Gujarat Latest News Live : પોરબંદરના લોકમેળામાં આવારા તત્વોની ખેર નહીં, પોલીસનો ચૂસ્ત બંદોબસ્ત ગોઠવાશે

પાદરામાં માનવતાને શર્મસાર કરતો કિસ્સો 

• પિતા એ જ સગીર વયની દીકરી પર ગુજાર્યુ દુષ્કર્મ
• છેલ્લા ઘણાં સમયથી દુષ્કર્મ ગુજારતો નરાધમ પિતા
• પિતા જાનથી મારી નાખવાની આપતો હતો ધમકી
• હાલ દીકરી સરકારી દવાખાને સારવાર હેઠળ

પોલીસ વિભાગ દ્વારા કંટ્રોલરૂમ, વોચ ટાવર માટે અલાયદા સ્ટાફની વ્યવસ્થા કરવામાં આવી

ઉલ્લેખનીય છે કે, આ લોકમેળામાં રાજકોટ તથા આસપાસના અનેક ગામના લોકો મહાલવા આવતા હોય છે, જેને ધ્યાનમાં રાખીને રાજકોટ જિલ્લા વહીવટીતંત્ર દ્વારા વિશેષ વ્યવસ્થાઓ કરવામાં આવી છે તથા સુરક્ષા અને સલામતી માટે પોલીસ વિભાગ દ્વારા કંટ્રોલરૂમ, વોચ ટાવર માટે અલાયદા સ્ટાફની વ્યવસ્થા કરવામાં આવી છે. હાલમાં નાની ઉંમરમાં જ યુવાનો વ્યસન અને નશીલા પદાર્થોનું સેવન કરતા હોય છે અને તેમની જીંદગીની સાથે સાથે પોતાના પરિવારને પણ જોખમમાં મુકતા હોય છે, ત્યારે તેને ધ્યાનમાં રાખીને શહેર પોલીસ દ્વારા વ્યસનમુક્તિના સંદેશ આપતા પોસ્ટર્સ મુકવામાં આવ્યા છે. 

નાગરિકોને વ્યસનથી દૂર રહેવા અપીલ કરવામાં આવી

લોકમેળાના વોચટાવર્સ પર ઠેર-ઠેર રાજકોટ શહેર પોલીસ દ્વારા વ્યસનમુક્તિના સંદેશા આપતાં પોસ્ટર્સ લગાવવામાં આવ્યા છે, જેમાં “વ્યસન હાનિકારક છે”, “ઘરે ઘરે જાગૃતતા ફેલાવી રાજકોટ શહેરને વ્યસનમુક્ત બનાવીએ”, “નશામુક્તિ તેમજ ડ્રગ્સના ગુનાની માહિતી આપવા 1908 પર સંપર્ક કરો”, “ડ્રગ્સ તથા નશીલા પદાર્થોનું સેવન ફક્ત તમને જ નહીં તમારા પરિવારને પણ બરબાદ કરે છે”, “નશીલા પદાર્થ સામે મજબૂર નહીં મજબૂત બનો” સહિતના સંદેશાઓ થકી નાગરિકોને વ્યસનથી દૂર રહેવા અપીલ કરવામાં આવી રહી છે. 

Rajkot : 'શૌર્યનું સિંદૂર લોકમેળો-2025'માં શહેર પોલીસ દ્વારા વ્યસન મુક્તિનો શુભ સંદેશ આપતાં પોસ્ટર્સ મુકાયા 

રાજકોટની શાન એવા “શૌર્યનું સિંદૂર લોકમેળો-2025”માં આ વર્ષે અનેક અવનવી બાબતો લોકોનું ધ્યાન ખેંચી રહી છે. ભાતીગળ ગામઠી પ્રવેશદ્વાર હોય કે ડ્રોનનો ઉપયોગ, હસ્તકલા હાટમાં અવનવી કલાત્મક ચીજવસ્તુઓનું વેચાણ હોય કે વ્યસનમુક્તિનો સંદેશો આપતાં પોસ્ટર્સ. આ મેળામાં રાજકોટવાસીઓ માટે અનેક આકર્ષણો ઉભા કરવામાં આવ્યા છે.

25 વર્ષે 4 આરોપીઓ સામે હાઇકોર્ટનો ચાર્જ ફ્રેમ

• હાઇકોર્ટે ગ્રામ્ય સેશન્સ કોર્ટનો ચુકાદો રદ કર્યો
• 1999માં કરાયેલી અરજીનો 25 વર્ષે ચુકાદો
• 1998માં પોલીસે સાયરા બાનુ શેખને ત્યાં રેડ કરી હતી 
• સામ સામે ફાયરીંગ થતા 6 લોકોના થયા હતા મોત
• રેડના સ્થળેથી મોટી માત્રામાં RDX મળ્યો હતો
• ગ્રેનેડ, AK56 સહિતના હથિયારો મળી આવ્યા હતા
• પકડાયેલા ચાર આરોપીએ ડિસ્ચાર્જ અરજી કરી હતી
• અમદાવાદ ગ્રામ્ય કોર્ટે ડિસ્ચાર્જ અરજી ગ્રાહ્ય રાખી હતી
• હુકમ વિરુદ્ધ રાજ્ય સરકારે હાઇકોર્ટમાં અપીલ કરી હતી

સાયપ્રસના ઓનલાઇન બેટિંગ પ્લેટફોર્મને લઇ દરોડા

• મુંબઈ EDની ટીમે 17 સ્થળોએ પાડ્યા દરોડા
• મુંબઈ, દિલ્લી, નોઈડા, જયપુર, મદુરાઈમાં દરોડા
• કાનપુર, હૈદરાબાદ અને સુરતમાં દરોડા 
• દરોડામાં EDને હાથ લાગ્યા મહત્વના દસ્તાવેજો 
• EDએ 110 કરોડનું બેલેન્સ ધરાવતા ખાતા ફ્રીઝ કર્યા
• પરિમેચ.કોમ એપ થકી યુઝર્સના 3000 કરોડ સલવાયા
• 1200 જેટલા ક્રેડિટ કાર્ડ પણ મળી આવ્યા  
• RBIએ બેટિંગમાં સામેલ કંપનીના લાયસન્સ કેન્સલ કર્યા

બપોરે 2 વાગ્યા શરૂ થશે કાર્યક્રમ 

આ કાર્યક્રમ સાથે સંકળાયેલા વાહનો, ફરજમાં રોકાયેલા સરકારી વાહનો, ફાયર બ્રિગેડ, એમ્બ્યુલન્સના વાહનો તેમજ આકસ્મિક સંજોગોમાં વાહન સાથે અવર-જવર કરનારને આ જાહેરનામું લાગુ પડશે નહીં. આ જાહેરનામાનો અમલ ગુજરાત પોલીસ અધિનિયમ 1951ની કલમ-33ની જોગવાઈ હેઠળ મહત્તમ સમયમર્યાદાને આધિન રહીને 15 ઓગસ્ટના રોજ બપોરે  2 વાગ્યાથી કાર્યક્રમ પુર્ણ ન થાય ત્યાં સુધી કરવાનો રહેશે. આ જાહેરનામાના આદેશોનું ઉલ્લંઘન કરનાર ઇસમ ભારતીય ન્યાય સંહીતા (BNS) 2023ની કલમ-223 અને ગુજરાત પોલીસ અધિનિયમ કલમ 131 મુજબ શિક્ષાને પાત્ર થશે. 

Ahmedabad : સિંધુભવન રોડ ખાતે યોજાશે 'સિંદૂર સ્વાભિમાન યાત્રા', વાહનોના અવરજવર પર મુકાયો પ્રતિબંધ

અમદાવાદમાં 15મી ઓગસ્ટના રોજ સિંધુભવન રોડ ખાતે 'સિંદૂર સ્વાભિમાન યાત્રા' યોજાશે. જેમાં 1000 જેટલી કાર જોડાવવાની છે. ત્યારે કાર્યક્રમ દરમિયાન આ માર્ગ પરથી પસાર થતો ટ્રાફિક તમામ પ્રકારના વાહનોની અવર-જવર માટે પ્રતિબંધિત/ડાયવર્ઝન કરવામાં આવે છે. જેના માટે વૈકલ્પિક માર્ગની વ્યવસ્થા કરવામાં આવી છે. 

નડિયાદમાં "વોટ ચોરી" મુદ્દે કોંગ્રેસની રેલી

• સરદાર પટેલ સ્ટેચ્યુ પાસે રેલી અટકાવાઇ
• પોલીસની મંજૂરી વગર રેલી કાઢતા કાર્યવાહી
• પોલીસે 100થી વધુ કોંગ્રેસી કાર્યકરોને કર્યા ડિટેન
• કોંગ્રેસી કાર્યકરોને જવાહર નગર પોલીસ ચોકી લઇ જવાયા
• પોલીસ દ્વારા મીડિયાને કામગીરી કરતા અટકાવાઈ
• લોકશાહીના હનનનો કોંગ્રેસે લગાવ્યો આક્ષેપ

વોટ ચોરી મુદ્દે જામનગર શહેર કોંગ્રેસની મશાલ રેલી

• ટાઉનહોલ પાસે રેલી દરમિયાન માહોલ તંગ બન્યો
• પોલીસ સાથે ઝપાઝપીમાં શહેર કોંગ્રેસ પ્રમુખને ઈજા
• શહેર કોંગ્રેસ પ્રમુખ દિગુભા જાડેજા થયા ઈજાગ્રસ્ત
• કોંગ્રેસના નેતા વિક્રમ માડમના પોલીસ પર ગંભીર આક્ષેપ

બંને દેશો વચ્ચે સરહદી વેપાર શરૂ કરવાના પ્રયત્નો

ભારતીય વિદેશ મંત્રાલયના પ્રવક્તા રણધીર જયસ્વાલે પણ એક નિવેદન આપ્યું છે. તેમણે કહ્યું કે ભારત અને ચીન વચ્ચે વેપાર શરૂ કરવાની યોજના છે. આ અંગે બંને દેશો વચ્ચે વાતચીત ચાલી રહી છે. તેમણે કહ્યું કે ઉત્તરાખંડમાં લિપુલેખ પાસ, હિમાચલ પ્રદેશમાં શિપકી લા પાસ અને સિક્કિમમાં નાથુ લા પાસ દ્વારા સરહદી વેપાર શરૂ કરવાના પ્રયાસો કરવામાં આવી રહ્યા છે. અગાઉ પણ આ માર્ગો દ્વારા બંને દેશો વચ્ચે વેપાર થતો રહ્યો છે. તેમણે કહ્યું કે તેઓ સરહદી વેપાર ફરી શરૂ કરવા માટે ચીની પક્ષ સાથે સંપર્કમાં છે.

પીએમ મોદી SCO બેઠકમાં હાજરી આપશે

જણાવી દઈએ કે ચીનના વિદેશ મંત્રી વાંગ યી ટૂંક સમયમાં ભારતની મુલાકાતે આવવાના છે. આ દરમિયાન પીએમ મોદી પણ SCO બેઠકમાં ભાગ લેવા માટે ચીનના પ્રવાસે જશે. આ પહેલા, ચીનના વિદેશ મંત્રાલયનું એક નિવેદન બહાર આવ્યું છે. વિદેશ મંત્રાલયના પ્રવક્તાએ કહ્યું છે કે તે ભારત સાથે તેના મતભેદોને યોગ્ય રીતે ઉકેલીને સાથે મળીને કામ કરવા તૈયાર છે. અમને આશા છે કે આગામી દિવસોમાં બંને દેશો વચ્ચેની બેઠક ખૂબ જ સકારાત્મક રહેશે.

India-China વચ્ચે વેપાર કરાર થવાની સંભાવના, વિદેશ મંત્રાલયનું આવ્યું મોટું નિવેદન 

ડોનાલ્ડ ટ્રમ્પના ટેરિફથી ભારત અને ચીન એકબીજાની વધુ નજીક આવી ગયા છે. ટૂંક સમયમાં બંને દેશો વચ્ચે વેપાર કરાર થવાની આશા છે. ગુરુવારે ચીનના વિદેશ મંત્રાલયના પ્રવક્તા દ્વારા આ અંગે મોટું નિવેદન આપવામાં આવ્યું છે. ચીનના પ્રવક્તાએ કહ્યું કે ભાગીદારી બંને દેશો માટે યોગ્ય માર્ગ છે. બંને દેશોને આનો ઘણો ફાયદો થશે. તેમણે કહ્યું કે ભારત અને ચીન ગ્લોબલ સાઉથના મહત્વપૂર્ણ સભ્યો છે અને બંને વિકાસશીલ દેશો છે.

વડોદરાના શિનોર તાલુકામાં વરસાદ

• સાધલી, અવાખલ, સેગવા ગામમાં વરસાદ
• શિનોરમાં સિઝનનો કુલ 21 ઇંચ વરસાદ

કપાસ, એરંડાના પાકને મળ્યું જીવતદાન

મહંત મહેશગીરી બાપુ તાત્કાલિક દિલ્હી જવા રવાના થયા 

• રાજકોટથી સાંજે 5 વાગ્યે સ્પેશિયલ ચાર્ટડ પ્લેનમાં રવાના 
• અચાનક દિલ્હી જવા રવાના થતાં અનેક અટકળો 
• મહંતના દિલ્હી જવાને લઈને અનેક તર્કવિતર્ક
• મહેશગીરી બાપુની દિલ્હી મુલાકાતની શહેરમાં ચર્ચા 

લીમખેડામાં એલસીના નામે પૈસાની માંગણીનો મુદ્દો

લીમખેડામાં એલસીના નામે પૈસાની માંગણી કરવા મુદ્દે સાંસદની શાળામાં શિક્ષણ વિભાગે તપાસ શરૂ કરી છે. શાળામાંથી જરૂરી દસ્તાવેજોની ચકાસણી કરાઇ છે.તપાસ ટીમ દ્વારા અહેવાલ રજૂ થયા બાદ કાર્યવાહી કરાશે . શાળાએ વિદ્યાર્થીને ખોટી રસીદ આપી હોવાનું જિલ્લા શિક્ષણાધિકારીએ જણાવ્યું હતું.

આજે સૌરાષ્ટ્ર અને દક્ષિણ ગુજરાતમાં વરસાદ વરસ્યો

રાજ્યમાં આજે બપોર બાદ સૌરાષ્ટ્રમાં જસદણ, જામનગર શહેર, અમરેલીના બાબરામાં,ગીર સોમનાથના વેરાવળમાં વીજળીના કડાકા ભડાકા સાથે વરસાદ ખાબક્યો હતો. વરસાદના કારણે માર્ગો પર પાણી ભરાઈ ગયા હતાં. બીજી તરફ દક્ષિણ ગુજરાતમાં પણ કેટલાક વિસ્તારોમાં વરસાદ વરસ્યો હતો. જેમાં ડાંગ જિલ્લામાં લાંબા વિરામ બાદ વરસાદ વરસ્યો હતો. સાપુતારામાં વરસાદ થવાને કારણે ખુશનુમા વાતાવરણ જોવા મળ્યું હતું. આ ઉપરાંત વડોદરા અને ભરૂચમાં પણ વરસાદ વરસ્યો હતો.  વરસાદ થવાથી ખેડૂતોની ચિંતામાં ઘટાડો થયો છે. 

