને કોન્સ્ટેબલ રૂપિયાની માગ કરે છે તેમ કહી ટ્રેપ કરાવી છે. 

વાંચો 03 વાગ્યા સુધીના મહત્વના સમાચાર

01 - Air Indiaના સપોર્ટમાં આવી સના મકબુલ, ફ્લાઈટમાં બેસીને કહી આ વાત

02 - Hyderabad Pearls: સમુદ્રથી દૂર આ શહેર 'મોતીઓના રાજા' તરીકે ધરાવે છે ઓળખ

03 - Indiaમાં ગિફ્ટ સિટી ખાતે કેમ્પસનું નેતૃત્વ કરવા માટે પ્રથમ ડીનની નિમણૂક કરાઇ

04 - Lokrakshak લેખિત પરીક્ષાની પ્રોવિઝનલ આન્સર કી સાંજે 4 વાગે વેબસાઈટ પર મૂકાશે

05 - World yoga Day 2025: યોગ કરતી વખતે ના કરશો આ ભૂલો!

06 - Corona Virus: કોરોનાના નવા વેરિઅન્ટમાં મળ્યા ખતરનાક સંકેત સ્ટડીમાં ચોંકાવનારો ખુલાસો

07 - China: તો ભારત-પાકિસ્તાન એક જ સ્ટેજ પર... SCOની બેઠકમાં જોડાઇ શકે રાજનાથસિંહ

08 - PM Modi in Bihar: મોદી ચેનથી નહી સૂવે, દિવસ રાત કામ કરશે 

09 - Ahmedabadમાં વરસાદ પડવાની સાથે કોર્પોરેશનની પોલ ખુલી, પાલડીમાં પડયો મસમોટો ભૂવો 

10 - Banaskanthaમાં ખાનગી દૂધ ખરીદ કેન્દ્ર બંધ કરવા રજિસ્ટ્રારનો આદેશ, શુ છે મામલો?

સુરતમાં જન્મ દિવસે જ વિદ્યાર્થીનો આપઘાત

ધોરણ 9માં અભ્યાસ કરતા વિદ્યાર્થીએ કર્યો આપઘાત, ભેસ્તાનના લક્ષ્મીનગરમાં વિદ્યાર્થીએ કર્યો આપઘાત, પિતા પુત્ર માટે બર્થ-ડે કેક લઇને ઘરે પહોંચ્યા હતા, ઘરમાં પુત્ર ગળે ફાંસો ખાધેલી હાલતમાં મળ્યો, પોલીસે આપઘાતને લઇને વધુ તપાસ હાથ ધરી .

શૈક્ષણિક કર્મચારીઓ નિમણૂકની જાહેરાત 

પ્રો. કુમારે ઉપરાંત , અમે ટૂંક સમયમાં શૈક્ષણિક કર્મચારીઓ નિમણૂકની જાહેરાત કરીશું જે કેમ્પસમાં પ્રોગ્રામ ડિલિવરીનું નેતૃત્વ કરશે. અમે શરૂઆતમાં પાંચ અનુસ્નાતક કાર્યક્રમોનો પોર્ટફોલિયો ઓફર કરીશું, જે ભારતીય અર્થતંત્રની ચોક્કસ જરૂરિયાતોને અનુરૂપ છે. અમારા અભ્યાસક્રમો અને કાર્યક્રમો વિશે વધુ માહિતી www.qub.ac.uk/india પર મળી શકે છે.

સમૃદ્ધ સહયોગી શૈક્ષણિક વાતાવરણ વિકસાવવાનો બહોળા અનુભવ છે

QUBના પ્રો-વાઈસ ચાન્સેલર ગ્લોબલ એંગેજમેન્ટ પ્રોફેસર માર્ગારેટ ટોપિંગે જણાવ્યું હતું કે, “ગિફ્ટ સિટીના અમારા પ્રથમ ડીન તરીકે સતીશની નિમણૂક કરતા અમને આનંદ થાય છે. આ પદ પર કાર્યભાર સંભાળવો એક મહત્વપૂર્ણ ભૂમિકા છે જેના માધ્યમથી દેશમાં અમારા કર્મચારીઓ, વિદ્યાર્થીઓ અને ભાગીદારો માટે મજબૂત પાયો નાખવામાં આવશે. સતીશ પાસે આંતરરાષ્ટ્રીય ભાગીદારી અને  સમૃદ્ધ સહયોગી શૈક્ષણિક વાતાવરણ વિકસાવવાનો બહોળા અનુભવ છે. ”

જેનાથી વિદ્યાર્થીઓને ઉત્તમ અનુભવ મળશે. 

આ આપણા માટે એક મોટી સિદ્ધિ છે કારણ કે અમે GIFT સિટીમાં પ્રથમ યુકે રસેલ ગ્રુપ યુનિવર્સિટી લાવ્યાં છીએ. આવતા વર્ષે યુનિવર્સિટીના પ્રારંભ સાથે હું તેમની સાથે કામ કરવા માટે ઉત્સુક છું, અને આશા છે કે અમે  વિદ્યાર્થીઓ, કર્મચારીઓ અને વ્યાપક સમુદાય માટે નવી તકો પ્રદાન કરવામાં સફળ રહીશું. "

ઉદ્યોગ અને સરકાર સાથે સહયોગને પ્રોત્સાહન આપશે

જે ભારતમાં ઉદ્યોગ અને શૈક્ષણિક હિતધારકો સાથે ઊંડી, લાંબા ગાળાની ભાગીદારી બનાવવામાં મદદરૂપ થશે. સાથે મળીને, અમે પ્રદેશના વિકસતા આંતરરાષ્ટ્રીય શિક્ષણ અને ઇકોનોમી લેન્ડસ્કેપમાં અર્થપૂર્ણ યોગદાન આપવાનું લક્ષ્ય રાખીએ છીએ.” QUBના પ્રમુખ અને વાઇસ-ચાન્સેલર,પ્રોફેસર સર ઇયાન ગ્રી, કહે છે "મને ભારતમાં ક્વીન્સના નવા કેમ્પસનું નેતૃત્વ કરવા માટે પ્રોફેસર સતીશ કુમારનું સ્વાગત કરતાં આનંદ થાય છે. તેમના નેતૃત્વમાં આપણી શૈક્ષણિક ભાગીદારી મજબૂત બનશે સાથે ઉદ્યોગ અને સરકાર સાથે સહયોગને પ્રોત્સાહન આપશે. 

ક્વીન્સના વિશ્વ-સ્તરીય શિક્ષણને નવા પ્રદેશોમાં વિસ્તારવા સક્ષમ બનાવે

ક્વીન્સમાં કાર્યરત હોવા ઉપરાંત, પ્રો. કુમારે બનારસ હિન્દુ યુનિવર્સિટી, વારાણસી, જવાહરલાલ નેહરુ યુનિવર્સિટી, નવી દિલ્હી અને કલકત્તા યુનિવર્સિટી, કોલકાતામાં વિઝિટિંગ પ્રોફેસર તરીકેની ફરજ નિભાવી રહ્યાં છે. પ્રોફેસર કુમારે તેમની નિમણૂક અંગે જણાવ્યું હતું કે, “મારા માટે આ ગર્વની બાબત છે કે GIFT સિટી ખાતે ક્વીન્સ યુનિવર્સિટીની નવી આંતરરાષ્ટ્રીય શાખાની સ્થાપના કરતી વખતે મને આ મહત્વપૂર્ણ ભૂમિકા નિભાવવા મળે છે. આ ઐતિહાસિક ક્ષણ અમારા વૈશ્વિક જોડાણની વ્યૂહરચનામાં એક મહત્વપૂર્ણ પગલું દર્શાવે છે - જેનાથી અમને ક્વીન્સના વિશ્વ-સ્તરીય શિક્ષણને નવા પ્રદેશોમાં વિસ્તારવા સક્ષમ બનાવે છે. 

યુનિવર્સિટીની વૈશ્વિક હાજરી વધારવામાં મુખ્ય ભૂમિકા ભજવી

આ નિમણૂક પહેલાં, પ્રો. કુમાર 25 વર્ષથી વધુ સમયથી QUB ખાતે સ્કૂલ ઓફ નેચરલ એન્ડ બિલ્ટ એન્વાયર્નમેન્ટમાં કાર્યરત હતા. તેમણે અગાઉ ક્વીન્સ એકેડેમી ઇન્ડિયા અને ઇન્ટરનેશનલાઇઝેશનના ડિરેક્ટર તરીકે ભૂમિકા ભજવી હતી, આ પહેલાં તેમણે  દક્ષિણ એશિયામાં આજ યુનિવર્સિટીની વૈશ્વિક હાજરી વધારવામાં મુખ્ય ભૂમિકા ભજવી હતી.

Indiaમાં ગિફ્ટ સિટી ખાતે કેમ્પસનું નેતૃત્વ કરવા માટે પ્રથમ ડીનની નિમણૂક કરાઇ

ક્વીન્સ યુનિવર્સિટી બેલફાસ્ટ (QUB)એ ગુજરાત ઇન્ટરનેશનલ ફાઇનાન્સ ટેક-સિટી (GIFT સિટી), ભારતમાં તેના નવા કેમ્પસના પ્રથમ ડીન તરીકે પ્રો. એમ. સતીશ કુમારની નિમણૂકની જાહેરાત કરી છે. પ્રો. કુમાર જુલાઈ 2025થી પદગ્રહણ કરશે અને GIFT સિટીમાં તેમનો મુખ્ય કાર્યભાર સંભાળશે. તેઓ વર્ષ 2026થી નવા કેમ્પસમાં ફેકલ્ટીઓને શૈક્ષણિક નેતૃત્વ પૂરું પાડશે, અને વિદ્યાર્થીઓની પ્રથમ બેચનું સ્વાગત કરશે.

માસ્ટર સેટ પ્રશ્નપત્ર મુજબ ભરતી બોર્ડની વેબસાઇટ 

લેખિત પરીક્ષાની Provisional Answer Key માસ્ટર સેટ પ્રશ્નપત્ર મુજબ ભરતી બોર્ડની વેબસાઇટ https://gprb.gujarat.gov.in  તથા https://lrdgujarat2021.in ઉપર આજરોજ કલાકઃ ૧૬.૦૦ વાગ્યાથી જાહેર કરવામાં આવશે. ઉમેદવારોને Provisional Answer Keyમાં જે જવાબની સામે વાંધા / રજુઆત હોય તો તા.૨૦/૦૬/૨૦૨૫ના કલાક ૧૬/૦૦ વાગેથી તા.૨૩/૦૬/૨૦૨૫ ના કલાક ૨૩.૫૯ વાગ્યા સુધીમાં ઓનલાઇન વાંધા/રજુઆત મોકલવાની રહેશે. ઓનલાઇન સિવાય અન્ય કોઇપણ રીતે મોકલવામાં આવેલ તથા તારીખ/સમય વિતી ગયા બાદ મળેલ વાંધા/રજુઆત ધ્યાને લેવામાં આવશે નહી.

Lokrakshak લેખિત પરીક્ષાની પ્રોવિઝનલ આન્સર કી સાંજે 4 વાગે વેબસાઈટ પર મૂકાશે 

ગુજરાત પોલીસ ભરતી બોર્ડ દ્વારા લોકરક્ષક કેડરની લેખિત પરીક્ષા તા.૧૫/૦૬/૨૦૨૫ના રોજ લેવામાં આવી હતી. આ લેખિત પરીક્ષામાં ૨,૩૭,૦૦૦ જેટલા ઉમેદવારો હાજર રહ્યા હતા. હાજર રહેલા તમામ ઉમેદવારોની OMR Sheet સ્કેન કરી, ઉમેદવારો જોઇ શકે તે માટે તા.૧૬/૦૬/૨૦૨૫ના રોજ વહેલી સવારે ભરતી બોર્ડની વેબસાઇટ ઉપર અપલોડ કરવામાં આવી હતી.

Botad વર્તુળ કચેરી હેઠળ આવતા ગ્રાહકોને વીજ વિક્ષેપને લઈ સંપર્ક નંબર જાહેર કરાયા

બોટાદ વર્તુળ કચેરીના હેઠળના ગ્રાહકોને વીજ વિક્ષેપને લગતા ફોલ્ટની નોંધણી માટેના સંપર્ક નંબર જાહેર કરાયા છે. બોટાદ વર્તુળ કચેરીના હેઠળના ગ્રાહકોને વીજ વિક્ષેપને લગતા ફોલ્ટની નોંધણી ક્યાં પેટા વિભાગમાં અને ક્યાં નંબર પર સંપર્ક કરવા માટેની માહિતી સામે આવી છે. આ ઉપરાંત આપ ગ્રાહક સુવિધા કેન્દ્ર ટોલ ફ્રી નં.૧૮૦૦ ૨૩૩ ૧૫૫૩૩૩ & ૧૯૧૨૨   પર પણ આપ વિજ વિક્ષેપની ફરિયાદ નોંધાવી શકો છો. તેમ અધિક્ષક ઈજનેર, પીજીવીસીએલ વર્તુળ કચેરી, બોટાદ દ્વારા જણાવવામાં આવે છે.

