Gujarat Latest News Updated: પાલિતાણા નજીક ભુકંપનો આંચકો આવ્યો

નડિયાદમાં મેઘરાજાનું ધમાકેદાર આગમન

નડિયાદમાં મેઘરાજાનું ધમાકેદાર આગમન થયુ છે. જેમાં ખેડા જિલ્લાના અનેક તાલુકામાં વરસાદ આવ્યો છે. તેમાં ખેડા, નડિયાદ, વસો, માતરમાં વરસાદ પડ્યો છે. તેમજ લીંબાસી, મહેમદાવાદમાં ધોધમાર વરસાદ આવ્યો છે. તથા મહુધા, કણજરીમાં વરસાદ આવ્યો અને નડિયાદ શહેરમાં વરસાદથી વીજળી ગૂલ થઇ છે. 

રાજ્ય સરકારે વર્ગ-3 માટે સુધારા કરતો પરિપત્ર કર્યો

રાજ્ય સરકારે વર્ગ-3 માટે સુધારા કરતો પરિપત્ર કર્યો છે.જેમાં બઢતીના નિયમોમાં સુધારા કરતો પરિપત્ર છે. તેમાં ભરતી-બઢતી માટે 80-20નો રેશિયોનું અર્થઘટન ખોટું થતું હતુ. જેમાં 80% સીધી ભરતી થઈ છે. તેમાં 20% બઢતીનું અર્થઘટન થતું હતુ. 20% યોગ્ય લાયકાતવાળા કર્મી મળે તો બઢતી અપાશે. તેમજ યોગ્ય કર્મી બઢતી માટે ન મળે તો સીધી ભરતી કરાશે.

સૌરાષ્ટ્ર યુનિવર્સિટી વિવાદમાં આવી

સૌરાષ્ટ્ર યુનિવર્સિટી વિવાદમાં આવી છે. જેમાં જાતીય સતામણીનો લેટર બોમ્બ વાયરલ થયો છે. તેમાં બાયો સાયન્સ ભવનમાં જાતીય સતામણીનો ઉલ્લેખ કરવામાં આવ્યો છે. જેમાં મહિલા અધ્યાપિકા દ્વારા જાતીય સતામણીનો આક્ષેપ છે. તેમાં અધ્યાપિકા પર વિદ્યાર્થિનીઓની જાતીય સતામણીનો આરોપ છે. જેમાં વિદ્યાર્થિનીઓના બીભત્સ ફોડા પડાવ્યાનો લેટરમાં ઉલ્લેખ છે. 

બજેટ પહેલા બેઠકોનો દોર, નિર્મલા સીતારમણ સતત બેઠકોમાં વ્યસ્ત

કેન્દ્રીય નાણામંત્રી નિર્મલા સીતારમણ હાલમાં જનરલ બજેટ 2024-25ની તૈયારીઓમાં વ્યસ્ત છે. આ અંગે આજે તેમણે નાણા મંત્રાલય અને કેપિટલ માર્કેટ સેક્ટર સાથે બેઠક યોજી હતી. આજે નવી દિલ્હીમાં નિર્મલા સીતારમણે આગામી સામાન્ય બજેટ 2024-25 માટે નાણાકીય અને મૂડી બજાર ક્ષેત્રના અગ્રણી નિષ્ણાતો સાથે બીજી પ્રી-બજેટ પરામર્શ બેઠકની અધ્યક્ષતા કરી હતી.

પાલિતાણા નજીક ભુકંપનો આંચકો આવ્યો 

પાલિતાણા નજીક ભુકંપનો આંચકો આવ્યો છે. જેમાં 3.7 ની તિવ્રતાનો આંચકો નોધાયો છે. 9.27 કલાકે આંચકો નોધાયો છે. તેમાં પાલિતાણાની 20 કીમી દુર કેંદ્ર છે. 

Gujarat Monsoon: વરસાદને લઇ ચિંતાજનક સમાચાર

ચોમાસાને લઇને ચિંતાજનક સમાચાર સામે આવ્યા છે. જેમાં ચોમાસુ હજુ પણ નવસારીમાં જ અટકેલું છે. તેમાં 20 જૂનથી ચોમાસુ આગળ વધવાની શક્યતા હતી તેમાં 20 જૂન થઇ પણ ચોમાસુ હજુ નવસારીમાં અટકેલું છે. આવનારા 2 દિવસમાં ચોમાસુ આગળ વધે તેવી સંભાવના દેખાઇ રહી છે. ત્યારે ગુજરાતમાં 7 દિવસ વરસાદની આગાહી કરવામાં આવી છે.

સુનિતા વિલિયમ્સ 26 જૂન પહેલા ધરતી પર નહીં આવી શકે

ભારતીય મૂળની અવકાશયાત્રી સુનિતા વિલિયમ્સ અને તેમના સાથીદારો 6 જૂને અવકાશયાનમાં બેસીને ઈન્ટરનેશનલ સ્પેસ સ્ટેશન પહોંચ્યાં હતાં. ત્યાં પહોંચ્યા બાદ સુનિતા અને તેના 8 ક્રૂ મેમ્બર્સને ઘણી મુશ્કેલીઓનો સામનો કરવો પડ્યો હતો. ત્યારે નાસાએ અનુમાન લગાવ્યું હતું કે, તેઓ અહીં એક અઠવાડિયું રોકાશે અને પછી પરત ફરશે, પરંતુ હિલિયમ લીક થવા અને સુપરબગ્સના ખતરાને કારણે અનેક સવાલો ઊભા થયા છે.

Ahmedabad Rathyatra 2024ની તડામાર તૈયારીઓ, હર્ષ સંઘવીએ સુરક્ષા સમીક્ષા કરી

ગૃહ રાજ્યમંત્રી હર્ષ સંઘવી જગન્નાથ મંદિર પહોંચ્યા છે. જેમાં ભગવાન જગન્નાથના દર્શન કર્યા છે. તેમજ પોલીસ અધિકારી અને મંદિર સત્તાધીશો સાથે બેઠક કરી છે. જેમાં રથયાત્રાને લઈ સુરક્ષા સમીક્ષા કરાઈ છે. જગન્નાથ મંદિરની મુલાકાત લઈ સુરક્ષા વ્યવસ્થાનો તાગ મેળવ્યો છે. તેમજ જળયાત્રામાં ગૃહમંત્રી હર્ષ સંઘવી હાજર રહેશે.

અમદાવાદ સીઆઈડી ક્રાઇમમાં પંચો વિરુદ્ધ ફરિયાદ નોંધાઈ 

અમદાવાદ સીઆઈડી ક્રાઇમમાં પંચો વિરુદ્ધ ફરિયાદ નોંધાઈ છે. જેમાં આંગડિયા પેઢીમાં પાડવામાં આવેલ દરોડામાં રહેલા પંચોએ ચોરી કરી હતી. દરોડામાં પીએમ આંગડિયા પેઢીમાંથી 73 લાખથી વધુ રોકડ અને 10 સોનાની લગડી મળી આવેલ હતી. જેમાં સીઆઈડી ક્રાઇમ દ્વારા તમામ મુદ્દામાલ આયકર વિભાગને સોંપવામાં આવેલો હતો. જેમાં સોંપ્યા બાદ લોકરમાંથી એક લગડી ગાયબ થઇ હતી.

Dharmendra Pradhan  on NEET: ધર્મેન્દ્ર પ્રધાને લીધી નૈતિક જવાબદારી,દોષિતોને નહીં છોડીએ

ગત રાત્રીએ નીટ પરીક્ષા રદ્દ કરાયા બાદ આજે કેન્દ્રીય શિક્ષણ પ્રધાને આ મુદ્દે પ્રેસ કોન્ફરન્સ સંબોધીને કેટલાક મુદ્દા પર સ્પષ્ટતા કરી દીધી હતી. કેન્દ્રીય શિક્ષણ પ્રધાન ધર્મેન્દ્ર પ્રધાનને કહ્યું કે દોષિતોને કોઈ કાળે છોડવામાં નહિ આવે. વિદ્યાર્થીઓનું હિત અમારી પ્રાથમિકતા ગણાવી હતી. અંડરગ્રેજ્યુએટ મેડિકલ એન્ટ્રન્સ એક્ઝામ (NEET UG) વિવાદોમાં ઘેરાયેલી છે. દરમિયાન, શિક્ષણ મંત્રાલયે બુધવારે યુજીસી નેટ પરીક્ષા રદ કરવાનો નિર્ણય લીધો હતો.