 કચ્છ યુનિવર્સિટીમાં ભરતી કૌભાંડનો મુદ્દો

કચ્છ યુનિવર્સિટીમાં ભરતી કૌભાંડનો મુદ્દો ગાજ્યો છે. યુવરાજસિંહ જાડેજાની ખાતાકીય તપાસની માગ કરાઈ છે. રજીસ્ટ્રાર અને કુલપતિ વિરુદ્ધ તપાસની માગ કરાઈ છે. યુનિવર્સિટીએ નિયમો વિરુદ્ધ જઈ ભરતી કરી હતી.આસિ. રજીસ્ટ્રાર, 4 સેક્શન ઓફિસરની ભરતી કરી હતી.શિક્ષણ વિભાગે ભરતી રદ્દ કરવાનો હુકમ કર્યો હતો. આ મામલે ત્રણ કર્મચારીને છુટા નથી કર્યા

નવસારીમાં સરકારી વકીલ અજય ટેલરને મુક્ત કરાયા

 નવસારીમાં સરકારી વકીલ અજય ટેલરને મુક્ત કરાયા છે. તેમણે આરોપીની તરફેણ કરતા કાર્યવાહી કરવામાં આવી છે. વકીલને તાત્કાલિક અસરથી મુક્ત કરાયા છે. 

ડાંગ જિલ્લામાં લાંબા વિરામ બાદ વરસાદ

ડાંગ જિલ્લામાં લાંબા વિરામ બાદ વરસાદ શરૂ થયો છે. સાપુતારામાં વરસાદના કારણે ખુશનુમા માહોલ જોવા મળ્યો છે. આહવા તેમજ આસપાસના વિસ્તારોમાં વરસાદ ખાબક્યો છે. વરસાદની રાહ જોતા ખેડૂતોની ચિંતામાં ઘટાડો થયો છે.  

દ્વારકા મંદિરના વહીવટદારની સ્પષ્ટતા

દ્વારકાધીશ જગત મંદિરના વહીવટદાર હિમાંશુ ચૌહાણે જણાવ્યું હતું કે, જન્માષ્ટમીનો તહેવાર નજીક આવતા જ ઓનલાઈન છેતરપિંડી કરનારા સક્રિય થયા છે. આવા લે ભાગું લોકોનો કોઈ ભોગ ના બને તે હેતુસર દ્વારકાધીશ દેવસ્થાન સમિતિ દ્વારા સ્પષ્ટતા કરવામાં આવી છે કે, ઘર મંદિર નામની વેબસાઈટ પર દાવો કરવામાં આવ્યો છે કે જગત મંદિર ખાતે જન્માષ્ટમી પર્વે મળતું પ્રસાદ અને ફૂલ માળા ઓનલાઇન પેમેન્ટ કરી ઘર બેઠા મંગાવો. આ એક પ્રકારનો ફ્રોડ છે આવી વ્યવસ્થા દ્વારકાધીશ દેવસ્થાન સમિતિ દ્વારા કરવામાં આવી નથી. દ્વારકાધીશ જગત મંદિરને લગતી તમામ માહિતી દેવસ્થાન સમિતિ ખાતે આપવામાં આવે છે એ સિવાય કોઈ વ્યક્તિ કે જાહેરાતો પર વિશ્વાસ કરવો નહીં.

આમોદ તાલુકામાં ઘણા દિવસ બાદ મેઘરાજાનું ધમાકેદાર આગમન

ભરૂચ જિલ્લાના આમોદ તાલુકામાં ઘણા દિવસ બાદ મેઘરાજાનું ધમાકેદાર આગમન થયું છે. ઘણા દિવસો વીતી ગયા બાદ આજે આમોદ નગરમાં વરસાદનું જોરદાર આગમન થયું છે. આજે બપોરે વરસાદી જાપટા પડતા વાતાવરણમાં ઠંડક પ્રસરી હતી.આમોદ નગરનું બજાર વરસાદી ઝાપટાથી જળમગ્ન બન્યું હતું.વરસાદી ઝાપટાની અસર આમોદ તાલુકાના ગામડાઓમાં પણ જોવા મળી હતી.સમયસર વરસાદ નહીં આવતા ખેડૂતોએ કૂવા અને નદીમાંથી પાણી લેવાનું પણ ચાલુ કર્યું હતું. આજે સમયસર વરસાદ આવતા ખેડૂતોમાં ખુશી વ્યાપી જવા પામી હતી.

અમદાવાદમાં કોતરપુરથી નરોડાનું થશે બ્યુટીફિકેશન

અમદાવાદમાં કોતરપુરથી નરોડાનું બ્યુટિફિકેશન કરવામાં આવશે.નરોડા ITI સુધીના રોડનું બ્યુટીફીકેશન કરવામાં આવશે. રોડ પર સ્ટેપ ગાર્ડન બનાવવામાં આવશે.રોડ પર બંને તરફની દીવાલોને સુશોભિત કરાશે  

પોરબંદર લોકમેળામાં આવારા તત્વોની ખેર નહીં

પોરબંદરમાં તા. 15 થી તા. 19 ઓગસ્ટ સુધી ચોપાટી ખાતે યોજાનાર લોકમેળામાં કાયદો વ્યવસ્થાની સ્થિતિ જળવાય રહે અને ટ્રાફિક સમસ્યા નિવારી શકાય તે માટે પોલીસ અધીક્ષક ભગીરથસિંહ જાડેજાની અધ્યક્ષતામાં લોકમેળામાં પોલીસ બંદોબસ્ત સહિતનો એક્શન પ્લાન્ટ બનાવવામાં આવ્યો છે.830 પોલીસ તથા શી ટીમ સતત પેટ્રોલીંગ કરશે બ્રેથ એનેલાઇઝર દ્વારા ચેકીંગ થશે, CCTV કેમેરા દ્વારા વોચ રાખવામાં આવશે.

વાંચો 06 વાગ્યા સુધીના મહત્વના સમાચાર

01. Vadodaraની અણખોલ ગ્રામ પંચાયત પર લાગ્યા ભ્રષ્ટાચારના આરોપ, ગ્રામજનોએ 4 કરોડના કામોની તપાસની કરી માંગ

02. Surat News: રાંદેર ઝોનમાં પાકિસ્તાની મહોલ્લાનું નામ બદલી હિન્દુસ્તાન રખાયુ, આજે તકતીનું અનાવરણ કરાયુ

03. Rajkot News : 'શૌર્યનું સિંદૂર' થીમ સાથે રાજકોટનો જન્માષ્ટમી લોકમેળો શરૂ, 34 રાઇડ્સ મુખ્ય આકર્ષણનું કેન્દ્ર...

04. India : પાકિસ્તાન બોલવામાં ધ્યાન રાખે.. નહિંતર દર્દનાક પરિણામો ભોગવવા પડશે, વિદેશ મંત્રાલયની ચેતવણી

05. World News: બાંગ્લાદેશમાં સત્તા પરિવર્તન પાછળ શું અમેરિકાનું હતુ કોઇ ષડયંત્ર, કેમ ચર્ચામાં આવ્યો સેન્ટ માર્ટિન દ્વીપ?

06. Junagadhમાં રી-કન્સ્ટ્રક્શન માટે ગયેલી LCBની ટીમ લિફ્ટમાં ફસાઈ, ફાયર બ્રિગેડે પોલીસ કર્મચારીઓને હેમખેમ બહાર કાઢ્યા 

07. Operation Sindoorમાં સામેલ જાંબાઝોનું સન્માન, 36 વાયુસૈનિકોને અપાશે વીરતા પુરસ્કાર

08. Gujarat News: દરેક ક્ષેત્રોમાં ઉડીને આંખે વળગે તેવો વિકાસ ગુજરાતમાં થયો છે: મુખ્યમંત્રી ભૂપેન્દ્ર પટેલ

09. Amreliમાં ધોધમાર વરસાદ, મેઘરાજાની ધમાકેદાર એન્ટ્રી જોતા જન્માષ્ટમી મેળાના આયોજકો ચિંતામાં મુકાયા

10. Gujarat News: શ્રાવણ માસના તહેવારોમાં એસ.ટી નિગમ દ્વારા એક્સ્ટ્રા 1200 ટ્રીપોનું આયોજન, બે લાખ મુસાફરોને લાભ મળશે

36 વર્ષીય વિધવા મહિલાની તલવારના ઘા ઝીંકીને હત્યા

 જામનગર તાલુકાના સિક્કા ગામમાં એક ગમખ્વાર ઘટના સામે આવી છે. જેમાં મોડી રાત્રે ૩૬ વર્ષીય વિધવા મહિલાની તલવારના ઘા ઝીંકીને નિર્મમ હત્યા કરવામાં આવી છે. આ બનાવથી સમગ્ર પંથકમાં ભારે ચકચાર મચી જવા પામી છે. બનાવની પોલીસને જાણ કરાતા સિક્કા પોલીસનો કાફલો દોડી ગયો છે.

અમદાવાદ મનપાએ 8 કર્મચારીઓને કર્યા બરતરફ

અમદાવાદ મહનગર પાલિકાએ ફિક્સ પેમાં ભરતી થયેલા 8 કર્મચારીઓને બરતરફ કર્યા છે. ખોટા પરિણામને આધારે ભરતી થયાનો ઘટસ્ફોટ થતાં કાર્યવાહી કરવામાં આવી છે. ભરતી કૌભાંડના આરોપી પુલકિત સાથે સંડોવણી ખુલી છે. 8 કર્મચારીઓના ખોટા પરિણામ બનાવ્યા હતા. ખોટી રીતે ભરતી થયાનું સામે આવતા નિમણૂંક રદ્દ કરાઈ છે. 

અમદાવાદમાં ફાયરિંગ મામલે 5ની ધરપકડ

અમદાવાદમાં ફાયરિંગ મામલે પાંચ લોકોની ધરપકડ કરવામાં આવી છે. જેમા મુખ્ય આરોપી ઈમરાન કડિયાનો પોલીસે વરઘોડો કાઢ્યો હતો. આરોપીઓને સાથે રાખીને ઘટનાનું પંચનામું કરાયુ હતું. આરોપી ખંડણીના કેસમાં બે વર્ષથી જેલમાં હતો.જેલમાંથી બહાર આવી મહિલા પર ફાયરિંગ કર્યું હતું.શાહિસ્તા બાનુના ઘરમાં 4 રાઉન્ડ ફાયરિંગ કર્યું હતું.આરોપી પાસેથી 3 હથિયાર કબજે કરાયા છે. 

શ્રાવણ માસના તહેવારોમાં એસ.ટી નિગમ દ્વારા એક્સ્ટ્રા 1200 ટ્રીપોનું આયોજન

ગુજરાતમા તહેવારોની સિઝન શરૂ થઈ ગઈ છે. પવિત્ર શ્રાવણ માસમાં આવતા સાતમ, આઠમ-જન્માષ્ટમીના તહેવારો આવતાં જ લોકો પોતાના વતન તરફ પ્રયાણ કરી રહ્યાં છે. ત્યારે આ તહેવારો લોકો સારી રીતે ઉજવી શકે તે માટે એસ.ટી નિગમ દ્વારા જુદા જુદા અને મોટા શહેરોને જોડતી દૈનિક 1200થી વધુ એક્સ્ટ્રા બસો દોડાવવાનું સફળ આયોજન કરવામાં આવી રહ્યું છે.જેનો અંદાજે બે લાખથી વધુ મુસાફરો લાભ લઇ રહ્યા છે.

પોરબંદરના લોકમેળામાં લગાવેલા બેનરનો વિવાદ

પોરબંદરના લોકમેળામાં લગાવેલા બેનરનો વિવાદ સામે આવ્યો છે. રાઇડ સંચાલકોએ બાળકોને રાઈડમાં બેસવા પર પ્રતિબંધ લખેલા બેનર લગાવાતા વિવાદ સર્જાયો છે. રાઇડ સંચાલકોએ 18 વર્ષથી નીચેના બાળકો પર પ્રતિબંધના બેનર લગાવ્યા છે. વિવાદ વધતાં સંચાલકોએ બેનર હટાવ્યા છે. 

ખ્યાતિ કાંડમાં 2 આરોપીઓની ડિસ્ચાર્જ અરજી

આરોપીઓની કેસમાંથી મુક્ત થવા કોર્ટમાં અરજી, રાજશ્રી કોઠારી અને રાહુલ જૈનની ગ્રામ્ય કોર્ટમાં અરજી, ડિસ્ચાર્જ અરજીને લીધે આરોપીઓ સામે ચાર્જ ફ્રેમ નહીં, ડિસ્ચાર્જ અરજી પર આગામી દિવસમાં થશે સુનાવણી. 

વડોદરામાં નર્મદા કેનાલમાં કૂદેલા આધેડની લાશ મળી

મીંઢોળ-દીવેર વચ્ચેની નર્મદા કેનાલમાંથી મળી લાશ, ઘરકંકાસથી કંટાળી સનાભાઈ વસાવાએ કર્યો આપઘાત, શિનોર પોલીસે સ્થાનિકોની મદદથી લાશ બહાર કાઢી. 

ભાવનગરમાં વધુ એક મારામારીની ફરીયાદ

4 લોકોનો પિતા-પુત્ર પર લોખંડના પાઇપથી હુમલો, ગોવિંદ પરમાર પર તેમના સગાઓનો હુમલો, સમગ્ર ઘટનાના CCTV ફૂટેજ થયા વાયરલ, ગોવિંદ પરમારની 4 લોકો સામે પોલીસ ફરીયાદ. 

જૂનાગઢના માળીયા હાટીના તાલુકામાં વરસાદ 

અડધા કલાકમાં અડધો ઈંચ જેટલો વરસાદ, તાલુકાના અકાળા, દુધાળા ગામમાં વરસાદ, ધરમપુર, કાલીંભડા ગામમાં પણ વરસાદ, વરસાદથી પાકને ફાયદો થતા ખેડૂતોમાં ખુશી. 

વલસાડની જનાક્રોશ રેલીને સાંસદે ફ્લોપ ગણાવી

વલસાડના સાંસદ ધવલ પટેલનું નિવેદન, કોંગ્રેસ પ્રેરિત આદિવાસી રેલી ફ્લોપઃ સાંસદ, આદિવાસી સમાજ ભાજપની સાથેઃ સાંસદ, ‘માણસો ભેગા ન થયા એટલે અમિત ચાવડા ગુસ્સે થયા’, કોંગ્રેસ નેતા તુષાર ચૌધરીની પણ ગેરહાજરીઃ સાંસદ.

ડભોઇની સેન્ટ્રલ યુનિવર્સિટી ઓફ ગુજરાતમાં કેન્ટીનમાં ભોજનની ગુણવત્તાને લઇને હોબાળો

કેન્ટીનમાં ભોજનની ગુણવત્તાને લઇને હોબાળો, બ્રેડ સાથે રાખવામાં આવેલ અનાજમાં જીવાત નીકળી, વિદ્યાર્થીઓએ કેન્ટીન-મેસના રસોડામાં ઘૂસી કર્યો હંગામો, 15 દિવસ પહેલા પણ યુનિવર્સિટીમાં થયો હતો હોબાળો.