યોગ પ્રત્યેની જાગૃતિ આવે તે માટે રેલી યોજાઈ

આ રેલીના માધ્યમથી લોકોમાં યોગ પ્રત્યેની જાગૃતિ આવે, લોકો વિવિધ યોગ આસનોથી માહિતગાર થાય અને મહત્તમ લોકો  યોગને તેમની જીવનશૈલીમાં  સમાવેશ કરી સ્વસ્થ રહે તેવો સંદેશ આપવામાં આવ્યો હતો. આ રેલી શહેરના ટાવર રોડ, મસ્તરામ મંદિર રોડ,પાળીયાદ રોડ, દીનદયાળ ચોક,જ્યોતિગ્રામ સર્કલ વિસ્તારમાં સુધી યોજાઈ હતી. યોગ એ આરોગ્યમય, શાંતિમય અને સકારાત્મક જીવનશૈલી તરફ એક મજબૂત પગલું છે. ત્યારે આપણે સૌ નાગરિકો પણ જોડાઈએ અને “ચાલો, યોગને જીવનમાં ઉતારીએ. ચાલો, સ્વસ્થ ભારત બનાવીએ.”ના સૂત્રને ચરિતાર્થ કરીએ.

બેન્ડ સાથે શહેરના મુખ્ય માર્ગ પર રેલી યોજવામાં આવી હતી.

બેન્ડની સુરાવલીના તાલે બોટાદ જિલ્લા પોલીસ જવાનો અને નાગરિકો આ રેલીમાં જોડાયા હતા. આ રેલીમાં જિલ્લા પોલીસ અધિક્ષક, નાયબ પોલીસ અધિક્ષક, પોલીસ ઈન્સ્પેક્ટર, મહિલા પોલીસ કર્મીઓ સહિતના પોલીસ જવાનો ઉપસ્થિત રહ્યા હતા.  બોટાદ "યોગા ફોર વન અર્થ ,વન હેલ્થ"ની થીમ સાથેની ઉજવણી થવા જઈ રહી છે ત્યારે વધુને વધુ લોકો યોગ દિવસની ઉજવણીમાં જોડાય તેવા હેતુ સાથે બોટાદ જિલ્લા પોલીસ વડાના માર્ગદર્શન હેઠળ બોટાદ ટાઉન પોલીસ સ્ટેશન ખાતેથી બેન્ડ સાથે શહેરના મુખ્ય માર્ગ પર રેલી યોજવામાં આવી હતી.  

Botad જિલ્લા પોલીસ દ્વારા આંતરરાષ્ટ્રીય યોગ દિવસની ઉજવણી કરાઈ 

બોટાદ જિલ્લા પોલીસ અધિક્ષક કે.એફ.બળોલીયાના નેતૃત્વ હેઠળ બોટાદ જિલ્લા પોલીસ દ્વારા આંતરરાષ્ટ્રીય યોગ દિવસની ઉજવણી કરવામાં આવી હતી. લોકોમાં યોગ પ્રત્યે વધુ જાગૃતતા આવે અને લોકો યોગ કરી પોતાનું સ્વાસ્થ્ય જાળવી રાખે તેવા હેતુ સાથે બોટાદ શહેરના મુખ્ય માર્ગો પર રેલી યોજવામાં આવી હતી. 

જામ ખંભાળિયામાં ખરાબ રોડ રસ્તાઓ ને લઇને લોકો ત્રાહિમામ.

શહેરમાં ટ્રાફિક થી ધમધમતા અનેક માર્ગો બન્યા અત્યંત બિસ્માર. ખખડધજ રસ્તાઓ ને પગલે વાહન ચાલકો અને રાહદારીઓ ની મુશ્કેલી વધી. ફુટ ફુટ જેવડા ખાડા વાળા રોડ રસ્તાઓ હોવાથી લોકોને અકસ્માત નો ભય સતાવી રહ્યો છે.

પાલિકા તંત્ર દ્વારા ખરાબ રોડ રસ્તાઓ તાત્કાલિક રીપેર કરવામાં આવે તેવી માંગ ઉઠવા પામી છે..

અમદાવાદ RTO એક્શનમાં

શૈક્ષણિક વર્ષ શરૂ થતા અમદાવાદ RTO એક્શનમાં, નિયમ ભંગ કરનારને 3 લાખનો દંડ ફટકારાયો, છેલ્લા 4 દિવસમાં 55 થી વધુ ચલણ ઇશ્યુ કરાયા છે, સ્કૂલવાનની પરમિટ, વીમો ન હોય તેની સામે કાર્યવાહી, ખાનગી પાસિંગ વગરના કારમાલિકો સામે કાર્યવાહી, વાહન પરમિટ ન હોય તેવા 15 સામે કેસ કરાયા છે, વીમો ના હોય તેવા 17, ફિટનેસના 12 કેસ કરાયા છે. લાઇસન્સ વગરના 7 લોકો સામે કેસ કરવામાં આવ્યા છે. 

નહેરૂનગર ચાર રસ્તા પાસે પણ રોડની કામગીરી ચાલે છે

કોર્પોરેશ ચોમાસાની સિઝન નજીક આવે તે જ સમયે રોડ-રસ્તા ખોદી નાખે છે અને કામગીરી કરે છે, આવી જ કામગીરી નહેરૂનગર સર્કલ પાસે લક્ષ્મી ગાંઠીયા રથ પાસે ચાલી રહી છે, અહીંયા તો 2 મહિના કરતા પણ વધારે સમય ગયો અને કામગીરી હજી ચાલી રહી છે, તો રોડની વચ્ચે કામગીરી ચાલતી હોવાથી ટ્રાફિકજામની સમસ્યા ભયંકર રહે છે, સાંજના સમયે નહેરૂનગરથી ધરણીધર બ્રિજ સુધી પહોંચલું હોય તો 10 થી 15 મિનિટ લાગે છે કેમકે નહેરૂનગર કોર્પોરેશનની કામગીરી ચાલી રહી છે જેના કારણે ટ્રાફિક વધારે રહેતો હોય છે.

એક જ વરસાદે AMCની પોલ ખોલી નાખી

અમદાવાદમાં એક જ વરસાદે એએમસીની પોલ ખોલી નાખી છે, અને પાલડી વિસ્તારમાં ભૂવો પડયો છે, 2 દિવસ અગાઉ વરસાદ પડયો હતો અને તેની પાસે જ બીજો ભૂવો પડયો હતો જેના કારણે રોડ તૂટી ગયો હોય તેવા દ્વશ્યો સામે આવ્યા છે, હાલમાં તો કોર્પોરેશન દ્વારા ભૂવા પૂરવાની કામગીરી ચાલુ કરી છે, પરંતુ હજી તો એવો વરસાદ પણ પડયો નથી અને ભૂવા પડવાનું શરૂ થઈ ગયું છે, ત્યારે જોવાનું એ રહ્યું કે, કોર્પોરેશનની ટીમ આ ભૂવો પૂરવાની કામગીરી કેટલા સમયમાં પૂરી કરે છે.

Ahmedabadમાં વરસાદ પડવાની સાથે કોર્પોરેશનની પોલ ખુલી, પાલડીમાં પડયો મસમોટો ભૂવો 

અમદાવાદમાં વરસાદે AMCની પોલ ખોલી નાખી છે અને પાલડી વિસ્તારમાં વધુ એક ભૂવો પડ્યો હોવાની વાત સામે આવી છે, થોડાક વરસાદમાં જ પડ્યો મસમોટો ભૂવો અને AMCએ બેરિકેટિંગ કરી સમારકામ શરૂ કર્યું છે, મુખ્ય માર્ગ પર ભૂવો પડતા ટ્રાફિક જામ સર્જાય છે, કાસ કરીને સવારના સમયે અને સાંજે ઓફિસ છૂટવાના સમયે વધારે ટ્રાફિકજામની સમસ્યા થાય છે. 

નડિયાદમાં દાંડી માર્ગની હાલત અત્યંત ખરાબ

પહેલા વરસાદમાં જ મનપાની પોલ ખુલી, ડભાણ થી ભૂમેલ દાંડી માર્ગમાં અનેક ખાડા જોવા મળ્યા, પાણી ભરાવાની સમસ્યાથી જનતા પરેશાન, હજારો વિધાર્થીઓ આ રોડ પરથી થાય છે પસાર, કોઇ દુર્ઘટના થાય તો જવાબદાર કોણ ?

ઉધના ઝોન Aના વિસ્તારોમાં 23 જૂને પાણી બંધ રહેશે

સુરતમાં ઉધના ઝોન Aના વિસ્તારોમાં 23 જૂને પાણી બંધ રહેશે અને ઉધના ચીકુવાડીમાં નવી 40 લાખ લિટરની ટાંકીને હયાત અંડરગ્રાઉન્ડ ટાંકી સાથે જોડવાનું કામ કરાશે જેના કારણે મોટી સંખ્યામાં પરિવારોને અસર થશે. જળવિતરણ મથક દ્વારા અપાતો સાંજનો જુના બમરોલી અને ગોવાલક વિસ્તારમાં તેમજ ટી.પી. 58 (નવા બમરોલી) વિસ્તારમાં આવેલ ESR-SE-18 નો સાંજનો નિયમિત પાણી પુરવઠો આપી શકાશે નહીં. તેમજ તા.24/6 ના રોજ સવારે અપાતો પાણી પુરવઠો ઓછા પ્રેશરથી અથવા નહીંવત મળવાની શકયતા છે.

Suratના ઉધના ઝોન Aમાં પાણી રહેશે બંધ 

સુરતના ઉધના ઝોન Aમાં પાણી બંધ રહેશે, 23 જૂને પાણી બંધ રહેશે સાથે સાથે ચીકુવાડીમાં નવી 40 લાખ લીટરની ટાંકી બનશે અને નવી ટાંકીને હાલની અંડરગ્રાઉન્ડ ટાંકી સાથે જોડાશે તો  મનપાની કામગીરીને કારણે પાણી પુરવઠા પર અસર જોવા મળી છે. 

લોકો છત્રીના સહારે સ્મશાન સુધી પહોંચ્યા હતા

ગામમાં સ્મશાન ભૂમિનું પાકું મકાન ન હોવાથી મૃતકના અંતિમ સંસ્કાર ખુલ્લા આકાશ નીચે થયા હતા અને ધોધમાર વરસાદ વચ્ચે લોકોએ તાડપત્રી મૃતકના સૈયા ઉપર બાંધી ત્યારબાદ અગ્નિદાહ આપવામાં આવ્યો છે. વરસતા વરસાદની વચ્ચે તાડપત્રી ઢાંકી અંતિમ સંસ્કાર કરાતા ગામમાં ચર્ચાનો વિષય બન્યો, જોકે વરસાદ બંધ થતા તાડપત્રી ઉંચકી લેવામાં આવી હતી, અગાઉ પણ આ વિસ્તારમાં આવા કિસ્સા બન્યા છે.

ખુલ્લામાં ટાયર મૂકીને મૃતદેહને અંતિમ સંસ્કાર કરવામાં આવી 

વલસાડ જિલ્લાના કપરાડા તાલુકાના  બારપુડા ગામે વરસાદ વચ્ચે ખુલ્લામાં ટાયર મૂકીને મૃતદેહને અંતિમ સંસ્કાર કરવામાં આવ્યા છે, કપરાડા તાલુકામાં આવેલ છેવાડાનું ગામ કેળધા બારપુડાના મૂળગામના જેમની અંતિમયાત્રા વરસતા વરસાદમાં નીકળી હતી. અને સ્મશાન સુધી જવા માટે પાકો રસ્તો ન હોવાને કારણે લોકોએ બે કિલોમીટર સુધી ચાલતા જવું પડે છે, લાકોએ અંતિમવિધિ માટે લાકડા અને ટાયર હાથમા લઈ ને બે કિલોમીટર સુધી ચાલતા જવું પડે છે. 

Valsad અંતિમવિધિ માટે 2 કિમી ચાલીને નીકળી અંતિમયાત્રા, જુઓ Video 

વલસાડમાં વરસતા વરસાદમાં નીકળી અંતિમયાત્રા, બારપુડા ગામે સ્મશાન સુધી જવા માટે પાકો રસ્તો નહી હોવાથી પાણીમાંથી અંતિમયાત્રા નીકળી હતી, અંતિમવિધિ માટે 2 કિમી ચાલીને જવું પડે છે અને સ્મશાનમાં પાકું મકાન ન હોવાથી પડે છે મુશ્કેલી તો સ્માશાનના લાકડા પલળી જતા ટાયર બાળી અંતિમવિધિ કરાઇ છે. 

