Gujarat Breaking News Updated: રાજ્યમાં કોપરના વેપારીઓને ત્યાં SGSTના દરોડા

ગાંધીનગર: સરગાસણમાં પ્રયાસ ચેરીટેબલ ટ્રસ્ટ દ્વારા તુલસી વિવાહનું આયોજન

ગાંધીનગરના સરગાસણમાં પ્રયાસ ચેરીટેબલ ટ્રસ્ટ અને નીલકંઠ આનંદ ગરબા મહિલા મંડળના દ્વારા તુલસી વિવાહનું આયોજન કરવામાં આવ્યું હતું. તુલસી વિવાહના ભક્તિ મય વાતાવરણમાં ખૂબ મોટી સંખ્યામાં ભક્તો જોડાયા હતા અને જગતના માતાપિતાના લગ્નમાં સમાજિક તમામ રીતરસમો સાથે વેદ વિધિથી તુલસી વિવાહ સંપન્ન કરવામાં આવ્યા હતા. પ્રસંગની પૂર્ણાહુતિ પછી ભક્તોએ શ્રદ્ધા સાથે ભોજન પ્રસાદ લઈ કૃતાર્થ ભાવ વ્યક્ત કર્યો હતો.

રાજ્યના 6 શહેરોમાં કોપરના 14 વેપારીઓને ત્યાં SGSTના દરોડા

રાજ્યમાં કરચોરી કરતા વેપારીઓ પર SGST વિભાગ બાજ નજર રાખી રહ્યો છે. ત્યારે રાજ્યમાં ફરી એક વખત SGST વિભાગના દરોડા પડ્યા છે. રાજ્યમાં કોપરના વેપારીઓને ત્યાં SGSTના દરોડા પાડવામાં આવ્યા છે. 6 શહેરમાં 14 પેઢીઓ પર SGSTના દરોડા પાડવામાં આવ્યા છે, જેમાં મોટી સંખ્યામાં કરચોરી ઝડપાઈ છે.

ગુજરાત ઓપન સ્કૂલિંગને લઈ મહત્વનો નિર્ણય

ગુજરાત ઓપન સ્કૂલિંગને લઈ મહત્વનો નિર્ણય લેવામાં આવ્યો છે. બોર્ડની પરીક્ષા માટે સરકારી શાળાનો સંપર્ક કરી શકાશે, અનુદાનીત માધ્યમિત શાળાનો સંપર્ક કરી શકાશે, ઓપન સ્કૂલિંગના વિદ્યાર્થીઓને પરીક્ષા ફીમાંથી માફી મળશે. 

ભાવનગરમાં વેકેશન પૂર્ણ થયા પહેલા શાળાઓ ધમધમતી

ભાવનગરમાં વેકેશન પૂર્ણ થયા પહેલા શાળાઓ ધમધમતી થઈ છે. ખાનગી શાળામાં કોચિંગ ક્લાસના નામે શાળા શરુ કરી દેવાઈ છે. શિક્ષણ વિભાગના પરિપત્રને સંચાલકો ઘોળીને પી ગયા, જ્ઞાન મંજરી વિદ્યાપીઠમાં શૈક્ષણિક કાર્ય શરુ કરી દેવાયું છે. 

Ahmedabad: ખ્યાતિ હોસ્પિટલ સામે ફરિયાદ દાખલ, સોલા સિવિલ હોસ્પિટલના ડોક્ટરે નોંધાવી ફરિયાદ

અમદાવાદની ખ્યાતિ હોસ્પિટલ સામે આખરે ફરિયાદ દાખલ થઈ ચૂકી છે. સોલા સિવિલ હોસ્પિટલના ડોક્ટરે ખ્યાતિ હોસ્પિટલ સામે ફરિયાદ નોંધાવી છે. ભારતીય દંડ સંહિતાની કલમ 105, 110, 336, 318, 61 મુજબ ગુનો દાખલ કરવામાં આવ્યો છે.

બાવળા APMCનો ગેટ તૂટતા યુવક દબાયો

બાવળા APMCનો ગેટ તૂટતા યુવક દબાયો છે. યુવકને માથાના ભાગે ગંભીર ઈજાઓ પહોંચી છે. 20 વર્ષીય હિતેશ ઠાકોરને ગંભીર ઈજા પહોંચી છે અને હાલમાં ઈજાગ્રસ્ત યુવાનને અમદાવાદ સારવાર માટે લવાયો છે. 

અમદાવાદ: SMCના PSIની ગાડીને ટક્કર મારનાર ટ્રકચાલક ઝડપાયો

અમદાવાદમાં SMCના PSIની ગાડીને ટક્કર મારનાર ટ્રકચાલક ઝડપાયો છે. રાજસ્થાનના છોગારામ નામના ડ્રાઈવરની ધરપકડ કરવામાં આવી છે. દારૂ ભરેલી ગાડીનો પીછો PSI ઝાહીદ પઠાણ કરતા હતા. PSIની ગાડીને ટક્કર મારી આરોપી ફરાર થયો હતો. સારવાર દરમિયાન PSI ઝાહીદ પઠાણનું મોત થયું હતું. ટ્રક લુંટી લેશે તે ડરે ગાડી ન ઉભી રાખી તેવું આરોપી કહી રહ્યો છે. 

વડોદરા પાલિકાનો ડ્રાઇવર ડીઝલ ચોરીમાં ઝડપાયો

વડોદરા પાલિકાનો ડ્રાઇવર ડીઝલ ચોરીમાં ઝડપાયો છે. VMCના ટેન્કરમાંથી ડીઝલ ચોરી કરતો હતો.   SOGની ટીમે દરોડો પાડી ડીઝલ ચોરી ઝડપી છે. SOGએ મોટી સંખ્યામાં ડીઝલનો જથ્થો ઝડપ્યો છે. પાલિકાના ડ્રાઈવર સહિત 2ની ધરપકડ કરવામાં આવી છે. ખાનગી ટ્રાન્સપોર્ટના ગોડાઉનમાં ડીઝલ ચોરી થતી હતી. 

અમદાવાદના હિરાવાડીમાં બોપલ જેવી ઘટના

અમદાવાદના હિરાવાડીમાં બોપલ જેવી ઘટના સામે આવી છે. એક્ટીવા જોઈને ચલાવવાનું કહેતા રીક્ષાચાલક પર ચપ્પુથી જીવલેણ હુમલો કરતા ગંભીર ઈજાઓ પહોંચી છે. હીરાવાડી સુહાના હોટલના ગેટ પાસે આ બનાવ બન્યો છે. એક્ટીવા ચાલક અને બુલેટ ચાલકે જીવલેણ હુમલો કર્યો છે. શહેરકોટડા પોલીસ સ્ટેશને ગુનો નોંધાયો છે. 

