Gujarat Latest News Updated : અમદાવાદના એસજી હાઈવે પર અકસ્માત

વડોદરામાં શિક્ષણમંત્રી કુબેર ડિંડોરનું મોટું નિવેદન

વડોદરામાં શિક્ષણમંત્રી કુબેર ડિંડોરે મોટું નિવેદન આપતા કહ્યું કે સોશિયલ મીડિયા દૂષણ છે. માતા-પિતા, શિક્ષકો, બાળકોને શિક્ષણમંત્રીએ અપીલ કરતા સોશિયલ મીડિયાથી દૂર રહેવાની અપીલ કરી છે. સ્માર્ટફોન રાવણરૂપી રાક્ષસ આજે ઘર ઘરમાં છે. ઘર ઘરમાં રાવણ નહીં રામ પેદા કરો. આજે બાળકને માતા કરતા મોબાઈલ વ્હાલો છે. આ પરિસ્થિત આપણા માટે ખૂબ ગંભીર છે. સરકાર ટૂંક સમયમાં આ અંગે SOP જાહેર કરશે. મોબાઈલ અને સોશિયલ મીડિયાને લઈ SOP જાહેર કરવામાં આવશે અને કોન્સેપ્ટ સ્કૂલ અંગે FRC નિયમ મુજબ પગલા ભરાશે.

પીએમ મોદી આવતીકાલે 50મી વખત વારાણસીમાં રહેશે, 3,880 કરોડ રૂપિયાની ભેટ આપશે

વડાપ્રધાન નરેન્દ્ર મોદી શુક્રવારે ઉત્તર પ્રદેશના વારાણસી અને મધ્ય પ્રદેશના અશોકનગર જિલ્લાની મુલાકાત લેશે. આ વડાપ્રધાન મોદીની વારાણસીની 50મી મુલાકાત હશે. આ પ્રસંગે, તેઓ 3,880 કરોડ રૂપિયાથી વધુના વિવિધ વિકાસ પ્રોજેક્ટ્સનું ઉદ્ઘાટન અને શિલાન્યાસ કરશે. PMO દ્વારા જાહેર કરાયેલા સત્તાવાર નિવેદન અનુસાર, વડાપ્રધાન વારાણસીમાં એક વિશાળ જાહેર સભાને પણ સંબોધિત કરશે. વારાણસી પ્રવાસ પછી તેઓ મધ્યપ્રદેશના ઇસાગઢ તાલુકામાં સ્થિત આનંદપુર ધામ પહોંચશે, જ્યાં તેઓ ગુરુજી મહારાજ મંદિરની મુલાકાત લેશે અને પ્રાર્થના કરશે.

RCB Vs DC: દિલ્હીએ બેંગ્લુરૂને હરાવ્યું, કેએલ રાહુલે ફટકારી અડધી સદી

ગુરુવારે IPL 2025 ની 24મી મેચમાં દિલ્હી કેપિટલ્સે રોયલ ચેલેન્જર્સ બેંગ્લુરૂને હરાવ્યું. કેએલ રાહુલની વિસ્ફોટક ઈનિંગ્સના આધારે દિલ્હીએ આ મેચ 6 વિકેટથી જીતી લીધી. કેએલ રાહુલે અણનમ 93 રન બનાવ્યા. પરંતુ તે સદી પૂર્ણ કરી શક્યો નહીં. દિલ્હીના બોલરો કુલદીપ યાદવ અને વિપરાજ નિગમે પણ સારું પ્રદર્શન કર્યું. આરસીબી તરફથી ટિમ ડેવિડ અને ફિલિપ સોલ્ટે સારી ઈનિંગ્સ રમી.

અમદાવાદના એસજી હાઈવે પર અકસ્માત 

અમદાવાદના એસ જી હાઈવે પર અકસ્માત સર્જાયો છે. વૈષ્ણોદેવી સર્કલ પર ડમ્પર અને આઈશર વચ્ચે અકસ્માત સર્જાયો છે. અકસ્માતમાં આઈશર ચાલકને ગંભીર ઈજા પહોંચી છે. હાલમાં આઈશર ચાલકને સારવાર માટે હોસ્પિટલ ખસેડાયો છે. 

કચ્છના બેલાના રણમાં ગુમ થયેલા ઇજનેરની લાશ મળી

કચ્છના બેલાના રણમાં ગુમ થયેલા ઇજનેરની લાશ મળી છે. 6 એપ્રિલે BSFના રોડના સર્વે માટે 3 ઇજનેર ગયા હતા. રણમાં રસ્તો ભૂલેલા બે ઇજનેરને BSFએ શોધી કાઢ્યા હતા અને એક ઈજનેરની છેલ્લા 5 દિવસથી શોધખોળ ચાલતી હતી. પોલીસ, BSF, વન વિભાગ, સ્થાનિકોએ શોધખોળ કરી હતી. બેલા નજીક સુકનાવાંઢના રણમાંથી ઇજનેરની લાશ મળી છે. 

કચ્છ માટે નવી 4100 જગ્યાઓ પર ભરતી કરાશે: કુબેર ડિંડોર  

રાજ્યના શિક્ષણમંત્રી કુબેર ડિંડોરે વધુમાં જણાવ્યું હતું કે કચ્છ માટે નવી 4,100 જગ્યાઓ પર શિક્ષકોની ભરતી કરવામાં આવશે. જો કે આ શિક્ષકોએ 58 વર્ષ સુધી કચ્છમાં નોકરી કરવાની રહેશે. ઉલ્લેખનીય છે કે ગુજરાત સરકારે શિક્ષકોની ભરતી અંગે એક મહત્વપૂર્ણ નિર્ણય લીધો 22 માર્ચે લીધો હતો અને જાહેરાત કરી હતી કે હવે લાંબા સમયથી ખાલી પડેલી શિક્ષકોની જગ્યાઓ માટે મોટાપાયે ભરતી થશે, સરકાર 10,700 જગ્યાઓ માટે ભરતી કરશે. 2230 શિક્ષકોના શાળા ફાળવણી અને નિમણૂકના આદેશોની પ્રક્રિયા પૂર્ણ કર્યા બાદ સરકારે આ મહત્વપૂર્ણ જાહેરાત કરી હતી. સરકારે શિક્ષક સહાયકો સાથે 3,187 ખાલી જગ્યાઓ ભરવાની મંજૂરી આપી છે.

Teacher Recruitment: 1 જૂન સુધીમાં શિક્ષકોની ભરતી પૂર્ણ થશે: કુબેર ડિંડોર

રાજ્યમાં શિક્ષકોની ભરતી મામલે મહત્વપૂર્ણ સમાચાર સામે આવ્યા છે. શિક્ષકોની ભરતી અંગે શિક્ષણમંત્રી કુબેર ડિંડોરે મોટી જાણકારી આપી છે. તેમને કહ્યું કે 1 જુન સુધીમાં શિક્ષકોની ભરતી પૂર્ણ થશે. હાલમાં તબક્કાવાર ભરતીની પ્રક્રિયા ચાલી રહી છે. જુના શિક્ષકોની નિમણૂક આપી દેવામાં આવી છે. ત્યારે 11-12 માટે ડોક્યુમેન્ટ વેરિફિકેશનની પ્રક્રિયા ચાલી રહી છે. 

તાપીના નિઝરમાં બાળકી પર દુકાનદારે ગુજાર્યું દુષ્કર્મ

તાપીના નિઝરમાં બાળકી પર દુકાનદારે દુષ્કર્મ ગુજાર્યું છે. 60 વર્ષના દુકાનદારે 7 વર્ષની બાળકીને પીંખી નાખી છે. બાળકીને પેપ્સીની લાલચ આપી દુષ્કર્મ આચર્યું છે. બાળકી રડતા રડતા ઘરે આવતા ભાંડો ફૂટ્યો છે. પોલીસે દુકાનદારની ધરપકડ કરી છે. 

સુરતને શર્મસાર કરતી વધુ એક ઘટના સામે આવી

સુરતને શર્મસાર કરતી વધુ એક ઘટના સામે આવી છે. નરાધમે 7 વર્ષીય બાળકી સાથે અડપલાં કર્યા, ઓલપાડના એક ગામમાં ઘૃણાસ્પદ ઘટના બની છે. કોમ્પ્લેક્ષ નીચે બાળકી રમતી હતી ત્યારે ઘટના બની છે. નરાધમ બાળકીને ચોથા માળે લઇ ગયો અને બાળકીને નિર્વસ્ત્ર કરી શારીરિક અડપલાં કર્યા છે. બાળકીએ હકીકત માતાને જણાવતા પોલીસ ફરિયાદ નોંધાઈ છે. 

અમદાવાદના શાસ્ત્રી બ્રિજ પાસે 10 લાખની લૂંટ

અમદાવાદના શાસ્ત્રી બ્રિજ પાસે 10 લાખની લૂંટ થઈ છે. બાઈક પર આવેલા બે બુકાની ધારી લૂંટ ચલાવી ફરાર થયા છે. ફર્નિચર કંપનીના કર્મચારીને લૂંટી લેવાયો છે. કલેક્શનના રૂપિયા લઈ ઓફિસ જતા સમયે લૂંટ ચલાવવામાં આવી છે. લૂંટની ઘટનામાં નારોલ પોલીસે તપાસ હાથ ધરી છે. 

સાણંદના છારોડી રેલવે સ્ટેશન નજીક અકસ્માત

સાણંદના છારોડી રેલવે સ્ટેશન નજીક અકસ્માત થયો છે. ટ્રક ચાલકે સ્ટીયરીંગ પરથી કાબૂ ગુમાવતા અકસ્માત થયો છે. ટ્રક રેલવે સ્ટેશન નજીક દીવાલ સાથે અથડાઈ છે. અમદાવાદ-વિરમગામ હાઇવે પર બનાવ બન્યો છે. સાણંદ પોલીસે આગળની કાર્યવાહી હાથ ધરી છે. 

આણંદના ઉમરેઠમાં ડમ્પર ચાલક બેફામ

રસ્તા પર 5 વીજપોલ તોડી ડમ્પર સાથે થયો ફરાર, ઉમરેઠ ઓડ ચોકડી પાસે બની ઘટના, MGVCL તથા પોલીસ સ્ટાફ ઘટનાસ્થળે, વીજપોલ તૂટવાથી વીજપ્રવાહ ખોરવાયો, ઉમરેઠ નગરનો વીજપ્રવાહ ખોરવાયો, ઓડ ચોકડી પર ટ્રાફિક જામ સર્જાયો

ધ્રાંગધ્રામાં 2 કારચાલકોએ સામ-સામે અથડાવી કાર

સામ-સામે કાર અથડાવી રોફ જમાવવા પ્રયાસ, એક કારમાંથી દારૂ મળતા પોલીસ ફરિયાદ કરાઈ, બન્ને પક્ષના કુલ 4 લોકો સામે પોલીસ ફરિયાદ દાખલ

જૂનાગઢમાં આરોપીના પરિવાર ઉપર હુમલો

પોલીસની હાજરીમાં આરોપીના પરિવાર પર હુમલો, આરોપીને રિ-કન્સ્ટ્રશન માટે લઈ જવાતા થઈ બબાલ, માગનાથ રોડ ઉપર થઈ અથડામણ, આરોપીના પરિવારના સભ્યોને માર્યો માર, ગઈકાલે પાર્કિંગ બાબતે વેપારી સાથે બબાલ થઈ હતી, રિ-કન્સ્ટ્રક્શન કરાવતી વખતે હાજર લોકોનો હુમલો, પોલીસે આરોપીના પરિવારને છોડાવ્યો 

વડોદરામાં શિક્ષણમંત્રી કુબેર ડિંડોરનું મોટું નિવેદન

સોશિયલ મીડિયાને શિક્ષણમંત્રીએ દૂષણ ગણાવ્યું, માતા-પિતા, શિક્ષકો, બાળકોને શિક્ષણમંત્રીની અપીલ, સોશિયલ મીડિયાથી દૂર રહેવા કરી અપીલ, સ્માર્ટફોન રાવણરૂપી રાક્ષસ આજે ઘરઘરમાંઃ શિક્ષણમંત્રી, ઘર ઘરમાં રાવણ નહીં રામ પેદા કરોઃ શિક્ષણમંત્રી, આજે બાળકને માતા કરતા મોબાઇલ વ્હાલોઃ શિક્ષણમંત્રી, આ પરિસ્થિત આપણા માટે ખૂબ ગંભીરઃ શિક્ષણમંત્રી, સરકાર ટૂંક સમયમાં SOP કરશે જાહેરઃ શિક્ષણમંત્રી, મોબાઈલ અને સોશિયલ મીડિયાને લઈ SOP કરશે જાહેર, કોન્સેપ્ટ સ્કૂલ અંગે FRC નિયમ મુજબ પગલા ભરાશે

મોડાસાના મહાદેવપુરામાં આગથી 5 પશુ દાઝ્યા

ગામમાંથી પસાર થતો વીજવાયર તૂટતા આગ, આગમાં બળદગાડું, ઘાસચારો બળીને ખાખ, ફાયર બ્રિગેડે આગ પર મેળવ્યો કાબૂ

બનાસકાંઠામાં સગા પુત્રએ માતાનું કાસળ કાઢ્યું

વડગામના શેરપુરા ગામમાં પુત્રએ કરી માતાની હત્યા, માથાના ભાગે પાવડાના ઘા ઝીંકી માતાની હત્યા, અગમ્ય કારણોસર બોલાચાલી થતા માતાની હત્યા, મધુબેન કટારીયાની પુત્ર પરિમલ કટારિયાએ કરી હત્યા, પોલીસે પુત્રની ધરપકડ કરી હત્યાનો ગુનો દાખલ કર્યો

વડોદરામાં લુખ્ખાગીરી કરનારા સાતની ધરપકડ

યુવકોએ કાન પકડી ભૂલ થઇ હોવાનું સ્વીકાર્યું, સોમા તળાવ પાસેના વીડિયો થયા હતા વાયરલ, પાનના ગલ્લા બહાર તોફાન મચાવ્યું હતું, કોઈ કારણોસર પિત્તો ગુમાવતા ટેબલો પણ ફેંક્યા, નાગરીકે વીડિયો ઉતારી વાયરલ કર્યો હતો

રાજકોટમાં સ્વામિનારાયણ સંસ્થાના પોસ્ટરનો વિવાદ

જાગા સ્વામી અક્ષર પુરુષોત્તમ સંસ્થાના પોસ્ટરનો વિવાદ, હરીભક્ત જતીન યાજ્ઞિકની સંદેશ ન્યૂઝ સાથે વાતચીત, અમારી સંસ્થા સાથે કોઈ વિવાદ ક્યારેય નથી થયો, આ સંસ્થા નાની છે અને અમે બધા જ ભગવાનના ભક્ત, પોસ્ટર અંગે અમને ખબર નથીઃ હરીભક્ત, અમારી જાણમાં આ પોસ્ટર રાજકોટ મદિરમાં લાગ્યું નથી, અમારી આસ્થા કુળદેવી, ગણેશ શિવ સહિતના દેવતાઓમાં, અન્ય સંસ્થાઓ અંગે અમે કંઈ ન કહી શકીએઃ હરીભક્ત 

રાજકોટમાં સ્વામિનારાયણ સંસ્થાના પોસ્ટરનો વિવાદ

જાગા સ્વામી અક્ષર પુરુષોત્તમ સંસ્થાના પોસ્ટરનો વિવાદ, હરીભક્ત જતીન યાજ્ઞિકની સંદેશ ન્યૂઝ સાથે વાતચીત, અમારી સંસ્થા સાથે કોઈ વિવાદ ક્યારેય નથી થયો, આ સંસ્થા નાની છે અને અમે બધા જ ભગવાનના ભક્ત,પોસ્ટર અંગે અમને ખબર નથીઃ હરીભક્ત, અમારી જાણમાં આ પોસ્ટર રાજકોટ મદિરમાં લાગ્યું નથી, અમારી આસ્થા કુળદેવી, ગણેશ શિવ સહિતના દેવતાઓમાં, અન્ય સંસ્થાઓ અંગે અમે કંઈ ન કહી શકીએઃ હરીભક્ત 

ઉનાના મોટાડેસર, સિલોજમાં અજાણ્યા લોકોનો આતંક

રાત્રીના સમયે કાળા કલરની કારમાં ગામમાં આંટાફેરા, તલવાર, લાકડી, પાઇપ જેવા હથિયારો સાથે આંટાફેરા, કારની નંબર પ્લેટ સાથે છેડછાડ કરી નંબર છુપાવવા પ્રયાસ, 20 દિવસથી શંકાસ્પદ કારના આંટાફેરાથી લોકોમાં ભય, શંકાસ્પદ કારના CCTV અને અન્ય વીડિયો આવ્યા સામે, વીડિયોમાં બુકાની બાંધેલા લોકો ફિશિંગ નેટ સાથે દેખાયા, ગ્રામ પંચાયત દ્વારા પોલીસને કરાઈ લેખિત ફરિયાદ, પોલીસના પેટ્રોલિંગને લઇને ગ્રામજનોએ ઉઠાવ્યા સવાલ

દાહોદમાં યુવાન પર દીપડાએ કર્યો હુમલો

ગરબાડાના દાદુર ગામે યુવાન પર દીપડાનો હુમલો, યુવાનને માથા અને છાતીના ભાગે ગંભીર ઇજાઓ, ઇજાગ્રસ્ત યુવકને ગરબાડા સિવિલમાં ખસેડાયો