વાંચો 12 વાગ્યા સુધીના મહત્વના સમાચાર

01 - Gujaratમાં છેલ્લા-24 કલાકમાં વાપી તાલુકામાં 7 ઈંચ તેમજ કપરાડામાં 9.5 ઈંચ વરસાદ

02 - Kashi Vishwanath Temple: સુપ્રસિદ્ધ કાશી વિશ્વનાથ મંદિરમાં શ્રાવણને લઇને તડામાર તૈયારી

03 - Canadaમાં અભ્યાસ અર્થે ગયેલી દિલ્હીની તાન્યા ત્યાગીનું રહસ્યમય સંજોગોમાં મોત

04 - Suratમાં લેપ્ટોસ્પાઇરોસિસનો પહેલો કેસ નોંધાયો, યુવતીને સારવાર હેઠળ હોસ્પિટલ ખસેડાઈ

05 - Ahmedabad: પરંપરાગત રીતે શહેરમાં નીકળશે રથયાત્રા, પ્લેન ક્રેશ થયા બાદ અટકળોનો અંત

06 - ABCDની આ ફેમસ અભિનેત્રીએ કર્યા છાનામાના લગ્ન, વ્હાઈટ ગાઉનમાં લાગી સુંદર

07 - Botadમાં રૂટ ડાયવર્ઝનને અનુલક્ષીને અધિક જિલ્લા મેજિસ્ટ્રેટ દ્વારા જાહેરનામું પ્રસિદ્ધ કરાયું

08 - Viral Video:વૃદ્ધ દંપતિનો પ્રેમ જોઈને દુકાનદારે 3000નું મંગળસુત્ર 20 રુપિયામાં આપી દીધુ

09 - Ahmedabadના અદાણી શાંતિગ્રામમાં 7માં માળે લાગી આગ, 2 લોકોનું રેસ્કયુ કરાયું 

10 - Shubhanshu Shuklaનું Axiom Mission-4 છઠ્ઠી વખત સ્થગિત, NASA જાહેર કરશે નવી તારીખ 

અગાઉ એરપોર્ટના CCTV કેમેરા બંધ જોવા મળ્યા હતા

આ પહેલ પણ રાજકોટનું હીરાસર એરપોર્ટ વિવાદમાં આવ્યું હતું. જેમાં ઈન્ટરનેશનલ એરપોર્ટના CCTV કેમેરા બંધ જોવા મળ્યા હતા. બે દિવસથી 80 જેટલા CCTV કેમેરા બંધ હાલતમાં હતા. સમગ્ર બાબતની ઉડ્ડયન મંત્રાલયને જાણ કરાઈ હતી. બે દિવસ સુધી ઈન્ટરનેશનલ એરપોર્ટના 80 જેટલા સીસીટીવી કેમેરા બંધ છે તેમ સૂત્રોએ જણાવ્યું હતું. તેમાં ટેક્નિકલ કારણોસર કેમેરા બંધ રહ્યા હતા.

આંતરરાષ્ટ્રીય એરપોર્ટમાં નબળા કામની કામગીરી ફરી એક વખત છતી થઈ 

રાજકોટમાં હીરાસર આંતરરાષ્ટ્રીય એરપોર્ટમાં નબળા કામની કામગીરી ફરી એક વખત છતી થઈ ગઈ છે, નવા ટર્મિનલમાં છતમાંથી વરસાદી પાણી ટપકી રહ્યાના ફોટા સોશિયલ મીડિયામાં વાયરલ થયા છે, નવા ટર્મિનલ માંથી વરસાદી પાણી ટપકવાથી અરાઇવલ કન્વેયર બેલ્ટમાં મુસાફરોનો સમાન પલળી ગયો છે, લોકાર્પણના બે વર્ષ બાદ પણ અહીંયાથી આંતરરાષ્ટ્રીય ફ્લાઇટ શરૂ થઈ શકી નથી અને ગત ફેબ્રુઆરીએ 362 કરોડના ખર્ચ બનેલા નવા ટર્મિનલનું લોકાર્પણ કરવામાં આવ્યું છે. 

Rajkotનું હીરાસર એરપોર્ટ ફરી વિવાદમાં, ટર્મિનલની છતમાંથી પાણી ટપકવાના ફોટા થયા વાયરલ

રાજકોટનું હીરાસર એરપોર્ટ ફરી વિવાદમાં આવ્યું છે જેમાં એરપોર્ટની નબળી કામગીરી પોલ ફરી ખુલી છે, ટર્મિનલની છતમાંથી પાણી ટપકવાના ફોટા વાયરલ થયા છે અને વરસાદી પાણી ટપકતા મુસાફરોનો સામાન પલળ્યો છે, રાજકોટમાં 326 કરોડના ખર્ચે બન્યું છે નવું ટર્મિનલ, અગાઉ પણ આ હીરાસર એરપોર્ટ વિવાદમાં અનેકવાર આવી ચૂકયું છે. 

સુરતમાં ખાનગી બસની અડફેટે યુવતીનું મોત

18 વર્ષીય અંજલી કછલાનું અકસ્માતમાં મોત, સુરતના કામરેજ ચાર રસ્તા પાસે બન્યો બનાવ, બાઇકે ટક્કર મારતા યુવતી નીચે પટકાઇ હતી, યુવતીનું બસના વ્હીલની નીચે આવી જતા મોત. 

ગુજરાતમાં 23 જિલ્લામાં નોંધાયો વરસાદ 

સ્ટેટ ઇમરજન્સી ઓપરેશન સેન્ટર-SEOC, ગાંધીનગરના અહેવાલ મુજબ આજે તા. ૨૦ જૂન, ૨૦૨૫ના રોજ સવારે 6 કલાક સુધીમાં છેલ્લા 24 કલાક દરમિયાન વલસાડના ઉમરગામ અને નવસારીના ખેરગામમાં 4 ઈંચ જેટલો તેમજ ભરૂચના હાંસોટ અને વાલિયા, સુરતના ઓલપાડ તથા ડાંગના વઘાઈ તાલુકામાં 3 ઇંચ કરતાં વધુ વરસાદ વરસ્યો છે. તદુપરાંત રાજ્યના 7 તાલુકામાં બે ઇંચથી વધુ, 12તાલુકામાં એક ઈંચથી વધુ જ્યારે, 72 તાલુકામાં એક ઇંચ કરતા ઓછો વરસાદ નોંધાયો છે. આમ, રાજ્યમાં છેલ્લા 24 કલાક દરમિયાન કુલ 23 જિલ્લાના 101 તાલુકામાં વરસાદ વરસ્યો છે.

Gujaratમાં છેલ્લા 24 કલાકમાં વાપી તાલુકામાં 7 ઈંચ તેમજ વલસાડના કપરાડામાં 9.5 ઇંચથી વધુ વરસાદ

રાજ્યમાં ત્રણ દિવસ સાર્વત્રિક વરસાદ બાદ આજે વરસાદનું જોર ઘટ્યું છે. છેલ્લાં ૨૪ કલાક દરમિયાન વલસાડ જિલ્લાના વાપી તાલુકામાં સૌથી વધુ 7 ઇંચ જેટલો અને પારડી તાલુકામાં 5 ઇંચ કરતાં વધુ વરસાદ વરસ્યો છે. આ ઉપરાંત વલસાડના કપરાડા અને ધરમપુર ખાતે 4 ઇંચ કરતાં વધુ વરસાદ નોંધાયો છે.  

લેપ્ટોસ્પાઇરોસિસનું નિદાન કઈ રીતે થાય

મનુષ્યોમાં આશરે ૧૩ પ્રકારના અનુવંશિક રોગોનું કારણ બની શકે છે. તે જંગલી અને પાલતુ બંન્ને પ્રાણીઓ દ્વારા ફેલાય છે.સૌથી સામાન્ય રીતે ઉંદર દ્વારા આ રોગ ફેલાવવામાં આવે છે.તે ઘણી વખત પ્રાણીના મૂત્ર, પાણી અથવા પ્રાણીના મૂત્ર વાળી માટી દ્વારા ફેલાઈ છે જે ચામડી, આંખ, મોઢા અથવા નાકના સંપર્કમાં આવી અને શરીરમાં પ્રવેશે છે.વિકસતા વિશ્વમાં આ રોગ સૌથી સામાન્ય રીતે ખેડૂતો અને ગરીબ લોકોને થાય છે કે જેઓ શહેરમાં રહે છે.વિકસિત વિશ્વમાં તે સૌથી સામાન્ય રીતે એવા લોકોમાં જ ઉદ્દભવે છે કે જેઓ વિશ્વના ગરમ અને ભેજવાળા વિસ્તારોમાં બહારની પ્રવૃતિઓમાં સંકળાયેલા છે.નિદાન એ સામાન્ય રીતે બેક્ટેરિઆ વિરૂદ્ધ એન્ટીબોડી માટે શોધ દ્વારા અથવા લોહીમાં તેના DNA શોધીને થાય છે.

લેપ્ટોસ્પાઇરોસિસના લક્ષ્ણો

આ એક ચેપી રોગ છે જે સ્પાઈરોશેટ્સ બેક્ટીરીયા દ્વારા થાય છે જેને લેપ્ટોસ્પાઈરા કહેવાય છે. લક્ષણો નહિવતમાંથી હળવા સુધી વિસ્તરી શકે છે જેમ કે માથાનો દુખાવો, સ્નાયુનો દુ:ખાવો, અને તાવ અને ગંભીર પણ શઈ શકે છે જેમ કે ફેફસા માંથી લોહી વહેવું અથવા મિનીનજાઈટીસ જો ચેપ લાગનાર વ્યક્તિને કમળો થાય કે તે કિડનીની નિષ્ફળતા ધરાવે અને રક્તસ્ત્રાવ થવા લાગે તો તેને વિલ્સ રોગ તરીકે ઓળખવામાં આવે છે.જો તે ફેફસામાંથી ખૂબ લોહી વહી જવાનું કારણ બને તો તેને ગંભીર પલ્મનરી હેમરેજ સિન્ડ્રોમ તરીકે ઓળખવામાં આવે છે.

દર વર્ષે ચોમાસાની ઋતુમાં જીવલેણ લેપ્ટોસ્પાઇરોસિસ હાહાકાર મચાવે છે

આ વર્ષે સુરત જીલ્લામાં લેપ્ટોસ્પાઇરોસિસનો પ્રથમ દર્દી ઝપેટમાં આવ્યો છે, યુવતીને સારવાર માટે સુરતની નવી સિવિલ હોસ્પિટલમાં દાખલ કરાઈ છે, ચોમાસાની ઋતુમાં દર વર્ષે દક્ષિણ ગુજરાતમાં અતંરિયાળ ગામડામાં લેપ્ટોસ્પાઇરોસિસનો તરખાટ જોવા મળતો હોય છે. આ વર્ષે દક્ષિણ ગુજરાતમાં સુરત જીલ્લામાં લેપ્ટોના પ્રથમ કેસ નોંધાયો છે, લેપ્ટોસ્પાયરોસિસની બીમારીનો પ્રથમ કેસ દેખાતા આરોગ્ય તંત્ર દોડતુ થયુ છે.

Suratમાં લેપ્ટોસ્પાઇરોસિસનો પહેલો કેસ નોંધાયો, યુવતીને સારવાર હેઠળ હોસ્પિટલ ખસેડાઈ 

સુરતમાં લેપ્ટોસ્પાઇરોસિસનો પહેલો દર્દી નોંધાયો સિવિલ હોસ્પિટલમાં નોંધાયો છે જેમાં યુવતીને સારવાર અર્થે નવી સિવિલમાં દાખલ કરાઇ છે, બારડોલીની યુવતીને લેપ્ટોસ્પાઇરોસિસના લક્ષણ દેખાતા દાખલ કરાઇ હતી, વર્ષ 2024માં લેપ્ટોસ્પાઇરોસિસના 22 દર્દી નોંધાયા હતા અને 5ના મોત થયા હતા.

પાળીયાદ રોડ તરફ એકમાર્ગીય પ્રવેશ રૂટ નક્કી કરાયો છે

બોટાદ શહેરમાં પીક અવર્સ દરમ્યાન એટલે કે સવારના 10 કલાકથી 2 કલાક તથા સાંજના 4 કલાકથી 8 કલાક દરમિયાન શહેરમાં તમામ ભારે વાહનો માટે પ્રવેશ નિષેધ રહેશે. ફોર્ચુન હોસ્પિટલવાળા ખાંચામાં જવા માટે એકમાર્ગીય પ્રવેશ રૂટ કરવો તથા ફોર્ચુન હોસ્પિટલવાળા ખાંચામાંથી પાળીયાદ રોડ તરફ બહાર નિકળવા માટે પ્રજાપતિ સમાજની વાડી-બોઇઝ હાઇસ્કુલ, હવેલી ચોક અથવા પટેલ ઇલેક્ટ્રોવિઝન-વાત્સલ્ય વુમન કેર- મોચી સમાજની વાડી-વડોદરીયા હોસ્પિટલ, પાળીયાદ રોડ તરફ એકમાર્ગીય પ્રવેશ રૂટ નક્કી કરાયો છે. આ જાહેરનામું તા.૨૦-૬-૨૫થી તા.૧૯-૭-૨૫ સુધી અમલમાં રહેશે. આ હુકમ/જાહેરનામાનો ભંગ/ઉલ્લંઘન કરનાર શિક્ષાને પાત્ર ઠરશે. જાહેરનામાનો અમલ અને તેના ભંગ બદલના પગલા લેવા માટે ફરજ પરના કોઇપણ હેડ કોન્સ્ટેબલ તથા તેનાથી ઉપરના અધિકારીને અધિકાર રહેશે.

