Gujarat Live News : સામાન્ય વરસાદમાં અમદાવાદના વેજલપુરમાં જળબંબાકાર જેવી સ્થિતિ

જૂનાગઢમાં જાહેર રસ્તા ઉપર મારામારી

જૂનાગઢમાં મહિલાની છેડતી બાબતે જાહેર રસ્તા ઉપર  બે શખ્સો બાખડયા હતાં. ઝાંઝરડા ચોકડી ઉપર મહિલાની છેડતી બાબતે મારામારી થઈ હતી. ટ્રાફિક પોલીસે બંને શખ્સોને છૂટા પાડ્યા હતાં. જાહેરમાં મારામારીના વીડિયો વાયરલ થયા હતાં.  

આવાસના મકાનો ભાડે આપી દેનારા 7 લોકોને નોટીસ અપાઈ

અમદાવાદમાં આવાસના મકાનો ભાડે આપી દેવાની અનેક ઘટનાઓ પ્રકાશમાં આવી છે. ઘર વિહોણા લોકો માટે સરકાર અને મહાનગર પાલિકા દ્વારા આવાસો બાંધી આપ્યા છે. આ મકાનો કેટલાક લાભાર્થીઓ દ્વારા ભાડે આપી દેવામાં આવ્યા છે. મહાનગર પાલિકાના હાઉસિંગ સેલ એસ્ટેટ વિભાગ દ્વારા આવા ગેરકાયદેસર રહેતા 174 લોકોને નોટિસ ફટકારાઈ છે. આ ઉપરાંત પાંચ મકાનોને સીલ મારી દેવામાં આવ્યું છે અને સાત લોકોને નોટીસ આપી ખુલાસો માંગવામાં આવ્યો છે. 

જામનગરમાં ગંભીરા બ્રિજ દુર્ઘટના બાદ વહીવટી તંત્ર જાગ્યું

જામનગરમાં ગંભીરા બ્રિજ દુર્ઘટના બાદ વહીવટી તંત્ર જાગ્યું. માર્ગ સલામતી માટે જિલ્લાના વિવિધ પુલોનું માર્ગ અને મકાન વિભાગ ગાંધીનગરની વિશેષ ટીમ દ્વારા નિરીક્ષણ હાથ ધરવામાં આવ્યું.આ ટીમ દ્વારા જિલ્લાના તમામ પુલોનું નિરીક્ષણ કરી અને ત્યારબાદ સરકારને આ પુલ બાબતે રિપોર્ટ કરવામાં આવશે. 

ગંભીરા બ્રિજ અકસ્માત બાદ વલસાડ જિલ્લા તંત્ર એલર્ટ

ગંભીરા બ્રિજ અકસ્માત બાદ વલસાડ જિલ્લાનું તંત્ર એલર્ટ થઈ ગયું છે. નેશનલ હાઈવે 56 પરના 4 બ્રિજ અવરજવર માટે બંધ કરાયા છે. વલસાડ શહેરથી લાલપોરને જોડતો બ્રિજ બંધ કરવામાં આવ્યો છે. વાપી નજીક આવેલ દેગામ ખાડીનો બ્રિજ, કોકલ નદીનો, માન અને તાન નદીનો બ્રિજ અને પાર નદીનો બ્રિજ સ્ટેબિલિટી ચેક થાય ત્યાં સુધી બંધ કરાયો છે.

વાપી નજીક હાઇવે પર એકસાથે 7 કાર અથડાઇ

વાપી નજીક હાઈવે પર એક સાથે સાત કાર અથડાતા અકસ્માત સર્જાયો છે. વલસાડ જિલ્લાના વાપી સલવાવ નજીક હાઇવે પર અકસ્માતની ઘટના સર્જાઈ છે. વાહનો માં બેસેલ લોકીને નાની મોટી ઈજાઓ પહોંચી છે.

અમદાવાદ પોલીસ કમિશ્નરનું સન્માન કરાયું

અમદાવાદમાં ભગવાન જગન્નાથની 148મી રથયાત્રા શાંતિપૂર્ણ માહોલમાં પૂર્ણ થતા જગન્નાથ મંદિર ટ્રસ્ટે અમદાવાદ પોલીસ કમિશનર જી એસ મલિકનું સન્માન કર્યું હતું.  બંદોબસ્તમાં તૈનાત રહેનાર JCP , DCP, ACPનું પણ સન્માન કરાયું હતું. રથયાત્રા જે વિસ્તારમાંથી નીકળે છે તે વિસ્તારના PIનું પણ સન્માન કરાયું હતું. જમાલપુર ધારાસભ્ય ઇમરાન ખેડાવાળા તેમજ અમદાવાદ શહેર મેયરનું પણ સ્વાગત કરાયું હતું.  

રાજકોટમાં વૃદ્ધની હત્યામાં ચોંકાવનારો ખુલાસો

રાજકોટમાં એક વૃદ્ધની ઘાતકી હત્યાની ઘટનાથી સનસનાટી મચી જવા પામી હતી. રૈયાધાર શાંતિનગરમાં રહેતા વૃદ્ધની અજાણ્યા શખ્સોએ હત્યા કરી હોવાનો બનાવ સામે આવ્યો હતો.સમગ્ર મામલે પોલીસ હત્યારાને શોધવા તજવીજ હાથ ધરી હતી. પોલીસની તપાસમાં આ હત્યા વૃદ્ધના સગા ભાણીયાએ કરી હોવાનું સામે આવ્યું છે. વૃદ્ધની હત્યામાં ચોંકવનારો ખુલાસો થયો છે. સગા ભાણેજે વ્યાજ ભરવા માટે નાનાની હત્યા કરી નાંખી હતી.  પોલીસ હત્યારા ભાણેજને ઝડપી વધુ તપાસ હાથ ધરી છે.

ખાડાના કારણે પ્રથમવાર NHAIના અધિકારીને દંડ

ગુજરાતમાં ભારે વરસાદને કારણે અનેક ઠેકાણે મોટા મોટા ખાડા પડી ગયાં છે. ખાડાના કારણે અનેક અકસ્માતો સર્જાઈ રહ્યાં છે. જેમાં લોકોના મોત થયા હોવાની પણ ઘટનાઓ સામે આવી રહી છે. રાજ્ય સરકારે અધિકારીઓને તાત્કાલિક રોડ રિસરફેસ અને ખાડા પૂરવા માટે આદેશ કર્યો છે. ત્યારે ખાડાના કારણે પ્રથમવાર નેશનલ હાઈવે ઓથોરિટી ઓફ ઈન્ડિયાના અધિકારીને દંડ ફટકારવામાં આવ્યો છે. 

આવતીકાલે જાહેર થશે પૂરક પરિક્ષાનું પરિણામ

ગુજરાત શિક્ષણ બોર્ડ દ્વારા લેવાયેલ ધોરણ 12ની પૂરક પરીક્ષાનું આવતીકાલે 12 જુલાઈ 2025ના રોજ પરિણામ જાહેર થશે. વિદ્યાર્થીઓ સવારે 8.00 વાગ્યાથી બોર્ડની વેબસાઈટ પર પરિણામ જોઈ શકશે. આ ઉપરાંત વોટ્સએપ નંબર 6357300971 પર પોતાનો બેઠક ક્રમાંક મોકલીને પરિણામ મેળવી શકશે.  

રાજકોટ મનપા કચેરી ખાતે સંકલનની બેઠક

રાજકોટ મનપા કચેરી ખાતે સંકલનની બેઠકમાં મેયરે ખરાબ રોડ રસ્તા મામલે અધિકારીઓનો લીધો ઉધડો લીધો હતો. છેલ્લા કેટલાય સમયથી રાજકોટમાં રસ્તા ખરાબ છે. રોડ મુદ્દે સ્થાનિકોએ ભ્રષ્ટાચારના આક્ષેપ કર્યા છે. ચોમાસામાં પણ રોડ રસ્તાના કામ થઇ રહ્યા હતા. સ્ટેન્ડિંગ ચેરમેન જયમીન ઠાકરે અધિકારીઓને ઝાટક્યા હતાં.અધિકારીઓને કામ પૂર્ણ કરવાની ડેડલાઇન આપવા કહ્યું હતું. 

વડોદરામાં બે રીઢા ચેઇન સ્નેચર ઝડપાયા

વડોદરામાં બે રીઢા ચેઈન સ્નેચર ઝડપાયા છે. મંગળસુત્ર અને ચેઈન પહેરનારને ટાર્ગટ કરતા હતાં. ટુ વહીલર પર સવાર થઇ સ્નેચિંગ કરતા હતા. ઓળખ છુપાવવા નકલી વિગ પહેરતા હતા. પોલીસે સોનુસીંગ અને જસપાલસિંહની ધરપકડ કરી વધુ કાર્યવાહી હાથ ધરી છે. 

અમદાવાદના કેટલાક વિસ્તારમાં વરસાદ

અમદાવાદના કેટલાક વિસ્તારોમાં ધોધમાર વરસાદ શરૂ થયો છે. શહેરના પશ્ચિમ વિસ્તારમા વરસાદ શરૂ થયો છે. યુનિવર્સિટી , વિજય ચાર, ગુલબાઈ ટેકરા, પાંજરાપોળ વિસ્તારમાં વરસાદ ખાબક્યો છે. ત્રણ દિવસના વિરામ બાદ વરસાદની ફરી એન્ટ્રી થઈ છે 

અમદાવાદમાં આધેડે સાબરમતી નદીમાં ઝંપલાવ્યું

અમદાવાદમાં આધેડે સાબરમતી નદીમાં ઝંપલાવ્યું હતું. ફાયર અને સ્થાનિકોએ આધેડનું રેસ્ક્યુ કર્યું હતુ. નદીમાં ઝંપલાવનાર આધેડના હાથની નસ કપાયેલી હતી. આ આધેડ ધોળકાના રહેવાસી હોવાનું જાણવા મળ્યું છે. આધેડને સારવાર અર્થે હોસ્પિટલ ખસેડાયા છે. 

દ્વારકામાં બોટ બિલિંગ કૌભાંડનો પર્દાફાશ, SOG દ્વારા 56 થી વધુ આરોપીઓની ધરપકડ

દ્વારકા જિલ્લામાં દરિયાઈ સુરક્ષા માટે SOG પોલીસે બોટ રજીસ્ટ્રેશન અને લાયસન્સ કૌભાંડનો પર્દાફાશ કર્યો છે, જેમાં બનાવટી દસ્તાવેજોનો ઉપયોગ કરીને જૂની બોટને નવી દર્શાવી રજીસ્ટ્રેશન અને લોન-સબસિડી મેળવવામાં આવતી હતી. આ કૌભાંડમાં અત્યાર સુધીમાં 56 થી વધુ આરોપીઓની ધરપકડ કરાઈ છે, જેમાં બોટ માલિકો, ખાનગી એજન્ટો અને કેટલાક નિવૃત્ત GMB અધિકારીઓ પણ સામેલ છે. ભાવનગર અને અલંગની બનાવટી પેઢીઓ દ્વારા નકલી બિલ અને GST નંબરનો ઉપયોગ થતો હતો. આ પ્રવૃત્તિથી માત્ર સરકારી યોજનાઓનો દુરુપયોગ જ નહીં, પરંતુ જૂની અને બિનસલામત બોટથી લોકોના જીવ પણ જોખમમાં મુકાતા હતા. ઓખા મરીન પોલીસ સ્ટેશનમાં ગુનો નોંધાઈ ગયો છે અને વધુ તપાસ ચાલુ છે.

વાંચો 06 વાગ્યા સુધીના મહત્વના સમાચાર

1. Gurugram: મુંબઇ એક્સપ્રેસ વે પર પુલ પરથી નીચે પડ્યો ટ્રક.. ટ્રકમાં ભડકો થતા બળીને ખાખ

2. Business News: 200 દવાઓની કિંમત જલદી જ થશે સસ્તી, યાદીમાં સામેલ છે આ તમામ નામ

3. Gandhinagar: કંડકટર કક્ષાના 2320 અને પાણી પુરવઠા વિભાગના 144 ઉમેદવારોને નિયુક્તિ પત્રો અપાયા

4. Weather : મધ્યપ્રદેશ-રાજસ્થાનમાં વરસાદનું ઓરેન્જ એલર્ટ, હિમાચલમાં 200 રસ્તાઓ બંધ કરાયા

5. Gujarat News: વાંકાનેરના ધારાસભ્ય જીતુ સોમાણીએ આપી ચેલેન્જ, ગોપાલ ઈટાલિયા મોરબીમાંથી ચૂંટણી જીતે તો રાજીનામું આપીશ

6. World News: બાંગ્લાદેશના Prime Minister હવે નહી કહેવાય SIR, યૂનુસ સરકારે કેમ લીધો નિર્ણય?

7. Ahmedabad News: શહેરના શેલામાં કૃપાલ બચપન નામની બિલ્ડિંગની સેફ્ટી વોલ ધરાશાયી

8. Sabarkantha News: પોશીનામાં આંબામહુડા ગામમાં 50 વર્ષ જૂનો વોટર વર્ક્સ તૂટી પડતા 9 વર્ષના બાળકનું મોત

9. Banaskantha News : ટેકનિકલ ટીમ સાથે બનાસકાંઠા કલેક્ટરે રતનપુર-મેરવાડા બ્રિજનું સ્થળ નિરીક્ષણ કર્યું

10. Ahmedabad News: ગંભીરા બ્રિજ દુર્ઘટના બાદ શહેરના બ્રિજોની તપાસ માટે અધિકારીઓ દોડતા થયાં

દ્વારકામાં બોટ બિલિંગ કૌભાંડનો પર્દાફાશ, SOG દ્વારા 56 થી વધુ આરોપીઓની ધરપકડ

દ્વારકા જિલ્લામાં દરિયાઈ સુરક્ષા માટે SOG પોલીસે બોટ રજીસ્ટ્રેશન અને લાયસન્સ કૌભાંડનો પર્દાફાશ કર્યો છે, જેમાં બનાવટી દસ્તાવેજોનો ઉપયોગ કરીને જૂની બોટને નવી દર્શાવી રજીસ્ટ્રેશન અને લોન-સબસિડી મેળવવામાં આવતી હતી. આ કૌભાંડમાં અત્યાર સુધીમાં 56 થી વધુ આરોપીઓની ધરપકડ કરાઈ છે, જેમાં બોટ માલિકો, ખાનગી એજન્ટો અને કેટલાક નિવૃત્ત GMB અધિકારીઓ પણ સામેલ છે. ભાવનગર અને અલંગની બનાવટી પેઢીઓ દ્વારા નકલી બિલ અને GST નંબરનો ઉપયોગ થતો હતો. આ પ્રવૃત્તિથી માત્ર સરકારી યોજનાઓનો દુરુપયોગ જ નહીં, પરંતુ જૂની અને બિનસલામત બોટથી લોકોના જીવ પણ જોખમમાં મુકાતા હતા. ઓખા મરીન પોલીસ સ્ટેશનમાં ગુનો નોંધાઈ ગયો છે અને વધુ તપાસ ચાલુ છે.

અમદાવાદમાં આવાસના 5 મકાન સીલ, મૂળ માલિકને બદલે અન્ય લોકો રહેતા હોવાનો ખુલાસો

અમદાવાદમાં આવાસ યોજના હેઠળ ફાળવાયેલા મકાનોનો દુરુપયોગ સામે આવ્યો છે. મકરબા વિસ્તારમાં આવેલા આવાસના 5 મકાનોને સીલ કરવામાં આવ્યા છે. તપાસમાં સામે આવ્યું છે કે આ મકાનોમાં મૂળ માલિકોને બદલે અન્ય લોકો ગેરકાયદેસર રીતે રહેતા હતા. આ કાર્યવાહી બાદ, આવા 7 લોકોને નોટિસ પાઠવીને ખુલાસો માંગવામાં આવ્યો છે. આ ઘટના મકાન ફાળવણીમાં થતા ભ્રષ્ટાચાર અને નિયમોના ભંગને ઉજાગર કરે છે, અને તંત્ર દ્વારા આવા વધુ કિસ્સાઓમાં કડક કાર્યવાહી કરવામાં આવે તેવી શક્યતા છે.

મોરબીમાં ધારાસભ્યોની "ચેલેન્જ"ની રાજનીતિ વધુ ગરમાઈ, જીતુ સોમાણીએ ગોપાલ ઇટાલીયાને ફેંક્યો ખુલ્લો પડકાર!