Headline 6pm 

1. Rajkotમાં વ્યાજખોરોના ત્રાસથી પોલીસ સ્ટેશન બહાર જ મહિલાએ પીધું ફીનાઈલ

2. DA Hike: સરકારી કર્મચારીઓને મોટી ભેટ, DAમાં 2 ટકાના વધારાને મળી મંજૂરી

3. Bhavnagar: મારામારીનો બનાવ હત્યામાં પલટાયો, 6 આરોપીઓને જેલ હવાલે કરાયા

4. Surat : અમીર હોવાનો દેખાવ કરી છેતરપિંડી કરનાર અઠંગ ઠગબાજને પોલીસે ઝડપ્યો

5. Nikolમાં ભર ઉનાળે ગટરના ઘૂંટણસમા પાણી, વાહનચાલકો ગંદા પાણીમાંથી પસાર થવા મજબૂર

6. Tahawwur Rana :આ રીતે 26/11 ના મુંબઈ આતંકી હુમલાના આરોપીને ભારત લવાયો

7. Ahmedabadમાં બાળકીની હત્યાનો ભેદ ઉકેલવામાં પોલીસ ડોગ સ્કવોડનું મોટું કારનામું

8. મહિલા જજ Elena Kaganના કારણે Tahawwur Ranaનો ભારત આવવાનો માર્ગ થયો મોકળો

9. Suratમાં સામાન્ય બોલાચાલીમાં મહિલા પર હથિયારથી હુમલો, પોલીસે આરોપીઓની કરી ધરપકડ

10. Gandhinagar: LCBએ અલગ-અલગ ગુનાઓમાં નાસતા ફરતા 3 આરોપીઓને મહારાષ્ટ્રથી ઝડપ્યા

અમદાવાદના નિકોલમાં ગટરના પાણી ઉભરાવાનો મુદ્દો

AMC વોટર સપ્લાય કમિટીના ચેરમેનનો ખુલાસો, ‘ઓઢવના પંપિંગ સ્ટેશનની રાઇઝિંગ લાઇન નબળી પડી’, ‘પાણીના 4 પૈકી 3 પંપ ચાલુ રાખવાથી પાણી બેક મારે છે’, ‘ગોપાલ ચોક નીચાણવાળો વિસ્તાર હોવાથી પાણી ભરાયા’, ‘રાઇઝિંગ લાઇન અને પંપ માટેની કામગીરી શરૂ કરાઇ’, ગોપાલ ચોકમાં આવતીકાલ સુધીમાં પાણીનો નિકાલ: AMC

અમદાવાદના વેજલપુરમાં લુખ્ખા તત્વોનો આતંક

પૈસાની લેતીદેતીમાં એક વ્યક્તિ પર કર્યો હુમલો, સોનલ સિનેમા રોડ પર 3 લોકોએ કર્યો હુમલો, તલવાર સહિતનાં હથિયારથી આશીફ શેખ પર હુમલો, ઓશામા બક્ષી, ખાલીદ બક્ષી, અરબાજ બક્ષી સામે ફરિયાદ, પોલીસે ગુનો દાખલ કરી 3 આરોપીની કરી અટકાયત

મેટ્રોના AGM સામે ક્રાઈમ બ્રાંચમા નોંધાઈ ફરિયાદ

AGM કપિલ શર્મા સામે ફરિયાદ નોંધવામાં આવી, ફરિયાદીની ડિગ્રીનો ઉપયોગ કરી નોકરી મેળવી, ભાગીદારી કરવાના બહાને ડિગ્રી ડોક્યુમેન્ટ મેળવ્યા, ફરિયાદીના એન્જિનિયરિંગ સર્ટિ.નો ઉપયોગ કર્યો, પંકજપ્રસુન સિંઘની ફરિયાદના આધારે પોલીસની તપાસ

ભારતની ભૂમિ પર આતંકવાદી તહવ્વુર 

મુંબઈ હુમલાનો માસ્ટરમાઇન્ડ તહવ્વુર રાણા ભારત પહોંચી ગયો છે. ઘણા પ્રયત્નો પછી, તહવ્વુર રાણાને આખરે અમેરિકાથી પાછા ખેંચી લેવામાં આવ્યો છે. તેમને અમેરિકાથી ખાસ વિમાનમાં લાવવામાં આવ્યો છે. તહવ્વુર રાણાનું વિમાન દિલ્હીના પાલમ એરપોર્ટ પર ઉતર્યું છે. તેમની સાથે ભારતીય સુરક્ષા એજન્સીઓની એક ટીમ પણ હતી. થોડા સમયમાં, તે આતંકવાદીનો ખતરનાક ચહેરો દેશ સમક્ષ ઉજાગર થશે. આ રીતે દેશવાસીઓની રાહનો અંત આવ્યો છે. હવે તેના ગુનાઓનો હિસાબ લેવામાં આવશે.

તહવ્વુર રાણાનું મોત ભારતમાં લખ્યું છે!

લાંબી કાનૂની લડાઇના અંતે તહવ્વુર રાણાને ભારત લાવવામાં આવ્યો છે ત્યારે એવું કહેવાઇ રહ્યું છે કે, તહવ્વુરનો જન્મ ભલે પાકિસ્તાનમાં થયો હોય પણ તેનું મોત ભારતની ભૂમિ પર લખાયેલું છે. દિલ્હીમાં તહવ્વુરની આગતા સ્વાગતા માટે તમામ તૈયારીઓ તે આવે એ પહેલા જ કરી નાખવામાં આવી હતી. આપણા ગૃહ પ્રધાન અમિત શાહ, વિદેશ પ્રધાન એસ. જયશંકર અને સુરક્ષા સલાહકાર અજિત ડોભાલે બેઠક કરીને તહવ્વુર રાણાનો પાક્કો બંદોબસ્ત કરી નાખ્યો હતો. તહવ્વુર રાણા સામે નેશનલ ઇન્વેસ્ટિગેશન એજન્સીની વિશેષ અદાલતમાં કેસ ચાલવાનો છે. તેની સામેના કેસમાં પબ્લિક પ્રોસિક્યુટર તરીકે નરેન્દ્ર માનની નિયુક્તિ કરવામાં આવી છે. તહવ્વુર રાણાને દિલ્હીની તિહાર જેલમાં જ હાઇ સિક્યોરિટી સાથે રાખવામાં આવવાનો છે.

અમેરિકાએ તો તેને ડેનમાર્કની આતંકવાદી ઘટના માટે દોષિત ઠેરવ્યો છે

તહવ્વુર રાણાએ ડેનમાર્કમાં વિવાદી કાર્ટૂન પ્રસિદ્ધ કરનાર ડેનિશ અખબાર મોરગેનાવિસેન જિલૈડ્સ પોસ્ટેનના કર્મચારીનું અપહરણ કરી તેનું માથું ઘડથી અલગ કરીને કોપનહેગનની સડકો પર ફેંકવાનું ષડયંત્ર પણ રચ્યું હતું. ભારતના કેસનું ભારતે જોવાનું છે એમ કહીને તહવ્વુર રાણાની અપીલ ફગાવી દેવામાં આવી હતી. 

ડબલ જિઓપાર્ડીના નામે તહવ્વુર રાણાને પ્રત્યાર્પણથી બચવું હતું

અમેરિકામાં તપાસ દરમિયાન તહવ્વુર રાણાએ ડેનમાર્કમાં પણ આતંકવાદી હુમલા કરાવ્યાનું બહાર આવ્યું હતું. આતંકવાદી પ્રવૃતિઓ માટે અમેરિકાની જમીનના ઉપયોગને કેસ પણ તેની સામે ચાલ્યો હતો. તેના આધારે જ તહવ્વુરને 14 વર્ષની સજા થઇ હતી. તહવ્વુર રાણા સામે કેસ ચાલતો હતો ત્યારે જ આપણી સરકારે અમેરિકાને તહવ્વુર રાણાના પ્રત્યાર્પણની અરજી કરી દીધી હતી. અમેરિકા પહેલા પોતાને ત્યાં જે કેસ હતો એ પૂરો કરવા માંગતું હતું. અમેરિકામાં તહવ્વુરને સજા પડી એ પછી તેણે ભારતના પ્રત્યાર્પણથી બચવા માટે સૌથી પહેલા ડબલ જિઓપાર્ડીનું કારણ આગળ ધર્યું હતું. ડબલ જિઓપાર્ડીનો મતલબ એવો થાય છે કે, કોઇ એક વ્યક્તિ પર એક જ ગુના માટે બે વખત કાનૂની કાર્યવાહી થઇ શકે નહીં. તહવ્વુરના વકીલોએ એવી દલીલ કરી હતી કે, તહવ્વુર સામે અમેરિકામાં ઓલરેડી કેસ ચાલી ગયો છે એટલે તેના પર બીજો કેસ ચલાવી ન શકાય. અમેરિકાની અદાલતે કહ્યું હતું કે, ભારતના કેસ સાવ જુદો જ છે. બે દેશ વચ્ચે પ્રત્યાર્પણની સંધિ મુજબ તેને ભારતને સોંપવાનો છે.

અમેરિકામાં તહવ્વુર રાણા સામે કેસ ચાલ્યો હતો

આતંકવાદી ગતિવિધિઓમાં તહવ્વુરની સંડોવણી બહાર આવી હતી. અમેરિકાની અદાલતે તહવ્વુરને 14 વર્ષની સજા ફટકારી હતી. ડેવિડ કોલમેન હેડલીએ કહ્યું હતું કે, તેણે મુંબઇ હુમલા માટે તહવ્વુર રાણા સાથે મળીને પ્લાનિંગ કર્યું હતું. તારીખ 26મી નવેમ્બર, 2008ના રોજ મુંબઇ પર પાકિસ્તાનથી દરિયાઇ રસ્તે ઘૂસેલા દસ આતંકવાદીઓએ હુમલો કર્યો એ પહેલા તહવ્વુર રાણા અને ડેવિડ કોલમેન હેડલી વચ્ચે 231 વખત ફોન પર વાત થઇ હતી. હુમલાના છેલ્લા દિવસોમાં જ 66 વખત બંનેએ સંપર્ક કર્યો હતો. તહવ્વુર રાણા અને ડેવિડ કોલમેન હેડલી પાકિસ્તાનમાં લશ્કર-એ-તોઇબાના વડા હાફિઝ સઇદ ઉપરાંત ઝકીઉર રહેમાન લખવી, ઇલિયાસ કાશ્મીરી, સાજિદ મીર અને મેજર ઇકબાલ સાથે સંપર્કમાં હતા. તહવ્વુર રાણા અને ડેવિડ હેડલીએ મુંબઇ ઉપરાંત દિલ્હીમાં નેશનલ ડિફેન્સ કોલોની અને ઇન્ડિયા ગેટ પર પણ હુમલો કરવાનું પ્લાનિંગ કર્યું હતું.અમેરિકાના શિકાગોમાં તહવ્વુર રાણાની ફર્સ્ટ વર્લ્ડ ઇમિગ્રેશન સર્વિસિઝ નામની ઓફિસ હતી. હકીકતે એ લશ્કર-એ-તોઇબાનું હેડ ક્વાટર હતું. તહવ્વુર રાણા અને ડેવિડ કોલમેન હેડલી ત્યાં જ મુલાકાતો કરતા હતા. પાકિસ્તાનથી આતંકવાદીઓની અવરજવરનું કામ પણ ત્યાંથી જ થતું હતું. 

અમેરિકા છોડીને પાકિસ્તાન પહોંચી જવાનું નક્કી કર્યું હતું તહવ્વુર રાણાએ

તહવ્વુર રાણા પકડાયો તેના પંદર દિવસ પહેલા જ તારીખ 3ના રોજ અમેરિકાની સુરક્ષા એજન્સીઓએ શિકાગોના આ જ એરપોર્ટ પરથી જ ડેવિડ કોલમેન હેડલીને પકડ્યો હતો. ડેવિડ હેડલીની પુછપરછ દરમિયાન જ તેણે મુંબઇ હુમલા અને બીજા આતંકવાદી ષડયંત્રોમાં તહવ્વુર રાણા પોતાની સાથે હોવાનું કબૂલી લીધું હતું. એ પછી તરત જ અમેરિકાએ તહવ્વુર રાણા પર વોચ ગોઠવી હતી. તહવ્વુર રાણાને ખબર પડી ગઇ હતી કે, ડેવિડ પકડાઇ ગયો છે. તહવ્વુરે એટલે જ અમેરિકા છોડીને પાકિસ્તાન પહોંચી જવાનું નક્કી કર્યું હતું. જો કે એ પ્લેનમાં બેસે એ પહેલા જ ઝડપાઇ ગયો. 

તારીખ 18મી ઓકટોબર, 2009ને રવિવારનો એ દિવસ હતો

અમેરિકાના શિકાગોનું ઓ’હરે ઇન્ટરનેશન એરપોર્ટ રોજની માફક જ એ દિવસે વ્યસ્ત હતું. તહવ્વુર રાણા કારમાંથી ઉતરીને એરપોર્ટમાં પ્રવેશે છે. શિકાગોથી એરપોર્ટની ફ્લાઇટમાં બેસવા તે આગળ વધે છે. તહવ્વુર ઇમિગ્રેશન કાઉન્ટર પર પહોંચ્યો કે તરત જ અમેરિકાની સુરક્ષા એજન્સીના ઓફિસર્સે તેની પાસે જઇને કહ્યું, યુ આર અન્ડર એરેસ્ટ. તહવ્વુર રાણા કંઇ સમજે એ પહેલા તો તેના હાથમાં હાથકડી પહેરાવી દીધી. એરપોર્ટથી બહાર જતા ખાનગી રસ્તે તહવ્વુર રાણાને બહાર લઇ જઇને એફબીઆઇના ઓફિસર્સ તેના કારમાં બેસાડીને નીકળી ગયા. જરાકેય મોડું થયું હોત તો કદાચ તહવ્વુર રાણા પાકિસ્તાન જતા વિમાનમાં ઉડી ગયો હોત. 

થોડુંકે ય મોડું થયું હોત તો તહવ્વુર રાણા છટકી જાત !

અમેરિકાના શિકાગો એરપોર્ટથી તહવ્વુર રાણા પાકિસ્તાન જતા પ્લેનમાં બેસવા જતો હતો ત્યારે જ એફબીઆઇએ તેને ઝડપી લીધો હતો!તહવ્વુર રાણાના મિત્ર ડેવિડ કોલમેન હેડલીએ જ અમેરિકાની સુરક્ષા એજન્સી સમક્ષ તહવ્વુર રાણાનો ભેદ ખોલી નાખ્યો હતો. તહવ્વુર રાણા માત્ર મુંબઇ હુમલાનો ગુનેગાર નથી, તેણે ડેનમાર્ક સહિત ઘણા આતંકવાદી હુમલામાં ભેદી ભૂમિકા ભજવી છે. દિલ્હીમાં પણ બોંબ બ્લાસ્ટનું પ્લાનિંગ તેણે કર્યું હતું!

જીસીસીઆઈ અને  ઉદ્યોગોને સાથે લઈને તેમના સૂચનોને પ્રાધાન્ય

કેન્દ્રીય ગૃહમંત્રીએ વધુમાં જણાવ્યું હતું કે ટ્રેડથી ટેકનોલોજી, આઇટીથી ઇન્ફ્રાસ્ટ્રક્ચર અને MSMEથી સ્ટાર્ટ અપ સુધીની દરેક ઇન્ડસ્ટ્રીને અનુરૂપ વાતાવરણ તથા જરૂરી સંસાધનોની ઉપલબ્ધતાના કારણે ગુજરાતે ઔદ્યોગિક વિકાસ નવી ઉંચાઈઓ પ્રાપ્ત કરી છે.દેશના વડાપ્રધાન અને તત્કાલીન મુખ્યમંત્રી તરીકે નરેન્દ્રભાઈએ હંમેશા જીસીસીઆઈ અને  ઉદ્યોગોને સાથે લઈને તેમના સૂચનોને પ્રાધાન્ય આપીને રાજ્યમાં સાનુકૂળ ઔદ્યોગિક વાતાવરણ સ્થાપેલું. તેમનું માનવું રહ્યું છે કે ઉદ્યોગો મજબૂત બને તો અર્થતંત્ર આપોઆપ મજબૂત બને છે, તેમની એવી વિચારધારાને ભૂપેન્દ્રભાઈ આજે સુપેરે આગળ ધપાવી રહ્યા છે તેનો આનંદ અમિતભાઈ શાહે વ્યક્ત કર્યો હતો. 

પોલિસી મેકિંગમાં પોતાનું યોગદાન આપે તે અપેક્ષિત છે

કેન્દ્રીય ગૃહ અને સહકારિતા મંત્રી અમિતભાઈ શાહે વર્ચ્યુઅલ માધ્યમથી સંબોબોધન કરતા જણાવ્યું હતું કે કસ્તુરભાઈ શેઠ દ્વારા સ્પથાપાયેલી જીસીસીઆઈનો ગુજરાતના ઔદ્યોગિક વિકાસમાં મોટો ફાળો રહ્યો છે. છેલ્લાં ૭૫ વર્ષથી આ સંસ્થા વેપાર ઉદ્યોગોના વિકાસની સાથે સાથે જનતાના હિતો તથા કુદરતી આફતોમાં સતત કામગીરી કરીને પોતાનું યોગદાન આપી રહી છે.જીસીસીઆઈ તેની ૭૫થી ૧૦૦ વર્ષની યાત્રાનો રોડમેપ તૈયાર કરીને ગુજરાતના વિકાસ સાથે તેને સંરેખિત કરીને આગળ વધે એમ જણાવીને કેન્દ્રીય ગૃહમંત્રીશ્રીએ કહ્યું કે  ટ્રેડિંગ ચેઈનમાં ડિજિટલાઈઝેશન, યુવાનોમાં ઉદ્યોગ સાહસિકતાને પ્રોત્સાહન, લઘુ અને મઘ્યમ ઉદ્યોગોનું સ્ટાર્ટ અપ સાથે જોડાણ, પાયોનિયર ઇન્ડસ્ટ્રી સાથે આનુષાંગિક ઇન્ડસ્ટ્રીનો વિકાસ સહિતની બાબતો વિશે આવનારા સમયમાં જીસીસીઆઈ આધુનિક અભિગમ સાથે કામગીરી કરે તથા સરકાર અને ઉદ્યોગો વચ્ચેની મહત્વની કડી બને અને પોલિસી મેકિંગમાં પોતાનું યોગદાન આપે તે અપેક્ષિત છે.  