સાબરકાંઠા: પોશીનામાં પત્નીના વિરહમાં પતિએ સંતાનો સાથે ઝેર પીધું

સાબરકાંઠાના પોશીનાના ગણાવા ગામમાં પત્નીના વિરહમાં પતિએ સંતાનો સાથે ઝેર પીધું છે. પત્ની રિસાઈને પિયર જતા 3 બાળકો સાથે દવા પીધી છે. સારવાર દરમિયાન 8 વર્ષના બાળકનું મોત થયું છે અને બે બાળકોની હાલત હજુ ગંભીર છે. 

અમદાવાદના રખિયાલમાં જુની અદાવતમાં હુમલો

અમદાવાદના રખિયાલમાં જુની અદાવતમાં હુમલો કરવામાં આવ્યો છે. જુની અદાવતમાં આધેડના ઘર પર 

તલવાર સહિતના હથિયારો સાથે આતંક મચાવ્યો છે. આધેડનાં દિકરાને માથામાં તલવાર મારી છે. સિકંદર, સરવર ઉર્ફે કડવા, આરીફ, અલ્તાફ, ફઝલ અને અન્ની રાજપુત સામે ફરિયાદ કરવામાં આવી છે. રખિયાલ પોલીસે ગુનો નોંધી તપાસ હાથ ધરી છે. 

Junagadh: લીલી પરિક્રમાના રૂટ પર ગુટખા, માવા, બીડી-સિગારેટનું ખુલ્લેઆમ વેચાણ

ગિરનારની લીલી પરિક્રમામાં લાખોની સંખ્યામાં ભાવિક ભક્તો આવી પહોંચતાં હોય છે. તેવામાં પરિક્રમા રૂટ પર ગુટખા, માવા, સીગારેટનું ખુલ્લેઆમ વેચાણ થતું હોવાનું સામે આવ્યું છે. ત્યારે વહિવટી તંત્રના પ્રતિબંધિત પ્લાસ્ટિકના દાવા પોકળ સાબિત થયા છે. તાજેતરમાં જ ઈકો સેન્સેટીવ ઝોન લાગુ પડતા જંગલ તથા આસપાસના વિસ્તારોમાં પ્રતિબંધિત પ્લાસ્ટિકના ઉપયોગ કે પેકેઝીંગમાં આવતી ચીજ-વસ્તુઓના વેચાણ પર પ્રતિબંધ લાદવામાં આવ્યો છે. ત્યારે પરિક્રમના રૂટ ઉપર સ્ટોલ કરી જાણે તંત્રએ ખુલ્લો દોર આપ્યો હોય તેવી રીતે ગુટખા, માવા, બીડી અને સીગારેટનું ખુલ્લેઆમ વેચાણ થયું હોવાનો વીડિયો અને ફોટો સામે આવ્યા છે.

23 નવેમ્બરે કોંગ્રેસનો ભવ્ય વિજય થશેઃ ગુલાબસિંહ રાજપૂત 

ગુલાબસિંહ રાજપુતે વાવ બેઠક પર જીતનો વિશ્વાસ વ્યક્ત કર્યો છે. 23 નવેમ્બરે કોંગ્રેસનો ભવ્ય વિજય થશે તેવું ગુલાબસિંહે કહ્યું છે અને તે દિવસે હું વરઘોડો કાઢી ધરણીધરના દર્શન કરીશ, આ સાથે જ તેમને કહ્યું કે સ્વરૂપજીને હાથ ન મિલાવ્યા તેવું ખોટું અર્થઘટન કરાયું, હું દરેકને પ્રેમથી બોલાવું છું, આતો ભાજપના ઉમેદવાર હતા. 

અંબાજી: કુંભારીયા જૈન મંદીરના પાર્કિંગમાંથી ચોરીનો કેસ, આરોપી ઝડપાયા  

અંબાજીમાં થોડા દિવસ પહેલા કુંભારીયા જૈન મંદીરના પાર્કિંગમાંથી ચોરીના કેસમાં સોનું અને રોકડની ચોરી કરનારા 2 આરોપીઓને પોલીસે ઝડપી લીધા છે. આરોપીઓએ નશાની હાલતમાં ચોરી કરી હતી. કારના કાચ તોડી 80 તોલા સોનું ચોર્યું હતું અને 1.50 લાખની રોકડની પણ ચોરી કરી હતી. અંબાજી પોલીસને 8 દિવસ બાદ આ કેસમાં સફળતા મળી છે. 

Ahmedabad: કચરો ફેંકવા બાબતે 8થી 10 શખ્સોએ કર્યો હુમલો, મહિલાઓના માથા ફોડ્યા

અમદાવાદમાં ફરી એક વખત મારામારીની ઘટના સામે આવી છે. શહેરના નારોલ વિસ્તારમાં સામાન્ય બાબતમાં ઉગ્ર બોલાચાલી થયા બાદ મારામારીની ઘટના બનાવ બન્યો હતો. કચરો ફેંકવા મુદ્દે માથા ફોડ્યાની ઘટના સામે આવી છે. શહેરના નારોલ વિસ્તારમાં નાની બાબતમાં મારામારીનો બનાવ બન્યો હતો. મદનીપાર્ક સોસાયટીમાં વહેલી સવારે આ બનાવ બન્યો હતો. જેમાં કચરો ફેંકવા બાબતે 8થી 10 શખ્સોએ હુમલો કર્યો હતો. જેમાં 4 મહિલા સહિત 5 જેટલા લોકોને ઈજાઓ પહોંચી છે. કચરો ફેંકવાની બાબતમાં મહિલાઓના માથા ફોડવામાં આવ્યા છે. આ સમગ્ર મામલે નારોલ પોલીસે સામ સામે ગુનો નોંધીને કડક તપાસ હાથ ધરી છે.

દાહોદમાં નાયબ મામલતદાર લાંચ લેતા ઝડપાયા 

દાહોદમાં નાયબ મામલતદાર લાંચ લેતા ઝડપાયા છે. સંજેલીના નાયબ મામલતદાર, સ્ટેમ્પ વેન્ડર લાંચ લેતા ઝડપાયા છે. નાયબ મામલતદાર મેહુલ રાજપાલ અને સ્ટેમ્પ વેન્ડર મોહન બારીયા લાંચ લેતા ઝડપાયા છે. દારપણાંના દાખલા માટે લાંચ માગી હતી. ફરિયાદી પાસેથી 5000ની લાંચ માગી હતી, મહીસાગર ACBએ છટકું ગોઠવી ઝડપી લીધા છે. 