મોરબીમાં ધારાસભ્યો વચ્ચેની "ચેલેન્જ"ની રાજનીતિ હવે વધુ એક વળાંક પર પહોંચી છે. પૂર્વ ધારાસભ્ય કાંતિ અમૃતિયા બાદ હવે વાંકાનેરના ધારાસભ્ય જીતુ સોમાણીએ આમ આદમી પાર્ટીના નેતા ગોપાલ ઇટાલીયાને સીધો પડકાર ફેંક્યો છે. જીતુ સોમાણીએ ગોપાલ ઇટાલીયાને ખુલ્લી ચેલેન્જ આપતા કહ્યું છે કે, "ઇટાલીયા સોમવારે અધ્યક્ષ સમક્ષ રાજીનામું આપે અને મોરબીમાં ચૂંટણી લડી બતાવે." સોમાણીએ શરત મૂકી છે કે, "જો ઇટાલીયા મોરબીની ચૂંટણી જીતે તો જીતુ સોમાણી પોતાના વાંકાનેરના ધારાસભ્ય પદ પરથી રાજીનામું આપી દેશે." સોમાણીએ આકરા શબ્દોમાં ઇટાલીયાને આહ્વાન આપ્યું છે કે, "ચૂંટણી લડવાની તાકાત હોય તો આવી જાવ." આ ઘટનાક્રમથી મોરબીનું રાજકારણ વધુ ગરમાયું છે, અને આગામી દિવસોમાં આ "ચેલેન્જ" રાજનીતિ કયો વળાંક લે છે તે જોવું રસપ્રદ રહેશે.

ચૈતર વસાવાને વધુ જેલવાસ, જામીન પરનો નિર્ણય સોમવારે

'લાફા કાંડ'માં જેલવાસ ભોગવી રહેલા ચૈતર વસાવાને હજુ જેલમાં જ રહેવું પડશે. તેમની જામીન અરજી પરની દલીલો પૂર્ણ થઈ ગઈ છે, પરંતુ કોર્ટ દ્વારા આ અંગેનો નિર્ણય સોમવારે આપવામાં આવશે. ત્યાં સુધી ચૈતર વસાવાએ જેલમાં જ રહેવું પડશે.

ગંભીરા બ્રિજ દુર્ઘટના બાદ અરવલ્લી તંત્ર સફાળું જાગ્યું, જર્જરિત બ્રિજનું નિરીક્ષણ કરાયું

પાદરાના ગંભીરા બ્રિજ દુર્ઘટના બાદ અરવલ્લી જિલ્લાનું તંત્ર સફાળું જાગ્યું છે. આ ઘટનાથી બોધપાઠ લઈને અરવલ્લી માર્ગ અને મકાન વિભાગની ટીમ દ્વારા જિલ્લાના જર્જરિત બ્રિજનું નિરીક્ષણ હાથ ધરવામાં આવ્યું છે. આ અંતર્ગત માલપુર અને મેઘરજ તાલુકાના પાંચ જેટલા બ્રિજની તપાસ કરવામાં આવી છે. ખાસ કરીને, મેઘરજના રેલ્લાવાડા ખાતે આવેલી મેશ્વો નદી પરના બ્રિજની પણ ટીમ દ્વારા ઝીણવટભરી તપાસ કરવામાં આવી હતી. આ નિરીક્ષણનો હેતુ આવા જર્જરિત બ્રિજોને કારણે ભવિષ્યમાં કોઈ દુર્ઘટના ન બને તેની ખાતરી કરવાનો છે.

રાજકોટના રસ્તાની ખરાબ હાલત, મેયર ભડક્યા, અધિકારીઓને લીધા આડે હાથ!

રાજકોટ મનપા કચેરી ખાતે યોજાયેલી સંકલન બેઠકમાં મેયરે ખરાબ રોડ-રસ્તાના મુદ્દે અધિકારીઓનો ઉધડો લીધો હતો. છેલ્લા ઘણા સમયથી રાજકોટમાં રસ્તાઓની હાલત દયનીય છે, જેને કારણે સ્થાનિકો દ્વારા ભ્રષ્ટાચારના આક્ષેપો પણ કરવામાં આવી રહ્યા છે. આશ્ચર્યજનક રીતે, ચોમાસા દરમિયાન પણ રોડ-રસ્તાના કામો ચાલી રહ્યા હતા, છતાં પરિસ્થિતિમાં સુધારો જોવા મળ્યો નથી. મેયરના આ આકરા વલણથી અધિકારીઓમાં દોડધામ મચી ગઈ છે અને આગામી સમયમાં રસ્તાઓની ગુણવત્તા સુધારવા માટે દબાણ વધ્યું છે.

Narmada : ચૈતર વસાવા લાફા કાંડ, સોશિયલ મીડિયા પર અભદ્ર ટિપ્પણી બદલ ફરિયાદ

ચૈતર વસાવા સાથે સંકળાયેલો "લાફા કાંડ" હવે સોશિયલ મીડિયા સુધી પહોંચ્યો છે. આ ઘટના બાદ ચૈતર વસાવા વિરુદ્ધ મહિલાઓ દ્વારા એક રેલી કાઢવામાં આવી હતી, પરંતુ આ રેલીમાં ગયેલી મહિલાઓ અને ખાસ કરીને સાગબારા તાલુકા પંચાયતના પ્રમુખ સામે સોશિયલ મીડિયા પર અભદ્ર ભાષા અને ટિપ્પણીઓનો ઉપયોગ કરવામાં આવ્યો હતો. આ બાબતને ગંભીરતાથી લઈને મહિલાઓએ ડેડીયાપાડા પોલીસ સ્ટેશનમાં સોશિયલ મીડિયા પર અભદ્ર ભાષા વાપરનારાઓ સામે ફરિયાદ નોંધાવી છે.

રાજકોટ રામવન : રૂપિયા 14 કરોડનું 'ઉજ્જડ' વન, મૂર્તિઓ તૂટી, મનપાની બેદરકારી આવી સામે

રાજકોટનું 14 કરોડના ખર્ચે 47 એકરમાં બનેલું રામવન, જે 17 ઓગસ્ટ, 2022 ના રોજ ખુલ્લું મુકાયું હતું, તે હાલ ઉજ્જડ બન્યું છે. માત્ર ત્રણ વર્ષમાં જ રામવનમાં મુકવામાં આવેલી મૂર્તિઓ તૂટી ગઈ છે અને તેના કલર પણ ઉડી ગયા છે, જે મનપાની જાળવણી બાબતે બેદરકારી સૂચવે છે. આ અંગે મેયરે જણાવ્યું છે કે, 22 મૂર્તિઓને ફરીથી કલર કરવામાં આવશે અને તૂટેલી મૂર્તિઓનું પણ રીપેરિંગ કરાશે. તેમણે ચોમાસાને કારણે કલર ન થઈ શક્યો હોવાનું બહાનું આપ્યું હતું. ઉલ્લેખનીય છે કે, રામવનનું શરૂઆતના ત્રણ વર્ષનું સંચાલન એક ખાનગી કંપનીના હાથમાં હતું, તેમ છતાં આ દયનીય સ્થિતિ સર્જાઈ છે.

Morbi : ધારાસભ્યોની "ચેલેન્જ" પર કથિરીયા ભડક્યા, લોકશાહીની મજાક ગણાવી

મોરબીમાં ધારાસભ્યો વચ્ચેની "ચેલેન્જ"ની રાજનીતિએ ગુજરાતના રાજકારણમાં ગરમાવો લાવ્યો છે, ત્યારે પાટીદાર નેતા અલ્પેશ કથિરીયાએ આ મુદ્દે આકરા પ્રહારો કર્યા છે. કથિરીયાએ સ્પષ્ટ શબ્દોમાં જણાવ્યું કે ધારાસભ્યોએ લોકોના કામ કરવા પર ધ્યાન આપવું જોઈએ અને આવી "ખોટી બાબતો" ઊભી કરવી એ લોકશાહીનું અપમાન છે. તેમણે બંને ધારાસભ્યોની વાતોને "લોકશાહીમાં એક મજાક" ગણાવી અને ભારપૂર્વક કહ્યું કે "ધારાસભ્યની ગરીમા બંનેએ જાળવવી જોઈએ."

શેલામાં કૃપાલ બચપન નામની બિલ્ડિંગની સેફ્ટી વોલ ધરાશાયી

ગુજરાતમાં વડોદરાના પાદરામાં ગંભીરા બ્રિજની દુર્ઘટના બાદ અન્ય વિસ્તારોમાં પણ બ્રિજની તપાસ શરૂ કરી દેવાઈ છે. આ ઘટના હજુ ચર્ચામાં છે ત્યાં જ અમદાવાદમાં બિલ્ડિંગની સેફ્ટિ વોલ ધરાશાયી થઈ છે. શહેરના શેલા વિસ્તારમાં એક બિલ્ડિંગની સેફ્ટી વોલ ધરાશાયી થઈ હોવાનો વીડિયો પણ સામે આવ્યો છે. આ સ્થળ પર મોટી દુર્ઘટના ટળી છે. 

માર્ગ અને મકાન વિભાગ રાજ્ય તથા પંચાયત વિભાગને નિર્દેશો આપ્યા

પાલનપુર પ્રાંત અધિકારી કમલ ચૌધરી સહિતના અધિકારીઓ અને ટેકનિકલ ટીમ દ્વારા વડગામ તાલુકામાં આવેલા સિસરાણા - ચિત્રોડા બ્રિજનું સ્થળ નિરીક્ષણ કર્યું હતું. ઉલ્લેખનીય છે કે, જિલ્લા કલેક્ટરે ગઈકાલે જિલ્લામાં આવેલા તમામ બ્રિજ, નાળા અને ઓવરપાસ જેવા પુલોનું તાત્કાલિક સ્ટ્રક્ચરલ સેફ્ટી ઓડિટ કરવા માટે નેશનલ હાઇવે ઓથોરિટી, માર્ગ અને મકાન વિભાગ રાજ્ય તથા પંચાયત વિભાગને નિર્દેશો આપ્યા હતા. 

ભારે વાહનોના પ્રતિબંધ બાબતે પણ પ્રક્રિયા હાથ ધરાઇ 

જિલ્લા કલેક્ટરે જણાવ્યું કે, બનાસકાંઠામાં માર્ગ અને મકાન વિભાગ સ્ટેટના અંદાજે ૪૭, પંચાયત વિભાગના ૨૮ તથા રેલ્વેના ૨૪ સહિત સમગ્ર જિલ્લામાં નાના મોટા કુલ ૧૪૯ બ્રિજના ઇન્સ્પેક્શન માટે અલગ અલગ ટીમોનું ગઠન કરાયું છે. આ ટીમો દ્વારા સ્થળ નિરીક્ષણ અને સેફ્ટી ઓડિટ હાથ ધરાશે. તેમણે જણાવ્યું કે, ઇકબાલગઢ સ્થિત આવેલા ખારા બ્રીજ ખાતે મરામતની જરૂરિયાત હોઈ ભારે વાહનોના પ્રતિબંધ બાબતે પણ પ્રક્રિયા હાથ ધરાઇ છે. 

જુલાઈ ૨૦૨૫ના અંત સુધીમાં નવો બ્રિજ બનાવવા વર્ક ઓર્ડર આપવામાં આવશે

જિલ્લા કલેકટર મિહિર પટેલએ ટેકનિકલ ટીમ સાથે નેશનલ હાઈવે નંબર ૫૮ રતનપુર - મેરવાડા સ્થિત બ્રિજનું સ્થળ નિરીક્ષણ કર્યું હતું. તેમણે જણાવ્યું કે, પ્રાથમિક દૃષ્ટિએ અત્યારે આ બ્રિજ ક્રિટિકલ હાલતમાં નથી તેવું જાણવા મળ્યું છે. ડિઝાઇન સર્કલની ટીમ દ્વારા વિશેષ ટેકનિકલ ઓડિટ કર્યા બાદ આગળની કાર્યવાહી હાથ ધરાશે. સરકારશ્રી દ્વારા રતનપુર - મેરવાડા ખાતે નવીન બ્રીજ બનાવવા મંજૂરી અપાઈ હતી. ટેન્ડર પ્રક્રિયા પૂર્ણ થઈ ચૂકી છે. જુલાઈ ૨૦૨૫ના અંત સુધીમાં નવો બ્રિજ બનાવવા વર્ક ઓર્ડર આપવામાં આવશે. 

ટેકનિકલ ટીમ સાથે બનાસકાંઠા કલેક્ટરે રતનપુર-મેરવાડા બ્રિજનું સ્થળ નિરીક્ષણ કર્યું

તાજેતરમાં ગંભીરા પુલ દુર્ઘટનાને ધ્યાને લઈને મુખ્યમંત્રી ભૂપેન્દ્રભાઈ પટેલના દિશા નિર્દેશો હેઠળ બનાસકાંઠા જિલ્લા કલેકટર મિહિર પટેલ દ્વારા તકેદારીના ભાગરૂપે જિલ્લામાં અલગ અલગ ટીમો બનાવી વિવિધ પુલોનું નિરીક્ષણ તથા સેફ્ટી ઓડિટ હાથ ધરાયું છે. આગામી એક મહિનામાં તમામ બ્રિજનું સેફ્ટી ઓડિટ પૂર્ણ કરી સરકારને રિપોર્ટ સબમિટ કરાશે.

અમદાવાદના ઇન્કમટેક્સ બ્રિજના પોપડા ખર્યા

બ્રિજની નીચેના સળિયા બહાર આવ્યા, સંદેશના રિયાલિટી ચેકમાં બેદરકારી બહાર આવી, R & Bની ગાઇડલાઇન મુજબ કામ થતું હોવાનો દાવો, AMCએ ઇન્કમટેક્સ બ્રિજ રિપેરિંગને લઇ કર્યો દાવો, દર વર્ષે કામ થતું હોય તો આવી બેદરકારી કેમ?

સચિવ અને અધિકારીઓ રહ્યાં હાજર 

તેમણે જાપાન-ભારત-ગુજરાતના સંબંધોનો સેતુ વાણિજ્ય-ઔદ્યોગિક અને સાંસ્કૃતિક આદાન-પ્રદાનથી વધુ મજબુત કરવાની નેમ પણ દર્શાવી હતી. આ સૌજન્ય મુલાકાત બેઠકમાં મુખ્યમંત્રીના અધિક મુખ્ય સચિવ એમ. કે. દાસ, ઉદ્યોગના અગ્ર સચિવ મમતા વર્મા, મુખ્યમંત્રીના અધિક અગ્ર સચિવ અવંતિકા સિંઘ અને ગુજરાતમાં જાપાનના ઓનરરી કાઉન્સેલ મુકેશ પટેલ પણ ઉપસ્થિત રહ્યા હતા.

પરસ્પર સહકારથી વધુ ગતિ લાવવાની હિમાયત આ બેઠકમાં કરી હતી

જાપાનના રાજદૂતે સેમિકન્ડક્ટર સેક્ટરમાં શ્રેષ્ઠ ઇકો સિસ્ટમ કઈ રીતે ઊભી થઈ શકે તે માટે જાપાનની મિઝુહો બેન્ક દ્વારા ધોલેરા અને જાપાનના સેમીકોન પાર્કમાં સર્વે કરવામાં આવી રહ્યો છે તેની પણ વિગતો આપી હતી. મુખ્યમંત્રીએ આ સર્વેમાં રાજ્ય સરકારના સંબંધિત વિભાગોના સહયોગની તત્પરતા વ્યક્ત કરતા ઉમેર્યું કે, સેમીકોન ઇન્ડસ્ટ્રીઝના ઉજ્જવળ ભવિષ્ય અને ગુજરાતને સેમિકન્ડકટર હબ બનાવવામાં આ સર્વે  ઉપયુક્ત બનશે. જાપાન રાજદૂત શ્રીયુત કેઈચીએ ગુજરાતમાં EV ઉત્પાદન માટે જાપાનની કંપનીઝની ઉત્સુકતા દર્શાવવા સાથે અમદાવાદ-મુંબઈ હાઈસ્પીડ રેઈલ કોરીડોર-બુલેટ ટ્રેન પ્રોજેક્ટમાં પણ પરસ્પર સહકારથી વધુ ગતિ લાવવાની હિમાયત આ બેઠકમાં કરી હતી. 