આજે ભારત વૈશ્વિક સ્તરે મેન્યુફેક્ચરિંગ હબ તરીકે ઉભરી રહ્યું છે

આ પહેલ દ્વારા વડાપ્રધાનનું ‘આત્મનિર્ભર ભારત’નું સ્વપ્ન સાચા અર્થમાં સફળ થશે. આજે ભારત વૈશ્વિક સ્તરે મેન્યુફેક્ચરિંગ હબ તરીકે ઉભરી રહ્યું છે, જ્યાં અનેક આંતરરાષ્ટ્રીય બ્રાન્ડ્સ તેમના ઉત્પાદનોનું નિર્માણ કરી રહી છે. આપણે સ્વદેશી ઉત્પાદનોને અપનાવીએ તો ‘મેક ઇન ઇન્ડિયા’ પહેલને વધુ બળ મળશે, જે ભારતની આર્થિક પ્રગતિને નવી ઊંચાઈઓ પર લઈ જશે. આ તકે ધારાસભ્ય સર્વે  શામજીભાઈ ચૌહાણ, પી.કે.પરમાર, પૂર્વ ધારાસભ્ય ધનરાજ કેલા, અગ્રણી સર્વે  ધીરુભાઈ સિંધવ,  દેવાંગ રાવલ, ડૉ. રુદ્રદત્ત ઝાલા, જીજ્ઞાબેન પંડ્યા, કલેકટર રાજેન્દ્રકુમાર પટેલ, મ્યુનિસિપલ કમિશનર  નવનાથ ગ્વહાણે, જિલ્લા વિકાસ અધિકારી  કે.એસ.યાજ્ઞિક, નાયબ પોલીસ મહાનિર્દેશક  ગિરીશ પંડ્યા સહિતના લોકો જોડાયાં હતાં.

સ્વદેશી ઉત્પાદનોને અપનાવીએ તો ‘મેક ઇન ઇન્ડિયા’ પહેલને વધુ બળ મળશે

વડાપ્રધાન નરેન્દ્ર મોદી અને મુખ્યમંત્રી ભૂપેન્દ્ર પટેલના સફળ માર્ગદર્શન હેઠળ આજે ગુજરાતના દરેક જિલ્લામાં આવા સાંસ્કૃતિક ઉત્સવોનું આયોજન થઈ રહ્યું છે. આ કાર્યક્રમો દ્વારા વડાપ્રધાનનું ‘એક ભારત, શ્રેષ્ઠ ભારત’નું સ્વપ્ન સાકાર થઈ રહ્યું છે, જે આપણી રાષ્ટ્રીય એકતાને વધુ મજબૂત બનાવે છે. ઉપસ્થિત લોકોને સ્વદેશી ઉત્પાદનો અપનાવવાનો અનુરોધ કરતાં મંત્રીએ વધુમાં જણાવ્યું કે, જન્માષ્ટમી જેવા લોકમેળાઓમાં ‘વોકલ ફોર લોકલ’ની ભાવના આપણી પ્રાથમિકતા હોવી જોઈએ. 

આપણી સંસ્કૃતિમાં પારંપરિક ઉત્સવો અને લોકમેળાઓનું અનન્ય મહત્વ

સુરેન્દ્રનગર અને વઢવાણ લોકમેળાને ‘વિરાસત અને ધરોહર’નું નામ આપવા બદલ સુરેન્દ્રનગર મહાનગરપાલિકાને હાર્દિક અભિનંદન પાઠવતાં વન અને પર્યાવરણ મંત્રી મુળુભાઈ બેરાએ જણાવ્યું હતું કે, આપણી સંસ્કૃતિમાં પારંપરિક ઉત્સવો અને લોકમેળાઓનું અનન્ય મહત્વ છે. તરણેતર, માધવપુર જેવા લોકમેળાઓ આપણી સાંસ્કૃતિક ધરોહરનું જીવંત પ્રતીક છે. આ મેળાઓ આપણી સાંસ્કૃતિક એકતાના મૂળને મજબૂત બનાવે છે. દરેક મેળો પોતાની વિશિષ્ટ પ્રવૃત્તિઓ અને સ્વરૂપ દ્વારા આપણી સંસ્કૃતિનું જતન કરવાના ઉદ્દેશ્યને સાકાર કરે છે.

વન અને પર્યાવરણ મંત્રી મુળુભાઈ બેરાએ “સુરેન્દ્રનગર અને વઢવાણ લોકમેળા"નો પ્રારંભ કરાવ્યો 

રાજ્યના વન અને પર્યાવરણ મંત્રી અને સુરેન્દ્રનગર જિલ્લાના પ્રભારી મંત્રી મુળુભાઈ બેરાએ આજે નાયબ મુખ્ય દંડક  જગદીશભાઈ મકવાણા, સાંસદ ચંદુભાઈ શિહોરા સહિતના મહાનુભાવોની વિશેષ ઉપસ્થિતિમાં “સુરેન્દ્રનગર અને વઢવાણ લોકમેળા"નું ઉદઘાટન કરી ખુલ્લો મુક્યો હતો. આ સાથે આજથી સુરેન્દ્રનગર અને વઢવાણ ખાતે ચાર દિવસના લોકમેળાની રંગત શરૂ થઈ ગઈ છે. 

સુરેન્દ્રનગરમાં નાના વાહનો માટે ડાયવર્ઝન

સ્વસ્તીક ચોક ખાતે થી એમ.પી.શાહ આર્ટ્સ કોલેજ પાછળ અલ્કાપુરી ચોક પાસે ગુરુકુળ ત્રણ રસ્તા સુધીના રોડ પર નાના-મોટા તમામ વાહનોના પ્રવેશ પર પ્રતિબંધ મૂકવામાં આવ્યો છે. ટ્રાફીક પોલીસ ચોકી થી એક્સીસ બેંક ત્રણ રસ્તા સુધીના રોડ પર તમામ નાના વાહનો પાર્ક કરવા પર પ્રતિબંધ, ગુરુકુળ ત્રણ રસ્તાથી ટ્રાફીક ચોકી સુધીના રોડ ઉપર તમામ નાના વાહનો પાર્ક કરવા પર અને ઍક્સિસ બેંક ત્રણ રસ્તાથી સ્વસ્તિક ચોક સુધીના રોડ ઉપર તમામ નાના વાહનો પાર્ક કરવા પર પ્રતિબંધ રાખવામાં આવ્યો છે. આ વ્યવસ્થા લોકમેળા દરમિયાન ટ્રાફિકની અવરજવરને સરળ અને વ્યવસ્થિત રાખવા માટે અમલમાં મૂકવામાં આવી છે. નાગરિકોને આ નિયમોનું પાલન કરવા નમ્ર વિનંતી છે.

સુરેન્દ્રનગરમાં મોટા વાહનો માટે ડાયવર્ઝન

વઢવાણ થી સુરેન્દ્રનગર શહેરમાં પ્રવેશતા મોટા વાહનો (એસ.ટી.બસ તથા ઇમરજન્સી વાહન સીવાય) ઉપાસના સર્કલ ખાતે થી ગણપતિ ફાટસર બાજુ તથા ભક્તિનંદન સર્કલ ૮૦ ફુટ રોડ તરફ ડાઇવર્ટ કરવામાં આવ્યા છે. જોરાવરનગર તથા રાજકોટ બાયપાસ તરફ થી સુરેન્દ્રનગર શહેરમાં પ્રવેશતા મોટા વાહનો (એસ.ટી.બસ તથા ઇમરજન્સી વાહન સીવાય) વાળીનાથ સર્કલ ખાતે થી આંબેડકર સર્કલ તરફ, ગોકુળ હોટલ ઓવરબ્રીજ તરફથી સુરેન્દ્રનગર શહેરમા પ્રવેશતા મોટા વાહનો (એસ.ટી.બસ તથા ઇમરજન્સી વાહન સીવાય) આંબેડકર સર્કલ ખાતેથી વાળીનાથ સર્કલ તરફ અને ધ્રાંગધ્રાં તરફ થી સુરેન્દ્રનગર શહેરમાં પ્રવેશતા મોટા વાહનો (એસ.ટી બસ તથા ઇમરજન્સી વાહન સીવાય) ૮૦ ફુટ રોડ થી ભક્તિનદન સર્કલ થી જી.આઇ.ડી.સી. તરફ ડાઇવર્ટ કરવામાં આવ્યા છે.

સુરેન્દ્રનગર લોકમેળામાં ટ્રાફિકની સમસ્યા હલ કરવા નાના અને મોટા વાહનો માટે ડાયવર્ઝન અપાયા

પોલીસ ઇન્સ્પેક્ટર, સુરેન્દ્રનગર સીટી બી ડિવિઝન પોલીસ સ્ટેશનની એક અખબારી યાદીમાં જણાવ્યા પ્રમાણે, સુરેન્દ્રનગર શહેર એમ.પી.શાહ આર્ટસ એન્ડ સાયન્સ કોલેજ ખાતે લોકમેળા અન્વયે ટ્રાફિકની સમસ્યા હલ કરવા/ નિવારવા માટે નાના અને મોટા વાહનો માટે ડાયવર્ઝન આપવામાં આવ્યા છે.

વાંચો 03 વાગ્યા સુધીના મહત્વના સમાચાર

01 - Weather News: આવતીકાલથી રાજ્યમાં વરસાદનું જોર વધશે, અમદાવાદમાં ભારેથી અતિભારે વરસાદની આગાહી 

02 - Independence Day: બંને દેશ એક સાથે આઝાદ થયા તો પાકિસ્તાન 14 ઓગષ્ટે કેમ સ્વતંત્રતા દિવસ ઉજવે છે 

03 - Surat News : રાજકોટના કુખ્યાત હાર્દિકસિંહ જાડેજાનો સુરતમાં વરઘોડો, રીબડામાં ફાયરિંગ અને સુરતમાં ચલાવી હતી લૂંટ... 

04 - Banaskantha News : "ભારત માતા કી જય અને વંદે માતરમ"ના નારા સાથે થરાદ નગર દેશ ભક્તિના રંગે રંગાયું 

05 - Himachal Pradesh Cloud Burst: 3 લોકોના મોત, 10 પુલ અને મોટી સંખ્યામાં તણાયા વાહનો, કિન્નૌર, કુલ્લુ, શિમલામાં હાઇ એલર્ટ 

06 - TMKOC: તારક મહેતામાં 17 વર્ષ બાદ નવા પરિવારની એન્ટ્રી, ગોકુલધામ સોસાયટીના બાકીના સભ્યોનું શું? 

07 - Ahmedabad News: ઘોડાસરમાં ડિમોલિશનની કામગીરી દરમિયાન પથ્થરમારો કરવા મુદ્દે પોલીસ ફરિયાદ નોંધાશે 

08 - Gujarat News : રાજયના 25 જિલ્લાની 332 દુકાનોમાં કાનૂની માપ વિજ્ઞાન તંત્રના દરોડા, તહેવારોમાં નાગરિકો સાથે ન થવી જોઈએ ગેરરીતી 

09 - India: ઉત્તરાખંડથી બિહાર સુધી આકાશી આફત! પૂર અને ભારે વરસાદથી લાખો લોકો પ્રભાવિત થયા 

10 - ભારત સામે આ કારણે મોઢું ફુલાઇને બેઠાં છે Donald Trump, પૂર્વ રાજદૂતે જણાવી આની પાછળની વાત 

ગાંધીનગર કોર્ટમાંથી ફરાર થયેલો આરોપી ઝડપાયો

બાયડ પોલીસે ડેમાઇ રોડ પરથી ઝડપી પાડ્યો, પોક્સો કેસમાં કોર્ટે ફટકારી હતી 20 વર્ષની સજા, સજાનું એલાન સાંભળતા જ આરોપી થયો હતો ફરાર, બાયડ પોલીસે આરોપીને ઇન્ફોસિટી પોલીસને સોંપ્યો, ગણતરીના કલાકોમાં આરોપીને પોલીસે ઝડપી પાડ્યો. 

બાયડ નગરપાલિકામાં રહીશોનો હોબાળો

ગટર ઉભરાવવા મામલે રહીશોનો હોબાળો, વોર્ડ નંબર 2 સુંદરપુરાના લોકોએ કર્યો હોબાળો, ઘણા સમયથી ગટર ઉભરાવાથી લોકો પરેશાન, પંપિંગ સ્ટેશન પર લગાવેલી મોટરો પણ ગાયબ. 

થરાદના નગરજનો દેશભક્તિના રંગે રંગાયા છે

તિરંગા યાત્રા પ્રસંગે વિધાનસભાના અધ્યક્ષ શંકરભાઈ ચૌધરીએ જણાવ્યું હતું કે,આજે હર ઘર તિરંગા યાત્રામાં હજારોની સંખ્યામાં થરાદના નગરજનો દેશભક્તિના રંગે રંગાયા છે. વડાપ્રધાન નરેન્દ્ર મોદીના દેશભક્તિ અને સ્વદેશીપણાના સંકલ્પના ભાવ સાથે નાગરિકોએ તિરંગાને આન, બાન અને શાનથી પરંપરાગત રીતે ઉજવણી કરી છે. તેમણે જણાવ્યું કે, ઓપરેશન સિંદૂર નવા ભારતની ઓળખ બન્યું છે. ઓપરેશન સિંદૂરે દેશના નાગરિકોમાં સ્વમાન અને સ્વાભિમાન જગાડ્યું છે. વડાપ્રધાન  નરેન્દ્રભાઈના નેતૃત્વમાં દેશની સેનાએ સફળતાપૂર્વક ઓપરેશન સિંદૂર ચલાવ્યું છે જે દેશ માટે ગૌરવની બાબત છે. 

ભારત માતા કી જય અને વંદે માતરમ"ના નારા સાથે થરાદ નગર દેશ ભક્તિના રંગે રંગાયું

વિધાનસભાના અધ્યક્ષ શંકરભાઈ ચૌધરીની ઉપસ્થિતિમાં થરાદ શહેર ખાતે ભવ્ય તિરંગા યાત્રા યોજાઈ હતી. થરાદ શહેરમાં રાષ્ટ્રીય સ્વતંત્રતા પર્વની ઉજવણીના ભાગરૂપે રાષ્ટ્રધ્વજના સન્માનમાં આયોજિત આ તિરંગા યાત્રામાં બહોળી સંખ્યામાં નાગરિકો જોડાયા હતા. 

જમ્મુના કિશ્તવાડમાં વાદળ ફાટવાથી તબાહી

વાદળ ફાટવાથી 12ના મોત, અનેક ઘાયલ, ચાશોટી ગામમાં ધાર્મિક યાત્રા માટે ભેગા થયેલા તણાયા, મચેલ માતા મંદિર પાસે ટેન્ટ તણાયા, કિશ્તવાડમાં રેસ્ક્યુ ઓપરેશન ચાલુ. 

વરસાદ અંગે હવામાન વિભાગની આગાહી

આવતીકાલે ભારેથી અતિભારે વરસાદની આગાહી, 20 ઓગસ્ટ સુધી ભારેથી અતિભારે વરસાદની આગાહી, આવતીકાલે અમદાવાદમાં ભારે વરસાદની આગાહી, 17 ઓગસ્ટે વરસાદનું જોર સૌથી વધુ રહેશે, આજે દક્ષિણ ગુજરાત ભારે વરસાદની આગાહી. 

વડોદરામાં 15 સપ્ટેમ્બરથી હેલ્મેટ પહેરવું ફરજીયાત

પોલીસ વિભાગે હેલ્મેટ વિક્રેતાઓને આપી સૂચના, BIS માર્કાવાળા જ હેલ્મેટનું વેચાણ કરવા સૂચના, હેલ્મેટના બેફામ ભાવ ન વસૂલવા આદેશ અપાયા, વાહનચાલકોને પોલીસ ભવન ખાતે હેલ્મેટ અપાયા. 

