India USA Tariff War: ડોનાલ્ડ ટ્રમ્પે ભારત પર વધારાનો 25 ટકા ટેરિફ લગાવ્યો, કૂલ 50 ટકા ટેરિફ લગાવ્યો

Suratમાં બેફામ મોટા વાહનો સામે પોલીસની કડક કાર્યવાહી, 24 કલાકમાં 102 વાહનો કરાયા ડિટેઇન

સુરત શહેરમાં માર્ગ અકસ્માતોની વધતી ઘટનાઓને પગલે સુરત પોલીસે હવે મોટા વાહનો સામે કડક કાર્યવાહી શરૂ કરી છે. જેમાં છેલ્લા 24 કલાકમાં પોલીસે નિયમભંગ કરતા 102 જેટલા મોટા વાહનોને ડિટેઇન કર્યા હતા. આ કાર્યવાહીનો મુખ્ય હેતુ શહેરમાં માર્ગ સલામતી સુનિશ્ચિત કરવાનો હતો. પોલીસ દ્વારા ડિટેઇન કરાયેલા તમામ વાહનચાલકોને RTOનો મેમો પણ આપવામાં આવ્યો હતો. આ કાર્યવાહી માત્ર વાહનચાલકો પૂરતી સીમિત નથી.

ફાયરિંગ બાદ સમગ્ર છાવણીમાં લોકડાઉન કરવામાં આવ્યું

ઘાયલ સૈનિકોને વિન આર્મી કોમ્યુનિટી હોસ્પિટલમાં દાખલ કરવામાં આવ્યા છે. જો કે હજુ સુધી સ્પષ્ટ થયું નથી કે સૈનિકોની સ્થિતિ કેવી છે. ગોળીબારીની આ ઘટના સેકન્ડ આર્મર્ડ બ્રિગેડ કોમ્બેટ ટીમના પરિસરમાં થઈ છે. ફાયરિંગ સવારે 10.56 વાગ્યે થઈ, ફાયરિંગ બાદ સમગ્ર છાવણીમાં લોકડાઉન કરવામાં આવ્યું. હુમલાવરની સવારે 11.35 વાગ્યાની આસપાસ ધરપકડ કરી લેવામાં આવી છે. ત્યારબાદ છાવણીના ઘણા હિસ્સામાંથી લોકડાઉન હટાવી લેવામાં આવ્યું છે પણ સેકન્ડ ABCT વિસ્તાર હજુ પણ બંધ છે. અધિકારીઓએ પુષ્ટી કરી છે કે હવે સામાન્ય લોકોને કોઈ જોખમ નથી. 

America : જ્યોર્જિયાના આર્મી બેઝમાં અંધાધુંધ ફાયરિંગ, 5 સૈનિકોને વાગી ગોળી

અમેરિકાના જ્યોર્જિયામાં યુએસ આર્મી બેઝ ફોર્ટ સ્ટીવર્ટમાં ફાયરિંગની ઘટના સામે આવી છે. જેમાં 5 અમેરિકી સૈનિકોને ગોળી લાગવાની પણ પુષ્ટી કરવામાં આવી છે. આ ઘટના બાદ સેના, પોલીસ અને રાહત એજન્સીઓની ટીમ તાત્કાલિક ઘટના સ્થળે પહોંચી છે. જણાવવામાં આવી રહ્યું છે કે હુમલાખોરે આર્મી બેઝ પર અચાનક જ ફાયરિંગ કર્યુ. 

ગુજરાત સરકારના નાણા વિભાગ દ્વારા નાયબ નિયામક, વર્ગ 1ના બદલી કરાયેલા 18 અધિકારીઓના નામની યાદી:

•  હેમાક્ષુ વી. પટેલ
• નિશા ઉદય રાવલ 
• કાંતિલાલ એચ. ગામીત 
• મહેબૂબ એ. મારૂ 
• ગિતેશ સી. ગાંધી 
• સંજયસિંહ એ. ચાવડી 
• બ્રિજેશ જે. મહેતા 
• શૈલેષ કે. પાદશાહ 
• મનીષકુમાર એચ. બધેકા 
•  હેમંતકુમાર કે. ઉપાધ્યાય
• દિલીપસિંહ એમ. જોધ્ધા
• જયંતિભાઈ આઈ. દેસાઈ
• હિતેન્દ્રકુમાર કે, ધોકીયા
• દેવાંગ વી. પરીખ
• સોનલ એસ. ગવાન્ડે
• પ્રશાંત એન. પોપટ
• શશીકાંત એમ. પંડ્યા 
• હેતલ જે. ત્રિવેદી

ટ્રમ્પના 50 ટકા ટેરિફ પર ભારતની પ્રતિક્રિયા

• ટ્રમ્પના પગલાને અનુચિત અને અન્યાયપૂર્ણ ગણાવ્યું
• રાષ્ટ્રિય હિતને ધ્યાનમાં રાખી નિર્ણય કરીશું: MEA
• અમારો ઓઇલ ઇમ્પોર્ટ બજાર આધારિતઃ MEA
• અમારો ઉદ્દેશ ઉર્જા જરુરિયાત સુનિશ્ચિત કરવાનો: MEA
• અમેરિકાએ રશિયાથી ઓઇલ ઇમ્પોર્ટને ટાર્ગેટ કર્યું: MEA

Helicopter Crash : ઘાનામાં હેલિકોપ્ટર થયું ક્રેશ, 2 કેબિનેટ મંત્રી સહિત 8 લોકોએ ગુમાવ્યા જીવ

કેરેબિયન દેશ ઘાનામાં આજે એક મોટી દુર્ઘટના બની છે. ઘાનામાં હેલિકોપ્ટર ક્રેશ થયું હોનાની ઘટના બની છે. આ અકસ્માતમાં ઘાનાના 2 મંત્રીઓ સહિત 8 લોકોના મોત થયા છે. દુર્ઘટના બાદ સરકારે ઘાનામાં એક દિવસનો રાષ્ટ્રીય શોક જાહેર કર્યો છે. આ દુર્ઘટનામાં જીવ ગુમાવનારા મંત્રીઓમાં ઘાનાના સંરક્ષણ મંત્રી એડવર્ડ ઓમાન બોમાહ અને પર્યાવરણ, વિજ્ઞાન અને ટેકનોલોજી મંત્રી ઈબ્રાહિમ મુર્તલા મુહમ્મદ, 3 અન્ય અધિકારીઓ અને 3 વાયુસેનાના ક્રૂ સભ્યોનો સમાવેશ થાય છે.

નાયબ નિયામક વર્ગ 1ના 18 અધિકારીઓની બદલી

• હિસાબી અધિકારી વર્ગ 1ના 24 અધિકારીઓની બઢતી
• રાજ્ય સરકારના નાણા વિભાગે કર્યા આદેશ

નડિયાદના ઉત્તરસંડામાં બે બાળક ડૂબ્યા

• વહેરા તળાવમાં ડૂબવાથી બે સગા ભાઇના મોત
• 9 વર્ષીય મયંક, 6 વર્ષીય હરેનનું મોત
• બે કલાકની ભારે જહેમત બાદ મૃતદેહ મળ્યા
• ફાયરની ટીમ દ્વારા મૃતદેહ બહાર કઢાયા

ભારતના જ્વેલરી અને ડાયમંડ બિઝનેસ પર પણ અસર પડી શકે 

આ સિવાય ભારતના જ્વેલરી અને ડાયમંડ બિઝનેસ પર પણ અસર પડશે. ભારત દુનિયાના સૌથી મોટા ડાયમંડ એક્સપોર્ટરમાંથી એક છે. કૂલ ડાયમંડ એક્સપોર્ટનો મોટો હિસ્સો અમેરિકામાં જાય છે. અમેરિકામાં ભારતીય જ્વેલરીની 15.6 ટકા ભાગીદારી છે અને 3.5 અરબ ડોલરનો કારોબાર છે. આ સાથે જ ઓટોમોબાઈલ અને ઓટોપાર્ટસ વેપાર પણ અસર પડશે.  કારણ કે મોટી માત્રામાં અમેરિકાને ઓટો પાર્ટસ એક્સપોર્ટ કરવામાં આવે છે. આ સિવાય અન્ય ઘણા સેક્ટર્સમાં પણ ટેરિફની અસર જોવા મળશે. તેમાં ઈલેક્ટ્રોનિક્સનો 7.5 અરબ ડોલરનો વેપાર પ્રભાવિત થશે, જેની કૂલ અમેરિકી આયાતમાં ભારતની ભાગીદારી 6.5 ટકા છે. આ સિવાય ફાર્મા મશીન ઈન્ડસ્ટ્રીઝ જે અમેરિકી બજારમાં 3.1 ટકા ભાગીદારી રાખે છે, તે કારોબાર પર પણ મોટી અસર જોવા મળી શકે છે.

અમેરિકામાં ટેક્સટાઈલની મોટી માત્રામાં નિકાસ

ત્યારે તમને જણાવી દઈએ કે ટેરિફ લાગુ થયા બાદ દેશના કયા બિઝનેસ સેક્ટર તેનાથી પ્રભાવિત થશે. દેશમાં કપડાં, ચંપલ, જ્વેલરી, ઈલેક્ટ્રોનિક્સ, ફાર્મા, મશીન સહિત ઘણા વેપાર પર તેની અસર જોવા મળશે. ટેરિફની અસર દેશના કપડા અને ચંપલના વેપાર પર જોવા મળશે, કારણ કે ટેક્સટાઈલની મોટી માત્રામાં નિકાસ કરવામાં આવે છે અને અમેરિકા ભારતીય કપડા અને ફૂટવેરનો સૌથી મોટો આયાત કરતો દેશ છે. અમેરિકા તેની આયાતના લગભગ 14 ટકા કપડા ભારતમાંથી લે છે અને અમેરિકા સાથે 5.9 અરબ ડોલરનો કારોબાર છે.

US Tariff On India : 50 ટકા ટેરિફની અસર દેશના આ મોટા મોટા વેપાર પર પડી શકે!

અમેરિકાના રાષ્ટ્રપતિ ડોનાલ્ડ ટ્રમ્પે ભારતને એક બાદ એક મોટા ઝટકા આપ્યા છે. પહેલા તેમને ભારત પર 25 ટકા ટેરિફ લાગુ કર્યો હતો અને સાથે જ રશિયા સાથે તેલ અને હથિયારની ખરીદી ચાલુ રાખવા પર વધારાનો 25 ટકા ટેરિફ લગાવી દીધો છે. એટલે હવે ભારત પર કૂલ 50 ટકા ટેરિફ લગાવી દેવામાં આવ્યો છે. 

લોભામણી લાલચ આપીને ગઠીયાએ 22 લાખ ખંખેર્યા

જૂનાગઢમાં બાંધકામના ધંધા સાથે સંકળાયેલ યુવાને અલ્ટ્રાટ્રેક સિમેન્ટ કંપનીની ડીસ્ટ્રીબ્યુશન એજન્સી લેવાની લાલચમાં એક ગઠીયાની જાળમાં ફસાઈને 22.05 લાખ ગુમાવ્યા હોવાનો ગુનો સાયબર પોલીસ સ્ટેશનમાં નોધાયો છે. 

મારા વિસ્તારના બ્રિજની ડિઝાઇન વિશે મેયરને ખબર નથી

આજે અમદાવાદ મહાનગર પાલિકાની સંકલન સમિતીની બેઠક યોજાઈ હતી. જેમાં ભાજપના ધારાસભ્યો અને ઉચ્ચ અધિકારીઓ હાજર રહ્યા હતાં. આ બેઠકમાં એલિસબ્રિજના ધારાસભ્ય અમિત શાહએ મહાનગર પાલિકાની કામગીરી સામે સવાલો ઉઠાવ્યા હતાં. તેમણે કહ્યું હતું કે, અધિકારીઓ ધારાસભ્યો સાથે કોઈ સંકલન જ નથી કરતાં. મારા વિસ્તારના બ્રિજની ડિઝાઈન અંગે મેયરને ખબર નથી

અમરેલી ખોડલધામના કાર્યક્રમમાં સંઘાણીનું નિવેદન

ઇફકોના ચેરમેન દિલીપ સંઘાણીએ કહ્યું હતું કે, રાષ્ટ્ર હિતમાં નેનો યુરિયાનો વિરોધ ન કરવો જોઇએ.યુરિયા ખાતરના મોટા કારખાના બંધ કરો.નેનો યુરિયા દ્વારા ખેતી કરવાનું પ્લાનિંગ કરવુ જોઈએ. આપણામાંથી કેટલાક લોકો નેનો યુરિયાના વિરોધી છે. દોઢ લાખ બોટલ નેનો યુરિયા ખેડૂતોને ફ્રીમાં આપી છે. 

ભાજપ નેતા બાવકુ ઉંધાડે હર્ષ સંઘવીને લખ્યો પત્ર

ભાજપના નેતા બાવકુ ઉઘાડે હર્ષ સંઘવીને પત્ર લખીને અમરેલી શહેરમાં  રોમિયો સ્કવોડ શરૂ કરવા કરી માંગ કરી છે. પટેલ સંકુલના પ્રમુખની રજૂઆતને લઇ આ પચ્ર લખવામાં આવ્યો છે. પટેલ સંકુલમાં હજારો વિદ્યાર્થીનીઓ અભ્યાસ કરે છે. ભૂતકાળમાં રોમિયો સ્કવોડ કાર્યકરત હતી. રોમિયોગીરી ડામવા ફરી સ્કવોડ એક્ટિવ કરવા માગ કરાઈ છે. 

અમદાવાદના નિકોલમાં સગીરે કાર હંકારી ત્રણ વાહનોને અડફેટે લીધા

અમદાવાદના નિકોલ વિસ્તારમાં એક સગીર વયના છોકરાએ કાર ચલાવીને ગંભીર અકસ્માત સર્જ્યો છે. આ સગીરે ત્રણ વાહનોને અડફેટે લીધા હતા, જેના કારણે સ્થાનિક લોકોમાં ભારે રોષ ફેલાયો હતો. અકસ્માત સર્જીને ભાગવાનો પ્રયાસ કરનાર સગીરને સ્થાનિક લોકોએ પકડી પાડ્યો હતો. રોષે ભરાયેલા ટોળાએ સગીરને જાહેરમાં મેથીપાક ચખાડ્યો હતો. ત્યારબાદ આ મામલાની જાણ પોલીસને કરવામાં આવી હતી. ઘટનાની જાણ થતાં નિકોલ પોલીસ સ્ટેશનનો સ્ટાફ તાત્કાલિક ઘટનાસ્થળે પહોંચી ગયો હતો. પોલીસે સગીરની અટકાયત કરીને કાયદેસરની કાર્યવાહી હાથ ધરી છે. આ મામલાની ગંભીરતાને ધ્યાનમાં રાખીને સગીરને કાર આપનાર તેના પિતા વિરુદ્ધ પણ ગુનો નોંધાઈ શકે છે. આ પ્રકારની ઘટનાઓ વારંવાર બનતી હોવા છતાં વાલીઓ પોતાના સગીર સંતાનોને વાહન ચલાવવા આપે છે, જે ગંભીર પરિણામો લાવી શકે છે.

બનાસકાંઠાના થરાદમાં લિવ-ઇનમાં રહેતી પુત્રીની પિતા અને કાકાએ કરી હત્યા

બનાસકાંઠાના થરાદમાં એક કમકમાટીભરી ઓનરકિલિંગની ઘટના સામે આવી હતી. જેમાં પ્રેમલગ્ન બાદ લિવ-ઇનમાં રહેતી એક યુવતીની તેનાજ પિતા અને કાકાએ હત્યા કરી નાખી હોવાનો ચોંકાવનારો આક્ષેપ થયો હતો. આ મામલે યુવતીના પ્રેમીએ પોલીસ ફરિયાદ નોંધાવતા પોલીસે પિતા અને કાકા સામે ગુનો નોંધીને વધુ તપાસ હાથ ધરી હતી. થરાદના રહેવાસી હરેશ ચૌધરીને દાંતીયા ગામની ચંદ્રિકા ચૌધરી સાથે પ્રેમસંબંધ હતો. યુવતીની નેટની પરીક્ષા પૂરી થયા બાદ તેના પરિવારે તેને આગળ ભણવાની ના પાડી હતી.