માનવ સંસાધન વિકાસ માટેની સુવિધાઓ વધુ સંગીન બનાવે

જાપાનની ઘણી સેમીકોન કંપની ધોલેરામાં રોકાણો માટે ઉત્સુક છે તે માટે ગુજરાત સરકાર ઇન્ડસ્ટ્રીયલ ઇન્ફ્રાસ્ટ્રક્ચર, સોશિયલ ઇન્ફ્રાસ્ટ્રકચર અને માનવ સંસાધન વિકાસ માટેની સુવિધાઓ વધુ સંગીન બનાવે તેવો અનુરોધ તેમણે મુખ્યમંત્રીશ્રીને કર્યો હતો. મુખ્યમંત્રી ભૂપેન્દ્ર પટેલે આ સંદર્ભમાં જણાવ્યું કે, રાજ્ય સરકાર સેમિકન્ડક્ટર સેક્ટરને વિશેષ અગ્રતા આપે છે. એટલું જ નહીં, નિશ્ચિત સમયાવધિમાં જરૂરી બધી જ વર્લ્ડ ક્લાસ ઇન્ફ્રાસ્ટ્રક્ચર ફેસિલિટીઝ પૂરી પાડવાના સંકલ્પ સાથે કામ કરી રહી છે. 

સેમિકન્ડક્ટર ક્ષેત્રે જાપાનની નિપૂણતાનો ગુજરાતને લાભ મળે

વાઇબ્રન્ટ ગુજરાત ગ્લોબલ સમિટમાં પણ જાપાનની સહભાગીતાનો ઉલ્લેખ કરતા શ્રી ભૂપેન્દ્ર પટેલે જણાવ્યું કે, વડાપ્રધાન શ્રીનરેન્દ્રભાઈ મોદી અને જાપાનના તત્કાલિન વડાપ્રધાન શ્રી શીન્ઝો આબેની ઉપસ્થિતિમાં ગાંધીનગરમાં ઈન્ડો-જાપાન એન્યુઅલ સમિટ 2017 દરમિયાન થયેલા સમગ્ર MOU ફળીભુત થયા છે. જાપાનના રાજદૂતે ખાસ કરીને ધોલેરા SIRમાં સેમીકોન ઇન્ડસ્ટ્રીઝના વિકાસની ભૂમિકા આપતા કહ્યું કે, સેમિકન્ડક્ટર ક્ષેત્રે જાપાનની નિપૂણતાનો ગુજરાતને લાભ મળે તેવી તેમની નેમ છે. 

જાપાન માટે ગુજરાત સેકન્ડ હોમ છે

ભારત જાપાન ફ્રેન્ડશીપના ૫૦ વર્ષ પૂર્ણ થઈ રહ્યા છે ત્યારે જાપાન ગુજરાત સાથેના સંબંધોનો સેતુ વધુ સુદ્રઢ કરવા ઈચ્છુક છે. એટલું જ નહિ,  ગુજરાતમાં ૩૫૦થી વધુ જાપાનીઝ કંપનીઝ કાર્યરત છે અને રાજ્ય સરકાર દ્વારા તેમને જે સહયોગ મળી રહ્યો છે તે પણ પ્રશંસનીય છે તેમ શ્રીયુત ઓનો કેઈચીએ જણાવ્યુ હતું. મુખ્યમંત્રી ભૂપેન્દ્ર પટેલે કહ્યું કે, જાપાન માટે ગુજરાત સેકન્ડ હોમ છે ગુજરાતમાં બે જાપાન ટાઉનશીપ, જાપાનીઝ રેસ્ટોરન્ટ અને જાપાનીઝ ઉદ્યોગોને સાનુકૂળ વાતાવરણ પૂરું પાડ્યું છે. 

ભૂપેન્દ્ર પટેલની ગાંધીનગરમાં શુભેચ્છા મુલાકાતે ભારતમાં જાપાનના રાજદૂત શ્રીયુત ઓનો કેઈચી આવ્યા

મુખ્યમંત્રી ભૂપેન્દ્ર પટેલની સૌજન્ય મુલાકાત ભારતમાં જાપાનના રાજદૂત શ્રીયુત ઓનો કેઈચીએ જાપાનના મિનિસ્ટર ઓફ ઇકોનોમિક એન્ડ ડેવલપમેન્ટ કોયોકો હોકુગો સાથે ગાંધીનગરમાં લીધી હતી. જાપાનના રાજદૂત ગુજરાતની ત્રણ દિવસની મુલાકાત દરમિયાન ગુરુવારે ધોલેરા SIR તથા અમદાવાદમાં ૧૫૦ જેટલા અગ્રણી ઉદ્યોગ-રોકાણકારો સાથેની બેઠક બાદ મુખ્યમંત્રીશ્રીને શુક્રવારે મળ્યા હતા. 

સાંસદે સરકારમાં રજૂઆત કરી તાત્કાલિક ધોરણે રૂપિયા ૪૦ કરોડ મંજૂર કરાવ્યા  

સાબરકાંઠાના પ્રાંતિજ હિંમતનગર તેમજ શામળાજી વિસ્તારમાંથી અમદાવાદથી દિલ્હી જવાનો નેશનલ હાઇવે નંબર 48 પસાર થાય છે જોકે હજી કેટલી જગ્યાએ ઓવરબ્રિજ બનતા હોવાના પગલે સર્વિસ રોડ ઉપર સતત વરસાદથી વ્યાપક ખાડાઓ સર્જાયા છે, જેના પગલે પ્રતિ દિવસ પસાર થઈ રહેલા હજારો લોકોને બરાબર સમસ્યાઓ સર્જાઇ રહી છે, ત્યારે સાબરકાંઠા જિલ્લા લોકસભા સાંસદ શોભનાબેન બારૈયાએ કેન્દ્ર સરકારમાં રજૂઆત કરી તાત્કાલિક ધોરણે રૂપિયા ૪૦ કરોડ મંજૂર કરાવે છે જેનાથી સર્વિસ રોડ ઉપર સર્જાયેલા ખાડાઓને તાત્કાલિક દૂર કરવામાં આવશે જેનાથી પ્રતિ દિવસ હજારો સમસ્યાઓથી પીડાતા વાહન ચાલકોને મુક્તિ મળશે જોકે કેન્દ્ર સરકાર દ્વારા હજુ બનાવવામાં આવશે તો પ્રતિ દિવસ હતી સમસ્યાઓમાંથી મુક્તિ મળશે તે નક્કી છે.

Sabarkanthaમાં ખાડાઓની મરામત માટે 40 કરોડ મંજૂર થયા 

સાબરકાંઠામાંથી પસાર થતા નેશનલ હાઈવે પર સતત વરસાદના પગલે સર્વિસ રોડ ઉપર વ્યાપક ખાડા નિર્માણ પામ્યા છે ત્યારે સાબરકાંઠા તેમજ અરવલ્લી લોકસભા સાંસદે કેન્દ્રમાં રજૂઆત કરી તાત્કાલિક ધોરણે રૂપિયા ૪૦ કરોડ મંજૂર કરાવી સર્વિસ રોડને ફરીથી તૈયાર કરાવવા જહમત આદરી છે જેના પગલે સ્થાનિકોને પારાવાર મુશ્કેલીથી આવનારા સમયમાં મુક્તિ મળશે તે નક્કી છે. 

સાબરકાંઠાના પોશીનામાં બાળકનું કરૂણ મોત

આંબામહુડા ગામમાં વોટર વર્ક્સ તૂટતા દુર્ઘટના, 50 વર્ષ જૂનો વોટર વર્ક્સ તૂટી પડતા બાળક દટાયું, દુર્ઘટનામાં 9 વર્ષીય બાળક કલ્પેશ પરમારનું મોત, વરસાદ પડતા બાળક વોટર વર્ક્સ નીચે ઉભો હતો, ગ્રામજનોએ ખખડધજ ઢાંચો હટાવવાની કરી માગ.

થાળી વગાડી રોડ ચકાજામ કર્યો

મોરબીના રવાપર ગામે મહિલાઓએ થાળી વગાડી રોડ ચક્કાજામ કર્યો છે, રોડ અને પ્રાથમિક સુવિધાને લઈ રોડ ચક્કાજામ કરવામાં આવ્યો છે, રવાપર ગામની રામ સેતુ સોસાયટીમાં પ્રાથમિક સુવિધાનો અભાવ હોવાથી રોડ ચક્કાજામ કર્યો છે, મહિલાઓનું કહેવું છે કે, ધારાસભ્ય દુર્લભજી દેથરિયા સ્થળ પર આવી પ્રશ્ન હલ કરે તો રોડ ખાલી કરવામાં આવશે. 

Morbiના રવાપર ગામે મહિલાઓએ થાળી વગાડી કર્યો ચક્કાજામ

મોરબીના રવાપર ગામે મહિલાઓએ વિરોધ કર્યો છે, મહિલાઓએ થાળી વગાડી કર્યો ચક્કાજામ કેમકે, પ્રાથમિક સુવિધાના અભાવને લઇ વિરોધ, કરી ધારાસભ્યને આપી ચીમકી આપી છે, સ્થાનિકોનું કહેવું છે કે, સમસ્યા હલ કરો તો જ રોડ છોડીશું નહીતર આંદોલન કરીશું તેવી ચીમકી પણ ઉચ્ચારી છે,જડેશ્વરથી વાંકાનેર જતા રોડ પર કર્યો ચક્કાજામ. 

ઇજાગ્રસ્તોની સારવાર માટે જરૂરી તમામ સુવિધાઓ અને સંસાધનો પૂરા પાડવામાં આવશે

આરોગ્ય મંત્રી ઋષિકેશ પટેલે ઇજાગ્રસ્તો સાથે સંવાદ કરતા જણાવ્યું હતું કે, રાજ્ય સરકાર આ દુર્ઘટનાથી પ્રભાવિત થયેલા તમામની પડખે મજબૂતીથી ઊભી છે. ઇજાગ્રસ્તોને તાત્કાલિક અને યોગ્ય તબીબી સહાય પૂરી પાડવામાં આવી રહી છે, અને તેમના ઝડપી સ્વસ્થ થવા માટે તમામ શક્ય પ્રયાસો કરવામાં આવશે. મંત્રીએ એસ.એસ.જી. હોસ્પિટલના તબીબો અને નર્સિંગ સ્ટાફ સાથે પણ વાતચીત કરી હતી અને ઇજાગ્રસ્તોને અપાતી સારવાર અંગે વિગતવાર માહિતી મેળવી હતી. તેમણે ખાતરી આપી હતી કે ઇજાગ્રસ્તોની સારવાર માટે જરૂરી તમામ સુવિધાઓ અને સંસાધનો પૂરા પાડવામાં આવશે.

વડોદરા ખાતે ગંભીરા બ્રિજ દુર્ઘટનાના ઇજાગ્રસ્તોની મુલાકાતે આરોગ્ય મંત્રી ઋષિકેશ પટેલ

વડોદરા જિલ્લાના પાદરા તાલુકાના મુજપુરથી ગંભીરાને જોડતા બ્રિજ તૂટવાની દુર્ઘટનામાં ઇજાગ્રસ્ત થયેલા નાગરિકોની ગુજરાત રાજ્યના આરોગ્ય મંત્રી ઋષિકેશ પટેલે આજે વડોદરા શહેરની એસ.એસ.જી. હોસ્પિટલ ખાતે રૂબરૂ મુલાકાત લીધી હતી. આ મુલાકાત દરમિયાન, મંત્રીશ્રીએ ઇજાગ્રસ્તોના ખબર અંતર પૂછ્યા હતા અને તેમને શ્રેષ્ઠ સારવાર મળી રહે તે સુનિશ્ચિત કરવા હોસ્પિટલ તંત્રને જરૂરી સૂચનાઓ આપી હતી. 

લગભગ પહેલી વાર કામ કરતા 1.92 કરોડ કર્મચારીઓને ફાયદો થશે  

આ સ્કીમમાં નોકરીદાતાઓને 1 લાખ રૂપિયા સુધીના પગારવાળા કર્મચારીઓના સંદર્ભમાં પ્રોત્સાહનો પણ મળશે, સરકાર ઓછામાં ઓછા છ મહિના સુધી સતત રોજગાર ધરાવતા દરેક વધારાના કર્મચારી માટે નોકરીદાતાઓને બે વર્ષ માટે દર મહિને 3000 રૂપિયા સુધી પ્રોત્સાહન આપશે, ઉત્પાદન ક્ષેત્ર માટે પ્રોત્સાહનો 3જા અને 4થા વર્ષ સુધી પણ લંબાવવામાં આવશે, EPFO સાથે નોંધાયેલા સંસ્થાઓએ ઓછામાં ઓછા છ મહિના માટે સતત ધોરણે ઓછામાં ઓછા બે વધારાના કર્મચારીઓ અથવા પાંચ વધારાના કર્મચારીઓ રાખવા પડશે. 

નાણાકીય સાક્ષરતા કાર્યક્રમ પૂર્ણ થયા પછી ચૂકવવાપાત્ર રહેશે

આ યોજનાના લાભો 1 ઓગસ્ટ 2025થી 31 જુલાઈ 2027ની વચ્ચે સર્જાયેલી નોકરીઓ પર લાગુ થશે, EPFO સાથે નોંધાયેલા પહેલી વાર કર્મચારીઓને લક્ષ્ય બનાવતા આ ભાગ બે હપ્તામાં 15,000 રૂપિયા સુધીનો એક મહિનાનો EPF પગાર ઓફર કરશે, 1 લાખ રૂપિયા સુધીનો પગાર ધરાવતા કર્મચારીઓ આ સ્કીમના પાત્ર રહેશે, પહેલો હપ્તો 6 મહિનાની સેવા પછી ચૂકવવાપાત્ર રહેશે અને બીજો હપ્તો 12 મહિનાની સેવા અને કર્મચારી દ્વારા નાણાકીય સાક્ષરતા કાર્યક્રમ પૂર્ણ થયા પછી ચૂકવવાપાત્ર રહેશે.

રોજગાર ક્ષમતા વધારવા EPFOની આ સ્કીમ થશે વધુ ઉપયોગી

રોજગાર ક્ષમતા વધારવા અને તમામ ક્ષેત્રોમાં સામાજિક સુરક્ષાને ટેકો આપવા માટે રોજગાર સાથે જોડાયેલ પ્રોત્સાહન (ELI- Employment Linked Incentive) યોજનાને મંજૂરી આપી છે, જેમાં ખાસ કરીને ઉત્પાદન ક્ષેત્ર પર ધ્યાન કેન્દ્રિત કરવામાં આવશે, આ યોજના હેઠળ જ્યારે પહેલી વાર કામ કરનારા કર્મચારીઓને એક મહિનાનો 15 હજાર સુધીનો પગાર મળશે.

વાંચો 03 વાગ્યા સુધીના મહત્વના સમાચાર

01 -  Gambhira Bridge Collapse : માર્ગ અને મકાન વિભાગની ઉચ્ચ સ્તરીય તપાસ સમિતિ 30 દિવસમાં વિસ્તૃત અહેવાલ રાજય સરકારને સોંપશે

02 - World News: શું Donald Trump સુધી પહોંચી શકે છે દુશ્મનોનું ડ્રોન, Iranની ધમકીમાં કેટલો છે દમ? 

03 - Court News : રાજયના ડિસ્ટ્રીકટ જયુડીશયરીના 1200 ન્યાયાધીશોને રૂ.એક લાખ સુધીના ટેબ્લેટ અને પ્રિન્ટર અપાશે

04 - Dwarka : મીઠાપુરમાં ચકચારી પતિ-પત્ની આત્મહત્યા કેસમાં પોલીસે પૂર્વ પ્રેમીની કરી ધરપકડ

05 - Tennis playerની હત્યાથી ગુરુગ્રામ સહિત દેશભરમાં ખળભળાટ 

06 - World News: વર્ષ 2027માં Emmanuel Macron નહી બને રાષ્ટ્રપતિ?, પેરિસમાં રેલી દરમિયાન આપ્યા સંકેત 

07 - Weather : ગુજરાતમાં 12 થી 17 જુલાઈ સુધી ભારે વરસાદની આગાહી, માછીમારો ના ખેડે દરિયો 

08 - Ahmedabadમાં રાજ્ય સરકારના પુસ્તકો લઇ જતો ટ્રક ઝડપાયો, નવા પુસ્તકો પસ્તીમાં પધરાવવાનો કારસાનો કોંગ્રેસના ઘટસ્ફોટ, બાદ શિક્ષણ વિભાગે આપ્યા તપાસના આદેશ 

09 - Gambhira Bridge Collapse : પાદરા બ્રિજ દુર્ઘટનામાં અત્યાર સુધીમાં 20 લોકોના મોત થયા 

10 - Ahmedabad News : અમદાવાદમાં ભ્રષ્ટાચારથી ભરેલો હાટકેશ્વર બ્રિજ તોડી પડાશે, બ્રિજ તોડવા રુ.3.90 કરોડનું ચૂકવણું કરાશે 

ખેડૂતોને મળવાપાત્ર રકમ સીધી બેંકમાં જમા થાય છે

અરજી માટે ખેડૂતોએ ૭/૧૨ પત્રકમાં પાક વાવેતર અંગેની નોંધ, ૮ અ, આધારકાર્ડની નકલ અને બેન્ક એકાઉન્ટની વિગત (બેન્ક પાસબુકની નકલ IFSC CODE સાથે અથવા રદ કરેલ ચેક) જેવા જરૂરી દસ્તાવેજો સાથે રાખવાના રહેશે. ખેડૂતોને મળવાપાત્ર રકમ સીધી તેમના બેન્ક એકાઉન્ટમાં જમા કરવામાં આવશે. જેની સંબંધિત ખેડૂત ખાતેદારોએ નોંધ લેવા જિલ્લા ખેતીવાડી અધિકારી, સુરેન્દ્રનગરની યાદીમાં જણાવાયું છે.