કંગનાને દર મહિને 70,000 રૂપિયા અને ઓફિસ ખર્ચ માટે દર મહિને 60,000 રૂપિયા મળશે

કંગનાને તેના લોકસભા ક્ષેત્ર માટે દર મહિને 70,000 રૂપિયા અને ઓફિસ ખર્ચ માટે દર મહિને 60,000 રૂપિયા મળશે. જો સેલેરીની વાત કરીએ તો એક્ટ્રેસને એક લાખ રૂપિયાનો પગાર મળશે. પગાર સિવાય કંગના રનૌતને દર વર્ષે 1.5 લાખ રૂપિયા સુધી મફત હાઈ-સ્પીડ ઈન્ટરનેટ અને મફત કોલ સુવિધા પણ મળશે. કંગના રનૌતને દર વર્ષે 4,000 લીટર પાણી અને 50,000 યુનિટ ફ્રી લાઈટની સાથે રહેવા માટે ફ્રી હાઉસ મળશે. જો એક્ટ્રેસ આ ઘરમાં નથી રહેતી તો તે ઘર ભથ્થા તરીકે દર મહિને 2 લાખ રૂપિયા લઈ શકે છે.

અમેરિકા કાળઝાળ ગરમીમાં શેકાયું, 60 શહેરોમાં ઈમરજન્સી જાહેર કરવી પડી

ભારત, સાઉદી, કેનેડા, ગ્રીસ, અમેરિકા સહિતના અનેક દેશોમાં લોકો ગરમીનો સામનો કરી રહ્યા છે. ગરમીનો પારો એટલો ઊંચો પહોંચી ગયો છે કે ઘણી જગ્યાએ હીટવેવના કારણે લોકોના મોત થઈ રહ્યા છે. હીટવેવને કારણે અમેરિકામાં ઈમરજન્સી જાહેર કરવામાં આવી છે. અમેરિકાના 60થી વધુ શહેરોમાં તાપમાનનો પારો 40ની ઉપર પહોંચી ગયો છે.

 ACBની જાળમાં ફસાયો વધુ એક લાંચિયો અધિકારી, ગુનાની કરી કબૂલાત

એસીબીની ટ્રેપમાં વધુ એક સરકારી અધિકારી લાંચ લેતા ઝડપાયો છે. અરવલ્લી જિલ્લાના બાયડ તાલુકામાં સામુહિક આરોગ્ય કેન્દ્રમાં હેડ કલાર્ક વર્ગ -3 તરીકે ફરજ બજાવતા યશવંતભાઈ મોકમભાઈ પટેલને રૂપિયા 7000ની લાંચ લેતા ઝડપી પાડવામાં આવ્યા છે.

આસામમાં 19 જિલ્લાઓ જળમગ્ન, પૂરે મચાવી તબાહી

આસામમાં સતત વરસાદને કારણ સ્થિત તંગ બની છે. રાજ્યમાં પૂરને કારણે સ્થિતિ સતત ખરાબ બની રહી છે. અત્યાર સુધીમાં આસામના 19 જિલ્લાઓ પૂરથી પ્રભાવિત થયા છે.  કેટલાક જિલ્લાઓમાં પૂર અને ભૂસ્ખલનને કારણે રસ્તાઓ,પુલો અને અન્ય ઈન્ફ્રાસ્ટ્રક્ચરને મોટુ નુકસાન થયું છે. 

ભરૂચમાં કાજુના શાકમાં જોવા મળી માખી

ગુજરાત રાજ્યના વિવિધ સ્થાનો પરથી ખાવાના ભોજનમાંથી વિવિધ પ્રકારના જીવાત નીકળવાની ઘટનાઓ સામે આવી રહી છે. જેની સાથે જ લોકોના સ્વાસ્થ્ય સાથે ચેડા થતા રહે છે. ભરૂચમાં નોવેસ હોટલમાં કાજુના શાકમાંથી માખી નીકળી છે. તેમાં ભોજનમાંથી જીવાત નીકળવાની પરંપરા યથાવત્ રહી છે.

PM MODIનું શ્રીનગરમાં પરંપરાગત રીતે કરાયુ સ્વાગત

ત્રીજી વખત વડાપ્રધાન બન્યા બાદ નરેન્દ્ર મોદી ગુરુવારે જમ્મુ-કાશ્મીરના પ્રવાસે છે. તેઓ નવી દિલ્હીથી શ્રીનગર પહોંચ્યા છે. પીએમ મોદી આજે શ્રીનગરમાં 'યુવા સશક્તિકરણ, જમ્મુ-કાશ્મીરમાં પરિવર્તન' કાર્યક્રમમાં ખાસ હાજર રહેશે.. જેનો હેતુ યુવાનોને પ્રગતિનો માર્ગ બતાવવાનો છે.  પીએમ મોદી શ્રીનગર પહોંચતા પરંપરાગત રીતે સ્વાગત કરવામાં આવ્યું,. ત્યાં જે સ્ટોલ લગાવવામાં આવ્યા હતા તેમની સાથે વાતચીત પણ કરતા જોવા મળ્યા હતા. 

સાંજે 6 વાગ્યા સુધીના મહત્વના સમાચાર

1.  Gujaratમાં ડ્રગ્સ સામેની લડત માટે પોલીસકર્મીઓને અપાઇ ખાસ તાલીમ

2. Ahmedabad: નિકોલમાં ઢોસાના સંભારમાં ઉંદર નહિં પતંગિયું પડ્યું હતુ: રેસ્ટોરન્ટ માલિક

3. Vadodara: ગેરકાયદેકર જમીન પર તબેલા બાંધતા ક્રિકેટર યુસૂફ પઠાણ ભરાયો

4. Savliના ધારાસભ્ય કેતન ઈનામદારનો વધુ એક લેટર બોમ્બ સામે આવ્યો

5. Odisha Assembly Speaker: BJP નેતા સુરમા પાઢી બન્યા ઓડિશા વિધાનસભાના સ્પીકર

6. NTA Subodh Kumar Singh: કોણ છે સુબોધકુમાર સિંહ? જેને કેન્દ્રએ યાદ કર્યા

7. Cockroach In Food:વંદે ભારત ટ્રેનના ફૂડ પેકેટમાંથી નીકળ્યો વંદો,IRCTCએ આપ્યો આ જવાબ

8. Paper Leak Case: કોંગ્રેસ સાંસદ રાહુલ ગાંધીએ વડાપ્રધાન મોદી પર કર્યા પ્રહાર

9. International Yoga Day 2024: 127 વર્ષની ઉંમરે યુવાનો જેવી સ્ફૂર્તિ,જાણો યોગાચાર્યને

10. David Johnson: ભારતના પૂર્વ ફાસ્ટ બોલરે કરી આત્મહત્યા, ક્રિકેટ જગતમાં શોકની લહેર

 ઉંદર નહિં પતંગિયું પડ્યું હતુ, રેસ્ટોરન્ટ માલિકનો ખુલાસો

અમદાવાદમાં સંદેશ ન્યૂઝના અહેવાલની અસર જોવા મળી છે. જેમાં નિકોલમાં ઢોસાના સંભારમાંથી ઉંદર નીકળ્યો હતો. તેમાં સંદેશ ન્યૂઝે અહેવાલ પ્રસારિત કર્યો હતો. જેમાં અહેવાલ બાદ મનપાએ કાર્યવાહી હાથ ધરી હતી. તેમાં દેવી રેસ્ટોરન્ટને મનપા દ્વારા સીલ કરવાની કાર્યવાહી કરી છે. જેમાં મનપાની તપાસમાં પેસ્ટ કંટ્રોલ માટેનું સર્ટિ પણ ના મળ્યું તથા રેસ્ટોરન્ટ આસપાસની જગ્યા પણ બંધ કરવા નોટિસ અપાઇ છે.