જમણી બાજુ તથા બેકી તારીખે ડાબી બાજુ વાહનો પાર્ક કરવાના રહેશે

બોટાદ શહેરમાં રેલ્વે સ્ટેશન રોડ , અન્ડરબ્રિજ, સાળંગપુર રોડ તથા ટાવર રોડ પરથી પાળીયાદ તરફ જતા વાહનોને ફક્ત સાળંગપુર ત્રણ રસ્તાથી ગોંડલ પાન પેલેસથી મસ્તરામ મંદિર - સતવારા બોર્ડીંગ થઇ કાબા રૂપાની વાડીથી વકીલ પેટ્રોલપંપ સામેથી પાળીયાદ રોડ ઉપર પ્રવેશ કરવાનો રહેશે. તેવી જ રીતે પાળીયાદ રોડ તરફથી આવતા વાહનોએ ટાવર રોડ, રેલ્વે સ્ટેશન રોડ તથા સાળંગપુર જતાં વાહનોને હવેલી ચોકથી મોબાઇલ બજાર - કરમશી ભવાન કિરાણા સ્ટોર(તરાના પાન)થી ટાવર રોડ પર પ્રવેશ કરવાનો રહેશે. હવેલી ચોકથી દિનદયાળ ચોક અને હિરા બજારમાં ટ્રાફીક સમસ્યા નિવારવા ફક્ત એકબાજુ દ્વિ-ચક્રી વાહનો પાર્ક કરવા એટલે કે, એકી તારીખે જમણી બાજુ તથા બેકી તારીખે ડાબી બાજુ વાહનો પાર્ક કરવાના રહેશે.

Botadમાં રૂટ ડાયવર્ઝનને અનુલક્ષીને અધિક જિલ્લા મેજિસ્ટ્રેટ દ્વારા જાહેરનામું પ્રસિદ્ધ કરાયું

બોટાદ શહેરમાં ટ્રાફીક સમસ્યા અને લોકોની અવર જવર માટે ટુ-વ્હીલ તથા ફોર વ્હીલ વાહનોનો ઉત્તરોત્તર વધારો થવાના કારણે બોટાદ શહેરની ભૌગોલિક પરિસ્થિતિને ધ્યાને લેતા બોટાદના અધિક જિલ્લા મેજિસ્ટ્રેટ પી.એલ.ઝણકાતે તેમને મળેલી સત્તાની રૂએ નીચે મુજબના રસ્તા ઉપર વાહનોને પસાર થવાનો હુકમ ફરમાવ્યો છે. 

ડ્રગ્સના કેસમાં વેપારીને ખોટી રીતે ફસાવ્યો હતો

આ કેસની તપાસ ચોકબજાર પોલીસને સોંપવામાં આવી હતી અને ત્યારબાદ હાલમાં આ કેસની તપાસ એસઓજીને સોંપાઈ છે. એસઓજીના પીએસઆઈ એમ.ડી.સરવૈયાએ આરોપી અલ્પેશની સામે કોઈ પુરાવા ન હોવાની સાથે બી-સમરી દાખલ કરી છે. કોર્ટમાં હાજર સૂત્રોના જણાવ્યા પ્રમાણે પોલીસે રજૂ કરેલી સમરીમા બંને પક્ષે થયેલી દલીલો થઇ હતી. પુરાવાના સ્વરૂપે એસઓજી પોલીસ દ્વારા પીઆઇ ગોહિલ અને આક્ષેપિત ચિરાગ ગોટીની વ્હોટ્સએપ ચેટ રજૂ કરવામાં આવી હતી. આ ચેટમાં ચિરાગ ગોટીએ પોલીસના નવા કોઇ સ્ટાફને રેડ પાડવા માટે જણાવ્યું હતું, જેની સામે પીઆઇએ એવો રિપ્લાય આપ્યો હતો કે એક નવા પીએસઆઇ આવ્યા છે તેઓને તપાસ માટે મોકલાવ્યા છે. આ રેડ કરવામાં આવી ત્યારે પીઆઇ ગોહિલ અમદાવાદ હાઇકોર્ટના કામે ગયા હતા.

પોલીસના દરોડા પહેલાની ચેટ મળી આવી 

ઓઈલનો વેપાર કરતો અલ્પેશ ધનશ્યામભાઈ મિયાણી (ઉ.વ. ૪૦) પોતાની બીવાયડી નામની કાર લઇને ઘર તરફ આવી રહ્યા હતા ત્યારે વેડ વરિયાવ બ્રિજના ગુરુકુલ મંદિર તરફના ભાગે સિંગણપોર પોલીસનો સ્ટાફ પેટ્રોલિંગમાં હતો. પોલીસે અલ્પેશને અટકાવ્યો હતો અને તેની તપાસ કરતા કારમાંથી રૂ. 7.87લાખની કિંમતનું 78.77 ગ્રામ મેફેડ્રોન ડ્રગ્સ મળી આવ્યું હતું. પોલીસે કાર સહિત રૂ. 43 લાખનો મુદ્દામાલ કબજે કરી અલ્પેશની સામે એનડીપીએસ એક્ટ મુજબનો ગુનો નોંધી તેની ધરપકડ કરી હતી. 

Suratમાં ડ્રગ્સ કેસમાં સિંગાણપોર પોલીસની શંકાસ્પદ ભૂમિકા ! વેપારીને ડ્રગ્સના નામે ફસાવ્યો ?

સુરતમાં વેપારી પાસેથી ડ્રગ ઝડપાવા મામલે ખુલાસો થયો છે જેમાં વેપારીના ભાગીદાર અને પોલીસની ચેટ મળી આવી છે,  

ભાગીદારે તરકટ રચી વેપારીને ફસાવ્યાનો ખુલાસો  થયો છે, વેપારી ડ્રગ કેસમાં ફસાતા કોર્ટમાં કરી હતી રજૂઆત અને કેસમાં SOG દ્વારા તપાસ કરતા ચેટ મળી આવી છે. વેપારીના ભાગીદારે PIને નવા માણસ મોકલવા કહ્યું હોવાની ચેટ સામે આવી છે. 

હાઇરાઈઝ બિલ્ડિંગના 7માં માળે લાગી આગ 

અદાણી શાંતિગ્રામ એ પોશ બિલ્ડિંગ છે અને આ બિલ્ડિંગમાં અચાનક આગ લાગી હતી જેના કારણે ફલેટમાં રહેતા લોકોના જીવ અધ્ધર થઈ ગયા હતા, આગ એટલી પ્રસરી ગઈ હતી કે ઘરમાં રહેલ તમામ વસ્તુઓ બળીને ખાખ થઈ હતી, ફાયર વિભાગનું માનવું છે કે શોર્ટ સર્કીટના કારણે આ આગ લાગી હોઈ શકે છે, તો આગને કાબુમાં લેવાઈ છે અને બે લોકોને રેસ્કયું કરીને સલામત સ્થળે ખસેડયા છે. 

અમદાવાદના અદાણી શાંતિગ્રામમાં લાગી આગ

અમદાવાદમાં ફરી હાઈરાઈઝ બિલ્ડિંગમાં આગની ઘટના બની હતી જેમાં ફલેટના 7માં માળે ફલેટમાં આગ લાગી હતી અને બે લોકોને રેસ્કયુ કરીને તેમનો જીવ બચાવાયો હતો તો આસપાસના લોકો પણ આગ લાગતાની સાથે ફલેટમાં નીચે ઉતરી ગયા હતા અને આગ લાગવાનું કારણ અકબંધ છે, પરંતુ આ ઘટનામાં કોઈ જાનહાની થઈ નથી જેના કારણે લોકોએ રાહતનો શ્વાસ લીધો હતો, પોલીસે પણ ઘટના સ્થળે પહોંચીને તપાસ શરૂ કરી છે અને ઘરના માલિકનું નિવેદન લીધુ છે. 

Ahmedabadના અદાણી શાંતિગ્રામમાં 7માં માળે લાગી આગ, 2 લોકોનું રેસ્કયુ કરાયું

અમદાવાદના અદાણી શાંતિગ્રામમાં આગ લાગવાની ઘટના બની છે જેમાં હાઈરાઈઝ બિલ્ડિંગના 7માં માળે આગ લાગી હતી અને આગમાં 2 લોકોનું રેસ્કયું કરવામાં આવ્યું છે, ઘરમાં રહેલ તમામ સામગ્રી અને વસ્તુઓ બળીને ખાખ થઈ ગઈ છે, ફાયર વિભાગે ઘટના સ્થળે જઈને આગ પર કાબુ મેળવ્યો હતો. 

હાંસોટમાં સૌથી વધારે વરસાદ વરસ્યો છે

હાંસોટમાં સૌથી વધારે વરસાદ વરસ્યો છે તો ખેડૂતોના પાકને પણ જીવતદાન મળ્યું છે, ત્યારે અમુક ખેતરો બેટમાં ફેરવાયા છે, ગઈકાલે ભરૂચ પંથકમાં સારો વરસાદ વરસતા નીચાણવાળા વિસ્તારોમાં પાણી ભરાયા હતા, તો બીજી તરફ લોકો પણ પાણીના પ્રવાહમાં જીવના જોખમે રસ્તો ક્રોસ કરતા હોય છે, ત્યારે પ્રશાસને પણ આ મામલે લોકોને અપીલ કરી છે કે, જીવના જોખમે પાણીમાંથી નીકળો નહી અને જયા પાણીનો પ્રવાહ વધુ હોય ત્યાં ઉભા રહેવું પણ જોખમી છે.

હાંસોટથી કંટીયાળજાળને જોડતો માર્ગ વાહનવ્યવહાર માટે બંધ

ભરૂચના હાંસોટથી કંટીયાળજાળને જોડતો માર્ગ વાહનવ્યવહાર માટે બંધ થયો છે, દાંતરાઈ અને બાડોદરા ગામ વચ્ચે વનખાડીના પાણી માર્ગ પર ફરી વળ્યા છે, ખાડીપુલ માટે બનાવાયેલ ડાયવર્ઝન પરથી પાણી ફરી વળ્યા છે અને હાંસોટ પંથકમાં ખાબક્યો છે 4 ઇંચ વરસાદ, તો હજી તો રોડ પરથી પણ પાણી ઉતર્યા નથી અને વાહનચાલકોને એક જગ્યાએથી બીજી જગ્યાએ જવા માટે મુશ્કેલીનો સામેનો કરવાનો વારો આવ્યો છે, ગઈકાલે ભરૂચ પંથકમાં ખાબકયો હતો સારો વરસાદ. 

રેલવે ટ્રેક ઓળંગવો એ સજાપાત્ર ગુનો છે

ભાવનગર રેલવે ડિવિઝનના ડિવિઝનલ રેલવે મેનેજર રવીશ કુમારે તમામ પશુપાલકોને વિનંતી કરી છે કે તેઓ પોતે પાટા ઓળંગે નહીં અને પશુઓને પણ છૂટા ન છોડે. રેલવે ટ્રેક ઓળંગવો એ સજાપાત્ર ગુનો છે, પશુપાલકોએ તેમના પશુઓની સંભાળ રાખવી જોઈએ, તેમને છૂટા ન છોડવા જોઈએ. ડિવિઝનલ રેલવે મેનેજર રવીશ કુમારે સામાન્ય જનતાને પણ અપીલ કરી છે કે રેલવે મુસાફરોએ રેલવે ટ્રેક પર ખાદ્ય પદાર્થો ફેંકવા જોઈએ નહીં. પશુઓ અથડાવાની ઘટના પછી, જ્યારે અકસ્માત સર્જનારી ટ્રેન અટકી જાય છે, ત્યારે તેની પાછળ બીજી ટ્રેનોની લાઇન લાગી જાય છે. ટ્રેનો એક પછી એક સેક્શનમાં ફસાઈ જાય છે, જેના કારણે ટ્રેનો મોડી પડે છે અને મુસાફરોને પણ અસુવિધા થાય છે.

આજકાલ રેલવે રખડતા પ્રાણીઓને કારણે ટ્રેનોના સંચાલન અંગે ખૂબ જ પરેશાન છે

ટ્રેનમાં પશુઓ અથડાવાથી રેલવેને કરોડો રૂપિયાનું નુકસાન સહન કરવું પડે છે. આવી ઘટનાઓ પછી રેલવેની છબી ખરડાય છે. આવી ઘટનાઓને કારણે મુસાફરોને થતી મુશ્કેલીઓનો ભાર પણ રેલવેના ખભા પર પડે છે. રેલવે કર્મચારીઓ રેલવે લાઇન પર આવેલા ગામડાઓ અને વિસ્તારોમાં જાગૃતિ અભિયાન ચલાવી રહ્યા છે. રેલવે ટ્રેક પર રહેતા પશુપાલકોને સમજાવવાનો પ્રયાસ કરવામાં આવી રહ્યો છે. રેલવે ટ્રેક પર ખાદ્ય પદાર્થો ફેંકવા પર પ્રતિબંધ છે.