વલસાડમાં ગરીબ માછીમારોનું શોષણ કરતી ગેંગનો પર્દાફાશ

વલસાડના ડુંગરી ગામમાં માનવતાને શરમસાર કરતી ઘટના સામે આવી છે, જ્યાં ચાર ગરીબ માછીમારોને બંધક બનાવીને તેમની પાસે બળજબરીપૂર્વક કામ કરાવવામાં આવતું હતું. જોકે, એક સામાજિક કાર્યકર્તાની મદદથી આ યુવાનોને મુક્ત કરાવવામાં આવ્યા છે. આ માછીમારોને ડુંગરી ગામમાં બંધક બનાવવામાં આવ્યા હતા. તેમને અત્યંત દયનીય સ્થિતિમાં રાખવામાં આવ્યા હતા, જ્યાં તેમના પગે સાંકળો બાંધેલી હતી. આ રીતે તેમને માછલી પકડવાના કામ માટે મજબૂર કરવામાં આવતા હતા. આ પ્રકારનું કૃત્ય માનવ અધિકારોનું ગંભીર ઉલ્લંઘન છે.

ડાંગમાં "વિશ્વ આદિવાસી દિવસ"ની ઉજવણી, રાજ્ય સરકારે પોતાનો નિર્ણય બદલ્યો

રાજ્ય સરકારે "વિશ્વ આદિવાસી દિવસ"ની ઉજવણી અંગે પોતાનો નિર્ણય બદલી નાખ્યો છે. હવે આ વર્ષે 9 ઓગસ્ટના રોજ ડાંગમાં આવેલ આદિવાસી સાંસ્કૃતિક ભવન ખાતે આ દિવસની ઉજવણી કરવામાં આવશે. અગાઉ, રાજ્ય સરકારે એક પરિપત્ર બહાર પાડીને આદિવાસી દિવસની ઉજવણી ફક્ત ચાર જિલ્લામાં જ કરવાની મંજૂરી આપી હતી. પરંતુ, આદિજાતિ વિકાસ કમિશનરે આ પરિપત્રમાં ફેરફાર કરીને નવો પરિપત્ર જાહેર કર્યો છે, જે મુજબ હવે કોઈપણ જિલ્લામાં આ કાર્યક્રમનું આયોજન કરી શકાશે.

અભિનેત્રી ક્રિસ્ટિના પટેલનો વધુ એક વીડિયો વાયરલ, પરિવાર પર ગંભીર આક્ષેપો

ગુજરાતી અભિનેત્રી ક્રિસ્ટિના પટેલે પોતાના પરિવારના વિવાદ અંગે એક નવો વીડિયો શેર કરીને સનસનીખેજ ખુલાસા કર્યા છે. આ વીડિયોમાં તેણે જણાવ્યું છે કે તેના પરિવારના લોકો તેના મુદ્દાને મિલકત અને પૈસા સાથે જોડીને ટ્વીસ્ટ કરી રહ્યા છે. આ સાથે તેણે તેના પિતાનો એક ઓડિયો પણ રજૂ કર્યો છે જેમાં તેઓ મોટા પપ્પા અને ભાઈના ત્રાસથી મૃત્યુ પામવાની વાત કરી રહ્યા છે.

 ટ્રમ્પે ભારત પર વધારાનો 25 ટકા ટેરિફ લગાવ્યો

અમેરિકાના પ્રેસિડેન્ટ ડોનાલ્ડ ટ્રમ્પે ભારત પર વધારાનો 25 ટકા ટેરિફ લગાવ્યો છે. ટ્રમ્પે ભારત પર કુલ 50 ટકા ટેરિફ લગાવ્યો છે. ડોનાલ્ડ ટ્રમ્પે અગાઉ 25 ટકા ટેરિફ લગાવ્યો હતો.રશિયા પાસેથી ક્રૂડ ઓઇલ ખરીદવાને લઇ ટેરિફ લગાવ્યો

સુરતના વરાછામાંથી ઝડપાયું કૂટણખાનું

સુરતના વરાછામાં રિચ હેર સલૂન એન્ડ સ્પામાં ચાલતુ કૂટણખાનુ ઝડપાયું છે. સ્પાની આડમાં કૂટણખાનું ચાલતું હતું. 2 સ્પા સંચાલક અને 3 ગ્રાહકની ધરપકડ કરવામાં આવી છે. સ્પામાં કામ કરતી 3 મહિલાને મુક્ત કરાવાઇ છે. 

IPS અધિકારીઓની 3 દિવસીય ચિંતન શિબિર મોકૂફ

વલસાડના ધરમપુરમાં યોજાનારી IPS અધિકારીઓની 3 દિવસીય ચિંતન શિબિર મોકૂફ રાખવામાં આવી છે. 15 ઓગસ્ટની તિરંગા યાત્રાને લઇ શિબિર મોકૂફ રાખવામાં આવી છે. પોલીસ બંદોબસ્તમાં હોવાથી ચિંતન શિબિર મોકૂફ રખાઈ છે. ચિંતન શિબિરની નવી તારીખ જાહેર કરાશે. 

નડિયાદના ઉત્તરસંડામાં વહેરા તળાવમાં બે બાળક ડૂબ્યા

નડિયાદના ઉત્તરસંડામાં વહેરા તળાવમાં બે બાળક ડૂબ્યા છે. બંને બાળકો સગા ભાઈ હોવાનું સામે આવ્યું છે. 9 વર્ષીય મયંક અને 6 વર્ષીય હરેન ડૂબ્યા હોવાની વિગતો સામે આવી છે. સવારે 10 વાગ્યાથી બંને બાળક ગાયબ હતા.તળાવ પાસેથી  બાળકોના ચપ્પલ અને બેટ મળ્યા છે. નડિયાદ ફાયર બ્રિગેડે શોધખોળ આદરી છે. 

માજી સૈનિકોનું આંદોલન રહેશે યથાવત 

આજે આંદોલન કરી રહેલા માજી સૈનિકોની ગૃહરાજ્ય મંત્રી સાથે બેઠક યોજાઈ હતી. આ બેઠકમાં કોઈ નિર્ણય નહીં આવતા આવતા સપ્તાહે ફરી બેઠક થશે. આ બેઠકમાં રાજ્ય પોલીસ વડા અને ભરતી બોર્ડના અધિકારીઓ હાજર રહ્યા હતાં. માજી સૈનિકો માટેની અનામત બેઠકને લઇ આંદોલન ચાલી રહ્યું છે. અનામત બેઠકમાં અન્ય કેટેગરીને ન સમાવવા માગ કરાઈ છે.  

ભિલોડામાં ભારે વાહનોનો બ્રિજ પર પ્રતિબંધનો મુદ્દો

ભિલોડામાં ભારે વાહનોનો બ્રિજ પર પ્રતિબંધ ફરમાવાયો છે. છતાં પણ હાથમતી નદી પર ભારે વાહનો બેફામ પણે દોડી રહ્યાં છે. કડક કાર્યવાહીના અભાવે ડમ્પર ચાલકો બેફામ બન્યાં છે. બ્રિજ ઉપર લગાવેલા સેફ્ટી એંગલ તોડી નાખ્યા હોવાનું સામે આવ્યું છે. 

વડોદરામાં પ્રથમવાર જોવા મળ્યો અલ્બીનો ઇન્ડિયન ફ્લૅપશેલ કાચબો

વડોદરાના ચિખોદ્રા ગ્રામ્ય હદમાં બુધવારે મીઠા પાણીના તળાવના કિનારે એક દુર્લભ અલ્બીનો ઇન્ડિયન ફ્લૅપશેલ ટર્ટલ જોવા મળ્યો હતો. જેને સ્થાનિક લોકોએ સામાજિક વનીકરણ વિભાગને જાણ કરી બચાવાયો હતો. આ દુર્લભ પીળા રંગના બાળ કાચબાને વન વિભાગે સુરક્ષિત રીતે બચાવી વડોદરાના કમાટીબાગ નજીક આવેલા તેમના કેન્દ્રમાં લાવવામાં આવ્યો છે.અલ્બીનો કાચબાની ઝાંખી મળતાની સાથે જ આસપાસના લોકોમાં અદભુત ઉત્સુકતા ફેલાઈ ગઈ હતી. 

અમદાવાદમાં AMC સંકલન સમિતિની બેઠક

કેબિનેટ મંત્રી ઋષિકેશ પટેલની અધ્યક્ષતામાં અમદાવાદ મહાનગર પાલિકાની સંકલન સમિતીની બેઠક મળી હતી. આ બેઠકમાં પાણી, રોડ રસ્તા અને ડ્રેનેજને લઇ ચર્ચાઓ કરવામાં આવી હતી.કોર્પોરેશનના અધિકારીઓએ પ્રેઝન્ટેશન કર્યું હતું. આગામી કોર્પોરેશનની ચૂંટણીને લક્ષ્યમાં રાખી ચર્ચા કરવામાં આવી હતી. ઋષિકેશ પટેલ અને જગદીશ વિશ્વકર્માએ  માર્ગદર્શન આપ્યું હતું. શહેરના ભાજપના 11 MLA આ બેઠકમાં હાજર રહ્યા હતાં. 

વાંચો 06 વાગ્યા સુધીના મહત્વના સમાચાર

1. India USA Tariff War: અમેરિકાના ટેરિફ સામે ભારત કેટલા ટકા લગાવે છે ટેરિફ, જાણો શું કહે છે આંકડાઓ?

2. Shubman Gillના ઐતિહાસિક પ્રદર્શન માટે ICCએ કરી મોટી જાહેરાત, ચોથી વાર આ એવોર્ડ જીતવાની તક

3. Gujarat News: સૌરાષ્ટ્રમાં સૌની યોજના મારફતે નર્મદાનું વધારાનું પાણી અપાશે, ઝોનના 11 જિલ્લામાં 10 કલાક વીજળી મળશે

4. Dharali Cloudburst : મુખ્યપ્રધાન પુષ્કર સિંહ ધામીએ પીડિતો સાથે કરી મુલાકાત, શક્ય તમામ મદદ પુરી પાડવા માટે આપ્યા નિર્દેશ

5. Bigg Boss 19: 'તારક મહેતાના શૈલેષ લોઢા અને 'સોઢી' બનશે શોનો ભાગ, અનુપમા સ્ટાર પણ મળશે જોવા! જુઓ લિસ્ટ

6. Gandhinagar News : ખાતરની કાળાબજારીને લઈને ઋષિકેશ પટેલનું મોટું નિવેદન, કહ્યું- સરકાર હવે સક્રિય... 

7. Gujarat News: ગ્રાન્ટેડ શૈક્ષણિક સંસ્થાના ફિક્સ પગારના કર્મીઓને 20 દિવસની રજા અપાશે, 1282 જેટલા કર્મચારીઓને લાભ મળશે

8. Gujarat News: 17 લાખ જેટલી નકલી દવાઓ જપ્ત કરાઇ, કાયદાકિય નિયમો વધુ કડક બનાવાશે

9. SCO Summit: PM મોદી જશે ચીન, ગલવાન ઘાટીમાં સંઘર્ષ બાદ પહેલી મુલાકાત

10. Vadodara News : ગંભીરા બ્રિજ દુર્ઘટનાનો મામલો, ટેન્કર માલિકને સોંપવામાં આવ્યું

ગાંધીનગરમાં ચ રોડ પર અકસ્માત 

ગાંધીનગરમાં ફરીવાર એક અકસ્માતનો બનાવ સામે આવ્યો છે. શહેરમાં ચ રોડ પર  સુમન ટાવર જવાના રસ્તે કાર અને ટુ વ્હીલર અથડાતા અકસ્માત સર્જાયો છે. આ અકસ્માતમાં કોઈ જાનહાનિ પહોંચી નથી. 

સૌરાષ્ટ્રના 11 જિલ્લામાં 10 કલાક વીજળી મળશે

સૌરાષ્ટ્રના કુલ 11 જિલ્લાઓમાં 8 કલાકના બદલે 10 કલાક વીજ પુરવઠો આપવામાં આવશે.સૌરાષ્ટ્રના જામનગર, દેવભૂમિ દ્વારકા, પોરબંદર, રાજકોટ, સુરેન્દ્રનગર, મોરબી, અમરેલી, ભાવનગર, બોટાડ, જૂનાગઢ અને ગીર સોમનાથ એમ કુલ 11 જિલ્લામાં 10 કલાક કૃષિ વિષયક વીજ પુરવઠો આપવામાં આવશે.

ગ્રાન્ટેડ શૈક્ષણિક સંસ્થાના ફિક્સ પગારના કર્મીઓને 20 દિવસની રજા અપાશે

રાજ્યની ગ્રાન્ટ-ઇન-એઇડ સંસ્થાઓના શૈક્ષણિક અને બિન-શૈક્ષણિક ફીક્સ પગારનાં કર્મચારીઓના હિતમાં રાજ્ય સરકાર દ્વારા મહત્વનો નિર્ણય કરવામાં આવ્યો છે. 

પ્રવક્તા મંત્રી ઋષિકેશ પટેલે જણાવ્યું હતું કે, રાજ્યની 357 ગ્રાન્ટ-ઇન-એઇડ સંસ્થાઓના શૈક્ષણિક અને બિન-શૈક્ષણિક ફીક્સ પગારનાં કર્મચારીઓને માટે 20 માંદગી રજા અને 15 ખાસ રજા આપવામાં આવશે.આ નિર્ણયનો કુલ 1282 કર્મચારીઓને લાભ મળશે જેમાં 1167 શૈક્ષણિક અને 115 બિન-શૈક્ષણિક કર્મચારીઓનો સમાવેશ થાય છે. 

વાઘોડિયામાં પોલીસકર્મીએ કર્યો આપઘાત

વડોદરાના વાઘોડિયામાં પોલીસ કર્મીએ આપઘાત કરતાં ચકચાર મચી જવા પામી છે. પોલીસકર્મી પ્રકાશ રાઠવાએ ગળાફાંસો ખાઈને આપઘાત કરી લીધો છે. આપઘાત કરનાર પોલીસ કર્મી વાઘોડિયા પોલીસ સ્ટેશનમાં ફરજ બજવતા હતાં. પોલીસકર્મીના આપઘાતનું કારણ અકબંધ છે.  

17 લાખ જેટલી નકલી દવાઓ જપ્ત કરાઇ

ગુજરાતમા વેચાઈ રહેલી નકલી દવાઓનું વેચાણ અટકાવવા તાજેતરમાં ફૂડ એન્ડ ડ્રગ્સ વિભાગ દ્વારા દરોડા પાડીને કાર્યવાહી કરવામાં આવી હતી. નકલી દવાઓ વેચનારા વેપારીઓ સામે કાર્યવાહી કરવામાં આવી હતી. રાજ્ય સરકારના પ્રવક્તા મંત્રી ઋષિકેશ પટેલે જણાવ્યું હતું કે, નકલી દવાઓના વેચાણ પર સરકાર સખત કાર્યવાહી કરી રહી છે. અત્યાર સુધીમાં રાજ્યમાંથી 17 લાખ નકલી દવાઓ જપ્ત કરવામાં આવી છે.  

મોટા વાહનચાલકો વિરુદ્ધ સુરત પોલીસની કાર્યવાહી

સુરતમાં ભારે વાહનચાલકો સામે પોલીસે કાર્યવાહી શરૂ કરી છે. છેલ્લા 24 કલાકમાં 102 જેટલા ભારે વાહનો ડિટેઈન કરવામાં આવ્યાં છે. આ ઉપરાંત વાહનોને આરટીઓનો મેમો આપવામાં આવ્યો છે. આ વાહનોના માલિકો સામે પણ કાર્યવાહી કરવામાં આવશે.

આણંદના બોરસદમાં દોઢ માસની બાળકીનું મોત

રસી મુક્યા બાદ મોતનો પરિવારજનોનો આક્ષેપ, પરિવારજનોએ રસી મૂકનાર નર્સ સામે આક્ષેપ કર્યા, બાળકીને પોલિયો સહિત ત્રણ રસીઓ મુકાઇ હતી, વઘવાલા આંગણવાડીમાં બાળકીને રસી મુકાઇ હતી, દોઢ માસની બાળકી જાહ્નવી પરમારનું મોત. 

અમદાવાદમાં ટ્રોલી લિફ્ટનો કેબલ તૂટ્યો

ઓઢવ પાસે કન્સ્ટ્રક્શન સાઇટનો બનાવ, ટ્રોલી લિફ્ટમાં બે શ્રમિક કામ કરી રહ્યા હતા, ફાયર વિભાગે બે શ્રમિકનું રેસ્ક્યુ કરી નીચે ઉતાર્યા. 

પાદરા બ્રિજ પરથી ઉતારેલું ટેન્કર માલિકને સોંપાયું

ટેન્કરને રીપેર કરી માલિકને સોંપતા ભાવવિભોર, માલિકે સરકાર, તંત્ર અને કંપનીનો આભાર માન્યો, મીડિયાના મિત્રોનો પણ આભારઃ ટેન્કર માલિક. 