કાયદા-નિયમોની જોગવાઇઓનું પાલન થાય તે માટે રાજ્યવ્યાપી ઝુંબેશ હાથ ધરવામાં આવી હતી

અત્રે નોંધનીય છે કે, જન્માષ્ટમીના તહેવાર દરમિયાન ગ્રાહકો મીઠાઇ, ફરસાણ, ડ્રાયફ્રુટસ તેમજ ગીફ્ટ સહિતની અન્ય વસ્તુઓની ખરીદી કરતા હોય છે. જેમાં ઘણી વખત ગ્રાહકોને ખરીદી દરમિયાન વજનમાં છેતરવામાં આવતા હોય છે. રાજ્યના નાગરીકો આવા કોઈ બનાવનો ભોગ ન બને અને ગ્રાહકો પણ પોતાના અધિકારોથી જાગૃત થાય તે કાનૂની માપ વિજ્ઞાન તંત્રનો મૂળ ઉદ્દેશ્ય છે. એટલા માટે જ, આજે કાનૂની માપ વિજ્ઞાન તંત્ર દ્વારા સમગ્ર રાજ્યની વિવિધ મીઠાઇ, ફરસાણ, ડ્રાયફ્રુટસ અને ગિફ્ટ શોપ વગેરે પર તંત્રના કાયદા-નિયમોની જોગવાઇઓનું પાલન થાય તે માટે રાજ્યવ્યાપી ઝુંબેશ હાથ ધરવામાં આવી હતી.

આ અંગે વધુ તપાસની કાર્યવાહી હાલમાં ચાલુ છે

કાનૂનીમાપ વિજ્ઞાન તંત્રના નાયબ નિયંત્રક, મદદનીશ નિયંત્રક તેમજ ઇન્સપેક્ટરો દ્વારા હાથ ધરાયેલી આ તપાસણી  દરમિયાન વજનમાં ઓછું આપીને ગ્રાહકને છેતરવો, વજન કાંટાનું ફેરચકાસણી, મુદ્રાંકન ન કરાવવુ, ખરાઇ પ્રમાણપત્ર પ્રદર્શીત ન કરવુ, પેકર રજીસ્ટ્રેશન ન કરવું વગેરે જેવી ગેરરીતિઓ સામે આવી હતી. આ અંગે વધુ તપાસની કાર્યવાહી હાલમાં ચાલુ છે.

રાજયના 25 જિલ્લાની 332 દુકાનોમાં કાનૂની માપ વિજ્ઞાન તંત્રના દરોડા, તહેવારોમાં નાગરિકો સાથે ન થવી જોઈએ ગેરરીતી

જન્માષ્ટમી સહિતના તહેવારોને ધ્યાને લઈને સામૂહિક ઝુંબેશના ભાગરૂપે આજે રાજ્ય સરકારની કાનૂની માપ વિજ્ઞાન અને ગ્રાહક બાબતોની કચેરી દ્વારા રાજ્યના ૨૫ જિલ્લાની કુલ ૩૩૨ જેટલી મીઠાઇ, ફરસાણ, ડ્રાયફ્રુટ અને ગિફ્ટ વગેરેની દુકાનોમાં દરોડા પાડીને તપાસ હાથ ધરવામાં આવી હતી. આ તપાસ દરમિયાન ગેરરીતી કરતા કુલ ૧૨૬ એકમો સામે ગુન્હાઓ નોંધીને કાયદેસરની કાર્યવાહી કરવામાં આવી હતી અને માંડવાળ ફી તરીકે તેમની પાસેથી કુલ રૂ. ૫,૯૧,૫૦૦ રકમ વસૂલ કરવામાં આવી હતી.

કંડલા અને મુન્દ્રા બંદરે રોક સોલ્ટ ભરેલા કન્ટેનરમાં તપાસ

કંડલા અને મુન્દ્રા બંદરે રોક સોલ્ટ ભરેલા કન્ટેનરમાં તપાસ કરાઈ રહી છે, ડીઆરઆઈ વિભાગે 20 કન્ટેનર અટકાવી તપાસ હાથ ધરી છે, પાકિસ્તાનનું રોક સોલ્ટ અન્ય દેશનું બતાવી ભારતમાં આયાત કરવાનો પ્રયાસ કરવામાં આવી રહ્યો છે, પહલગામ આતંકી હુમલા બાદ પાડોશી દેશમાંથી આવતી સામગ્રી પર ડ્યુટી લગાડવામાં આવી છે, ડ્યુટી  ભરવી ના પડે તે માટે ઈરાન કન્ટ્રી બતાવામાં આવી છે અને રોક સોલ્ટ પાકિસ્તાનથી આવ્યું હોવાનું અનુમાન છે. 

Kandla અને મુન્દ્રા બંદરે રોક સોલ્ટ ભરેલા કન્ટેનરમાં તપાસ

કંડલા અને મુન્દ્રા બંદરે રોક સોલ્ટ ભરેલા કન્ટેનરમાં તપાસ કરાઈ રહી છે, ડીઆરઆઈ વિભાગે 20 કન્ટેનર અટકાવી તપાસ હાથ ધરી છે, પાકિસ્તાનનું રોક સોલ્ટ ભારતમાં આયાત કરવાનો પ્રયાસ કરવામાં આવ્યો છે, ડ્યુટી  ભરવી ના પડે તે માટે ઈરાન કન્ટ્રી બતાવામાં આવી હોવાની પણ વાત સામે આવી છે, રોક સોલ્ટ પાકિસ્તાનથી આવ્યું હોવાનું અનુમાન છે. 

દાહોદમાં યુરિયા ખાતરનું બારોબાર વેચાણ થતું હતુ

સર્વોદય ગ્રામીણ વિકાસ ટ્રસ્ટ ઝાલોદના લાયસન્સ સસ્પેન્ડ કરવામાં આવ્યા છે, ખાતરના રેકર્ડની યોગ્ય નિભાવણી ન કરતા સસ્પેન્ડ કરવામાં આવ્યા છે લાયસન્સ અને મોટી બાંડીબારને યોગ્ય નિભાવણી ન કરતા નોટિસ અપાઈ છે, નોટિસ આપી ખાતરનો જથ્થો બંધ કરવામાં આવ્યો છે. દાહોદમાં ખાતરની અછત વચ્ચે મોટા ઘટસ્ફોટથી સમગ્ર વિસ્તારમાં હડકંપ મચ્યો. ખેડૂતો જે ખાતર માટે વલખા મારી રહ્યા છે તે ખાતરનો જથ્થો રાજ્યબહાર મોકલવામાં આવતું હોવાનું સામે આવ્યું. દાહોદથી ખાનગી વાહન મારફતે મોટાપાયે યુરિયા ખાતરનો જથ્થો મધ્યપ્રદેશ મોકલાતો હોવાનો ખુલાસો થતા ખેડૂતોમાં ભારે રોષ જોવા મળ્યો. યુરિયા ખાતરને લઈને છેલ્લા કેટલાક દિવસોથી રાજ્યમાં માહોલ ગરમાયો છે. વારંવાર રજૂઆત બાદ આ મામલે કૃષિ વિભાગ એકશનમાં આવ્યું.

Dahodમાં ખાતરની અછત વચ્ચે મોટો ઘટસ્ફોટ

દાહોદ જીલ્લાના 3 ખાતર ડેપોને ખેતી નિયામક અધિકારી દ્વારા અપાઈ નોટિસ આપવામાં આવી છે, ખેતી નિયામક અધિકારી દ્વારા અપાઈ નોટિસ અને આ મામલે ખુલાસો માગવામાં આવ્યો છે, ખાતરના સ્ટોકની તપાસ બાદ નોટિસ અપાઇ છે, એગ્રી બિઝનેસ કે.કે. ભી ફતેપુરાના લાયસન્સ સસ્પેન્ડ કરાયા છે. 

ડીસામાં પાણીના પ્લાન્ટના વિરોધમાં જનઆંદોલન

ગૌચર જમીન પર પાણીનો પ્લાન્ટ મંજૂર થતા વિરોધ, ગૌચર જમીન ઓછી થતી હોવાનો ગૌભક્તોનો આક્ષેપ, પાલિકા કચેરીમાં લોકો ભજન - ધૂન બોલાવી કર્યો વિરોધ, પાણીનો પ્લાન્ટ અન્ય જગ્યાએ બનાવવાની માગ, ધરણાં બાદ પાલિકા કચેરીનો ઘેરાવ કરાયો, પ્રમુખ, ઉપપ્રમુખ સહિત ચીફ ઓફિસર રવાના, નગરપાલિકા પ્રમુખ ચેમ્બર આગળ ધરણાં, પ્રમુખ સહિત ભ્રષ્ટાચાર મુદ્દે સૂત્રોચ્ચાર કર્યા.

અંતે સૌએ રાષ્ટ્રગાન ગાઈ તિરંગા યાત્રાનું સમાપન કર્યું હતું

તિરંગા યાત્રામાં જોડાયેલ તમામ લોકોએ ટુ વ્હીલર ચલાવતી વખતે ફરજિયાત હેલ્મેટ પહેરી ટ્રાફિકના નિયમોનું પાલન કરવા પ્રતિજ્ઞા લીધી હતી. કાર્યક્રમમાં પોલીસ અધિક્ષક રાજેશ ગઢીયા, જિલ્લા વિકાસ અધિકારી જયંત કિશોર, અગ્રણી નયનાબેન પટેલ, આઇપીએસ અતુલ બંસલ, પ્રાંત અધિકારી નિર્ભય ગોંડલીયા, મનપા ડેપ્યુટી કમિશનર મહેન્દ્ર દેસાઈ, રૂદ્રેશ હુદડ, જિલ્લાના અન્ય અગ્રણીઓ, મહાનુભવો, વિદ્યાર્થીઓ, પોલીસ જવાનો, એન.સી.સી. કેડેટ્સ,દિવ્યાંગો, યોગ સ્પર્ધકો, રમતવીરો, યુવાનો, માતાઓ, વડીલો સહિત મોટી સંખ્યામાં પ્રબુદ્ધ નાગરિકો જોડાયા હતા.

દેશભક્તિના કાર્યો કરવા ધારાસભ્યએ ઉપસ્થિત સૌ નગરજનોને અપીલ કરી હતી

ધારાસભ્ય પંકજભાઈ દેસાઈ જણાવ્યું હતું કે, હરઘર તિરંગા અભિયાન અંતર્ગત યોજાયેલ તિરંગા યાત્રામાં નગરજનોએ સ્વયંભૂ રીતે જોડાઈને તિરંગા યાત્રાને સફળ બનાવી છે. આ પ્રસંગે તેમણે સ્વતંત્રતાની લડાઈમાં યોગદાન આપનાર શહીદોને યાદ કર્યા હતા. તેમણે ઉમેર્યું હતું કે તિરંગા યાત્રાના આયોજન દ્વારા આજની નવી યુવા પેઢીને શહીદોના બલિદાનથી વાકેફ કરવાની તક મળે છે. ડો. બાબાસાહેબ આંબેડકરના અથાગ પ્રયાસો થી પ્રાપ્ત થયેલ બંધારણ થકી ભારત દેશને મળેલ સુંદર લોકશાહી શાસન પ્રણાલીનું ગૌરવ લેવા અને દેશભક્તિના કાર્યો કરવા ધારાસભ્યએ ઉપસ્થિત સૌ નગરજનોને અપીલ કરી હતી.

નડિયાદ શહેરને સ્વચ્છ અને સુંદર બનાવવાના પ્રયાસોમાં મદદરૂપ થવા કલેક્ટરે અપીલ કરી હતી

તિરંગા યાત્રા અંતર્ગત દેસાઈવગો સ્થિત સરદાર વલ્લભભાઈ પટેલ જન્મ સ્થળના દર્શન કરી સરદાર સાહેબને પુષ્પાંજલિ અર્પણ કરવામાં આવી હતી. સરદાર સાહેબની પ્રતિમાને સુતરની આંટી પહેરાવી રાષ્ટ્રનિર્માણના તેમના બલિદાનને યાદ કરવામાં આવ્યું હતું. આ અવસરે કલેકટર અમિત પ્રકાશ યાદવે તિરંગા યાત્રામાં જોડાયેલા સૌનું અભિવાદન કર્યું હતું. તેમણે જણાવ્યું કે નડિયાદ શહેર મહાનગરપાલિકા બન્યા પછી આ પ્રથમ તિરંગા યાત્રામાં મોટી સંખ્યામાં નગરજનોએ જોડાઈને રાષ્ટ્ર ગૌરવ પ્રત્યેના સમર્પણ ભાવને ઉજાગર કર્યો છે. ત્યારે તમામ જિલ્લા વાસીઓને સાથે મળીને નડિયાદ શહેરને સ્વચ્છ અને સુંદર બનાવવાના પ્રયાસોમાં મદદરૂપ થવા કલેક્ટરે અપીલ કરી હતી.

ઓપરેશન સિંદૂરના ટેબ્લોએ લોકોનું ધ્યાન આકર્ષ્યું હતું

સમગ્ર જિલ્લામાંથી મોટી સંખ્યામાં વિવિધ સમુદાયો અને વય જૂથના નાગરિકોએ તિરંગા યાત્રામાં જોડાઈ વંદે માતરમનો નારો ગુંજાવ્યો હતો. નગરજનોએ પણ ઠેર ઠેર પુષ્પવર્ષા કરી તિરંગા યાત્રાના વધામણા કર્યા હતા. રંગબેરંગી વેશભૂષા, દેશભક્તિના બેનરો, દેશ પ્રેમના ગીતો અને પોલીસ બેન્ડની ધૂન થી રાષ્ટ્રભક્તિનું અનેરુ મોજું નડિયાદ શહેરમાં ફરી વળ્યું હતું. આતંકવાદીઓ સામેની લડાઈમાં મશહૂર બનેલા ઓપરેશન સિંદૂરના ટેબ્લોએ લોકોનું ધ્યાન આકર્ષ્યું હતું. 

સમગ્ર નડિયાદ શહેર રંગાયુ દેશભક્તિના રંગે, નડિયાદ ખાતે યોજાઈ જિલ્લા કક્ષાની તિરંગા યાત્રા

15 ઓગસ્ટ સ્વાતંત્ર્ય પર્વ ઉજવણી નિમિતે નડિયાદ મહાનગરપાલિકા ખાતેથી ભવ્ય તિરંગા યાત્રાનું આયોજન કરવામાં આવ્યું હતું. જિલ્લા કક્ષાની આ તિરંગા યાત્રા નડિયાદ મહાનગરપાલિકા કચેરીથી સરદાર વલ્લભભાઈ પટેલ જન્મ સ્થળ, દેસાઈ વગો થઈ ઈપ્કોવાલા હોલ સુધી યોજાઈ હતી. જેમાં, નડિયાદ ધારાસભ્ય પંકજભાઈ દેસાઈ, કલેકટર અમિત પ્રકાશ યાદવ અને મનપા કમિશનર જી.એચ.સોલંકી સહિતના અન્ય મહાનુભાવો રાષ્ટ્રધ્વજ લઈને નીકળ્યા હતા. 

વાંચો 12 વાગ્યા સુધીના મહત્વના સમાચાર

01 - Jamnagar : અઘટિત માંગને તાબે ના થનારી વિધવાની તલવારના ઘા ઝીંકી હત્યા 

02 - Gujarat : રાષ્ટ્રપતિ વિશિષ્ટ સેવા મેડલની જાહેરાત, ગુજરાતના 23 પોલીસ જવાનોની થઈ પસંદગી 

03 - Gujarat News : તિરંગા યાત્રાને વધુ સફળ બનાવવા માટે અંદાજિત 50 લાખથી વધુ તિરંગાનું રાજ્યભરમાં વિતરણ કરાયું 

04 - Shilpa Shirodkarની કારને બસે મારી ટક્કર, અભિનેત્રીએ કહ્યું-આ લોકો કેટલા નિર્દયી કે.... 