જંબુસરમાં આર્મ્સ એક્ટના ગુનાના બે આરોપી પકડાયા

જંબુસરમાં આર્મ્સ એક્ટના ગુનાના બે આરોપી પકડાયા છે. આરોપીઓ પાસેથી 12 બોરની રાયફલ, 6 નંગ કારતૂસ કબજે કરવામાં આવી છે. આરોપીઓ પાસેથી 13 બોરની રાયફલ પણ કબજે કરાઈ છે. મનસૂર પટેલ, મુસ્તાક ઉર્ફે અફઝલ કોઠીવાલાની ધરપકડ કરવામાં આવી છે. પોલીસે આરોપીઓ સામે કાયદેસરની કાર્યવાહી હાથ ધરી છે. 

Vav બેઠકની પેટાચૂંટણીમાં મતદાન પૂર્ણ, 70 ટકા કરતા વધુ મતદાન નોંધાયું

બનાસકાંઠાની વાવ બેઠકની પેટા ચૂંટણીમાં મતદાન પૂર્ણ થઈ ચૂક્યુ છે. અંદાજે 70 ટકા કરતા વધુ મતદાન નોંધાયું હોવાની જાણકારી મળી રહી છે. પેટાચૂંટણીમાં મતદારોએ ભારે ઉત્સાહ દાખવ્યો છે. ઉમદેવારોનું ભવિષ્ય હવે EVM મશીનમાં સીલ થઈ ગયું છે. હવે 23 નવેમ્બરે મત ગણતરી હાથ ધરાશે અને વાવમાં કોણ બાજી મારશે તે ખબર પડશે.

સાંજે 6 વાગ્યા સુધીના મહત્વના સમાચાર

1. Ahmedabad: મોતનું તાંડવ રચનાર ખ્યાતિ હોસ્પિટલને કરાશે સીલ: ધનંજય દ્વિવેદી 

2. Anand: અડધી જીંદગી પરદેશમાં પણ પૂણ્યનું ભાથુ બાંધ્યુ આખરે દેશમાં, વાંચો અહેવાલ 

3. Amreli: સિંહોના ટોળા રહેણાંક મકાનમાં ઘુસવાની ઘટનાઓ વધી, લોકોમાં ભારે ફફડાટ 

4. Ahmedabad બોપલ મર્ડર કેસ, સરખેજના પોલીસ કોન્સ્ટેબલે હત્યા કરી હોવાનું આવ્યું સામે 

5. Suratમાં આરોપીઓ દ્વારા બિભત્સ માંગણી કરાતા યુવતીએ નદીમાં કૂદી કર્યો આપઘાત 

6. Gujarat રાજય યોગ બોર્ડ દ્વારા ડાયાબીટીસ મુકત અભિયાન 15 દિવસ ચલાવાશે 

7. Khyati Hospital: ફિલ્મી સ્ટોરીને ટક્કર મારે તેવી રીતે દર્દીઓની સર્જરી કરી નાખી 

8. Agriculture : જાણી લો ખેડૂત નોંધણીના ફાયદાઓ, થશે મોટો ફાયદો, વાંચો Story 

9. Surat: સગી પુત્રી સાથે છેડતી કરનાર નરાધમ બાપની પોલીસે કરી ધરપકડ 

10. Israel: આશા ન છોડતા..અમે તમારી સાથે..નેતન્યાહૂએ ઈરાની લોકોને અપીલ કરી 

ધોરણ 9 અને 10માં ડ્રોપ આઉટ રેશિયો વધ્યો

ધોરણ 9 અને 10માં ડ્રોપ આઉટ રેશિયો વધ્યો છે. વિદ્યાર્થીઓના ડ્રોપઆઉટથી શિક્ષણ તંત્ર દોડતું થયું છે. 

ધોરણ 9 અને 10માં ડ્રોપઆઉટ રેશિયો 23 ટકા છે. શિક્ષણ વિભાગ હવે વિદ્યાર્થીઓને ટ્રેસ કરશે. શાળાઓમાંથી વિદ્યાર્થીઓનો ડેટા એકત્ર કરવાનું શરૂ કરવામાં આવ્યું છે. 

ચાણસ્મા હાઇવે પર સર્જાયો અકસ્માત 

ચાણસ્મા હાઈવે પર સોઢવ પાટિયા પાસે અકસ્માત સર્જાયો છે. કાર અને પીકઅપ વાન વચ્ચે અકસ્માત સર્જાયો છે. અકસ્માતમાં પાંચ લોકોને નાની મોટી ઈજા પહોંચી છે. ઘાયલોને 108 દ્વારા સારવાર અર્થે હોસ્પિટલ ખસેડાયા છે.  હારીજ પોલીસે અકસ્માતની તપાસ હાથ ધરી છે. 

ખ્યાતિ હોસ્પિટલ: સરકારના ડોકટરોની તપાસ ટીમમાં સામે આવ્યા ચોંકાવનારા તારણો

બીજી તરફ ખ્યાતિ હોસ્પિટલમાં ચાલતી લોલમલોલે તમામ લોકોને ચોંકાવ્યા છે. સરકારી ડોક્ટરોની તપાસ ટીમના ચોંકાવનારા તારણો સામે આવ્યા છે. જેમાં દર્દીઓને કોઈપણ જાતનું બ્લોકેજ ન હોવા છતાં 7 લોકોમાં બ્લોકેજ દર્શાવ્યા. ખ્યાતિ હોસ્પિટલના ડોક્ટરોએ જ ખોટા પેપર તૈયાર કર્યા અને ડોક્ટરોએ પેપરમાં 90 ટકા બ્લોકેજ દર્શાવ્યું છે.

બોપલ હત્યા મુદ્દે સૌથી મોટો ખુલાસો

બોપલમાં MICAના વિદ્યાર્થી પ્રિયાંશુ જૈન નામના યુવકની હત્યા મુદ્દે સૌથી મોટો ખુલાસો થયો છે. યુવકની હત્યા કરનાર પોલીસકર્મી નીકળ્યો હોવાનું સામે આવ્યું છે. અમદાવાદના બોપલમાં હત્યાનો આરોપી ઝડપાયો હતો. શહેર ક્રાઇમ બ્રાન્ચે વિરેન્દ્રસિંહ પઢેરીયા નામના પોલીસ કર્મીની ધરપકડ કરવામાં આવી છે. આરોપી સરખેજ પોલીસ મથકનો કોન્સ્ટેબલ હોવાનું સામે આવ્યું છે. હત્યાને અંજામ આપી આરોપી પંજાબ ફરાર થયો હતો.