રેલવે ટ્રેકની આસપાસના ગામોના ગ્રામજનોએ જાગૃત રહેવાની જરૂર છે

રેલવે વહીવટીતંત્ર ગામલોકોને સમજાવી રહ્યું છે કે તેઓએ રેલવે ટ્રેક ઓળંગવો નહીં. ખાસ કરીને એવા પશુપાલકો માટે સાવચેત રહેવું મહત્વપૂર્ણ છે જેઓ તેમના પશુઓને રેલવે ટ્રેકની બાજુમાં ચરાવવા માટે છોડી દે છે. જો કોઈ રેલવે ટ્રેક ઓળંગવાનો દોષી સાબિત થાય છે, તો આમ કરવું એ સજાપાત્ર ગુનો છે. લોકોને કહેવામાં આવી રહ્યું છે કે આ ગુના માટે તેમને આજીવન કેદની સજા થઈ શકે છે. આ ઝુંબેશમાં સંબંધિત ગામોના વડા અને બુદ્ધિજીવીઓનો પણ સહયોગ લેવામાં આવી રહ્યો છે.

Railway : પશુપાલકો પશુઓને રેલવે ટ્રેક પર ન મોકલો, તેનાથી આજીવન કેદ થઈ શકે છે

પશ્ચિમ રેલવેના ભાવનગર ડિવિઝનમાં રેલવે ટ્રેક પર પશુઓ આવવા અને અવરોધ ઉભો કરવાના ઘણા કિસ્સાઓ પ્રકાશમાં આવ્યા છે. ભાવનગર ડિવિઝનના સિનિયર ડિવિઝનલ કોમર્શિયલ મેનેજર  અતુલ કુમાર ત્રિપાઠીના જણાવ્યા અનુસાર, રેલવે ટ્રેક પર આવતા પશુઓ માત્ર રેલવે ટ્રેકને અવરોધે છે એટલું જ નહીં પરંતુ અકસ્માતોની શક્યતા પણ રહે છે. 

મુંબઈ ક્રાઈમ બ્રાન્ચની ઓળખ આપીને રૂપિયા પડાવ્યા 

નવેમ્બર મહિનામાં શિકાર બનેલી આ યુવતીની 18મી જૂને સાયબર પોલીસે ફરિયાદ લીધી હતી. પાલનપોર જકાતનાકા પાસે રહેતી 29 વર્ષીય પરિણીતા વેબ ડેવલોપર તરીકે ઘરેથી જ કામ કરે છે. પતિ હજીરાની કંપનીમાં એન્જિનિયર છે. ગત 28મી નવેમ્બરની બપોરે પોણા ત્રણ વાગ્યે તેનો ફોન રણક્યો હતો. સામેથી વાત કરનાર વ્યક્તિએ ફેડેક્સ કુરિયર સર્વિસ મુંબઇથી શિવમ પાઠક તરીકે ઓળખ આપી હતી. તેના નામે ઇરાન મોકલાઈ રહેલા પાર્સલમાંથી 300 ગ્રામ એમ.ડી. ડ્રગ્સ મળ્યાનું કહી ખેલ શરૂ થયો હતો. તેમના ડેબિટ કાર્ડમાંથી કુરિયર ફી તરીકે 87,640 રૂપિયા ચૂકવવામાં આવ્યાનું જણાવ્યું હતું. પોતે કોઈ કુરિયર નહિ કર્યાનું કે ફી નહિ ચૂકવ્યાનું જણાવતાં ફરિયાદ કરવી પડશે તેમ કહી મુંબઈ ક્રાઇમ બ્રાન્ચની અધિકારીને કોલ ટ્રાન્સફર કરતા હોવાનું કહી વીડિયો કોલ કરાવ્યો હતો.

પોણા ચાર કલાક સુધી ડિજિટલ એરેસ્ટ બનાવી યુવતીને

સુરતના રાંદેરની યુવતીને ડિજિટલ એરેસ્ટમાં ફસાવી રૂપિયા 19.91 લાખ પડાવ્યા હોવાની વાત સામે આવી છે, જેમાં પોણા ચાર કલાક સુધી યુવતીને ડિજિટલ એરેસ્ટમાં ફસાવી રૂપિયા 19.91 લાખ પડાવ્યા છે, યુવતીના એકાઉન્ટમાં રૂપિયા 2000 હતા પરંતુ આરોપીએ ઇન્સ્ટન્ટ લોન લેવડાવી પૈસા પડાવ્યા  છે, મુંબઈ ક્રાઈમ બ્રાન્ચ માંથી બોલું છું અને તમારા પાર્સલમાંથી ડ્રગ્સ મળ્યું છે તેમ કહી રૂપિયા પડાવ્યા છે, યુવતીએ સમગ્ર ઘટનામાં પોલીસને જાણ કરી છે અને ફરિયાદ નોંધાઈ છે. 

Suratના રાંદેરમાં પોણા ચાર કલાક યુવતીને ડિજિટલ એરેસ્ટ બનાવીને ઠગે પડાવ્યા રૂપિયા 19.91 લાખ 

સુરતના રાંદેરની યુવતી બની સાયબર ફ્રોડનો ભોગ જેમાં મુંબઈ ક્રાઈમ બ્રાંચના નામે યુવતી પાસેથી રૂપિયા પડાવ્યા હોવાની વાત સામે આવી છે, તમારા પાર્સલમાંથી ડ્રગ્સ મળ્યું છે તેમ કહી રૂપિયા પડાવ્યા હતા અને યુવતીને ડિજિટલ એરેસ્ટ કરી 19.91 લાખ પડાવ્યા છે, સાયબર ગઠિયાએ ઇન્સ્ટન્ટ લોનના નામે રૂપિયા ખંખેર્યા છે, સુરત સાયબર ક્રાઇમ સેલ પોલીસે તપાસ હાથધરી. 

22 જુનના રોજ ગ્રામ પંચાયતની ચૂંટણી યોજાશે

ધોળકા તાલુકામાં ૫૭૦૫ સ્ત્રી મતદારો અને ૬૧૭૪ પુરુષ મતદારો સહિત કુલ ૧૧૮૭૯ મતદારો નોંધાયેલા છે. દેત્રોજ – રામપુરા તાલુકામાં ૯૦૧૯ સ્ત્રી મતદારો અને ૯૪૩૨ પુરુષ મતદારો સહિત કુલ ૧૮૪૫૧ મતદારો નોંધાયેલા છે. સાણંદ તાલુકામાં ૭૪૬૩ સ્ત્રી મતદારો અને ૭૫૪૯ પુરુષ મતદારો સહિત કુલ ૧૫૦૧૨ મતદારો નોંધાયેલા છે. અમદાવાદ જિલ્લામાં કુલ ૫૫,૮૦૭ સ્ત્રી મતદારો, ૫૭,૯૫૪ પુરુષ મતદારો અને કુલ ૧,૧૩,૭૬૧ મતદારો નોંધાયેલા છે.

અમદાવાદ ગ્રામ પંચાયતની ચૂંટણીમાં ૩૯૭૪ પુરુષ મતદારો સહિત કુલ ૭૮૯૭ મતદારો નોંધાયેલા

દસક્રોઇ તાલુકામાં ૬૮૨૧ સ્ત્રી મતદારો અને ૬૭૫૮ પુરુષ મતદારો સહિત કુલ ૧૩૫૭૯ મતદારો નોંધાયેલા છે. ધોલેરા તાલુકામાં ૬૯૯૮ સ્ત્રી મતદારો અને ૭૯૮૮ પુરુષ મતદારો સહિત કુલ ૧૪૯૮૬ મતદારો નોંધાયેલા છે. ધંધુકા તાલુકામાં ૬૪૩૮ સ્ત્રી મતદારો અને ૬૮૨૪ પુરુષ મતદારો સહિત કુલ ૧૩૨૬૨ મતદારો નોંધાયેલા છે. વિરમગામ તાલુકામાં ૪૯૯૨ સ્ત્રી મતદારો અને ૪૬૮૯ પુરુષ મતદારો સહિત કુલ ૯૬૮૧ મતદારો નોંધાયેલા છે. માંડલ તાલુકામાં ૩૯૨૩ સ્ત્રી મતદારો અને ૩૯૭૪ પુરુષ મતદારો સહિત કુલ ૭૮૯૭ મતદારો નોંધાયેલા છે. 

જિલ્લામાં કુલ ૫૯ ગ્રામ પંચાયતોમાં સરપંચની ૫૩ બેઠકો પર ચૂંટણી

સાણંદ તાલુકામાં પાંચ ગ્રામ પંચાયતોમાં, પાંચ સરપંચની બેઠક અને ૬ વોર્ડના સભ્યો માટે ચૂંટણી યોજાશે. આમ જિલ્લામાં કુલ ૫૯ ગ્રામ પંચાયતોમાં સરપંચની ૫૩ બેઠકો અને ૧૫૨ વોર્ડના સભ્યો માટે ચૂંટણીઓ યોજાશે. જિલ્લામાં કુલ ૧૨૫ મતદાન મથકોએ મતદાન થશે. અમદાવાદ જિલ્લામાં ગ્રામ પંચાયતની ચૂંટણી પ્રક્રિયામાં ચૂંટણી અધિકારીઓ, પોલીસ સ્ટાફ અને પોલિંગ સ્ટાફ સહિત કુલ ૧,૧૬૦ કર્મચારીઓ કાર્યરત  રહેશે. બાવળા તાલુકામાં ૪૪૪૮ સ્ત્રી મતદારો અને ૪૫૬૬ પુરુષ મતદારો સહિત કુલ ૯૦૧૪ મતદારો નોંધાયેલા છે. 

રામપુરા તાલુકામાં ૧૨ ગ્રામ પંચાયતોમાં ચૂંટણી યોજાશે

ધંધુકા તાલુકામાં પાંચ ગ્રામ પંચાયતોમાં, પાંચ સરપંચની બેઠક અને ૨૮ વોર્ડના સભ્યો માટે ચૂંટણી યોજાશે. વિરમગામ તાલુકામાં ૯ ગ્રામ પંચાયતોમાં, ૮ સરપંચની બેઠક અને ૨૧ વોર્ડના સભ્યો માટે ચૂંટણી યોજાશે. માંડલ તાલુકામાં ૪ ગ્રામ પંચાયતોમાં, ૪ સરપંચની બેઠક અને પાંચ વોર્ડના સભ્યો માટે ચૂંટણી યોજાશે. ધોળકા તાલુકામાં ૬ ગ્રામ પંચાયતોમાં, ૪ સરપંચની બેઠક અને પાંચ વોર્ડના સભ્યો માટે ચૂંટણી યોજાશે. દેત્રોજ–રામપુરા તાલુકામાં ૧૨ ગ્રામ પંચાયતોમાં, ૧૨ સરપંચની બેઠક અને ૪૨ વોર્ડના સભ્યો માટે ચૂંટણી યોજાશે. 

૩૫ વોર્ડના સભ્યો માટે ચૂંટણી યોજાશે

પ્રાપ્ત વિગતો અનુસાર, બાવળા તાલુકામાં ૪ ગ્રામ પંચાયતોમાં, ૩ સરપંચની બેઠક અને ૯ વોર્ડના સભ્યો માટે ચૂંટણી લડાશે. દસ્ક્રોઇ તાલુકામાં પાંચ ગ્રામ પંચાયતોમાં, ૪ સરપંચની બેઠક અને ૧ વોર્ડના સભ્ય માટે ચૂંટણી યોજાશે. ધોલેરા તાલુકામાં ૯ ગ્રામ પંચાયતોમાં, ૮ સરપંચની બેઠક અને ૩૫ વોર્ડના સભ્યો માટે ચૂંટણી યોજાશે. 

Ahmedabad જિલ્લામાં 59 ગ્રામ પંચાયતોમાં સરપંચની 53 બેઠકો પર ચૂંટણી યોજાશે 

અમદાવાદ જિલ્લામાં ૨૨ જૂને ગ્રામ પંચાયતોની ચૂંટણી યોજાનાર છે. ચૂંટણી પ્રક્રિયાના સુચારું વહન માટે રાજ્ય ચૂંટણી આયોગ અને જિલ્લા ચૂંટણી અધિકારી દ્વારા તમામ વ્યવસ્થાઓ સુનિશ્ચિત કરવામાં આવી છે. 

Air Indiaની ફ્લાઇટ AI-171ના બ્લેક બોક્સની અમેરિકામાં નહી દિલ્હીમાં તપાસ થશે, MoCA

અમદાવાદમાં એરઈન્ડિયાનું પ્લેન ક્રેશ થવાની દુર્ઘટનામાં 265થી વધુ લોકોના મોત થયા હતા. આ ઘટનાના બીજા જ દિવસે હાથ ધરવામાં આવેલ સર્ચ ઓપરેશનમાં વિમાનમાં રાખવામાં આવતું બ્લેક બોક્સ મળી આવ્યું હતું. આ બ્લેક બોક્સની ચકાસણી બાદ અકસ્માત થવાની સાચી હકીકત સામે આવશે. દરમિયાન એવા સમાચાર સામે આવ્યા હતા કે એર ઇન્ડિયાની ફ્લાઇટ AI-171 ના બ્લેક બોક્સની અમેરિકામાં ચકાસણી કરવામાં આવશે. ત્યારે હાલમાં નાગરિક ઉડ્ડયન મંત્રાલય દ્વારા આ બાબતનું ખંડન કરવામાં આવ્યું છે.