05 - Ahmedabad: ઘોડાસરના પુનિતનગર વિસ્તારમાં મહિલાનો આત્મવિલોપનનો પ્રયાસ, AMC દ્વારા દુકાનને ટાર્ગેટ કરાતો હોવાનો આક્ષેપ 

06 - Surendranagar News : સુરેન્દ્રનગરમાં પાંચ શખ્સોએ મહિલા સાથે ગેંગરેપ કર્યો અને મહિલાનું નિપજયું મોત 

07 - Rajnikantની 'કુલી' અને ઋતિક રોશન-જુનિયર NTRની 'વોર-2' વચ્ચે કાંટે કી ટક્કર, સાઉથ મેગા સ્ટારની ફિલ્મને લઈને ફેન્સનો પારો આસમાને 

08 - Sarangpur News : શ્રીકષ્ટભંજન દેવ હનુમાનજીને 1 હજાર કિલોથી વધુ વિવિધ શાકભાજીનો શણગાર કરાયો, જુઓ Video 

09 - Vadodara News : વડોદરાના વાઘોડિયામાં રખડતા ઢોરે બાઈકચાલકને અડફેટે લેતા નિપજયું મોત 

10 - Kheda News : માતર-તારાપુર રોડ બનાવ્યો પણ પાણી નિકાલની વ્યવસ્થા નહીં, CMની સૂચનાને પણ ઘોળીને પી ગયું ખેડા R&B સ્ટેટ વિભાગ 

જિલ્લા કક્ષાએ ‘ધ્વજ વંદન’ના કાર્યક્રમનું   આયોજન પણ કરવામાં આવ્યું છે

આ ઉપરાંત તા. ૧૨ ઓગસ્ટ ૨૦૨૫ના રોજ ભરૂચ, રાજકોટ, પાટણ, ગાંધીનગર અને ડાંગ જિલ્લામાં તા. ૧૩ ઓગસ્ટ ૨૦૨૫ના રોજ બોટાદ, નવસારી, મોરબી, રાજકોટ જિલ્લામાં તેમજ તા. ૧૪ ઓગસ્ટ ૨૦૨૫ના રોજ ભરૂચ, રાજકોટ, જામનગર ગાંધીનગર જિલ્લામાં શાળા કક્ષાએ, ગ્રામ્ય કક્ષાએ, તાલુકા કક્ષાએ, જિલ્લા કક્ષાએ ‘સ્વચ્છતા અભિયાન’નું આયોજન કરવામાં આવ્યું છે. આ સિવાય તા. ૧૫ ઓગસ્ટ ૨૦૨૫ના રોજ રાજ્યના તમામ જિલ્લા અને મહાનગરપાલિકાઓ ખાતે શાળા કક્ષાએ, ગ્રામ્ય કક્ષાએ, તાલુકા કક્ષાએ તેમજ જિલ્લા કક્ષાએ ‘ધ્વજ વંદન’ના કાર્યક્રમનું   આયોજન પણ કરવામાં આવ્યું છે.                   

જિલ્લા કક્ષાએ તિરંગા યાત્રાનું સફળ આયોજન કરવામાં આવ્યું છે

યાદીમાં વધુમાં જણાવવામાં આવ્યું છે કે, ‘હર ઘર તિરંગા – હર ઘર સ્વચ્છતા’ની થીમ અંતર્ગત તા.૧૨ ઓગસ્ટ ૨૦૨૫ના રોજ ભરૂચ, નર્મદા, અમદાવાદ, સુરેન્દ્રનગર, છોટા ઉદેપૂર, આણંદ, નવસારી, મહેસાણા, મોરબી, વડોદરા, અરવલ્લી, વલસાડ, દેવભૂમિ દ્વારકા, ગાંધીનગર, દાહોદ, પોરબંદર, જામનગર, બનાસકાંઠા, પંચમહાલ, ડાંગ જિલ્લામાં તેમજ તા.૧૩ ઓગસ્ટ ૨૦૨૫ના રોજ સાબરકાંઠા, કચ્છ, પાટણ, આણંદ, મહેસાણા, વલસાડ, દેવભૂમિ દ્વારકા, ગાંધીનગર, દાહોદ, પંચમહાલ જિલ્લામાં તથા તા.૧૪ ઓગસ્ટ ૨૦૨૫ના રોજ કચ્છ, સુરેન્દ્રનગર, ગાંધીનગર ખાતે શાળા કક્ષાએ, ગ્રામ્ય કક્ષાએ, તાલુકા કક્ષાએ, જિલ્લા કક્ષાએ તિરંગા યાત્રાનું સફળ આયોજન કરવામાં આવ્યું છે.

યુવક સેવા સાંસ્કૃતિક પ્રવૃતિ કચેરી ગાંધીનગરની યાદીમાં જણાવવામાં આવ્યું છે

આ ઉપરાંત વડોદરા ખાતે તા.૧૧ ઓગસ્ટ ૨૦૨૫ના રોજ ૨૫ હજાર નાગરિકો ગૃહ રાજ્યમંત્રી  હર્ષ સંઘવીની ઉપસ્થિતિમાં તિરંગા યાત્રામાં જોડાઈને ભવ્ય સાંસ્કૃતિક કાર્યક્રમ નિહાળ્યો હતો. રાજ્યભરમાં તિરંગા યાત્રાને વધુ સફળ બનાવવાં માટે અંદાજિત ૫૦ લાખથી વધુ તિરંગાનું યુવક સેવા સાંસ્કૃતિક પ્રવૃતિઓની કચેરી દ્વારા વિનામૂલ્યે વિતરણ કરાવવામાં આવ્યું હતું તેમ યુવક સેવા સાંસ્કૃતિક પ્રવૃતિ કચેરી ગાંધીનગરની યાદીમાં જણાવવામાં આવ્યું છે.

રાષ્ટ્રપતિ ચંદ્રક એવોર્ડની થઇ જાહેરાત

21 પોલીસ અધિકારીઓને મળ્યો રાષ્ટ્રપતિ ચંદ્રક એવોર્ડ, પિયુષ પટેલ, મુકેશ સોલંકીને રાષ્ટ્રપતિ એવોર્ડ મળશે, શરદ સિંઘલ, રાકેશ બારોટને રાષ્ટ્રપતિ ચંદ્રક. બાબુભાઈ દેસાઈ, મહાવીરસિંહ વાઘેલાને રાષ્ટ્રપતિ ચંદ્રક, ભુપેન્દ્રકુમાર દવે અને કમલેશ પાટીલને રાષ્ટ્રપતિ ચંદ્રક, મિંલિંદ સૂરવે અને કોન્સ્ટેબલ રમેશ ત્રિપાઠીને રાષ્ટ્રપતિ ચંદ્રક. 

વિવિધ સાંસ્કૃતિક કાર્યક્રમોનો આયોજન પણ કરવામાં આવ્યું હતું

ગુજરાતના ૩૩ જિલ્લાઓમાં તિરંગાયાત્રાના આયોજનની સાથે વિવિધ સાંસ્કૃતિક કાર્યક્રમોનો આયોજન પણ કરવામાં આવ્યું હતું. જે અંતર્ગત તા.૧૦ ઓગસ્ટ ૨૦૨૫ના રોજ  કેન્દ્રીય જળ શક્તિ મંત્રી શ્રી સી.આર.પાટીલ અને ગૃહ રાજ્યમંત્રી શ્રી હર્ષ સંઘવીની ઉપસ્થિતિમાં ૬૦ હજારથી વધુ નાગરિકોની જનભાગીદારીથી તિરંગા યાત્રાનું સુરત ખાતે સફળ આયોજન કરવામાં આવ્યું હતું. વધુમાં ‘હર ઘર તિરંગા – હર ઘર સ્વચ્છતા’ કાર્યક્રમ અંતર્ગત રાજ્યભરની ૧.૨૦ લાખથી વધુ શાળા –કોલેજો મળીને ૨૨.૪૦ લાખથી વધુ વિદ્યાર્થીઓએ દેશભક્તિને રજૂ કરતી ચિત્રકલા, રંગોળી, પત્રલેખન, ક્વીઝ, વેશભૂષા, મહેંદીની સ્પર્ધામાં જોડાયા હતા.

 તિરંગા યાત્રાને વધુ સફળ બનાવવા માટે અંદાજિત 50 લાખથી વધુ તિરંગાનું રાજ્યભરમાં વિતરણ કરાયું

રાષ્ટ્રધ્વજના સન્માનમાં તા.૮થી ૧૫ ઓગસ્ટ દરમિયાન રાજ્યભરમાં ‘સ્વતંત્રતા સપ્તાહ’ ઉજવવામાં આવી રહ્યું છે. રાજ્યના નાગરિકોમાં રાષ્ટ્રધ્વજ, સ્વચ્છતા તેમજ દેશ પ્રત્યે વધુ રાષ્ટ્ર ભાવના આવે તે માટે ‘રાષ્ટ્રીય સ્વતંત્રતા પર્વ’ની ઉજવણી કરવામાં આવી રહી છે. ગુજરાતના તમામ જિલ્લાઓ અને મહાનગરપાલિકાઓમાં ‘હર ઘર તિરંગા’ કાર્યક્રમ અંતર્ગત તા.૦૮ થી ૧૨ ઓગસ્ટ ૨૦૨૫ સુધીમાં તિરંગા સાથે સેલ્ફી કાર્યક્રમમાં ૫.૪૫ લાખથી વધુ નાગરિકો, સ્વચ્છતા ડ્રાઈવમાં ૫.૩૭ લાખથી વધુ તેમજ તિરંગા યાત્રામાં ૧૬ લાખથી વધુ એમ કુલ મળીને ૨૬ લાખથી વધુ દેશભક્ત નાગરિકો જનભાગીદારીથી જોડાયા હતા.

અમૃતધારા કોમ્પલેક્ષસના ધાબા પરથી મળ્યો હતો મૃતદેહ

જેમાં બસ સ્ટેશન રોડ પર આવેલ અમૃતધારા કોમ્પલેક્ષસના ધાબા પરથી તા. 7 ઓગસ્ટના રોજ મહિલાનો મૃતદેહ મળી આવ્યો હતો. આ મૃતદેહને બી ડિવિઝન પોલીસ દ્વારા પીએમ માટે લઈ જવાયો હતો. અને તેના વાલી વારસો આવી જતા તેઓને મૃતદેહ સોંપાયો હતો. ત્યારબાદ મૃતકના પતિ પરિણીતાના મોબાઈલની શોધખોળ માટે બનાવના સ્થળે ગયા હતા. જયાં એક વ્યકિત તેઓને મળતા સમગ્ર બનાવ સામે આવ્યો હતો. આ વ્યકિતના જણાવાયા મુજબ ગત તા. 7મી ઓગસ્ટના રોજ રાતના 12-30 કલાકના અરસામાં મૃતકને કુંભારપરામાં રહેતો પ્રકાશ માલાભાઈ પરમાર કાખમાં ઉંચકીને કોમ્પલેક્ષસની છત પર લઈ ગયો હતો.  

સુરેન્દ્રનગર બી ડિવિઝન પોલીસ મથકે ફરિયાદ નોંધાવી પતિએ

સમગ્ર ઘટનાની વાત કરીએ તો એક શખ્સ મહિલાને ઉંચકીને ધાબા પર લઈ ગયો હતો અને ત્યારબાદ એક બાદ એક શખ્સે દુષ્કર્મ આચર્યુ છે અને 7 ઓગસ્ટના રોજ આ ઘટના બની હતી, સામૂહિક દુષ્કર્મ બાદ મહિલાનું મોત થયું હોવાની વાત સામે આવી છે, પોલીસે પોકસોની સાથે હત્યાની કલમ પણ ઉમેરી હોવાની વાત સામે આવી છે, સુરેન્દ્રનગર બી ડિવિઝન પોલીસ આ મામલે વધુ તપાસ કરી રહી છે, મહિલાના મૃતદેહને પીએમ માટે ખસેડાયો છે અને પીએમ થયા બાદ રીપોર્ટના આધારે વધુ માહિતી પોલીસને પણ મળી શકશે. 

સુરેન્દ્રનગરમાં પાંચ શખ્સોએ મહિલા સાથે ગેંગરેપ કર્યો અને મહિલાનું નિપજયું મોત

સુરેન્દ્રનગરમાં મળેલ મહિલાના મૃતદેહમાં મોટો ખુલાસો થયો છે, મહિલા સાથે દુષ્કર્મ થયું અને ત્યારબાદ મહિલાનું મોત થયું હોવાની વાત સામે આવી છે, પાંચ શખ્સોએ દુષ્કર્મ આચર્યાની ફરિયાદ નોંધાઇ છે અને બસ સ્ટેન્ડના એક બિલ્ડિંગમાંથી મળ્યો હતો મહિલાનો મૃતદેહ, પોલીસે દુષ્કર્મ અને હત્યાની કલમ ઉમેરી તપાસ હાથ ધરી છે, પ્રકાશ પરમાર અને જુમા બાદલણી સામે ફરિયાદ નોંધાઇ છે. 

શ્રાવણ માસ દરમિયાન શ્રી હનુમાન ચાલીસા પાઠ અનુષ્ઠાન દરરોજ પવિત્ર બ્રાહ્મણો દ્વારા કરવામાં આવે છે

પવિત્ર શ્રાવણ માસ દરમિયાન તા.25-07-2025 થી તા.28-08-2025 સુધી શ્રીકષ્ટભંજનદેવ હનુમાનજી મંદિર સાળંગપુરધામ દ્વારા અનેકવિધ કાર્યક્રમો અંતર્ગત દિવ્ય શણગાર - દર શનિવારે ફુટ અન્નકૂટ,છપન્ન ભોગ અન્નકૂટ, ચોકલેટ અન્નકૂટ,ડ્રાયફ્રુટ મીઠાઈ અન્નકૂટ જેવા અનેક દિવ્ય અન્નકૂટ- સવારે - સાંજે સંગીતમય સુંદરરકાંડ પાઠ-દૈનિક મારુતિ યજ્ઞ - ષોડશોપચાર પૂજન અને મહા સંધ્યા આરતી -રાજોપચાર પૂજન અને  મહા સંધ્યા આરતી - શ્રીકૃષ્ણ જન્મોત્સવ - દર સોમવારે શિવ સ્વરૂપ દિવ્ય શણગાર-શ્રીહરિ મંદિરમાં હિંડોળા દર્શનનું આયોજન કરવામાં  આવ્યું છે. શ્રાવણ માસ દરમિયાન શ્રી હનુમાન ચાલીસા પાઠ અનુષ્ઠાન દરરોજ પવિત્ર બ્રાહ્મણો દ્વારા કરવામાં આવે છે. સવારે 7 થી સાંજે 6 દરમિયાન કરવામાં આવે છે.

શ્રાવણ મહિનાના પવિત્ર રાંધણ છઠ્ઠના દિવસે શ્રીકષ્ટભંજન દેવ હનુમાનજીને વિશેષ શણગાર 

આજે કરાયેલા દાદાના શણગાર વિશે પૂજારી સ્વામીએ જણાવ્યું કે, શ્રાવણ મહિનાના પવિત્ર રાંધણ છઠ્ઠના દિવસે શ્રીકષ્ટભંજન દેવ હનુમાનજીને 1 હજાર કિલોથી વધુ વિવિધ શાકભાજીનો સિંહાસને શણગાર કરાયો છે. આ શાકભાજી વડોદરાના પાદરાથી ભક્તોએ મોકલ્યા છે. તો દાદાને શાકભાજીની થીમવાળા વિશેષ વાઘા પણ પહેરાવ્યા છે. આ વાઘા રાજકોટમાં એક ભક્તે એક અઠવાડિયાની મહેનતે બનાવ્યા છે. આ શણગાર કરતા 6 સંતો, પાર્ષદ અને ભક્તોને ચાર કલાકનો સમય લાગ્યો હતો. આ શાકભાજી ભક્તોને પ્રસાદ તરીકે વિતરણ કરાશે.