દિલ્હીમાં ગરવી ગુજરાત ભવનને મળ્યો એવોર્ડ

ગરવી ગુજરાત ભવનને  ગ્રીન બિલ્ડિંગનો એવોર્ડ મળ્યો છે. આ એવોર્ડ GRIHA દ્વારા આપવામાં આવ્યો છે.  ગરવી ગુજરાતને  3 સ્ટાર રેટિંગ મળ્યું છે. 

ગેરકાયદેકર જમીન પર તબેલા બાંધતા ક્રિકેટર યુસૂફ પઠાણ ભરાયો

જમીન પર દબાણ મુદ્દે HCમાં TMC સાંસદ અને ક્રિકેટર યુસૂફ પઠાણની અરજી છે. જેમાં રાજકારણ વચ્ચે ન લાવવા હાઇકોર્ટની વકીલને ટકોર છે. તેમજ VMCની જમીન પર યુસુફ પઠાણે કબજો કર્યાનો આક્ષેપ છે. ત્યારે વધુ સુનાવણી આવતીકાલે હાઇકોર્ટમાં થશે. જેમાં ગેરકાયદે દબાણ કરી તબેલો બનાવ્યો હોવાનો વડોદરા મનપાનો આક્ષેપ છે.

રાજકોટમાં નજીવી બાબતે વીજકર્મી સાથે મારામારી

હજુ લાઈટ કેમ રિપેર નથી કરી કહી માર્યો માર. રસિક તિલાળા નામના શખ્સે વીજકર્મીને માર્યો માર. યોગેશ ચાવડા નામના વીજકર્મીએ નોંધાવી ફરિયાદ. સમગ્ર ઘટનાનો વીડિયો થયો વાયરલ.

દિલ્હીમાં ગરવી ગુજરાત ભવનને મળ્યો એવોર્ડ

ગરવી ગુજરાત ભવનને મળ્યો ગ્રીન બિલ્ડિંગનો એવોર્ડ. GRIHA દ્વારા આપવામાં આવ્યો એવોર્ડ. ગરવી ગુજરાતને મળ્યું 3 સ્ટાર રેટિંગ. ગરવી ગુજરાત ભવન દિલ્હીમાં ગુજરાતનું પ્રતિનિધિત્વ કરે છે.

સુરતમાં શિક્ષણ સમિતિની સ્કૂલમાં બેદરકારી

શાળામાં કાચની બારી લગાડાતા વિદ્યાર્થીઓ મૂંઝવણમાં છે. વિદ્યાર્થીઓને સ્માર્ટ બોર્ડ પરનું લખાણ વંચાતું નથી. વર્ગખંડમાં તડકો આવવાથી લખાણ વાંચવામાં મૂઝવણ થઈ રહી છે. રજૂઆત કરવા છતા હોદ્દેદારોએ આંખ આડા કાન કર્યા છે. સંદેશ ન્યૂઝ સમક્ષ ભાજપ કોર્પોરેટરે બાંહેધરી આપી છે કે વિદ્યાર્થીઓને પડતી તકલીફ જલ્દી દૂર કરાશે.

ધારાસભ્ય કેતન ઈનામદારનો વધુ એક લેટર બોમ્બ

સાવલીના ધારાસભ્ય કેતન ઈનામદારના આક્ષેપ સામે આવ્યા છે. મોકસીના સરપંચ, તલાટી સામે ગેરરીતિના આક્ષેપ છે. જિલ્લા વિકાસ અધિકારીને તપાસ કરવા કરી માગ કરી છે. અંગત વ્યક્તિઓ પાસેથી ઓછો વેરો વસૂલાય છે. ઝુપડપટ્ટીમાં રહેતા લોકો પાસેથી વધુ રકમ લેવાય છે. વેરા પેટે ઉઘરાવેલા નાણાં જમા કરાવતા નથી.

ગાંધીનગરમાં અગોરા મોલમાંથી 9 જુગારી ઝડપાયા

ટ્રેબિકા સિલેક્ટ હોટલમાં રમતા હતા જુગાર. દિનશા શાહ નામનો શખ્સ જુગાર રમાડતો હતો. રોકડ રકમ સહિત કુલ 14 લાખનો મુદ્દામાલ જપ્ત કરાયો. અડાલજ પોલીસે ગુનો નોંધી કાર્યવાહી હાથ ધરી.

નીટ પરીક્ષા વિવાદ મુદ્દે રાહુલ ગાંધીના સરકાર પર પ્રહાર

સંસદમાં પેપરલીકનો મુદ્દો ઉઠાવીશું. મહેનતી વિદ્યાર્થીઓ સાથે દગો થયો. વિદ્યાર્થીઓની સાથે રમત થઈ છે. દરેક પરીક્ષામાં ધાંધલી થઈ રહી છે. પેપર લીકથી વિદ્યાર્થીઓને નુકસાન. દોષિતો વિરુદ્ધ કાર્યવાહી થાય. આ મામલો વ્યાપમનું વિસ્તૃત રૂપ છે. વ્યાપમને દેશમાં ફેલાવવાનું કામ છે. પરીક્ષા પ્રણાલીની સમીક્ષા જરૂરી છે. 

જમીન પર દબાણ મુદ્દે HCમાં યુસૂફ પઠાણની અરજી

યુસૂફ પઠાણના વકીલની કોર્ટમાં રજૂઆત. બીજા પક્ષમાંથી સાંસદ બનતા કાર્યવાહી કરાઈ. જમીન VMCની જનરલ બોડીએ આપી છે. જમીન ખાલી કરાવવા કેવી રીતે કહી શકે એમ વકીલે દલીલ કરી. રાજકારણ વચ્ચે ન લાવવા હાઈકોર્ટની વકીલને ટકોર. વડોદરા મનપાએ યુસૂફ પઠાણને આપી છે નોટિસ. જમીન પર દબાણ કરવા બદલ આપી છે નોટિસ. વધુ સુનાવણી આવતીકાલે હાઈકોર્ટમાં થશે.

મહીસાગર કોર્ટે નકલી વૈજ્ઞાનિકને 5 વર્ષની સજા ફટકારી

જગદીશ ત્રિવેદીને કોર્ટે ફટકારી 5 વર્ષની સજા. શિક્ષક તરીકે ફરજ બજાવતો હતો જગદીશ ત્રિવેદી. ત્રિવેદીએ વૈજ્ઞાનિક હોવાની છાપ ઊભી કરી હતી. રૂ.12,77,700ની ઉચાપતનો બનાવ્યો હતો પ્લાન. બોગસ વૈજ્ઞાનિકના પ્રમાણપત્રો બનાવી કરી હતી ઉચાપત.

વડોદરામાં ગણેશોત્સવને લઈ નિયમમાં ફેરફાર

વડોદરા પોલીસ કમિશનરે ગણેશ મંડળોને આપી છૂટછાટ આપી છે.  ગણેશ મંડળોએ પોલીસ કમિશનર સાથે કરી મુલાકાત કરી હતી. જેમાં  રાત્રે 12 વાગ્યા પહેલા વિસર્જન પૂર્ણ કરવા કહેવામાં આવ્યું છે. સાથે જ  પોલીસ વિભાગ હેરાન નહીં કરે તેવી આપી બાંહેધરી આપી છે.  ગણેશ મંડળોએ પોલીસ વિભાગના આ નિર્ણયને વધાવ્યો હતો. 