અપક્ષ માવજી પટેલ બાહિસરા મતદાન મથકે પહોંચ્યા

અપક્ષ માવજી પટેલ બાહિસરા મતદાન મથકે પહોંચ્યા અને જણાવ્યું હતું કે,  વાવમાં મને વધારે લોકો ઓળખતા હોવાથી વધુ મતદાન થયું છે. વાવની છાપ સુધારી સૌને સાથે રાખવા છે. વાવનો વિકાસ કરવો છે.

રાજય યોગ બોર્ડ દ્વારા ડાયાબીટીસ મુકત અભિયાન 15 દિવસ ચલાવાશે

ગુજરાત રાજ્ય યોગ બોર્ડ દ્વારા ડાયાબીટીસમુક્ત ગુજરાત અભિયાન અંતર્ગત ડાયાબીટીસ નિવારણ યોગ કેમ્પનું આયોજન કરવામાં આવ્યુ છે. જે અન્વયે બોટાદ ખાતે તા.14-11-24થી 28-11-24 સુધી 15 દિવસ સુધી સવારે 6 થી 8 વાગ્યા સુધી શ્રીમતી જે.એમ.ડી પ્રાથમિક શાળા, સંજય હોસ્પિટલ પાછળ રોકડીયા હનુમાનવાળો ખાંચો પાળીયાદ રોડ, બોટાદ ખાતે કેમ્પ યોજાશે.

અમરેલી: સિંહોના ટોળા રહેણાંક મકાનમાં ઘુસવાની ઘટનાઓ વધી, લોકોમાં ભારે ફફડાટ

દેશની શાન ગણાતા સાવજો એક સમય ગીર જંગલોમાં વસવાટ કરતા હતા અને લોકો જંગલો તરફ સિંહ દર્શન કરવા દોડધામ પણ ભૂતકાળમાં કરતા હતા, હવે સમય જતાં હાલના વાતાવરણમાં સિંહોની મુમેન્ટમાં પણ પેટર્ન બદલાઈ હોય તેમ સિંહો માનવીઓ નજીક વધુ જઈ રહ્યા છે, જ્યારે આ વાત છે અમરેલી જિલ્લાના રાજુલા પંથકમા કોવાયા ગામમાં અલ્ટ્રાટેક સિમેન્ટ કંપનીનો સૌથી મોટો ઉદ્યોગ ધમધમી રહ્યો છે તો બાજુમાં કોવાયા ગામ આવેલું છે, આ ગામમાં રાત પડે અને સિંહોના ટોળા ગામમાં ઘુસી જાય છે. અમરેલી જિલ્લામાં રાજુલા તાલુકાના કોવાયા ગામમાં સાવજના ટોળા રાત પડે અને રહેણાંક મકાનમાં ઘુસી જવાની ઘટનાઓ વધતા ગ્રામજનોમાં ફફડાટ સાથે રોષનો માહોલ સર્જાયો છે.

સુરત: PCR વાનને ફિલ્મી સ્ટાઈલમાં મારી ટક્કર

સુરતમાં ભેસ્તાન પોલીસ પર હુમલો કરવાનો પ્રયાસ કરાયો છે. ઊંન વિસ્તારના શખ્સે હયાતનગર સ્થિત હિન્દ હોટલ સામે ટપોરીએ પોલીસ પર ગાડી ચઢાવી દેવાનો પ્રયાસ કર્યો હતો. PCRને ફિલ્મી સ્ટાઈલમાં ટક્કર મારી હતી. માથાભારે યુનુસ મુઝફ્ફર પઠાણ નશામાં હોવાનું પોલીસનું અનુમાન છે. ટપોરીએ કાળા કલરની સ્કોર્પિઓ ગાડીમાં બેસી હુમલો કર્યો હતો. સ્કોર્પિઓ કાર સ્પીડ વધારે હોવાથી પોલીસની PCR વાન ફંગોળાઈ હતી. સુરત પોલીસે, પોલીસ કર્મચારીઓની હત્યાનો પ્રયાસ કરવાનો ગુનો નોધ્યો છે.

પંચાયતોની ચૂંટણીને લઇ CMએ જિલ્લા પંચાયતોના પ્રમુખો સાથે યોજી બેઠક

મુખ્યમંત્રી ભૂપેન્દ્ર પટેલે આજે જિલ્લા પંચાયતના પ્રમુખો સાથે બેઠક યોજી હતી. રાજ્યના 31 જિલ્લાના જિલ્લા પચાયત પ્રમુખો સાથે બેઠક યોજીને જિલ્લા પંચાયતના પડતર પ્રશ્નો મુદે સંવાદ કર્યો હતો. 10 જેટલા વિવિધ મુદાઓ ઉપર ચર્ચા કરી હોવાનું કહેવાયુ છે. આગામી દિવસોમાં હવે ગુજરાતમાં જિલ્લા અને તાલુકા પંચાયતોની ચૂંટણી યોજાનાર છે. જેને ધ્યાને લઈને આ બેઠક યોજાઈ હોવાનું ચર્ચાઈ રહ્યું છે.

મહેસાણા જિલ્લામાં 20 જેટલી હોસ્પિટલમાં ગોટાળો

મહેસાણા જિલ્લા વહીવટીતંત્રની તપાસમાં 20 જેટલી હોસ્પિટલમાં PMJAY યોજનામાં ગોટાળો હોવાનું સામે આવ્યું છે. 20 હોસ્પિટલ સામે નજીકના સમયમાં પગલાં લેવાશે. હોસ્પિટલોને બ્લેક લિસ્ટ કરવાથી માંડીને પેનલ્ટી થઇ શકે છે. કલેક્ટર, DDO, DHOની રિવ્યૂ બેઠક યોજાઇ છે.