Gujarat GCCIના વાર્ષિક ટ્રેડ એક્સ્પો GATE 2025નો શુભારંભ કેન્દ્રીય ગૃહમંત્રી અમિત શાહે કરાવ્યો 

કેન્દ્રીય ગૃહ અને સહકારિતા મંત્રી  અમિતભાઈ શાહની વર્ચ્યુઅલ ઉપસ્થિતમાં મુખ્યમંત્રી ભૂપેન્દ્ર પટેલે અમદાવાદમાં ગુજરાત ચેમ્બર્સ ઓફ કોમર્સ એન્ડ ઇન્સ્ટ્રી(જીસીસીઆઈ)ના વાર્ષિક ટ્રેડ એક્સ્પો 'GATE 2025'નો શુભારંભ કરાવ્યો હતો. 'GATE 2025'ના સોવેનિયરનું આ અવસરે ઉપસ્થિત મહાનુભાવોના હસ્તે વિમોચન કરવામાં આવ્યું હતું.આ પ્રસંગે મુખ્યમંત્રીએ એક્સ્પોની મુલાકાત લઈને ટ્રેડ એક્ઝિબિશન નિહાળ્યું હતું. ઉદ્યોગમંત્રી બલવંતસિંહ રાજપૂત પણ આ પ્રસંગે ઉપસ્થિત રહ્યા હતા.

જાણો કેમ માંગી હતી લાંચ

આ કામના  ફરીયાદીએ તેઓના ભાગીદારના નામે જમીન ખરીદેલ જે જમીનમાં વધારાના નામો હોવાથી કુંટુબીક હક્ક કમી કરવા માટે મામલતદાર કચેરી ગોધરા ખાતે ઇ ધરા  શાખામાં કાચી નોંધ પાડવામાં આવેલ જે નોંધ પડતા જમીનના સાતબાર આઠ અ માના એક ખાતેદારે વાંધા અરજી કરેલ જેથી મામલતદાર કચેરી ગોધરા ખાતેથી પ્રાંત કચેરી ગોધરા ખાતે મોકલતા પ્રાંત કચેરી ગોધરા ખાતેથી જમીનના માલિકને નોટીસ મોકલતા ફરીયાદીએ પ્રાંત કચેરી ખાતેથી આવેલ નોટીસનો જવાબ રજુ કરેલ બાદ ફરીયાદી આ કામના આરોપી નં. ૧ ને મળતા આરોપીએ સૌ પ્રથમ ફરીયાદી પાાસે રૂપિયા ૨,૫૦,૦૦૦/- ની માંગણી કરેલ રકઝકના અંતે રૂપિયા ૧,૦૦,૦૦૦/- આપવાનો વાયદો થયેલ જે લાંચના નાણાં ફરિયાદી આપવા માંગતા ન હોઇ, ફરિયાદીએ એ.સી.બી. ટોલ ફ્રી નંબર ઉપર ફરીયાદ આપતા ફરીયાદીની ફરીયાદ આધારે ગોઠવાયેલ લાંચના છટકા દરમ્યાન આ કામના આરોપી નં. ૧ નાએ ફરીયાદી સાથે હેતુલક્ષી વાતચીત કરી રૂ.૧,૦૦,૦૦૦/-ની લાંચના નાણાં આરોપી નં. ૨ નાઓએ પંચ-૧ ની  હાજરીમા સ્વીકારી લાંચના નાણા સ્વીકાર્યા અંગે આરોપી નં. ૧ નાએ આરોપી નં. ૨ સાથે વાતચીત કરી પકડાઇ જઇ ગુનો કર્યા  વિગેરે બાબત. 

Godhraમાં લાંચિયા નાયબ મામલતદારના ઘરે ACBનું સર્ચ

ગોધરામાં લાંચિયા ના.મામલતદારના ઘરે ACBનું સર્ચ ઓપરેશન હાથધરાયું છે,જેમાંએક લાખની લાંચ લેતા ઝડપાયા હતા ના. મામલતદાર,તો ના.મામલતદાર મોહમંદ નઈમ રાણવાડીયાના ઘરે તપાસ કરાઈ રહી છે,પ્રાંત કચેરીનો પટ્ટાવાળો પણ લાંચ લેતા ઝડપાયો હતો અને જમીનમાં કૌટુંબિક હક્ક કમી કરવા માગી હતી લાંચ. 

વાંચો 03 વાગ્યા સુધીના મહત્વના સમાચાર

01 - Los Angeles Olympics 2028માં 128 વર્ષ પછી આટલી ક્રિકેટની ટીમો લેશે ભાગ

02 - Agriculture : હીટવેવ દરમિયાન ખેડૂતો કઈ રીતે કરી શકશે પશુની સંભાળ, વાંચો-Story

03 - Chhaava OTT Release Date: નેટફ્લિક્સ પર આ તરીખથી જોઇ શકશો બ્લોકબસ્ટર ફિલ્મ

04 - South Railway : ઓખા-રામેશ્વરમ એક્સપ્રેસ હવે મંડપમને બદલે રામેશ્વરમ સુધી જશે

05 - World News: અમેરિકા અને ચીન વચ્ચેના યુદ્ધથી ભારત પર શું પડશે અસર?

06 - Birthday Special : અનંત અંબાણીએ સિધ્ધી વિનાયકના દર્શન કરી કર્યું આ કામ

07 - Patan : પદ્મશ્રીથી સન્માનિત માલજીભાઈ દેસાઈને મળી જાનથી મારી નાખવાની ધમકી

08 - Gujaratમાં પ્રથમ વખત સિંહ ગણતરીમાં AIની મદદ લેવાશે, વાંચો ફુલ Story

09 - IPL 2025માં ગૌતમ ગંભીરના નાના ભાઇએ મચાવી ધૂમ, પ્રીતિ ઝિંટા પણ ચોંકી

10 - Ambalal Patelની ભૂક્કા કાઢી નાખતી આગાહી, ભર ઉનાળે પડી શકે છે વરસાદ

ઈંટનો ટુકડો માથે મારીને કરી હત્યા

કનીકલ એનાલિસીસ અને હ્યુમનસોર્સ થી સઘન પ્રયત્નો હાથ ધરવામાં આવેલ હતા, જેમાં ડોગ સ્કોડની મદદથી ગુના વાળી જગ્યાની સ્મેલ આધારે ડોગ દ્વારા કેટલાક શંકાસ્પદ ઇસમોને ટ્રેક કરવામાં આવેલ હતા. જે ઇસમોની યુક્તિ પ્રયુક્તિ તેમજ ઉડાણપુર્વક પુછપરછ હાથ ધરવામાં આવેલ હતી. જેમાં રવિન્દ્રકુમાર છોટાલાલસિંઘ મોજીસાવ ઉ.વર્ષ. ૩૦ ધંધો. મજૂરી રહે.હાલ. રસમધુર કંપનીની જગ્યામાં, પતરાની ઓરડીમાં, ચાંગોદર તા.સાણંદ જી.અમદાવાદ સુળરહે. સારસુ પુરોડીયા થાના, થાના અત્રી, જી.ગયા (બિહાર) નો પુછપરછ માં ભાંગી પડેલ અને તેઓએ ઉપરોક્ત મરણજનાર બાળકીને બિસ્કીટ આપવાનું કહી હાથ પકડી પોતાની રૂમમાં લઈ જઈ બાળકીને શારીરીક અડપલા કરી દુષ્કર્મ કરવા પ્રયત્ન કરેલ. તેમજ બાળકી બુમા બુમ કરતી હોય, માથામાં ઇંટનો ટુકડો મારી મૃત્યુ નિપજાવેલ હોય, તેવી કબુલાત આપેલ હોય, જે કબુલાતને અન્ય પુરાવાઓ દ્વારા સમર્થન મળતુ હોય, આ ગુનાને અંજામ આપનાર ઇસમને ૧૪ કલાકથી ઓછા સમયમાં ઓળખ કરી તેની અટકાયત કરી આગળની કાયદેસર ની કાર્યવાહી હાથ ધરવામાં આવેલ છે.

આસપાસના લોકોની પણ કરી હતી પૂછપરછ

જેમાં બનાવ સ્થળ આજુબાજુના ૩૦ થી ૪૦ સી.સી.ટીવી કેમેરાઓ ઝીણવટપુર્વક તપાસવામાં આવેલ હતા. તેમજ નજીકમાં રહેતા ૧૦૦ થી વધારે લોકોની સથન અને ઉંડાણપૂર્વક પુછપરછ કરવામાં આવેલ હતી. તેમજ આજુબાજુ ની મજૂર વસાહતો, ફેક્ટરીઓ, ગોડાઉનો વિગેરે ચેક કરવામાં આવેલ હતા. તેમજ અલગ અલગ ચોકીદારો, લેબરો, કોન્ટ્રાકટરો વિગેરે પાસેથી ગુના સબંધીત માહિતીઓ એકત્ર કરવામાં આવેલ હતી. તેમજ આ વિસ્તારમાં આવતા જતા ઇસમો ની વિગતો વેરીફાઈ કરવામાં આવેલ હતી તેમજ બનાવ વાળા રૂટ પર દૈનીક અવરજવર કરતા લોકોની પુછપરછ કરવામાં આવેલ હતી. 

60 પોલીસે ભેગા મળીને કામગીરી કરી

જે ગુનાની ગંભીરતાને ધ્યાને લઇ ઇ.પોલીસ મહાનિરીક્ષક વિધિ ચૌધરી દ્રારા આખા બનાવનું મોનિટરીંગ કરી ગુનો શોધી કાઢી આરોપી ઝડપી પાડવા માટે સુચના કરેલ હતી જેના ભાગરૂપે અમદાવાદ ગ્રામ્ય પોલીસ અધિક્ષક ઓમ પ્રકાશ જાટ બનાવની જાણ થતા તાત્કાલીક બનાવ સ્થળ પર પહોચી જઇ ગુનાની ગંભીરતા ધ્યાને લઇ નાયબ પોલીસ અધિક્ષક નિલમ ગોસ્વામી સાણંદ વિભાગ, સાણંદ, એલ.સી.બી., એસ.ઓ.જી. તથા ચાંગોદર પોલીસ અને સાણંદ ડિવિઝનના અન્ય પોલીસ સ્ટેશનોના કુલ ૬૦ અધિકારી/કર્મચારીઓની અલગ અલગ ૬ ટીમો બનાવી તથા ડોગ સ્કોડ તથા એફ.એસ.એલ., ટેકનીકલ ટીમો કામે લાગી હતી.

બાળકી લોહી લુહાણ હાલતમાં મળી આવી હતી

ગઇ તા.૦૭/૦૪/૨૦૨૫ ના રોજ મોજે રસમધુર કંપનીની જગ્યામાં પતરાની ઓરડીમાં બાવળા સરખેજ હાઇવે રોડ ચાંગોદર ખાતે મરણજનાર મુસ્કાન ડો/ઓ તાનુભાઈ જીત્રાભાઈ ગુંડીયા ઉ.વર્ષ. ૬ નાનીને કોઇ અજાણ્યા ઇસમે મરણજનાર ને શરીરે મોઢાના ભાગે તથા કમ્મરના ભાગે તથા પીઠના ભાગે ઇજાઓ પહોચાડી તથા ડાબો કાન કાપી લોહી લુહાણ કરી મોત નીપજાવેલ હોય, જે બાબતે ચાંગોદર પો.સ્ટે. ગુ.ર.નં. ૧૧૧૯૨૦૧૫૨૫૦૩૯૭/૨૦૨૫ BNS કલમ: ૧૦૩(૧) મુજબ નો ગુનો જાહેર થયો હતો.

Ahmedabad ગ્રામ્યના ચાંગોદરમાં 7 વર્ષની બાળકી પર દુષ્કર્મનો પ્રયાસ કરી મોતને ઘાટ ઉતારનાર આરોપી ઝડપાયો  

અમદાવાદના ગ્રામ્યમાં બનેલ ચાંગોદરમાં સાત વર્ષની બાળકી પર થયેલ દુષ્કર્મનો પ્રયત્ન કરી મૃત્યુ નિપજાવવાના ગુનાને 14 કલાકમાં શોધી કાઢી, આરોપીને ઝડપી પાડતી અમદાવાદ ગ્રામ્ય પોલીસ

ICC ના 12 પૂર્ણ સભ્યો છે

ઓલિમ્પિક 2028 અમેરિકાના લોસ એન્જલસમાં યોજાવાનું છે. આ ઓલિમ્પિકમાં પુરુષ અને મહિલા એમ કુલ ૬ ટીમો ભાગ લેશે. દરેક ટીમ 15 સભ્યોની ટીમ પસંદ કરી શકે છે કારણ કે પુરુષ અને મહિલા બંને માટે 90 ખેલાડીઓનો ક્વોટા ફાળવવામાં આવ્યો છે. આંતરરાષ્ટ્રીય ક્રિકેટ પરિષદમાં ૧૨ પૂર્ણ સભ્યોનો સમાવેશ થાય છે: અફઘાનિસ્તાન, ઓસ્ટ્રેલિયા, બાંગ્લાદેશ, ઈંગ્લેન્ડ, ભારત, આયર્લેન્ડ, ન્યુઝીલેન્ડ, પાકિસ્તાન, દક્ષિણ આફ્રિકા, શ્રીલંકા, વેસ્ટ ઈન્ડિઝ અને ઝિમ્બાબ્વે. આ ઉપરાંત, 94 દેશો એસોસિયેટ સભ્યો છે. 2028 ઓલિમ્પિક માટે ક્રિકેટ માટે ક્વોલિફિકેશનની પદ્ધતિ હજુ સુધી પુષ્ટિ થઈ નથી.

2028 ઓલિમ્પિક માટે ક્રિકેટ  

આયોજકોએ જણાવ્યું હતું કે પુરુષ અને મહિલા બંને શ્રેણીઓ માટે 90-90 ખેલાડીઓનો ક્વોટા નક્કી કરવામાં આવ્યો છે. આનાથી દરેક ટીમ 15 ખેલાડીઓની ટીમ બનાવી શકશે.LA 2028 ઓલિમ્પિક માટે ક્રિકેટ ક્યાં રમાશે તે હજુ નક્કી થયું નથી. ઓલિમ્પિકમાં સમાવિષ્ટ પાંચ નવી રમતોમાં ક્રિકેટનો સમાવેશ થાય છે. બે વર્ષ પહેલાં, IOC એ LA 2028 ઓલિમ્પિકમાં બેઝબોલ/સોફ્ટબોલ, ફ્લેગ ફૂટબોલ, લેક્રોસ (સિક્સ) અને સ્ક્વોશ સાથે ક્રિકેટનો સમાવેશ કરવાની મંજૂરી આપી હતી. મુંબઈમાં ૧૪૧મા IOC સત્ર દરમિયાન LA ૨૦૨૮ ઓલિમ્પિક માટે ફ્લેગ ફૂટબોલ, લેક્રોસ, સ્ક્વોશ અને બેઝબોલ/સોફ્ટબોલ સાથે ક્રિકેટનો સમાવેશ કરવામાં આવ્યો હતો. કોમનવેલ્થ ગેમ્સ અને એશિયન ગેમ્સ જેવી મોટી રમતગમતની ઇવેન્ટ્સમાં ક્રિકેટ પહેલાથી જ રમાય છે.

Los Angeles Olympics 2028માં 128 વર્ષ પછી આટલી ક્રિકેટની ટીમો લેશે ભાગ 

લોસ એન્જલસમાં યોજાનારી વર્ષ 2028 ઓલિમ્પિક રમતોમાં ક્રિકેટ T20 ફોર્મેટમાં રમાશે. પુરુષો અને સ્ત્રીઓ બંને માટે ટુર્નામેન્ટ હશે અને દરેક ટુર્નામેન્ટમાં 6 ટીમો ભાગ લેશે. આ માહિતી આયોજકો દ્વારા આપવામાં આવી હતી. બુધવારે આંતરરાષ્ટ્રીય ઓલિમ્પિક સમિતિ (IOC)ના એક્ઝિક્યુટિવ બોર્ડ દ્વારા LA 2028 ઓલિમ્પિક માટે રમતોના કાર્યક્રમ અને રમતવીરોની સંખ્યાને મંજૂરી આપવામાં આવી હતી. 