વડોદરાના ગાજરવાડીમાં ગટર ચેમ્બરમાં પડતા યુવાનનું મોત

સુવેજ પમ્પિંગ સ્ટેશન પાછળ ગટર ચેમ્બરમાં પડ્યો યુવાન, ડ્રેનજ લાઇનમાં મુકેલા પથ્થર પરથી નીચે પડતા મોત, એકનો એક પુત્ર ગુમાવતા પરિવારમાં શોકનો માહોલ, ફાયર બ્રિગેડે ડ્રેનેજમાંથી યુવકના મૃતદેહને બહાર કાઢ્યો, બચાવ માટે આવેલી ફાયરની ગાડી પણ ખાડામાં ખાબકી. 

અમદાવાદ-મુંબઇ બુલેટ ટ્રેન પરિયોજના

વડોદરાની વિશ્વામિત્રી નદી પર પુલનું કામ પૂર્ણ, બુલેટ ટ્રેન પરિયોજના માટે 25 પુલ બનવાના છે, ગુજરાતમાં 21, મહારાષ્ટ્રમાં 4 પુલ બનશે, કુલ 25 પુલમાંથી 17 પુલનું નિર્માણ પૂર્ણ. 

માજી સૈનિકોના આંદોલનને લઈ મોટા સમાચાર 

ગૃહ રાજ્યમંત્રી હર્ષ સંઘવીની અધ્યક્ષતામાં બેઠક, અલગ અલગ ભરતી બોર્ડના પ્રતિનિધિઓ હાજર, DGP, પોલીસ ભરતી બોર્ડના ચેરમેન પણ હાજર, સરકારી ભરતીમાં અનામતની જગ્યાઓ ભરવા માગ. 

અમદાવાદમાં સ્પર્મ વ્હેલ માછલીનું એમ્બરગ્રીસ પકડાયું

2 કરોડના એમ્બરગ્રીસ સાથે એકની ધરપકડ, ક્રાઇમ બ્રાન્ચે રાજુ મારવાડીની કરી ધરપકડ, મુંબઇથી એમ્બરગ્રીસ વેચનાર ગણેશ મારવાડી ફરાર. 

ટ્રેન નં. ૧૯૨૦૧/૧૯૨૦૨ ભાવનગર-અયોધ્યા કેન્ટ-ભાવનગર સાપ્તાહિક એક્સપ્રેસ

ટ્રેન નં. ૧૯૨૦૧ ભાવનગર - અયોધ્યા કેન્ટ સાપ્તાહિક એક્સપ્રેસ ટ્રેન ૧૧ ઓગસ્ટ, ૨૦૨૫ (સોમવાર) ના રોજ બપોરે 1.50 વાગ્યે ભાવનગર ટર્મિનસથી ઉપડશે અને બીજા દિવસે સાંજે  6.30 વાગ્યે અયોધ્યા કેન્ટ સ્ટેશન પહોંચશે. તેવી જ રીતે, પરત ફરતી વખતે, ટ્રેન નંબર ૧૯૨૦૨ અયોધ્યા કેન્ટ-ભાવનગર સાપ્તાહિક એક્સપ્રેસ ટ્રેન 12 ઓગસ્ટ, ૨૦૨૫ (મંગળવાર) ના રોજ રાત્રે 10.30 વાગ્યે અયોધ્યા કેન્ટ સ્ટેશનથી ઉપડશે અને ગુરુવારે સવારે ૪.૪૫ વાગ્યે ભાવનગર ટર્મિનસ પહોંચશે. 

11 ઓગસ્ટથી દર સોમવારે ભાવનગર-અયોધ્યા કેન્ટ વચ્ચે સાપ્તાહિક એક્સપ્રેસ ટ્રેન દોડશે

મુસાફરોની માંગ અને સુવિધાને ધ્યાનમાં રાખીને, રેલવે વહીવટી તંત્રે 11 ઓગસ્ટ, 2025થી દર સોમવારે ભાવનગર-અયોધ્યા કેન્ટ વચ્ચે પશ્ચિમ રેલવેના ભાવનગર મંડળના ભાવનગર ટર્મિનસ સ્ટેશનથી ભગવાન શ્રી રામના શહેર અયોધ્યા સુધી સાપ્તાહિક એક્સપ્રેસ ટ્રેન દોડાવવાનો નિર્ણય લીધો છે. 

ATSએ પકડેલા 5 આતંકીઓના કેસમાં ખુલાસો

મહિલા આતંકી સમા પરવીનની તપાસમાં ખુલાસા, સમા પરવીનની સોશિયલ મીડિયા પોસ્ટ આવી સામે, સમા પરવીને પાકિસ્તાન આર્મી ચીફને કર્યો હતો મેસેજ, ભારત પાકિસ્તાન સંઘર્ષ દરમ્યાન કરી હતી પોસ્ટ, ગઝવા એ હિન્દ પ્રોજેક્ટ શરૂ કરવા લખી પોસ્ટ, ભારતમાં ખિલાફત વ્યવસ્થા સ્થાપિત કરવા અંગે ઉલ્લેખ, ભારતમાં હિંસા માટે ઉશ્કેરણીજનક ભાષણનો પણ ઉલ્લેખ, હિન્દી સમુદાય અને આગેવાનોને નિશાન બનાવવાનો ઉલ્લેખ, લાહોરની લાલ મસ્જિદના ઇમામનો પણ ઉલ્લેખ, પોસ્ટમાં ઇમામ અબ્દુલ અઝીઝના નિવેદનનો ઉલ્લેખ કર્યો. 

અમરેલીના રાજુલામાં આવેલી SBI બેંકમાં ધોળા દિવસે ચોરી

કેશ કાઉન્ટરની ઓફિસમાં ઘુસી દોઢ લાખની ચોરી, કર્મચારીઓની હાજરીમાં બેંકમાં થઇ ચોરી, બેંક કર્મચારીઓની ગંભીર બેદરકારી સામે આવી.

વાંચો 03 વાગ્યા સુધીના મહત્વના સમાચાર

01 - ગરીબ યુવાનના ખાતામાં આવ્યા અધધધ રૂપિયા, આંકડો જાણીને તમે પણ ચોંકી જશો 

02 - India USA Tariff War: કોઇપણ મુદ્દે ભારત સાથે સંબંધો બગાડવા એ અમેરિકાની સૌથી મોટી ભૂલઃ નિક્કી હેલી 

03 - Weather News: વરસાદ ખેંચાતા ગરમીનું પ્રમાણ વધશે, 33 ડિગ્રી સુધી તાપમાન પહોંચવાની શક્યતા 

04 - Banaskantha News : હર ઘર તિરંગા અભિયાનના સુચારૂ આયોજન માટે જિલ્લા કલેકટરના અધ્યક્ષસ્થાને બેઠક યોજાઇ 

05 - Gujarat News : છેલ્લા અઠવાડીયામાં ગુજરાતમાં 34317 મેટ્રિકટન વધારાના યુરીયા ખાતરની આવક 

06 - Uttarakhand Cloudburst: મહાભારત યુગનું રહસ્યમય શિવ મંદિર ધારાલી દુર્ઘટનામાં દટાઈ ગયું 

07 - Ahmedabad News: હાથણીને પરત કરવા વનતારાએ સંપૂર્ણ સમર્થન આપ્યું, પુનર્વસન યોજના પણ રજૂ કરી 

08 - Rajkot News : વાસી, ભેળસેળયુક્ત ખોરક ટેસ્ટ કરવાનું મશીન જ છેલ્લા 5 વર્ષથી બંધ, ટેસ્ટિંગ માટે વડોદરાના ધક્કા 

09 - Surendranagar : ધ્રાંગધ્રામાં ઠપકો અને થપ્પડ બાદ હત્યા કરનારા બે સગાભાઇની ધરપકડ 

10 - Ahmedabad News : ફાયર વિભાગમાં ગેરરીતિનો પર્દાફાશ, આસિસ્ટન્ટ પગી લાખોની હેરાફેરી બાદ ગાયબ 

કર્મચારીઓ, સંસ્કૃત પ્રેમીઓ વગેરે ઉપસ્થિત રહ્યા હતા

સંસ્કૃત ગૌરવ યાત્રામાં શાળા સંચાલક મંડળના અધ્યક્ષ મનુભાઈ રાવલ, અખિલ ભારતીય કિસાન સંઘના પ્રકાશ નારાયણ તિવારી,  ડાયટ પ્રાચાર્ય સહિત મોટી સંખ્યામાં શાળાના વિદ્યાર્થીઓ, શિક્ષક ગણ, સંસ્કૃત ભાષા સાથે સંકળાયેલી સંસ્થાના પ્રતિનિધિઓ, શહેર અને જિલ્લા શિક્ષણાધિકારી કચેરી તથા વહીવટી તંત્રના અધિકારીઓ, કર્મચારીઓ, સંસ્કૃત પ્રેમીઓ વગેરે ઉપસ્થિત રહ્યા હતા.

શ્રાવણી પૂર્ણિમાના દિવસે 'વિશ્વ સંસ્કૃત દિન'ની ઉજવણી કરવામાં આવે છે

જિલ્લા શિક્ષણાધિકારી (અમદાવાદ શહેર) ડો. રોહિત ચૌધરીએ સ્વાગત પ્રવચન કરતાં સૌને આવકાર્યા હતા. તેમણે જણાવ્યું હતું કે સંસ્કૃત ભાષાના સંરક્ષણ અને સંવર્ધન તથા ભાષાનું ગૌરવ વધારવાના ઉદ્દેશ સાથે સંસ્કૃત સપ્તાહની ઉજવણી અંતર્ગત યોજાઈ રહેલા સંસ્કૃત ગૌરવ યાત્રા જેવા કાર્યક્રમો ઘરે ઘરે સંસ્કૃત ભાષાને પહોચાડવામાં મહત્વનો ભાગ ભજવશે. અત્રે ઉલ્લેખનીય છે કે ગુજરાત રાજ્ય સંસ્કૃત બોર્ડ દ્વારા સંસ્કૃતના સર્વાંગી વિકાસ માટે શ્રાવણી પૂર્ણિમાના દિવસે 'વિશ્વ સંસ્કૃત દિન'ની ઉજવણી કરવામાં આવે છે. જેના અનુસંધાને સમગ્ર રાજ્યમાં તા.૬થી ૮ ઓગસ્ટ દરમિયાન સંસ્કૃત ગૌરવ યાત્રા, સંભાષણ દિવસ અને સાહિત્ય દિવસની ઉજવણી થઈ રહી છે.

પ્રચાર પ્રસાર કાર્યક્રમો થકી નાગરિકોને સંસ્કૃત ભાષા સાથે જોડવાનું કાર્ય કરી રહ્યું છે

ગુજરાત રાજ્ય સંસ્કૃત બોર્ડના અધ્યક્ષ  હિમાંજય પાલિવાલે સૌને સંસ્કૃત સપ્તાહની શુભકામનાઓ પાઠવતા જણાવ્યું હતું કે આપણે સૌ ભારતીય છીએ, એટલે આપણામાં સંસ્કૃત ભાષા વણાયેલી જ છે. દેશની ઘણી ભાષાઓ સંસ્કૃતમાંથી આવી છે. સંસ્કૃત ઘણી ભાષાઓની જનની છે. સંસ્કૃત ભાષા વિશ્વમાં જ્ઞાન અને માર્ગદર્શનનો આધાર છે. વડાપ્રધાન નરેન્દ્રભાઈ મોદીના નેતૃત્વમાં દેશની પ્રાચીન સભ્યતા, વિરાસત અને ભવ્ય વારસાના સંવર્ધન માટે સતત કામગીરી થઈ રહી છે ત્યારે ગુજરાત રાજ્ય સંસ્કૃત બોર્ડ પણ અનેકવિધ જાગૃતિ કાર્યક્રમો અને પ્રચાર પ્રસાર કાર્યક્રમો થકી નાગરિકોને સંસ્કૃત ભાષા સાથે જોડવાનું કાર્ય કરી રહ્યું છે.

વિવિધ ઝાંખી, બેનર્સ અને રથ આકર્ષણનું કેન્દ્ર બન્યા હતા સંસ્કૃત યાત્રામાં

સંસ્કૃત ગૌરવ યાત્રામાં શાળાના વિદ્યાર્થીઓ પ્રાચીન ભારતીય સંસ્કૃતિ અને ભવ્ય વારસાને ઉજાગર કરતી સાંસ્કૃતિક વેશભૂષા સાથે સામેલ થયા હતા. પ્રભાત ચોકથી ઉમિયા હોસ્પિટલ સુધી યોજાયેલી સંસ્કૃત ગૌરવ યાત્રામાં વિદ્યાર્થી બેન્ડ, લેઝીમ, ડંબેલ્સ, સંસ્કૃત ભાષાનું ગૌરવ અને વારસો દર્શાવતી વિવિધ ઝાંખી, બેનર્સ અને રથ આકર્ષણનું કેન્દ્ર બન્યા હતા. 

'વિશ્વ સંસ્કૃત દિન'ની ઉજવણી અંતર્ગત અમદાવાદમાં 'સંસ્કૃત ગૌરવ યાત્રા' યોજાઈ

'વિશ્વ સંસ્કૃત દિન'ની ઉજવણીના ઉપલક્ષ્યમાં અમદાવાદમાં 'સંસ્કૃત ગૌરવ યાત્રા' યોજાઈ હતી. ગુજરાત રાજ્ય સંસ્કૃત બોર્ડ, જિલ્લા વહીવટી તંત્ર અને જિલ્લા શિક્ષણાધિકારીની કચેરી (શહેર અને ગ્રામ્ય)ના સંયુક્ત ઉપક્રમે યોજાયેલી  'સંસ્કૃત ગૌરવ યાત્રા'માં સાબરમતીના ધારાસભ્ય  હર્ષદભાઈ પટેલ, નારણપુરાના ધારાસભ્ય જીતેન્દ્રભાઈ પટેલ, સંસ્કૃત બોર્ડના ચેરમેન હિમાંજય પાલિવાલ ઉપસ્થિત રહ્યા હતા.

ફાઈટ અગેઈન્સ્ટ ડ્રગ્સ

ગુજરાત પોલીસે ડ્રગ્સ સામે ઝીરો ટોલરન્સની નીતિ અપનાવી છે અને એટલે જ તે ડ્રગ્સ પકડવામાં દેશભરમાં અગ્રેસર છે. ગુજરાત માદક પદાર્થોના દુરુપયોગને રોકવાના હેતુથી બાતમીદારો માટે રિવોર્ડ પોલિસી શરૂ કરનારું પહેલું રાજ્ય છે. ડ્રગ્સને નેસ્તનાબૂદ કરવાના પ્રયાસોમાં પોલીસ, કર્મચારીઓ/અધિકારીઓ અને બાતમીદારો પણ મહત્વનો ભાગ ભજવે છે. બાતમીદારોના જોખમને ધ્યાનમાં લેતાં અને રાજ્યમાં કેફી પદાર્થોનો વ્યાપાર અટકાવવા માટે ગુજરાત સરકારે પોલીસ અધિકારીઓ, કર્મચારીઓ તેમજ બાતમીદારોને પ્રોત્સાહન આપવા માટે નાર્કોટિક્સ રિવોર્ડ પોલિસી શરૂ કરી હતી. આ રિવોર્ડ પોલિસીનું અમલીકરણ સરકારના ગૃહ વિભાગ હેઠળ થાય છે.

ડ્રગ્સનું દૂષણ સમાજમાંથી કરો દૂર

નાર્કોટિક્સ રિવોર્ડ પોલિસી દ્વારા ગુજરાત યુવાનોને કેફી દ્રવ્યોની ચુંગાલમાંથી છોડાવવાની અને ડ્રગ્સ પેડલરોને સકંજામાં લેવાની દિશામાં આગળ વધ્યું છે.નાર્કો રિવોર્ડ પોલિસી લૉન્ચ કરતી વખતે ગૃહ રાજ્ય મંત્રી હર્ષ સંઘવીએ એવું જણાવ્યું હતું કે, “ડ્રગનું દૂષણ આપણા સમાજને નબળો પાડશે અને યુવાનો તેનાથી દૂર રહે એ જરૂરી છે. ડ્રગ્સ અસ્થાયી રૂપે હાઈ ફીલિંગ આપી શકે છે પરંતુ લાંબા ગાળે તે આપણા શરીરને ભયંકર નુકસાન કરે છે. કોઈ જગ્યાએ ડ્રગ્સ વેચાતું હોય અને એ અંગે યુવાનોને જાણ થાય તો તેમણે પોલીસ અને રાજ્યના ગૃહ વિભાગને માહિતગાર કરવા જોઈએ."