વડોદરા પોલીસ કમિશનરે ગણેશ મંડળોને આપી છૂટછાટ આપી છે.  ગણેશ મંડળોએ પોલીસ કમિશનર સાથે કરી મુલાકાત કરી હતી. જેમાં  રાત્રે 12 વાગ્યા પહેલા વિસર્જન પૂર્ણ કરવા કહેવામાં આવ્યું છે. સાથે જ  પોલીસ વિભાગ હેરાન નહીં કરે તેવી આપી બાંહેધરી આપી છે.  ગણેશ મંડળોએ પોલીસ વિભાગના આ નિર્ણયને વધાવ્યો હતો. 

રાજકોટમાં સ્કોર્પિયોચાલક બન્યો બેફામ

રાજકોટમાં  બેફામ બનેલા સ્કોર્પિયો ચાલકે  પાર્કિંગમાં પડેલા 3 વાહનોને અડફેટે લીધા હતા.  જેમાં એક કાર અને બે બાઈકમાં નુકસાન થયુ હોવાનું સામે આવ્યુ છે.

ફૂલસ્પીડે કાર હંકારીને અકસ્માત સર્જ્યો. જો કે  સદનસીબે ઘટનામાં કોઈ જાનહાનિ થઇ નથી. ઘટનાને પગલે  ગાંધીગ્રામ પોલીસે યુવકની અટકાયત કરી છે. 

બપોરે 3 વાગ્યા સુધીના મહત્વના સમાચાર 

1.  Rajkotમાં ઓવર સ્પિડિંગ કારે વાહનોને લીધા અડફેટ,લોકોના જીવ જોખમમાં મૂકાયા જુઓ Video

2. Kuttchમાં BSFએ 150 કરોડનું ડ્રગ્સ કર્યુ જપ્ત,ક્રિક બોર્ડર પર સર્ચ દરમિયાન મળ્યું

3. Gujarat Monsoon: રાજયમાં આજે દક્ષિણ ગુજરાતમાં ભારે વરસાદની આગાહી હવામાન વિભાગે કરી

4. Ahmedabad Rathyatra 2024ની તડામાર તૈયારીઓ વચ્ચે સુરક્ષા વ્યવસ્થાનો તાગ મેળવશે હર્ષ સંઘવી

5. Ahmedabadના નિકોલમાં ઢોસામાંથી નિકળ્યુ મૃત ઉંદર,બહારનુ ખાવા વાળા માટે ચિંતાજનક સમાચાર

6. UGC-NET Examની નવી તારીખોનું જલ્દી થશે એલાન, શિક્ષણ મંત્રાલયે આપ્યુ અપડેટ

7. National News: આ 15થી વધુ પૂર્વ મંત્રીઓને સરકારી બંગ્લો ખાલી કરવા નિર્દેશ

8.NEET Paper Leak: સિકંદર માટે તેજસ્વીના PSએ ફોન કર્યો,વિજય સિંહાનો દાવો

9. Ecuador Blackout: ઈક્વાડોરમાં ગંભીર ઊર્જા સંકટને લીધે ફરી આખા દેશમાં અંધારપટ

10. ENG Vs WI: 4-6-4-6-6-4 ફટકારીને સોલ્ટે મચાવી ધૂમ, ઈંગ્લેન્ડની શાનદાર જીત

UGC-NET Examની જલ્દી લેવાશે પરીક્ષા

શિક્ષણ મંત્રાલયના સંયુક્ત સચિવ ગોવિંદ જયસ્વાલે જણાવ્યું છે કે 18 જૂનના રોજ NTA દ્વારા લેવામાં આવેલી UGC-NET પરીક્ષામાં 9 લાખ વિદ્યાર્થીઓએ હાજરી આપી હતી. મંત્રાલયે નિરીક્ષણ કર્યું હતું કે પરીક્ષામાં ગેરરીતિ થવાની સંભાવના છે. તેથી મંત્રાલયે પરીક્ષા રદ કરી. સાથે જ જણાવ્યું કે ટૂંક સમયમાં નવી તારીખની જાહેરાત કરવામાં આવશે.

કચ્છમાં ફરી એકવાર ઝડપાયુ ડ્રગ્સ

BSFએ 150 કરોડનું ડ્રગ્સ કર્યુ જપ્ત. સિન્થેટિક, હેરોઈન, ચરસના પેકેટ મળ્યા. ક્રિક બોર્ડર પર સર્ચ ઓપરેશન હાથ ધર્યુ હતુ. ઓપરેશન દરમિયાન ડ્રગ્સના પેકેટ મળી આવ્યા.

રાજકોટ મનપા હજુ પણ દુર્ઘટનાની જોઈ રહ્યું છે રાહ!

RMC સંચાલિત BRTS બસમાં બેદરકારીના દ્રશ્યો સામે આવ્યા છે. બસમાં ઘેટા બકરાની જેમ પેસેન્જર ભરવામાં આવે છે. ઇલેક્ટ્રિક બસમાં કોઈ દુર્ઘટના ઘટે તો જવાબદાર કોણ તે એક પ્રશ્ન છે. એક બસમાં 80થી 100 પેસેન્જર ભરવામાં આવ્યા. આ અંગે અનેક પ્રશ્નો થઈ રહ્યા છે. 

વડોદરાના નંદેસરીમાં સરપંચના પતિની દાદાગીરી

રડીયાપુરા ગામે મહિલા અને તેના પુત્રને માર માર્યો. સરપંચ હીનાબેન પઢીયારના પતિ જશવંતે માર માર્યો. ઘરની બાજુમાં ડ્રેનેજ લાઈન નાખવા મુદ્દે થઈ બબાલ. જશવંત પઢીયાર સામે નંદેસરી પોલીસ મથકે ફરિયાદ નોંધાઈ છે. 

પાલનપુર સરકારી વસાહતના મકાનો જર્જરિત

32 પરિવારોને રાતોરાત મકાન ખાલી કરાવ્યા. પ્રાંત અધિકારીના આદેશ બાદ મકાન ખાલી કરાવ્યા. દર વર્ષે એક પછી એક બ્લોક જર્જરિત થઈ રહ્યા છે. સરકારી ક્વાર્ટરમાં જ કર્મચારીઓ સલામત નહીં હોવાનું સામે આવ્યું છે. બ્લોક બહાર કે અંદર ન જવાની નોટિસ મારી દેવામાં આવી છે. બે વર્ષ અગાઉ લાખો રૂપિયાના ખર્ચે કરાયું હતું રિનોવેશન.

અમદાવાદના દેત્રોજમાં પ્રેમી પંખીડાનો આપઘાત

નર્મદા કેનાલમાંથી બંન્નેના મૃતદેહો મળી આવ્યા. દુપટ્ટો બાંધેલી હાલતમાં મૃતદેહ મળ્યા. પોલીસે વધુ તપાસ હાથ ધરી છે.

દ્વારકાના દરિયામાં બેદરકારીના દ્રશ્યો સામે આવ્યા

ગોમતી ઘાટ પર 10થી 15 ફુટ ઊંચા મોજા ઉછળ્યા હોવાના સમાચાર છે. ઊંચા મોજા વચ્ચે જીવના જોખમે આનંદ માણી રહ્યા છે. મોટી દુર્ઘટના સર્જાય તો જવાબદાર કોણ તે સવાલ છે.

અમદાવાદમાં વધુ એક વ્યક્તિ બન્યો પાર્સલ ગેંગનો ભોગ

પાર્સલમાં ડ્રગ અને પાસપોર્ટ હોવાનું જણાવી છેતરપિંડી કરી છે. યુનિસન ફાર્મા કંપનીના ડેપ્યુટી મેનેજર સાથે છેતરપિંડી કરાઈ છે. ક્રાઈમ બ્રાન્ચના અધિકારીની ઓળખ આપી પડાવ્યા રૂપિયા. 8 લાખ 75 હજાર રૂપિયા પડાવી લેતા નોંધાઈ ફરિયાદ. સાયબર ક્રાઇમે ગુનો દાખલ કરી તપાસ હાથ ધરી છે. 