મૂળા વિગેરે  વિવિધ શાકભાજીનો શણગાર કરાયો

શ્રી શિક્ષાપત્રી લેખન એવં આચાર્યપદ સ્થાપન દ્વિશતાબ્દી મહોત્સવ વડતાલધામના ઉપક્રમે  સ્વામિનારાયણ મંદિર વડતાલધામ સંચાલિત સુપ્રસિદ્ધ યાત્રાધામ સાળંગપુરધામ શ્રીકષ્ટભંજનદેવ હનુમાનજી મંદિર ખાતે સ્વામી શ્રીહરિપ્રકાશદાસજી (અથાણાવાળા)ની પ્રેરણાથી તેમજ કોઠારી વિવેકસાગરદાસજી સ્વામીના માર્ગદર્શનથી શ્રાવણ માસના તારીખ 14-08-2025ને ગુરુવારના રોજ રાંધણ છઠ્ઠના પવિત્ર દિવસે સુરણ,રીંગણ,ટામેટા,શકરીયા,ગુવાર,દુધી,બીટ,મૂળા વિગેરે  વિવિધ શાકભાજીનો શણગાર કરાયો. એવં શાકભાજીની હાટડી છે. આજે સવારે 5:45 કલાકે શણગાર આરતી પૂજારી સ્વામી(અથાણાવાળા)દ્વારા કરવામાં આવી હતી. આ અનેરા દર્શનનો લાભ અનેક ભક્તોએ પ્રત્યક્ષ તેમજ ઓનલાઈન લઈ ધન્યતાનો અનુભવ કર્યો છે. 

શ્રીકષ્ટભંજન દેવ હનુમાનજીને 1 હજાર કિલોથી વધુ વિવિધ શાકભાજીનો શણગાર કરાયો 

શ્રાવણ માસના રાંધણ છઠ્ઠના દિવસે શ્રીકષ્ટભંજન દેવને 1 હજાર કિલોથી વધુ વિવિધ શાકભાજીનો શણગાર, રાજકોટમાં એક અઠવાડિયે તૈયાર થયેલા વિશેષ વાઘા હનુમાનજીને પહેરાવ્યા.

મોરબીમાં રખડતા ઢોરને લઈ હેલ્પલાઈન નંબર જાહેર કરાયો છે

મોરબી મહાનગરપાલિકા તંત્રના માર્ગદર્શન અનુસાર સોલિડ વેસ્ટ મેનેજમેન્ટ શાખા દ્વારા ડોર-ટુ-ડોર વેસ્ટ કલેક્શન તેમજ રખડતા ઢોરની ફરિયાદ માટે હેલ્પલાઈન નંબર 08222-220551 જાહેર કરવામાં આવ્યો છે. જેમાં જાહેર જનતા ફરિયાદ લખાવી શકે છે. તેમ ડેપ્યુટી મ્યુનિસિપલ કમિશનર (પ્રોજેક્ટ), મોરબી મહાનગરપાલિકાની યાદીમાં જણાવવામાં આવ્યું છે.

વડોદરાના વાઘોડિયામાં રખડતા ઢોરનો આતંક

વડોદરાના વાઘોડિયામાં રખડતા ઢોરનો આતંક સામે આવ્યો છે અને રખડતા ઢોરની અડફેટે બાઇકચાલકનું મોત થયું છે, બાઈકચાલક બાઈક લઈને જઈ રહ્યો હતો અને અચાનક ઢોર વચ્ચે આવી જતા અકસ્માત સર્જાયો હતો અને તેનું મોત થયું છે, ચીપડમાં એકલવ્ય સ્કૂલ પાસે અકસ્માત સર્જાયો છે અને રખડતા ઢોરે અડફેટે લેતા ગોપાલ સોલંકીનું મોત થયું છે, પાલિકાની ટીમની બેદરકારીના કારણે આ અકસ્માત થયો હોવાનો આક્ષેપ સ્થાનિકો કરી રહ્યાં છે. પોલીસે અકસ્માતે મોતનો ગુનો નોંધ્યો છે અને મૃતદેહને પીએમ માટે મોકલી આપ્યો છે, પીએમ થયા બાદ મૃતદેહ પરિજનોને સોંપવામાં આવશે.

વડોદરાના વાઘોડિયામાં રખડતા ઢોરે બાઈકચાલકને અડફેટે લેતા નિપજયું મોત 

વડોદરાના વાઘોડિયામાં રખડતા ઢોરનો આતંક ઓછો થયો નથી અને રખડતા ઢોરના કારણે એક બાઈકચાલકનું મોત થયું છે, રખડતા ઢોરના કારણે બાઈકચાલકનું મોત થતા સ્થાનિકોમાં પણ રોષની લાગણી જોવા મળી છે, ત્યારે નગરપાલિકાની બેદરકારી અને પશુપાલકની બેદરકારીના કારણે એક વ્યકિતનો જીવ ગયો છે. 

અનેક વાર R&B સ્ટેટ વિભાગને રજૂઆત કરી છતાં પણ કોઈ ઉકેલ નહી

જેને લઇ સ્થાનિકો તેમજ દુકાનદારો ત્રાહિમામ પોકારી ઊઠ્યા છે, માર્ગ અને મકાન સ્ટેટ વિભાગ ના અધિકારીઓને વારંવાર લેખિતમાં ફરિયાદ કરવા છતાં કોઈ જ કાર્યવાહી કરવામાં આવી નથી અંતે આ અંગે મુખ્યમંત્રીને પણ લેખિતમાં ફરિયાદ કરવામાં આવી છે તેના જવાબમાં મુખ્યમંત્રીએ ખેડા માર્ગ અને મકાન સ્ટેટ વિભાગના અધિકારીઓને વહેલી તકે આ સમસ્યાનું નિરાકરણ લાવવા માટે પણ સૂચન કર્યું છે તેમ છતાં મુખ્યમંત્રીના સૂચનને પણ અધિકારીઓ જાણે ઘોળીને પી ગયા હોય તેમ આજ દિન સુધી કોઈ જ નક્કર કાર્યવાહી કરી નથી અને સમસ્યા ઠેરની ઠેર છે. ત્યારે હવે જોવાનું એ રહેશે કે ક્યારે માર્ગ અને મકાન સ્ટેટ વિભાગના અધિકારીઓ ઘોર નિંદ્રામાંથી જાગે છે અને આ સમસ્યાનુ વહેલી તકે નિરાકરણ લાવે છે.

વરસાદ ન હોય ત્યારે પણ 24 કલાક ગટરનું ગંદુ પાણી ભરાયેલું રહે છે 

જેને કારણે આ તાલુકા પંચાયત કચેરીમા આવતા જતા લોકો આ ઉપરાંત તાલુકા પંચાયત હસ્તકનુ માધવલાલ શાહ શોપિંગ સેન્ટરની દુકાનોમાં આવતા ગ્રાહકોને ખૂબ જ હાલાકી પડી રહી છે.. જેમાં sbi તેમજ bobના ગ્રાહક સેવા કેન્દ્રો ઉપર દિવસના 250 થી 300 લોકો આવતા હોય છે, ઉપરાંત મચ્છરોનો ઉપદ્રવ પણ વધી ગયો છે તેને કારણે દુકાનદારોના ધંધામાં પણ ખૂબ જ મોટી અસર પડી રહી છે અને આ પરિસ્થિતિ જ્યારથી રોડ બન્યો છે ત્યારબાદ થી જ ઊભી થઈ છે હદ તો ત્યારે થઈ જ્યારે ભાડા ભરીને દુકાનમાં કટલરીનો ધંધો કરતી મહિલાઓએ પાણી ભરાઈ રહેવાને કારણે ગ્રાહકો ન આવતા હોવાથી રોડની સામેની બાજુ ફૂટપાથ ઉપર સ્ટોલ લગાવી લાઈટ પંખા વગર બળબળતા તાપમાં મજબૂરી વસાત ધંધો કરવો પડી રહ્યો છે.

છ મહિના પહેલા રોડ બનાવ્યો પણ પાણીની નથી ઉતરતા 

ખેડા શહેરથી માતર, લીંબાસીથી તારાપુર ને જોડતો રોડ અંદાજે છ મહિના પહેલા બનાવવામાં આવ્યો છે. જેમાં આ રોડ માતર વિધાનસભાના વડુ મથક માતર ગામમાંથી પસાર થાય છે જ્યાં તમામ સરકારી કચેરીઓ જેમાં માતર તાલુકા પંચાયત કચેરી, મામલતદાર કચેરી, માતર કોર્ટ, માતર પોલીસ સ્ટેશન, આરોગ્ય કેન્દ્ર સહિતની તમામ સરકારી કચેરીઓ આ મુખ્ય રસ્તા પર જ આવેલી છે. અને આ મુખ્ય રસ્તો આરસીસી બનાવવામાં આવ્યો છે પરંતુ રોડની બંને બાજુ આવેલી ચોકઅપ ગટરો અને પાણીના નિકાલ માટેની યોગ્ય વ્યવસ્થા ન હોવાને કારણે વરસાદ પડે ત્યારે વરસાદી પાણી તો ભરાય જ છે.

માતર-તારાપુર રોડ બનાવ્યો પણ પાણી નિકાલની વ્યવસ્થા નહીં, CMની સૂચનાને પણ ઘોળીને પી ગયું ખેડા R&B સ્ટેટ વિભાગ 

ખેડા જિલ્લા સ્ટેટ માર્ગ અને મકાન વિભાગ દ્વારા ખેડા તારાપુર ના બનાવવામાં આવેલ રોડની કામગીરીમાં અણધડ આયોજન સામે આવ્યું છે, તાલુકા પંચાયતની દુકાનોના દુકાનદારોએ ત્રાસીને મુખ્યમંત્રીને રજૂઆત કરી છતાં પણ સમસ્યાનો ઉકેલ નહીં. 

આરોગ્ય વિભાગ યોગ્ય ધ્યાન આપીને આ બિમારીને દૂર કરે તે જરૂરી છે

પાટણવાવ ગામમાં આ અજ્ઞાત જંતુના ડર અને દહેશતથી પાટણવાવ ગામમાં ભયનો માહોલ સર્જાયો છે, ત્યારે પરીવારજનો અને ગામના લોકોને આ અજ્ઞાત જંતુથી કંઈ રીતે બચવું એ મોટો પ્રશ્ન ઉપસ્થિત થયો છે ત્યારે વૃધ્ધ જીવરાજ ભાઈ માવજીભાઈ ભીમાણીનાં પરીવાર સરકાર અને આરોગ્ય વિભાગ પાસે માગ કરી રહ્યા છે કે, આ અજ્ઞાત જંતુ કરવાનાં દર્દીઓને હોસ્પિટલમાં જે ખર્ચ કરવામાં આવી રહયો છે તેનો ખર્ચ અને આ બિમારીને કારણે જે લોકો કે દર્દી ઓનાં મૃત્યુ પામનારને યોગ્ય સહાય કે વળતર ચૂકવવામાં આવે તેવી માંગ કરવામાં આવી હતી રાજકોટ જિલ્લા આરોગ્ય વિભાગ આ અજ્ઞાત રહસ્ય જંતુના ત્રાસ અને બિમારીને ડામવા માટે યોગ્ય આયોજન કરવામાં આવે એમ પણ જણાવ્યું હતું.

પગમાં જંતુ કરડી જાય છે અને ફોલ્લા પડે છે

રાજકોટ જિલ્લાના ધોરાજીના પાટણવાવ ગામમાં અજ્ઞાત રહસ્ય જંતુ કરડવાના બનાવો બન્યા બાદ બે દર્દીઓના મોત થયા બાદ આજરોજ ત્રીજુ મોત નિપજ્યું છે, ધોરાજીના પાટણવાવ ગામમાં અજ્ઞાત રહસ્ય જંતુ કરડી જવાથી ઘણા દર્દીઓને પગમાં સોજા ચડવા ફોલ્લા પડી જવા અને રસી થઈ જવાથી દર્દીઓને અસહ્ય દુખાવો થવો અને તાત્કાલિક હોસ્પિટલમાં દાખલ કરવામાં આવે છે અને આ ઘટનાની જાણ થતાં આરોગ્ય વિભાગ દોડતું થઇ ગયું હતું અને રસીના સેમ્પલ લઈને દવાઓ આપી અને આ બિમારી આગળ ન વધે તેવા પ્રયત્નો કર્યા બાદ પણ આરોગ્ય વિભાગ હજુ અજ્ઞાત રહસ્ય જંતુ કરડવાની ઘટનાને રોકી શકાય નથી.

ધોરાજીના પાટણવાવમાં અજ્ઞાત ઝેરી જંતુનો આતંક, ઝેરી જંતુ કરડવાથી અત્યાર સુધી 3 લોકોના મોત

રાજકોટ જિલ્લાના ધોરાજીના પાટણવાવ ગામમાં અજ્ઞાત જંતુ કરડવાથી વધુ એક વ્યક્તિનું મોત થયું હોવાની વાત સામે આવી છે, તો અત્યાર સુધીમાં 3 લોકોના ઝેરી જંતુ કરડવાથી મોત થયા હોવાની વાત સામે આવી છે, આરોગ્ય તંત્ર હજુ સુધી આ બિમારીને ડામવા માટે નિષ્ફળ હોય તેમ લાગી રહ્યું છે.

ધરોઇ ડેમમાં પાણીની જળ સપાટીમાં સતત વધારો 

ઉત્તર ગુજરાતના લોકો માટે રાહતના સમાચાર, ધરોઇ ડેમમાં પાણીની જળ સપાટી 618 ફૂટે પહોંચી, છેલ્લા 7 વર્ષમાં બીજી વખત સૌથી ઊંચી જળ સપાટી નોંધાઈ, કુલ ક્ષમતાના 87.39 ટકા ડેમ ભરાયો અને સિંચાઇ અને પીવાની પાણીની નહી રહે સમસ્યા.

પોલીસે ફરિયાદીની પૂછપરછ કરી તેમાં ફરિયાદી ભાંગી પડતા હકીકત આવી સામે

જસદણની મહેન્દ્ર અરવિંદ પટેલ આંગડીયા પેઢીમાં નોકરી કરતો અને ઢસા ગામે રહેતો જગદીશસિંહ ભરતસિંહ ચૌહાણ તેની ઓફિસના પાર્સલ મુકવા માટે રાજકોટ આવતો હતો તે દરમ્યાન જસદણની અન્ય આંગડીયા પેઢીમાંથી રાજકોટના પી.ઉમેશ આંગડીયા પેઢીના સુમીત પટેલને રૂ.૩૭ લાખ રાજકોટ આપવા માટે નિકળ્યો હતો.દરમ્યાન બપોરના સમયે અણીયારા ગામ પાસે પહોંચતા બ્લેક કલરની કારમાં ઘસી આવેલા ત્રણ અજાણ્યા શખસોએ તેની કારને આંતરી હથિયાર બતાવી રૂ.૩૭ લાખની લૂંટ ચલાવી નાશી ગયા હતા. તે દરમ્યાન ગભરાયેલા જગદીશસિંહ ચૌહાણે પરત આગળ ત્રંબા પાસે જઈ સુમીત પટેલને ફોન કરી બનાવ અંગે વાત કરી પોલીસને જાણ કરી હતી.