અમદાવાદના દાણીલીમડા વિસ્તારમાંથી ઝડપાયું ડ્રગ્સ

અમદાવાદના દાણીલીમડા વિસ્તારમાંથી ડ્રગ્સ ઝડપાયું છે, સ્ટેટ મોનિટરીંગ સેલને બાતમી હતી કે એક યુવક ડ્રગ્સ સાથે ફરી રહ્યો છે, ત્યારે તેની પૂછપરછ કરી તે દરમિયાન યુવકે કબુલ્યું કે તેની પાસે ડગ્સ અને ચરસ બન્ને છે, ત્યારે પોલીસે દાણીલીમડા વિસ્તારમાંથી તેની ધરપકડ કરી છે, ડ્રગ્સ કયાંથી લાવ્યો અને કોને આપવાનો હતો તે દિશામાં પોલીસે તપાસ શરૂ કરી છે, સ્ટેટ મોનિટરીંગ સેલે આરોપીને ઝડપીને દાણીલીમડા પોલીસને સોંપ્યો છે અને દાણીલીમડા પોલીસ તપાસ કરી રહી છે. 

અમદાવાદના દાણીલીમડામાંથી 11.80 લાખનું ડ્રગ્સ સ્ટેટ મોનિટરીંગ સેલે ઝડપી પાડયું  

અમદાવાદના દાણીલીમડામાંથી ડ્રગ્સ ઝડપાયું છે, SMCએ દરોડા પાડી આરોપીને ઝડપી પાડયો છે અને 11.80 લાખની કિંમતનું MD ડ્રગ્સ અને ચરસ જપ્ત કરાયું છે, પોલીસે 7.18 લાખ રોકડ સહિત કુલ 23 લાખનો મુદ્દામાલ જપ્ત કર્યો છે અને આરોપી જાવેદ મેવાતીની પોલીસે ધરપકડ કરી આ કેસમાં અન્ય 6 આરોપીઓની પોલીસે શોધખોળ હાથ ધરી છે.

રાજ્યમાં વરસાદનું જોર ઘટતા ગરમી વધશે

કેટલાક જિલ્લામાં મધ્યમ વરસાદનું અનુમાન, 12 ઓગસ્ટ સુધી ભારે વરસાદની શકયતા નહિવત, અમદાવાદમાં તાપમાન 2થી3 ડિગ્રી વધવાની શક્યતા, કેટલાક જીલ્લાઓમાં તાપમાન 33 ડિગ્રી સુધી પહોંચશે.

ત્રીજા તબકકામાં તમામ શાળાઓમાં ધ્વજ વંદન કાર્યક્રમ યોજાશે

આ સાથે ૧૩ ઑગસ્ટ થી ૧૫ ઓગસ્ટ ૨૦૨૫ ત્રીજા તબકકામાં તમામ શાળાઓમાં ધ્વજ વંદન કાર્યક્રમ, સાંસ્કૃતિક કાર્યક્રમ, ‘સેલ્ફી વિથ તિરંગા’ તેમજ સ્વતંત્રતા દિવસની ઉજવણી કરાશે. તમામ કાર્યક્રમો થકી લોકોમાં રાષ્ટ્રધ્વજ અને દેશ માટે ગૌરવની ભાવનાને વધુ મજબુત બનાવવાનો હેતુ છે. બનાસકાંઠા જિલ્લામાં તિરંગાના માન સન્માન સાથે ભારે ઉત્સાહભેર તમામ કાર્યક્રમો યોજાય તેની તકેદારી રાખવા કલેક્ટરશ્રીએ જરૂરી સુચનાઓ આપી હતી. તિરંગા અભિયાન હેઠળ જિલ્લાના તમામ લોકોને વિશાળ જનભાગીદારી નોધાવા જિલ્લા કલેક્ટરશ્રીએ અપીલ કરી હતી. આ બેઠકમાં જિલ્લા વિકાસ અધિકારી એમ.જે.દવે, અધિક જિલ્લા કલેક્ટર સી.પી.પટેલ સહિત સબંધિત વિભાગના અધિકારીઓ ઉપસ્થિત રહ્યા 

બીજા તબક્કામાં તમામ તાલુકાઓ તથા જિલ્લા કક્ષાએ તિરંગા યાત્રાનું આયોજન કરાશે

ત્યાર બાદ ૦૯થી ૧૨મી ઓગસ્ટ બીજા તબક્કામાં તમામ તાલુકાઓ તથા જિલ્લા કક્ષાએ તિરંગા યાત્રાનું આયોજન કરાશે. આઇકોનિક સ્થળ નડાબેટ તથા અંબાજી ખાતે પણ ભવ્ય તિરંગા યાત્રા યોજાશે. આગામી ૧૨મી ઓગસ્ટ દરમિયાન પાલનપુર ખાતેથી જિલ્લા કક્ષાની તિરંગા યાત્રા યોજાશે. આ સાથે જિલ્લા ગ્રામ વિકાસ એજન્સી સહિત તમામ તાલુકાઓ, નગરપાલિકાના સહયોગ થકી વિવિધ જગ્યાઓ ઉપર સઘન સફાઈ ઝુંબેશ, હેન્ડ વોશ ડેમો, સ્વચ્છતા શપથ, તિરંગા યાત્રા અને રેલીઓ યોજાશે. 

ત્રણ ફેઝમાં હર ઘર તિરંગા યાત્રાની ઉજવણી કરાશે

આ બેઠકમાં જિલ્લા કલેકટરે જણાવ્યું હતું કે, જિલ્લામાં ત્રણ ફેઝમાં હર ઘર તિરંગા યાત્રાની ઉજવણી કરાશે. જેમાં આગામી ૦૮મી ઓગસ્ટ સુધી પ્રથમ તબક્કામાં શિક્ષણ વિભાગ દ્વારા જિલ્લાની તમામ શાળાઓમાં સશસ્ત્ર દળોને ઓપરેશન સિંદુર વિષય પર પત્રો લખવાની સ્પર્ધાનું આયોજન, જિલ્લાની તમામ શાળાઓમાં My Gov portal દ્વારા ક્વિઝનું આયોજન કરાશે, નગરપાલિકાઓ દ્વારા વોલ પેઇન્ટિંગનું કામ કરાશે. 

હર ઘર તિરંગા અભિયાનના સુચારૂ આયોજન માટે જિલ્લા કલેકટરના અધ્યક્ષસ્થાને બેઠક યોજાઇ

આ વર્ષે દેશમાં અને રાજ્યમાં સ્વાતંત્ર્ય પર્વની ઉજવણી "હર ઘર તિરંગા, હર ઘર સ્વચ્છતા, સ્વચ્છતા સાથે સ્વતંત્રતાની ઉજવણી"ની થીમ ઉપર યોજાનાર છે. બનાસકાંઠા જિલ્લામા ‘હર ઘર તિરંગા’ અભિયાનના સુચારૂ આયોજન અન્વયે જિલ્લા કલેકટર મિહિર પટેલના અધ્યક્ષસ્થાને કલેક્ટર કચેરી પાલનપુર ખાતે સબંધિત અધિકારીઓ સાથે બેઠક યોજાઈ હતી. 

૭૧ ખેડુતોએ મેળવેલ તમામ જથ્થાની વિગતવાર માહિતી મેળવાઈ છે

તપાસના પ્રથમ દિવસે, તા. ૦૪/૦૮/ ૨૦૨૫ ના રોજ ૧૮ જિલ્લાઓમાં કુલ ૫૬ વિક્રેતાઓને ત્યાં ચકાસણી કરવામાં આવી અને વિવિધ જગ્યાએ તપાસ હાથ ધરવામાં આવી હતી, જેમાં પ્રથમ દ્રષ્ટિએ કુલ ૧૭ જેટલી વિસંગતતાઓ સામે આવી જે માટે નોટીસ આપી છે અને ૪ ડીલરોના કિસ્સામાં યુરીયા શંકાસ્પદ અન્ય હેતુ માટે ડાયવર્જન જણાતા લાયસન્સ સસ્પેન્ડ કરવાની કાર્યવાહી હાથ ધરવામાં આવી છે. તેમજ, આ ટીમો દ્વારા ૫૦૨ જેટલા ખેડૂતો સાથે પરામર્શ કરી તેમાંથી ૭૧ ખેડુતોએ મેળવેલ તમામ જથ્થાની વિગતવાર માહિતી મેળવાઈ છે. આ બાબતે થયેલી વિસંગતતાઓ અંગે તાત્કાલિક નિવારક પગલાં લેવા અને નિયમ મુજબની કડક કાર્યવાહી કરવા માટે સૂચનાઓ આપવામાં આવી છે. રાજ્ય સરકાર દ્વારા ખાતરના વિતરણમાં પારદર્શિતા અને ખેડૂત હિતમાં યોગ્ય વ્યવસ્થા અમલમાં રહે તે માટે કટિબદ્ધ છે.

છેલ્લા અઠવાડીયામાં ગુજરાતમાં 34317 મે.ટન વધારાનું યુરીયા ખાતરની આવક

કૃષિ વિભાગ દ્વારા રાજ્યના રાસાયણિક ખાતરના સુચારૂ વિતરણ અને તેની સબસીડીના લાભનો સાચા હકદાર ખેડૂત સુધી પહોંચે તે સુનિશ્ચિત કરવા હેતુસર મુખ્યમંત્રીના આદેશથી ખાસ અભિયાન હાથ ધરવામાં આવ્યું છે. યુરિયા ખાતરના ઔદ્યોગિક ઉપયોગની શક્યતા, કાળા બજાર, કૃત્રિમ ખાધ ઊભી કરવી, સંગ્રહખોરી જેવા મુદ્દાઓ તથા દરેક ખેડૂતને ખાતર મળી રહે તે માટે માટે રાજ્યના ત્રણ અધિક કલેક્ટરને ૬-૬ જિલ્લાની જવાબદારી સોપવામાં આવી છે. અને કૃષિ વિભાગની ૬૪ ટીમો આ કામે ફાળવવામાં આવી છે.

વડોદરાના હાલોલ રોડ પરથી ઝડપાયો હતો દારૂનો જથ્થો

વડોદરાના હાલોલ રોડ પરથી 39.65 લાખના દારૂનો જથ્થા સાથે 2ની ધરપકડ કરી હતી, વાઘોડિયા તાલુકાના જરોદ પોલીસ સ્ટેશનના ડી-સ્ટાફ દ્વારા દારૂનો જથ્થો સગેવગે કરવામાં આવ્યો હોવાની વાત છે, જરોદ પોલીસ સ્ટેશનના ડી-સ્ટાફે માનિતા બુટલેગરોને ચોક્કસ સ્થળે બોલાવી દારૂની પેટીઓ ખાનગી ગાડીમાં પધરાવી દીધી હોવાની વાત સામે આવી છે, પોલીસથી નારાજ બાતમીદારે સ્ટીંગ ઓપરેશન કર્યાની ચર્ચાએ જોર પકડયું છે, વડોદરા હાલોલ રોડ પર આવેલ આસોજ પાસે ઝોડ કંપની પાસેથી પોલીસે કન્ટેનર માંથી દારૂ ઝડપી પાડયો હતો. 

Vadodaraના વાઘોડિયામાં પોલીસ અને બુટલેગર વચ્ચે જોરદાર ભાઈબંધી

વડોદરાના વાઘોડિયામાં પોલીસ અને બુટલેગર ભાઇ-ભાઇનો સબંધ સામે આવ્યો છે, ઝડપાયેલા કન્ટેનરમાંથી દારૂ સગેવગે કરતો વીડિયો વાયરલ થયો છે, જરોદ પોલીસના કર્મચારીએ દારૂ સગેવગે કર્યાનો આક્ષેપ કરવામાં આવ્યો છે, બુટલેગરને બોલાવી કન્ટેનરમાંથી દારૂ સગેવગે કરી દીધો છે અને માનીતા બુટલેગરનો દારૂનો જથ્થો ઝડપાતા પોલીસકર્મીએ મદદ કરી હોવાની વાત સામે આવી છે, કન્ટેનરમાંથી ખાનગી ગાડીમાં દારૂનો જથ્થો લઇ જવાયો છે. 

સોમનાથમાં  દેશભરમાંથી આવનાર કલાકારો પોતાની નૃત્ય આરાધના પ્રસ્તુત કરી રહ્યા છે

દેશના પ્રધાનમંત્રી અને શ્રી સોમનાથ ટ્રસ્ટના અધ્યક્ષ  નરેન્દ્રભાઈ મોદીના સતત માર્ગદર્શનમાં સોમનાથમાં પ્રતિવર્ષ કરોડો યાત્રીઓને ઉત્તમ રેલ, બસ નેટવર્ક, ન્યૂનતમ દરે ઉત્તમ આવાસ, અને નિશુલ્ક ભોજન પ્રસાદ સાથે આદરપૂર્ણ દર્શન અને પ્રેમપૂર્ણ આતિથ્યનો વિશ્વસ્તરીય અનુભવ મળી રહ્યો છે. વિશેષ રૂપે શ્રાવણ ૨૦૨૫માં જ્યારે લાખો ભક્તો સોમનાથમાં દર્શન, જપ, તપ અને પાઠ કરી મહાદેવને પ્રસન્ન કરવા ભક્તિ કરી રહ્યા છે ત્યારે આ સ્થળે દેશભરમાંથી આવનાર કલાકારો પોતાની નૃત્ય આરાધના પ્રસ્તુત કરી રહ્યા છે. આ સુભગ સમન્વયથી સોમનાથમાં સાંસ્કૃતિક અને કલાત્મક ચેતનાની પુનઃસ્થાપના થઈ રહી છે.

વિદ્યાર્થીઓ સહિત અંદાજે ૬૫૦થી વધુ સંસ્કૃત પ્રેમીઓ સહભાગી થયા હતા

જ્યારે સપ્તાહના છેલ્લા દિવસે એટલે કે તા. ૧૨ ઓગસ્ટના રોજ રાજ્યપાલ આચાર્ય દેવવ્રતની અધ્યક્ષતામાં સમાપન કાર્યક્રમ યોજાશે તેમ,જણાવી મંત્રીએ સૌને સંસ્કૃત સપ્તાહની શુભેચ્છાઓ પાઠવીને આ સપ્તાહમાં સહભાગી થવા આહ્વાન કર્યું હતું. આ પ્રસંગે ગાંધીનગર ઉત્તરના ધારાસભ્ય  રિટાબેન પટેલ, જિલ્લા કલેકટર  મેહુલ દવે, જિલ્લા વિકાસ અધિકારી બી.જે પટેલ તેમજ ગાંધીનગર જિલ્લા શિક્ષણાધિકારી શ્રી ભગવાનભાઈ પ્રજાપતિ વિશેષ ઉપસ્થિતિ રહી આ યાત્રામાં સહભાગી થયા હતા. 'જયતુ સંસ્કૃતમ્ જયતુ ભારતમ્'ના સૂત્રોચ્ચાર તેમજ સંસ્કૃત ભાષાને પ્રોત્સાહિત કરતા પ્લે કાર્ડ સાથે રામદેવપીર મંદિરથી પેથાપુર ચોકડી સુધી યોજાયેલી ''સંસ્કૃત ગૌરવ યાત્રા'માં જિલ્લા વહીવટીતંત્ર- રાજ્ય સંસ્કૃત બોર્ડના ઉચ્ચ અધિકારીઓ, સમર્પણ આર્ટસ અને કોમર્સ કોલેજના ડૉ. મહેન્દ્રસિંહ વાઘેલા, પ્રિન્સિપાલ ડૉ. આશિષ દવે, માધ્યમિક શાળા, સંસ્કૃત વિદ્યાપીઠના વિદ્યાર્થીઓ સહિત અંદાજે ૬૫૦થી વધુ સંસ્કૃત પ્રેમીઓ સહભાગી થયા હતા.

શાસ્ત્રો પૂજન વગેરે દિવસોની ઉજવણી સ્વરૂપે વિવિધ કાર્યક્રમ કરવામાં આવશે

સંસ્કૃત ભાષાનું આપણે સૌને ગૌરવ હોવું જોઈએ તેમ જણાવી શિક્ષણ મંત્રી ડૉ. ડિંડોરે કહ્યું કે, દર વર્ષે ‘રક્ષાબંધન’ના દિવસે ગુજરાત સહિત ભારતભરમાં સંસ્કૃત દિવસ ઉજવવામાં આવે ત્યારે મુખ્યમંત્રી ભૂપેન્દ્રભાઈ પટેલના નેતૃત્વમાં ગુજરાત રાજ્ય સંસ્કૃત બોર્ડ દ્વારા આજથી રાજ્યભરના તમામ જિલ્લોમાં સંસ્કૃત સપ્તાહ ઉજવવાનો પ્રારંભ કરવામાં આવ્યો છે. સંસ્કૃત ભાષાના વધુ પ્રચાર-પ્રસાર માટે 'જયતુ સંસ્કૃતમ્ જયતુ ભારતમ્'ના મંત્ર સાથે આ સપ્તાહ દરમિયાન સંસ્કૃત ગૌરવ યાત્રા, સંભાષણ દિવસ, સંસ્કૃત સાહિત્ય દિવસ, સામવેદ, ઋગ્વેદ, યજુર્વેદ અને અથર્વવેદ સહિત વેદોનું પૂજન, ઋષિ પૂજન, શાસ્ત્રો પૂજન વગેરે દિવસોની ઉજવણી સ્વરૂપે વિવિધ કાર્યક્રમ કરવામાં આવશે.