ઉમરગામમાં વરસાદથી રસ્તાઓ ધોવાયા

સ્થાનિકોએ રસ્તાની કામગીરી સામે સવાલ ઉઠાવ્યા છે. રસ્તાની કામગીરીમાં વેઠ ઉતારી છે. માઈનોર બ્રિજ બનાવ્યા બાદ કામગીરી અધૂરી છોડાઈ. રસ્તો ધોવાઈ જવાથી અવરજવરમાં ભારે હાલાકીનો સામનો કરવો પડી રહ્યો છે. 

ગુજરાતમાં ચોમાસાને લઇને ચિંતાજનક સમાચાર

IMDના વૈજ્ઞાનિક સોમા સેનનું નિવેદન છે કે હાલમાં ગુજરાતમાં ચોમાસું આગળ વધવાના સંકેત નથી. હાલમાં ચોમાસું ઉત્તર પૂર્વ ભારત તરફ મજબૂત બન્યું છે. દક્ષિણ ગુજરાતમાં આજે ભારે વરસાદની આગાહી છે. 

Yoga Day 2024: મુખ્યપ્રધાન સાથે હજારો લોકો કરશે યોગ: હર્ષ સંઘવી

રાજ્યના ગૃહપ્રધાન અને રમત ગમત મંત્રી હર્ષ સંઘવીએ આવતીકાલે યોજાનારા આંતરરાષ્ટ્રીય યોગ દિવસની ઉજવણીને લઈને નિવેદન આપ્યું છે. હર્ષ સંઘવીએ કહ્યું કે રાજ્યમાં કુલ 312 જગ્યાઓ પર કાર્યક્રમ યોજાશે. શાળાઓ, જેલ, પોલીસ, સામાજિક સંસ્થાઓ પણ આ કાર્યક્રમમાં જોડાશે, આ સિવાય 2 દેશની સરહદો પર પણ યોગના કાર્યક્રમનું આયોજન કરવામાં આવ્યું છે. બોર્ડર પર ફેન્સિંગ પાસે પણ લોકો યોગમાં જોડાશે. મુખ્યપ્રધાનની આગેવાનીમાં રાજ્યકક્ષાના કાર્યક્રમનું આયોજન થશે.

સુરતમાં અસામાજીક તત્વોનો આતંક

7 જેટલા ઈસમોએ વાહનોમાં કરી તોડફોડ. 2 રીક્ષા, કારમાં તોડફોડ કરી મચાવ્યો આતંક. લાભેશ્વર આંબાવાડી પાસેનો બનાવ છે.  સમગ્ર ઘટના સીસીટીવી કેમેરામાં કેદ કરવામાં આવી છે. પોલીસે સીસીટીવીના આધારે તપાસ શરૂ કરી છે. 

અમદાવાદમાં વેસ્ટ કોસ્ટ ફાર્મા કંપની સાથે છેતરપીંડી 

કંપનીના 4 કર્મચારીએ 88 લાખથી વધુની  છેતરપીંડી થઈ છે. કંપનીની જાણ બહાર ખોટા પરચેઝ બિલો બનાવીને ઠગાઇ કરાઈ છે. ફરિયાદી અને તેની પત્નીની ખોટી સહી કરી બિલ પાસ કરાવતા હતા. પોલીસે 4 લોકો સામે ગુનો નોંધી તપાસ શરૂ કરી છે. 

અમદાવાદના લાંબા વોર્ડમાં પાણી મુદ્દે સ્થાનિકોનો વિરોધ 

પાણી અને ગટરની સમસ્યાને લઈને વિરોધ સામે આવ્યો છે. 4 મહિનાથી રજૂઆત છતાં સમસ્યાનો નિકાલ નહીં. 1 લાખથી વધુ પ્રજા તંત્રના પાપે ભોગવે છે હાલાકી. સ્થાનિક અપક્ષ કોર્પોરેટર કાળુ ભરવાડે કરી રજૂઆત. રજૂઆત છતા અધિકારીઓના આખ આડા કાન કરાય છે. અમે અધિકારીને કહી કહીને થાક્યા તો પણ કોઈ ઉકેલ આવ્યો નથી તેમ કાળુ ભરવાડે કહ્યું છે. પરિસ્થિતિ એવી છે કે પાણી આવતું નથી તેવી સ્થાનિકોની ફરિયાદ છે. 4 મહિનાથી અમે રજૂઆતો કરીને થાક્યા પણ પરિણામ શૂન્ય છે. 

NET પરીક્ષા ફરીથી યોજવા મુદ્દે કોંગ્રેસ નેતાનું નિવેદન

વિદ્યાર્થીઓના ભાવિ સાથે ચેડાં થઈ રહ્યા છે તેમ હેમાંગ રાવલે જણાવ્યું છે. સરકારના રાજમાં પરીક્ષામાં બેદરકારી થાય તે મોટી બાબત છે. 

વડોદરામાં SSG હોસ્પિટલની કેન્ટીનમાં બેદરકારી

SSG હોસ્પિટલની કેન્ટીનમાં નિયમોના ધજાગરા ઉડ્યા છે.  આરોગ્ય વિભાગની સૂચના છતા કોન્ટ્રાક્ટર બેફામ છે. સડેલા શાકભાજી અને ખુલ્લા કઠોળ જોવા મળ્યા. 2 દિવસ પહેલા આરોગ્યની ટીમે આપી હતી સૂચના. હાથે મોજા કે માથા પર કેપ પણ કોઈ નથી પહેરતું. આજે ફરીથી આરોગ્ય વિભાગે કેન્ટીનમાં પાડ્યા દરોડા. દર્દીઓ અને સગાને વધુ બીમાર કરવાની પ્રવૃત્તિ સામે આવી હતી. 

રાજકોટ સિવિલ હોસ્પિટલમાં સંદેશ ન્યૂઝનું રિયાલિટી ચેક

હોસ્પિટલમાં છત અને બાંધકામ જર્જરિત હોવાનું ખૂલ્યું. સિવિલ હોસ્પિટલમાં અનેક વિભાગોમાં છત જર્જરિત જોવા મળી હતી. જૂની સિવિલમાં અનેક વોર્ડ જર્જરિત અવસ્થામાં છે. હોસ્પિટલના છતમાંથી લોખંડના સળિયાઓ દેખાયા. બર્ન્સ વિભાગમાં એન્ટ્રી ગેટ ઉપર જ જોખમ છે. 

અગ્નિકાંડ બાદ અમદાવાદની વિવેકાનંદ કોલેજ સીલ

કોલેજમાં 3થી 5 માળની BU પરમિશન ન હોવાથી સીલ કરી દેવામાં આવી છે. સમગ્ર મામલે વિવેકાનંદ કોલેજના આચાર્યનું નિવેદન સામે આવ્યું છે. દોઢ વર્ષ પહેલા BU માટે આચાર્યને કરાઈ છે અરજી. તંત્રએ કોઈ કાર્યવાહી ન કરી. અગ્નિકાંડ બાદ કોલેજ સીલ કરાઈ છે. હાલમાં 4000 વિદ્યાર્થીઓનું ભવિષ્ય દાવ પર  છે. ‘UPSCની પરીક્ષા માટે કલેક્ટરની મંજૂરીથી કોલેજ કેમ ખોલી’ તે પણ પ્રશ્નો છે. 

અમદાવાદવાસીઓ બહારનું ખાતા પહેલા ચેતજો

ઢોસાના સંભારમાંથી નીકળ્યું મૃત ઉંદર. નિકોલમાં દેવી ઢોસા રેસ્ટોરન્ટનો બનાવ. સમગ્ર ઘટનાનો વીડિયો સોશિયલ મીડિયામાં વાયરલ. 