શરદ પવારના ઓડિયો-વિડિયોના ઉપયોગ પર પ્રતિબંધ

આજે પોતાના મહત્વના નિર્ણયમાં સુપ્રીમ કોર્ટે રાષ્ટ્રવાદી કોંગ્રેસ પાર્ટી (NCP)ના અજિત પવાર જૂથને ચૂંટણી પ્રચારમાં શરદ પવારના કોઈપણ ઓડિયો કે વિડિયોનો ઉપયોગ ન કરવાનો નિર્દેશ આપ્યો છે. કોર્ટે એમ પણ કહ્યું કે જૂથે તમામ ઉમેદવારોને શરદ પવારના કોઈપણ વિડિયોનો ઉપયોગ ન કરવાની સૂચના આપતો ઈલેક્ટ્રોનિક પરિપત્ર જારી કરવો જોઈએ. જસ્ટિસ સૂર્યકાંતે અજીતના વકીલને કહ્યું, “જો તે જુનો વીડિયો હોય કે ન હોય, જો તમારો શરદ પવાર સાથે વૈચારિક મતભેદ છે. તમે તેમની સામે ચૂંટણી લડી રહ્યા છો. પછી તમારે તમારા પગ પર ઊભા રહેવાનો પ્રયત્ન કરવો જોઈએ.”

વાવમાં 3 વાગ્યા સુધી સરેરાશ 55 ટકા મતદાન

વાવમાં 321 પોલિંગ મથકો પર મતદાન થઈ રહ્યું છે. 3 વાગ્યા સુધી સરેરાશ 55 ટકા મતદાન નોંધાયું છે. ભાભરમાં મતદારોમાં ઉત્સાહ યથાવત્ છે. બપોરના સમયે મહિલા મતદારોનું પ્રમાણ વધારે જોવા મળ્યું છે.

ધોળકાના વૌઠાના મેળામાં બનાવેલ એન્ટ્રી ગેટ ધરાશાઈ, 2ને ઈજા

અમદાવાદ ધોળકાના વૌઠાના મેળામાં બનાવેલ એન્ટ્રી ગેટ ધરાશા થવાથી 2 લોકોને ઈજા થવા પામી છે. વૌઠા લોકમેળાના આજે બીજા દિવસ છે. સામાન્ય રીતે હજારો લોકો મેળો માણવા આવે છે, ત્યારે મેળાના એન્ટ્રી માટે લોખંડના ટ્રસ્ટનો બનાવેલ ગેટ એકાએક પડતા બે લોકો ઘાયલ થયા છે. ધાયલોને 108 દ્વારા ધોળકા હોસ્પિટલ ખાતે ખસેડવામાં આવ્યા હતા.

બપોરના 03 વાગ્યા સુધીના સૌથી મોટા સમાચાર

01. Ahmedabad: ખ્યાતિ હોસ્પિટલ કેસમાં સરકાર બનશે ફરિયાદી, મોતના સોદાગરના લાયસન્સ થશે રદ

02. Surendranagar જિલ્લા કલેક્ટરે રાષ્ટ્ર માટે બલિદાન આપનાર સૈનિકોના ધર્મપત્નીઓ સાથે સંવાદ કર્યો

03. Banaskantha Vav Assembly : જિલ્લા કલેકટરે મતદાન મથકની મુલાકાત લઈ કર્યુ નિરીક્ષણ

04. Ahmedabadની ખ્યાતિ હોસ્પિટલના પાપે દર્દી મર્યા પણ CEO ચિરાગ રાજપૂત હસે છે

05. Junagadhના માણાવદરમાં બની લવ જેહાદની ઘટના, વિધર્મી સગીરાનું અપહરણ કરીને ઉઠાવી ગયો

06. Bhavnagarમાં બે દિવસમાં 40થી વધુ ગેરકાયદે દબાણો પર ફરી વળ્યું બુલડોઝર

07. Paper leakને લઇને કેન્દ્ર સરકારનો નિર્ણય, NEET-NET જેવી પ્રવેશ પરીક્ષામાં થશે ફેરફાર

08. Maharashtra Election 'ફડણવીસની બેગ ચેક કરવામાં આવી', ભાજપે વીડિયો શેર કર્યો

09. Israel News: ઈઝરાયલે લેબેનોનના હિઝબુલ્લાના વિસ્તારોમાં કર્યો ભીષણ હુમલો, 20નાં મોત

10. ભારત-પાકિસ્તાન વચ્ચેની આ ટૂર્નામેન્ટ સાથે સારા તેંડુલકરનું છે ખાસ કનેક્શન, જાણો

પોરબંદરમાં યોજાશે ભારતની ત્રણેય સેનાની જોઈન્ટ એક્સરસાઇઝ

પોરબંદરમાં યોજાશે ભારતની ત્રણેય સેનાની જોઈન્ટ એક્સરસાઇઝ. આગામી 19 નવેમ્બરના દિવસે H.A.D.R અંતર્ગત યોજાશે એક્સરસાઇઝ. પોરબંદર ચોપાટી ખાતે આપાતકાલ પરિસ્થિતિનું થશે મોકડ્રિલ 19 મી ભારતીય નૌસેના, ઇન્ડિયન આર્મી, એરફોર્સ જોડાશે જોઈન્ટ એક્સરસાઇઝમાં જોડાશે. 19 મી નવેમ્બરના દિવસે રાજ્યકક્ષાના રક્ષામંત્રી ખાસ ઉપસ્થિત રહેશે. પુર, હોનારત, વાવાઝોડા અને ધરતીકંપ જેવી પરિસ્થિતિમાં સેનાની કામગીરી કેવી હોય તેના પર ખાસ મોકડ્રિલ થશે.

વાવ પેટાચૂંટણીમાં કોંગ્રેસ આગેવાને કર્યું મતદાન

વાવ પેટાચૂંટણીમાં મમાણા ગામે કોંગ્રેસ આગેવાન કે.પી.ગઢવીએ મતદાન કર્યું છે. લોકો વધુ મતાધિકારનો ઉપયોગ કરે તેવી અપીલ કરી છે.

ખ્યાતિ હોસ્પિટલ સામે રાજ્ય સરકાર બનશે ફરિયાદી

ખ્યાતિ હોસ્પિટલને લઈને ગુજરાત સરકાર આજે સતત બેઠકોનો દૌર ચલાવી રહી છે. આરોગ્ય પ્રધાન ઋષિકેશ પટેલે, ખ્યાતિ હોસ્પિટલના સમગ્ર પ્રકરણથી મુખ્ય પ્રધાન ભૂપેન્દ્ર પટેલને અવગત કરાયા છે. સીએમ ભૂપેન્દ્ર પટેલ, આરોગ્ય પ્રધાન ઋષિકેશ પટેલ સહિતનાઓની મળેલી બેઠકમાં વસ્ત્રાપુર પોલીસ મથકના પીઆઇ અને ડીવાયએસપી પણ ઉપસ્થિત રહ્યાં હતા. ખ્યાતી હોસ્પિટલ સામે પોલીસ કરેલી કામગ્રીરી અંગે અહેવાલ રજૂ કરાયો હતો. આ કેસમાં ગુજરાત સરકાર ખુદ ફરિયાદી બનીને પોલીસ ફરિયાદ નોંધાવશે.