ગાંધીનગરના પેથાપુર ખાતે આજે ભવ્ય ‘વેદયાત્રા-સંસ્કૃત ગૌરવ યાત્રા’ને પૂજાવિધિ કરાઈ 

ગુજરાત રાજ્ય સંસ્કૃત બોર્ડ, જિલ્લા શિક્ષણાધિકારીની કચેરી તેમજ સમર્પણ આર્ટસ અને કોમર્સ કોલેજ ગાંધીનગરના સંયુક્ત ઉપક્રમે આયોજિત આ  રાજ્યકક્ષાના 'સંસ્કૃત સપ્તાહ મહોત્સવ' અંતર્ગત ગાંધીનગરના પેથાપુર ખાતે આજે ભવ્ય ‘વેદયાત્રા-સંસ્કૃત ગૌરવ યાત્રા’ને પૂજાવિધિ તેમજ મંત્રોચ્ચાર સાથે શિક્ષણ મંત્રી ડૉ. કુબેર ડિંડોર તેમજ ગાંધીનગર મહાનગરપાલિકાના મેયર મીરાબેન પટેલ દ્વારા પ્રસ્થાન કરાવવામાં આવ્યું હતું. 

રાજ્યભરના તમામ જિલ્લાઓમાં આજથી થી 12 ઓગસ્ટ સુધી ‘સંસ્કૃત સપ્તાહ’ની ઉજવણી કરાશે 

ભારતના મહાન વેદો તેમજ તમામ ભાષાઓની જનની એવી ‘સંસ્કૃત’ ભાષાને આજની યુવા પેઢી જાણે-સમજે અને જીવનમાં ઉતારે તેવા હેતુથી રાજ્યભરમાં આજથી તા. ૦૬ થી ૧૨ ઓગસ્ટ સુધી રાજ્ય સરકાર દ્વારા ‘સંસ્કૃત સપ્તાહ’ની ઉજવણીનો પ્રારંભ કરવામાં આવ્યો છે. કેન્દ્ર સરકાર દ્વારા અમલી નવી શિક્ષણ નીતિ ૨૦૨૦ મુજબ ભારતીય સંસ્કૃતિ અને પરંપરાનું જ્ઞાન વિદ્યાર્થીઓમાં આવે તે માટે અભ્યાસક્રમમાં પણ સંસ્કૃત ભાષાને વિશેષ પ્રાધાન્ય આપ્યું છે તેમ,આજે પેથાપુર ગાંધીનગર ખાતે શિક્ષણ મંત્રી ડૉ. કુબેર ડિંડોરે જણાવ્યું હતું. 

ખેડૂતોએ આઇ-ખેડૂત પોર્ટલ પર અરજી કરવાની રહે છે

આ ઉપરાંત APEDA માન્ય તમામ સંસ્થા પાસેથી જે ખેડૂતો દ્વારા સેન્દ્રીય ખેતી સંબંધીત સર્ટિફિકેટ મેળવવામાં આવ્યા હોય, તેવા ખેડૂતોને “સેન્દ્રીય ખેતીને પ્રોત્સાહન આપવાની યોજના” હેઠળ વાર્ષિક ધોરણે પ્રોત્સાહન રૂપે પ્રતિ હેક્ટર રૂ. ૫,૦૦૦ વધુમાં વધુ બે હેક્ટરની મર્યાદામાં ઇનપુટ સહાય સીધી તેમના બેંક ખાતામાં જમા કરવામાં આવે છે. જે માટે APEDA માન્ય સંસ્થાઓ પાસેથી સેન્દ્રીય ખેતી સંબંધિત સર્ટિફિકેટ મેળવ્યું હોય તેવા તમામ ખેડૂતોએ આઇ-ખેડૂત પોર્ટલ પર અરજી કરવાની રહે છે.

સેન્દ્રીય ખેતીમાં સર્ટિફિકેશનની કામગીરી કરાવતા ખેડૂતોને ગુજરાત સરકાર તરફથી મળશે ખર્ચના 75 ટકા સુધીની સહાય

ગુજરાતની ધરતીને રસાયણમુક્ત બનાવવા માટે રાજ્ય સરકાર દ્વારા પ્રાકૃતિક ખેતી ઉપરાંત સેન્દ્રીય ખેતીને પણ પ્રોત્સાહન આપવા અનેકવિધ પગલાઓ હાથ ધરવામાં આવી રહ્યા છે. ગુજરાતમાં “સેન્દ્રીય ખેતીને પ્રોત્સાહન આપવાની યોજના” હેઠળ APEDA દ્વારા માન્ય કરાયેલી સંસ્થાઓ મારફતે સર્ટિફિકેશન કરાવવાની પ્રક્રિયામાં ખેડૂત મિત્રોને રજીસ્ટ્રેશન માટે થતા ખર્ચમાં રાજ્ય સરકાર દ્વારા સહાય આપવામાં આવે છે.

આજે ગાંધીનગરમાં CMની અધ્યક્ષતામાં કેબિનેટ બેઠક યોજાઈ હતી 

આજે ગાંધીનગરમાં CMની અધ્યક્ષતામાં કેબિનેટ બેઠક યોજાઈ હતી જેમાં ખાતરની તંગી અને ઉદભવેલા પ્રશ્ન પર સમીક્ષા કરાઈ છે, વીજળીની માગ અને સિંચાઈને લઈ પણ ચર્ચા કરાઈ છે, સ્વતંત્ર પર્વના રાજ્ય કક્ષાના કાર્યક્રમ પર પણ ચર્ચા કરાઈ હતી.

9 ઓગસ્ટે આદિવાસી દિવસની ઉજવણી કરાશે

ગુજરાતમાં 9 ઓગસ્ટે આદિવાસી દિવસની ઉજવણી કરાશે, રાજ્ય કક્ષાનો કાર્યક્રમ સુરતના માંડવીમાં યોજાશે અને આદિજાતિ રાજ્યમંત્રી કુંવરજી હળપતિએ આ નિવેદન આપ્યું છે, 27 વિધાનસભામાં પણ ઉજવણી કરાશે અને તમામ મંત્રીઓને જવાબદારી આપવામાં આવી છે. 

રાજયના ખેડૂતો માટે મોટા સમાચાર, વરસાદની ઘટવાળા જિલ્લાઓમાં 8ના બદલે 10 કલાક ખેતી માટે વીજળી મળશે 

ગુજરાત રાજયના ખેડૂતો માટે મોટા સમાચાર સામે આવ્યા છે જેમાં રાજયમાં વરસાદી ઘટ વાળા જિલ્લામાં ખેડૂતોને ખેતી માટે 8 કલાકની બદલે 10 કલાક વીજળી આપવાની વાત છે. જે જિલ્લાઓમાં વરસાદની ઘટ છે ત્યાં 10 કલાક વીજળી અપાશે, કેબિનેટ બેઠકમાં મુખ્યમંત્રી ભુપેન્દ્ર પટેલે આ સૂચના આપી છે. ઘટવાળા જિલ્લાઓમાં નર્મદાનું પાણી આપવા પણ સૂચના અપાઈ છે.

રાજ્ય સરકાર દ્વારા કાર્યાન્વિત વિવિધ માછીમાર લાભકારી યોજનાઓ અંગે માહિતી આપી હતી

રાજ્ય સરકાર દ્વારા માછીમારોને આપવામાં આવતી પ્રતિ માસ ૧૫૦ લીટર કેરોસીન અને પેટ્રોલની સહાયને વધારવા માટે પણ માછીમાર આગેવાનો દ્વારા આ બેઠકમાં રજૂઆત કરવામાં આવી હતી. માછીમારોના સૂચનને આવકારતા મંત્રીએ જણાવ્યું હતું કે, આગામી સમયમાં રાજ્યની તમામ OBM બોટને રાજ્ય સરકાર દ્વારા પ્રતિ માસ ૪૫૦ લીટર કેરોસીન અને પેટ્રોલની સહાય આપવામાં આવશે. આ અંગે રાજ્ય સરકાર દ્વારા વિચારણા કરીને ટૂંક સમયમાં આ મહત્વપૂર્ણ નિર્ણય લેવામાં આવશે. આમ, મત્સ્યોદ્યોગ મંત્રીએ માછીમાર આગેવાનો દ્વારા કરવામાં આવેલી મોટાભાગની રજૂઆતોને હકારાત્મક વાચા આપી હતી. આ બેઠકમાં ઉપસ્થિત મહાનુભાવો ઉપરાંત મત્સ્યોદ્યોગ વિભાગના ઉચ્ચ અધિકારીશ્રીઓ દ્વારા સૌ માછીમાર આગેવાનોને ભારત સરકાર અને રાજ્ય સરકાર દ્વારા કાર્યાન્વિત વિવિધ માછીમાર લાભકારી યોજનાઓ અંગે માહિતી આપી હતી.

માછીમારી કરવાથી માછલીની બ્રીડીંગમાં મુશ્કેલીઓ ઉભી થઇ શકે છે

આ ઉપરાંત માછીમાર આગેવાનો દ્વારા OBM બોટને બંધ સિઝન દરમિયાન પણ માછીમારી કરવાની મંજૂરી આપવા બાબતે મંત્રીને રજૂઆત કરવામાં આવી હતી. જે સંદર્ભે મંત્રી રાઘવજી પટેલે સ્પષ્ટપણે જણાવ્યું હતું કે, માછલીની બ્રીડીંગ સિઝન દરમિયાન જ રાજ્ય સરકાર દ્વારા પરિપત્ર જાહેર કરીને માછીમારી બંધ કરવાનો આદેશ આપવામાં આવે છે. બંધ સિઝનમાં માછીમારી કરવાથી માછલીની બ્રીડીંગમાં મુશ્કેલીઓ ઉભી થઇ શકે છે અને રાજ્યનું મત્સ્ય ઉત્પાદન પણ ઘટી શકે છે. એટલા માટે જ, મંત્રીશ્રીએ રાજ્યના તમામ માછીમારોને રાજ્ય સરકારના બંધ સિઝનના પરિપત્રનું પાલન કરવા અનુરોધ કર્યો હતો. 

OBM બોટમાં ડીઝલની સહાય આપવા માટે એક વિશેષ સોફ્ટવેર તૈયાર

રાજ્ય સરકાર દ્વારા OBM બોટમાં ડીઝલની સહાય આપવા માટે એક વિશેષ સોફ્ટવેર તૈયાર કરીને સોફ્ટવેર મારફત માછીમારોને ડીઝલ સહાય આપવામાં આવે છે. તેવી જ રીતે કેરોસીન અને પેટ્રોલ માટે પણ એક વિશેષ સોફ્ટવેર તૈયાર કરીને સોફ્ટવેર મારફત જ કેરોસીન અને પેટ્રોલની સહાય આપવા માછીમાર આગેવાનો દ્વારા આ બેઠકમાં રજૂઆત કરવામાં આવી હતી. માછીમારોની આ રજૂઆતને હકારાત્મક વાચા આપતા મંત્રીશ્રીએ જણાવ્યું હતું કે, ચાલુ વર્ષે ડીઝલ સહાયની જેમ જ કેરોસીન અને પેટ્રોલની સહાય માટે પણ રાજ્ય સરકાર દ્વારા અલાયદો ઓનલાઈન સોફ્ટવેર વિકસાવવામાં આવશે. આ સંદર્ભે જરૂરી કાર્યવાહી કરવા મંત્રીએ સંબંધિત અધિકારીઓને આદેશ કર્યો હતો. 

ગુજરાતના માછીમારોને OBM બોટ માટે  આગામી સમયમાં પ્રતિ માસ ૪૫૦450 લીટર કેરોસીન-પેટ્રોલની સહાય અપાશે

મત્સ્યોદ્યોગ મંત્રી  રાઘવજી પટેલે ગાંધીનગર ખાતે ગીર-સોમનાથ જિલ્લાના વિવિધ માછીમારી કેન્દ્રો બાબતેના પ્રશ્નો અંગે માછીમાર આગેવાનો સાથે સમીક્ષા બેઠક યોજી હતી. જેમાં તાલાલાના ધારાસભ્ય ભગાભાઈ બારડ, મત્સ્યોદ્યોગ કમિશનર  સંદીપકુમાર અને  કિશોરભાઈ કુહાડા સહિતના માછીમાર આગેવાનો ઉપસ્થિત રહ્યા હતા. રાજ્યના માછીમારોને સ્પર્શતા વિવિધ પ્રશ્નોના ઉકેલ આવે તેવા શુભ આશય સાથે મંત્રી  રાઘવજી પટેલે આ બેઠકમાં માછીમારોની વિવિધ રજૂઆતો ધ્યાનપૂર્વક સંભાળીને સઘન ચર્ચા કરી હતી. 

મચ્છરદાનીનો ઉપયોગ કરવાની સલાહ આપવામાં આવી

આ ઉપરાંત રાત્રે સુવામાં મચ્છરદાનીનો ઉપયોગ કરવાની સલાહ આપવામાં આવી છે. દિવસે બહાર નીકળો ત્યારે સંપૂર્ણ શરીર ઢંકાય તેવાં કપડાં અને બૂટ મોજા પહેરવાથી મચ્છરના ડંખથી બચી શકાય છે. વધુમાં નકામો કચરો, ભંગાર, પ્લાસ્ટિક અને પક્ષિકુંજનો વરસાદ પહેલાં યોગ્ય નિકાલ કરો જેથી પાણી ભરાશે નહિ અને મચ્છર થશે નહિ, તેમ મુખ્ય જિલ્લા આરોગ્ય અધિકારી, જિલ્લા પંચાયત, બોટાદ દ્વારા જણાવવામાં આવ્યું છે.

 ઘર વપરાશના પાણી ભરેલ પાત્રોને અઠવાડિયામાં એક વાર ખાલી કરવું

આ ઉપરાંત મચ્છરજન્ય બીમારી જેવી કે ડેન્ગ્યુ, મેલેરિયા અને ચિકનગુનિયાથી બચવાના ઉપાય વિશે પણ આરોગ્ય વિભાગ દ્વારા માર્ગદર્શન આપવામાં આવ્યું છે. જે અંતર્ગત તળાવ, નદી નાળાં, હવાડા, કેનાલમાં પાણી ભરાયેલ હોય તો તેમાં ગપ્પી માછલી નાખવી જેથી કરીને તેનાં થકી મચ્છરના પોરાનો નાશ કરી શકાશે. અઠવાડિયામાં એક વાર ઘરની આસપાસ, ઘરની અંદર અને ધાબામાં ભરાયેલા પાણીને ખાલી કરવાનું અને ઘર વપરાશના પાણી ભરેલ પાત્રોને અઠવાડિયામાં એક વાર ખાલી કરી, સુકવી ફરી ભરવા માટે જણાવવામાં આવી રહ્યું છે.

રોગચાળાને લઈ 83 બાળકો સોલા સિવિલમાં દાખલ છે 

તાવ, ઉધરસ, શરદી, ઇન્ફેક્શનના કેસમાં વધારો થયો છે, શહેરમાં ઋતુગત રોગચાળાએ મુશ્કેલી વધારી છે, ડેન્ગ્યુના 366 દર્દીના સેમ્પલ લેવામાં આવ્યા જેમાંથી  69 દર્દીઓના રિપોર્ટ પોઝિટિવ આવ્યા છે, મલેરિયા 380 દર્દીઓના સેમ્પલમાંથી 28 દર્દીઓના રિપોર્ટ પોઝિટિવ આવ્યા છે, જ્યારે  83 બાળકો સોલા સિવિલમાં દાખલ કરવામાં આવ્યા છે. 