VLE/VCE મારફત ડિજીટલ ગુજરાત પોર્ટલ પર કરવાની રહેશે

આ પેકેજ હેઠળ, પ્રતિ હેક્ટર રૂ. ૧૧,૦૦૦/- ની સહાય આપવામાં આવશે. આ સહાય પ્રતિ ખાતા નંબર દીઠ (ગામ નમૂના ક્રમાંક ૮ અ દીઠ) વધુમાં વધુ ૨ (બે) હેક્ટરની મર્યાદામાં આપવામાં આવશે. સહાય મેળવવા ઈચ્છુક ખેડૂતોએ તા. ૧૪/૦૭/૨૦૨૫ થી તા.૨૮/૦૭/૨૦૨૫ સુધીમાં ઓનલાઈન અરજી કરવાની રહેશે. આ અરજી ગ્રામ્ય કક્ષાએ ઈ-ગ્રામ સેન્ટર પર સંબંધિત VLE/VCE મારફત ડિજીટલ ગુજરાત પોર્ટલ પર કરવાની રહેશે. 

ઓક્ટોબર 2024ના વરસાદથી થયેલ કપાસના નુકસાન માટે "કૃષિ રાહત પેકેજ" જાહેર

રાજ્યમાં ઓક્ટોબર ૨૦૨૪માં થયેલા ભારે વરસાદને કારણે કપાસના પાકમાં થયેલા નુકસાન માટે "કૃષિ રાહત પેકેજ (કપાસ) ઓક્ટોબર-૨૦૨૪" જાહેર કરવામાં આવ્યું હતું. ખરીફ ૨૦૨૪-૨૫ ઋતુમાં વાવેતર કરેલ કપાસના પાકમાં ૩૩% કે તેથી વધુ નુકસાન થયું હોય તેવા ખેડૂતોને સહાય મળવાપાત્ર થશે.

અમદાવાદમાં અસારવાના ધારાસભ્યનો વિરોધ

અસારવાના ધારાસભ્ય દર્શના વાઘેલાનો વિરોધ, જહાંગીરપુરામાં ડ્રેનેજની કામગીરી મુદ્દે વિરોધ, ડ્રેનેજનાં પાણી બેક મારતા સ્થાનિકો લાલઘૂમ, કામગીરી અધુરી હોવાથી પાણી મારે છે બેક : સ્થાનિક, અનેક વખત રજૂઆત છતાં કામગીરી ન કરાઇ : સ્થાનિક, વોટ લેવા બધા આવે છે તકલીફમાં નથી આવતા : સ્થાનિક, AMCને ચોમાસામાં જ કામગીરી યાદ આવે છેઃ સ્થાનિક.

ચાર અધિકારીઓને રાજ્ય સરકારે ફરજ મોકૂફી હેઠળ મૂક્યા છે

તેમણે ઉમેર્યું કે, પ્રાથમિક દ્રષ્ટિએ જ્યાં પણ બેદરકારી ધ્યાને આવી, એ માટેના જવાબદાર માર્ગ અને મકાન વિભાગના ચાર અધિકારીઓને રાજ્ય સરકારે ફરજ મોકૂફી હેઠળ મૂક્યા છે. હજુ પણ જે પગલાં લેવા પડશે, એ પગલાં રાજ્ય સરકાર ચોક્કસ લેશે. તેમણે જણાવ્યું કે. હાલમાં બ્રિજ દુર્ઘટનામાં શોધખોળ કામગીરી અંતિમ તબક્કામાં છે. અંદર પડેલા વાહનો બહાર કાઢવામાં આવ્યા છે. હતભાગીઓનાં મૃતદેહો તેમના પરિવારજનોને સોંપવામાં આવ્યા છે. સમગ્ર તંત્રએ ત્વરિત અને સંવેદના સાથે કામગીરી કરી છે.

૩૦ દિવસમાં વિસ્તૃત અહેવાલ આપવામાં આવશે

માધ્યમો સાથે વાત કરતા રાજ્ય સરકારના પ્રવક્તા મંત્રી  ઋષિકેશ પટેલે જણાવ્યું કે, માર્ગ અને મકાન વિભાગની આ સમિતિ દ્વારા ૩૦ દિવસમાં વિસ્તૃત અહેવાલ આપવામાં આવશે. તેના ટેકનિકલ અને વહીવટી કારણો સાથેનો તપાસ અહેવાલ મુખ્યમંત્રીશ્રી ને સોંપવામાં આવશે. બાદમાં તેના આધારે અન્ય નિર્ણયો લેવામાં આવશે. 

માર્ગ અને મકાન વિભાગની ઉચ્ચ સ્તરીય તપાસ સમિતિ 30 દિવસમાં વિસ્તૃત અહેવાલ રાજય સરકારને સોંપશે  

વડોદરા જિલ્લાના પાદરા તાલુકાના મુજપુર ખાતે બ્રિજ તૂટી પડવાની ઘટના સંદર્ભે આરોગ્ય મંત્રી  ઋષિકેશ પટેલે આજે સ્થળની મુલાકાત લીધી હતી. તેમણે જણાવ્યું કે, મુખ્યમંત્રી ભુપેન્દ્રભાઈ પટેલના આદેશ બાદ માર્ગ અને મકાન વિભાગ દ્વારા આ ઘટનાની  ઉચ્ચ સ્તરીય તપાસ કરવા આવી છે અને આ તપાસ સમિતિના પ્રાથમિક અહેવાલ મુજબ પેડેસ્ટ્રલ અને આર્ટીક્યુલેશન ક્રશ થવાના કારણે આ બ્રિજ તૂટી પડ્યો હોવાનું નોંધાયું છે.

નાગરિકોને ઝડપી અને પારદર્શક ન્યાય અપાવવાના લક્ષ્યને વેગ અપાશે

આ નિર્ણય ગુજરાત સરકારની ન્યાય વ્યવસ્થાને આધુનિક બનાવવાની પ્રતિબદ્ધતાને દર્શાવે છે. જેનાથી ન્યાયિક અધિકારીઓને તેમના કાર્યમાં ટેકનોલોજીનો ઉપયોગ કરીને વધુ કાર્યક્ષમતા અને ચોકસાઈ લાવવામાં મદદ મળશે. આ પહેલ રાજ્યની ન્યાય વ્યવસ્થાને ડિજિટલ યુગ સાથે સાંકળીને નાગરિકોને ઝડપી અને પારદર્શક ન્યાય અપાવવાના લક્ષ્યને વેગ અપાશે.

નવા ફોજદારી કાયદાઓ ભારતીય ન્યાય સંહિતા

ભારતીય ન્યાય સંહિતાના નવા ફોજદારી કાયદાઓ ભારતીય ન્યાય સંહિતા (BNS), ભારતીય નાગરિક સુરક્ષા સંહિતા (BNSS) અને ભારતીય સાક્ષ્ય અધિનિયમના અસરકારક અમલીકરણ માટે ડીસ્ટ્રીકટ જયુડીશયરીના ન્યાયાધીશોને અદ્યતન ટેકનોલોજીના સાધનો આપવાનો નિર્ણય કર્યો છે. આ પહેલ ઈ-કોર્ટ મિશન મોડ અને ભારત સરકાર તથા ગુજરાત સરકારની ઈઝ ઓફ ડૂઈંગ જસ્ટિસ નીતિના ભાગરૂપે કરવામાં આવી છે.

ડિજિટલ ટેકનોલોજીના વ્યાપક ઉપયોગને પ્રોત્સાહન મળશે

આ નિર્ણય અંતર્ગત, રાજ્યના અંદાજે ૧૨૦૦ ડીસ્ટ્રીકટ જયુડીશયરીના ન્યાયાધીશને રૂ. ૮૦,૦૦૦ની કિંમતના ટેબ્લેટ અને રૂ. ૨૦,૦૦૦ની કિંમતના પ્રિન્ટર આપવામાં આવશે. આ માટે નાણાકીય વર્ષ ૨૦૨૫-૨૬ના બજેટમાં રૂ. ૧૫ કરોડની જોગવાઈ મંજૂર કરી છે. આ નિર્ણયથી ન્યાયિક પ્રક્રિયાઓમાં ડિજિટલ ટેકનોલોજીના વ્યાપક ઉપયોગને પ્રોત્સાહન મળશે.  

રાજયના ડીસ્ટ્રીકટ જયુડીશયરીના 1200 ન્યાયાધીશોને રૂ. એક લાખ સુધીના ટેબ્લેટ અને પ્રિન્ટર અપાશે

ગુજરાત સરકારે ન્યાયિક કાર્ય પ્રણાલીને વધુ સુગમ, કાર્યક્ષમ અને ટેકનોલોજી આધારિત બનાવવા માટે એક મહત્વનો નિર્ણય કર્યો છે. કાયદા મંત્રી ઋષિકેશ પટેલના માર્ગદર્શનમાં કાયદા વિભાગે રાજ્યના ડીસ્ટ્રીકટ જયુડીશયરીના ૧૨૦૦ ન્યાયાધીશોને રૂ. એક લાખ સુધીના ટેબ્લેટ અને પ્રિન્ટર આપવામાં આવશે. 

દ્વારકાના દરિયામાં પવન સાથે ભારે કરંટ

દરિયા કિનારે 10થી 15 ફૂટ ઊંચા મોજા ઉછળ્યા, કરંટથી ગોમતી ઘાટ પર મોજા ઉછળ્યા, ગોમતી ઘાટ ખાતે સહેલાણીઓનો જમાવડો, દરિયામાં ભારે કરંટને પગલે સિક્યુરિટી તૈનાત. 

પાંચ દિવસ માછીમારોને દરિયો ન ખેડવા સૂચના 

હવામાન વિભાગની આગાહી પ્રમાણે વાત કરીએ તો પાંચ દિવસ માછીમારોને દરિયો ના ખેડવા સૂચના આપવામાં આવી છે, દરિયાકાંઠે 30 થી 40 કિ.મી.ની ઝડપે પવન ફૂંકાશે અને 24 કલાક બાદથી રાજયમાં વરસાદી માહોલ જામશે, હાલમાં મોન્સૂન ટ્રફ સક્રિય થતા 24 કલાક બાદથી વરસાદી માહોલ જામશે તો અમદાવાદ અને ગાંધીનગરમાં વીજળીના કડાકા સાથે છૂટાછવાયા હળવા વરસાદની આગાહી કરવામાં આવી છે.

Weather : ગુજરાતમાં 12 થી 17 જુલાઈ સુધી ભારે વરસાદની આગાહી, માછીમારો ના ખેડે દરિયો

વરસાદને લઈ હવામાન વિભાગની આગાહી સામે આવી છે જેમાં આગામી 7 દિવસ સાર્વત્રિક વરસાદની આગાહી કરવામાં આવી છે, 12 થી 17 જુલાઈ સુધી ભારે વરસાદની આગાહી કરવામાં આવી છે, 24 કલાક બાદ દ.ગુજરાતમાં ભારે વરસાદની આગાહી કરવામાં આવી છે, સૌરાષ્ટ્રમાં 13 જુલાઈ બાદ વરસાદની તીવ્રતા વધી શકે છે.

ગંભીરા બ્રિજ અકસ્માતને લઈ સરકારે કરી કમિટીની રચના

બીજી તરફ સરકારે કાર્યવાહી કરતા ગંભીરા બ્રિજ અકસ્માતને લઈ કમિટીની રચના કરી છે. બ્રિજ દુર્ઘટનાની તપાસ માટે 6 સભ્યોની કમિટી બનાવાઈ છે. આ કમિટી બ્રિજ તૂટવાના કારણો, ક્ષતિ, બેદરકારીની તપાસ કરશે. બ્રિજ દુર્ઘટનાનો પ્રાથમિક અહેવાલ કમિટી રજૂ કરશે. આ દુર્ઘટના અંગેનો સંપૂર્ણ અહેવાલ 30 દિવસમાં સરકારને સોંપવામાં આવશે. જો ભવિષ્યમાં આવી કોઈ દુર્ઘટના ન બને તે માટે કમિટી સૂચનો કરશે. આ કમિટીમાં માર્ગ મકાન વિભાગના અધિક સચિવ, મુખ્ય ઈજનેર સહિતના અધિકારીઓનો સમાવેશ કરવામાં આવ્યો છે.

રાજ્ય સરકાર દ્વારા માર્ગ અને મકાન વિભાગના મુખ્ય ઇજનેર પટેલિયાને મોકલવામાં આવ્યા હતા

મૃતદેહનું પાદરા સ્થિત સામૂહિક આરોગ્ય કેન્દ્ર ખાતે તબીબી પરીક્ષણ કરી તેમના પરિવારજનોને સોંપવામાં આવ્યા હતા. જિલ્લા વિકાસ અધિકારી મમતા હીરપરા અને મુખ્ય જિલ્લા આરોગ્ય અધિકારીએ સામૂહિક આરોગ્ય કેન્દ્ર ખાતે સતત હજાર રહી હતભાગીઓના પરિજનોને કોઈ તકલીફના પડે તેની તકેદારી રાખી હતી. આ ઘટનાની ગંભીતાપૂર્વક નોંધ લઈ રાજ્ય સરકાર દ્વારા માર્ગ અને મકાન વિભાગના મુખ્ય ઇજનેર પટેલિયાને મોકલવામાં આવ્યા હતા.

વ્યવસ્થા ન ખોરવાય તે માટે આવવાનું ટાળ્યું હતુ : ઋષિકેશ પટેલ

ઋષિકેશ પટેલનું વધુમાં કહેવું છે કે, હવે કામગીરી પૂર્ણ થવા આવી છે, ગડરની નીચે એક મૃતદેહ પડ્યો હતો, મૃતદેહ બહાર કાઢવાની કામગીરી ચાલી રહી છે, બ્રિજને લઇ રજૂઆતો મળી હતી, જરૂરિયાત પ્રમાણે રિપેરિંગ કામ કરાયું હતું અને 30 દિવસમાં સમગ્ર તપાસ પૂર્ણ થઇ જશે.

કેબિનેટ મંત્રી ઋષિકેશ પટેલનું નિવેદન પાદરાના ગંભીરા બ્રિજ મુદ્દે

આ ઘટનામાં કેબિનેટ મંત્રી ઋષિકેશ પટેલનું નિવેદન સામે આવ્યું છે, આ ઘટના ખૂબ જ દુઃખદ છે, મંત્રી આવે તો વ્યવસ્થાનો પ્રશ્ન ઉભો થાય છે, ગાંધીનગરથી સતત મોનિટરિંગ કરાતુ હતુ અને રેસ્ક્યુ કામગીરી પુરી થતા સ્થળ મુલાકાત લીધી હતી, આજે અધિકારીઓ સાથે મુલાકાત લીધી, છે અને પેડેસ્ટર અને આર્ટિક્યુલેશન ક્રશ થતા સ્લેબ પડયો હોવાની વાત સામે આવી છે.

Gambhira Bridge Collapse :  પાદરા બ્રિજ દુર્ઘટનામાં અત્યાર સુધીમાં 20 લોકોના મોત થયા

વડોદરાના પાદરા બ્રિજ દુર્ઘટનામાં મૃત્યુઆંક 20 પર પહોંચ્યો છે, SSGમાં સારવાર હેઠળ રહેલા વ્યક્તિનું મોત થયું છે, દુર્ઘટનામાં ઇજાગ્રસ્ત થતા ચાલતી હતી સારવાર તો, આ સમગ્ર ઘટનામાં હજી પણ રેસ્કયું કામગીરી ચાલી રહી છે. 