દ્વારકાના ભાણવડમાં ખાતરની અછત

ખાતરની અછતથી લાગી લાંબી લાઇન. ખાતર લેવા ખેડૂતો સવારથી લાઇનમાં ઉભા

વાવ પેટાચૂંટણીમાં કોંગ્રેસ આગેવાને કર્યું મતદાન

કોંગ્રેસ આગેવાન કે.પી.ગઢવીએ કર્યું મતદાન. મમાણા ગામે કે.પી.ગઢવીએ કર્યું મતદાન. લોકો વધુ મતાધિકારનો ઉપયોગ કરે તેવી અપીલ

જૂનાગઢના માણાવદરમાં બની લવ જેહાદની ઘટના, વિધર્મી સગીરાનું અપહરણ કરીને ઉઠાવી ગયો

પાકિસ્તાનમાં ભીષણ અકસ્માત, સિંધુ નદીમાં પ્રવાસીઓ ભરેલી બસ ખાબકી, 26નાં મોત

પાડોશી દેશ પાકિસ્તાને પચાવી પાડેલા પીઓકેમાં ગમખ્વાર અકસ્માતની ઘટના સામે આવી છે. અહીં પ્રવાસીઓથી ભરેલી એક બસ સિંધુ નદીમાં ખાબકી હતી. આ ઘટનામાં મોટી સંખ્યામાં લોકો મોતને ભેટ્યા છે.

ઈઝરાયલે લેબેનોનના હિઝબુલ્લાના વિસ્તારોમાં કર્યો ભીષણ હુમલો, 20નાં મોત

વાવ વિધાનસભા બેઠકની પેટાચૂંટણીમાં બપોરના 1 વાગ્યા સુધીમાં 39.12 % મતદાન

બનાસકાંઠા જિલ્લાની વાવ વિધાનસભા બેઠકની પેટાચૂંટણીમાં સવારના 7 થી બપોરના 1 વાગ્યા સુધીમાં 39.12 % મતદાન નોંધાયું છે.

વાવ પેટાચૂંટણીમાં બન્ને ઉમેદવારો પહોંચ્યા મોરીખા

વાવ પેટાચૂંટણીમાં બન્ને ઉમેદવારો સ્વરૂપજી ઠાકોર, ગુલાબસિંહ મોરીખા પહોંચ્યા છે. સ્વરૂપજીએ હાથ મિલાવવા હાથ લંબાવ્યો હતો. ગુલાબસિંહે હાથ ન મિલાવતા હાથ જોડી રામરામ કર્યા હતા. ગુલાબસિંહે ગુલાબ ખીલશે કહી સ્માઇલ આપ્યું છે.

7 જેટલી મિલેટ્રી ફોર્સ કંપનીઓ ચૂંટણી બંદોબસ્તમાં જોતરાઈ

૦૭- વાવ વિધાનસભા બેઠક માટે પેટાચૂંટણી માટે આજે રોજ મતદાન યોજાઈ રહ્યું છે. વાવ પેટા ચૂંટણી મુકત, ન્યાયી અને નિષ્પક્ષ વાતાવરણમાં યોજી શકાય તથા લોકો કોઈપણ જાતના ભય કે શેહશરમ વગર મતદાન કરી શકે અને કાયદો અને વ્યવસ્થા જળવાઈ રહે તે હેતુથી ૩૨૧ મતદાન મથકો ખાતે ખાસ પોલીસ બંદોબસ્ત ગોઠવવામાં આવ્યો છે.

ઝારખંડઃ સવારે 11 વાગ્યા સુધી 29.31% મતદાન

ચૂંટણી પંચના જણાવ્યા અનુસાર, ઝારખંડમાં પ્રથમ તબક્કામાં સવારે 11 વાગ્યા સુધી 29.31% મતદાન થયું હતું.

વાયનાડઃ સવારે 11 વાગ્યા સુધી 27 ટકા મતદાન

ચૂંટણી પંચના જણાવ્યા અનુસાર, વાયનાડ લોકસભા બેઠક પર યોજાઈ રહેલી પેટાચૂંટણીમાં સવારે 11 વાગ્યા સુધી 27.04% મતદાન થયું છે.

રાજકોટ શહેરમાં ડેન્ગ્યુનો હાહાકાર, 2 દિવસમાં 2 દર્દીના મોત

રાજકોટ શહેરમાં ડેન્ગ્યુ રોગથી હાહાકાર મચ્યો છે. છેલ્લા બે દિવસમાં 2 દર્દીના ડેન્ગ્યુના કારણે મોત થયા છે. ગઇકાલે 21 વર્ષીય અમન વ્યાસ નામના યુવકનું ડેન્ગ્યુના કારણે મોત થયું હતું. આજે આજે વિજય પ્લોટમાં 10 વર્ષીય બાળકીનું મોત થયું છે. મૃત્યુ પામેલા ડેન્ગ્યુના બન્ને દર્દીઓ સારવાર માટે હોસ્પિટલમાં દાખલ હતા. ડેન્ગ્યુના વધતા કેસો અને જીવલેણ બનતો ડેન્ગ્યુએ ચિંતા પ્રસરાવી છે.

વાવ પેટાચૂંટણીમાં ઠાકરશી રબારીએ કર્યું મતદાન

વાવ પેટાચૂંટણીમાં આકોલી ગામે કોંગ્રેસ નેતા ઠાકરશી રબારીએ મતદાન કર્યું હતું. 

વાવ પેટાચૂંટણીમાં મતદાનને લઇ મહિલાઓમાં ભારે ઉત્સાહ

વાવ પેટાચૂંટણી મતદાનમાં મહિલાઓમાં ઉત્સાહ જોવા મળી રહ્યો છે. બાલુત્રી ગામે મતદાન માટે મહિલાઓની લાંબી કતારો લાગી છે. પુરુષો કરતાં મહિલાઓની લાંબી લાગી લાઈનો જોવા મળી રહી છે. મતદાન માટે પુરુષો એકપણ નહીં, મહિલાઓની કતારો જોવા મળી છે.