અમદાવાદમાં રોગચાળો વકર્યો, સોલા સિવિલમાં એક સપ્તાહમાં 13,865 ઓપીડી નોંધાઈ 

અમદાવાદમાં રોગચાળો વકર્યો હોવાની વાત સામે આવી છે, પાણીજન્ય અને મચ્છરજન્ય રોગાચાળમાં વધારો થયો છે, અમદાવાદની સોલા સિવિલ હોસ્પિટલમાં એક સપ્તાહમાં 13,865 ઓપીડી નોંધાઈ છે, જેમાં ડેન્ગ્યુના 69 દર્દીઓના રિપોર્ટ પોઝિટિવ આવ્યા છે અને મલેરિયાના 28 દર્દીઓના રિપોર્ટ પોઝિટિવ આવ્યા છે. 

વાંચો 12 વાગ્યા સુધીના મહત્વના સમાચાર

01 - Morbiમાં યુરિયા ખાતર કૌભાંડીઓની દાદાગીરી, કૌભાંડ અંગે પ્રશ્ન કરતાં પત્રકાર પર કર્યો જીવલેણ હુમલો 

02 - US Plane Crash: મેડિકલ ટ્રાન્સપોર્ટ વિમાન ક્રેશ, દુર્ઘટનમાં 4 લોકોના મોત 

03 - Surat News : સુરત એસઓજી પોલીસે 12 લાખનું MD ડ્રગ્સ ઝડપ્યું, આરોપીએ પોલીસથી બચવા 25 સીસીટીવી લગાવી કંટ્રોલ રૂમ બનાવ્યો 

04 - Petrol Diesel Price Today: અમદાવાદમાં પેટ્રોલની કિંમતને લઇને રાહત, જાણો ગુજરાતના મોટા શહેરોમાં શું છે ભાવ 

05 - ઘરમાં જ ઘેરાયા Trump, ભારત સાથે સંબંધ ખરાબ ન કરવાની નિક્કી હેલીએ સરકારને આપી સલાહ 

06 - RBI MPC Results: રેપો રેટમાં આ વખતે કોઇ ફેરફાર નહી, RBIની જાહેરાત 

07 - Ahmedabad News : મહાત્મા ગાંધી સાબરમતી આશ્રમ મેમોરિયલ ટ્રસ્ટ દ્વારા અંદાજે 55 એકરમાં આ રિ-ડેવલપમેન્ટ કામગીરી હાથ ધરાઈ 

08 - Banaskantha News : થરાદમાં 50 વર્ષ જૂની પાણીની ટાંકી જર્જરિત બની, શાળા નજીક હોવાથી સ્થાનિકોના જીવ તાળવે ચોંટયા 

09 - Surendranagar News : તરણેતર ખાતે 26 થી 29 ઓગસ્ટ દરમિયાન ભાતીગળ લોકમેળાનું આયોજન 

10 - Uttarkashi Cloudburst : 1750માં ભાગીરથીમાં સમાઇ ગયા હતા 3 ગામડાં, પહાડ તૂટ્યો અને 14 કિમીનો વિસ્તાર બેટમાં ફેરવાયો 

વર્ષ ૨૦૧૫-૧૬થી માટીના મૂર્તિકારો માટેની પ્રોત્સાહન યોજનાનું સફળતાપૂર્વક અમલીકરણ કરવામાં આવી રહ્યું છે

અત્રે નોંધનીય છે કે, વર્ષ ૨૦૧૪-૧૫ સુધીમાં રાજ્યમાં ગણેશોત્સવ દરમિયાન મહદઅંશે પ્લાસ્ટર ઓફ પેરિસ- POPની મૂર્તિઓનું જ સ્થાપન અને વિસર્જન કરવામાં આવતું હતું. આ POPને તેમાં રહેલા જિપ્સમ, સલ્ફર, ફોસ્ફરસ અને મેગ્નેશ્યમ જેવા તત્વોના કારણે પાણીમાં ઓગળવા માટે ખૂબ સમય લાગે છે, તેમજ નદી, તળાવ અને દરિયાના પાણીને ઝેરી બનાવે છે. આ ઉપરાંત મૂર્તિના સુશોભન માટે ઉપયોગમાં લેવાતા રાસાયણિક રંગોમાં મરક્યુરી, લીડ, કેડમિયમ અને કાર્બનની ઉપસ્થિતિના કારણે પણ પાણીના કુદરતી સ્ત્રોતને ખૂબ નુકશાન પહોંચે છે. જે અન્વયે રાજ્ય સરકાર દ્વારા આ બાબતને ગંભીરતાથી લઈને વર્ષ ૨૦૧૫-૧૬થી માટીના મૂર્તિકારો માટેની પ્રોત્સાહન યોજનાનું સફળતાપૂર્વક અમલીકરણ કરવામાં આવી રહ્યું છે.

સ્ટોલ મેળવવા માટેની વિગત:

કારીગરો માટે માટી અને વેચાણના સ્ટોલ મેળવવા સંસ્થા દ્વારા બહોળી પ્રસિદ્ધિ ધરાવતા વર્તમાનપત્રોમાં જાહેરાત આપવામાં આવે છે. આ જાહેરાતમાં દર્શાવેલા નિયત સમયગાળા દરમિયાન લાભાર્થીઓએ ઈ-કુટીર પોર્ટલ https://e-kutir.gujarat.gov.in/ પર અરજી કરી નોંધણી કરવાની રહે છે. વધુ વિગતો માટે કચેરીના ટેલિફોન નં. ૦૭૯-૨૩૨૫૧૬૮૧-૫૭ પર સંપર્ક કરવા ગુજરાત માટીકામ કલાકારી અને રૂરલ ટેકનોલોજી સંસ્થાનની યાદીમાં જણાવાયું છે.

રાજ્યમાં માટીની મૂર્તિના ઉપયોગ અંગેની જાગૃતિમાં સતત વધારો થયો છે

નાગરિકોમાં માટીની મૂર્તિના ઉપયોગ અંગેની  જનજાગૃતિ માટે આ સંસ્થા દ્વારા વિવિધ અભિયાન પણ હાથ ધરવામાં આવે છે. જે અંતર્ગત હોર્ડિંગ્સ, ટીવી ક્વિકી, રેડિયો ઝિંગલ્સ અને ડિજિટલ મીડિયાના માધ્યમ દ્વારા ઇકો-ફ્રેન્ડલી માટીની મૂર્તિઓના ઉપયોગનો સંદેશ દૂર દૂર સુધી પહોંચાડવામાં આવે છે. આ ઉપરાંત શાળાઓમાં જીવંત નિદર્શન દ્વારા પરંપરાગત કારીગરી અને પર્યાવરણીય જવાબદારી પ્રત્યેની સમજને પ્રોત્સાહન મળે તે માટે યુવા પેઢીને પણ જોડવામાં આવી રહી છે. જેના પરિણામે રાજ્યમાં માટીની મૂર્તિના ઉપયોગ અંગેની જાગૃતિમાં સતત વધારો થયો છે. 

૫૦ ટકા સહાયથી ‘રેડી ટુ યુઝ’ માટી આપવામાં આવે છે

રાજ્ય સરકારની ગુજરાત માટીકામ કલાકારી અને રૂરલ ટેકનોલોજી સંસ્થાન દ્વારા માટીના મૂર્તિકારોની પ્રોત્સાહન યોજના અન્વયે સંસ્થામાં નોંઘણી થયેલા કારીગરોને મૂર્તિના ઉત્પાદન માટે ૫૦ ટકા સહાયથી ‘રેડી ટુ યુઝ’ માટી આપવામાં આવે છે. આ ઉપરાંત રાજ્ય સરકાર દ્વારા ‘માટી મૂર્તિ મેળા’માં પ્રોત્સાહનરૂપે વિનામૂલ્યે વેચાણ માટે સ્ટોલ તથા કારીગરોને પ્રતિ દિન રૂ. ૧,૦૦૦ લેખે મેળા સહાય પણ ચૂકવવામાં આવે છે.

અત્યાર સુધીમાં રાજ્યના કુલ ૩૯૦ કારીગરોને અંદાજે ૨૩૧ ટન ‘રેડી ટુ યુઝ’ માટીનું વિતરણ કરવામાં આવ્યું છે

કુટીર, ખાદી અને ગ્રામોદ્યોગ મંત્રી બલવંતસિંહ રાજપૂતના માર્ગદર્શનમાં રાજ્યના હરિયાળા ભવિષ્ય માટે ચાલુ વર્ષે ગુજરાત માટીકામ કલાકારી અને રૂરલ ટેકનોલોજી સંસ્થાન દ્વારા તા.૨૧ થી ૨૭ ઓગસ્ટ, ૨૦૨૫ દરમિયાન અમદાવાદ, વડોદરા અને સુરત શહેરમાં વિવિધ પાંચ સ્થળોએ વેચાણ માટે ‘માટી મૂર્તિ મેળા’નું આયોજન કરવામાં આવ્યું છે, જેમાં સંસ્થામાં નોંધાયેલા માટી મૂર્તિકારોને વિનામૂલ્યે સ્ટોલ ફાળવણી તેમજ મેળા સહાય આપવામાં આવશે. જે અંતર્ગત ચાલુ વર્ષે અત્યાર સુધીમાં રાજ્યના કુલ ૩૯૦ કારીગરોને અંદાજે ૨૩૧ ટન ‘રેડી ટુ યુઝ’ માટીનું વિતરણ કરવામાં આવ્યું છે.  

21 થી 27 ઓગસ્ટ દરમિયાન અમદાવાદ, વડોદરા અને સુરત શહેરમાં 5 સ્થળોએ વેચાણ માટે ‘માટી મૂર્તિ મેળા’નું આયોજન

પર્યાવરણ સંરક્ષણની સાથે પ્લાસ્ટર ઓફ પેરિસ-POPની મૂર્તિઓથી પર્યાવરણને થતું નુકશાન અટકાવવા તેમજ ઇકો ફ્રેન્ડલી માટીની મૂર્તિઓના કારીગરોને પ્રોત્સાહન મળે તે માટે મુખ્યમંત્રી  ભૂપેન્દ્ર પટેલના નેતૃત્વમાં દર વર્ષે ‘માટી મૂર્તિ મેળા’નું સફળ આયોજન કરવામાં આવે છે. જે અંતર્ગત છેલ્લા પાંચ વર્ષમાં ગણેશોત્સવ દરમિયાન ૨૦ જેટલા મેળાઓમાં કુલ ૧,૭૦૨ કારીગરો દ્વારા રૂ. ૧૫.૫૧ કરોડની માટીની મૂર્તિઓનું વેચાણ કરવામાં આવ્યું છે. આ મેળાઓના સફળ આયોજન માટે રાજ્ય સરકાર દ્વારા કુલ રૂ. ૧.૫૧ કરોડથી વધુની સહાય પણ ચૂકવવામાં આવી છે.  

અમદાવાદમાં રોગચાળામાં સતત વધારો

પાણીજન્ય,મચ્છરજન્ય રોગચાળાના કેસમાં વધારો, સોલા સિવિલમાં એક સપ્તાહમાં 13,865 ઓપીડી, ડેન્ગ્યુના 69 દર્દીઓના રિપોર્ટ પોઝિટિવ આવ્યા, મલેરિયાના 28 દર્દીઓના રિપોર્ટ પોઝિટિવ આવ્યા, 83 બાળકો સોલા સિવિલમાં દાખલ, તાવ, ઉધરસ, શરદી, ઇન્ફેક્શનના કેસમાં વધારો. 

આરોપી પાસેથી MD ડ્રગ્સ, બે લોડેડ પિસ્તોલ મળી

આરોપી વિરુદ્ધ મારામારી, જુગાર, લૂંટ, હત્યાના ગુના નોંધાયા છે, તથા ઉમરામાં લૂંટ અને લિંબાયતના ગુનામાં તે નાસતો-ફરતો હતો. આરોપીએ ઝૂંપડપટ્ટીના વિસ્તારમાં આલીશાન ઘર બનાવી દીધુ હતુ અને તેમાં તે રહેતો હતો, ડ્રગ્સ લેવા આવનાર માટે સ્પેશિયલ કોર્ડ રાખ્યો હતો, તો પોલીસથી બચવા અથવા કોઈ શંકાસ્પદ લોકો આવે તો તેના સાગરિતો સાથે વોકીટોકીથી સંપર્ક કરવામાં આવતો હતો, પોલીસને આ મહેનત રંગ લાવી અને ડ્રગ્સ માફિયો શંકજામાં આવી ગયો છે.

સુરત પોલીસે 120 ગ્રામ MD ડ્રગ્સ સાથે એકને ઝડપ્યો

સુરતમાં એસઓજી પોલીસને મોટી સફળતા મળી છે જેમાં આરોપી શિવરાજ ઝાલાના ઘરમાંથી 16 લાખની રોકડ પણ મળી આવી છે, આરોપીએ પોતાના ઘરમાં સીસીટીવી કંટ્રોલ રૂમ ઉભો કર્યો હતો અને આસપાસના લોકોની અને પોલીસની નજર આ સીસીટીવીથી રાખતો હોવાની વાત સામે આવી છે, સુરતના પંચશીલનગરમાંથી આ આરોપી ઝડપાયો છે, આરોપી સાગરીતો સાથે વોકીટોકીથી સંપર્ક રાખતો હતો અને ઘરની આસપાસ કુલ મળીને 25 સીસીટીવી આરોપીએ લગાવ્યા છે. 

સુરત એસઓજી પોલીસે 12 લાખનું MD ડ્રગ્સ ઝડપ્યું, આરોપીએ પોલીસથી બચવા 25 સીસીટીવી લગાવી કંટ્રોલ રૂમ બનાવ્યો

સુરત એસઓજી પોલીસને મોટી સફળતા મળી છે, જેમાં સુરત એસઓજી પોલીસે સૌથી મોટો ડ્રગ્સ પેડલર ઝડપ્યો છે, પોલીસે 120 ગ્રામ એમડી ડ્રગ્સ સાથે એકને ઝડપી પાડયો છે, પોલીસને તપાસ દરમિયાન ઘરમાંથી બે લોડેડ પિસ્તોલ પણ મળી આવી છે જે પિસ્તોલ ગેરકાયદેસર હોવાની વાત સામે આી છે. આરોપી સુરતમાં અલગ-અલગ વિસ્તારમાં ડ્રગ્સ પહોંચાડતો હતો.

જામનગર શહેરમાં રોડના કામમાં ભ્રષ્ટાચારના આક્ષેપ 

ધ્રોલમાં રોડના કામમાં ભ્રષ્ટાચારના આક્ષેપ, પડધરી નાકા પાસે બનાવેલા રોડમાં ભ્રષ્ટાચાર, નબળી ગુણવત્તાની સામગ્રી વપરાતી હોવાનો આક્ષેપ, અરજદાર રાજેશ પરમારે નગર પાલિકામાં કરી રજૂઆત, ટેન્ડરના નિયમ નેવે મૂકી RCC રોડ બનાવ્યાનો આક્ષેપ, અગાઉ રજૂઆત છતા ધ્યાને ન લેવાયુ હોવાનો આક્ષેપ. 

નડિયાદ મનપાની ટીમ પર હુમલામાં ફરિયાદ

પોલીસે 3 લારીધારકો સામે ફરિયાદ નોંધી, ડિસ્ટ્રિક્ટ ફાયર ચીફ ઓફિસરે આપી પ્રતિક્રિયા, ‘લારીઓવાળાઓએ દબાણ ટીમ પર હુમલો કર્યો’, ‘દબાણો ચાર્જ ફાયર વિભાગના રાકેશ શર્મા પાસે. 

સ્વાતંત્ર્ય સંગ્રામને દર્શાવતા ઇન્ટરેક્ટિવ પ્રદર્શનો પણ મુલાકાતીઓ નિહાળી શકશે

આશ્રમની મુલાકાતે આવનારા પ્રવાસીઓ માટે નિર્માણ થનારી પાર્કિંગ સુવિધા, પ્રવેશદ્વાર, ફૂડ કોર્ટ, આશ્રમના પુનઃનિર્માણ પામી રહેલા વિવિધ વિભાગો અને ઐતિહાસિક મહત્વ ધરાવતા સ્થળો પર ચાલતી કામગીરી વગેરેની સમીક્ષા કરીને જરૂરી માર્ગદર્શન આપ્યું હતું. ઉલ્લેખનીય છે કે, આ સ્મારક ભાવિ પેઢીઓ માટે પ્રેરણારૂપ બનશે અને ગાંધીજીના વિચારોની અસરકારકતા વધારશે. અહીં ગાંધીજીના દિવ્ય જીવન અને આશ્રમના ભવ્ય વારસાને દર્શાવતા માહિતીપ્રદ પ્રદર્શનોની સાથે જ પૂજ્ય બાપુ દ્વારા સાબરમતી આશ્રમથી શરૂ કરવામાં આવેલા સત્યાગ્રહ અને સ્વાતંત્ર્ય સંગ્રામને દર્શાવતા ઇન્ટરેક્ટિવ પ્રદર્શનો પણ મુલાકાતીઓ નિહાળી શકશે. 