પૂર્વ કાઉન્સિલર અશોક ખારવાનો સાળો હિતેશ ખારવા ઝડપાયો 

વડોદરાની શિંદે કોલોનીના 29 નંબરના મકાનમાં ચાલતી હતી દારૂની મહેફિલ અને મહેફિલ ચાલતી હતી તે સમયે જ પોલીસ ત્યાં ત્રાટકી હતી અને દારૂની મહેફિલમાં દોડધામ મચી હતી, પોલીસે તમામ નશેડીઓના રીપોર્ટ પણ કઢાવ્યા છે અને દારૂ સાથે મોબાઈલ ફોન અને વાહન પણ મુદ્દામાલ તરીકે જપ્ત કર્યો છે, ત્યારે પોલીસનું કહેવું છે કે, તમામ લોકો સામે કાયદેસરની કાર્યવાહી કરી છે અને ઝડપાયેલા લોકો પાસે કોઈ પરમિટ નથી અને દારૂનું સેવન કરી રહ્યાં હતા.

નવાપુરામાં મકાનમાં ચાલી રહી હતી દારૂની મહેફિલ 

વડોદરામાં દારૂની મહેફિલ ઝડપાઈ છે, જેમાં નવાપુરા પોલીસે દારૂની મહેફિલ પર દરોડા પાડીને 9 લોકોને ઝડપી પાડયા છે, આ દારૂની મહેફિલમાં ભાજપના પૂર્વ કાઉન્સિલરનો સાળો પણ ઝડપાયો છે, પોલીસને બાતમી મળી હતી કે એક ઘરમાં દારૂની મહેફિલ ચાલી રહી છે ત્યારે પોલીસ ત્યાં પહોંચી તો દારૂની મહેફિલ ચાલતી હતી અને તમામ લોકો નશામાં હતા, પોલીસે પ્રોહિબિશન એકટ હેઠળ ગુનો નોંધ્યો છે અને તમામ લોકોની ધરપકડ કરી છે. 

Vadodaraમાં દારૂની મહેફિલ ઝડપાઈ, 9 લોકો નવાપુરમાં ઢીંચતા હતા દારૂ 

વડોદરામાં દારૂની મહેફિલ ઝડપાઈ છે અને દારૂની મહેફિલ માણતા 9 લોકોની પોલીસે ધરપકડ કરી છે, નવાપુરમાં મકાનમાં દારૂની મહેફિલ ચાલતી હતી અને તેની પર પોલીસે દરોડા પાડયા હતા, આ દારૂની મહેફિલમાં ભાજપના નેતા અશોક ખારવાનો સાળો ઝડપાયો છે અને શિંદે કોલોનીમાં મકાનમાં ચાલતી હતી મહેફિલ. 

ગાંધી ચોકથી નવાડેલાને જોડતો રોડ પર ખાડારાજ 

સ્થાનિક સમસ્યાઓને લઈને કોંગ્રેસે આકરા તેવર વ્યક્ત કર્યા હતા કે 30 વર્ષથી ભાજપનું શાસન છે મોટા ભાગનો સમય ભાજપે શાસન કર્યું હતું અને દર વખતે  મોરબીને પેરીસ બનાવવાના સપના દેખાડ્યા હતા પણ સ્થિતિ એટલી હદે ખરાબ છે કે પરીસ તો બહુ દુર હાલ શહેરની સ્થિતિ ગ્રામ પંચાયત વિસ્તાર કરતા પણ બદતર બની ગઈ છે, ભાજપના શાસનમાં ભ્રષ્ટાચાર આચરવામાં આવ્યો છે અને વર્ષે કરોડો રૂપિયાના બીલો ઉઘરાવી લોકોના પરસેવાની કમાણીથી પોતાના ઘર ભરવા સિવાય કશું કર્યું મોરબી મહાનગર પાલિકા બન્યા બાદ પણ લોકોની સમસ્યા ઠેર ને ઠેર રહી દર વર્ષે રહી છે.

મોરબીમાં રોડની સમસ્યા ઠેરની ઠેર 

મોરબી મહાનગર પાલિકા બન્યા બાદ લોકોમાં એવી આશા હતી કે નગરપાલિકામાંથી મહાનગર પાલિકા બન્યા બાદ સુવિધામાં વધારો થશે અને સમસ્યા ઓછી થશે પરંતુ મોરબી વાસીઓની આ આશા ઠગારી નીવડી છે અને સમસ્યાઓ ઠેર-ઠેરને જોવા મળી રહી છે. મોરબી શહેરના કેટલાક રસ્તાઓ તો દોઢ ફૂટ ઊંડા ખાડા પડી ગયા હોય તેવા દ્રશ્ય જોવા મળી રહ્યા છે ત્યારે લોકોને ખાડામાંથી મુક્તિ અપાવી સારા રોડ મળે તેવી માગ કરી રહ્યા છે. 

મોરબીની જનતા ખખડધજ રોડના કારણે ત્રાહિમામ પોકારી ગઈ 

જેમાં શહેરના ગાંધી ચોકથી નવાડેલાને જોડતો રોડ, માધાપર મેઈન રોડ મહેન્દ્ર પરા રોડ મચ્છુ માતાના મંદિરથી માધાપર સુધીનો રોડ,અયોધ્યાપુરી રોડ જુના બસ સ્ટેશનના પાછળના ભાગનો રોડ, પંચાસર રોડ.ચિત્રકૂટ સોસાયટી બાયપાસ જોડતો રોડ, લાતી પ્લોટ વિસ્તાર આમ શહેરના મોટાભાગના રસ્તાઓ ઉબડ ખાબડ બન્યા છે મોરબીની જનતા ખખડધજ રોડના કારણે ત્રાહિમામ પોકારી ગઈ છે તો સાથે આ મસમોટા ખાડા કમરનો દુઃખાવો પણ થતો હોવાની ફરિયાદ કરી રહ્યા છે.

Morbiમાં મોટાભાગના રસ્તાઓ ઉબડ ખાબડ બન્યા, સ્થાનિકોને પડી રહી છે ભારે તકલીફ 

મોરબી મહાનગર પાલિકા બન્યા બાદ પણ લોકોની સમસ્યા ઠેર ની ઠેર રહી દર વર્ષે ચોમાસાની શરુઆત થતાની સાથે શહેરના વિવિધ મુખ્યમાર્ગો પર ડામર મેકઅપની જેમ ઉખડી લોકોને સમસ્યા રૂપે દુઃખ આપી રહ્યા છે.

ECI એ ઇન્ડેક્સ કાર્ડ જનરેટ કરવાની પ્રક્રિયાને પણ ડીજીટલ કરી

26/05/2025ના રોજ ચૂંટણીની જાહેરાત થઈ ત્યારથી, વિવિધ એન્ફોર્સમેન્ટ એજન્સીઓ દ્વારા કુલ 90.15 લાખની જપ્તી કરવામાં આવી છે. જ્યારે મતદાનના દિવસે સાંજે પાંચ વાગ્યા સુધીમાં 41 નાગરિકો પાસેથી સી-વિજિલ એપ દ્વારા ફરીયાદો મળી હતી જેમાંથી 34 ફરીયાદો 100 મિનિટના સમયગાળામાં ઉકેલવામાં આવી હતી. ECI એ ઇન્ડેક્સ કાર્ડ જનરેટ કરવાની પ્રક્રિયાને પણ ડીજીટલ કરી છે જે પરંપરાગત મેન્યુઅલ પદ્ધતિનું સ્થાન લેશે. ગણતરી બાદ નવી સિસ્ટમ ઓટોમેશન અને ડેટા ઇન્ટિગ્રેશન દ્વારા ઇન્ડેક્સ કાર્ડનું ઝડપી રિપોર્ટિંગ અને રિલીઝ સુનિશ્ચિત કરશે.

દિવ્યાંગ મતદારોને પોસ્ટલ બેલેટ દ્વારા ઘરે મતદાન કરવાની સુવિધા આપવામાં આવી હતી

172 જેટલા 85થી વધુ વયના અને દિવ્યાંગ મતદારોને પોસ્ટલ બેલેટ દ્વારા ઘરે મતદાન કરવાની સુવિધા આપવામાં આવી હતી, જેના માટે ખાસ સમર્પિત ટીમો દ્વારા ઉમેદવારોના પ્રતિનિધિઓની હાજરીમાં મતદાનની પ્રક્રિયા ધરવામાં આવી હતી.ચૂંટણી પ્રક્રિયાઓના નિરીક્ષણ માટે  ECI એ 2 સામાન્ય નિરીક્ષકો, 2 પોલીસ નિરીક્ષકો અને 2 ખર્ચ નિરીક્ષકોની પણ નિમણૂક કરી હતી. 

મતદાન મથકોના પ્રવેશદ્વારથી 100 મીટરના અંતરે તેમના બૂથ બનાવવાની મંજૂરી આપવામાં આવી હતી

મતદાર યાદીના સંક્ષિપ્ત સુધારણાથી લઈને મતદાન સુધી, CEO, DEO અને ERO/RO સ્તરે રાજકીય પક્ષોના પ્રતિનિધિઓ સાથે સંખ્યાબંધ બેઠકો યોજાઈ. ચૂંટણી લડી રહેલા ઉમેદવારો/પ્રતિનિધિઓ સાથે RO સ્તરે પણ અનેક બેઠકો યોજાઈ હતી જેથી તેમને વિવિધ ચૂંટણી પ્રક્રિયાઓ વિશે માહિતગાર કરી શકાય. ECIના સુધારેલા નિયમો અનુસાર ઉમેદવારોને મતદાન મથકોના પ્રવેશદ્વારથી 100 મીટરના અંતરે તેમના બૂથ બનાવવાની મંજૂરી આપવામાં આવી હતી, જે મતદારો માટે અને તેમાં પણ ખાસ કરીને જેમની પાસે મતદાર માહિતી સ્લિપ ન હોય તેમના માટે ફાયદાકારક હતી.

ઓફિસર્સ દ્વારા EVMની સંપૂર્ણ કાર્યદક્ષતાની ખાતરી કરવામાં આવી હતી

ચૂંટણી પંચના જનરલ ઓબ્ઝર્વર્સની હાજરીમાં 3-તબક્કાના રેન્ડમાઇઝેશન દ્વારા મતદાન કર્મચારીઓને ફરજો સોંપવામાં આવી હતી. તાલીમ કાર્યક્રમો દરમિયાન હેન્ડ્સ ઓન તાલીમનું આયોજન કરવામાં આવ્યું હતું. જેમાં દરેક ઉચ્ચ અધિકારીએ EVM  મોક પોલ હાથ ધર્યો હતો, જેમાં રેન્ડમલી 100 મોક વોટ નાખ્યા હતા અને પરિણામ ચકાસીને VVPAT સ્લિપ સાથે પણ સરખામણી કરી હતી. તાલીમના અંતે, પ્રિસાઇડિંગ ઓફિસર્સ દ્વારા EVMની સંપૂર્ણ કાર્યદક્ષતાની ખાતરી કરવામાં આવી હતી. 

ચૂંટણી લડતા ઉમેદવારોને અગાઉથી ઉપલબ્ધ કરાવવામાં આવી હતી

દરેક તબક્કે,  EVM પર મોક પોલ કરવામાં આવ્યા હતા અને તેના પરિણામોની VVPAT સ્લિપ સાથે સરખામણી કરવામાં આવી હતી. મતદાન મથકોને EVMની ફાળવણી 2-તબક્કાની રેન્ડમાઇઝેશન પ્રક્રિયા દ્વારા ઉમેદવારો/તેમના અધિકૃત પ્રતિનિધિઓની હાજરીમાં કરવામાં આવી હતી. મતદાન મથકો પર તૈનાત કરવાના EVMની યાદી ચૂંટણી લડતા ઉમેદવારોને અગાઉથી ઉપલબ્ધ કરાવવામાં આવી હતી.

વિસાવદરમાં ઉપયોગમાં લેવાનાર EVMમાં કમિશનિંગ કરાયું હતું

વિસાવદરમાં EVM નું ફર્સ્ટ લેવલ ચેકિંગ 02/05/2025થી 05/05/2025 દરમિયાન તથા કડીમાં 24/02/2025થી 28/02/2025 દરમિયાન પૂર્ણ કરાયું. ફર્સ્ટ લેવલ ચેકિંગ પૂર્ણ થતા મોકપોલ આયોજિત કરવામાં આવ્યો હતો. ત્યારબાદ તા. 13/06/2025ના રોજ વિસાવદરમાં ઉપયોગમાં લેવાનાર EVMમાં કમિશનિંગ કરાયું હતું. જ્યારે તા. 12/06/2025ના રોજ કડીમાં ઉપયોગમાં લેવાનાર EVMમાં કમિશનિંગ ઉમેદવારો/તેમના અધિકૃત પ્રતિનિધિઓની હાજરીમાં કરવામાં આવ્યું હતું. 