ફુવારા પદ્ધતિનો ઉપયોગ કરવો

પાકને ઊંચા તાપમાનથી બચાવવા શાકભાજીનાં ખેતરમાં નીંદણ ન કરવું બપોરનાં કલાકો દરમિયાન ખેતીની પ્રવૃતિઓ બંધ રાખવી. પશુઓને છાંયામાં રાખવાં તેમજ પીવાં માટે ચોખ્ખુ અને ઠંડું પાણી આપવું. પશુઓને ખોરાકમાં લીલું ઘાસ તેમજ ખનીજ દ્રવ્યયુક્ત આહાર આપવો અને ઓછી ગરમીના કલાકોમાં ચરાવવા માટે લઈ જવાં. બપોરનાં સમયે દુધાળાં પશુઓને ચરાવવા તેમજ ખોરાક આપવો નહીં. કૃષિ હવામાન એડવાઇઝરી સેવાઓ માટે MEGHDOOT મોબાઇલ એપ્લિકેશન ડાઉનલોડ કરવી અને હવામાનની આગાહી અંગેની માહિતી ખેડૂતોને તેમના સ્થાન, પાક અને પશુધન માટે તેમની સ્થાનિક ભાષામાં સલાહ પ્રદાન કરશે. માટે તમામ ખેડૂતોને મેઘદૂત મોબાઈલ એપ્લિકેશનનો ઉપયોગ કરવા બોટાદ જિલ્લા ખેતીવાડી અધિકારી દ્વારા જણાવવામાં આવે છે.

Agriculture : હીટવેવ દરમિયાન ખેડૂતો કઈ રીતે કરી શકશે પશુની જાણવણી 

હાલ હીટવેવ ચાલી રહી છે, અને હજુપણ તાપમાન વધવાની શક્યતા હોવાથી બોટાદ જિલ્લા ખેતીવાડી અધિકારી દ્વારા ખેડૂતોને સૂચનો કરવામાં આવ્યાં છે. જે મુજબ, ઉભા પાકને હળવું તેમજ વારંવાર પિયત આપવું. વહેલી સવારે અને સાંજનાં સમયે પિયત આપવું.જમીનમાં ભેજનુ પ્રમાણ જાળવી રાખવાં પાકનાં અવશેષોને, પોલીથીન તેમજ માટી વડે આચ્છાદન કરવું. 

રાષ્ટ્રીય સલામત માતૃત્વ દિવસ ઉજવવાની જાહેરાત કરી હતી

વડાપ્રઘાન નરેન્દ્ર મોદીના માર્ગદર્શન હેઠળ, સમગ્ર દેશમાં શરૂ કરેલ રાષ્ટ્રીય પોષણ અભિયાનનો નિશ્ચિત ધ્યેય હાંસલ કરવાની દિશામાં ગુજરાત સરકાર જન્મથી ૬ વર્ષના  બાળકો, કિશોરીઓ, સગર્ભા અને ધાત્રીમાતાઓ માટે પૌષ્ટીક આહાર પુરો પાડવા માટે  ″સહી પોષણ દેશ રોશન” નાં આહવાહનને ચરીતાર્થ કરવા વર્ષ ૨૦૨૪-૨૦૨૫માં ૪૪ લાખથી વધુ લાભાર્થીઓને લાભ અપાયો છે.અત્રે ઉલ્લેખનીય છે કે, દર વર્ષે 11 એપ્રિલે રાષ્ટ્રીય સલામત માતૃત્વ દિવસ ઉજવવામાં આવે છે. આ ઉજવણીનો હેતુ મહિલાઓની માતૃત્વ સુરક્ષાને પ્રોત્સાહન આપવાનો છે. વર્ષ 2003માં ભારત સરકારે 11મી એપ્રિલના રોજ રાષ્ટ્રીય સલામત માતૃત્વ દિવસ ઉજવવાની જાહેરાત કરી હતી.

માતા અને બાળકના સ્વાસ્થ્યમાં સુધારો લાવવા માટે મહત્વપૂર્ણ

મુખ્યમંત્રી માતૃશક્તિ યોજના વર્ષ ૨૦૨૨થી અમલી બનાવવામાં આવી છે. જેમાં પ્રથમ ૧૦૦૦ દિવસને તકની પ્રથમ બારી ગણવામાં આવે છે. આ તબક્કા દરમિયાન માતાઓને તેમના વિકાસતા ગર્ભને અને ત્‍યારબાદ  સ્‍તનપાન કરાવવા માટે પ્રોટીન, ચરબી અને વિટામિન્‍સ જેવા વધુ પોષક તત્વોની જરૂર હોય છે.આ યોજના હેઠળ પ્રથમ વખતની સગર્ભા અને ૨ વર્ષ સુધીના બાળકની આંગણવાડીમાં નોંધણી કરાવેલ માતાને લાભ મળે છે. જેમાં લાભાર્થીને ૨ કિલો ચણા, ૧ કિલો તુવેરદાળ અને ૧ લિટર સિંગતેલ દરમાસે આપવામાં આવે છે.  આ પોષક તત્વોથી ભરપૂર ખોરાક માતા અને બાળકના સ્વાસ્થ્યમાં સુધારો લાવવા માટે મહત્વપૂર્ણ છે. 

પાંચ લાખથી વધુ લાભાર્થીઓને પોષણ પૂરું પાડવામાં આવ્યું

મુખ્યમંત્રી માતૃશક્તિ યોજના અંતર્ગત વર્ષ દરમિયાન પાંચ લાખથી વધુ લાભાર્થીઓને પોષણ પૂરું પાડવામાં આવ્યું છે. જે માટે રાજ્ય સરકારે રૂ. ૩૫૪.૧૫ કરોડની નાણાકિય જોગવાઇ કરાઈ છે. માતા અને બાળકના સ્‍વાસ્‍થ્‍યમાં સુધારો કરવા માટે જીવનના પ્રથમ ૧૦૦૦ દિવસો પર ધ્‍યાન કેન્‍દ્રિત કરવું આવશ્‍યક છે. જે ગર્ભધારણથી બાળકના બીજા જન્‍મદિવસ વચ્‍ચેનો એક અનન્‍ય સમયગાળો છે જે દરમિયાન શ્રેષ્ઠ સ્‍વાસ્‍થ્‍ય, વૃદ્ધિ અને સમગ્ર જીવનકાળમાં માનસિક વિકાસ સ્‍થાપિત થાય છે.

Gujarat સરકાર કરી રહી છે સગર્ભા મહિલાઓના પોષણની દરકાર

માતા અને બાળકના સ્વાસ્થ્યની કાળજીને સમજીને રાજ્ય સરકારે ગુજરાતમાં મુખ્યમંત્રી માતૃશક્તિ યોજના અમલી બનાવી છે. મુખ્યમંત્રી માતૃશક્તિ યોજના (MMY) ગુજરાત સરકાર દ્વારા શરૂ કરાયેલ એક મહત્વપૂર્ણ પહેલ છે, જે સગર્ભા સ્ત્રીઓ અને ૨ વર્ષનું બાળક ધરાવતી માતાઓને પોષણયુક્ત આહાર પ્રદાન કરીને માતા અને બાળકના સ્વાસ્થ્યમાં સુધારો લાવવાના હેતુથી અમલી બનાવવામાં આવી છે.

સ્પેશિયલ ટ્રેનને લઈ મહત્વની જાણકારી 

આ ટ્રેન ગુરુવારે ૧૯.૧૦ વાગ્યે રામેશ્વરમ પહોંચશે. પરત મુસાફરીમાં, ટ્રેન નં. ૧૬૭૩૩ રામેશ્વરમ-ઓખા એક્સપ્રેસ પણ તાત્કાલિક અસરથી મંડપમને બદલે રામેશ્વરમથી શરૂ થશે અને ઓખા સુધી જશે. આ ટ્રેન દર શુક્રવારે રામેશ્વરમથી 22.30 વાગ્યે ઉપડશે અને સોમવારે 10.20 વાગ્યે ઓખા પહોંચશે. આ ઉપરાંત, આ બંને ટ્રેનોને મંડપમ અને રામનાથપુરમ સ્ટેશન પર વધારાનો સ્ટોપેજ આપવામાં આવ્યું છે.ટ્રેનોના સંચાલન અને સ્ટોપેજ સંબંધિત નવીનતમ અપડેટ્સ માટે, મુસાફરો www.enquiry.indianrail.gov.inની મુલાકાત લઈ શકે છે.

South Railway : ઓખા-રામેશ્વરમ એક્સપ્રેસ હવે મંડપમને બદલે રામેશ્વરમ સુધી જશે 

દક્ષિણ રેલ્વે દ્વારા રામેશ્વરમ અને મંડપમ વચ્ચે સ્થિત પ્રખ્યાત પંબન બ્રિજ નું નવીનીકરણ કાર્ય પૂર્ણ થયા પછી, રેલ ટ્રાફિક માટે ફરીથી ખોલવામાં આવ્યો છે. આ કારણે, ટ્રેન સંખ્યા 16734 ઓખા-રામેશ્વરમ એક્સપ્રેસ તાત્કાલિક અસરથી દર મંગળવારે ઓખાથી 08.40 વાગ્યે ઉપડશે અને મંડપમ સ્ટેશનને બદલે ફરીથી રામેશ્વરમ સ્ટેશન સુધી જશે. 

જિલ્લાના વિવિધ વિભાગોનાં વરિષ્ઠ અધિકારીઓ ઉપસ્થિત રહ્યા હતા

આ બેઠકમાં જિલ્લા આયોજન અધિકારી  સુરેન્દ્રસિંહ ડાભીએ જિલ્લામાં હાથ ધરાનારા વિવિધ વિકાસ કામોની વિગતવાર માહિતી પુરી પાડી હતી. જિલ્લા કલેકટર ડો. રાજેન્દ્ર પટેલે મંત્રીને પુષ્પગુચ્છ અર્પણ કરી આવકાર્યા હતા.આ તકે નાયબ મુખ્ય દંડક જગદીશભાઈ મકવાણા, સાંસદ ચંદુભાઈ શિહોરા, જિલ્લા પંચાયત પ્રમુખ હરીકૃષ્ણભાઈ પટેલ, લીંબડી ધારાસભ્ય કિરીટસિંહ રાણા, ચોટીલા ધારાસભ્ય શામજીભાઈ ચૌહાણ, દસાડા ધારાસભ્ય પી.કે.પરમાર, ધ્રાંગધ્રા ધારાસભ્ય પ્રકાશભાઈ વરમોરા, તાલુકા પ્રમુખો, નગરપાલિકા પ્રમુખો, મ્યુનિસિપલ કમિશનર નવનાથ ગવ્હાણે, જિલ્લા વિકાસ અધિકારી કે.એસ.યાજ્ઞિક, નિવાસી અધિક કલેકટર આર.કે.ઓઝા સહિત જિલ્લાના વિવિધ વિભાગોનાં વરિષ્ઠ અધિકારીઓ ઉપસ્થિત રહ્યા હતા.

પ્રભારી મંત્રીએ અમલીકરણ અધિકારીઓને તાકીદ કરી હતી

તદુપરાંત વર્ષ ૨૦૨૩-૨૪ તથા વર્ષ ૨૦૨૪-૨૫માં મંજુર થયેલા કામોમાં રદ/ફેરફાર/ સ્થળ ફેરફાર/ ખૂટતા આયોજનના કામો મંજૂર કરવામાં આવ્યા હતા. વિકેન્દ્રિત જિલ્લા આયોજન કાર્યક્રમ અને 'આપણો તાલુકો, વાઈબ્રન્ટ તાલુકો - એ.ટી.વી.ટી.' જોગવાઈ અને સંસદસભ્ય જોગવાઈ સહિતનાં અન્ય બાકી કામો, મંજૂર થયેલા કામો, શરૂ ન થયેલા કામો અને પ્રગતિ હેઠળના કામો અંગે સમીક્ષા કરી તમામ કામો સત્વરે પૂર્ણ થાય તે દિશામાં પ્રયાસો કરવા પ્રભારી મંત્રીએ અમલીકરણ અધિકારીઓને તાકીદ કરી હતી. 

વિવિધ સુવિધાઓનો લાભ નાગરિકોને મળી

આ બેઠકમાં પ્રભારી મંત્રીએ વિકેન્દ્રિત જિલ્લા આયોજન કાર્યક્રમ હેઠળના વિકાસકામો અંગે આયોજન અધિકારી પાસેથી માહિતી મેળવી સમગ્ર જિલ્લામાં વિકાસકાર્યો હાથ ધરવામાં આવે તે માટે જરૂરી સૂચનો કર્યા હતા. વધુમાં, વર્ષ ૨૦૨૪-૨૫ હેઠળ મંજૂર થયેલા વિવિધ વિકાસના કામો ઝડપથી પૂર્ણ કરવામાં આવે જેથી વિવિધ સુવિધાઓનો લાભ નાગરિકોને મળી શકે તેમ કહ્યું હતું. 

Surendranagarમાં મંત્રી મુળુ બેરાના અધ્યક્ષસ્થાને જિલ્લા આયોજન મંડળની સમીક્ષા બેઠક યોજાઈ

સુરેન્દ્રનગર જિલ્લા પ્રભારી મંત્રી મુળુભાઈ બેરાના અધ્યક્ષસ્થાને કલેકટર કચેરી, સભાખંડ ખાતે વર્ષ ૨૦૨૫-૨૬ની જિલ્લા આયોજન મંડળની સમીક્ષા બેઠક યોજાઈ હતી. આ બેઠકમાં પ્રભારી મંત્રીએ તમામ વિકાસના કામો સમયસર અને ગુણવત્તાસભર રીતે પૂર્ણ થાય તે સુનિશ્ચિત કરવા અધિકારીઓને તાકીદ કરી હતી. 

સિંહની ગણતરી આ મહિનામાં થશે 

જ્યારે એશિયાઈ સિંહનું નામ પડે એટલે લોકોને ગીર યાદ આવતું હોય છે ગુજરાતની સાન સમા એશિયાઈ સિંહોને જોવા દેશ-વિદેશથી લાખો પર્યટકો ગીર ખાતે ઉમટી પડતા હોય છે ત્યારે સિંહોને બચાવવા પણ જરૂરી છે જેને લઇ વન વિભાગ પણ કટિબદ્ધ બન્યું છે.ગીરના જંગલમાં ગત 2020 ની ગણતરી મુજબ 674 સિંહનો વસવાટ હતો.ગત ચાર વર્ષમાં પણ સિંહોની સંખ્યામાં વધારો થયો છે અને તેની ગણતરી આ મહિનામાં થશે.

વન વિભાગ સિંહ માટે તત્પર છે

જંગલમાં સુરક્ષા માટે વન વિભાગના ટ્રેકર્સ બીટગાર્ડ પણ એક સિંહને બચાવવાનો ભાગ છે.સિંહોને લઈને લોકોમાં જાગૃતતા આવે જેને લઇ અનેક કાર્યક્રમો યોજવામાં આવે છે લોકોને સિંહો માટેની સમજણ આવે તે માટે વિવિધ કાર્યક્રમો પણ યોજાયા છે તેમજ જંગલ અને પ્રકૃતિ વિશે પણ વિદ્યાર્થીઓને માર્ગદર્શન અને કેમ્પ યોજવામાં આવતા હોય છે.લોકો સાથેના સંવાદ કાર્યક્રમ બાદ લોકોનો પણ સારો એવો ફાળો સિહોને બચાવવા અને સિંહની સુરક્ષા માટે વન વિભાગને મળી રહ્યો છે.

બે તબક્કામાં યોજાશે ગણતરી

દરેક પાંચ વર્ષે થતી આ ગણતરી હવે લગભગ દસ વર્ષે કરવામાં આવી રહી છે. કોરોના મહામારીને કારણે 2020માં પૂરતી તૈયારી સાથે વિધિવત ગણતરી કરી શકાઈ નહોતી, જેના કારણે આ વખતે તે વધુ મહત્વની બની છે. વન વિભાગ દ્વારા જાણવા મળ્યું છે કે, આ ગણતરી બે તબક્કામાં 24-24 કલાક ચાલશે. 

Gujaratમાં પ્રથમ વખત સિંહ ગણતરીમાં AIની મદદ લેવાશે 

ગુજરાતમાં સિંહ ગણતરી મુદ્દે વનમંત્રી મુળુ બેરાનું નિવેદન સામે આવ્યું છે,તેમનું કહેવું છે કે,પ્રથમ વખત સિંહ ગણતરીમાં AIની મદદ લેવાશે અને વન વિભાગનો સ્ટાફ સજ્જ થયો છે,10 થી 13મે સુધી યોજાશે સિંહ ગણતરી અને આ સિંહની ગણતરીમાં સ્વયંસેવકો, વન વિભાગ, એનજીઓ જોડાશે તેમજ 11 જિલ્લામાં સિંહ ગણતરી થશે. 

અરજીપત્રકો રદબાતલ ગણવામાં આવશે

મુદ્દત બહાર તથા અધુરી વિગતે રજુ થયેલ અરજીપત્રકો રદબાતલ ગણવામાં આવશે. શિક્ષિત મહિલા બેરોજગાર અને શિક્ષિત પુરૂષ બેરોજગાર માટે અનામત ટકાવારીના નિયમો અનુસાર રહેશે. શરૂ થનાર તમામ વાજબી ભાવની દુકાનના સંચાલક/ સંસ્થાએ ફરજીયાતપણે કમ્પ્યૂટર/ લેપટોપ/હેન્ડહેલ્ડ ટર્મિનલ/ પ્રિન્ટર અને બાયોમેટ્રિક ડીવાઇસ તથા ઈલેક્ટ્રોનિક વજન કાંટો વસાવવાના રહેશે, તેમ ઈન્ચાર્જ જિલ્લા પુરવઠા અધિકારીશ્રી એચ.ટી.મકવાણાની યાદીમાં જણાવાયું છે.