આંગડિયા પેઢીના કર્મચારી દ્વારા લૂંટનું તરકટ રચવામાં આવ્યું હોવાનો ખુલાસો 

રાજકોટ-ભાવનગર રોડ પર અંણીયા ગામે પાસે જસદણના આંગડીયા પેઢીના કર્મચારીની કાર આંતરી હથિયાર બતાવી ત્રણ શખસોએ રૂ.37 લાખની લૂંટ ચલાવી નાશી ગયાની જાણ થતા ડીસીપી, ક્રાઈમ બ્રાન્ચ, સ્થાનિક પોલીસ સહિતનો પોલીસ કાફલો ઘટના સ્થળે દોડી જઈ તપાસ કરતા આંગઢીયા પેઢીના કર્મચારી રાજકોટના વેપારીને પૈસા આપવા આવતો હતો તે દરમ્યાન આ બનાવ બન્યો હોવાનું રટણ કરતા પોલીસે શંકાના આધારે પુછતાછ કરતા પેઢીના કર્મચારીએ જ લૂંટનું નાટક રચ્યું હોવાનું બહાર આવતા પોલીસે આરોપીને સકંજામાં લઈ તેની વધુ પૂછતાછ કરી રોકડ કબજે કરવા તેમજ અન્ય આરોપીઓને પકડી લેવા કાર્યવાહી કરી હતી.

ત્રંબા પાસે 37 લાખની લૂંટની ફરિયાદ નકલી નીકળી,  પેઢીના કર્મચારીએ લૂંટનું તરકટ રચ્યું હોવાનો ખુલાસો

રાજકોટમાં આંગડિયા પેઢીમાં થયેલી લૂંટમાં મોટો ખુલાસો થયો છે, પેઢીના કર્મચારીએ લૂંટનું તરકટ રચ્યાનો ખુલાસો થયો છે, ત્રંબા પાસે 37 લાખની લૂંટની ફરિયાદ નકલી નીકળી છે, તો કર્મચારીએ ત્રણ લૂંટારું લૂંટ કરી ફરાર થયાનું તરકટ રચ્યું હતું અને પોલીસે ગણતરીના કલાકોમાં જ ભેદ ઉકેલી કાઢ્યો છે અને આંગડિયા પેઢીના કર્મચારી જગદીશ ચૌહાણની ધરપકડ કરાઈ છે. 

'તિરંગા યાત્રા' કાર્યક્રમનું રાજ્ય સરકાર દ્વારા આયોજન કરવામાં આવ્યું છે

અત્રે ઉલ્લેખનીય છે કે, ભારતની આઝાદીના ૭૯મા વર્ષમાં રાષ્ટ્ર નિર્માણની પ્રતિબદ્ધતા માટે ભારતીય રાષ્ટ્રધ્વજ એ સમગ્ર રાષ્ટ્ર માટે ગૌરવનું પ્રતીક છે. રાષ્ટ્રધ્વજના સન્માનમાં ૨થી ૧૫ ઓગસ્ટ સ્વતંત્રતા પખવાડિયા દરમ્યાન રાજ્યના લોકોમાં રાષ્ટ્રધ્વજ અને દેશ માટે ગર્વની ભાવના જાગે એ માટે રાષ્ટ્રીય સ્વતંત્રતા પર્વની ઉજવણીના ભાગરૂપે 'હર ઘર તિરંગા' તથા 'તિરંગા યાત્રા' કાર્યક્રમનું રાજ્ય સરકાર દ્વારા આયોજન કરવામાં આવ્યું છે. 

૩૦,૦૦૦થી વધુ લોકો તિરંગા યાત્રામાં સહભાગી થયા હતા

આ યાત્રામાં પોલીસ વિભાગની વિવિધ પ્લાટુન, એસ.આર.પી.ના જવાનો, પોલીસ બેન્ડ, ફાયરના જવાનો, વિવિધ શાળાઓનાં બાળકો, રમતવીરો, વિવિધ સમાજ લોકો અને આગેવાનો તથા ખૂબ જ મોટી સંખ્યામાં શહેરીજનો સહિત આશરે ૩૦,૦૦૦થી વધુ લોકો તિરંગા યાત્રામાં સહભાગી થયા હતા. અમદાવાદ મહાનગર પાલિકાના કુલ ૪ ટેબ્લો , 'સ્વચ્છ શહેર અમદાવાદ', ' ઓપરેશન સિંદૂર', ' ગૌ ગણેશ', 'મિશન ૪ મિલિયન ટ્રી' પણ આ તિરંગા યાત્રામાં જોવા મળ્યા હતા. 

મહાનગરપાલિકાના વિવિધ વિભાગના અધિકારીઓ - પદાધિકારીઓ પણ ઉપસ્થિત રહ્યા હતા

આ યાત્રાના રૂટ પર વિવિધ રાજ્યના સાંસ્કૃત્તિક ગ્રૂપો, શાળાના વિદ્યાર્થીઓ, યુવાનોએ પારંપરિક સાંસ્કૃતિક પહેરવેશમાં દેશભક્તિની રંગારંગ કૃતિઓ રજૂ કરી ‘તિરંગા પદયાત્રા’માં જોડાયેલા પદયાત્રીઓને ઉમળકાભેર આવકાર્યા હતા. આ તિરંગા યાત્રામાં ડીજેના તાલે 'મેરી શાન તિરંગા', 'મેરા મુલ્ક મેરા દેશ', 'વંદે માતરમ્', 'સારે જહાં સે અચ્છા', 'એ મેરે વતન કે લોગો' સહિતના ગીતોથી તિરંગા યાત્રા રૂટ પરના તમામ માર્ગો પર દેશભક્તિનો માહોલ ઉભો થયો હતો. આ તિરંગા યાત્રામાં અમદાવાદનાં મેયર પ્રતિભાબહેન જૈન, અમદાવાદ પૂર્વ અને પશ્ચિમના સાંસદ, અમદાવાદના ધારાસભ્યો, કાઉન્સિલર , અમદાવાદ મ્યુનિસિપલ કમિશનર બંછાનિધિ પાની, શહેર પોલીસ કમિશનર જી. એસ. મલિક, અમદાવાદ મહાનગરપાલિકાના વિવિધ વિભાગના અધિકારીઓ - પદાધિકારીઓ પણ ઉપસ્થિત રહ્યા હતા.

આ તિરંગા યાત્રાની ભવ્યતામાં વધારો થયો હતો

આ તિરંગા યાત્રા અમદાવાદના કુબેરનગર ખાતે આવેલી આદર્શ સ્કૂલથી શિવ નારાયણ સોસાયટી વિભાગ ૦૧ થઇ,  શિવાજીનગર, અમરાજીનગર ગલી નંબર ૦૪ અને ૦૫, અમરાજીનગર ગલી નંબર ૦૩, વિદ્યાનગર, સાવધાનનગર, રવિ રો-હાઉસ, રબારી વાસ, અરવિંદનગર થઇ રામેશ્વર સર્કલ પાસે  સમાપન થયું હતું. આ તિરંગા યાત્રામાં અમદાવાદ સ્કૂલ બોર્ડના બાળકો તેમજ શિક્ષકો ૨૧૫૧ ફૂટ લાબા તિરંગા સાથે નીકળ્યા હતા, જેનાથી આ તિરંગા યાત્રાની ભવ્યતામાં વધારો થયો હતો.

આર્થિક આઝાદી થકી તિરંગાનું સન્માન વધારવા મુખ્યમંત્રીએ અનુરોધ કર્યો હતો

આ અવસરે મુખ્યમંત્રી ભૂપેન્દ્ર પટેલે કહ્યું કે, વડાપ્રધાન નરેન્દ્ર મોદીએ આ વર્ષે  તિરંગા યાત્રામાં સ્વચ્છતાનો નવો આયામ ઉમેરીને સૌ નાગરિકોમાં દેશભક્તિની સાથે સાથે સ્વચ્છતા અંગે કર્તવ્યબદ્ધ થવા આહ્વાન કર્યું છે.  રાજ્ય સરકાર હર ઘર તિરંગા, હર ઘર સ્વચ્છતાને  સાથે સ્વતંત્રતા પર્વની ઉજવણી કરી રહ્યું છે. વડાપ્રધાનના લોકલ ફોર વોકલ અભિયાન અંગે વાત કરતા મુખ્યમંત્રીએ કહ્યું કે, હર ઘર તિરંગા અભિયાન નેશન ફર્સ્ટની ભાવના જનજનમાં જગાડે છે. એટલું  જ નહીં વડાપ્રધાન નરેન્દ્રભાઈ મોદીએ સૌ કોઈ દેશવાસીઓને સ્વદેશી વસ્તુ અપનાવવા અને લોકલ ફોર વોકલનો પણ મંત્ર આપ્યો છે. સ્વદેશી અપનાવીને આર્થિક આઝાદી થકી તિરંગાનું સન્માન વધારવા મુખ્યમંત્રીએ અનુરોધ કર્યો હતો.

આઝાદીના ૧૦૦મા વર્ષે વિકસિત ભારતના નિર્માણ માટે કર્તવ્યબદ્ધ અને સંકલ્પબદ્ધ થવાનું છે

આ અવસરે મુખ્યમંત્રી ભૂપેન્દ્ર પટેલે કહ્યું કે, દરેક ભારતીય માટે શાન અને ગૌરવના પ્રતીક આપણા તિરંગા પ્રત્યે આદર સન્માન જાગે તે માટે વડાપ્રધાન નરેન્દ્રભાઈ મોદીના નેતૃત્વમાં તિરંગા યાત્રા યોજાય છે, આજે આ અભિયાન સૌ માટે પ્રેરણાદાઈ બન્યું છે. સાથે સાથે તિરંગો સમગ્ર દેશના લોકોને એક કરે છે, એવું તેમણે ઉમેર્યું હતું. મુખ્યમંત્રીએ વધુમાં જણાવ્યું હતું કે તાજેતરમાં વડાપ્રધાન નરેન્દ્રભાઈના નેતૃત્વમાં દેશની સેનાએ ઓપરેશન સિંદૂર દ્વારા જે પરાક્રમ દેખાડ્યું  છે, તેના પરિણામે નાગરિકોમાં રાષ્ટ્રપ્રેમની ભાવના પ્રબળ બની છે. વડાપ્રધાનનું સ્પષ્ટ માનવું છે કે, તિરંગો લોકોને એક સાથે લાવે છે. આઝાદીના આંદોલન સમયે તિરંગો ફરકાવીને લોકો આઝાદી માટેની પ્રતિબદ્ધતા વ્યક્ત કરતા હતા, આજે આપણે તિરંગો ફરકાવીને આઝાદીના ૧૦૦મા વર્ષે વિકસિત ભારતના નિર્માણ માટે કર્તવ્યબદ્ધ અને સંકલ્પબદ્ધ થવાનું છે.

મુખ્યમંત્રી સહિત મંત્રીગણ અને મહાનુભાવો તિરંગા યાત્રામાં શહેરીજનો સાથે પગપાળા ચાલીને સહભાગી થયા હતા

રમત-ગમત, યુવક સેવા અને સાંસ્કૃતિક પ્રવૃતિઓના વિભાગ-ગાંધીનગર અને અમદાવાદ મહાનગરપાલિકા દ્વારા આયોજિત ‘ભવ.ય તિરંગા યાત્રા’ને તિરંગો લહેરાવી મુખ્યમંત્રી  ભૂપેન્દ્ર પટેલ, આરોગ્ય મંત્રી  ઋષિકેશભાઇ પટેલ, સહકાર અને ગ્રામોદ્યોગ રાજ્યમંત્રી જગદીશ વિશ્વકર્મા, ગૃહ રાજ્યમંત્રી હર્ષ સંઘવી સહિતના મહાનુભાવોએ પ્રસ્થાન કરાવ્યું હતું. સાથો સાથ મુખ્યમંત્રી સહિત મંત્રીગણ અને મહાનુભાવો તિરંગા યાત્રામાં શહેરીજનો સાથે પગપાળા ચાલીને સહભાગી થયા હતા. 

કુબેરનગર ખાતે આવેલી આદર્શ સ્કૂલથી મેઘાણીનગર રામેશ્વર સર્કલ સુધી ભવ્ય તિરંગા યાત્રા યોજાઈ

મુખ્યમંત્રી  ભૂપેન્દ્ર પટેલના અધ્યક્ષસ્થાને અમદાવાદમાં ભવ્ય ‘તિરંગા પદયાત્રા’ યોજાઈ હતી. સ્વાતંત્ર્ય સેનાનીઓના બલિદાન અને ત્યાગને યાદ કરીને લોકો મોટી સંખ્યામાં તિરંગા યાત્રામાં જોડાયા હતા. અમદાવાદના કુબેરનગર ખાતે આવેલી આદર્શ સ્કૂલથી મેઘાણીનગર રામેશ્વર સર્કલ સુધી  હજારો અમદાવાદીઓની ઉપસ્થિતિને કારણે સમગ્ર માહોલ તિરંગામય બન્યો હતો અને દેશભક્તિના રંગમાં સમગ્ર અમદાવાદ રંગાયું હતું.

હિંમતનગર-ખેડબ્રહ્મા નવી બ્રોડગેજ રેલ્વે લાઇનનું રેલવે સેફ્ટી કમિશનર દ્વારા નિરીક્ષણ

પશ્ચિમ રેલવે, અમદાવાદ ડિવિઝનના હિંમતનગર-ખેડબ્રહ્મા ગેજ કન્વર્ઝન પ્રોજેક્ટ હેઠળ નવી બનેલી બ્રોડગેજ લાઇનનું રેલવે સેફ્ટી કમિશનર દ્વારા 14 ઓગસ્ટ 2025 ના રોજ નિરીક્ષણ કરવામાં આવશે. નિરીક્ષણ દરમિયાન, આ સેક્શન પર ટ્રેનને વધુ ઝડપથી ચલાવવામાં આવશે. સામાન્ય જનતાને સલામતી માટે રેલવે ટ્રેકથી યોગ્ય અંતર જાળવવા વિનંતી કરવામાં આવે છે. ચાલવું, બેસવું કે રેલ્વે ટ્રેક ક્રોસ કરવો એ માત્ર જીવલેણ જ નહીં પરંતુ કાયદા દ્વારા સજાને પાત્ર પણ છે.

રદ કરાયેલી ટ્રેનો (Cancelled Trains)

01-ટ્રેન નંબર ૧૨૯૦૫ પોરબંદર-શાલીમાર દ્વિ-સાપ્તાહિક સુપરફાસ્ટ ૨૭.૦૮.૨૦૨૫ ના રોજ રદ (Cancel) રહેશે.

02-ટ્રેન નંબર ૧૨૯૦૬ શાલીમાર-પોરબંદર દ્વિ-સાપ્તાહિક સુપરફાસ્ટ ૨૯.૦૮.૨૦૨૫ ના રોજ રદ રહેશે.

રેલવે બ્લોકના કારણે લેવાયો નિર્ણય

દક્ષિણ પૂર્વ મધ્ય રેલવેના વિલાસપુર ડિવિઝનના રાયગઢ-ઝારસુગુડા સેક્શનમાં ચોથી લાઇનને કનેક્ટિવિટી પૂરી પાડવા સંબંધિત કામ માટે બ્લોક લેવામાં આવ્યો છે. આ બ્લોકને કારણે, ભાવનગર ડિવિઝનના પોરબંદર સ્ટેશનથી ચાલતી પોરબંદર-શાલીમાર દ્વિ-સાપ્તાહિક સુપરફાસ્ટ ટ્રેન ૨૭ ઓગસ્ટ, ૨૦૨૫ ના રોજ રદ રહેશે. ભાવનગર ડિવિઝનના સિનિયર ડિવિઝનલ કોમર્શિયલ મેનેજર અતુલ કુમાર ત્રિપાઠીના જણાવ્યા અનુસાર, અસરગ્રસ્ત ટ્રેનની વિગતવાર વિગતો નીચે મુજબ છે.