બંને વિધાનસભા બેઠકોના મતવિસ્તારમાં કુલ 588 મતદાન મથકો સ્થાપવામાં આવ્યા હતા

મતદાન મથકમાં મતદારોની સંખ્યા ઘટાડીને 1200 કરવાના ચૂંટણી પંચના તાજેતરના નિર્ણયને કારણે નવા 3 સહિત કુલ 588 મતદાન મથકો સ્થાપવામાં આવ્યા હતા. દરેક મતદાન મથક પર ખાતરીપૂર્વકની લઘુત્તમ સુવિધાઓ પૂરી પાડવામાં આવી હતી. તદુપરાંત પ્રથમ વખત મતદારોની સુવિધા માટે મતદાન મથકોના પ્રવેશદ્વાર પર મોબાઇલ ફોન જમા કરવાની સુવિધા ઉભી કરવામાં આવી હતી. કુલ મતદાન મથકોમાં 04  મહિલા સંચાલિત 1 પીડબ્લ્યુડી મતદાન મથક અને 1 મોડેલ મતદાન મથક સ્થાપિત કરવામાં આવ્યા હતા. 

મતદાર યાદીમાં કુલ 5,06,037 મતદારો નોંધાયેલા હતા

માન્ય રાજકીય પક્ષો દ્વારા નિયુક્ત કરાયેલા BLA એ પ્રક્રિયાની ચકાસણી કર્યા બાદ કડીમાં 692 અને વિસાવદરમાં 489 દાવાઓ અને વાંધા દાખલ કરવામાં આવ્યા. ત્યારબાદ અંતિમ મતદાર યાદીની નકલ તમામ માન્ય રાજકીય પક્ષોને ઉપલબ્ધ કરાવવામાં આવી હતી. RP એક્ટ 1950 ની કલમ 24(a) હેઠળ જિલ્લા મેજિસ્ટ્રેટ તથા કલમ 24(b) હેઠળ મુખ્ય ચૂંટણી અધિકારી સમક્ષ એક પણ અપીલ દાખલ કરવામાં આવી નથી. મતદાર યાદીની એક નકલ ચૂંટણી લડતા તમામ ઉમેદવારોને મોકલવામાં આવી હતી. મતદાર યાદીમાં કુલ 5,06,037 મતદારો નોંધાયેલા હતા. 01 મહિલા ઉમેદવાર સહિત કુલ 24 ઉમેદવારો ચૂંટણીના મેદાનમાં હતા.

મતદાન શરૂ થાય તે પહેલાં દરેક મતદાન મથક પર EVM પર એક મોક પોલ કરવામાં આવ્યો હતો

ઉમેદવારો દ્વારા નિયુક્ત કરાયેલા મતદાન એજન્ટો હાજર રહ્યા હતા. પેટા ચૂંટણી માટે, ચૂંટણી પંચે તા. 01/04/2025ના રોજ લાયકાત ધરાવતા નાગરિકો માટે મતદાર યાદીના ખાસ સંક્ષિપ્ત સુધારણાનો નિર્દેશ આપ્યો હતો. ખાસ સંક્ષિપ્ત સુધારણા અને મતદાર યાદીની આખરી પ્રસિદ્ધિ તા. 05/05/2025ના રોજ કરવામાં આવી હતી. તેની એક નકલ માન્ય રાજકીય પક્ષોને ઉપલબ્ધ કરાવવામાં આવી હતી. યાદીઓ સાચી અને અપડેટેડ હોવાની ખાતરી મતદાન મથક સ્તરે BLO એ કરી હતી.  

નોંધાયેલા મતોના વાસ્તવિક સંખ્યાની વિગતો આપવામાં આવી

કેન્દ્રીય ચૂંટણી પંચની એક નવી પહેલના ભાગ રૂપે, મતદાન મથકના પ્રિસાઇડિંગ અધિકારીઓ દ્વારા ECINET એપ પર મતદાન ડેટા અપલોડ કરવામાં આવ્યો છે. સાંજે 7:00 વાગ્યા સુધી અપલોડ કરાયેલા ડેટા મુજબ ૮૭- વિસાવદર બેઠક માટે અંદાજિત 56.89 % મતદાન નોંધાયું છે, જ્યારે ૨૪- કડી (એસ.સી.) બેઠક પર 57.90 % મતદાન નોંધાયું છે. ઉલ્લેખનીય છે કે, મતદાન ટકાવારીના વલણો અંદાજિત છે. ચૂંટણી આચાર સંહિતાના નિયમો, 1961ના નિયમ 49S હેઠળ, પ્રિસાઇડિંગ અધિકારીઓએ મતદાનના અંતે મતદાન મથક પર હાજર રહેલા ઉમેદવારોના મતદાન એજન્ટોને ફોર્મ 17C આપેલ હોય છે,  જેમાં નોંધાયેલા મતોના વાસ્તવિક સંખ્યાની વિગતો આપવામાં આવી છે.

Kadi-Visavadarની વિધાનસભાની પેટાચૂંટણીમાં કડીમાં 57.90 % અને વિસાવદરમાં  56.89 % મતદાન નોંધાયું

૮૭- વિસાવદર બેઠક માટે અંદાજિત 56.89 % મતદાન નોંધાયું છે, જ્યારે ૨૪- કડી (એસ.સી.) બેઠક પર અંદાજિત 57.90 % મતદાન નોંધાયું છે. ૨૪- કડી (એસ.સી.) અને ૮૭- વિસાવદર વિધાનસભા બેઠકોની પેટાચૂંટણી માટે  મતદાન યોજાયું હતું. મતદાન સવારે ૭:૦૦ વાગ્યે શરૂ થયું અને સુવ્યવસ્થિત અને શાંતિપૂર્ણ માહોલમાં સંપન્ન થયું. 

બીજા તબક્કા માટે રજિસ્ટ્રેશનની પ્રક્રિયા 19મી જૂનથી શરૂ કરી દેવામાં આવી

ઉચ્ચ શિક્ષણ કમિશનર કચેરી દ્વારા અનુસ્નાતક (PG) કક્ષાના પ્રોગ્રામ્સમાં પ્રવેશના બીજા તબક્કા માટે રજિસ્ટ્રેશનની પ્રક્રિયા 19મી જૂનથી શરૂ કરી દેવામાં આવી છે. તેમજ આ બીજા તબક્કાનું સંપૂર્ણ ફોર્મ ફિલિંગ 1 જૂલાઈ સુધી કરી શકાશે. જે વિદ્યાર્થીઓ એ પ્રવેશના પ્રથમ તબક્કામા અરજી કરી હોય અને આવી અરજીમાં સુધારો કરવા ઈચ્છતા હોય, પ્રથમ તબક્કામા પ્રવેશ રદ કરાવ્યો હોય, પોતાની યુનિવર્સિટી-કોલેજ-પ્રોગ્રામની ચોઈસ બદલવા ઈચ્છતા હોય તો તે તા.2 અને 3 જૂલાઈ દરમિયાન કરી શકાશે. અનુસ્નાતક (PG) કક્ષાના પ્રોગ્રામ્સમાં પ્રવેશના બીજા તબક્કામાં પ્રવેશ માટે વિદ્યાર્થીઓએ 19 જૂન 2025 થી 4 જૂલાઈ સુધીમા પોતાને લાગુ પડતા કિસ્સામાં અરજીઓ વેરિફાઈ કરાવવાની રહેશે તથા બીજા તબક્કાના પ્રવેશની કાર્યવાહી 8 જૂલાઈ, 2025થી શરૂ થશે તેમ પણ ઉચ્ચ શિક્ષણ કમિશનર કચેરી દ્વારા જણાવવામાં આવ્યું છે.  

અનુસ્નાતક કક્ષાના વિવિધ અભ્યાસક્રમમોમાં પ્રવેશ માટેનો પ્રથમ તબક્કો

અનુસ્નાતક કક્ષાના પ્રવેશ માટે યુનિવર્સિટી કે કોલેજ દ્વારા પ્રથમ તબક્કામાં વેરીફાઈ થયેલા કુલ 45,341 વિદ્યાર્થીઓમાંથી 31,299 વિદ્યાર્થીઓને ઓફર્સ આપવામાં આવી હતી. વેરિફાઈડ થયેલા વિદ્યાર્થીઓના 21.60 ટકા વિદ્યાર્થીઓએ GCAS પોર્ટલ મારફતે તેમનો પ્રવેશ કન્ફર્મ કરાવી લીધો છે. અનુસ્નાતક કક્ષાના વિવિધ અભ્યાસક્રમમોમાં પ્રવેશ માટેના પ્રથમ તબક્કાનો પ્રથમ રાઉન્ડ 20 જૂન,2025ના પૂર્ણ થશે.

અનુસ્નાતક કક્ષાના પ્રવેશ સંદર્ભમાં આ કચેરી દ્વારા જણાવાયું

GCAS પોર્ટલ પર પ્રવેશ પ્રક્રિયા સંબંધિય યુનિવર્સિટીના નિયમોને આધિન રહીને કરવામા આવે છે તથા આવી પ્રવેશ પ્રક્રિયામાં એલિજિબિલીટી કે મેરીટના નિયમો નક્કી કરવામા GCASની કોઈ ભૂમિકા નથી તેમ પણ ઉચ્ચ શિક્ષણ કમિશનર કચેરી દ્વારા સ્પષ્ટ પણે જણાવવામાં આવ્યું છે. અનુસ્નાતક કક્ષાના પ્રવેશ સંદર્ભમાં આ કચેરી દ્વારા જણાવવામાં આવ્યું છે કે, શૈક્ષણિક વર્ષ 2025-26થી GCAS પોર્ટલ મારફતે અનુસ્નાતક કક્ષાના વિવિધ અભ્યાસક્રમોમાં વિદ્યાર્થીઓને પ્રવેશ મેળવવા માટે પ્રથમ તબક્કાનો પ્રથમ રાઉન્ડમાં 19 જૂન 2025 સુધીમાં 9,793 વિદ્યાર્થીઓએ તેમનો પ્રેવશ કોઈપણ યુનિવર્સિટી-કોલેજ ખાતે કન્ફર્મ કરાવ્યો છે.

વિદ્યાર્થીઓએ અત્યારસુધીમાં GCAS પોર્ટલમાં તેમની અરજી વેરિફાઈ કરાવી

રાજ્યના ઉચ્ચ શિક્ષણ કમિશનરની કચેરી દ્વારા આ વિગતો આપવા ઉપરાંત ખાનગી યુનિવર્સિટીમાં પ્રવેશ બાબતોની માહિતી આપતા જણાવવામાં આવ્યું છે કે, 2025-26ના શૈક્ષણિક વર્ષમાં 4,21,374  વિદ્યાર્થીઓએ ધો,12ની પરીક્ષા ઉતિર્ણ કરી છે તેમાંથી 3,15,791 વિદ્યાર્થીઓએ અત્યારસુધીમાં GCAS પોર્ટલમાં તેમની અરજી વેરિફાઈ કરાવી છે તેમાંથી  1,26,693 વિદ્યાર્થીઓએ પોતાના પ્રવેશ કન્ફર્મ કરાવ્યા છે. બાકી રહેલા 1,89,098 વિદ્યાર્થીઓ માટે પ્રવેશનો આગામી રાઉન્ડ શનિવાર, તા. 21 જૂનથી શરૂ થશે અને પ્રવેશ કાર્યવાહી 3 જૂલાઈ, 2025 સુધીમા પૂર્ણ કરવામાં આવશે.

ગુજરાત યુનિવર્સિટીના વિવિધ પ્રોગ્રામ્સ માટે 56005 વિદ્યાર્થીઓએ ચોઈસ આપી હતી

વિદ્યાર્થીને મળેલી પ્રવેશ ઓફરની આવી જાણકારી, પ્રવેશ કન્ફર્મ કરાવવાની તારીખો તથા પ્રવેશ અંગેની જરુરી તમામ વિગતો અંગે સમયસર જાણકારી મળી શકે તે માટે નિયમિત રીતે એસ.એમ,એસ. અને વોટ્સ એપ મેસેજ પણ કરવામાં આવે છે. રાજ્યમાં સ્નાતક કક્ષાએ અભ્યાસક્રમોમાં પ્રવેશના પ્રથમ તબકક્માં ગુજરાત યુનિવર્સિટીના વિવિધ પ્રોગ્રામ્સ માટે 56005 વિદ્યાર્થીઓએ ચોઈસ આપી હતી. તેમાંથી યુનિવર્સિટીના મેરીટ નિયમ મુજબ 34911 વિદ્યાર્થીઓને ઓફર આપવામા આવી હતી. તે પૈકીના 16171 વિદ્યાર્થીઓએ પ્રવેશ કન્ફર્મ કરાવ્યો છે.

GCAS પોર્ટલ પર વિદ્યાર્થીઓ એક જ અરજી દ્વારા રાજ્યની વિવિધ યુનિવર્સિટીના

રાજ્ય સરકારના ઉચ્ચ શિક્ષણ વિભાગ દ્વારા શરૂ કરવામાં આવેલા ગુજરાત કોમન એડમિશન સિસ્ટમ (GCAS) પોર્ટલના માધ્યમથી સ્નાતક અને અનુસ્તાક કક્ષાએ યુનિવર્સિટીમાં પ્રવેશ માટે એક સાથે અરજી કરી શકાય છે. રાજ્યના વિદ્યાર્થીઓ ઘર બેઠા એક જ અરજીથી વિવિધ યુનિવર્સિટીઓના એક કરતા વધુ પ્રોગ્રામ-કોલેજમાં પ્રવેશ મેળવવા માટે અરજી કરી શકે છે. એટલુ જ નહીં, વિદ્યાર્થીઓને તેની પસંદગીની તમામ કોલેજોમાં સંબંધિત યુનિવર્સિટીના નિયમ અનુસાર પ્રવેશ ઓફર થાય છે.