વેપારી ઓનલાઈન કરી શકશે અરજી

આ વાજબી ભાવની દુકાન શરૂ કરવા માટે નિયત નમુનામાં ઓનલાઇન અરજીઓ મંગાવવામાં આવે છે. જેમાં સામાજીક અને શૈક્ષણિક પછાત વર્ગના મહીલા/ પુરૂષ ઉમેદવારો https://ipds.gujarat.gov.in/iLMS/ પોર્ટલ ઉપર તા.૧૧/૦૪/૨૦૨૫ થી તા.૨૫/૦૪/૨૦૨૫ સુધીમાં ઓનલાઈન અરજી કરી શકશે. વેબ પોર્ટલના Help Document મેનુમાં ઓનલાઈન અરજી કરવા અંગેની સંપૂર્ણ ગાઈડલાઈન આપવામાં આવી છે.

Surendranagarના ચુડા અને ધ્રાંગધામાં ખોલવામાં આવશે સરકાર માન્ય વાજબી ભાવની દુકાન

સુરેન્દ્રનગર જિલ્લાના ચુડા તાલુકાના ચોકડી-૨ તેમજ ધ્રાંગધા તાલુકામાં ગુજરવદી ગામોએ વધુ અંતરના કારણે, જનસંખ્યાના ધોરણે, રાજીનામાના કારણે, પરવાનો રદ થવાના કારણે બંધ થયેલ દુકાન માટે નવા પંડીત દીનદયાળ ગ્રાહક ભંડાર એટલે કે સરકાર માન્ય વાજબી ભાવની દુકાન ખોલવાની થાય છે.

ગુજરાતના ભીન્ન ભીન્ન ભાગોમાં ભારે પવન ફૂંકાવાની શક્યતા રહેશે : અંબાલાલ પટેલ

હવામાન નિષ્ણાત અંબાલાલ પટેલે ગુજરાતના હવામાન અંગે આગાહી કરી છે. જેમાં તેમણે જણાવ્યું છે કે, બંગાળના ઉપસાગર અને અરબી સમુદ્રના ભેજ અને વેસ્ટર્ન ડિસ્ટર્બન્સના કારણે ગુજરાતના હવામાનમાં માર્ચના અંત સુધી, માર્ચના અંતથી અને એપ્રિલની શરૂઆત સુધીમાં પલટો આવશે અને દક્ષિણ ગુજરાતના ભાગો, પૂર્વ ગુજરાતના ભાગો અને સૌરાષ્ટ્રના ભાગોમાં વાદળછાયા વાતાવરણ સાથે છાંટા પડવાની શક્યતાઓ રહેશે.આગામી દિવસોમાં ભારે પવનના તોફાનો અને ઝડપી પવનોની સાથે સાથે વરસાદ, મેઘ ગર્જના અને સમુદ્ર કિનારે ભારે પવન ફૂંકાવાની શક્યતા રહેશે. 

કચ્છમાં 40 ડિગ્રી સુધી મહતમ તાપમાન નોંધાશે : અંબાલાલ પટેલ

હવામાન નિષ્ણાંત અંબાલાલ પટેલે વધુમાં કહ્યું કે,મધ્ય ગુજરાત અમદાવાદ ,ગાંધીનગર, વડોદરા, આણંદ, ખેડા, સહિત 41 ડિગ્રી સુધી ગરમી રહેશે તો દક્ષિણ ગુજરાતમાં વલસાડ, નવસારી, સુરત, દમણ સહિતના વિસ્તારોમાં 42 ડિગ્રી સુધી ગરમી રહી શકે છે,સૌરાષ્ટ્રના ભાગોમાં અમરેલી, રાજકોટ, સુરેન્દ્રનગર, રાજકોટ સહિત 39 થી 40 ડિગ્રી રહેશે તો અગાઉ રાજ્યમાં નબળા પડેલા વેસ્ટર્ન ડિસ્ટર્બનસને લીધે માર્ચમાં ગરમી આકરી પડશે સાથે સાથે વેસ્ટર્ન ડિસ્ટર્બનસને લીધે વાદળછાયું વાતાવરણ રહેશે.

10 એપ્રિલ સુધી મહત્તમ તાપમાન 43 ડિગ્રી સુધી પહોંચશે : અંબાલાલ પટેલ

હવામાન નિષ્ણાંત અંબાલાલ પટેલે વધુમાં કહ્યું કે,10 એપ્રિલ સુધી મહત્તમ તાપમાન 43 ડિગ્રી સુધી પહોંચશે તો મોટા ભાગના જિલ્લામાં તાપમાન 41 ડિગ્રી ઉપર રહેશે અને એપ્રિલમાં ભારે આંધી અને તોફાની પવન ફૂંકાશે તો ભારે પવનોના લીધે કેરીના પાકને નુકસાન થઇ શકે છે,અને એપ્રિલ મહિનાના અંતમાં અરબી સમુદ્રમાં ચક્રવાત સર્જાશે.

દક્ષિણ સૌરાષ્ટ્ર ના ભાગો માં તાપમાન ૪૨ ડિગ્રી આસપાસ રહી શકે : અંબાલાલ પટેલ

પૂર્વ ગુજરાતના ભાગોમાં તાપમાન ૩૩ ડિગ્રી સુધી રહી શકે છે તો ૧૨-૧૩ એપ્રિલ દરમિયાન ભારે પવન આંધી વંટોળનું પ્રમાણ રહેશે,તો ૧૪ એપ્રિલથી બંગાળનો ઉપસાગર સક્રિય થાય અને વાવાઝોડાની પ્રક્રિયા શરૂ થશે તેમજ ૨૬ એપ્રિલથી ગરમીનું પ્રમાણ વધશે અને મહત્તમ તાપમાન ૪૫ ડિગ્રી સુધી જઈ શકે છે,મે માસમાં વાવાઝોડા બંગાળના ઉપસાગર તથા અરબી સમુદ્રમાં ત્યારબાદ વાવાઝોડા સક્રિય થશે.મે માસ માં મહત્તમ તાપમાન ૪૬ ડિગ્રી સુધી જઈ શકે છે.

એપ્રિલ મહિનામાં વાતાવરણમાં પલટો આવશે : અંબાલાલ પટેલ

અંબાલાલ પટેલનું કહેવું છે કે,આગામી 4 થી 11 એપ્રિલ દરમિયાન ગુજરાત સહિત દેશના હવામાનમાં પલટો આવશે,રાજ્યના પૂર્વિય ભાગોમાં દક્ષિણ તથા ઉત્તર ગુજરાતમાં ૧૧ એપ્રિલ સુધી હવામાનમાં પલટો આવશે તેમજ રાજ્યમાં ગાજવીજ સાથે વરસાદી માહોલ થશે અને વરસાદી છાંટા પણ પડશે,કચ્છ અને ઉત્તર પૂર્વ ગુજરાતમાં તાપમાન ૪૨ ડિગ્રીની આસપાસ રહી શકે છે તો દક્ષિણ ગુજરાતમાં તાપમાન ૪૦ ડિગ્રી શેલ્સિયસ રહી શકે છે.

Ambalal Patelની ભૂક્કા કાઢી નાખતી આગાહી, રાજયમાં ભર ઉનાળે પડી શકે છે વરસાદ !

હવામાન નિષ્ણાંત અંબાલાલ પટેલે ભર ઉનાળે વરસાદની આગાહી કરી છે,અંબાલાલ પટેલનું માનવું છે કે,24 કલાકમાં હવામાનમાં પલટો આવવાની શક્યતા છે,તો બનાસકાંઠા, કચ્છ,મહેસાણા, પાટણ,દાહોદ, લીમખેડામાં ગાજવીજ સાથે વરસાદી છાંટા પડી શકે છે,તો  વડોદરા, આણંદ,હળવદ, સુરેન્દ્રનગરમાં છાંટા અને પવન સાથે આંધી આવશે તેમજ પ્રિ-મોન્સુન એક્ટિવિટી 10 મે બાદ શરૂ થશે અને 8 જૂનથી દરિયામાં પવન બદલાશે અને દરિયાકાંઠે પવન ફૂંકાશે.

વાંચો 12 વાગ્યા સુધીના મહત્વના સમાચાર

01 - FILM: દિકરાની ફિલ્મ 'જાટ'ના રિલીઝ પ્રસંગે ધર્મેન્દ્ર હરખાયા, ઢોલના તાલે નાચી ઉઠ્યા

02 - Ahmedabadના પૂર્વ વિસ્તારમાં ખારીકટ કેનાલ નવા રૂપરંગ ધારણ કરી રહી છે

03 - Tahawwur Rana Extradited: ભારતીય સંવિધાન મુજબ સજા કરાશે, અમિત શાહનું નિવેદન

04 - World: આ છે વિશ્વનું સૌથી મોટુ પેટ્રોલ પંપ, એક સાથે 120 પંપ...!

05 - Ahmedabadના રાણીપમાં બની લૂંટની ઘટના, રીક્ષાને આંતરી સોના-ચાંદીના દાગીના લૂંટી લેવાયા

06 - Kangana Ranautની ખૂલી ગઈ પોલ, આગળના મહિનાનું હજારો રુપિયાનું બિલ પણ બાકી..!

07 - Rajkot PGVCLની ગંભીર બેદરકારી, કર્મચારી ફોન સાઈડમાં મૂકીને આરામ કરતા જોવા મળ્યા

08 - Suratમાં બોગસ હથિયાર લાયસન્સ કાંડમાં ખુલાસો, બોગસ લાયસન્સના આધારે 51 હથિયાર વેચાયા

09 - DC vs RCB: તો ડેવિડ વાર્નરની બરોબરી કરી લેશે કોહલી..બનાવી શકે રેકોર્ડ 

10 - Western Railway : વટવા અને હુબલી વચ્ચે દોડાવાશે ઉનાળુ સ્પેશિયલ ટ્રેન

અગાઉ 6 હથિયાર ઝડપાયા હતા

ગુજરાત ATSએ હથિયારનું નકલી લાઇસન્સ બનાવી આપવાનું કૌભાંડ ઝડપી પાડયું હતુ.ats દ્વારા નકલી લાઇસન્સ બનાવી આપનાર ગેંગના કુલ 7 આરોપીઓ ની ધરપકડ કરવામાં આવી હતી. જેમની પાસે થી 6 હથિયાર અને 135 રાઉન્ડ પણ કબ્જે કરવામાં આવ્યા હતા,આરોપીઓ હરિયાણાના સોકતઅલી છોટુ ખાન,ફારુખ અલી અને આસીફ નામના આરોપીઓ હરિયાણામાં ગન શોપ ધરાવે છે અને જે લોકો નાગાલેન્ડ અને મણિપુરથી નકલી લાઇસન્સ બનાવીને પોતાની ની દુકાનથી હથિયારનું વેચાણ કરતા હોવાનું સામે આવ્યું છે.

સમગ્ર કૌભાંડમાં ૧૦૮ વ્યક્તિઓ વિરુદ્ધ ફરિયાદ નોંધાઈ છે

રાજયમાં બોગસ ડોકયુમેન્ટના આધારે ફેક હથિયાર લાયસન્સ મેળવીને રોલો પાડનારા સામે પોલીસે કાર્યવાહી કરી છે,ખોટી રીતે લાયસન્સ મેળવીને ફટકડી મેળવનાર 16 શખ્સોની પોલીસે ધરપકડ કરી છે,અમદાવાદ,સુરત,બોટાદામાં સૌથી વધારે ફેક લાયસન્સ બન્યા છે,અનિલ રાવલ,અર્જન ભરવાડ,જનક પટેલ,રમેશ ભોજા,વિરમ ભરવાડની પોલીસે ધરપકડ કરી છે,ખોટી રીતે અને ખોટા ડોકયુમેન્ટના આધારે ફેક લાયસન્સ બનાવવામાં આવ્યા હતા.આ તમામ હથિયારો નાગાલેન્ડથી મંગાવવામાં આવતા હતા અત્યાર સુધી કુલ 25 આરોપીઓની ધરપકડ કરવામાં આવી છે.આ કૌંભાડ ફકત ગુજરાત પુરૂતું નહી પરંતુ ભારતના અન્ય જીલ્લાઓ સુધી ફેલાયેલું હોય તેવું પોલીસને લાગી રહ્યું છે.

Gujarat ATSએ ફેક ગન લાયસન્સમાં વધુ 16 હથિયાર ધારકોની ધરપકડ કરી, થયા મોટા ખુલાસા

મણિપુર-નાગાલેન્ડના બોગસ હથિયાર લાયસન્સ કૌભાંડ કેસમાં ઘણા ખુલાસા થયા છે,જેમાં ગુજરાત ATSએ વધુ 16 હથિયાર ધારકોની ધરપકડ કરી છે,જેમા અમદાવાદ, સુરત,બોટાદ, સુરેન્દ્રનગરના હથિયાર ધારકોની ધરપકડ કરવામાં આવી છે,16 જેટલા હથિયારો અને કાર્ટિસ જપ્ત કરાયા છે જેમા સમગ્ર કૌભાંડમાં 108 વ્યક્તિઓ વિરુદ્ધ ફરિયાદ નોંધવામાં આવી છે,અગાઉ ATSએ 7 આરોપીઓની ધરપકડ કરી હતી.

વલસાડમાં રેલવે વિભાગની મનમાની

કુદરતી કાસમાં RCCના નાળા નાખી બાંધકામ કર્યુ,છીપવાડ રેલવે અંડરપાસ નજીક બાંધકામમ કરાયું,પાલિકાના આરોગ્ય ચેરમેન હિતેશ ભંડારીનો વિરોધ,પ્રીમોન્સૂન સર્વેમાં ગંભીર બાબત સામે આવી,કુદરતી કાસમાં ગેરકાયદે બાંધકામ કર્યાનો આક્ષેપ,બાંધકામનો ઉપયોગ ભારે વાહનો માટે કરાશે,ચેરમેને કોન્ટ્રાક્ટરને કામ અટકાવવા સૂચના આપી.

અમદાવાદના નાગરિકોને નવું નજરાણું મળશે

ખારીકટ કેનાલના નવનિર્માણ અંતર્ગત 22 કિલોમીટરમાં પ્રિ-કાસ્ટ પેરાપેટ બોક્સ લગાવાશે. અને 40 બ્રિજને અપગ્રેડ કરાશે. આ ઉપરાંત નાગરિકોના આનંદ-પ્રમોદ માટે 40 સ્થળોએ ગ્રીન પેચનું નિર્માણ કરાશે.અમદાવાદમાં સાબરમતી રિવરફ્રંટ બાદ ખારીકટ કેનાલ બીજો મહત્વાકાંક્ષી પ્રોજેક્ટ છે. જે શહેરને એક નવી ઓળખ આપશે. ખારીકટ કેનાલના વિકાસના પ્રથમ તબક્કામાં 12 કિલોમીટર લાંબા રસ્તા બનાવાશે. જેનું હાલ 80 ટકા પૂર્ણ થઈ ચૂક્યું છે. મુખ્યમંત્રી શ્રી ભૂપેન્દ્રભાઈ પટેલે બીજા તબક્કા માટે રૂ 1,003 કરોડને મંજૂરી આપી દીધી છે. 2027માં જ્યારે ખારીકટ કેનાલ પૂર્ણ થશે ત્યારે પૂર્વ અમદાવાદના નાગરિકોને નવું નજરાણું મળશે.

1200 કરોડના ખર્ચે ખારીકટ કેનાલનું નવનિર્માણ આરંભ્યુ છે

અમદાવાદ શહેરના પૂર્વ વિસ્તારમાં જાહેર માળખાકીય સુવિધાઓમાં પરિવર્તન આવી રહ્યું છે  અહીં  બ્રિટિશ કાળમાં-1881માં બનેલી ખારીકટ કેનાલ નવા રૂપરંગ ધારણ કરી રહી છે.અમદાવાદ જિલ્લાના રાયપુર ગામેથી શરુ થઈ ચંડોળા તળાવ સુધી વિસ્તરેલી ખારીકટ કેનાલ જળ-પ્રદૂષણ અને ગંદકીનો ભોગ બની હતી, જેથી સ્થાનિક રહેવાસીઓ પારાવાર મુશ્કેલીઓનો સામનો કરી રહ્યા હતા. આ સમસ્યાના ઉકેલરૂપે ગુજરાત સરકારે રૂ. 1200 કરોડના ખર્ચે ખારીકટ કેનાલનું નવનિર્માણ આરંભ્યુ છે. કેનાલને છ લેનવાળા રસ્તામાં રૂપાતંરિત કરવામાં આવી રહી છે. જેના કારણે પ્રજાજનોમાં હર્ષની લાગણી છે. 

Ahmedabadના પૂર્વ વિસ્તારમાં 22 કિમી લાંબી ખારીકટ કેનાલ નવા રૂપરંગ ધારણ કરી રહી છે

અમદાવાદ શહેરના પૂર્વ વિસ્તારના લોકો માટે હર્ષના સમાચાર છે. આ વિસ્તારમાંથી પસાર થતી 22 કિલોમીટર લાંબી ખારીકટ કેનાલ નવા રૂપરંગ ધારણ કરી રહી છે. હાલ આ કેનાલનું કામ પૂરજોશમાં ચાલી રહ્યું છે. આગામી બે વર્ષમાં તે પૂર્ણ થશે. ત્યારે ચાલો જોઈએ, કેવી રીતે બદલાઈ રહ્યું છે આ બ્રિટિશકાળમાં નિર્માણ પામેલી કેનાલનું સ્વરૂપ.

પોલીસે સીસીટીવી તપાસ્યા

ઘટનાની જાણ થતાની સાથે જ પોલીસનો કાફલો ઘટના સ્થળે પહોંચ્યો હતો અને તપાસનો ધમધમાટ શરૂ કર્યો હતો,પોલીસને હજી જયાં ઘટના બની તેની આસપાસના સીસીટીવી મળી આવ્યા નથી પરંતુ જે જગ્યાએ ઘટના બની તેની પહેલાની જગ્યાએ એટલે કે રોડ પરના સીસીટીવી પોલીસે તપાસ માટે લીધા છે,હજી પોલીસ આરોપી સુધી પહોંચી શકી નથી,અને ફરિયાદની ફરિયાદના આધારે પોલીસે તપાસનો ધમધમાટ શરૂ કર્યો છે.