વર્ષ 2022થી બ્રિજ બંધ કરાયો હતો

હાર્ટકેશ્વર બ્રિજને લઇને સ્થાનિકોની પીડા સમજતાં હોવા છતાં હોદ્દેદારો જાણી જોઇને ઝડપી કામગીરી કરતા નહીં હોવાનો આક્ષેપ કરતાં મ્યુનિ.વિપક્ષે કહ્યું કે, બ્રિજના કામમાં થયેલા ભ્રષ્ટ્રાચારને કારણે નબળો અને હલકી કક્ષાનો હોવાનું બહાર આવ્યા પછી શાસકપક્ષ ભીનું સંકેલવામાં પડયો છે. આશ્ચર્ય ની વાત એ છે કે, AMC પાસે આઇ.એ.એસ. તથા નિષ્ણાંત ઇજનેરોની ફોજ હોવા છતાં મ્યુનિ.હોદ્દેદારો હજી પણ મુંઝવણમાં છે, એટલે જ કોઇ સ્પષ્ટતા કરતા નથી. બ્રિજ બનાવવા માટે કોઇ નક્કર આયોજન પણ નથી. નવો બ્રિજ કયારે બનીને તૈયાર થઇ જશે ? તે અંગે કોઇ ટાઇલલિમીટ આપી શકતા નથી. વર્ષ 2017માં બ્રિજ બન્યો હતો અને વર્ષ 2022થી બ્રિજ બંધ કરાયો છે.

40 કરોડના ખર્ચે અમદાવાદમાં હાટકેશ્વર બ્રિજ તૈયાર કરાયો હતો

વર્ષ-2017માં રુપિયા 40 કરોડના ખર્ચે કોન્ટ્રાક્ટર અજય ઈન્ફ્રાકોન દ્વારા બનાવવામાં આવેલા હાટકેશ્વર બ્રિજને તોડી પાડવા માટે અમદાવાદ મ્યુનિસિપલ કોર્પોરેશન દ્વારા ટેન્ડર બહાર પાડવામાં આવ્યું છે. અમદાવાદના સી.ટી.એમ.ચાર રસ્તા તરફના હાટકેશ્વર જંકશન ઉપર રુપિયા 40 કરોડના ખર્ચથી બનાવવામાં આવેલા બ્રિજના સુપર સ્ટ્રકચરને તોડી પાડવા માટે 9.31 કરોડ ટેન્ડર બહાર પાડવામાં આવ્યું છે.ત્યારે શહેરીજનોને પડેલી હાલાકી, કરોડો રૂપિયાનો માનવશ્રમ અને સરકારી મશીનરીનો વ્યય એ બધાની તો કોઇ વાત થાય એમ જ નથી તેવું લાગી રહ્યું છે, લોકોને તકલીફ પડી રહી છે એ વાત કોણ માનશે !

અમદાવાદમાં ભ્રષ્ટાચારથી ભરેલો હાટકેશ્વર બ્રિજ તોડી પડાશે, બ્રિજ તોડવા રુ.3.90 કરોડનું ચૂકવણું કરાશે 

અમદાવાદમાં હાટકેશ્વર બ્રિજ તોડી પડાશે તેવી વાત સામે આવી છે, તો બ્રિજ તોડવાની કામગીરી ટૂંક સમયમાં શરુ થશે અને બ્રિજ તોડવા રુ.3.90 કરોડનું ચૂકવણું કરાશે અને બ્રિજ બનાવનાર કોન્ટ્રાક્ટર પાસેથી કરાશે વસૂલાત. 4 મહિનામાં બ્રિજને ગ્રાઉન્ડ ઝીરો કરાશે, હાટકેશ્વર બ્રિજનાં કોન્ટ્રાક્ટરનાં પલ્લવ બ્રિજનાં બાકી બિલમાંથી તોડવાનો ખર્ચ વસૂલ કરાશે, હાટકેશ્વર બ્રિજ બનાવવા 40 કરોડનો ખર્ચનાર મ્યુનિ.ને ભંગારમાંથી ફક્ત ચાર કરોડ મળશે. 

૪૦ જળાશયો ૨૫ થી ૨૫ ટકાની વચ્ચે ભરાયા છે

રાજ્યમાં હાલમાં ચોમાસાની ઋતુમાં સૌથી વધુ કચ્છમાં સરેરાશ ૫૭ ટકા, દક્ષિણ ગુજરાતમાં ૫૨.૧૮ ટકા, સૌરાષ્ટ્રમાં ૪૭.૦૧ ટકા, પૂર્વ મધ્યમાં ૪૫.૯૦ ટકા જ્યારે ઉત્તર ગુજરાતમાં ૪૨.૦૮ ટકા સરેરાશ વરસાદ થયો છે.  જેના ફળ સ્વરૂપે રાજ્યના ૨૪ જળાશયો ૧૦૦ ટકાથી વધુ, ૫૪ જળાશયો ૭૦ થી ૧૦૦ ટકાની વચ્ચે, ૪૪ જળાશયો ૫૦ થી ૭૦ ટકાની વચ્ચે જ્યારે ૪૦ જળાશયો ૨૫ થી ૨૫ ટકાની વચ્ચે ભરાયા છે. જેથી રાજ્યના ૩૮ જળાશયો માટે હાઈ એલર્ટ, ૨૦ જળાશયો એલર્ટ જ્યારે ૨૦ જળાશયો માટે વોર્નિંગ જાહેર કરવામાં આવી છે.  ઉલ્લેખનીય છે કે, ભારે વરસાદના કારણે રાજ્યમાં હાલની સ્થિતિએ વડોદરા જિલ્લામાં બે સ્ટેટ હાઈવે અને  છોટાઉદેપુર તાલુકામાં માત્ર એક નેશનલ હાઈવે સિવાય બાકીના તમામ રોડ રસ્તા ચાલુ છે. આ બંધ રોડ પણ બનતી ત્વરાએ ચાલુ કરાશે.   

ગુજરાતના ૧૭ જળાશયોમાં સૌથી વધુ ૬૨.૮૩ ટકા જળ સંગ્રહ

વધુમાં મધ્ય ગુજરાતના ૧૭ જળાશયોમાં સૌથી વધુ ૬૨.૮૩ ટકા જળ સંગ્રહ, સૌરાષ્ટ્રના ૧૪૧ જળાશયોમાં ૬૨.૩૭ ટકા જળ સંગ્રહ, કચ્છના ૨૦ જળાશયોમાં ૫૬.૦૭ ટકા, દક્ષિણ ગુજરાતના ૧૩ જળાશયોમાં ૫૫.૬૭ ટકા જ્યારે ઉત્તર ગુજરાતના ૧૫ જળાશયોમાં ૪૬.૭૯ ટકા જળ સંગ્રહ ઉપલબ્ધ છે. આમ સરદાર સરોવર સિવાય રાજ્યના ૨૦૬ જળાશયોમાં કુલ સંગ્રહ શક્તિના ૫૬.૭૬ ટકા પાણીનો જથ્થો સંગ્રહાયલો છે. 

સરદાર સરોવર સહિત રાજ્યના કુલ 207 જળાશયોમાં 54 ટકાથી વધુ જળ સંગ્રહ

રાજ્યમાં ચોમાસાની ઋતુમાં સાર્વત્રિક મેઘમહેરના પરિણામે હાલની સ્થિતિએ સરદાર સરોવર સહિત રાજ્યના ૨૦૭ જળાશયોમાં કુલ સંગ્રહ શક્તિના ૫૪ ટકા જળ સંગ્રહ થયો છે. ગુજરાતની જીવાદોરી સમાન સરદાર સરોવર યોજનામાં હાલમાં કુલ સંગ્રહ શક્તિના ૪૯.૪૨ ટકા પાણીનો જથ્થો ઉપલબ્ધ છે. ગત વર્ષે આ સમયે એટલે કે, તા. ૧૧ જુલાઈ-૨૦૨૪ની સ્થિતિએ રાજ્યના ૨૦૭ જળાશયોમાં ૩૯.૫૫ ટકા જળ સંગ્રહ હતો તેમ, જળ સંપત્તિ વિભાગ ગાંધીનગરની યાદીમાં જણાવાયું છે. 

અમદાવાદમાં હાટકેશ્વર બ્રિજ તોડી પડાશે 

ભ્રષ્ટાચારથી ભરેલા બ્રિજને તોડી પડાશે, બ્રિજ તોડવાની કામગીરી ટૂંક સમયમાં શરુ થશે, બ્રિજ તોડવા રુ.3.90 કરોડનું ચૂકવણુ કરાશે, બ્રિજ બનાવનાર કોન્ટ્રાક્ટર પાસેથી કરાશે વસૂલાત.

બિસ્માર બનેલા પુલ ઉપર કંપન અનુભવાય છે

ગ્રામ્ય વિસ્તારોને વાપી શામળાજી હાઈવે સાથે જોડતો આ પુલ બિસ્માર બનતા તેના સમારકામની માગ ઉઠી હતી. ભારે વાહનો અને ઓવરલોડ લઈને ચાલતા વાહનોનો ભાર વહન કરી બિસ્માર બનેલા પુલ બાબતે કોંગ્રેસ પણ હવે મેદાનમાં આવી છે. નવસારી જિલ્લા કોંગ્રેસ પ્રમુખ શૈલેષ પટેલે આ બ્રિજ નો સ્ટ્રક્ચર સ્ટેબિલિટી રિપોર્ટ જાહેર કરવા માંગ કરી છે. બિસ્માર બનેલા પુલ ઉપર કંપન અનુભવાતા સ્થાનિક લોકો ને ભય સતાવી રહ્યો છે.ત્યારે તંત્ર દ્વારા આ પુલ ઉપર હાલ ફક્ત ગાબડા પૂરી સંતોષ માનવામાં આવી રહ્યો હોય તેવું લાગી રહ્યું છે.

હરણગામ નજીક નો પુલ અતિ જર્જરીત અવસ્થામાં હોવાનું સામે આવ્યું

ગંભીરા બ્રિજ ની દુર્ઘટના બાદ સફાળી જાગેલી રાજ્ય સરકારે રાજ્ય ના તમામ બ્રિજની ચકાસણી કરવા આદેશ આપ્યા છે. ત્યારે નવસારી જિલ્લાના ચીખલી તાલુકામાં કાવેરી નદી ઉપર સ્થિત હરણગામ નજીક નો પુલ અતિ જર્જરીત અવસ્થામાં હોવાનું સામે આવ્યું છે. વર્ષ ૧૯૬૫માં નિર્માણ થયેલ આ પુલ ઉપર વાહનોની ભારે અવર જવર રહેતા તે બિસ્માર થયો હતો. જે અંગે સ્થાનિક આગેવાનો એ વારંવાર રજૂઆત કરવા છતાં કોઈ કાર્યવાહી કરાઇ ન હતી. પરંતુ વડોદરાની દુર્ઘટના બાદ તુરંત આ પુલ નું સમારકામ હાથ ધરાયું છે. જોકે તે કામગીરી ઉપર પણ અનેક સવાલો ઉભા થયા છે.

Navsari News : નવસારીમાં જર્જરિત બનેલા 60 વર્ષ જુના પુલ ઉપર માત્ર લિપાપોતી થઈ રહી છે !

ગંભીરાની દુર્ઘટના બાદ ગંભીર બનેલી રાજ્ય સરકાર હવે એકશનમાં આવી છે. રાજ્યના તમામ પુલોની ચકાસણી કરવામાં આવી છે. ત્યારે નવસારીમાં એક જર્જરિત બનેલા 60 વર્ષ જુના પુલ ઉપર માત્ર લિપાપોતી થઈ રહી હોવાનું સામે આવ્યું છે.

વાંચો 12 વાગ્યા સુધીના મહત્વના સમાચાર

01 - Bollywood: 'ગંદી રીતે સ્પર્શ કર્યો પછી...', ફેમસ અભિનેત્રી સાથે પુજારીએ કર્યું અશ્લીલ કૃત્ય 

02 - Gondal News : રાજકોટના ગોંડલમાં વીજ કરંટથી 2ના મોત, વીજ લાઈન નાખતા સમયે બની ઘટના

03 - Junagadh : સાંતલપુરમાં બિસ્માર રોડ-રસ્તા મામલે સરપંચે મોરચો માંડ્યો, સામૂહિક રાજીનામાની આપી ચિમકી 

04 - Texas Flood Disaster: 120 ભયંકર મોત, ટેક્સાસમાં વિનાશકારી પૂરથી ભારે તબાહી 

05 - Agriculture News : PM કિસાન યોજનાનાં રૂ. 2000ના આગામી હપ્તા માટે ખેડૂત નોંધણી ફરજિયાત

06 - Surat News : સુરતના ભાઠા ગામે જનરેટરના ધુમાડાથી ગૂંગળામણ થતા 3 લોકોના મોત

07 - Rajkot : 'ઇટાલીયા અને અમૃતિયાને 5 વર્ષ ધારાસભ્ય તરીકે પૂરા કરવા કરી ટકોર' ખોડલધામના ચેરમેન નરેશ પટેલના નિવેદનથી રાજકારણમાં ખળભળાટ

08 - Ahmedabad News : અમદાવાદ જિલ્લામાં માર્ગ અને મકાન વિભાગ દ્વારા 35 કિમીથી વધુ લંબાઈના માર્ગોની મરામત કામગીરી પૂર્ણ કરાઈ

09 - Gir Somnath News : ગીર ગઢડામાં દારૂ ઝડપાતા DGPએ PI વાય.બી.ચૌહાણને કર્યા સસ્પેન્ડ

10 - Shubhanshu Shukla અંતરિક્ષમાંથી ક્યારે ફરશે પરત? નવી તારીખ આવી સામે 

એક વર્ષ છૂટ બાદ છ વર્ષના સરખા માસિક હપ્તામાં ભરવાની રહેશે

અત્રે ઉલ્લેખનીય છે કે, એક જ પરિવારના વધુમાં વધુ બે વિદ્યાર્થીઓને આ યોજનાનો લાભ મળશે. આ યોજના હેઠળ આપવામાં આવેલી લોનમાં રૂ. પાંચ લાખ સુધીની કિસ્સામાં અભ્યાસ પૂર્ણ કર્યા બાદ ૧ વર્ષ છૂટ બાદ પાંચ વર્ષના સરખા માસિક હપ્તામાં ભરવાની રહેશે. જ્યારે રૂ. પાંચ લાખથી વધુની લોનના કિસ્સામાં અભ્યાસ પૂર્ણ કર્યા બાદ એક વર્ષ છૂટ બાદ છ વર્ષના સરખા માસિક હપ્તામાં ભરવાની રહેશે. 

અભ્યાસક્રમો માટે ૫ણ લોન મેળવવાને પાત્ર રહેશે

ગુજરાતના દરેક વર્ગના નાગરીકોને વિકાસનો લાભ મળે એવા કલ્યાણકારી સંનિષ્ઠ પ્રયાસો રાજ્ય સરકાર દ્વારા થઈ રહ્યા છે. ‘વિદેશ અભ્યાસ લોન યોજના’ હેઠળ લોન ધોરણ-૧૨ કે માન્યતા પ્રાપ્ત સમકક્ષ અભ્યાસક્રમમાં ૬૦ ટકા કે તેથી વધુ ગુણ ધરાવતા હોવા જોઇએ. ડિપ્લોમા, સ્નાતક, અનુસ્નાતક, પોસ્ટ ગ્રેજયુએટ ડીપ્લોમા,પી.એચ.ડી તેમજ તમામ ક્ષેત્રના અન્ય એકથી વધુ વર્ષના અથવા ઓછામાં ઓછા બે સેમસ્ટરના સમયગાળા માટેના અભ્યાસક્રમો માટે ૫ણ લોન મેળવવાને પાત્ર રહેશે.

કૌટુંબિક આવક મર્યાદા રૂ. ૦૬ લાખ રાખવામાં આવી

વિદેશી અભ્યાસ લોન યોજના હેઠળ, બિન-અનામત શ્રેણીના વિદ્યાર્થીઓને એક વર્ષ કે તેથી વધુ અથવા ઓછામાં ઓછા બે સેમેસ્ટર માટે વિદેશમાં ઉચ્ચ શિક્ષણ અભ્યાસક્રમો કરવા માટે વાર્ષિક ૪ ટકાના સરળ વ્યાજ દરે ૧૫ લાખ રૂપિયા સુધીની લોન આપવામાં આવે છે. આ યોજનાનો લાભ લેવા માટે વ્યક્તિગત અને કૌટુંબિક આવક મર્યાદા રૂ. ૦૬ લાખ રાખવામાં આવી છે. 