દરિયાઇ કાચબાઓ હાલમાં પણ આપણા માટે રહસ્યમય છે

જેનુ કારણ છે કે તે કોચલામાંથી બહાર નીકળી સમુદ્રમાં પહોંચી પુખ્ત બને તે ઘટનાચક્ર વિષે આપણે ઘણું ઓછું જાણીએ છીએ. એવું માનવામાં આવે છે કે જે સ્થળે જન્મ થયો હોય તેજ કાંઠે માદા પુખ્ત બન્યા પછી ફરી ઇંડા મુકવા આવે છે. ફક્ત માદા કાચબા જ ઇંડા મૂકવા ધરતી પર આવે છે. આ માદા કાચબા સપ્ટેમ્બર થી લઇ એપ્રિલ સુધીમાં ઇંડા મુકવા ધરતી પર આવે છે. દેવભૂમિ દ્વારકા જિલ્લામાં ઓખાથી લઇ હર્ષદ સુધીના દરિયા કાંઠાના વિસ્તારમાં માદા કાચબા ઇંડા મુકવા આવે છે.

કાચબા કોને આપવામાં આવતા હતા તે દિશામાં તપાસ કરાઈ

તો વન વિભાગે સમગ્ર ઘટનામાં તપાસનો ધમધમાટ શરૂ કરવામાં આવ્યો છે, આરોપીની અટકાયત કરીને તેની પૂછપરછ પણ શરૂ કરવામાં આવી છે, તો આ કાચબા કોને આપવામાં આવતા હતા અને કયાંથી લાવવામાં આવતા હતા તે દિશામાં વન વિભાગની તપાસ ચાલી રહી છે, ત્યારે જોવાનું રહ્યું કે આ કાચબાને વિદેશ મોકલવામાં આવતા હતા કે શું તે દિશામાં તપાસ કરાઈ રહી છે.

સાત ઇન્ડિયન સ્ટાર કાચબા મળી આવ્યા 

દહેગામ ગુજરાત હાઉસિંગ સોસાયટીમાંથી ગેરકાયદેસર ઇન્ડિયન સ્ટાર કાચબાનો વ્યાપાર કરતો ઈસમ ઝડપાયો છે, સાત કાચબા કબજે કરીને ઝડપાયેલા ઈસમ સામે વન સંરક્ષણ અધિનિયમ મુજબ ગુનો નોંધ્યો છે, ભદ્રેશ શિવાભાઈ નાગરના ઘરે વન વિભાગે રેડ કરી હતી અને મકાનની છત ઉપર પાંજરામાં પુરવામાં આવેલ સાત ઇન્ડિયન સ્ટાર કાચબા મળી આવતા કબજે કરવામાં આવ્યા હતા, કાચબા વન સંરક્ષણ અધિનિયમ મુજબ શિડ્યુલ -1 માં સમાવેશ કરવામાં આવ્યો હોવાથી તેને ગેરકાયદેસર રીતે સંગ્રહ અને વેપાર કરી શકાય નહીં. 

Gandhinagarના દહેગામમાંથી ઇન્ડિયન સ્ટાર કાચબાનો ગેરકાયદેસર વેપાર ઝડપાયો 

ગાંધીનગરના દહેગામમાંથી કાચબાનો કારોબાર ઝડપાયો છે, જેમાં ઇન્ડિયન સ્ટાર કાચબાનો ગેરકાયદેસર વેપાર ઝડપાયો હોવાની વાત સામે આવી છે, સાત કાચબા સાથે આરોપી ભદ્રેશની ધરપકડ કરવામાં આવી છે અને વન સંરક્ષણ અધિનિયમ હેઠળ ગુનો નોંધાયો છે, સ્ટાર કાચબાનો શિડ્યુલ-1ના પ્રાણીઓમાં સમાવેશ થાય છે જેમાં ગેરકાયદેસર રીતે સંગ્રહ કે વેપાર કરી શકાય નહી. 

પાણીનું લેવલ જાળવવા માટે ડેમમાં પાણી છોડાયું

સુખીડેમમાં આજનું પાણીનું લેવલ 146 મીટર થતાં હતું. જયારે રૂલ લેવલ જાળવવા માટે 145.50 મીટર પાણીનો સંગ્રહ કરવો જરૂરી હોવાને લઇને પાણી છોડવાની ફરજ પડી હતી. જેથી સુખી જળાશય યોજના વિભાગ દ્વારા બપોરના 1 વાગ્યે 5 નંબરનો ગેટ 30 સેમી ખોલીને પાણી છોડવામાં આવ્યું હતું.ઉલ્લેખનીય બાબત એ છે કે સુખીડેમની મહત્તમ સપાટી 147.82 મીટર છે જ્યારે ભયજનક સપાટી 148.30 મીટર છે.જે હાલની સપાટીથી લગભગ દોઢ થી બે મીટર જેટલી દૂર છે.

ભારજ નદીમાં છોડવામાં આવ્યું પાણી

છોટા ઉદેપુર જીલ્લામાં છેલ્લા ચાર દિવસથી વરસાદી માહોલ જામ્યો છે. જીલ્લામાં ઠેર ઠેર છૂટો છવાયો વરસાદ પડી રહ્યો છે. જેને લઇને નદી નાળાઓમાં પાણીની નોંધપાત્ર આવક જોવા મળી રહી છે. ત્યારે જીલ્લાની જીવાદોરી સમાન સુખી ડેમમાં પણ પાણીનો નોંધપાત્ર આવક જોવા મળી રહી છે.જેને લઇને સુખી ડેમના તંત્ર દ્વારા રૂલ લેવલ જાળવી રાખવા માટે એક ગેટ ખોલીને 1 હજાર ક્યુસેક પાણી ભારજ નદીમાં છોડવામાં આવ્યું. 

Chhota Udepurના સુખી ડેમનો એક દરવાજો ખોલી એક હજાર ક્યુસેક પાણી નદીમાં છોડાયું

છોટા ઉદેપુરના સુખી ડેમનો દરવાજો ખોલાયો છે, એક દરવાજો ખોલી એક હજાર ક્યુસેક પાણી છોડાઈ રહ્યું છે, ભારજ નદીમાં પાણી છોડવામાં આવી રહ્યું છે, ઉપરવાસમાં વરસાદથી સુખી ડેમમાં પાણી આવક નોંધાઈ છે, સુખી ડેમમાં લેવલ 146 મીટર થતાં પાણી છોડાયું છે, તો પાણી છોડવાની સાથે નીચાણવાળા વિસ્તારોને એલર્ટ કરવામાં આવ્યા છે. 

રાજ્યમાં છેલ્લા 24 કલાકમાં 99 તાલુકામાં વરસાદ

સૌથી વધુ વલસાડના વાપીમાં 7 ઈંચ વરસાદ, પારડીમાં 5.12 ઈંચ, કપરાડામાં 4.53 ઈંચ, ધરમપુરમાં 4.25 ઈંચ,ઉમરગામમાં 3.90 ઈંચ, ખેરગામમાં 3.86 ઈંચ, હાંસોટમાં 3.58 ઈંચ, ઓલપાડમાં 3.50 ઈંચ, વઘઇમાં 3.43 ઈંચ, વાલીયામાં 3.11 ઈંચ, ઉમરપાડામાં 2.83 ઈંચ, માંગરોળમાં 2.52 ઈંચ, વલસાડમાં 2.44 ઈંચ, આહવામાં 2.32 ઈંચ, સુબીરમાં 2.20 ઈંચ, કામરેજમાં 2.09 ઈંચ, બારડોલીમાં 2 ઈંચ.

ડાંગ જિલ્લામાં મેઘરાજા મહેરબાન થયા છે

ડાંગ જિલ્લામાં મેઘરાજા મહેરબાન થયા છે, પૂર્ણા, અંબિકા, ગીરાના જળસ્તરમાં વધારો થયો છે, ખાપરી નદીના જળસ્તરમાં વધારો થયો છે, સાથે સાથે આહવામાં 10 ઇંચ, વઘઇમાં 8 ઇંચ, સુબીરમાં 7.25 ઇંચ, સાપુતારામાં 4 ઇંચ વરસાદ નોંધાયો છે.

રાજ્યમાં મેઘરાજાની ધમાકેદાર બેટિંગ

રાજ્યમાં ધમાકેદાર બેટિંગથી મેઘરાજાએ કહેર વરસાવ્યો છે. અતિ ભારે વરસાદના પગલે રોડ-રસ્તાઓ બંધ છે. હાઇવે પર ટ્રાફિક જામના દ્રશ્યો જોવા મળી રહ્યા છે. ગામડાઓ સંપર્ક વિહોણા થયા છે. તંત્ર તમામ મદદ કરવા સતર્ક થયુ છે. તો એનડીઆરએફની ટીમ ખડે પગે તૈનાત છે. આ ઉપરાંત હવામાન વિભાગે આગામી દિવસોમાં ભારેથી અતિભારે વરસાદની આગાહી કરી છે. 

જાણો વરસાદને લઈ કયાં  યલો એન્ડ ઓરેન્જ એલર્ટ

હવામાન વિભાગની આગાહી પ્રમાણે વાત કરીએ તો વલસાડ, નવસારી, ડાંગ, ભરૂચ, સુરત, તાપી, મહિસાગર અને દાહોદમાં પણ ઓરેન્જ એલર્ટ આપવામાં આવ્યું છે, અમદાવાદ, ગાંધીનગર, વડોદરા, આણંદ, ખેડા, ભાવનગર, અમરેલી, ગીર સોમનાથમાં યલો એલર્ટ આપવામાં આવ્યું છે, તો પવન સાથે વરસાદ વરસવાની શકયતા રહેલી છે. 

Weather : રાજયમાં આજે સાર્વત્રિક ભારે વરસાદની આગાહી, ડાંગમાં ઓરેન્જ એલર્ટ અપાયું 

રાજ્યમાં આજે સાર્વત્રિક ભારે વરસાદની આગાહી કરવામાં આવી છે, સાથે સાથે પવનની ગતિ 30-40 કિમી પ્રતિ કલાકની રહેશે અને લો પ્રેશર સિસ્ટમ સક્રિય થતા વરસાદની આગાહી કરવામાં આવી છે, તો અન્ય જિલ્લાઓમાં સામાન્ય વરસાદ રહેશે તેવી આગાહી હવામાન વિભાગ દ્વારા કરવામાં આવી છે. 

અમદાવાદના ધંધુકામાં ભાદર નદીનો કહેર

ધંધુકામાં પૂર બાદના આકાશી દ્રશ્યો સામે આવ્યા, ભાદર નદીના પાણી ઘૂસતા સર્વત્ર પાણી પાણી, ધંધુકાના અનેક ગામ નદીના પાણીથી પ્રભાવિત, ભાદર નદીના પાણીથી ધંધુકાના ખેતરો તરબોળ.

દ્વારકાના ભાણવડમાં શ્વાને બાળકીનો જીવ લીધો

ખરાવાડ વિસ્તારમાં શ્વાનનો બાળકી પર હુમલો, હોસ્પિટલ લઈ જતા તબીબે બાળકીને મૃત જાહેર કરી, બાળકીના મોતથી પરપ્રાંતીય પરિવાર શોકમાં.

પૂર્વ CM વિજય રૂપાણીની આજે પ્રાર્થના સભા

પ્રદેશ ભાજપ કાર્યાલયે પ્રાર્થના સભાનું આયોજન, કેન્દ્રીય ગૃહમંત્રી અમિત શાહ આપશે શ્રદ્ધાંજલિ, ભાજપના રાષ્ટ્રીય પ્રમુખ જે.પી.નડ્ડા આપશે શ્રદ્ધાંજલિ, પ્રદેશ અને રાષ્ટ્રીય હોદ્દેદારો પણ રહેશે હાજર.

દહેગામમાંથી કાચબાનો કારોબાર ઝડપાયો

ઇન્ડિયન સ્ટાર કાચબાનો ગેરકાયદે વેપાર, સાત કાચબા સાથે આરોપી ભદ્રેશની ધરપકડ, વન સંરક્ષણ અધિનિયમ હેઠળ ગુનો નોંધાયો, સ્ટાર કાચબાનો શિડ્યુલ-1ના પ્રાણીઓમાં સમાવેશ, ગેરકાયદે રીતે સંગ્રહ કે વેપાર કરી શકાય નહી.

કચ્છમાં આવ્યો ભૂકંપનો આંચકો

2.7ની તીવ્રતાનો હળવો ભૂકંપનો આંચકો, ખાવડા પાસે વહેલી સવારે અનુભવાયો આંચકો, ભૂકંપનું કેન્દ્ર બિંદુ ખાવડાથી 24 કિમી દૂર.