રાણીપ પોલીસ પહોંચી ઘટના સ્થળે 

ધી બી.એન.એસ. કલમ ૩૦૪(૨),૫૪ મુજબ એવી રીતે કે ઉપરોક્ત જણાવેલ તા.ટા અને જગ્યાએ આ કામના ફરીયાદી તથા સાહેદ કાલુપુર થી રિક્ષા નંબર GJ-01-TB-2859મા બેસી પ્રબોધરાવલ સર્કલ થઈ ચિમનભાઈ બ્રિજ ના મધ્યભાગે પંહોચતા પહેલા આશરે ૦૫/૦૦ વાગ્યાની આસપાસ એક એક્ટીવા ઉપર આવેલ બે અજાણ્યા ઈસમો પૈકી એક્ટીવા ચાલકે પોતાનુ એકટીવા રિક્ષા ના જમણી બાજુના ભાગેથી ઓવરટેક કરી પોતાનુ એક્ટીવા રિક્ષા પાસે ચલાવી લાવી એક્ટીવાની પાછળ બેસેલ ઈસમે અચાનક સાહેદ ના ખોળામા હાથ નાખી ખોળામાં રહેલ ઉપરોક્ત સોના-ચાંદીના અલગ અલગ દાગીના ૧૫૪ ગ્રામ વજન ના કિંમત રૂપિયા ૧૩,૦૩,૮૦૦/- તથા રોકડા રૂપિયા ૧૫,૦૦૦/- તથા વિવો કંપનીનો મોબાઈલ ફોન કિંમત રૂપિયા ૨૦,૦૦૦/- તથા જુની-નવી ઘડીયાળ નંગ -૦૩ કિમત રૂપિયા ૧૮,૦૪૬/- મળી કુલ્લે કિમત રૂપિયા ૧૩,૫૬,૮૪૬/- વાળુ પર્સ ખેંચી ઝુટવી લઈ જઈ પોતાનુ એક્ટીવા પુરઝડપે ચિમનભાઈ બ્રિજ ઉતરી સાબરમતી તરફ ભાગી ગયા હતા.

Ahmedabadના રાણીપમાં બની લૂંટની ઘટના, રીક્ષાને આંતરી સોના-ચાંદીના દાગીના લૂંટી લેવાયા

અમદાવાદના રાણીપમાં લૂંટની ઘટના બની છે,જેમાં વહેલી સવારે ફરિયાદી રીક્ષામાં બેસીને આવી રહ્યા હતા અને તેમની પાસે બેગમાં રોકડ અને સોના-ચાંદીના દાગીના હતા તે સમયે એકટિવા પર આવેલા બે શખ્સોએ ફરિયાદીને એડ્રેસ પૂછવાના બહાને રીક્ષા રોકાવી અને ખોળામાં રહેલ પર્સ ઝૂંટવીને ફરાર થઈ ગયા હતા.

ફોન ન લાગતા નાગરિક કંટ્રોલ રુમ પહોંચ્યો હતો

આ સમગ્ર ઘટનામાં સામે આવ્યું કે ગ્રાહક જયારે PGVCLની ઓફિસ પહોંચે છે ત્યારે પણ તેને કોઈ સરખો જવાબ આપવામાં આવતો નથી,PGVCLના અધિકારીઓ જરા સુધરી જાવ અને પગાર લો છો તો તેની સામે કામ કરવાનું પણ રાખો,ગરમીના સમયે તમારા કારણે સ્થાનિકો હેરાન થાય તેવું શું કામ કરો છો,સરકાર અને તંત્ર જરા ધ્યાન આપો જે કર્મચારીને કામ ના કરવું હોય તેવા કર્મચારીઓને ઘરભેગા કરો,પોતે ઉંઘની મજા માણી રહ્યાં છે અને સામે બીજાની ઉંઘ ઉડી ગઈ છે.

રિસીવર નીચે મૂકી કર્મચારી આરામના મૂડમાં

જામટાવર પાસેના કંટ્રોલ રૂમનો વીડિયો સોશિયલ મીડિયામાં વાયરલ થયો છે,જેમાં ગ્રાહકે વીડિયો બનાવીને લખ્યું છે કે,તેણે પોતે PGVCLમાં 20 ફોન કર્યા તેમ છત્તા તેમના ફોન ઉપાડવામાં આવ્યા નથી આખરે ગ્રાહક કંટાળીને રાત્રે ફરિયાદ કરવા પહોંચે છે તો જોવામાં આવ્યું કે કર્મચારી નાઈટ શિફટમાં આરામ ફરમાવતો હતો,લોકોના વીજ બીલના બાકી રૂપિયા લેવા તો નીકળી પડો છો,તો મફતનો પગાર લેવામાં તમને શરમ નથી આવતી ? શું નાઈટ શિફટ હોય એટલે આરામા જ કરવાનો અને એ પણ ફોન સાઈડમાં મૂકીને ? 

રિસીવર નીચે મૂક્યાનો વીડિયો વાયરલ

રાજકોટમાં ગરમીના સમયે મોડી રાત્રે લાઈટ ગુલ થઈ હતી અને તેના કારણે સ્થાનિકોને તકલીફ પડી રહી છે,ત્યારે સ્થાનિકે PGVCLના ટોલફ્રી નંબર પર આ મામલે જાણ કરી હતી પરંતુ ફરજ પરના અધિકારીએ ફોન ઉપાડયા ન હતા તો ગ્રાહક પોતે રૂબરૂ ફરિયાદ કરવા પહોંચી ગયો હતો,જયારે ગ્રાહક રૂબરૂ ફરિયાદ કરવા પહોંચ્યો ત્યારે જોયું તો તેના પગ પણ જમીન પરથી સરકી ગયા હતા કેમકે,જે કર્મચારી નાઈટ શિફટમાં હતા તે કર્મચારી ફોનનું રિસીવર સાઈડમાં મૂકીને આરામ ફરમાવી રહ્યો હતો.

Rajkot PGVCLની ગંભીર બેદરકારી, ગરમીમાં વીજળી ગુલ થઈ અને કર્મચારી ફોન સાઈડમાં મૂકીને આરામ કરતા

રાજકોટમાં PGVCLના કંટ્રોલ રૂમની બેદરકારી સામે આવી છે,કંટ્રોલ રૂમમાં ફરજ બજાવતા અધિકારી ફોનનું રિસીવર સાઈડમાં મૂકીને આરામ ફરમાવતા નજરે પડયા હતા,ગ્રાહકે ઢગલો ફોન કર્યા પરંતુ ફોન કોઈ ઉપાડતું ન હતુ,તો જયારે ગ્રાહકે કંટ્રોલ રૂમમાં જઈને તપાસ કરી તો કર્મચારી મીઠી નિંદ્રામાં હતો અને આરામ ફરવમાવી રહ્યો હતો.

વ્યક્તિના નામનું હથિયાર લાયસન્સ બનાવીને સુરત મોકલી આપતો હતો

સુરતના કુલ છ વ્યક્તિઓને અતુલે બોગસ હથિયાર લાયસન્સ બનાવી વેચ્યા હતા. સુરત ઉપરાંત આણંદ, જામનગર, મોરબી, અમદાવાદ, વડોદરા, મહેસાણામાં કુલ ૧૭ વ્યક્તિઓને બોગસ લાયસન્સ થકી વેચ્યા હતા. હજુ પણ સુરતમાં બે વ્યક્તિઓને પકડવાના બાકી છે. જોકે તેઓ અંડરગ્રાઉન્ડ થઇ જતાં તેની ધરપકડ માટે કાઈમ બ્રાન્ચની ટીમો દોડાવવામાં આવી હતી.બ્લ્યુ ડાર્ટ કુરિયર મારફત લાઈસન્સ સુરત મોકલાતું હતું,હથિયાર લાયસન્સ લેવા માટે ફોર્મ ભરવાથી લઇ અલગ અલગ કચેરીઓમાં પ્રોસિજર કરવાની હોય છે, પરંતુ અતુલ માત્ર ઓનલાઇન ફોર્મ ભરી તે આસિફને મોકલતો. આસિફ પંદરથી વીસ દિવસમાં જ નાગાલેન્ડથી કુરિયર મારફત જે તે વ્યક્તિના નામનું હથિયાર લાયસન્સ બનાવીને સુરત મોકલી આપતો હતો.

૧૦ લાખમાં નકલી ગન લાઈસન્સ બનાવી આપતો 

જપ્ત કરાયેલાં ૨૦ હથિયારોમાં ૧૨ બોરની ગન ઉપરાંત પિસ્ટલ અને ૩૨ બોરની રિવોલ્વર અને પિસ્ટલનો સમાવેશ થાય છે.બોગસ લાઈસન્સના આધારે અતુલે ૫૧ હથિયાર વેચ્યા તે પૈકી અત્યાર સુધી ૨૦ કબજે કરાયા છે.અતુલ છેલ્લાં બે વર્ષથી આ વેપલો કરતો હતો. અમદાવાદ એ.ટી.એસ.એ પકડેલો શેલો ભરવાડના સંપર્કમાં આવ્યો હતો. તેણે જ હરિયાણાના આસિફ સાથે લાઇન કરાવી આપી હતી. જે વ્યક્તિ નકલી ગન લાયસન્સ લેવા માંગતો હોય તેની પાસેથી અતુલ ૧૦ લાખ રૂપિયા વસુલતો હતો. જેમાંથી તેને કમિશન પેટે ૧.૫૦ લાખ મળતા હતા. બાકીના નાણાં હરિયાણાનો આસિફ લઇ લેતો હતો. જોકે નકલી લાયસન્સ લીધા બાદ ગ્રાહકે હથિયાર અતુલની દુકાનમાંથી અલગથી લેવાનું રહેતું હતું.

નકલી લાયસન્સને આધેર કુલ ૫૧ હથિયાર વેચ્યા હોવાનું બહાર આવ્યું હતું

પોલીસ કમિશનર અનુપમસિંહ ગેહલોતે જણાવ્યું હતું કે એ.ટી.એસ. દ્વારા નાગાલેન્ડ અને મણીપુરના નકલી ગન લાયસન્સને આધારે હથિયાર ખરીદવાનું રાષ્ટ્રવ્યાપવામાં આવ્યો હતો. આ રેકેટની એક કડી સુરતમાં પણ મળી આવી હતી. આખા રૅકેટમાં સુરતના સૂત્રધાર તરીકે કતારગામમાં ગજાનંદ ગનહાઉસનાં માલિક અતુલ ચીમનલાલ પટેલ (રહે, મહાવીરનગર, કતારગામ, મૂળ રહે, નારગામ, આણંદ)ની સંડોવણી બહાર આવી હતી. અતુલ પાસેથી નકલી લાયસન્સ બનાવી તેની પાસેથી જ હથિયાર ખરીદનાર દીલીપ છે કતારગામ), કલ્પેશ ધનજી માંગુકીયા (રહે, રિવર પેન્ટા સ્કાય, સરથાણા જકાતનાકા), મેરૂ હમીર બેલા (રહે, ગાયત્રી નગર, અમરોલી)ની ધરપકડ કરાઈ હતી. તેમની પાસેથી ત્રણ હથિયારો ઉપરાંત ચોથા ગ્રાહક વૈભવ જાસોલીયા પાસેથી એક હથિયાર તથા અતુલ પાસેથી બીજાં ૧૬ હથિયારો સહિત કુલ્લે ૨૦ હથિયાર અને ૯૩ કાર્ટીઝ કબજે લેવાયા.અયુબે નકલી લાયસન્સને આધેર કુલ ૫૧ હથિયાર વેચ્યા હોવાનું બહાર આવ્યું હતું.  

Suratમાં બોગસ હથિયાર લાયસન્સકાંડમાં ખુલાસો, બોગસ લાયસન્સના આધારે  51 હથિયાર વેચાયા 

નકસલ પ્રભાવિત મણીપુર-નાગાલેન્ડ રાજ્યમાંથી નકલી ગન લાયસન્સ બનાવડાવી દેશભરમાં ગન વેચવાના ચકચારી પ્રકરણમાં કતારગામમાં ગજાનંદ ગનહાઉસનાં સંચાલક અતુલ પટેલ સુરતનો મુખ્ય સૂત્રધાર હોવાનું બહાર આવ્યું હતું. અતુલે ૫૧ હથિયાર નકલી લાયસન્સને આધારે વેચ્યા હતા. પોલીસે અતુલ તથા તેની પાસેથી હથિયાર ખરીદનાર ત્રણ વ્યક્તિ સહિત ચારની ધરપકડ કરી ૨૦ હથિયાર અને ૯૩ કાર્ટીજ કબજે કર્યા હતા. 

આવતીકાલથી બુંકિંગ થશે શરૂ 

ટ્રેન નંબર 07334 નું  બુકિંગ 11 એપ્રિલ 2025 થી પીઆરએસ કાઉન્ટર અને આઈઆરસીટીસી  વેબસાઇટ પર શરૂ થશે. ટ્રેનોના સ્ટોપેજ સમય અને સંરચના અંગે વિગતવાર માહિતી માટે, મુસાફરો કૃપા કરીને www.enquiry.indianrail.gov.in ની મુલાકાત લઈ શકે છે.

આ ટ્રેનની વિગતો નીચે મુજબ છે

ટ્રેન નંબર 07334/07333 વટવા-હુબલી-વટવા સ્પેશિયલ ટ્રેન (કુલ 20 ટ્રીપ્સ)

ટ્રેન નંબર 07334 વટવા-હુબલી સ્પેશિયલ 14 એપ્રિલ 2025 થી 16 જૂન 2025 સુધી દર સોમવારે વટવાથી 21:45 કલાકે ઉપડશે અને બીજા દિવસે 19:45 કલાકે હુબલી  પહોંચશે. તેવી જ રીતે, ટ્રેન નંબર 07333 હુબલી -વટવા સ્પેશિયલ 13 એપ્રિલ 2025 થી 15 જૂન 2025 સુધી દર રવિવારે હુબલી થી 19:30 કલાકે ઉપડશે અને બીજા દિવસે 18.45 કલાકે વટવા પહોંચશે.માર્ગમાં, બંને દિશાઓ માં આ ટ્રેન આણંદ, વડોદરા, સુરત, વાપી, બોઈસર, વસઈ રોડ, કલ્યાણ, લોનાવાલા, પુણે, સાંગલી, મિરજ, કુડાલ, રાયબાગ, ઘટપ્રભા, ગોકાક રોડ, બેલગામ, લોંડા, અલનાવર અને ધારવાડ સ્ટેશનો પર રોકાશે. આ ટ્રેનમાં ફર્સ્ટ એસી, સેકન્ડ એસી, થર્ડ એસી, સ્લીપર અને જનરલ ક્લાસ કોચ હશે. 

Western Railway વટવા અને હુબલી વચ્ચે દોડાવાશે ઉનાળુ સ્પેશિયલ ટ્રેન

પશ્ચિમ રેલ્વે દ્વારા મુસાફરોની માંગ અને સુવિધાને ધ્યાનમાં રાખીને વટવા અને હુબલી વચ્ચે વિશેષ ભાડા પર સાપ્તાહિક ઉનાળુ વિશેષ ટ્રેન ચલાવવાનો નિર્ણય લીધો છે. 

જવાબદાર સામે યોગ્ય કાર્યવાહી કરવામાં આવશે

પાણીની ટાંકીમાં કોઈ અસામાજિક તત્ત્વોએ સેલ્ફોસ નામની દવાની પડીકી નાખી હોવાનું સામે આવ્યું છે. ફિલ્ટર પાસેથી પડીકીઓ મળી આવી છે. જેથી પાણી પીધા બાદ રત્નકલાકારોને તેની ઝેરી અસર થઈ છે. આ સમગ્ર મામલે સીસીટીવીની ચકાસણી કર્યા બાદ અને ફોરેન્સિક ટીમની મદદથી વધુ તપાસ કરવામાં આવશે અને જવાબદાર સામે યોગ્ય કાર્યવાહી કરવામાં આવશે.

પાણી પીધા બાદ ઝેરી દવાની અસર થઈ

મળતી જાણકારી મુજબ શહેરના કાપોદ્રા વિસ્તારમાં ડાયમંડની કંપનીમાં 50થી વધુ રત્નકલાકારોની પાણી પીધા બાદ ઝેરી દવાની અસર થઈ હતી. ત્યારે સારવાર માટે શહેરની કિરણ હોસ્પિટલમાં રત્નકલાકારોને દાખલ કરવામાં આવ્યા છે. જેમાં 2 રત્ન કલાકારોને આઈસીયુમાં દાખલ કરવામાં આવ્યા છે અને તેમની હાલત ગંભીર હોવાની જણાવવામાં આવી રહ્યું છે.પોલીસે શંકાસ્પદ લોકોની પૂછપરછ પણ હાથધરી છે અને આ મામલે હજી વધારે તપાસ ચાલુ છે.