બપોરના 12 વાગ્યા સુધીના તમામ મહત્વના સમાચાર

01. Banaskantha Vav Assembly : સવારે 7:00 થી 11:00 કલાક સુધી 24.39% મતદાન

02. Vav By Election-2024: BJP ઉમેદવાર સ્વરૂપજી ઠાકોરે ગૌ પૂજા કરીને મતદાન કર્યું

03. Vav By Election 2024: વાવમાં 2 જગ્યાએ EVM ખોટકાયા...3 કલાકથી મતદારો પરેશાન

04. Weather Forecast: આગામી દિવસોમાં કેવું રહેશે ગુજરાતનું વાતાવરણ? વાંચો હવામાન વિભાગની આગાહી

05. Khyati Hospitalએ 6 મહિનામાં PMJAY હેઠળ દર્દીઓ પાસેથી ખંખેર્યા રૂપિયા 3.66 કરોડ

06. Girnar Parikrama: ગિરનાર પરિક્રમામાં છેલ્લા બે દિવસમાં 7 લોકોના હાર્ટ એટેકથી મોત

07. Buldozer Action પર SCનો નિર્ણય, આરોપી એક તો આખા પરિવારને સજા કેમ?

08. By-Election 2024 : દેશના 10 રાજ્યોમાં આજે પેટાચૂંટણી, 31 વિધાનસભા બેઠકનો સમાવેશ

09. Petrol-Diesel Price Today: પેટ્રોલ-ડીઝલની નવી કિંમત જાહેર, જાણો તમારા શહેરનો નવો ભાવ

10. WTC ફાઈનલમાં પહોંચવા શ્રીલંકાએ ચાલી મોટી ચાલ, ભારત-ઓસ્ટ્રેલિયાનું ટેન્શન વધ્યું

ગાઢ ધુમ્મસને કારણે દિલ્હીમાં ફ્લાઈટ પર અસર, 7 ફ્લાઈટ ડાયવર્ટ કરાઈ

બુધવારે સવારે દિલ્હીમાં ધુમ્મસની અસર ફ્લાઈટ પર પણ પડી છે. બદલાતા હવામાનને કારણે સવારે 7 વાગ્યાથી 7 ફ્લાઈટને ડાયવર્ટ કરવામાં આવી હતી. જેમાંથી 6 ફ્લાઈટને જયપુર અને 1 ફ્લાઈટને લખનૌ ડાયવર્ટ કરવામાં આવી હતી.

તેલંગાણામાં માલગાડીના 11 ડબ્બા પાટા પરથી ઉતર્યા, 37 ટ્રેનો રદ

તેલંગાણાના પેદ્દાપલ્લી જિલ્લામાં રાઘવપુરમ અને રામાગુંડમ વચ્ચે માલગાડીના ડબ્બા પાટા પરથી ઉતરી ગયા હતા. 44 વેગન ધરાવતી આ માલગાડી લોખંડનું વહન કરતી હતી. 44 વેગનમાંથી 11 વેગન પાટા પરથી ઉતરી ગયા હતા. આ ઘટના ગત રાત્રે 10 વાગ્યાના સુમારે બની હતી. માલગાડીના ડબ્બા પાટા પરથી ઉતરી જવાને કારણે લગભગ 37 ટ્રેનો રદ કરવામાં આવી છે. અનેક ટ્રેનોને આંશિક રીતે રદ કરવામાં આવી છે તેમજ ડાયવર્ટ કરવામાં આવી હોવાની માહિતી દક્ષિણ મધ્ય રેલવેના પીઆરઓ દ્વારા આપવામાં આવી છે.

સવારે 7:00થી 11:00 કલાક સુધી 24.39% મતદાન

બનાસકાંઠા જિલ્લાના ૦૭- વાવ વિધાનસભા મતવિસ્તારની પેટા ચૂંટણી અંતર્ગત વિવિધ ૧૯૨ મતદાન મથક કેન્દ્રો પર આવેલા કુલ ૩૨૧ પોલીંગ સ્ટેશન પર સવારે ૦૭.૦૦ વાગ્યાથી શાંતિપૂર્ણ માહોલમાં મતદાન પ્રક્રિયા શરૂ થઈ છે. ભાભર તાલુકાના રૂણી ગામની પ્રાથમિક શાળાના બુથ નંબર ૧ થી ૩ ખાતે મતદારોમાં મતાધિકારને લઈને ભારે ઉત્સાહ જોવા મળ્યો હતો. સવારથી જ મતદારોની કતારો જોવા મળી રહી છે. મતદાર સહાયતા બુથ પર મતદારોને મતદાર ક્રમાંક અને બુથ નંબર વિશે માહિતી આપવામાં આવી હતી. સવારે 7:00 થી 11:00 કલાક સુધી 24.39% મતદાન થયું છે.

મલ્ટી સ્પેશ્યલિટી હોસ્પિટલમાં પ્લાન્ડ સર્જરી અંગે sop બનાવાશેઃ ઋષિકેશ પટેલ

ગુજરાતના આરોગ્ય પ્રધાન ઋષિકેશ પટેલે, ખ્યાતિ હોસ્પિટલની ધટના અંગે જણાવ્યું કે, પ્રાથમિક દ્રષ્ટિએ હોસ્પિટલની બેદરકારી જોવા મળી રહી છે. જે પણ કાયદાકીય પગલાં ભરવાના લાગશે એ ખ્યાતિ હોસ્પિટલ સામે ભરવામાં આવશે. કડક કાર્યવાહી કરવામાં આવશે. આગામી સમયમાં મલ્ટી સ્પેશ્યલિટી હોસ્પિટલમાં પ્લાન્ડ સર્જરી અંગે sop બનાવાશે.

વાવમાં મતદારોનો ભારે ઉત્સાહ, સ્વરૂપજીએ કર્યું મતદાન

આજે ગુજરાતમાં બનાસકાંઠા જિલ્લાની વાવ બેઠક પર ચૂંટણી જંગ જામ્યો છે. વહેલી સવારથી મતદારો પોતાના મતાધિકારનો ઉપયોગ ભારે ઉત્સાહ સાથે કરી રહ્યાં છે. શરૂઆતી બે કલાકમાં અહીં મતદારોએ પુરજોશમાં મતદાન શરૂ કર્યુ છે. બે કલાકમાં 14.25 ટકા જેટલું મતદાન થઇ ચૂક્યુ છે. ભાજપના ઉમેદવાર સ્વરૂપજી ઠાકોરે મતદાન કરીને તમામને મતદાન કરવા અપીલ કરી છે. 

વાવમાં સાંસદ ગેનીબેને મતદાન મથકોની લીધી મુલાકાત

વાવ વિધાનસભા પેટા ચુંટણીમાં મતદાનને લઈ મતદારોમાં ઉત્સાહ જોવા મળી રહ્યો છે. ગેનીબેને અસાણા ગામે EVM ખોરવાતા તપાસ કરી છે.