સાબરકાંઠામાં મંદિર તોડતા સ્થાનિકોનો વિરોધ

છાપરીયા રોડ પર મંદિર તોડવા પહોંચ્યું તંત્ર. અનંતેશ્વર મહાદેવ મંદિર તોડવા પહોંચ્યું તંત્ર. મંદિર તોડતા સ્થાનિકોઓએ કર્યો હોબાળો. સ્થાનિકોનો વિરોધ બાદ મંદિર તોડવાનો મોકુફ રખાયું.

 બપોરના 12 વાગ્યા સુધીના તમામ મહત્ત્વના સમાચાર 

1.  Iran ને વધુ એક મોટો ઝટકો, અમેરિકા બાદ મળ્યો બીજો દુશ્મન

2. Bhuj News: ભુજના સાગરસીટી વિસ્તારમાં પીવાના પાણીની સમસ્યા વિકરાળ બની,જુઓ Video

3. Tamilnadu: તમિલનાડુમાં ઝેરી દારૂ પીવાથી 30ના મોત,100થી વધુ લોકો હોસ્પિટલમાં સારવાર હેઠળ

4. NEET 2024 Re-Exam: NEETની 23જૂને ફરી પરીક્ષા,આ રીતે એડમિટ કાર્ડ કરો ડાઉનલોડ

5. Ahmedabad : કેન્દ્રીય ગૃહ અને સહકાર મંત્રી અમિત શાહ આજે આવશે ગુજરાત

6. Gold Price Today: સોનું ખરીદવા માટે એક મોટી તક, જાણો આજની કિંમત

7. PM Modi To Visit Srinagar: આજથી બે દિવસ કાશ્મીરના પ્રવાસે PM,જાણો કાર્યક્રમ

8. અમિતાભ બચ્ચને Kalki 2898 ADની ખરીદી પહેલી ટિકિટ...લાગ્યા પ્રોડ્યુસરને પગે, જુઓ વીડિયો

9. Ahmedabad Rathyatra 2024: જળયાત્રાને લઈ સાબરમતી નદી ભુદરના આરે તડામાર તૈયારીઓ શરૂ

10. Mumbai Rain: મુંબઇમાં વરસાદી માહોલ,24 કલાકમાં મધ્યમથી ભારે વરસાદની આગાહી

21 જૂને આંતરરાષ્ટ્રીય યોગ દિવસની ઉજવણી

આવતીકાલે આંતરરાષ્ટ્રીય યોગ દિવસની થશે ઉજવણી. રમત ગમત મંત્રી હર્ષ સંઘવીનું નિવેદન આવ્યું છે. રાજ્યમાં કુલ 312 જગ્યાઓ પર કાર્યક્રમ યોજાશે. શાળાઓ, જેલ, પોલીસ, સામાજિક સંસ્થાઓ પણ જોડાશે. 2 દેશની સરહદો પર યોગના કાર્યક્રમનું આયોજન કરાયું છે. બોર્ડર પર ફેંસિગ પાસે લોકો યોગમાં જોડાશે. CMની આગેવાનીમાં રાજ્ય કક્ષાના કાર્યક્રમનું આયોજન કરાયું છે.  મુખ્યમંત્રી ભૂપેન્દ્ર પટેલ સાથે હજારો લોકો યોગ કરશે. આપણી સંસ્કૃતિ યોગ હવે દુનિયા સુધી પહોંચી છે એમ તેઓએ કહ્યું. કેન્દ્રીય ગૃહમંત્રી અમિત શાહ અમદાવાદના કાર્યક્રમમાં જોડાશે. કેન્દ્રીય મંત્રી સી.આર.પાટીલ સુરતમાં હાજર રહેશે. રાજ્ય સરકારના મંત્રી અલગ અલગ જિલ્લામાં હાજર રહેશે.

અરવલ્લીના મોડાસામાં તસ્કરો બેફામ 

બોરના કેબલની ચોરી કરતા 2 ઝડપાયા. ગરુકુલ સોસાયટીમાં ચોરી કરતા ઝડપાયા. કેબલની ચોરી કરતા સીસીટીવીમાં કેદ થઈ છે. રહીશોએ ચોરને ઝડપી પોલીસ હવાલે કર્યા.

જામનગરમાં ત્રિપલ અકસ્માતમાં યુવકનું મોત

પીકઅપ વાન, રીક્ષા અને બાઈક વચ્ચે અકસ્માત થયો છે. દરેડ GIDC પાસે અકસ્માતમાં બાઈકચાલકનું મોત થયું છે. રીક્ષામાં સવાર 3થી 4 લોકો ઈજાગ્રસ્ત છે. સમગ્ર ઘટનાના CCTV સામે આવ્યા છે.

શિક્ષણ વિભાગની બેદરકારીથી શિક્ષકનું મોત

પાટણમાં શાળાની છત પરથી પટકાતા શિક્ષકનું મોત નીપજ્યું છે. સમીની રાજપૂર ગામના શાળાની છત જર્જરિત હતી. પતરા તુટી જતા શિક્ષક રિપેર કરવા માટે ચડ્યા હતા. બાળકોનું હિત વિચારનાર શિક્ષકે ગુમાવ્યો જીવ.  શિક્ષક નટવરભાઇ દરજીના મોત માટે જવાબદાર કોણ? જર્જરિત શાળાઓનું સમારકામ કેમ નથી કરાતું? તંત્ર પાસે જર્જરિત શાળાઓનું લિસ્ટ ઉપલબ્ધ છે.  શિક્ષણ વિભાગે પણ વિધાનસભામાં લિસ્ટ આપ્યું હતું. શિક્ષકના મોત બાદ તંત્ર હજૂ તપાસની કરે છે વાતો.

વડોદરા મનપાની સામે પીવાના પાણીની પારાયણ

કોર્પોરેશન ઓફિસની સામે જ દુષિત પાણીથી રોષ જોવા મળી રહ્યો છે. ખાડીયા પોળ નં-1ના સ્થાનિકોમાં ભારે રોષ છે. 6 મહિનાથી પીળા, કાળા રંગનું આવી રહ્યું છે પાણી. દુષિત પાણીથી ટાઈફોઈડ, ઝાલા ઉલટીના કેસ વધ્યા છે.  કોંગ્રેસના સ્થાનિક નગરસેવક બાળુ સરવેને કરી રજૂઆત. નિરાકરણ ન આવે તો આંદોલનની ચીમકી આપી છે. 

કેનાલના પાણીને લઇ ખુદ ભાજપના ધારાસભ્ય મેદાને

અધિકારીઓને સાથે રાખી કાંતિ અમૃતિયાએ કર્યું નિરીક્ષણ. સુરેન્દ્રનગરના ઢાંકી પંપીગ સ્ટેશનમાં MLAએ કર્યું નિરીક્ષણ. સુરેન્દ્રનગર જિલ્લાના અધિકારીઓ પણ રહ્યા હાજર. કાંતિ અમૃતિયાએ માહિતી મેળવી જરૂરી સૂચનો આપ્યા. બ્રહ્માણી ડેમ ભરવા માટે કાંતિ અમૃતિયાએ આપી સૂચના. વધુમાં વધુ પાણી છોડવા, ગેરકાયદે કનેક્શન દૂર કરવા સૂચન આપ્યા. 

સૌરાષ્ટ્રના સૌથી મોટા યાર્ડમાં રાજકારણ ગરમાયું

રાજકોટ બેડી યાર્ડની ચૂંટણી 5 જુલાઈએ યોજાશે. ભાજપના બે પૂર્વ મંત્રી વચ્ચેની વર્ચસ્વની લડાઈ હતી. જયેશ રાદડીયા અને અરવિંદ રૈયાણી જૂથ મેદાને છે. વર્તમાન ચેરમેન જયેશ બોઘરાનું નામ રેસમાં છે. ચેરમેન માટે પરશોત્તમ સાવલિયાનું નામ પણ રેસમાં. ચેરમેન અને વાઈસ ચેરમેનની મુદ્દત પૂર્ણ થતા ચૂંટણી.