2 રત્ન કલાકારો ગંભીર હોવાની જાણકારી

અનાજમાં નાખવાની દવા પાણીમાં ભેળવી દીધી હોવાનું અનુમાન લગાવવામાં આવી રહ્યું છે. હાલમાં તમામ અસરગ્રસ્ત રત્નકલાકારોને સારવાર અર્થે હોસ્પિટલમાં ખસેડવામાં આવ્યા છે. આ સમગ્ર મામલે કાપોદ્રા પોલીસ ઘટના સ્થળે પહોંચી છે અને તપાસ હાથ ધરી છે. જો કે સદનસીબે આ ઘટનામાં કોઈ પણ પ્રકારની જાનહાનિ થઈ નથી પણ 2 રત્ન કલાકારો ગંભીર હોવાની જાણકારી મળી રહી છે.

હેલ્થ મિનિસ્ટ્રીએ તાત્કાલિક રિપોર્ટ માંગ્યો હતો

આ સમગ્ર મામલે રાજ્ય સરકારને આજે રિપોર્ટ સોંપી દેવામાં આવશે તેમજ પ્રાથમિક તપાસમાં સામે આવ્યું છે કે,અજાણ્યા વ્યક્તિએ પાણીમાં ઝેરી દવા નાખી હતી અને પાણીના ફિલ્ટર પ્લાન્ટમાં સેલ્ફોસ દવા નાખી હોવાની વાત સામે આવી છે,તો મહત્વની વાત તો એ છે કે,પાણીની ટાંકી માટે આ પાવડર વપરાતો નથી તો ઝેરી પાવડર કેમ પાણીની ટાંકીમાં નંખાયો તેને લઈ સવાલ ઉભા થયા છે.

Suratમાં રત્નકલાકારને મારી નાખવાના પ્રયાસનો કેસ, રાજય સરકારને આજે સોંપાશે રિપોર્ટ 

સુરતમાં 118 રત્નકલાકરને મારી નાખવાનો પ્રયાસ કરવામાં આવ્યો હતો અને ગઈકાલે આ ઘટના બનતા પોલીસથી લઈ સૌ કોઈ દોડતા થયા હતા,આ સમગ્ર ઘટનાને લઇ પોલીસે ઝીણવટભરી તપાસ હાથધરી છે,પાણીમાં ઝેર ભળ્યું છે કે નહીં તે માટે સેમ્પલ લેવામાં આવ્યા છે,તો સમગ્ર મામલે FSLની પણ મદદ લેવાઈ છે અને સેમ્પલના રિપોર્ટના આધારે ગુનો નોંધવામાં આવશે અને સુરત કલેકટર અને મ્યુ.કમિશનરે રિપોર્ટ તૈયાર કરી દીધો છે.

અધિકારીઓને જરૂરી માર્ગદર્શન મંત્રી દ્વારા આપવામાં આવ્યું

મંત્રીએ વરાછામાં કોલેજના નિર્માણ માટે મુખ્યમંત્રી ભૂપેન્દ્રભાઈ પટેલ પ્રત્યે આભારની લાગણી વ્યક્ત કરી ઉમેર્યું કે, ઝડપભેર ટેન્ડરીંગ સહિત જરૂરી પ્રક્રિયા પૂર્ણ કરી નવું ભવન સાકાર થાય એ દિશામાં રાજ્ય સરકાર દ્વારા ઝડપી કામગીરી કરવામાં આવી રહી છે.આપણા સૌ અધિકારીઓની જવાબદારી છે કે ગુજરાતના વિધાર્થીઓના શિક્ષણમાં કોઈ પણ પ્રકારની ઉણપના રહે તે દિશામાં કામગીરી કરવા તમામ અધિકારીઓને જરૂરી માર્ગદર્શન મંત્રી દ્વારા આપવામાં આવ્યું હતું.

પ્લોટ માટે સરકાર દ્વારા રૂ.૫૨ કરોડની ચૂકવણી કરવામાં આવી

શિક્ષણ રાજ્યમંત્રીએ જણાવ્યું કે, રાજ્ય સરકારે વર્ષ-૨૦૨૧માં વરાછા વિસ્તારમાં સરકારી વિજ્ઞાન કોલેજના નિર્માણને મંજૂરી આપી હતી. વર્ષ -૨૦૨૨ના નવા શૈક્ષણિક સત્રથી સીમાડા સ્થિત મનપાની નગર પ્રાથમિક શાળામાં કાર્યરત છે, ત્યારે સરકારી વિજ્ઞાન કોલેજના કાયમી નવા ભવનના બાંધકામ માટે સુરત મહાનગરપાલિકા દ્વારા રાજ્યના શિક્ષણ વિભાગને વાલક પાટિયા પાસે ૧૭,૩૮૩ ચો.મી. જમીન સુપ્રત કરવામાં આવી છે.મંત્રીએ કહ્યું કે, સુરત મનપાને જમીનના પ્લોટ માટે સરકાર દ્વારા રૂ.૫૨ કરોડની ચૂકવણી કરવામાં આવી છે. સુરતના વાલક ખાતે ૧૭,૩૮૩ ચો.મી. જગ્યા પર સાકાર થનાર અત્યાધુનિક સરકારી વિજ્ઞાન કોલેજ-વરાછા નજરાણા સમાન શિક્ષણધામ બનશે તેમ મંત્રીએ આશા વ્યક્ત કરી હતી.

સુરતમાં સરકારી કોલેજના બાંધકામ પ્લાનિંગને લઈ શિક્ષણ રાજ્ય મંત્રીની અધ્યક્ષતામાં બેઠક યોજાઈ

ગાંધીનગર ખાતે શિક્ષણ રાજ્યમંત્રી પ્રફુલભાઈ પાનશેરીયાની અધ્યક્ષતામાં વિવિધ વિભાગના અધિકારીઓ સાથે સરકારી વિજ્ઞાન કોલેજ વાલક પાટિયા પાસે કાયમી નવા ભવનના બાંધકામ અને પ્લાનિંગ અંગે બેઠક યોજાઈ હતી.આ બેઠકમાં મંત્રીએ અધિકારીઓને જણાવ્યું કે, આ કોલેજમાં જરૂરી તમામ ફેકલ્ટી, શિક્ષણ સુવિધાઓ ઉભી કરી સ્ટેટ ઓફ ધ આર્ટ કોલેજનું નિર્માણ થાય તે દિશામાં સૌ અધિકારીઓએ કામગીરી કરવી જરૂરી છે. 

ખટોદરા પોલીસે હાથધરી તપાસ 

દરમિયાન મેડિકલ ઓફિસરે પોલીસ કંટ્રોલમાં જાણ કર્યા બાદ ખટોદરા પોલીસ સ્ટેશનના અધિકારીઓ દોડતા થઈ ગયા હતા. તાત્કાલિક સ્થળ પર દોડી આવી તપાસ શરૂ કરી હતી. જોકે ભ્રુણ કોનું છે એ બાબત શોધી શક્યા ન હતા. એટલે મેડિકલ ઓફિસર સહિતના કર્મચારીઓના નિવેદન લઈ તપાસનો દોર આગળ વધાર્યો હતો. હાલ ખટોદરા પોલીસે ભ્રુણ નું પોસ્ટ મોર્ટમ અને DNA સેમ્પલ લેવાની દિશામાં કાર્યવાહી હાથધરી છે.

મેડિકલ ઓફિસરને પોલીસ કંટ્રોલમાં જાણ કરવા સૂચન કર્યું

સૂત્રોના જણાવ્યા અનુસાર ઘટના સાંજે 5 વાગ્યાની આજુબાજુની હતી. સ્ટેમ સેલ બિલ્ડીંગના ચોથા માળે સફાઈ દરમિયાન કર્મચારીને 12-15 અઠવાડિયાનું ભ્રુણ મળી આવ્યું હતું. સફાઈ કર્મચારીએ તાત્કાલિક આ બાબતે વોર્ડની પરિચારિકાનું ધ્યાન દોરી ઘટના બાબતે મેડિકલ ઑફિસરને કહ્યું હતું. ત્યારબાદ મેડિકલ ઓફિસરે આખી ઘટના સિવિલ ચોકીને કરી હતી. જોકે સિવિલ ચોકીના પોલીસ કર્મચારીઓએ હાથ ઊંચા કરી મેડિકલ ઓફિસરને પોલીસ કંટ્રોલમાં જાણ કરવા સૂચન કર્યું હતું.

Surat સિવિલ હોસ્પિટલમાં E-1 વોર્ડના બાથરૂમ માંથી ભ્રુણ મળી આવ્યું

સુરત સિવિલ હોસ્પિટલના સ્ટેમ સેલ બિલ્ડીંગમાં ચોથા માળે આવેલા E-1 વોર્ડના બાથરૂમમાંથી આજે મોડી સાંજે એક ભ્રુણ મળી આવતા ચર્ચાનો વિષય બન્યો હતો. સફાઈ કર્મચારી બાથરૂમ સાફ કરવા જતાં ભ્રુણને જોઈ હેબતાઈ ગઈ હતી. દોડીને વોર્ડની પરિચારિકાને જાણ કરતા આખો મામલો સામે આવ્યો હતો. આખરે ભ્રુણ ને પોસ્ટ મોર્ટમમાં મૂકી ખટોદરા પોલીસને જાણ કરવામાં આવતા પોલીસે આગળની તપાસ હાથધરી હતી.

મેળાનો વિસ્તાર થાય તે જ રીતે આ મેળો સૌથી વધુ ભવ્ય રીતે બન્યો છે 

આવનારા સમયમાં માધવપુરનો મેળો આંતરરાષ્ટ્રીય કક્ષાએ ઉત્સવ બનીને દેશની સંસ્કૃતિને ઉજાગર કરશે તેવી શુભેચ્છા મંત્રીશ્રીએ પાઠવી હતી.ગુજરાત રાજ્ય પવિત્ર યાત્રાધામ વિકાસ બોર્ડના સભ્ય સચિવ રમેશ મેરજાએ મહાનુભાવોને આવકારી સ્વાગત પ્રવચન ગુજરાત સરકાર દ્વારા વર્ષ ૨૦૨૫ના માધવપુર મેળામાં કરવામાં આવેલ સાંસ્કૃતિક કાર્યક્રમની વિગતો આપી એક ભારત, શ્રેષ્ઠ ભારતની થીમ પર મેળાની દિવ્યતા અને ભવ્યતાની માહિતી આપી હતી.આ પ્રસંગે ગુજરાત અને અરૂણાચલ પ્રદેશના લેડી ગવર્નર, જિલ્લા પંચાયત પ્રમુખ પરબતભાઈ પરમાર, ધારાસભ્ય સર્વ ભગવાનજીભાઈ કરગઠીયા, અર્જુનભાઈ મોઢવાડિયા, સંજયભાઈ કોરડીયા, પૂર્વ કેબિનેટ મંત્રી બાબુભાઈ બોખીરીયા, કલેક્ટર  એસ.ડી ધાનાણી, જિલ્લા વિકાસ અધિકારી બી. બી.ચૌધરી, અધિક કલેકટર જે. બી. વદર સહિતના મહાનુભાવો ઉપસ્થિત રહ્યાં હતાં.

એકતા જ આપણી શ્રેષ્ઠતાનું કારક

મંત્રીએ વધુમાં કહ્યું હતું કે, માધવપુર-ઘેડની પવિત્ર ધરતી સદીઓથી સંસ્કૃતિના સમાગમની ધરતી રહી છે. ઐતિહાસિક દ્રષ્ટિએ જ નહીં પણ માનવીય એકતા ભાઈચારાનું અને સાંસ્કૃતિક વિવિધતાનું શ્રેષ્ઠ ઉદાહરણ અહીં જોવા મળે છે. આ મેળાની ભવ્યતા દિવ્યતા બદલાતા ભારતનું સ્વરૂપની સાથે સાથે વિકસિત ભારતના સ્વરૂપ પણ દિશા દર્શન કરે છે.વડાપ્રધાન નરેન્દ્ર મોદીએ વિવિધતામાં એકતાની તાકાતને લઈને વિકસિત ભારત બનાવવાનો દ્રઢ નિશ્ચય કર્યો છે ત્યારે વડાપ્રધાને રાષ્ટ્રીય એકતા અને સાંસ્કૃતિક ધરોહરના રક્ષણ પર વધુ ભાર મૂક્યો છે. આપણી એકતા જ આપણી શ્રેષ્ઠતાનું કારક છે. 

સાંસ્કૃતિક વિરાસત અને સભ્યતાનું જીવંત પ્રતીક

છેલ્લા આઠ વર્ષમાં માધવપુરના મેળાએ જે વિશાળતા અને ભવ્યતાનું સ્વરૂપ પ્રાપ્ત કર્યું છે એ માટે વડાપ્રધાન નરેન્દ્ર મોદીના દ્રષ્ટિકોણ મુજબ ગુજરાત સરકારે પુરુષાર્થ, પ્રયાસ અને પ્રયત્નો પૂરતા પ્રમાણમાં કર્યા છે. આ ભવ્ય આયોજન માટે ગુજરાતના મુખ્યમંત્રી ભૂપેન્દ્રભાઈ પટેલ અને તેમની ટીમને હું બિરદાવું છું.આ મેળો વાર્ષિક સાંસ્કૃતિક સમાગમની સાથે શ્રીકૃષ્ણ અને-રુકમણીના મિલનના અવસરની સાથે સાથે ગુજરાત અને ઉત્તરપૂર્વીય ભારતના સાંસ્કૃતિક મિલનનું પ્રમાણ છે. આ મેળો સાંસ્કૃતિક વિરાસત અને સભ્યતાનું જીવંત પ્રતીક છે જેમાં સહભાગી થવાનું મને અવસર મળ્યો તે મારા માટે સૌભાગ્યની વાત છે. તેમ મંત્રીએ ઉમેર્યું હતું.

માધવપુર-ઘેડનો આ મેળો વાર્ષિક સાંસ્કૃતિક સમાગમનું પ્રતિક 

વડાપ્રધાન નરેન્દ્ર મોદીની દીર્ઘદ્રષ્ટિ અને સખત પરિશ્રમના પરિણામે દરેક પ્રદેશના રાજ્ય દિવસ ઉજવવાની પહેલ કરી છે. વડાપ્રધાન નરેન્દ્ર મોદીનાં આદર્શો અને દેશભાવના શ્રીકૃષ્ણનાં કર્મયોગનું પ્રતીક છે, તેમની આ દીર્ઘદ્રષ્ટિ રાષ્ટ્રીય એકતાને મજબૂત કરે છે. આ તકે તેઓ એ ભગવાનશ્રી કૃષ્ણ અને માતા રુકમણીનાં વિવાહની  પૌરાણીક કથા જણાવી આજે અરુણાચલ પ્રદેશથી દ્વારકાના ભગવાન શ્રીકૃષ્ણની યાત્રાના દર્શન કરવાનો પણ અવસર છે  માધવપુર મેળામાં ખાસ ઉપસ્થિત રહેલા સંસ્કૃતિ અને પર્યટન મંત્રી ગજેન્દ્રસિંધ શેખાવતે કહ્યું હતું કે, માધવપુર-ઘેડનો આ મેળો વાર્ષિક સાંસ્કૃતિક સમાગમનું પ્રતિક છે, જેની કલ્પના પ્રધાનમંત્રી નરેન્દ્ર મોદીએ વર્ષ ૨૦૧૮ માં કરી હતી. 

આ પહેલ એક ભારત શ્રેષ્ઠ ભારતના આદર્શને ઉજાગર કરે છે

આઝાદી કાળે ભારત વિખૂટુ અને વિખરાયેલું હતું, તેને ગુજરાતની પાવન ધરાના સપૂત સરદાર વલ્લભભાઈ પટેલે દેશને એક તાતણે બાંધી દેશને અખંડ બનાવ્યો હતો. તેનો તેમણે ઉલ્લેખ કર્યો હતો.અરુણાચલ પ્રદેશના રાજ્યપાલ અને સેવાનિવૃત લેફ્ટનન્ટ જનરલ કૈવલ્ય ત્રિવિક્રમ પરનાયકે જણાવ્યું હતું કે, ભગવાનશ્રી કૃષ્ણ અને માતા રુકમણીજીના વિવાહ પર્વમાં ઉપસ્થિત રહેવાનો અવસર મળ્યો તે મારા માટે ગૌરવની વાત છે. માધવપુરનો મેળો ધાર્મિક, સાહિત્યિક અને જનજાતિ પરંપરાનું મિશ્રણ છે, જે ભગવાન શ્રીકૃષ્ણ અને દેવી રુકમણીજીના પ્રેમ અને સાંસ્કૃતિક એકતાનું પ્રમાણ છે. આ પહેલ એક ભારત શ્રેષ્ઠ ભારતના આદર્શને ઉજાગર કરે છે. દર વર્ષે યોજાતો આ મેળો આપસમાં પ્રેમ અને સદભાવના સાથે યોજાય છે.

વાહકરૂપ પ્રાચીન ગ્રંથોનો અભ્યાસ કરવા માટે પણ પ્રેરણા પૂરી પાડી હતી

રાજ્યપાલે સગૌરવ એમ પણ કહ્યું કે, ભગવાન શ્રીકૃષ્ણ અને શ્રીરામ આપણી સંસ્કૃતિ જ્યોતિર્ધર છે અને દેશને મર્યાદા પુરુષોત્તમ રામ અને કૃષ્ણ જેવા યોગી સંતાનો મળે તે રાષ્ટ્રની સૌથી મોટી પુંજી છે અને ભાવિ પેઢી સંસ્કારવાન ઉપરાંત સંસ્કૃતિ સભ્યતા, પરંપરાથી અને  જોડાયેલી હશે તો ઘર પરિવાર, સમાજ અને રાષ્ટ્ર મજબૂત અને શ્રેષ્ઠ બનશે.પ્રધાનમંત્રી નરેન્દ્ર મોદીએ આ માધવપુરનો વિશાળ ફલક આપીને અતીત ભારતના સમૃદ્ધ સાંસ્કૃતિક વિરાસતથી લોકોને જોડવા માટેનો પણ આ મેળો માધ્યમ બન્યો છે. તેમણે આપણી સંસ્કૃતિના વાહકરૂપ પ્રાચીન ગ્રંથોનો અભ્યાસ કરવા માટે પણ પ્રેરણા પૂરી પાડી હતી.