વિદ્યાર્થીઓને રૂ. ૧૫ લાખ લેખે કુલ રૂ. ૨૧૮૨.૪૩ કરોડની લોન મંજૂર કરવામાં આવી

વંચીતોના વિકાસને વરેલી મુખ્યમંત્રી  ભૂપેન્દ્ર પટેલની સરકારે અનેકવિધ કલ્યાણકારી યોજનાઓ અમલી બનાવી છે. સામાજિક ન્યાય અને અધિકારીતા મંત્રી શ્રી ભાનુબેન બાબરીયાના માર્ગદર્શનમાં બિન અનામત વર્ગના તેજસ્વી વિદ્યાર્થીઓને ધોરણ-૧૨ પછી વિદેશ અભ્યાસ કરી શકે તથા પોતાની ઉચ્ચ કારકિર્દી બનાવી શકે તે માટે ‘વિદેશ અભ્યાસ લોન યોજના’ અમલી બનાવાઈ છે. વિદેશમાં અભ્યાસ કરવા ઈચ્છુક બિન અનામત વિદ્યાર્થીઓને આર્થિક રીતે મદદરૂપ થવા માટે સામજિક ન્યાય અને અધિકારીતા વિભાગ હેઠળના ગુજરાત બિન અનામત વિકાસ નિગમ દ્વારા વિદેશ અભ્યાસ લોન યોજના અમલી બનાવાઈ છે. વર્ષ ૨૦૧૮થી કાર્યરત આ યોજના હેઠળ અત્યાર સુધીમાં કુલ ૧૪,૯૯૩ વિદ્યાર્થીઓને રૂ. ૧૫ લાખ લેખે કુલ રૂ. ૨૧૮૨.૪૩ કરોડની લોન મંજૂર કરવામાં આવી છે.

Gujarat Student Loan : વિદ્યાર્થીઓના સપનાને પાંખો આપતી ‘વિદેશ અભ્યાસ લોન યોજના’  

ભારતમાં ઉજ્જવળ કારકિર્દી ધરાવતા અનેક વિદ્યાર્થીઓએ વિવિધ શિક્ષણલક્ષી યોજનાઓ થકી વિદેશમાં અભ્યાસ પૂર્ણ કરીને પોતાની સોનેરી કારકિર્દીને પાંખો આપી છે. ગુજરાતના વિદ્યાર્થીઓના સપનાને પાંખો આપતી રાજ્ય સરકારની ‘વિદેશ અભ્યાસ લોન યોજના’ હેઠળ અત્યાર સુધીમાં બિન અનામત વર્ગના ૧૪,૯૯૩ વિદ્યાર્થીઓને રૂ. ૨૧૮૨.૪૩ કરોડથી વધુની લોન મંજૂર કરાઈ છે. 

પીએમ થયા બાદ મૃતદેહ પરિજનોને સોંપવામાં આવશે

વોરા કોટડા રોડ પર ચાર દિવસ પહેલા નવી વિજલાઈન નાખવાનું કામ કોન્ટ્રાકટ બેઇઝ શરૂ કરવામાં આવ્યું હોવાની વિગત સામે આવી છે, અંદાજે 30 મજૂરો વિજય નગર અર્બન ફીડરમાં આવતા વિસ્તારોમાં નવી લાઈનો નાખતા હતા તે દરમિયાન આ ઘટના બની હતી તો પોલીસે પણ ઘટના સ્થળે જઈને તપાસનો ધમધમાટ શરૂ કર્યો છે. સેફટીના સાધનો હતા કે નહી તે દિશામાં પોલીસે તપાસ શરૂ કરી છે, તો મૃતદેહને પીએમ માટે ખસેડાયા છે. પીએમ થયા બાદ મૃતદેહ પરિજનોને સોંપવામાં આવશે.

ગોંડલના વોરા કોટડા રોડ પર બની ઘટના

રાજકોટના ગોંડલના વોરા કોટડા રોડ પર સબજેલ પાસે વિજપોલ પર વીજ કરંટ લાગતા બે શ્રમિકના મોત થયા છે, સબજેલ પાસે કોન્ટ્રાકટ બેઇઝ કામ કરતા કર્મચારીઓ 11 કેવી કોટેડ વીજ લાઈન નાખતા હતા અને વીજ કરંટ લાગ્યો તો ઘટના સ્થળે જ મોત થયા છે, મૃતક ભગવાનસિંઘ બિલ (ઉ.વ.22),સુરજકુમાર બિલ (ઉ.વ.20) રહે. રાજસ્થાન બન્નેના મોત થયા છે, બન્ને યુવાન વીજ પોલ પર ચડી નવી વીજ લાઈન નાખતા હતા તે દરમિયાન કરંટ લાગતા ઘટના સ્થળે મોત થયા છે.

રાજકોટના ગોંડલમાં વીજ કરંટથી 2ના મોત,  વીજ લાઈન નાખતા સમયે બની ઘટના 

રાજકોટના ગોંડલમાં વીજ કરંટથી 2 ના મોત થયા હોવાની વાત સામે આવી છે, વોરા કોટડા રોડ પર સબજેલ પાસે આ ઘટના વહેલી સવારે બની છે, 11 કેવી વીજ લાઈન નાખતા સમયે બે શ્રમિકોના ઘટના સ્થળે મોત થયા હતા, પોલ પર ચડી નવી લાઈન નાખી રહ્યા હતા શ્રમિક. 

પાદરા ગંભીરા બ્રિજ દુર્ઘટના બાદ સરકાર જાગી

રાજ્યભરમાં બ્રિજની ચકાસણી શરુ કરવામાં આવી, રાજ્યમાં આવેલ તમામ-નાના મોટા બ્રિજની ચકાસણી, જરુર જણાય ત્યાં ઝડપથી કામ શરુ કરાયું. 

ગુજરાત કોંગ્રેસમાં ટૂંક સમયમાં થશે મોટા ફેરફાર

પ્રદેશ કોંગ્રેસ પ્રમુખની ટૂંક સમયમાં થશે જાહેરાત, પ્રદેશ કોંગ્રેસ પ્રમુખ પદે ત્રણ નામો ચર્ચામાં, એકમાત્ર સાંસદ ગેનીબેન ઠાકોરનું નામ ચર્ચામાં, પરેશ ધાનાણીને પણ સોંપાઇ શકે છે પ્રદેશનું નેતૃત્વ, સેવાદળના પ્રમુખ લાલજી દેસાઇનું નામ પણ ચર્ચામાં, વિધાનસભામાં પક્ષના નેતા ન બદલવા પડે તે માટે રણનીતિ, વિધાનસભામાં ઉપનેતાની પણ થઇ શકે છે નિમણૂંક.

દસ્તાવેજની નકલ કોઈ પણ ઓપરેટરને આપવાના રહેતી નથી

બહાર ગામ રહેતાં ખેડુતોએ https://gjfr.agristack.gov.in/farmer-registry-gj/#/ વેબસાઈટ પર જઈ સેલ્ફ રજીસ્ટ્રેશન કરી શકે છે અથવા કોઈ પણ નજીકનાં સી.એસ.સી. (કોમ્પ્યુટર સહાયતા કેન્દ્ર) પર જઈ ફાર્મર રજીસ્ટ્રી કરાવી શકે છે.  આ માટે તમામ ખેડુતોએ આધાર કાર્ડ / જમીનનાં ઉતારાની નકલ -૮અ અથવા વિગત તેમજ આધાર કાર્ડ લીંક હોય તે મોબાઈલ અથવા અન્ય મોબાઈલ સાથે રાખવો ખાસ જરૂરી છે અને દસ્તાવેજની નકલ કોઈ પણ ઓપરેટરને આપવાના રહેતી નથી ફકત વિગતો માટે ઓપરેટરને બતાવવાની રહે છે.

ખેડૂતો પોતાની જાતે સેલ્ફ રજીસ્ટ્રેશન થકી પણ ખેડૂત નોંધણી કરી શકશે

હાલમાં જિલ્લામાં કામગીરી સતત ચાલુ છે, અને તમામ ગામોમાં આ કામગીરીની તા.૧૫ જુલાઈ ૨૦૨૫ સુધીમાં ખેડુતોએ ફાર્મર રજીસ્ટ્રેશન કરાવી લેવા ખાસ જણાવવામાં આવે છે. આ માટે જિલ્લા અને તાલુકાના ખેતી વિભાગ દ્રારા તમામ ખેડુતોને ફાર્મર રજીસ્ટ્રી (ખેડુત નોંધણી) કરાવવા અનુરોધ કરવામા આવે છે. આ ઉપરાંત ખેડૂતો પોતાની જાતે સેલ્ફ રજીસ્ટ્રેશન થકી પણ ખેડૂત નોંધણી કરી શકશે. બોટાદ જીલ્લાના તમામ ખાતેદાર ખેડૂત ભાઈઓ અને બહેનોએ ફાર્મર રજીસ્ટ્રી કરાવી લેવા જિલ્લા ખેતીવાડી અધિકારી બોટાદ દ્રારા અનુરોધ કરવામાં આવે છે.       

બોટાદ જિલ્લામાં ૬૮૫૦૦ થી વધુ ખેડૂતોએ ફાર્મર રજીસ્ટ્રી કરાવી

ઉલ્લેખનીય છે કે આજ દિન સુધીમાં બોટાદ જિલ્લામાં ૬૮૫૦૦ થી વધુ ખેડૂતોએ ફાર્મર રજીસ્ટ્રી અંતર્ગત ખેડૂત નોંધણી કરાવી છે. જેમાં બરવાળા તાલુકામાં ૯૬૭૦, બોટાદ તાલુકામાં ૨૦૩૩૦, ગઢડા તાલુકામાં ૨૩૯૯૦ અને રાણપુર તાલુકામાં ૧૪૫૫૫ જેટલા ખેડૂતોએ ફાર્મર રજીસ્ટ્રી અંતર્ગત ખેડૂત નોંધણી કરાવી છે. આથી બાકી રહેતાં બરવાળા તાલુકાનાં ૧૭૦૭, બોટાદ તાલુકાનાં ૬૧૭૪, ગઢડા તાલુકાનાં ૪૬૯૬ અને રાણપુર તાલુકાનાં ૩૨૫૦ જે તાલુકાઓના કુલ ૧૫૮૨૭ જેટલાં પીએમ કિસાન યોજનાનાં લાભાર્થી તમામ ખેડૂતોએ ગ્રામ્ય કક્ષાએ ગ્રામ પંચાયત કચેરીએ વિલેજ કમ્પ્યુટર એન્ટરપ્રીન્યોર(વીસીઈ) તથા કોમન સર્વિસ સેન્ટર (સીએસસી)નો તેમજ ગ્રામસેવકનો સંપર્ક કરી ખેડૂત રજીસ્ટ્રેશન કરાવી શકશે. 

પ્રધાનમંત્રી કિસાન સમ્માન નિધિ યોજના

એગ્રીસ્ટેક પ્રોજેકટ અંતર્ગત ફાર્મર રજીસ્ટ્રીનો મુખ્ય ઉપયોગ કૃષિ તથા સંલગ્ન વિભાગો દ્રારા ચાલતી વિવિધ કલ્યાણકારી યોજનઓનો લાભ જિલ્લાના તમામ ખેડુતોને સરળ, પારદર્શક, અને સમયસર પુરો પાડી શકાય તે માટેનો છે. આ સિવાય ફાર્મર રજીસ્ટ્રીથી ખેડુતોની ઓળખ પ્રસ્થાપિત કરી શકાશે. તેમજ કૃષિ સેવાઓ જેવી કે કૃષિ ધિરાણ, ટેકાના ભાવે ખરીદી, પ્રધાનમંત્રી કિસાન સમ્માન નિધિ યોજના જેવી યોજનાઓના લાભ ખેડુતોને ઝડપથી પહોંચાડવાના માટેનો છે.  

PM કિસાન યોજનાનાં રૂ. 2000ના આગામી હપ્તા માટે ખેડૂત નોંધણી ફરજિયાત

એગ્રીસ્ટેક પ્રોજેકટ અંતર્ગત ભારત સરકાર અને ગુજરાત સરકારનાં સંયુક્ત પ્રયાસોથી ફાર્મ રજીસ્ટ્રી હેઠળ ખેડૂતોને આધાર આઈ.ડી.ની જેમ ફાર્મર આઈ.ડી. મળશે. રાજ્યમાં ૧૫ ઓક્ટોબર ૨૦૨૪ થી ખેડૂત નોંધણી શરૂ કરવામાં આવી છે. ભારત સરકારે પીએમ કિસાન યોજનાનાં રૂ. ૨૦૦૦ ના આગામી હપ્તા માટે ખેડૂત આઈ. ડી.ની નોંધણી ફરજિયાત કરવામાં આવી છે. આગામી તા.૧૫ જુલાઈ ૨૦૨૫ સુધીમાં ખેડુતોએ ફાર્મર રજીસ્ટ્રેશન કરવા તાકીદ કરવામા આવે છે.  

રૂમમાં જનરેટર ચાલુ રહી જતા ધુમાડો રૂમમાં ફેલાયો હતો

પોલીસે અને આસપાસના લોકોએ ઘટના સ્થળે જઈને પહેલા જનરેટર બંધ કર્યુ હતુ અને મૃતદેહને બહાર કાઢયા હતા મૃતદેહને પીએમ માટે મોકલી આપ્યા છે અને પીએમ થયા બાદ મૃતદેહ પરિજનોને સોંપવામાં આવશે, આ ઘટનામાં આસપાસના સ્થાનિકો પણ મદદ માટે દોડી આવ્યા છે અને પોલીસે આસપાસના લોકોના નિવેદન લીધા છે. 

સુરતના ભાઠા ગામે ત્રણ લોકોના મોત 

સુરતના ભાઠા ગામે ગૂંગણામણ થતા 3 લોકોના મોત થયા છે, રૂમમાં જનરેટર ચાલુ રહી જતા ધુમાડો ફેલાયો હતો અને તેના કારણે 3 લકોના મોત થયા છે, એક પુરુષ અને 2 મહિલાન સહિત કુલ  3 લકોના મોત થયા છે, જનરેટરનો ધુમાડો રૂમમાં ઘુસી ગયો અને લોકો બહાર નીકળે તે પહેલા તેમના મોત થયા છે, પોલીસે સમગ્ર ઘટનામાં તપાસનો ધમધમાટ શરૂ કર્યો છે, કોની ભૂલના કારણે આ ઘટના બની તે દિશામાં પોલીસે તપાસ શરૂ કરી છે અને પરિજનોના નિવેદન લીધા છે. 

Surat News : સુરતના ભાઠા ગામે જનરેટરના ધુમાડાથી ગૂંગળામણ થતા 3 લોકોના મોત થયા 

સુરતના ભાઠા ગામે મોટી ઘટના બની છે જેમાં ભાઠા ગામે જનરેટરના ધુમાડાથી ગૂંગળામણ થતા 3 લોકોના મોત થયા છે, રૂમમાં જનરેટર ચાલુ રહી જતા ધુમાડો થયો અને ઘરમાં રહેલા 3 લોકોના મોત થયા છે. 

ટીમવર્કથી કામગીરી માટે જિલ્લા કલેક્ટર કક્ષાએથી સૂચનાઓ આપવામાં આવી છે

આ પ્રકારે, જિલ્લાના વિવિધ તાલુકાઓમાં ક્ષતિગ્રસ્ત થયેલા કુલ ૪૯.૨૫ કિમી લંબાઈના માર્ગોમાંથી ૨૯.૨૫ કિમી રસ્તાનું મેટલ પેચથી, જ્યારે ૬ કિમી રસ્તા પર ડામર પેચવર્ક કરવામાં આવ્યું છે. આ તમામ કામો ગુણવત્તાયુક્ત થાય, તે સુનિશ્ચિત કરવા અને વિવિધ વિભાગો સાથે આવશ્યક સંકલન સાધીને ટીમવર્કથી કામગીરી માટે જિલ્લા કલેક્ટર કક્ષાએથી સૂચનાઓ આપવામાં આવી છે.