પીવાના પાણીની વ્યવસ્થા સહિતની કામગીરીની સમીક્ષા  મુખ્યમંત્રીએ કરી હતી

આ મુલાકાત દરમિયાન, મુખ્યમંત્રીએ જૂના મકાનોના રિસ્ટોરેશનની કામગીરીનું નિરીક્ષણ કરીને પૂર્ણ થયેલા કામો અને પ્રગતિ હેઠળના કામોની સમીક્ષા કરી હતી. તેમણે સોમનાથ છાત્રાલય, દસ ઓરડી, વણિક પરિવારની ચાલી અને આશ્રમશાળા જેવા મકાનોની કામગીરી નિહાળી હતી. પ્રોજેક્ટમાં ચાલતા ઇન્ફ્રાસ્ટ્રક્ચર કામો, મુલાકાતીઓ માટેના આંતરિક રસ્તા, ડ્રેનેજ, પીવાના પાણીની વ્યવસ્થા સહિતની કામગીરીની સમીક્ષા  મુખ્યમંત્રીએ કરી હતી. 

અધિકારીએ ગાંધી સાબરમતી આશ્રમ પુનઃનિર્માણ પ્રોજેક્ટ' અંતર્ગત ચાલી રહેલી કામગીરીની વિગતો પૂરી પાડી

મુખ્યમંત્રી આ કામગીરી પ્રગતિની વિગતો મેળવવા માટે મુખ્ય સચિવ પંકજ જોષી સાથે આશ્રમની મુલાકાતે ગયા હતા. મહાત્મા ગાંધી સાબરમતી આશ્રમ મેમોરિયલ ટ્રસ્ટના એક્ઝિક્યુટિવ કાઉન્સિલ ચેરમેન આઈ. પી. ગૌતમ અને ખાસ ફરજ પરના અધિકારી આઈ.કે. પટેલે મુલાકાત દરમિયાન 'મહાત્મા ગાંધી સાબરમતી આશ્રમ પુનઃનિર્માણ પ્રોજેક્ટ' અંતર્ગત ચાલી રહેલી કામગીરીની વિગતો પૂરી પાડી હતી. 

મહાત્મા ગાંધી સાબરમતી આશ્રમ મેમોરિયલ ટ્રસ્ટ દ્વારા અંદાજે 55 એકરમાં આ રિ-ડેવલપમેન્ટ કામગીરી હાથ ધરાઈ   

મુખ્યમંત્રી ભૂપેન્દ્ર પટેલે વડાપ્રધાન નરેન્દ્ર મોદીની પ્રેરણા અને માર્ગદર્શનથી હાથ ધરાઈ રહેલા 'મહાત્મા ગાંધી સાબરમતી આશ્રમ પુનઃનિર્માણ પ્રોજેક્ટ'ની કામગીરીની સમીક્ષા કરી હતી અને સ્થળ નિરીક્ષણ કર્યું હતું. વડાપ્રધાને 2024માં 12 માર્ચ દાંડીકૂચ સ્મૃતિ દિવસે આ રિ-ડેવલપમેન્ટ પ્રોજેક્ટનો કાર્યારંભ ભૂમિવંદનાથી કરાવ્યો હતો. મહાત્મા ગાંધી સાબરમતી આશ્રમ મેમોરિયલ ટ્રસ્ટ દ્વારા અંદાજે 55 એકરમાં આ રિ-ડેવલપમેન્ટ કામગીરી હાથ ધરાઈ રહી છે. 

કેદારનાથ યાત્રા સ્થગિત કરવામાં આવી 

ઉત્તરાખંડમાં ભારે વરસાદને લઇ નિર્ણય, બાગેશ્વર,કોટદ્વાર સહિત વિસ્તારોમાં વરસાદ, ભારે વરસાદના કારણે કેદારનાથ યાત્રા સ્થગિત.

ટાંકીને તોડી પાડવા માટે ટેન્ડરીંગ પણ કરાયું

સમગ્ર મામલે થરાદ નગરપાલિકાને પણ રજૂઆત કરવામાં આવી હતી ત્યારે આ બાબતે થરાદ નગરપાલિકા બાંધકામ વિભાગના લાલજી ભાઈએ જણાવ્યું હતું કે, જર્જરિત ટાંકી તોડી નાખવા માટે ટેન્ડર પ્રક્રિયા પૂર્ણ કરવામાં આવી છે અને વર્ક ઓર્ડર પણ આપવામાં આવ્યો છે તો બીજી તરફ જે રાજભવન બિલ્ડીંગ છે તેને પાડવા માટેની પ્રક્રિયા પણ કરવામાં આવશે અત્યારે નોટિસ આપવામાં આવી છે અને ઝડપથી આ બંને જર્જરિત બાંધકામ છે તેને દૂર કરવા માટેની પ્રક્રિયા કરાશે.

 થરાદના શહેર વચ્ચે આવેલી 50 વર્ષ જૂની ટાંકી પણ જર્જરિત હાલતમાં ઉભી છે 

તો બીજી તરફ થરાદના શહેર વચ્ચે આવેલી 50 વર્ષ જૂની ટાંકી પણ જર્જરિત હાલતમાં ઉભી છે અને આ પાણીની ટાંકી હાલતમાં હોવાથી આજુબાજુ વિસ્તારના લોકોમાં ડરનો માહોલ જોવા મળી રહ્યો છે, ટાંકીને ઝડપથી ઉતારી દેવામાં આવે તેવી લોકો માંગ કરી રહ્યા છે કેમકે, આ રહેણાંક વિસ્તાર છે અને આજુબાજુ અનેક લોકોના મકાનમાં આવેલા છે રસ્તેથી અનેક લોકો પસાર પણ થાય છે ત્યારે આ જર્જરીત ટાંકી અચાનક જો પડે તો મોટી દુર્ઘટના સર્જાઈ શકે છે.

ત્રણ માળની જૂની બિલ્ડિંગ 'રાજભવન'જર્જરીત હાલતમાં છે

થરાદ નવીન નગરપાલિકા સામે આવેલી ત્રણ માળની જૂની બિલ્ડિંગ 'રાજભવન'જર્જરીત હાલતમાં છે. બિલ્ડિંગમાંથી પ્લાસ્ટર, કાચા પથ્થરો ખસીને પડી રહ્યા છે, જર્જરીત બિલ્ડીંગ શહેરના વચ્ચે આવેલી છે જ્યાં અનેક લોકોની અવર જરૂર રહે છે અને એક નાના બાળકો ત્યાંથી સ્કૂલે માટે પસાર થતા હોય છે ત્યારે આ જર્જરીત બિલ્ડીંગ ને લઈને લોકો માં દર નો માહોલ છે.. ત્યારે જર્જરીત બિલ્ડિંગ ને લઇ નગરજનોએ તાકીદે પાલિકા દ્વારા આ બિલ્ડિંગ પાડવામાં આવે તેવી માગ કરી છે.

થરાદમાં 50 વર્ષ જૂની પાણીની ટાંકી જર્જરિત બની, શાળા નજીક હોવાથી સ્થાનિકોના જીવ તાળવે ચોંટયા

બનાસકાંઠાના થરાદ શહેરના મધ્યસ્થે નવિન નગરપાલિકા સામે મુખ્ય માર્ગ ઉપર ત્રણ માળનું જર્જરીત બિલ્ડીંગ અને બીજી બાજુ 50 વર્ષ જૂની પાણીની ઉંચી ટાંકી પણ જર્જરીત હાલતમાં છે. આ ટાંકીની આજુબાજુમાં રહેણાંક સોસાયટી તેમજ બે પ્રાથમિક શાળાઓ આવેલી છે, જેને કારણે સ્થાનિક રહીશો અને નાનાં બાળકોના જીવને જોખમ ઊભું થયું છે. અને આ જજ રીતે ટાંકાને પાડી દેવામાં આવે તેવી આ વિસ્તારના લોકો માગ કરી રહ્યા છે.

તરણેતર મેળાને લઈ અધિકારીઓએ યોજી બેઠક 

કલેકટરે પી.જી.વી.સી.એલ.નાં અધિકારીઓને સમગ્ર મેળા દરમ્‍યાન વીજપુરવઠો સાતત્‍યપૂર્ણ જળવાઈ રહે તે માટે જરૂરી સુચના આપી હતી. વધુમાં તેમણે તરણેતર ખાતે કુંડ અને તળાવ ફરતે તરવૈયા તૈનાત રાખવા જણાવ્યું હતું. મેળાઓમાં કોઈપણ જાતના અકસ્માત ન થાય તેની તકેદારી રાખવા તમામ વિભાગોને તાકીદ કરી હતી. આ બેઠકમાં જિલ્લા વિકાસ અધિકારી કે.એસ. યાજ્ઞિક, નાયબ પોલીસ મહાનિર્દેશક ડૉ.ગિરીશ પંડ્યા, નિવાસી અધિક કલેકટર આર.કે.ઓઝા, તમામ પ્રાંત અધિકારીઓ સહિત વિવિધ વિભાગના અમલીકરણ અધિકારીઓ ઉપસ્‍થિત રહ્યા હતા.

કોઈ પણ જાતની અગવડતા ન પડે અને તરણેતરનો મેળો ઉજવાશે

આ બેઠકમાં ઉપસ્‍થિત અધિકારીઓ સાથે ચર્ચા કરતા કલેકટરે જણાવ્‍યું હતુ કે, જિલ્લામાં યોજાનાર મેળાઓમાં લોકોને કોઈ પણ જાતની અગવડતા ન પડે અને તરણેતરનો મેળો સાચા અર્થમાં લોકમેળો બની રહે તે દિશામાં દરેક વિભાગનાં અધિકારીઓએ સાથે મળી કાર્ય કરવાનું છે. તરણેતરના મેળામાં રસ્‍તા, પાર્કિંગ, NDRF ટીમ, બસ, કાયદો અને વ્‍યવસ્‍થા, આરોગ્ય, તળાવ અને મેળાના મેદાનની સફાઇ, સ્વચ્છતા, સ્‍ટેજ રીનોવેશન, વિવિધ સ્‍પર્ધાઓનું આયોજન, ગ્રામીણ ઓલમ્‍પિકસ, પશુ સ્પર્ધા, સંચાર વ્‍યવસ્‍થા, સાંસ્‍કૃતિક કાર્યક્રમ, સ્‍વાગત વ્‍યવસ્‍થા વગેરે બાબતે સંબંધિત અધિકારીઓ સાથે વિગતવાર ચર્ચા કરી હતી. 

તરણેતર ખાતે 26 થી 29 ઓગસ્ટ દરમિયાન ભાતીગળ લોકમેળાનું આયોજન

સુરેન્‍દ્રનગર જિલ્‍લામાં થાનગઢ તાલુકાના તરણેતર ગામે દર વર્ષે યોજાતા વિશ્વપ્રસિધ્‍ધ ભાતીગળ મેળાનું આ વર્ષે તા. ૨૬ થી ૨૯ ઓગસ્ટ-૨૦૨૫ દરમિયાન આયોજન કરવામાં આવ્યું છે. આ મેળાના સુચારૂ આયોજન સંદર્ભે કલેકટર કચેરી, સભાખંડ ખાતે જિલ્લા કલેકટર રાજેન્દ્રકુમાર પટેલનાં અધ્‍યક્ષસ્‍થાને એક બેઠક યોજાઈ હતી. આ બેઠકમાં જિલ્લા કલેકટરે મેળા વિશે સંબંધિત અધિકારીઓ પાસેથી વિસ્તૃત જાણકારી મેળવી જરૂરી માર્ગદર્શન સૂચના આપ્યા હતા.

મફત અનાજ યોજનાના લાભાર્થીઓને ખુલાસો કરવા તાકીદ

કોરોનાકાળથી કેન્દ્ર સરકાર દ્વારા નેશનલ ફૂડ સિક્યોરીટી એક્ટ અંતર્ગત રાશનકાર્ડ ધારકોને મફતમાં ઘઉં-ચોખા સહિતનું અનાજ ગરીબ પરિવારને મફત વિતરણ કરવામાં આવે છે. આ યાદીમાં રાજકોટના 19,506 ધનાઢ્ય પરિવારો સામેલ થઈ સરકારનું મફતનું અનાજ સહિતનો લાભ મેળવતા હોવાનો ઘટસ્ફોટ થતા પૂરવઠા તંત્ર દ્વારા તમામ લાભાથીઓને નોટિસ ફટકારવામાં આવતા ખળભળાટ મચી જવા પામ્યો છે.

રાજકોટમાં ભૂખ્યા અમીરો ગરીબોનું અનાજ આરોગી ગયા, ધનાઢ્ય પરિવારો રેશનકાર્ડ હેઠળ અનાજ લેતા હોવાનો ખુલાસો

રાજકોટમા ધનાઢ્ય લાભાર્થીઓએ રેશનકાર્ડ હેઠળ અનાજ મેળવ્યું હોવાની વાત સામે આવી છે, રાજકોટ જિલ્લાના 19,506 ધનાઢ્ય પરિવારોને પુરવઠા વિભાગે નોટિસ આપી છે, ધનાઢ્ય પરિવારો રેશનકાર્ડ હેઠળ અનાજ લેતા હોવાનો ખુલાસો થયો છે, વર્ષે 6 લાખની આવકના આઇટી રિટર્નમાં પુરાવા મુકીને અનાજ લીધુ હોવાની વાત સામે આવી છે, ગોંડલ, જેતપુર, જસદણના ધનાઢ્ય લાભાર્થીઓ પુરવઠા વિભાગની રડારમાં છે.

યુવતીના પિતાએ પ્રેમ લગ્ન કરનારના પિતરાઈ ભાઈ સલીમ દિલાવર જેડા પર ફાયરિંગ કર્યું 

પ્રેમ લગ્ન કરનાર યુવક નહી પણ તેના ભાઈ પર ફાયરિંગ થયું હોવાની વાત સામે આવી છે, આરોપીએ કરેલું ફાયરિંગ મિસ ફાયર થતાં સલીમ દિલાવરનો જીવ બચ્યો છે, મિસ ફાયરની ઘટના બાદ યુવકનું બ્લડ પ્રેશર વધી જતા માળિયા બાદ મોરબી સિવિલમાં સારવાર માટે ખસેડાયો છે, ફરિયાદી સલીમ દિલાવર જેડાના પિતરાઈ ભાઈ સિકંદર જેડાએ પ્રેમ લગ્ન કર્યાં અને પ્રેમ લગ્ન કેમ કર્યા તેને લઈ યુવતીના પિતાએ ફાયરિંગ કર્યુ છે, કારમાં આવેલા યુવતીના સંબધીઓમાંથી વલી નૂર મહંમદ મોવરે કર્યું જામગરી બંધૂકથી ફાયરિંગ. 

ફરિયાદી સલીમના ભાઇએ પ્રેમલગ્ન કરતા ફાયરિંગ કર્યુ

મોરબીના માળિયામાં સલીમના ભાઈએ પ્રેમલગ્ન કરતા ફાયરિંગ થયું હોવાની વાત સામે આવી છે, કારમાં આવેલ વલી નૂર મહંમદ મોવરે ફાયરિંગ કર્યુ છે, તો માળિયા પોલીસે ગુનો નોંધી તપાસ હાથ ધરી છે, પ્રેમલગ્ન કરતા અંગત અદાવત રાખી અને તેમાં ફાયરિંગ થયુ હોવાની વાત સામે આવી છે, પોલીસે આસપાસના સીસીટીવી પણ તપાસ માટે લીધા છે અને તપાસ શરૂ કરી છે, માળિયા પોલીસ સ્ટેશનમાં આર્મ્સ એક્ટ સહિતની કલમો હેઠળ ગુનો દાખલ કરવામાં આવ્યો છે.

મોરબીના માળિયામાં પ્રેમ લગ્ન કરતા બની ફાયરિંગની ઘટના, માળિયા પોલીસે નોંધ્યો ગુનો 

મોરબીના માળિયામાં પ્રેમ લગ્ન કરતા ફાયરિંગની ઘટના બની છે, યુવતીના પિતાએ યુવકના ભાઇ પર ફાયરિંગ કર્યુ હોવાની વાત સામે આવી છે, તો ઘટનાની જાણ થતા માળિયા પોલીસે ઘટના સ્થળે જઈ તપાસનો ધમધમાટ શરૂ કર્યો છે, ફાયરિંગ મિસ થતા સલીમ દિલાવરનો આબાદ બચાવ થયો છે અને પોલીસે ફરિયાદીની ફરિયાદ નોધી છે.