પોતાના માટે સંવર્ધન કરવા માટે સંકલ્પ કરવાનો પણ અવસર

રાજ્યપાલ આચાર્ય દેવવ્રતજીએ જણાવ્યું કે, પ્રધાનમંત્રી નરેન્દ્રમોદીએ  સંકલ્પ સાથે આ માધવપુરના મેળાનો ૨૦૧૮માં ભવ્યતા સાથે પ્રારંભ કરાવ્યો હતો, તે આજે નિશ્ચિતરૂપથી આંતરરાષ્ટ્રીય મેળો બનવા તરફ આગળ વધી રહ્યો છે, આ મેળો માત્ર મનોરંજન પુરતો સીમિત નથી પરંતુ ભગવાન શ્રી કૃષ્ણના દિવ્ય સ્વરૂપ અને ગીતા જ્ઞાનમાંથી માનવ જીવનને સાર્થક બનાવવા માટે પ્રેરણા આપે છે. આ મેળો ભવ્ય સાંસ્કૃતિક વિરાસતને આવનારી પેઢી અને પોતાના માટે સંવર્ધન કરવા માટે સંકલ્પ કરવાનો પણ અવસર છે.    

Madhavpur ઘેડના મેળામાં ગુજરાતના અને અરુણાચલ પ્રદેશના રાજ્યપાલ સહભાગી બન્યાં

ગુજરાત રાજ્યના રાજ્યપાલ  આચાર્ય દેવવ્રતજી અને અરુણાચલ પ્રદેશના રાજ્યપાલ કૈવલ્ય ત્રિવિક્રમ પરનાયક એક ભારત, શ્રેષ્ઠ ભારતના ઉદ્દેશ્યને સાકાર કરતા માધવપુર ઘેડના મેળામાં ભગવાન શ્રી કૃષ્ણના લગ્નના દિવસે સહભાગી બન્યા હતા. આ પ્રસંગે કેન્દ્રીય સંસ્કૃતિ અને પર્યટન મંત્રી  ગજેન્દ્રસિંઘ શેખાવતની પણ પ્રેરક ઉપસ્થિતિ રહી હતી.આ મહાનુભાવોએ ભારતની વૈવિધ્યસભર સાંસ્કૃતિક વિરાસતને ઉજાગર કરતા ઉત્તર પૂર્વીય રાજ્ય અને ગુજરાતના ૧૬૦૦ કલાકારોએ એક સાથે પ્રસ્તુતિ આપતા ભવ્ય સાંસ્કૃતિક કાર્યક્રમને નિહાળ્યો હતો.

લૂ લાગેલ પ્રથમ સારવાર લેવી

* જો કોઈ વ્યક્તિને લૂ લાગી હોય તો પ્રાથમિક સારવાર માટે ભીના કપડાનો ઉપયોગ કરો અથવા તેના માથા પર પાણી રેડો

* શરીરમાં પાણીનું પ્રમાણ જળવાઇ રહે તે માટે ORS દ્રાવણ અથવા લીંબુ પાણી આપો

* લૂ લાગેલ વ્યક્તિને તાત્કાલિક નજીકના આરોગ્ય કેન્દ્ર પર લઇ જવા

* જો શરીરનું તાપમાન સતત વધતું હોય, માથાનો અસહ્ય દુઃખાવો હોય, નબળાઇ હોય, ઉલટી થતી હોય કે બેભાન થઇ જાય તો તાત્કાલિક ૧૦૮ એમ્બ્યુલન્સ બોલાવવી.

હીટવેવથી બચવા આટલું ના કરો

* શક્ય હોય ત્યાં સુધી બપોરના ૧૨ વાગ્યાથી ૪ વાગ્યા સુધી તડકામાં બહાર ન નીકળવું

* શરીરમાંથી પાણીનું પ્રમાણ ઘટાડે તેવા પીણાં જેવા કે ચા, કોફી, સોફટ ડ્રિક્સ ના લેવા

* મસાલેદાર, તળેલા, વધુ પડતા મીઠાવાળા આહારનો ઉપયોગ ટાળવો

 હીટવેવથી બચવા આટલું કરો

* તરસ ના લાગી હોય તો પણ યોગ્ય માત્રામાં પાણી પીવું

* શરીરમાં પ્રવાહીની માત્રા ઓછી ના થાય તે માટે ORS દ્રાવણ અથવા છાશ, લસ્સી, લીંબુ પાણી, ભાતનું ઓસામણ અને નારિયેળ પાણીનો ઉપયોગ કરો

* ઘરની બહાર જતી વખતે માથાનો ભાગ કપડાં, છત્રી કે ટોપીથી ઢાંકી રાખો

* વજનમાં અને રંગમાં હળવા પ્રકારના સુતરાઉ વસ્ત્રો પહેરો

* આંખોના રક્ષણ માટે સનગ્લાસીસ અને ત્વચાના રક્ષણ માટે સનસ્કીન લગાવો

* પ્રાથમિક સારવાર માટેની તાલીમ લો

* બાળકો, વૃદ્ધો, બિમાર વ્યક્તિ કે વધુ વજન ધરાવતા વ્યક્તિ કે જેઓ “લૂ"ના ભોગ બનવાની સંભાવના વધુ ધરાવે છે તેમની વિશેષ કાળજી રાખો

મનરેગા અને કન્સ્ટ્રક્શન સાઇટ પર બપોરે કામગીરી બંધ રહેશે

એક્શન પ્લાનના અસરકારક અમલીકરણ અને સંકલન માટે નોડલ અધિકારીઓની નિમણૂંક કરવામાં આવી છે તેમજ શ્રમિકોને હીટવેવને કારણે આરોગ્ય પર થતી વિપરીત અસરથી બચવા જરૂરી વ્યવસ્થા કરવામાં આવી છે,મનરેગા હેઠળ ચાલતા તમામ કામો તેમજ ક્ન્ટ્રકશન સાઇટ ઉપર શ્રમિકો માટે ORS,પાણી તેમજ હેલ્થ ચેકઅપની વ્યવસ્થા કરવામાં આવી છે,આવા કામો બપોરની વધુ પડતી ગરમી દરમિયાન બંધ રાખવા જણાવ્યુ છે.

Gir Somnathમાં ગરમીને લઈ તંત્ર એક્શનમાં, કન્સ્ટ્રક્શન સાઈટ પર બપોરે કામગીરી બંધ રહેશે

ગીર સોમનાથ જિલ્લામાં આગામી દિવસોમાં તાપમાન વધવાની શક્યતાને ધ્યાનમાં રાખીને જિલ્લા કલેક્ટર દિગ્વિજયસિંહ જાડેજાના માર્ગદર્શનમાં વિશેષ એક્શન પ્લાન તૈયાર કરવામાં આવ્યો છે.જિલ્લા કલેકટરે માહિતી આપતા જણાવ્યું હતું કે, જિલ્લા કક્ષાએ મુખ્ય જિલ્લા આરોગ્ય અધિકારીને નોડલ અધિકારી બનાવવામાં આવ્યા છે. તાલુકા કક્ષાએ સંબંધિત આરોગ્ય અધિકારીઓને જવાબદારી સોંપવામાં આવી છે. તમામ આંગણવાડી, શાળા અને કોલેજોમાં વિદ્યાર્થીઓ માટે ORS અને પાણીની વ્યવસ્થા કરવાનું આયોજન કરવામાં આવ્યું છે.

આ રાજ્યોમાં વાદળો વરસશે

હવામાન વિભાગના જણાવ્યા અનુસાર, ઉત્તર-પશ્ચિમ ભારતમાં 10 એપ્રિલથી ગરમી ઓછી થશે. 12 એપ્રિલ સુધી દક્ષિણ ભારત, પૂર્વ, ઉત્તરપૂર્વ ભારતમાં વરસાદ અને ગાજવીજ સાથે વરસાદ પડવાની શક્યતા છે. તમિલનાડુ, પુડુચેરી, કરાઈકલ, દરિયાકાંઠાના આંધ્રપ્રદેશ, કેરળ, તેલંગાણા, કર્ણાટક, આસામ, મેઘાલય, મણિપુર, ત્રિપુરા, મિનોરમ, અરુણાચલ પ્રદેશ, હિમાચલ પ્રદેશ, ઉત્તરાખંડ, જમ્મુ અને કાશ્મીર, જમ્મુ અને કાશ્મીરમાં 40-50 કિમી પ્રતિ કલાકની ઝડપે પવન ફૂંકાશે. વાદળો ગાજવીજ અને વીજળી સાથે વરસાદ વરસી શકે છે. બિહારમાં કરા પડવાની શક્યતા છે.

આ રાજ્યોમાં ગરમી પડશે

હવામાન વિભાગના જણાવ્યા અનુસાર રાજસ્થાન, ગુજરાત, હિમાચલ પ્રદેશ, પંજાબ, હરિયાણા, ચંદીગઢ, દિલ્હી, મધ્ય પ્રદેશ, ઉત્તર પ્રદેશ, ગોવા, કોંકણ, વિદર્ભ, મરાઠવાડા, મધ્ય મહારાષ્ટ્ર, તમિલનાડુ, પુડુચેરી, કરાઈકલ, કેરળમાં આગામી 3 દિવસ સુધી ગરમ અને ભેજવાળું હવામાન રહેવાની શક્યતા છે. આ રાજ્યોમાં હીટવેવ એલર્ટ રહેશે.

ગુજરાત અને મહારાષ્ટ્રનું તાપમાન પણ 40 થી 45 ડિગ્રીની વચ્ચે છે

ગુજરાત અને મહારાષ્ટ્રનું તાપમાન પણ 40 થી 45 ડિગ્રીની વચ્ચે છે. એક વેસ્ટર્ન ડિસ્ટર્બન્સ સક્રિય થયો છે, જેના કારણે 10 એપ્રિલથી દિલ્હી સહિત ઘણા રાજ્યોમાં હવામાન બદલાશે. આજે, કાલે અને પરમ દિવસે આકાશ વાદળછાયું રહેશે અને હળવો વરસાદ ગરમીથી રાહત આપી શકે છે. આજે, કાલે અને પરમ દિવસે ત્રણ પહાડી રાજ્યો ઉત્તરાખંડ, હિમાચલ પ્રદેશ અને જમ્મુ અને કાશ્મીરમાં હિમવર્ષા થવાની સંભાવના છે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો અમદાવાદમાં 43.2 ડિગ્રી, ગાંધીનગરમાં 43 ડિગ્રી,ડીસામાં 43.6 ડિગ્રી, વલ્લભ વિદ્યાનગરમાં 42.7 ડિગ્રી,વડોદરામાં 43 ડિગ્રી, સુરેન્દ્રનગરમાં 43.8 ડિગ્રી,નલિયામાં 38.2 ડિગ્રી, ભુજમાં 42.9 ડિગ્રી,પોરબંદરમાં 43 ડિગ્રી, રાજકોટમાં 45.2 ડિગ્રી,કેશોદમાં 43.8 ડિગ્રી, મહુવામાં 38.4 ડિગ્રી તાપમાન નોંધાયું છે.

જાણો કયાં અપાયું ઓરેન્જ એલર્ટ 

હવામાન વિભાગની આગાહી પ્રમાણે વાત કરવામાં આવે તો રાજકોટ, પોરબંદર, સુરેન્દ્રનગર,મોરબી, બનાસકાંઠા,સાબરકાંઠા, પાટણ, મહેસાણામાંઓરેન્જ એલર્ટ આપવામાં આવ્યું છે,સાથે સાથે લોકો કામ વિના ઘરની બહાર નીકળે તેવી હવામાન વિભાગની અને સ્થાનિક તંત્રની અપીલ છે.

Weather : રાજયમાં ગરમીનો પારો 45 ડિગ્રીને પાર પહોંચ્યો, 9 જિલ્લામાં આજે ઓરેન્જ એલર્ટ

રાજ્યમાં કાળઝાળ ગરમીનો પ્રકોપ જોવા મળ્યો છે,જેમાં તાપમાનનો પારો 45 ડિગ્રીને પાર પહોંચ્યો છે,સાથે સાથે કંડલામાં સૌથી વધુ તાપમાન 45.6 ડિગ્રી નોંધાયું છે,તો બીજી તરફ 15 જિલ્લાઓમાં તાપમાન 40 ડિગ્રીને પાર પહોંચ્યું છે,સાથે સાથે કચ્છ અને ભાવનગરમાં સિવિયર હિટવેવનું એલર્ટ આપવામાં આવ્યું છે.

ટ્રંપે ચીનનો આપ્યો ઝટકો, 75 દેશોને આપી રાહત

ટ્રંપે ચીન પરની ટેરિફ વધારીને 125 ટકા કરી,ચીન પર વૈશ્વિક બજારો પ્રત્યે સન્માન ન હોવાનો આરોપ મૂક્યો,ચીનને સમજાશે કે અન્ય દેશોનું શોષણ સ્વીકાર્ય નથીઃ ચીન,ટ્રંપે 75 દેશોને ટેરિફમાં 90 દિવસ માટે છૂટ આપી,90 દિવસ માટે પારસ્પરિક ટેક્સ પર લગાવી રોક,90 દિવસ માટે પારસ્પરિક ટેક્સ ઘટાડી 10 ટકા કર્યો,ટ્રંપે કહ્યું કે આ દેશોએ ટેરિફ મુદ્દે સમાધાનની ઇચ્છા દર્શાવી,આ દેશોએ અમેરિકા સામે કોઇ પ્રતિકારી પગલાં નથી લીધાઃ ટ્રંપ,ટ્રંપની જાહેરાત બાદ અમેરિકન બજારોમાં શાનદાર તેજી.10 મિનિટમાં જ માર્કેટમાં 4 ટ્રિલિયન ડોલરની તેજી જોવા મળી

હાલોલમાં IPL મેચ પર સટ્ટો રમાડતા 4 ઝડપાયા

જીતપુરા ગામમાં પોલીસે રેડ કરી સટ્ટાનું રેકેટ ઝડપ્યું,પોલીસે ઓનલાઇન સટ્ટો રમતા 5માંથી 4ને ઝડપ્યા,ગામની વાડીની એક ઓરડીમાં ચાલતું હતું સટ્ટાનું રેકેટ,લેપટોપ, રોકડ સહિત 4.45 લાખનો મુદ્દામાલ જપ્ત.

રાજકોટ ગોંડલના રાજવાડીમાં થયેલા હુમલાનો કેસ

રાજવાડી કેસના તમામ આરોપી નિર્દોષ છૂટ્યા,વર્ષ 2002 માં રામજી મારકણાએ ફરીયાદ કરી હતી,જમીન પર કબજો કરવા લોહિયાળ જંગ ખેલાયો હતો,તોડફોડ, લૂંટ અને આર્મ્સ એક્ટનો ગુનો દાખલ થયો હતો,હુમલા કેસના તમામ 9 આરોપી નિર્દોષ છૂટ્યા.

નવસારી LCB એ ફરાર આરોપીને શોધ્યો

પોલીસ આરોપીને બહાર શોધતી હતી,ખૂંખાર આરોપી સુરેન્દર ચોટી અંતે મળ્યો જેલમાં,આરોપી કુલ 73 ગુનામાં સંડોવાયેલો હતો,દિલ્હી, હરિયાણા,ગુજરાતમાં ગુના આચર્યા હતા,2010માં અમદાવાદના વસ્ત્રાપુરમાંથી કરી હતી ચોરી,સાબરમતી જેલમાં લઇ જતી વખતે થયો હતો ફરાર,હરિયાણામાં સુરેન્દરને બે વર્ષની જેલ થઇ હતી,નવસારી ક્રાઇમે સાબરમતી જેલને કરી જાણ.

ભાવનગર શહેરમાં મકાન અને વાહનોમાં આગચંપી

અગાઉની થયેલા ઝઘડાની અદાવતમાં આગચંપી,2 દિવસ પહેલા બે પરિવારો વચ્ચે થઈ હતી બબાલ,રૂવાપરી રોડ પર બે પરિવારો વચ્ચે થઈ હતી મારામારી,બબાલમાં ઈજાગ્રસ્ત એક વ્યક્તિનું નીપજ્યુ છે મોત,આરોપીઓના 3 મકાનોમાં આગચંપી કરાઈ,3 મકાનો અને રીક્ષામાં આગ લગાવી તોડફોડ,જ્વલનશીલ પ્રવાહી વડે આગ લગાડવામાં આવી,ઘટનાને પગલે વિસ્તારમાં ભયનો માહોલ,ફાયરની ટીમે આગ પર મેળવ્યો કાબુ,SP સહિત પોલીસનો કાફલો ઘટનાસ્થળે,સમગ્ર વિસ્તારમાં પોલીસનો ચુસ્ત બંદોબસ્ત.

વક્ફ એક્ટ વિરુદ્ધની અરજીઓ પર 16 એપ્રિલે સુનાવણી

સુપ્રીમ કોર્ટની 3 જજોની બેન્ચ કરશે સુનાવણી,ચીફ જસ્ટિસ સંજીવ ખન્નાની બેન્ચ કરશે સુનાવણી,જસ્ટિસ સંજયકુમાર બેન્ચમાં હશે સામેલ,જસ્ટિસ કેવી વિશ્વનાથન પણ બેન્ચમાં હશે સામેલ.