રથયાત્રા પહેલા યોજાતી જળયાત્રાની તૈયારીઓ

સાબરમતી નદી ભુદરના આરે તડામાર તૈયારીઓ જોવા મળી. નદીકાંઠે વિશાળ ડોમ, સ્ટેજ બાંધવાની કામગીરી થઈ. મંદિરથી રિવરફ્રન્ટના માર્ગો સુધી કરાઈ તૈયારીઓ. 22 જૂને યોજાશે જગન્નાથ મંદિરમાં જળયાત્રા યોજાઈ છે. સંત સમિતિના અધ્યક્ષ અવિચલદાસજી રહેશે હાજર.

આવતીકાલે ઉજવાશે આંતરરાષ્ટ્રીય યોગ દિવસ

સાબરમતી રિવરફ્રન્ટમાં યોગ દિવસની ઊજવણી થશે. સ્વયં અને સમાજ યોગ"ની થીમ પર ઉજવણી થશે. અમદાવાદ મેયર સહિતના આગેવાનો રહેશે ઉપસ્થિત. 8 મનપા, 32 જિલ્લા અને 251 તાલુકામાં ઉજવણી થશે.

સુરતના જહાંગીરપુરમાં SMCના દરોડા

41 હજારની 124 દારૂની બોટલ જપ્ત કરાઈ છે.  3 મોબાઈલ સાથે 3 શખ્સોની ધરપકડ કરવામાં આવી છે. સુજલ રાઠોડ, સાગર પ્રધાનની ધરપકડ થઈ છે. સાજીદ સલીમ શેખની ધરપકડ, અન્ય 3 વોન્ટેડ આરોપીઓ છે. સ્થાનિક પોલીસ ઊંઘતી ઝડપાઈ, SMCની કાર્યવાહી કરવામાં આવી છે. 

છોટાઉદેપુરમાં અકસ્માતમાં યુવકનું મોત

મેરિયા પુલ પાસે અજાણ્યા વાહનની અડફેટે મોત થયું છે. અજાણ્યા વાહન અને બાઈક વચ્ચે અકસ્માત થયો છે. પુલ પર અકસ્માત થતા 2 કિમીનો ટ્રાફિકજામ સર્જાયો હતો. 

વલસાડ જિલ્લાના કપરાડામાં વરસાદ

કપરાડામાં ઠેર ઠેર વરસાદી પાણી ભરાયા છે.  કપરાડાના રસ્તાઓ થયા પાણી પાણી. કપરાડા અને આસપાસના વિસ્તારમાં વરસાદી માહોલથી લોકોને હાલાકીનો સામનો કરવો પડી રહ્યો છે. 

સુરેન્દ્રનગરમાં નર્મદા વિભાગના અધિકારીની બેદરકારી

પાણી છોડવાની જાહેરાત બાદ રીપેરીંગ યાદ આવ્યું. અધિકારીઓએ કેનાલ તોડી રીપેરીંગ કામ હાથ ધર્યું. આજુબાજુના ખેડૂતો રહ્યા કેનાલના પાણીથી વંચિત રહ્યા. અધિકારીઓના પાપે ખેડૂતો કેનાલના પાણીથી વંચિત રહેવું પડ્યું છે. ભારદ, હામપર, રામગઢ, ચરાડીના ખેડૂતોને હાલાકી થઈ રહી છે. 

કપડવંજમાં કોન્ટ્રાક્ટર આપઘાત કેસમાં નોંધાઈ ફરિયાદ

આપઘાતના 5 દિવસ બાદ આખરે  પોલીસ ફરિયાદ નોંધાઈ છે. પોલીસે સ્યુસાઈડ નોટના આધારે પોલીસ ફરિયાદ નોંધી છે. કોન્ટ્રાક્ટરની સ્યુસાઈડ નોટમાં અધિકારીઓ પર આક્ષેપ કરાયા હતા. કોન્ટ્રાક્ટર કનુ પટેલે આર્થિક ભીસમાં કર્યો હતો આપઘાત. અધિકારી અને તેના મળતીયાઓ સામે ફરિયાદ નોંધાઈ છે. R&B અધિકારી દીપક ગુપ્તા, જીગર કડીયા સામે ફરિયાદ કરાઈ છે.  આ સિવાય રામ બિલ્ડર્સના 3 પાર્ટનર સામે પણ ગુનો નોંધાયો છે. લુણાવાડાના મનહર પટેલ, હિતેશ સુથાર સામે ફરિયાદ થઈ છે. મોડાસાના દીપક ગાંધી સહિત એલ.જી.ચૌધરી સામે ફરિયાદ કરાઈ છે. 

NEET UG 2024 પેપર લીક કેસમાં મોટો ખુલાસો

NEET UG 2024 પેપર લીક કેસમાં મોટો ખુલાસો થયો છે. આ કેસમાં પટનાથી ધરપકડ કરાયેલા ઉમેદવાર અનુરાગ યાદવે કબૂલાત કરી છે કે તેને પરીક્ષા પહેલા પેપર મળ્યા હતા. તેમણે તેમના નિવેદનમાં એમ પણ કહ્યું હતું કે તેમને આખી રાત પ્રશ્નોના જવાબો યાદ રાખવા માટે બનાવવામાં આવ્યા હતા. એક્ઝામિનેશન હોલમાં ગયા પછી મને બધા પ્રશ્નો સરખા જ જણાયા. મારા કાકા એટલે કે સિકંદર યાદવેન્દ્રએ મને કોટાથી ફોન કર્યો હતો કે પરીક્ષાની વ્યવસ્થા કરવામાં આવી છે. મારું પરીક્ષા કેન્દ્ર પટનાની દિબાઈ પાટીલ સ્કૂલ હતું. પરીક્ષા પછી પોલીસે મારી ધરપકડ કરી.

અમદાવાદમાં વૃક્ષોના નિકંદન સામે લોકોનો વિરોધ

કોર્પોરેશનને 100થી વધુ વૃક્ષો કાપતા વિરોધ  કરવામાં આવ્યો છે. લોકોએ ઓક્સિજન માસ્ક સાથે રાખી વિરોધ કર્યો. બ્રિજ બનાવવા નડતર વૃક્ષો કપાતા વિરોધ કરાયો છે. એક બાજુ વૃક્ષારોપણના દાવા, બીજી બાજુ વૃક્ષોનું નિકંદન.  આડેધડ વૃક્ષો કાપતા લોકોમાં રોષનો માહોલ જોવા મળ્યો છે. વૃક્ષો કપાશે તો ઓક્સિજન માસ્ક સાથે રાખવા પડશે. વૃક્ષો ઓછા થતા ગરમીનું પ્રમાણ વધ્યું છે એવી લોકોની દલીલ છે. વૃક્ષો કાપવાના બદલે અન્ય જગ્યાએ ખસેડવા જોઇએ તેમ કહેવામાં આવ્યું છે. 

સુરત શહેરમાં અસામાજિક તત્વો બેફામ

3 લુખ્ખાઓએ BRTS બસમાં કરી તોડફોડ. ઉન BRTS સ્ટેશન પાસે બસમાં તોડફોડ કરવામાં આવી છે. ભેસ્તાન પોલીસ મથકમાં નોંધાવી ફરિયાદ. પોલીસે ફરિયાદના આધારે તપાસ શરૂ કરી છે. 

પાવાગઢમાં જૈન સમાજે કરી પૂજા અર્ચના

પ્રતિમાઓ પુન:સ્થાપિત કર્યા બાદ પૂજા અર્ચના કરવામાં આવી છે. જૈન સમાજના મહારાજ સાહેબે કર્યા દર્શન. જૈન સમાજના અગ્રણીઓએ પણ દર્શન કર્યા.