ઝારખાન ચૂંટણી 2024: વિકલાંગ અને વૃદ્ધો માટે મતદાન મથક પર વ્હીલચેરની જોગવાઈ

કોંગ્રેસ નેતા રાહુલ ગાંધીએ ટ્વીટ કર્યું, 'ઝારખંડના ભાઈઓ અને બહેનો, આજે તમારી જગ્યાએ પ્રથમ તબક્કાનું મતદાન થઈ રહ્યું છે. હું તમારા બધા મતદારોને અપીલ કરું છું કે તમારા અધિકારોનું રક્ષણ કરવા અને બંધારણ અને લોકશાહીને મજબૂત કરવા માટે તમારો મત આપો. તમે ભારત માટે આપેલો દરેક મત તમારા જીવનમાં સમૃદ્ધિ લાવશે, જળ-જંગલ-જમીનનું રક્ષણ કરશે અને 7 ગેરંટી દ્વારા સામાજિક ન્યાયને મજબૂત કરશે.

વાવમાં મતદાનને લઇ ચુસ્ત પોલીસ બંદોબસ્ત

વાવમાં મતદાન માટે 331 મતદાન મથકો ઉભા કરાયા છે. જેમાં 97 સંવેદનશીલ કેન્દ્રો સામેલ છે. આ વખતે વાવ વિધાનસભા બેઠક પર 3 લાખ 10 હજાર 681 મતદારો નોંધાયા છે. મતદાન માટે 1400થી વધુ કર્મચારીઓ તૈનાત કરાયા છે.. જ્યારે 1500 જેટલા પોલીસ સ્ટાફ સાથે 04 ડીવાયએસપી..08 પીઆઇ અને 30 પીએસઆઇ સહીતનો કાફલો ખડેપગે છે. કુલ 10 ઉમેદવારોએ વાવની ચૂંટણીમાં ઝંપલાવ્યું છે. 

ઝારખંડમાં સવારે 9 વાગ્યા સુધી 13.4 ટકા મતદાન

ઝારખંડ વિધાનસભા ચૂંટણીના પ્રથમ તબક્કાની 43 બેઠકો પર મતદાન ચાલી રહ્યું છે. સવારથી જ મતદારોમાં ઉત્સાહ જોવા મળી રહ્યો છે. મતદાન મથક પર લાંબી કતારો જોવા મળી રહી છે. દરમિયાન સવારે 9 વાગ્યા સુધી 13.4 ટકા મતદાન થયું છે.

ઝારખંડમાં પ્રથમ તબક્કાનું 43 બેઠકો પર મતદાન

ઝારખંડમાં આજથી લોકશાહીના મહાન પર્વની શરૂઆત થઈ ગઈ છે. રાજ્યમાં બે તબક્કામાં વિધાનસભાની ચૂંટણી યોજાઈ રહી છે, જેમાં પ્રથમ તબક્કાનું મતદાન સવારે 7 વાગ્યાથી શરૂ થઈ ગયું છે. સાંજે 5 વાગ્યા સુધી મતદાન ચાલુ રહેશે. આજે પ્રથમ તબક્કામાં 43 બેઠકો પર મતદાન થઈ રહ્યું છે. જ્યારે બીજા તબક્કામાં 38 બેઠકો માટે 20 નવેમ્બરે મતદાન થશે. મહારાષ્ટ્રની સાથે 23મી નવેમ્બરે ચૂંટણીના પરિણામો આવશે. ઝારખંડમાં વર્તમાન વિધાનસભાનો કાર્યકાળ 5 જાન્યુઆરી, 2025ના રોજ સમાપ્ત થાય છે. રાજ્યમાં 950 બૂથ પણ છે, જ્યાં મતદાનનો સમય ફક્ત 4 વાગ્યા સુધીનો રહેશે.

દેશના 10 રાજ્યોમાં આજે પેટાચૂંટણી

રાજસ્થાનની સાત, પશ્ચિમ બંગાળની છ, આસામની પાંચ, બિહારની ચાર, કર્ણાટકની ત્રણ, મધ્યપ્રદેશની બે અને છત્તીસગઢ, ગુજરાત, કેરળ અને મેઘાલયની એક-એક બેઠક પર આજે પેટાચૂંટણી યોજાશે. મતગણતરી 23 નવેમ્બરે થશે.

વાવ પેટાચૂંટણીમાં પ્રથમ બે કલાકમાં 14.25% મતદાન

બનાસકાંઠા જિલ્લાની વાવ વિધાનસભા બેઠકની આજે યોજાઈ રહેલ પેટા ચૂંટણીમાં, પ્રથમ બે કલાક એટલે કે, સવારે 9:00 વાગ્યા સુધી 14.25% મતદાન થવા પામ્યું છે.

વાવ વિધાનસભાની પેટા ચૂંટણીનું મતદાન 

બનાસકાંઠા જિલ્લાના ૦૭- વાવ વિધાનસભા મતવિસ્તારની પેટા ચૂંટણી અંતર્ગત વિવિધ ૧૯૨ મતદાન મથક કેન્દ્રો પર આવેલા કુલ ૩૨૧ પોલીંગ સ્ટેશન પર સવારે ૦૭.૦૦ વાગ્યાથી શાંતિપૂર્ણ માહોલમાં મતદાન પ્રક્રિયા શરૂ થઈ છે. વહેલી સવારે ૭ વાગ્યાથી જ મતદાન માટે લોકોમાં અનેરો ઉમળકો અને ઉત્સાહ જોવા મળ્યો હતો. મતદારો વહેલી સવારથી જ મતદાન મથકો પર ઉમટયા હતા અને પોતાના મતાધિકારનો ઉપયોગ કર્યો હતો.

બનાસકાંઠાની વાવ સહિત 10 રાજ્યોની 32 વિધાનસભા બેઠકો પર આજે પેટાચૂંટણી

ઝારખંડમાં વિધાનસભા ચૂંટણીના પ્રથમ તબક્કામાં 43 બેઠકો પર મતદાનની સાથે આજે ગુજરાતના બનાસકાંઠાની વાવ બેઠક સહિત 10 રાજ્યોની 31 વિધાનસભા બેઠકો અને કેરળની વાયનાડ લોકસભા બેઠક પર પેટાચૂંટણી યોજાશે. આ તમામ બેઠકો પર સવારે 7 વાગ્યાથી મતદાન શરૂ થઈ ચૂક્યું છે.