ક્ષતિગ્રસ્ત માર્ગોની મરામત કરવામાં આવી

આ અંગે મુખ્યમંત્રી દ્વારા નાગરિક જીવનમાં રોજિંદા યાતાયાત માટે અતિ મહત્ત્વના એવા રોડ નેટવર્કની તત્કાલ મરામત હાથ ધરવાના દિશાનિર્દેશો અને સૂચનાઓ સંબંધિત વિભાગો અને તમામ જિલ્લાના વહીવટી તંત્રને આપવામાં આવી છે. જે અંતર્ગત, અમદાવાદ જિલ્લામાં પણ માર્ગ અને મકાન વિભાગ(રાજ્ય) દ્વારા કુલ ૧૩ જેસીબી, ૨૦ ડમ્પર, ૧૦ રોલર, ૫-૫ હિટાચી, ટ્રેક્ટર તેમજ ટેરી કટર અને ૬ જેટલા લોડરની મદદથી ૧૫૦થી વધુ શ્રમયોગીઓ દ્વારા વરસાદ વગરનો કે ઓછો વરસાદ હોય, તેવો એક પણ દિવસ વ્યર્થ ન જાય અને રજાનો દિવસ હોય, તોપણ રિપેરિંગ કામગીરી ચાલુ રાખીને ક્ષતિગ્રસ્ત માર્ગોની મરામત કરવામાં આવી રહી છે.

ગ્રામીણ તથા શહેરી માર્ગોને નુકસાન થયું હતુ

રાજ્યમાં ચોમાસા દરમિયાન ભારે વરસાદથી હાઇવે અને ગ્રામીણ તથા શહેરી માર્ગોને જ્યાં નુકસાન થયેલું છે, ત્યાં રોડ રિપેરિંગ અને પેચવર્ક કરીને રસ્તાઓને પુનઃ પૂર્વવત્ બનાવવાની કામગીરી યુદ્ધના ધોરણે શરૂ કરવામાં આવી છે. જે અંતર્ગત અમદાવાદ જિલ્લામાં માર્ગ અને મકાન વિભાગ(રાજ્ય) દ્વારા વિવિધ તાલુકાઓમાં અત્યાર સુધીમાં નાના-મોટા તમામ ક્ષતિગ્રસ્ત રસ્તાઓનું મેટલ પેચ તથા ડામર પેચવર્ક કરી મોટરેબલ કરવાની કામગીરી કરવામાં આવી રહી છે.

અમદાવાદ જિલ્લામાં માર્ગ અને મકાન વિભાગ દ્વારા 35  કિમીથી વધુ લંબાઈના માર્ગોની મરામત કામગીરી પૂર્ણ કરાઈ

અમદાવાદ જિલ્લામાં વરસાદના કારણે ક્ષતિગ્રસ્ત થયેલા માર્ગોનું સમારકામ યુદ્ધના ધોરણે હાથ ધરવામાં આવ્યું છે. જે અંતર્ગત અત્યાર સુધીમાં માર્ગ અને મકાન વિભાગ(રાજ્ય) દ્વારા જિલ્લાના ૩૫ કિમીથી વધુ લંબાઈના માર્ગોની મરામત કામગીરી પૂર્ણ કરાઈ છે. કુલ ૧૩ જેસીબી, ૨૦ ડમ્પર અને ૧૦ રોલરની મદદથી ૧૫૦થી વધુ શ્રમયોગીઓ દ્વારા આ સમગ્ર કામગીરી કરવામાં આવી રહી છે.

બુટલેગર સાથે પોલીસની સાંઠગાંઠ હોવાનું ખુલ્યું

તો મહત્વની વાત તો એ સામે આવી છે કે, પીઆઈને બુટલેગર સાથે સાંઠગાંઠ હતી અને તેના કારણે દારૂનું વેચાણ બુટલેગર કરી રહ્યો હોવાની વાત સૂત્રો તરફથી સામે આવી છે, જિલ્લાના રેન્જ પોલીસ અધિકારી તરફથી કાર્યવાહી ન થતા DGPએ કાર્યવાહી કરી છે, પોલીસ સાથે બુટલેગરના સંપર્કના પુરાવા મળ્યા હોવાથી અન્ય પોલીસ કર્મીઓમાં પણ ફફડાટ જોવા મળ્યો છે. સ્ટેટ મોનિટરીંગ સેલે તમામ પુરાવા એકઠા કર્યા છે અને ડીજીપી સુધી વાત પહોંચાડી છે જેના કારણે ડીજીપીએ પગલા ભર્યા છે. 

ગીર સોમનાથમાં દારૂ મામલે DGPની કાર્યવાહી 

ગીર ગઢડામાં પીઆઈ વાય.બી.ચૌહાણને ડીજીપીએ સસ્પેન્ડ કર્યા છે, તો બીજી તરફ LCBના ASI સુભાસ ચાવડાની કચ્છ-ભુજમાં બદલી કરી દેવામાં આવી છે, ઇન્ચાર્જ LCB પીઆઇને ચાર્જ છોડવા આદેશ કરવામાં આવ્યો છે, તો બેડીયા ગામે SMCએ રેડ કરી દારુનો જથ્થો ઝડપી પાડયો છે, 41 લાખનો દારૂનો જથ્થો ઝડપાતા ડીજીપીએ પીઆઈને સસ્પેન્ડ કરી દીધા છે અને કોન્સ્ટેબલની જિલ્લા બહાર બદલી કરી દીધી છે.

Gir Somnath News : ગીર ગઢડામાં દારૂ ઝડપાતા DGPએ PI વાય.બી.ચૌહાણને કર્યા સસ્પેન્ડ

ગુજરાતમાં દારૂ કયાંથી આવે છે તે હવે સૌ કોઈ જાણી ગયા છે, અને અધિકારીને સસ્પેન્ડ પણ કરવામાં આવે છે ત્યારે ગીર ગઢડાના પીઆઈ વાય.બી.ચૌહાણને ડીજીપીએ સસ્પેન્ડ કર્યા છે, ગીર ગઢડા પોલીસ સ્ટેશન વિસ્તારમાંથી 41 લાખનો દારૂ ઝડપાયો હતો તે મામલે પીઆઈને સસ્પેન્ડ કરવામાં આવ્યા છે. 

અમીરગઢ તાલુકા 45 જેટલા ગામડાના લોકો 500 મીટરના પુલ પરથી ભયના માહોલમાં પસાર થાય છે

ઉલ્લેખનીય છે કે અહીંથી પસાર થતા અમીરગઢ તાલુકા 45 જેટલા ગામડાના લોકો 500 મીટરના પુલ પરથી ભયના માહોલમાં પસાર થાય છે. જોકે લોકોનું કહેવું છે કે વાહન ચલાવતી સમયે બાજુમાંથી કોઈ મોટું ટ્રક નીકળે તો પુલ આખો વાઇબ્રેશન મારવા લાગે છે જેના કારણે અહીંથી ચાલુ ખૂબ જ મુશ્કેલી જનક છે. દિવસ દરમિયાન બે થી ત્રણ વાર આ પુલ પરથી વાહન લઇ પસાર થઈતો ખાડાના કારણે વાહનનું એલાઈમેન્ટ પણ ખસી જાય છે, જોકે નઘરોળ તંત્રની બેદરકારીઓને કારણે કોઈ દિવસ આ પુલ પર મોટી ઘટના સર્જાય તો જવાબદારી કોની રહેશે તેના ઉપર એક મોટો સવાલ છે. 

છેલ્લા કેટલાય સમયથી આ પુલ નર્કગાર સ્થિતિ જોવા મળી રહ્યો છે

બનાસનદી અમીરગઢ તાલુકા માંથી પસાર થઈ દાતીવાડા ડેમને મળે છે, જોકે આ બનાસ નદી પર અમીરગઢ તાલુકાના વેપારી મથક ઈકબાલગઢ થી રાજસ્થાન જોડતો વર્ષો જૂનો અંદાજે 500 મીટર લાંબો પુલ છે જોકે આ પુલ પરથી દિવસ દરમિયાન હજારોની સંખ્યામાં વાહન ચાલકો પસાર થાય છે, જેમાં અમીરગઢ તાલુકાના 45 જેટલા ગામડાઓના વાહન ચાલકો પણ આ પુલ પરથી પસાર કરી અમીરગઢ તાલુકામાં તેમજ વેપારી મથક ઈકબાલગઢમાં આવતા હોય છે. પરંતુ છેલ્લા કેટલાય સમયથી આ પુલ નર્કગાર સ્થિતિ જોવા મળી રહ્યો છે. આ પુલ પર ખાડા પડી જવાના કારણે પુલ ઉપરથી પસાર થતા લોકો પારાવાર મુશ્કેલીઓનો સામનો કરી રહ્યા છે. 

Banaskantha News : બનાસ નદી પર બાંધેલો વર્ષો જૂનો પુલ જર્જરિત થયો ! સ્થાનિકોમાં ગભરાહટનો માહોલ 

બનાસકાંઠાના અમીરગઢ તાલુકાના ઈકબાલગઢ પાસેથી પસાર થતી બનાસ નદી પર વર્ષો જૂનો પુલ બનાવેલો છે. જેમાં તંત્ર દ્રારા એક વાર પણ સાર સંભાળ લેવામાં આવી નથી અને જો કોઈ બનાવ બનશે તો જવાબદારી તંત્રની રહેશે, સ્થાનિકોનો આક્ષેપ છે કે તંત્ર દ્વારા કામગીરી સંપૂર્ણ રીતે નથી કરાતી અને બ્રિજની દેખરેખ પણ નથી કરાતી.

અમેરિકાના ટેક્સાસમાં આવેલા પૂરથી 120ના મોત

અત્યાર સુધી 120 લોકોનાં મોત, 170 હજુ લાપતા, લાપતા લોકોને શોધવા મોટાપાયે સર્ચ ઓપરેશન, પૂર પ્રભાવિત કાઉન્ટીમાં મોટાપાયે સર્ચ ઓપરેશન, 2100થી વધુ કર્મચારીઓ સર્ચ ઓપરેશનમાં સામેલ, પૂરથી કાઉન્ટીમાં જાનમાલને સૌથી વધુ નુક્સાન થયું, અનેક લોકોના ઘર પાણીમાં વહી ગયા, અનેક વાહનો તણાયા, લોકોને મોટાપાયે નુક્સાન. 

23 હજાર રૂપિયાની રકમ બેંકમાં ફ્રીઝ કરવાની કાર્યવાહી કરી છે

દમણ પોલીસને આરોપીઓની પૂછપરછ દરમ્યાન જાણવા મળ્યું કે તેઓ માર્કેટિંગ કોલ સેન્ટરની આડમાં નકલી દસ્તાવેજ પર જીયો અને વોડાફોન પાસેથી એસ.આઈ.પી. ટ્રન્ક કનેક્શન મેળવી બીજા પક્ષ પાસેથી સર્વર ખરીદી ક્રોસ કનેક્ટ પર એસ્ટ્રીક ઈન્સ્ટોલ કરી નકલી લોન આપીને લોકો પાસેથી પૈસા પડાવતા હતા. ઓળખ છુપાવવા માટે તેઓ વિદેશી સ્થળોનાં ડેટા સેન્ટર સ્થાપિત કરી કોલ રૂટ પણ કરતા હતા. SIP કનેક્શન અને સર્વરના બિલની ચૂકવણી જયપુરમાં ઈ-મિત્ર સેન્ટર થકી કરવામાં આવતી હતી. જ્યાં પોલીસની એક ટીમ રાજસ્થાનના જયપુર જઈને આ કામના આરોપીની પણ ધરપકડ કરી હતી, હાલ તો પોલીસે આ ગુનામાં આરોપીઓ પાસેથી 4 મોબાઈલ ફોન, 1 લેપટોપ, 1 સર્વર એસ.આઈ.પી. પ્રી ટેલિકોમ સેટઅપ બોક્સ, 15 બેંક ખાતાં અને 23 હજાર રૂપિયાની રકમ બેંકમાં ફ્રીઝ કરવાની કાર્યવાહી કરી છે.

કુલ 4 આરોપીની પોલીસે કરી ધરપકડ 

આ કામના 2 આરોપી મુંબઈ હોવાનું જણાવતાં પોલીસે મુંબઈથી 2ની ધરપકડ કરી ત્રણેયને દમણ લાવી સઘન પૂછપરછ કરતાં તેમણે ગુનો કબૂલ કરી લીધો હતો, પકડાયેલા આરોપીઓમાં ઓનલાઈન ફ્રોડના સમગ્ર નેટવર્કનું સંચાલન કરનાર મુખ્ય સૂત્રધાર મુંબઈના 30 વર્ષિય લવ અવધકિશોર ગુપ્તા, મુંબઈનો 25 વર્ષિય સિદ્ધેશ સાલ્વે, રાજસ્થાનના જયપુરનો 25 વર્ષિય વિકાસ અજયકુમાર શર્મા તથા આ ગુનામાં વોડાફોનના એક કર્મચારીની પણ સંડોવણી હોવાનું તપાસમાં આવતા પુનામાં રહેતો અને વોડાફોન કંપનીમાં કામ કરતા 28 વર્ષિય અભિજીત ડેની સાથે કુલ 4 આરોપીઓનો સમાવેશ થાય છે.

આંધ્રપ્રદેશથી એક આરોપી મળી આવ્યો 

દમણ પોલીસને ફરિયાદ મળતા જ પોલીસે આ મામલે વિવિધ કલમો હેઠળ ગુનો દાખલ કરી ટેક્નિકલ અને સાયબર સેલ સહીત અલગ અલગ ટિમો અલગ રાજ્યોમાં મોકલી તપાસ શરૂ કરી હતી,  દમણ પોલીસને તપાસમાં ફરિયાદીને જે નંબર પરથી ધમકીઓ અને હેરાનગતિ કરાઈ રહી હતી તે ફોન નંબરો વોડાફોનના એસ.આઈ.પી. પ્રી લાઈનનો ઉપયોગ કરીને કરતા હતા. જે કનેક્શન માટે આરોપીઓએ મુંબઈમાં એક ખાનગી લિમિટેડ કંપનીના દસ્તાવેજ ઊભા કરી મેળવ્યું હતું અને તેનું સર્વર આંધ્રપ્રદેશના મંગલાગિરીમાં ડેટા સેન્ટર ઈન્સ્ટોલ કર્યું હતું. જ્યાં દમણ પોલીસની એક ટીમ મુંબઈના સરનામે જઈને તપાસ કરતાં ઓફિસની જગ્યા થોડા કલાક માટે જ ભાડે લેવામાં આવી હોવાનું જાણવા મળ્યું હતું. જ્યારે આંધ્રપ્રદેશ ગયેલી પોલીસની ટીમને જે જગ્યાએ સર્વર ગોઠવ્યું હતું. ત્યાંથી એક આરોપી મળી આવ્યો હતો. 

ફરિયાદીને લોનના બહાને ધમકી આપતા હતા 

સંઘપ્રદેશ દમણના નાની દમણ પોલીસ મથકે 16 જૂન-2025ના રોજ એક ફરિયાદીએ પોતાની ફરિયાદ દાખલ કરાવી હતી કે 11 મે-2025ના રોજ તેમણે ANN Cashmitra નામની મોબાઈલ એપના માધ્યમ થકી રૂ.36,000ની લોનની અરજી કરી હતી. પરંતુ તેના ખાતામાં ફક્ત 22,000 રૂપિયા જ જમા થયા હતા. જે બાદ તેના વોટ્સએપ પર અને મોબાઈલ ફોન પર ઈએમઆઈની ચૂકવણી અંગે ધમકીઓ મળી રહી હતી. જેને પગલે UPI એકાઉન્ટ્સ થકી કુલ 53,000 જેટલા સામેના પક્ષના એકાઉન્ટમાં ટ્રાન્સફર કરવા છતાં તેઓ ધમકીઓ અને હેરાનગતિ કરી રહ્યા હતા.

Daman News : ઓનલાઇન એપ થકી છેતરપિંડી કરનાર ગેંગ ઝડપાઇ, લોનની ઓફર કરી લોકોને ફસાવતા હતા 

દમણ પોલીસને આંતરરાજ્ય ઓનલાઈન લોન એપ થકી ફ્રોડ કરનારી ગેંગને ઝડપવામાં મોટી સફળતા મળી છે, પોલીસે  4 આરોપીની ધરપકડ કરી છે, પકડાયેલા આરોપીઓ વોડાફોનના SIPની લાઈનનો ઉપયોગ કરીને નિર્દોષોને ટાર્ગેટ બનાવતા હતા, દમણ ખાતે નોંધયેલી છેતરપિંડીની ફરિયાદ બાદ દમણ પોલીસ એકશનમાં આવી અલગ-અલગ ટિમો અલગ-અલગ રાજ્યોમાંથી ઝડપી પાડી છે.