નવસારીના વિજલપોરમાં કાયદાના ધજાગરા

જન્મદિવસની ઉજવણી જાહેરમાં કર્યું ફાયરિંગ. એરગન જેવા હથિયારથી જાહેરમાં ફાયરિંગ કરવામાં આવ્યું. સ્ત્રી વેશમાં ફરતા વિરલ માંનો હતો જન્મદિવસ. જાહેરમાં તલવારથી કેક કાપી જન્મદિવસની ઉજવણી કરાઈ. જન્મદિવસે કરેલા તાયફાનો વીડિયો વાયરલ થયો.

વડોદરામાં આજથી 10 દિવસ પંડ્યા બ્રિજ બંધ

બુલેટ ટ્રેનની કામગીરીને લઈને આજથી વડોદરાનો પંડ્યા બ્રિજ બંધ રહેશે. વડોદરા પોલીસ કમિશનરે જાહેરનામું બહાર પાડ્યું છે. આજથી એટલે કે 20થી 30 જૂન દરમિયાન પંડ્યા બ્રિજ બંધ રહેશે. બ્રિજ બંધ હોવાથી લોકોને અવર જવર માટે વૈકલ્પિક વ્યવસ્થા કરી દેવામાં આવી છે. 

UGC-NETની પરીક્ષા ગેરરીતિની આશંકાને લઇ રદ્દ 

UGC-NET પરીક્ષાને લઈને મોટો નિર્ણય આવ્યો છે. શિક્ષણ મંત્રાલયે UGC-NET 2024ની પરીક્ષા રદ કરી છે. પરીક્ષામાં ગેરરીતિની ફરિયાદો સામે આવ્યા બાદ આ નિર્ણય લેવામાં આવ્યો છે. ગઈકાલે સમગ્ર દેશભરમાં યોજાયેલી યુજીસી-નેટની પરીક્ષા રદ્દ કરી દેવામાં આવી છે. હવે આ રદ્દ કરાયેલી  પરીક્ષા ફરીથી લેવામાં આવશે. ઉપરાંત સમગ્ર કેસની તપાસ સીબીઆઈને સોંપવામાં આવી છે.

રાજકોટમાં કાયદો અને વ્યવસ્થાની સ્થિતિ કથળી

રાજકોટમાં હત્યા કરી મૃતદેહ સળગાવવામાં આવ્યો. સાંઈબાબા સર્કલ નજીકથી મૃતદેહ મળ્યો હતો. મૃતદેહની ઓળખ માટે પોલીસ તપાસ શરૂ કરવામાં આવી છે. મૃતદેહને ફોરેન્સિક પીએમ માટે લઈ જવાયો.

હજ માટે મક્કા ગયેલા 68 ભારતીયો સહિત કુલ 600ના મોત

સાઉદી અરેબિયામાં હજ દરમિયાન 600થી વધુ હજ યાત્રીઓના મોત આઘાતજનક છે. આટલી મોટી સંખ્યામાં હજયાત્રીઓના મોતના સમાચાર બાદ ભારતમાંથી હજ માટે ગયેલા હજયાત્રીઓના પરિવારજનોની ચિંતા વધી ગઈ છે. આ વર્ષે ભારતમાંથી 1,75,000 હજયાત્રીઓ હજ માટે ગયા હતા. બુધવારે પ્રવાસ સાથે જોડાયેલા એક રાજદ્વારીએ જણાવ્યું કે મૃત્યુ પામેલાઓમાં 68 ભારતીયો પણ સામેલ છે.

મહેસાણામાં ખનન માફિયાઓ બેફામ

ખાણ ખનીજની ટીમ ઉપર કર્યો હુમલો. નુગર બાયપાસ પાસે અધિકારી પર હુમલો. ઈજાગસ્ત અધિકારીને સારવાર માટે ખસેડાયા. પોલીસ દ્વારા હુમલખોરોની તપાસ હાથ ધરાઈ.

અમદાવાદમાં રાત્રે ખેલાયો ખૂની જંગ 

ગોમતીપુરમાં બે લોકોની હત્યા, એકની હાલત નાજૂક છે. હાથીખાઇ ગાર્ડન નજીક બે શખ્સોની હત્યા કરી દેવામાં આવી છે. હુમલાખોરોએ તલવારના ઘા ઝીંકી કરી હત્યા. અંગત અદાવતમાં હત્યા કરાઇ હોવાનું સામે આવ્યું. હત્યા કરનાર સમીર અને કમિલ સામે ગુનો નોંધાયો. ગોમતીપુર પોલીસે એક શખ્સની અટકાયત કરી.

વલસાડમાં ઠેર ઠેર વરસાદી પાણી ભરાયા

મોડી રાત્રે 1 કલાકમાં દોઢ ઈંચ વરસાદ પડ્યો છે. એમ.જી.રોડ, ખત્રીવાડ વિસ્તારમાં પાણી ભરાયા. છીપવાડ, દાણાબજારમાં પાણી ભરાયા, છીપવાડ અંડરપાસમાં પાણી ભરાતા હાલાકીનો સામનો કરવો પડી રહ્યો છે. ખાસ કરીને પાણી ભરાતા વાહનચાલકોને ભારે હાલાકી સર્જાઈ રહી છે. 

રાજ્યમાં આજે ગાજવીજ સાથે વરસાદની આગાહી

હવામાન વિભાગે વરસાદની આગાહી કરી છે. વડોદરા, છોટા ઉદેપુર, નર્મદામાં વરસાદની આગાહી કરાઈ છે. સુરત, ડાંગ, નવસારીમાં વરસાદની સંભાવના  છે. વલસાડ, તાપી, દમણમાં વરસાદની આગાહી કરાઈ છે. અરવલ્લી, દાહોદ, મહીસાગરમાં વરસાદની આગાહી છે. જુનાગઢ, અમરેલી, ભાવનગરમાં વરસાદની આગાહી કરવામાં આવી છે. 

ગીર સોમનાથ, દીવ,  અમદાવાદ, ગાંધીનગરમાં વાદળછાયુ વાતાવરણ રહેશે. 24 કલાક સુધી માછીમારોને દરિયો ન ખેડવા સૂચના આપવામાં આવી છે. 

હળવદ માર્કેટિંગ યાર્ડમાંથી ભેળસેળયુક્ત જીરૂં પકડાયું

હરાજી દરમિયાન 23 મણ ભેળસેળયુક્ત જીરૂં ઝડપાયું છે. જીરુંમાં કલરવાળી વરીયાળી મિક્સ કર્યાનો ખુલાસો થયો છે. શંકાસ્પદ ભેળસેળયુક્ત જીરું સીઝ કરી સેમ્પલ લેવાયા હતા. ધ્રાંગધ્રાથી વેચાણ માટે માર્કેટિંગ યાર્ડમાં આવ્યા હતા. દુદાપુરથી માર્કેટિંગ યાર્ડમાં ભેળસેળયુક્ત જીરું લવાયું. ફેબ્રુઆરીમાં 142 મણ જીરું પાટડી યાર્ડમાંથી પડકાયું હતું.

ટી-20માં વિશ્વકપમાં સુપર-8 રાઉન્ડ 

ભારતીય ટીમ આજથી અભિયાનનો પ્રારંભ કરશે. આજે ભારત અને અફઘાનિસ્તાન વચ્ચે ટક્કર થશે. વિરાટ કોહલીનું ફોર્મ ભારત માટે ચિંતાનો વિષય છે. કુલદિપ યાદવને પ્લેઇંગ ઇલેવનમાં મળી શકે છે સ્થાન.

પત્નીના વિયોગમાં પતિના આપઘાત મુદ્દે તપાસ

જૂનાગઢમાં મૃતક યુવકની માતાએ ફરિયાદ નોંધાવી છે. સાસરીયાએ યુવકને મરવા મજબૂર કર્યાનો ઉલ્લેખ છે. સાસુ - સસરા સહિત 6 શખ્સો સામે ફરિયાદ કરવામાં આવી છે. આ સાથે જ શારીરિક માનસિક ત્રાસ આપતા હોવાની ફરિયાદ પણ કરાઈ છે. બી ડિવિઝન પોલીસે વધુ તપાસ હાથ ધરી છે.