27 અને 28 ઓગસ્ટની પોરબંદર–શાલીમાર સુપરફાસ્ટ ટ્રેન રદ રહેશે

વિલાસપુર ડિવિઝનમાં એન્જિનિયરિંગ કાર્ય માટે બ્લોક લેવામાં આવ્યો હોવાથી 27 ઓગસ્ટની પોરબંદર-શાલીમાર સુપરફાસ્ટ ટ્રેન રદ કરવામાં આવી છે. ઉપરોક્ત ટ્રેનના સમય, સ્ટોપેજ અને સંરચના અંગે વિગતવાર માહિતી માટે, મુસાફરો કૃપા કરીને વેબસાઇટ www.enquiry.indianrail.gov.in ની મુલાકાત લઈ શકે છે.

વાહન ચાલકો માટે આટલા રસ્તા ખૂલ્લા રહેશે

(૧) ચાણક્ય બિલ્ડિંગ ચોકથી શ્રોફ રોડ, ટ્રાફિક શાખા, રૂડા બિલ્ડિંગ જામનગર રોડથી ગાંધીગ્રામ તરફ જઈ શકાશે. શ્રોફ રોડ, ચાણક્ય બિલ્ડિંગ ચોકથી ફુલછાબ ચોકથી જિલ્લા પંચાયત ચોકથી કિસાનપરા ચોક આમ્રપાલી અંડરબ્રિજથી રૈયારોડ તરફ અવર-જવર કરી શકાશે. (૨) મેળા દરમિયાન તમામ ભારે વાહનો માટે રેસકોર્સ રિંગરોડ પર પ્રવેશબંધી રહેશે. (૩) ખાનગી લકઝરી બસો મહિલા અંડરબ્રિજથી ટાગોર રોડ થઈને જઈ શકશે.

લોકમેળાના કારણે આ 8 રસ્તા વાહનો માટે બંધ રહેશે

રેસકોર્સ રિંગરોડ જિલ્લા પંચાયત ચોકથી બહુમાળી ભવન ચોક, પોલીસ હેડ ક્વાર્ટર સર્કલ, (૧) જુની એન.સી.સી. ચોક, આમ્રપાલી અન્ડરબ્રિજ સુધી તમામ વાહનો માટે પ્રવેશ-બંધ અને બંને બાજુ નો પાર્કિંગ રહેશે. (૨) ટ્રાફિક શાખાથી પોલીસ હેડ ક્વાર્ટર સુધી. (૩) સી.આઈ.ડી ક્રાઈમથી રૂરલ એસ.પી.ના બંગલા સુધી. (૪) સુરજ-૧ એપાર્ટમેન્ટથી લોકમેળાના મુખ્ય ગેટ સુધી તમામ વાહનો માટે પ્રવેશબંધી રહેશે. (૫) ચાણક્ય બિલ્ડિંગ ચોકથી ફુલછાબ ચોક, જિલ્લા પંચાયત ચોક સુધી નો પાર્કિંગ રહેશે. (૬) રેસકોર્સ રિંગરોડ ફરતે લારી-ગલ્લા, પાથરણા, રેકડી રાખવાની સખત મનાઈ છે. (૭) વિશ્વા ચોકથી જુની એન.સી.સી. ચોક સુધી તમામ વાહનો માટે પ્રવેશબંધી તથા બંને બાજુ નો પાર્કિંગ રહેશે. (૮) મહિલા અંડરબ્રિજથી કિસાનપરા ચોક સુધી ખાનગી લકઝરી બસો માટે પ્રવેશબંધી રહેશે.

સૌરાષ્ટ્રના સૌથી મોટા લોકમેળાનો આજે થશે પ્રારંભ  

સૌરાષ્ટ્રના સૌથી મોટા રાજકોટના જન્માષ્ટમીના પાંચ દિવસીય 'શૌર્યનું સિદૂર' લોકમેળાનું આજે રાંધણછઠ્ઠથી રાજકોટના પ્રભારી મંત્રીના હસ્તે લોકાર્પણ થનાર છે. પાંચ દિવસમાં આઠ લાખથી વધુની જનમેદની ઉમટી પડનાર હોય મેળામાં ભીડને નિયંત્રણ કરવા સૌ પ્રથમવખત આર્ટીફિશ્યલ ઈન્ટેલીજન્સ (AI)નો ઉપયોગ કરવામાં આવશે. મેળામાં કોઈ કચાશ રહે નહીં તે માટે આજે કલેક્ટર સહિતના ઉચ્ચ અધિકારીઓ દ્વારા ચેકીંગ હાથ ધરવામાં આવ્યું હતું અને તેમાં મોકડ્રીલ પણ કરવામાં આવી હતી. મેળાનો પ્રારંભ થાય તે પૂર્વે કોન્ટ્રાક્ટર દ્વારા સ્ટોલ ધારકો પાસેથી મંડપનું બેફામ ભાવ પડાવાતા હોવાની ફરિયાદ કલેક્ટરને કરવામાં આવી હતી.

રાજકોટમાં આજથી 5 દિવસ મોજે મોજ, શોર્યનું સિંદૂર લોકમેળાનો આજથી થશે પ્રારંભ  

રાજકોટમાં આજે સાંજથી લોકમેળાનો પ્રારંભ થશે, લોકમેળાને કૃષિમંત્રી રાઘવજી પટેલ ખૂલ્લો મૂકશે અને 14 થી 18 ઓગસ્ટ સુધી જન્માષ્ટમીનો લોકમેળો યોજાશે, ભીડને કંટ્રોલ કરવા 5 રસ્તા પર નો-એન્ટ્રી રહેશે, 14 સ્થળોએ ફ્રી પાર્કિંગ અને પાર્કિંગમાં CCTV રહેશે, આ મેળામાં 2 DCP, 3 ACP, 15 PI સુરક્ષામાં તૈનાત રહેશે અને મેળામાં 2,000થી વધુ પોલીસની સુરક્ષા રહેશે. મેળામાં 16 વોચ ટાવર અને ડ્રોનથી રખાશે નજર. 

ભરૂચ એલસીબી પોલીસે પિસ્તોલ અને કારતૂસ ઝડપી પાડ્યા છે 

ભરૂચનો લિસ્ટેડ બુટલેગર હનીફ ઉર્ફે હન્નુ દિવાન પાસેથી લોડેડ પિસ્તોલ અને જીવતા બે કારતૂસ મળ્યા છે, પોલીસે નવાબ ઉર્ફે નબ્બુના ઘરે દરોડો પાડી 46 વિદેશી દારૂની બોટલો પણ ઝડપી પાડી છે, પોલીસે કુલ મળીને એક થાર ગાડી, એક પિસ્તોલ, બે જીવતા કારતૂસ અને ચાર મોપેડ મળી 13.72 લાખનો મુદ્દામાલ જપ્ત કર્યો છે, હનીફ ઉર્ફે અન્નુ દિવાન, નવાબ ઉર્ફે નબ્બુ દિવાન અને આદિત્ય વસાવાની અટકાયત કરી છે, આરોપી કોઈ મોટી બબાલ કરે અથવા તો કોઈ ગુનાને અંજામ આપે તે પહેલા પોલીસે ધરપકડ કરી લીધી છે.

ભરૂચમાં બુટલેગર પાસેથી પિસ્તલ અને બે કારતૂસ મળ્યા

ભરૂચમાં બુટલેગર પાસેથી પિસ્તલ અને બે કારતૂસ મળ્યા છે, હનીફ ઉર્ફે અન્નુ દિવાન પાસેથી મળી પિસ્તલ અને કારતૂસ, પોલીસે આ કેસમાં હનીફ ઉર્ફે અન્નુ દિવાન, નવાબ ઉર્ફે નબ્બુ દિવાન, અને આદિત્ય વસાવાને ઝડપી પાડયો છે, પોલીસે કુલ 13.72 લાખનો મુદ્દામાલ જપ્ત કર્યો છે, આ કેસમાં રાધે, રાહુલ અને સુરતનો અનિલ ગામીત વોન્ટેડ જાહેર કરવામાં આવ્યો છે. 

ભરૂચમાં બુટલેગર પાસેથી લોડેડ પિસ્તલ અને જીવતા કારતૂસ મળી આવ્યા 

ભરૂચમાં બુટલેગર પાસેથી દારૂ નહી પણ જીવતા કારતૂસ અને લોડેડ કરેલી પિસ્તલ મળી આવી છે, પિસ્તલ પાસે બે કારતૂસ મળ્યા છે અને પોલીસે 3 લોકોને ઝડપી પાડયા છે, ભરૂચ એલસીબી પોલીસને આ મામલે બાતમી મળી હતી અને બાતમીના આધારે કાર્યવાહી કરી છે, ત્યારે આ કેસમાં પિસ્તલ કયાંથી લાવ્યા તે દિશામાં પોલીસે તપાસ શરૂ કરી છે. 

તા. ૧૧ થી ૧૪ ઓગસ્ટ સુધી દરિયો નહીં ખેડવા IMD દ્વારા જણાવાયું છે

ગુજરાતમાં નોંધપાત્ર વરસાદના પરિણામે જગતના તાત‌‌ એવા ખેડૂતો દ્વારા અત્યાર સુધીમાં સરેરાશ કુલ ૮૨.૩૫ ટકા વિસ્તારમાં ખરીફ –ચોમાસું વાવેતર કરવામાં આવ્યું છે. જેમાં સૌથી વધુ ૨૦ લાખ હેક્ટરમાં મગફળીનું વાવેતર જ્યારે બીજા ક્રમમાં ૨.૬૫ લાખ હેક્ટરમાં સોયાબીન જ્યારે ત્રીજા ક્રમમાં ૨.૬૪ લાખ હેક્ટર વિસ્તારમાં મકાઈનું વાવેતર કરવામાં આવ્યું છે. તેમ, કૃષિ વિભાગની યાદીમાં જણાવાયું છે. ગુજરાતના માછીમારોને તા. ૧૧ થી ૧૪ ઓગસ્ટ સુધી દરિયો નહીં ખેડવા IMD દ્વારા જણાવાયું છે. હાલની સ્થિતિમાં ગુજરાતના તમામ ગામોમાં વીજ પુરવઠો તેમજ એસ.ટી બસના તમામ ૧૪,૫૯૮ રૂટ પર ૪૦,૨૬૪ ટ્રીપ કાર્યરત છે.

અત્યાર સુધીમાં સરેરાશ 64 ટકાથી વધુ વરસાદ નોંધાયો

રાજ્યમાં ચાલુ ચોમાસું સિઝનમાં સાર્વત્રિક વરસાદના પરિણામે અત્યાર સુધીમાં સરેરાશ 64 ટકાથી વધુ વરસાદ નોંધાયો છે. જેમાં સૌથી વધુ 68.79 ટકાથી વધુ વરસાદ દક્ષિણ રિજિયનમાં જ્યારે પૂર્વ-મધ્યમમાં 66.54 ટકા, ઉત્તર ગુજરાતમાં 66.21 ટકા, કચ્છમાં 65.13 ટકા જ્યારે સૌરાષ્ટ્રમાં 56.31 ટકા સરેરાશ વરસાદ નોંધાયો છે. સરદાર સરોવર સિવાય રાજ્યના કુલ 206 ડેમમાંથી ૫૨ ડેમ હાઈએલર્ટ એટલે કે 70 થી 100 ટકા વચ્ચે ભરાયા છે. જ્યારે 25 ડેમ એલર્ટ પર તેમજ 26 ડેમ વોર્નિંગ પર મૂકવામાં આવ્યા છે.

રાજ્યમાં સાર્વત્રિક હળવાથી મધ્યમ વરસાદની આગાહી 

ગુજરાતમાં હળવાથી મધ્યમ વરસાદની આગાહી હવામાન વિભાગ દ્વારા કરવામાં આવી છે, અરવલ્લી, મહીસાગર, દાહોદ, પંચમહાલ, વડોદરા, સુરત, તાપી, છોટાઉદેપુર, ભરૂચ, નર્મદા, ડાંગ, નવસારી, વલસાડમાં ભારે વરસાદની આગાહી કરવામાં આવી છે.

ગુજરાતમાં એક સાથે 4 વરસાદી સિસ્ટમ થઈ સક્રિય, 19 ઓગસ્ટ સુધી ભારે વરસાદની આગાહી 

રાજ્યમાં 19 ઓગસ્ટ સુધી વરસાદની આગાહી હવામાન વિભાગ દ્વારા કરવામાં આવી છે, આજથી રાજ્યભરમાં વરસાદનું જોર વધશે અને 14 થી 19 ઓગસ્ટ સુધી ભારે વરસાદની આગાહી હવામાન વિભાગ દ્વારા કરવામાં આવી છે, વરસાદની ચાર સિસ્ટમ સક્રિય થતા ભારે વરસાદની આગાહી કરવામાં આવી છે. 

ભાજપ નેતા ભીખુભાઈ દલસાણીયાના બે વોટર લિસ્ટ

ગાંધીનગર દક્ષિણ અને બિહારની મતદાર યાદીમાં નામ, દલસાણીયાએ 2024ની લોકસભા ચૂંટણીમાં કર્યું હતું વોટિંગ, બિહાર ભાજપના સંગઠન મહામંત્રી છે ભીખુ દલસાણીયા.

વલસાડ મામલતદાર કચેરીનો રાઇટર લાંચ લેતા ઝડપાયો

રાઈટર આશિષ પટેલ 11000ની લાંચ લેતા ઝડપાયો, સોલવન્સી સર્ટિફિકેટ કઢાવવા માટે માંગી હતી લાંચ, આરોપીની ધરપકડ કરી ACBએ વધુ તપાસ હાથ ધરી.

રાજયના વેરા અધિકારીઓની મોટા પાયે બદલી

28 સહાયક વેરા કમિશનર વર્ગ 1ની બદલી, 30 વેરા અધિકારી વર્ગ-2ની બઢતી સાથે બદલી, રાજ્યના નાણા વિભાગ દ્વારા કરાયા આદેશ.

જૂનાગઢના વિજાપુર ગામમાં સિંહની લટાર

મોડી રાત્રે સિંહ ગામમાં આવી ચડ્યો, સિંહ અને ગાય આવી ગયા આમને સામને, ગામમાં ફરતા સિંહના CCTV આવ્યા સામે.

પાકિસ્તાનમાં સ્વતંત્રતા દિવસની ઉજવણીમાં ફાયરિંગ

ફાયરિંગમાં 3 લોકોના મોત, 60થી વધુ લોકો ઘાયલ, કરાચીમાં કરાયું હતું સ્વતંત્રતા દિવસની ઉજવણીનું આયોજન.

દિલ્હી-NCRમાં રખડતા કૂતરાઓ મુદ્દે SCમાં સુનાવણી

નવી બેન્ચ આજે કેસની સુનાવણી કરશે, કેસને ત્રણ ન્યાયાધીશોની રચાયેલી બેન્ચને સોંપાયો, કૂતરાઓને શેલ્ટર હોમમાં રાખવા અગાઉ SCએ નિર્દેશ કર્યો હતો.