પોલીસે આરોપીની ધરપકડ કરી તપાસ શરૂ કરી

GRP પોલીસની ટીમે ઘટનાસ્થળે પહોંચી આરોપી આધેડની ગણતરીની મિનિટોમાં જ઼ ધરપકડ કરી લીધી હતી, પોલીસે વેઈટિંગ રૂમના CCTV ફૂટેજ મેળવી ઘટના સ્થળનું પંચનામું કરી આરોપી અને બાળકીનું મેડિકલ કરાવી આગળની તપાસ શરૂ કરી છે, આ ઘટનાએ રેલવે સ્ટેશન પર મહિલાઓની સુરક્ષાના મુદ્દાને ચર્ચામાં લાવ્યો છે, વલસાડ સ્ટેશન પર આ પ્રકારની ઘટના એ સમગ્ર શહેરમાં ચકચાર મચાવી છે. 

બાળકીએ પરિજનોને જાણ કરતા મામલો સામે આવ્યો

બાળકીના શરીરે હાથ ફેરવી તેણી સાથે અડપલાં કર્યા હતા, જોકે સજાગ બાળકી વેઈટિંગ રૂમમાંથી દોડીને બહાર આવી અને બૂમાબૂમ કરી હતી અને સમગ્ર ઘટના બહાર આવી હતી, સ્ટેશન પર પ્લેટફોર્મ નંબર એક પર વેઈટીંગ રૂમમાંથી બાળકી બાહર આવી બુમાબુમ કરતા બાળકીની બૂમો સાંભળી તેના પરિવારજનો ઘટનાસ્થળે દોડી આવ્યા હતા, બાળકી ને સમગ્ર ઘટના પરિવાર ને જણાવતા પરિવારે તરત જ વલસાડ GRPને જાણ કરી હતી. 

Valsad News : વલસાડ રેલવે સ્ટેશન પર બાળકી સાથે અડપલાં કરનાર આધેડ ઝડપાયો 

વલસાડ રેલવે સ્ટેશન પર એક ચોંકાવનારી ઘટના સામે આવી છે. સ્ટેશન પર રખડતું જીવન વિતાવતા ભિક્ષુક પરિવારની 9 વર્ષની બાળકી સાથે કુલીએ કર્યા શારીરિક અડપલાં, બાળકી વેઈટિંગ રૂમમાં બાથરૂમ ગઈ ત્યારે કુલી તરીકે કામ કરતો ઈસમ તેની પાછળ જઈ બાળકીને લોભામણી લાલચો આપી તેને નિવસ્ત્ર કરવાનો પ્રયાસ કર્યો હતો.

ખાડાને લઈ શહેરીજનોને નહી પડે તકલીફ

તા.૧૦/૦૭/૨૦૨૫ના રોજ ડેરી રોડ, માઇ મંદિર રોડ, કપડવંજ રોડ વિસ્તાર, મરીડા દરવાજા વિસ્તારોમાં કુલ ૫ કિ.મી રસ્તા પર પેચ વર્ક કરવામાં આવ્યું છે, જેમાં ૮૦ મેટ્રિક ટન વેટ મિક્સનો ઉપયોગ કરવામાં આવ્યો છે. નડિયાદ મહાનગરપાલિકા તરફથી વરસાદ દરમ્યાન પણ શહેરના માર્ગોને યથાશક્ય સારી સ્થિતિમાં રાખવા આ કામગીરી સતત ચાલુ રાખવામાં આવશે એમ મહાનગરપાલિકાના કમિશનર દ્વારા અખબારી યાદીમાં જણાવ્યું છે.    

૧૩૭.૧૫ મેટ્રિક ટન વેટ મિક્સનો ઉપયોગ કરવામાં આવ્યો હતો

તા. ૦૮ જુલાઈએ ઇન્દિરાગાંધી માર્ગ, પેરિસ પાર્ક રોડ, નિલકંઠ મહાદેવ રોડ, રામકૃષ્ણ પાર્ક, સર્ક્યુલર  રોડ સહિત કુલ ૧૩  વિસ્તારોમાં  ૯.૭૦  કિ.મી લંબાઈના રસ્તા પર પેચ વર્ક કરવામાં આવ્યું. આ માટે ૨૩૦  મેટ્રિક ટન વેટ મિક્સ વપરાયું હતું. તા.૦૯/૦૭/૨૦૨૫ના રોજ નિર્મલ નગર રોડ, બિલોદરા ચોકડી, જુના રાવપૂરા, SRP ગ્રાઉન્ડ સામે, ઓમ નગર પાસે, પારસ સર્કલ વિસ્તારોમાં કુલ ૫ કિ.મી રસ્તા પર પેચ વર્ક કરવામાં આવ્યું છે, જેમાં ૧૯૦ મેટ્રિક ટન વેટ મિક્સનો ઉપયોગ કરવામાં આવ્યો હતો. 

શહેરના વિવિધ વિસ્તારોમાં ખાડા ભરવાની કામગીરી કરાઈ

શહેરના વિવિધ વિસ્તારોમાં ખાડા ભરવા તેમજ મુસાફરી સુલભ બનાવવા નોંધપાત્ર કામગીરી હાથ ધરવામાં આવી છે. તા.૦૫ થી ૧૦ જુલાઈ સુધી અંદાજિત ૩૧ કિ.મીના વિવિધ  રસ્તાઓમાં ૬૭૦ મેટ્રિક ટન વેટ મિક્સથી ખાડાઓનું પુરાણ  કરવામાં આવ્યું છે. તા.૦૫ જુલાઇના રોજ ડી માર્ટ સામે સ્પર્શ વીલા તરફ, કેનાલ રોડ તા. ૦૬  જુલાઈના રોજ  મરીડા વિસ્તાર, મરિડા ભાગોળ વિસ્તાર, પાંચહાટડી, ભોજા તળાવ પાસે મહેશ્વરી વાડી રોડમાં ૩૨.૮૫ મેટ્રિક ટન વેટ મિક્સ જથ્થો વાપરીને ૨ કિ.મી રાસ્તા રીપેર કર્યા. તા. ૦૭ જુલાઈએ વલ્લભનગર, ગોકુલધામ સોસાયટી, પેરિસ પાર્ક , મિશન રોડ વિસ્તાર અને સાવલિયા પંપિંગ સ્ટેશન જેવા વિસ્તારોમાં કુલ ૨.૯૫  કિ.મી રસ્તા પર પેચ વર્ક કરવામાં આવ્યું છે. 

Kheda News : નડિયાદ પાલિકા  દ્વારા અંદાજિત 29 કિ.મીના ખાડાઓનું  પુરાણ  કરાયું                                            મુખ્યમંત્રી ભૂપેન્દ્રભાઈ પટેલે રાજ્યભરમાં માર્ગો, પુલો અને હાઇવેની સ્થિતિની સમીક્ષા કરી હતી. ત્યારબાદ તેમણે વરસાદ વગરનો કે ઓછો વરસાદ હોય, તેવો એક પણ દિવસ રસ્તાઓના સમારકામ વગરનો વ્યર્થ ન જાય અને રસ્તા મરામતની કામગીરી ચાલુ રહે, તે માટે આદેશ આપ્યા હતા. જેના પગલે નડિયાદ મહાનગરપાલિકા દ્વારા શહેરમાં વરસાદી ઋતુ દરમિયાન માર્ગોની ક્ષતિઓને દુર કરવા તાત્કાલિક અને આયોજનબદ્ધ રીતે  વેટમિક્સથી પેચ વર્ક કરવામાં આવી રહ્યું છે.  

પ્લેન ક્રેશ દુર્ઘટનામાં હજી 4 દર્દીઓ સારવાર હેઠળ 

અમદાવાદમાં પ્લેન ક્રેશની દુર્ઘટનાને એક મહિનો પૂરો થવા આવ્યો છે. આ દુર્ઘટનામાં ઈજાગ્રસ્ત ચાર દર્દીઓ હજુ પણ સિવિલ હોસ્પિટલમાં સારવાર હેઠળ છે. ચાર દર્દીઓમાં ત્રણ પુરુષ અને એક મહિલા દર્દી છે. આ તમામ દર્દીની તબિયત હાલત સુધારા ઉપર છે. ૧૩ થી ૨૪ ટકા જેટલા દાઝી ગયા હતા, હવે તબિયતમાં સુધારો થઈ રહ્યો હોવાનું હોસ્પિટલ સૂત્રો કહે છે. હોસ્પિટલ સૂત્રો કહે છે કે, ચાર દર્દીઓમાં બે સ્થાનિક છે.

3 સેકન્ડ પહેલાં કે 3 સેકન્ડ પછી પ્લેન ક્રેશ ન થવા દીધું

જો 3 સેકન્ડનો ફેર થયો હોત તો હજારો લોકોના જીવ આ પ્લેન ક્રેશની ઘટનામાં ગયા હોત, પ્લેન ક્રેશના સ્થળની આગળ સિવિલ હોસ્પિટલ અને બાજુમાં મિલિટરી હોસ્પિટલ આવેલી છે અને તેના થોડા અંતરે ગુજરાત કેન્સર સોસાયટી મેડિકલ કોલેજ છે અને 1200 બેડની હોસ્પિટલ સાથે અથડાઈ શક્યું હોત વિમાન અને અકસ્માત સ્થળે હાજર ઉડ્ડન અધિકારીએ આપી હતી માહિતી. કેપ્ટન સુમિત સભરવાલનું પણ પ્લેન દુર્ઘટનામાં નિપજ્યું મોત અને પાયલટને 8200 કલાકનો ફ્લાઇંગ અનુભવ હતો.

પ્લેન ક્રેશમાં કેપ્ટનની સમજદારીથી અનેક લોકોના જીવ બચી ગયા

પ્લેન ક્રેશમાં કેપ્ટનની સમજદારીથી અનેક લોકોના જીવ બચી ગયા છે, કેપ્ટન સુમિત સભરવાલે દાખવી હતી સમયસૂચકતા અને ઓછું નુક્સાન થાય તેવી જગ્યાએ વિમાન લેન્ડ કરાતા ત્યાં ક્રેશની ઘટના બની છે, વિમાન ક્રેશ થશે તેનો ખ્યાલ કેપ્ટનને આવી ગયો હતો જેથી તેમણે ગીચ વસ્તી અને 3 મોટી હોસ્પિટલ્સ પર પ્લેન પડતું અટકાવ્યું હતુ.

Ahmedabad Plane Crash : વિમાન દુર્ઘટનાનો રિપોર્ટ આજે થઈ શકે છે જાહેર, પ્લેન ક્રેશનું સાચુ કારણ સામે આવશે

અમદાવાદમાં બનેલ વિમાની દુર્ઘટનામાં આવતીકાલે એક મહિનો પૂર્ણ થશે. દુર્ઘટનાનો તપાસ રિપોર્ટ આજે જાહેર થઈ શકે છે અને પ્લેન ક્રેશનું સાચુ કારણ સામે આવશે તો પ્લેન ક્રેશમાં 260 લોકોએ ગુમાવ્યા હતા જીવ. 

12 અને 13 જુલાઈએ ભારેથી અતિભારે વરસાદની આગાહી

હવામાન વિભાગની આગાહી પ્રમાણે રાજ્યમાં કેટલાક જિલ્લાઓમાં મધ્યમથી ભારે વરસાદ થશે. 12 અને 13 જુલાઈએ ભારેથી અતિભારે વરસાદની આગાહી કરાઈ છે. દરિયામાં ભારે કરંટ હોવાથી માછીમારોને પાંચ દિવસ દરિયો નહીં ખેડવા સૂચના અપાઈ છે. આજે રાજ્યભરના સામાન્યથી મધ્યમ વરસાદ રહેશે. રાજ્યમાં આજે 11 જુલાઈએ નવસારી,દમણ અને દાદરાનગર અને હવેલીમાં વરસાદનું યલો એલર્ટ અપાયું છે.

માછીમારોને 5 દિવસ દરિયો ન ખેડવા સૂચના

હવામાન વિભાગે કહ્યું છે કે, માછીમારોએ આજથી 5 દિવસ દરિયો ના ખેડવો જોઈએ અને દરિયાકાંઠે 30 થી 40 કિ.મી.ની ઝડપે પવન ફૂંકાશે તેવી આગાહી કરી છે. રાજ્યમાં વરસાદી ટ્રફ પસાર થતા વરસાદની આગાહી કરવામાં આવી છે, દ.ગુજરાત અને સૌરાષ્ટ્રમાં ભારે વરસાદ રહેશે તેવી આગાહી કરવામાં આવી છે, ઉત્તર અને મ.ગુજરાતમાં મધ્યમ વરસાદ રહેશે. 

જાણો આજે કયાં વરસાદની આગાહી કરાઈ છે

હવામાન વિભાગની આગાહી પ્રમાણે વાત કરીએ તો આજે બનાસકાંઠા, સાબરકાંઠા, મહેસાણા, પાટણ, ગાંધીનગર, અરવલ્લી, મહીસાગર, પંચમહાલ, દાહોદ, છોટાઉદેપુર, વડોદરા, ભરૂચ, નર્મદા, સુરત, તાપી, કચ્છ, મોરબી, સુરેન્દ્રનગર, બોટાદ, ભાવનગર, અમરેલી, રાજકોટ, જામનગર, જૂનાગઢ, ગીર સોમનાથમાં વરસાદની આગાહી કરવામાં આવી છે.

Weather News : રાજયમાં બે વરસાદી સિસ્ટમ સક્રિય, વરસાદ બોલાવશે ભૂક્કા

વરસાદને લઈ હવામાન વિભાગનું અનુમાન સામે આવ્યું છે જેમાં આજે સામાન્યથી મધ્યમ વરસાદની આગાહી કરવામાં આવી છે, આવતીકાલે રાજ્યમાં વરસાદનું જોર વધશે અને બે વરસાદી સિસ્ટમ સક્રિય થતા વરસાદનું જોર વધશે તેવી આગાહી હવામાન વિભાગે કરી છે. 

પુલ દુર્ઘટના પર નીતિન ગડકરીનું મોટું નિવેદન

મને મારા ઘર જેટલી ચિંતા રસ્તાની પણ છેઃ ગડકરી, ‘કોઈ કામમાં ખોટું કરે તો હું અધિકારીને છોડતો નથી’, ‘ભૂલ જાણી જોઈને કરાય તો સજા મળવી જોઈએ’, કામમાં કોઇ ખામી રાખી શકાય નહિઃ ગડકરી, હવે મારો ટાર્ગેટ કોન્ટ્રાક્ટર અને અધિકારી છેઃ ગડકરી, તેઓ કોઈ ભૂલ કરશે તો હું છોડીશ નહીં : ગડકરી.

રાજકોટમાં બ્રિજ નીચે પુલિયામાં તિરાડો 

જૂના માર્કેટિંગ યાર્ડ નજીક બ્રિજના પુલિયામાં તિરાડો, નેશનલ હાઇવેના બ્રિજ નીચે તિરાડ સામે આવી, પાંચ વર્ષ પહેલાં બ્રિજનું પોપડુ પડતા બેના મોત થયા હતા, બ્રિજનું ઝડપથી સમારકામ કરવા લોકોની માંગ.

અમદાવાદમાં બનેલ વિમાની દુર્ઘટનાનો કેસ

દુર્ઘટનાનો તપાસ રિપોર્ટ જાહેર થઈ શકે છે, બે દિવસમાં થઇ શકે છે તપાસ રિપોર્ટ જાહેર, પ્લેન ક્રેશનું સાચુ કારણ સામે આવશે, વિમાન દુર્ઘટનાને એક મહિનો આવતીકાલે પૂર્ણ થશે, પ્લેન ક્રેશમાં 260 લોકોએ ગુમાવ્યા હતા જીવ.

અમેરિકાએ કેનેડા પર ફોડ્યો ટેરિફ બોમ્બ

અમેરિકાએ કેનેડા પર 50 ટકા ટેરિફ લગાવ્યો, કેનેડાથી આયાત પર લાગશે 50 ટકા ટેરિફ.

કાંતિ અમૃતિયાના પડકાર બાદ રાજકીય ગરમાવો

કાંતિ અમૃતિયાએ ગોપાલ ઇટાલિયાને લલકાર્યા, મોરબીથી ચૂંટણી લડવા ગોપાલ ઇટાલિયાને પડકાર, કાંતિ અમૃતિયાએ ગોપાલ ઇટાલિયાને આપી ચેલેન્જ, સોમવારે ધારાસભ્ય પદેથી રાજીનામું આપવા લલકાર, મોરબી અને વિસાવદરથી રાજીનામું આપવા લલકાર, રાજીનામુ આપવા મુદ્દે બંનેમાંથી કોઇની સ્પષ્ટતા નહી, નિવેદનબાજી માત્ર રાજકીય સ્ટંટ હોવાનું અનુમાન.