ગાંધીનગરમાં CMની અધ્યક્ષતામાં કેબિનેટ બેઠક

ખાતરની તંગી અને ઉદભવેલા પ્રશ્ન પર સમિક્ષા, વિજળીની માગ,સિંચાઈના પાણી મુદ્દે થશે ચર્ચા, વિધાનસભાના ચોમાસુ સત્ર અંગે કેબિનેટમાં થશે ચર્ચા, કેબિનેટમાં ચોમાસુ સત્રની તારીખો થઈ શકે છે નક્કી, સ્વતંત્ર પર્વના રાજ્ય કક્ષાના કાર્યક્રમ પર થશે ચર્ચા. 

નિવાસી અધિક કલેકટર આર.કે.ઓઝા, તમામ પ્રાંત અધિકારીઓ ઉપસ્‍થિત રહ્યા હતા

જ્યારે ત્રીજો તબક્કો તા. ૧૩ થી ૧૫ ઓગસ્ટ દરમિયાન સ્વચ્છતા સંવાદ અને જાગૃતિ દિવસ અને સ્વતંત્રતા દિવસની તૈયારી અને ઉજવણી સાથે યોજાશે. વધુમાં તેમણે રાષ્ટ્રધ્વજનું માન જળવાય તથા પુરા સન્માન સાથે તિરંગો લહેરાવાય તે પ્રકારે સુચારૂ આયોજન કરવા સંબધિત વિભાગનાં અધિકારીશ્રીઓને સૂચિત કર્યું હતું. આ બેઠકમાં જિલ્લા વિકાસ અધિકારી  કે.એસ. યાજ્ઞિક, નાયબ પોલીસ મહાનિર્દેશક ડૉ.ગિરીશ પંડ્યા, નિવાસી અધિક કલેકટર આર.કે.ઓઝા, તમામ પ્રાંત અધિકારીઓ ઉપસ્‍થિત રહ્યા હતા.

“હર ઘર તિરંગા” અભિયાનને વધુ વેગવાન બનાવવા નાગરિકોને અપીલ

આ બેઠકમાં કલેકટર રાજેન્દ્રકુમાર પટેલે “હર ઘર તિરંગા” અભિયાનને વધુ વેગવાન બનાવવા અને તિરંગાના સન્માનમાં દરેક નાગરિક સહભાગી બને તેવું સુદ્રઢ આયોજન કરવા પર ભાર મૂક્યો હતો. અભિયાન વિશેની જાણકારી આપતા વધુમાં તેમણે જણાવ્યું હતું કે, આ વર્ષે તિરંગાનો કાર્યક્રમ ત્રણ તબક્કામાં યોજાવાનો છે. પ્રથમ તબક્કામાં તા. ૦૨ થી ૦૮ ઓગસ્ટ દરમિયાન સ્પર્ધાઓ, વોલ પેઇન્ટિંગ, લેટર ડ્રાઇવ, ક્વિઝ સ્પર્ધા વગેરે યોજાશે. બીજો તબક્કો તા. ૯ થી ૧૨ ઓગસ્ટ દરમિયાન સમુદાયિક સફાઈ ઝુંબેશ, તિરંગા યાત્રા યોજાશે. 

સુરેન્દ્રનગર જિલ્લામાં “હર ઘર તિરંગા” અભિયાનની ઉજવણી અન્વયે જિલ્લા કલેકટરના અધ્યક્ષસ્થાને બેઠક યોજાઈ 

આઝાદીની ઉજવણી યાદગાર બનાવવા તેમજ નાગરિકોમાં રાષ્ટ્રધ્વજ અને દેશ માટે ગર્વની ભાવના પ્રબળ બને તે હેતુસર સુરેન્દ્રનગર જિલ્લામાં “હર ઘર તિરંગા” અભિયાન અને “તિરંગા યાત્રા” યોજાશે. જેના ભાગરૂપે આજે કલેકટર કચેરી સભાખંડ ખાતે જિલ્લા કલેકટરશ્રી રાજેન્દ્રકુમાર પટેલના અધ્યક્ષસ્થાને એક બેઠક યોજાઈ હતી. આગામી તા.૧૪ ઓગસ્ટના રોજ સુરેન્દ્રનગર ખાતે તિરંગા યાત્રાનું આયોજન કરવામાં આવ્યું છે.

કડી પોલીસે ગાંધીનગર FSLની ટીમનો કર્યો સંપર્ક 

પોલીસને બાતમી હતી કે બે શખ્સો ડ્રગ્સનું વેચાણ કરી રહ્યાં છે, ત્યારે બ્રાઉન રંગના કાકરા જેવો પદાર્થ કોથળીમાં હતો અને પોલીસે પૂછપરછ કરી તો બન્ને આરોપીઓએ કબૂલ્યું કે આ ડ્રગ્સ મેકેડ્રોન ડ્રગ્સ છે, પોલીસે તપાસ માટે નમૂના ગાંધીનગર fslમાં મોકલી આપ્યા છે, પોલીસે કુલ મળીને 2,43,100 નો મુદ્દામાલ જપ્ત કરી ગુનો દાખલ કરી કાયદેસરની કાર્યવાહી હાથધરી છે, પોલીસ આવા ડ્રગ્સ પેડલરો સામે સખ્ત કાર્યવાહી કરી રહી છે અને તેમને જેલના સળિયા પણ ગણતા કરી દીધા છે.

કડીમાંથી મેફેડ્રોન ડ્રગ્સ ઝડપાયું

કડીના કરણનગર ફાટકથી રિધમ હોસ્પિટલ રોડ ઉપર ડ્રગ્સનું વેચાણ કરતા બે શખ્સોને પોલીસે દબોચી લીધા છે, ઝડપાયેલ આરોપી પાસેથી 7.810 ગ્રામ એમડી ડ્રગનો જથ્થો મળી આવ્યો છે, કલોલના ફૈઝાન શેખ અને પરવેઝ ધુરધોયા નામના શખ્સો રીક્ષામાં ફરીને આ ડ્રગ્સનું વેચાણ કરતા હતા પોલીસે એમડી ડ્રગ અને રીક્ષા સહિત કુલ રૂપિયા 2.43 લાખનો મુદ્દામાલ ઝડપી લીધો છે, કડી પોલીસે આ કેસમાં ગુનો નોંધ્યો છે અને ઝડપાયેલ બન્ને શખ્સો કોની પાસેથી ડ્રગ્સ લાવીને વેચાણ કરતા હતા તે દિશામાં તપાસ કરી છે. 

મહેસાણાના કડીમાં રીક્ષામાં ફરીને ડ્રગ્સનું વેચાણ કરતા 2 શખ્સોને પોલીસે દબોચ્યા 

મહેસાણાના કડીમાંથી ફરી મેકેડ્રોન ડ્રગ્સ ઝડપાયું છે, કરણનગર ફાટકથી રિધમ હોસ્પિટલ રોડ પરથી આ ડ્રગ્સ ઝડપી પાડવામાં આવ્યું છે, ઝઢપાયેલા બન્ને આરોપી કલોલના છે અને કલોલથી કડી ડ્રગ્સ વેચવા માટે આવ્યા હતા, પોલીસને બાતમી મળતા બન્નેને ઝડપી પાડયા છે અને એનડીપીએસ એકટ હેઠળ ગુનો નોંધવામાં આવ્યો છે, 

બોપલના ઘુમામાં બે રાઉન્ડ ફાયરિંગની ઘટના 

આ ઘટનામાં કલ્પેશ ટુંડિયા નામના યુવકનું મોત થયું છે, મૃતક પાસેથી એક સ્યુસાઈડ નોટ પણ મળી આવે છે ત્યારે પોલીસે સ્યુસાઈડ નોટ પણ લીધી છે અને તપાસ શરૂ કરી છે, યુવકના મૃતદેહને પીએમ માટે મોકલી આપ્યો છે અને પીએમ થયા બાદ મૃતદેહ પરિજનોને સોંપવામાં આવશે, પોલીસે સોસાયટીના સીસીટીવી અને રોડ પરના સીસીટીવી તપાસ માટે લીધા છે, પરિવારનો સભ્યોનો આક્ષેપ છે કે આ હત્યા છે નહી કે આત્મહત્યા, ત્યારે પોલીસની તપાસમાં સત્યતા શું સામે આવે છે તે જોવાનું રહ્યું.

અમદાવાદના બોપલના શિવાલય રો હાઉસમાં ફાયરિંગ 

અમદાવાદના બોપલમાં શિવાલય રો હાઉસમાં ફાયરિંગની ઘટના બની છે, જેમાં ગાડીમાં આવેલા કેટલાક શખ્સોએ ફાયરિંગ કર્યુ હોવાની વાત સામે આવી છે, શેરબજારનું કામ કરતા યુવક પર ફાયરિંગ કર્યુ છે, તો પોલીસના જણાવ્યા અનુસાર આ ફાયરિંગ રૂપિયાની લેતીદેતીમાં થયું હોવાની શંકા સેવાઈ રહી છે, યુવક પર ફાયરિંગ થતા તેને સારવાર માટે હોસ્પિટલ ખસેડવામાં આવ્યો હતો પરંતુ તે પહેલા જ તેનું મોત થયું છે, બોપલ પોલીસે ગુનો નોંધીને વધુ તપાસ હાથધરી છે.  

અમદાવાદના બોપલ વિસ્તારમાં ફાયરિંગ થતા એક યુવકનું મોત 

અમદાવાદના બોપલમાં આવેલા ઘુમામાં મોડી રાત્રે ફાયરિંગની ઘટના બની છે, જેમાં શિવાલય રો હાઉસમાં ફાયરિંગ થતા પોલીસનો કાફલો ઘટના સ્થળે દોડી આવ્યો હતો, ફાયરિંગમાં કલ્પેશ ટૂંડિયા નામના યુવકનું મોત થયું છે અને યુવકને સારવાર મળે તે પહેલા તેનું મોત થયું છે, યુવક પાસેથી એક ચિઠ્ઠી પણ પોલીસને મળી આવી છે, ત્યારે આ ઘટનામાં હત્યા છે કે આત્મહત્યા છે તે દિશામાં પોલીસે તપાસ શરૂ કરી છે. 

સિઝનનો કુલ 63.63 ટકા વરસાદ વરસ્યો

રાજ્યમાં અત્યાર સુધીમાં સિઝનનો કૂલ 63.63 ટકા વરસાદ વરસ્યો છે. જેમાં સૌથી વધુ 67.55 ટકા વરસાદ દક્ષિણ ગુજરાતમાં નોંધાયો છે. આ ઉપરાંત કચ્છમાં 64.16, ઉત્તર ગુજરાતમાં 66.09, મધ્ય ગુજરાતમાં 66.12 અને સૌરાષ્ટ્રમાં 55.43 ટકા વરસાદ નોંધાયો છે. આ વખતે સૌરાષ્ટ્રમાં સૌથી ઓછો વરસાદ નોંધાયો છે. હાલમાં સૌરાષ્ટ્ર તરફી વરસાદી સિસ્ટમ સક્રિય હોવાને કારણે ત્યાં હળવાથી મધ્યમ વરસાદની આગાહી કરવામાં આવી છે.

હળવાથી મધ્યમ વરસાદની આગાહી

ગુજરાતમાં વરસાદે વિરામ લીધો છે.વરસાદી સિસ્ટમો ઘટી જતાં હવે તાપમાન ફરી ઊંચકાશે. આજે રાજ્યમાં હળવા વરસાદની આગાહી કરવામાં આવી છે. સૌરાષ્ટ્ર-કચ્છમાં હળવાથી મધ્યમ વરસાદ રહેશે.હાલ સૌરાષ્ટ્ર તરફ વરસાદી સિસ્ટમ સક્રિય છે.બીજી તરફ હવામાન વિભાગે ફરીવાર વરસાદની આગાહી કરી છે. આગામી સાત દિવસ હળવાથી મધ્યમ વરસાદની આગાહી કરવામાં આવી છે. અમદાવાદમાં ગાજવીજ સાથે હળવો વરસાદ થશે. મોન્સૂન ટ્રફ નોર્મલ પોઝિશનથી ઉત્તર તરફ જઈ રહ્યું છે. મોન્સૂન ટ્રફના કારણે હળવાથી મધ્યમ વરસાદની આગાહી કરવામાં આવી છે.

ગુજરાતમાં સામાન્ય છૂટો છવાયો વરસાદ પડે તેવી સંભાવના

કેટલાક જિલ્લાઓમાં વાદળછાયુ વાતાવરણ રહેશે અને દક્ષિણ ગુજરાતમાં સામાન્ય વરસાદ પડી શકે છે, મોન્સૂન ટ્રફની અસરથી સામાન્ય વરસાદ પડી શકે છે તેવી આગાહી કરવામાં આવી છે, સુરત, નવસારી, તાપી, ડાંગ જિલ્લામાં છૂટો છવાયો વરસાદ પડી શકે છે તેવી આગાહી હવામાન વિભાગ દ્વારા કરવામાં આવી છે. 

રાજયમાં ભારે વરસાદની સંભાવના નહીવત, વરસાદને લઈ ચિંતાજનક સમાચાર 

રાજયમાં હાલ ભારે વરસાદની સંભાવના નહીવત છે, રાજયમાં એક સપ્તાહ સુધી ભારે વરસાદની સંભાવના નહીવત છે અને છૂટાછવાયા વરસાદની આગાહી હવમાન વિભાગ દ્વારા કરવામાં આવી છે, વરસાદની સિસ્ટમ અચાનક ખોરવાઈ જતા ભારે વરસાદની આગાહી કરવામાં આવી નથી, તો 15 ઓગસ્ટ પછી વરસાદની નવી સિસ્ટમ બને તેવી શકયતાઓ હવામાન વિભાગ દ્વારા વ્યકત કરવામાં આવી છે. 

જેતપુરમાં ટેકાના ભાવે ખરીદેલ મગફળીની ચોરી

મગફળી જુદા-જુદા વેરહાઉસમાં રાખવામાં આવી હતી, બોલેરો ગાડી દ્વારા મગફળીની ગુણીની ચોરી કરવામાં આવી, 25 થી 28 લાખની મગફળીની ચોરી થયાનું અનુમાન.

જુનાગઢમાં રેલવે ટ્રેક પર આવેલા સિંહોનો બચાવ

5 જેટલા સિંહો રેલવે ટ્રેક પર આવી ચઢ્યા હતા, સિંહ પરિવારને જોઇ બ્રેક લગાવી ટ્રેન રોકી, વન વિભાગે સિંહ પરિવારને સુરક્ષિત દૂર કર્યો, જૂનાગઢ-વેરાવળ મીટરગેજ સેક્શન પર બની ઘટના, ચાલુ વર્ષે 29 સિંહોના જીવ બચાવવામાં આવ્યા.

અમદાવાદના ઓરિએન્ટ ક્લબમાં મારામારી

ક્લબમાં એન્ટ્રી મુદ્દે સભ્યો વચ્ચે મારામારી, સસ્પેન્ડેડ સભ્યના પરિવારે કરી મારામારી, સસ્પેન્ડેડ કરવાના બદલામાં હુમલાનો આક્ષેપ, ઓરિએન્ટ ક્લબ કમિટીના સભ્યને માર માર્યો, સભ્યોને માર મારી લૂંટ ચલાવ્યાનો આક્ષેપ, ધોકા-તલવાર સાથે હુમલો કર્યાનો આક્ષેપ, સભ્યોએ એલિસબ્રિજ પોલીસમાં નોંધાવી ફરિયાદ.

ઉત્તરાખંડમાં વાદળ ફાટતા તબાહી 

વાદળ ફાટતા ખીર ગંગા નદીમાં પૂર, ખીર ગંગામાં પૂરના કારણે રસ્તો ધોવાયો, ઉત્તરકાશીના ધરાલી જતો રસ્તો બંધ, રસ્તો ધોવાતા વાહન ચાલકો અટવાયા, SRDFની ટીમ દ્વારા રેસ્ક્યુ કામગીરી, માટી ખસી જતા રસ્તા પર પડ્યુ ગાબડુ.

હિમાચલના મંડીમાં ભારે વરસાદથી લેન્ડસ્લાઇડ 

લેન્ડ સ્લાઇડના કારણે રસ્તો થયો બંધ, ચંડીગઢ થી મનાલી તરફનો રસ્તો કરાયો બંધ, રસ્તા પર વાહનોની લાંબી કતારો લાગી, મંડી અને કુલ્લુમાં મોટા ભાગના રસ્તા પ્રભાવિત, રસ્તાઓ બંધ થયા વાહન ચાલકો અટવાયા.